ကိုဗစ်-၁၉ကပ်ရောဂါနှင့်အပြည်ပြည်ဆိုင်ရာစာပို့လုပ်ငန်းဝန်ဆောင်မှုများပျက်ပြားခြင်းကြောင့်ကျွန်ုပ်တို့၏ 'အခမဲ့ပုံနှိပ်စာအုပ်ဝန်ဆောင်မှု' ကိုယာယီရပ်ဆိုင်းလိုက်သည်။
ဤအခြေအနေ၏အခြေအနေအရကျွန်ုပ်တို့သည်ယခုအချိန်တွင်သင့်အားစာအုပ်များမပို့နိုင်သေးပေ။
ဤကပ်ရောဂါသည်မကြာမီကုန်ဆုံးပြီးစာတိုက်လုပ်ငန်းပြန်လည်စတင်ရန်ဆုတောင်းပါ။
مضمون 11: خیمۂ اِجتماع
[11-21] وڈا کاہن جیہڑا فدیہ دیہاڑے دی قربانی چڑھاؤنداسی <احبار ۱۶:۱۔۳۴>
> احبار ۱۶:۱۔۳۴ <
”تےہارُونؔ دیاں دو پُتراں دےمرن بعد جد اوہ خُداوند دے نیڑے آئے تے مَر گئے۔خُداوند نےمُوسیٰؔ نال گل کیتی تے خُداوند نے مُوسیٰ نُوں آکھیا اپنے بھرا ہارُونؔ نُوں آکھ پئی اوہ ہر ویلےپڑدےدے اندر دی بوہتی پاک تھاں اُتےسرپوش دے کول جیہڑا صندُوق دے اُتے ہیگااےنہ آیا کرے تاں پئی اوہ مَر نہ جائے ایس لئی پئی مَیں سرپوش اُتےبدّل وِچ وکھالی دیواں گا۔ تے ہارُونؔ بوہتی پاک تھاں اُتے اِس طرح آئے پئی غلطی دی قُربانی لئی اِک وچھا تے سوختنی قُربانی لئی اِک لیلالیائے۔ تےاوہ کتان دا پاک کُرتہ پائےتے اوہدے پِنڈےاُتے کتان دا پاجامہ ہوئےتے کتان دے لَک بھنن والے کپڑےنال اوہدالَک کسیا ہوئےتے کتان ای دی پگ اوہدے سِر اُتے بنھی ہوئے۔ا یہہ پاک بانےنیں تےاوہ ایہناں نُوں پانی نال نہاکےپائے۔ تے بنی اِسرائیل دیاں لوکاں توں غلطی دی قُربانی لئی دو بکرے تے سوختنی قُربانی لئی اِک لیلالوے۔تےہارُونؔ غلطی دی قُربانی دے لیلے نُوں جیہڑا اوہدےولوں اے چڑھاکے اپنے تے اپنے گھر لئی فدیہ دیوے۔فیر اوہناں دوآں بکریاں نُوں لَے کے اوہناں نُوں خَیمۂِ اِجتماع دے پھاٹک اُتے خُداوند دے اَگے کھڑا کرے۔ تےہارُونؔ اوہناں دوآں بکریاں لئی چِٹھّیاں پائے۔ اِک چِٹّھّی خُداوند لئی تے دُوجی عزازیلؔ لئی ہوئے۔تے جیہڑے بکرے اُتے خُداوند دے ناں دی چِٹھّی نکلے اوہنوں ہارُون لَےکےغلطی دی قُربانی لئی چڑھائے۔پر جیہڑے بکرے اُتے عزازیلؔ دے ناں دی چِٹھّی نِکلےا وہ خُداوند دے اَگے زِندہ کھلاریا جائے تاں پئی اوہدا فدیہ دِتا جائے تےاوہ عزازیلؔ لئی بیابان وچ چھڈ دِتا جائے۔تے ہارُونؔ غلطی دی قُربانی دے وچھے نُوں جیہڑااوہدےوَلوں اےاَگے لیاکےاپنےتےاپنےٹَبّرلئی فدیہ دیوےتےاوس وچھے نُوں جو اوہدےوَلوں غلطی دی قُربانی لئی اے ذبح کرے۔ تےا وہ اِک بخُور دان نُوں لوے جیہدےوِچ خُداوند دے مذبحےدی اُتلی اَگ دے انگیارے بھرے ہون تے اپنیاں مُٹھاں باریک خُوشبُودار بخُور نال بھر لوے تے اوہدے پڑدے اندر لیائے۔ تے اوس بخُور نُوں خُداونددے اَگےاَگ وِچ پائے تاں پئی بخُور دا دُھوں سرپوش نُوں جیہڑا شہادت دے صندُوق دے اُتےہیگااےلُکا لوے پئی اوہ مَر نہ جائے۔فیراوہ اوس وچھے دا کُجھ لہو لَے کے اوہنوں اپنی اُنگلی نال چڑھدے پاسے سرپوش دے اُتے تراؤنکے تے سرپوش دے اَگے وی کُجھ لہو اپنی اُنگل نال ست واری تراؤنکے۔فیرا وہ غلطی دی قُربانی دے اوس بکرے نُوں ذبح کرے جیہڑا لوکاں وَلوں ہیگاتے اوہدے لہونُوں پڑدےدے اندر لیا کے جیہڑا کُجھ اوہنے وچھے دے لہونال کِیتا سی اوہوای ایہدے نال وی کرے تے اوہنوں سرپوش دے اُتےتے اوہدے اَگے تراؤنکے۔تے بنی اِسرائیل دیاں ساریاں گندیاں کماں تےپاپاں تےغلطیاں دے سببوں بوہتی پاک تھاں لئی فدیہ دیوے تے اِنج ای اوہ خَیمۂِ اِجتماع لئی وی کرے جیہڑا اوہناں نال اوہناں دیاں گندیاں کماں نال رہندا اے۔تے جدا وہ فدیہ دین لئی بوہتی پاک تھاں دے اندر جائے تاں جد تیکر اوہ اپنے تے اپنے خنوادے تے بنی اِسرائیل دیاں ساریاں لوکاں لئی فدیہ دے کے باہر نہ آ جائے اوس ویلے تیکر کوئی بندہ خَیمۂِ اِجتماع دے اندر نہ رہوے۔فیرا وہ نِکل کے اوس مذبحے کول جیہڑا خُداوند دے اَگے ہیگا جائے تے اوہدے لئی فدیہ دیوے تے اوس وچھے تے بکرے دا تھوڑا تھوڑا لہو لَے کے مذبحےدیاں سِنگاں اُتے آلے دوالے لائے۔ تے کُجھ لہو اوہدے اُتے ست واری اپنی اُنگل نال تراؤنکے تےاوہنوں بنی اِسرائیل دیاں گندیاں کماں توں پاک تےصاف کرے۔ تےجداوہ بوہتی پاک تھاں تے خیمۂِ اِجتماع تے مذبحے لئی فدیہ دے لوے تاں اوس جیوندے بکرے نُوں اَگے لیائے۔تے ہارُونؔ اپنے دونویں ہتھ اوس جیوندے بکرے دے سِر اُتے رکھ کے اوہدے اُتے بنی اِسرائیل دیاں ساریاں بدکاریاں تے اوہناں دیاں ساریاں پاپاں تےغلطیاں دا اِقرار کرےتے اوہناں نُوں اوس بکرے دے سِر اُتےرکھ کے اوہنوں کسےبندےدے ہتھ جیہڑا ایس کم لئی تیار ہوئے جنگل وِچ گھل دیوے۔ تےا وہ بکرا اوہناں دیاں ساریاں بدکاریاں اپنے اُتےلدیاں ہویاں کسے اُجاڑ تھاں اُتے لَےجائے گا۔ سوا وہ اوس بکرے نُوں بیابان وچ چھڈدیوے۔ فیر ہارُونؔ خَیمۂِ اِجتماع وِچ آ کے کتان دے سارے بانے نُوں جِنہوں اوہنے بوہتی پاک تھاں اُتے جان ویلےپایاسی لاہوے تےاوس نُوں اوتھےای رہن دیوے۔فیرا وہ ایسے پاک تھاں اُتے پانی نال نہاکے اپنے کپڑے پالوے تے باہر آ کے اپنی سوختنی قُربانی تےلوکاں دی سوختنی قُربانی چاھڑےتےاپنے لئی تےلو کاں لئی فدیہ دیوے۔تےغلطی دی قُربانی دی چربی نُوں مذبحےاُتےساڑے۔تے جیہڑابندہ بکرے نُوں عزازیلؔ دے لئی چھڈ کے آئےا وہ اپنے کپڑے دھوئے تے پانی نال نہائے۔ ایہدے بعدا وہ لشکر گاہ وچ جائےتے غلطی دی قُربانی دے وچھے نُوں تےغلطی دی قُربانی دے بکرے نُوں جِنہاں دا لہوبوہتی پاک تھاں اُتےفدیہ لئی پوہنچایا جائے اوہناں نُوں ا وہ لشکر گاہ توں باہر لے جان تے اوہناں دی کھَل تے گوشت تے پاخانےنُوں اَگ وِچ ساڑ دین۔تے جیہڑااوہناں نُوں ساڑے اوہ اپنے کپڑے دھوئے تےپانی نال نہائے۔ ایہدے بعدا وہ لشکر گاہ وچ جائے۔تےایہہ تُہاڈے لئی اِک سدادا قانُون ہوئےپئی ستویں مہِینے دی دسوِیں تارِیخ نُوں تُسی اپنی اپنی جان نُوں دُکھ دینا تے اوس دِن کوئی بھاویں ا وہ دیسی ہوئے یا پردیسی جیہڑا تہاڈے وِچکار رہندا ہوئے کِسے طرح دا کم نہ کرے۔کیوں جو اوس دِن تُہاڈے واسطے تُہانوں پاک کرن لئی فدیہ دِتا جائے گا۔ سو تُسی اپنیاں ساریاں پاپاں توں خُداوند دے اَگے پاک ٹھہرو گے۔ایہہ تُہاڈے لئی خاص اَرام دا سبت ہو ئےگا۔ تُسی اوس دِن اپنی اپنی جان نُوں دُکھ دینا۔ ایہہ سدادا قانون اے۔تے جیہڑا اپنے باپ دی تھاں اُتے کاہِن ہون لئی مَسح تے مخصُوص کِیتاجائے اوہ کاہِن فدیہ دِتا کرے یعنی کتان دے پاک بانے نُوں پا کے۔اوہ ہیکل لئی فدیہ دیوے تے خَیمۂِ اِجتماع تے مذبحے لئی فدیہ دیوے تے کاہناں تے جماعت دیاں ساریاں لوکاں لئی فدیہ دیوے۔سو ایہہ تُہاڈے لئی اِک سدادا قانُون ہوئےپئی تُسی بنی اِسرائیل واسطے ورہےوِچ اِک واری اوہناں دیاں ساریاں پاپاں دا فدیہ دیوو۔تے اوہنے جِویں خُداوند نے مُوسیٰ نُوں حُکم دِتا سی اُنج ای کیِتا۔“
وڈاکاہن اوہ بندہ سی جیہڑا اسرائیلیاں لئی فدیہ دیہاڑے دی قربانی چڑھاؤندا سی ۔ایہہ قربانی اسرائیلی کیلنڈر مطابق ستویں مہینے دی دسویں تاریخ نوں سال وچ اِک واری چڑھائی جاندی سی ۔ ایس دن جویں پئی وڈاکاہن ہارون اسرائیلیاں بدلے اوہناں لئی قربانی چڑھاؤنداسی ، اوہناں دیاں ساریاں بدکاریاں اصل وچ قربانی دے ایس پشُو اُتے لدیاں جاندیاں سن تے پاک ہو جاندیاں سن ۔ ایس لئی فدیہ دیہاڑہ اسرائیلیاں لئی اِک وڈا دیہار بن گیا ۔
دوجیاں قربانیاں وانگر ، فدیہ دیہاڑے دی قربانی وی تِن مقرر کیتے گئے معیاراں مطابق مکمل ہوندی سی : بے پاپ قربانی دا پشُو ، ہتھاں دا رکھیا جانا تے قربانی دے پشُو دا لہو وگاؤنا ضروری سی۔ خُدا فیر خوشی نال قربانی نوں قبول کردا سی جیہڑی ایس طریقےنال دتی جاندی سی ۔ ایس قربانی وچ دوجیاں قربانیاں توں جیہڑی شے وکھری سی اوہ ایہہ سی پئی وڈے کاہن نوں بوہتی پاک تھاں اُتے ایس قربانی دے پشُو دا
لہو لَے کے جانا پیندا سی ۔
اپنے آپ تے اپنے خنوادے لئی قربانی دین دے بعد، وڈاکاہن ہارون خُدا اگے اسرائیلیاں لئی دوبکرے چڑھاؤندا سی ۔ پہلا، اوہ اوہناں وچوں اِک بکرا خُداوند خُدا لئی اوسے طریقے دے بالکل مطابق چڑھاؤندا سی جویں اوہ وچھےنال پاپ دی قربانی چڑھاؤندا سی ۔ تے فیر اوہ دوجا بکرا عزازیل لئی چڑھاؤندا سی ۔ اوہ اسرائیلیاں دیاں پاپاں نوں اسرائیلیاں دے ہوندیاں ہویاں عزازیل اُتے یعنی ایہدے سِر اُتے اپنے ہتھ رکھن نال لد دیندا سی ،تے ایہہ بکرا جیہڑا اوہناں دے پاپ قبول کر چُکیا سی فیر اِک ٹھیک بندے دے ہتھیں بیابان وچ گھلیاجاندا سی ۔
فدیہ دیہاڑے دی قربانی نے اسرائیلیاں دیاں ساریاں پاپاں نوں پاک کر دتا
فدیہ دیہاڑے اُتے وڈا کاہن ، اسرائیل دا آگُو بن دیاں ہویاں ، قربانی دے پشُو دے سِر اُتے اوہدے اُتے اپنے ہتھ رکھ کے اوہناں دیاں پاپاں نوں لد دیندا سی۔اوہ دوجیوندے بکرے لیاؤندا ، اوہناں اُتےدو چِٹھیاں—اِک خُدا لئی تے دوجی اسرائیلیاں لئی پاؤندا سی ۔
ایتھے ہتھاں دے رکھے جان دا مطلب قربانی دے پشُو اُتے یعنی ایہدے سِر اُتے ہتھ رکھن نال ساریاں پاپاں نوں اوس اُتے لدنا اے ۔ ہتھاں دا ایہہ رکھیا جانا خُدا ولوں مقرر کیتا گیا پاپ نوں دھون دا طریقہ سی ، تے نویں عہد نامے دے زمانے وچ وی ،ایہو ای طریقہ ہتھاں دے رکھے جان دی شکل وچ برابر طریقے نال یِسُوعؔ دے واسطے اِنج ای لوکاں دیاں ساریاں پاپاں نوں دھون اُتے لاگُو ہونا سی ۔ وڈے کاہن نوں اپنیاں پاپاں ،تے اپنے خنوادے دیاں پاپاں نوں مکاؤن لئی ،تےاسرائیلیاں دیاں سارے ورہے دیاں پاپاں نوں مکاؤن لئی ، اوہنوں خاص کرکے بکرے دے سِر اُتے ہتھ رکھنے پیندے سن تے ایہہ سارے پاپ ایس اُتے لدنے پیندے سن ۔ تاں پئی وڈاکاہن قربانی دے پشُو اُتے ایہدے سِر اُتے اپنے ہتھ رکھ کے اسرائیلیاں دیاں پاپاں نُوں ایس اُتے لددا سی ، ایس لئی اسرائیل دے سارے ورہے دے سارے پاپ مُک جاندے سن ۔ ایس طرح ، فدیہ دیہاڑے دے راہیں ، اسرائیلی خُدا دا اوہناں نوں اوہناں دیاں ساریاں پاپاں توں بچاؤن لئی شکر ادا کر سکدے سن ۔
ہر اِک جنہے پاپ کیتا اے اوہنوں لازمی نِندیاجانا چاہی دا اے ۔ قربانی دے پشُو نوں لوکاں دیاں پاپاں لئی فدیے لئی لعنتی ٹھہرن واسطے، ایہنوں پہلاں اوہناں دے پاپ قبول کرنے پینے سن ۔ جے وڈا کاہن ایہدے سِر اُتے اپنے ہتھ رکھیوں بغیر خُدا نوں قربانی چڑھاؤندا سی ، تاں ایہہ قربانی فیر خُدا دے خلاف کفر ہوندی ، تے ایس طرح اوہنوں اِنج کرن توں بچناسی ۔ ساریاں لوکاں نوں بچاؤن لئی جیہڑے پاپیاں وچ بدل گئے سن، خُدا نوں ہتھاں دے رکھے جان دے طریقے نال پوراہویا اپنا مکتی دا ارادہ قیم رکھنا سی ۔ اسرائیلیاں دیاں پاپاں نوں مکاؤن لئی ، خُدا نے وڈے کاہن نوں کھلاریا تے اوہناں دے نمائندے وانگر قربانی دے پشُو دے سِر اُتے اپنے ہتھ رکھن نال اِکو ای واری سدالئی اپنیاں ساریاں لوکاں دے پاپ اوہدے اُتے لدن دے لائق بنایا ۔ ایس طرح ، سارےقربانی دے پشُو جیہڑے خیمۂ اِجتماع وچ خُدا اگے چاڑھے جاندے سن ہتھاں دے رکھے جان نال اسرائیلیاں دیاں پاپاں نوں قبول کردے سن ، تے اوہ اوہناں بدلے پاپ دی لعنت جردے ، اپنا لہو وگاؤندے تے مرجاندے سن ۔
خُدا دی محبت تے راستبازی ساری دی ساری پوری کرن لئی ، اسرائیلیاں نوں فدیہ دیہاڑے دی قربانی دے پشُودے سِر اُتے وڈے کاہن دے ہتھ رکھن تے ورہے وچ اِک واری فدیے لئی اوہناں دا لہو وگاؤن لئی اوہناں دے گَل وڈ کے قربانی چڑھاؤنی پیندی سی ۔ دوجیاں اکھراں وچ ، ایس قربانی نال ، خُدا اِکو ای واری سدا لئی اسرائیلیاں دے سارے ورہے دے سارے پاپ دھونا چاہندا سی ۔ ایہہ خُدا دی محبت دی شریعت سی جنہے اوہدے ترس تے اوہدے انصاف دوآں نوں پورا کیتا ۔ ایس لئی پئی خُدا جج اے ، اپنی عادل شریعت دے بالکل مطابق اِکو ای واری لوکاں دیاں پاپاں نوں مکاؤن لئی ، خُدا نے یِسُوعؔ مسیح لیلے نوں تیار کیتا ، اوہنوں ہتھاں دے رکھے جان نال پاپ چُکن ، تے سولی اُتے اوہنوں لہو وگاؤن دے لائق کیتا ۔
یِسُوعؔ ، جنہے اپنے آپ نوں سدا دی قربانی لئی قربان کیتا ، ایس طریقے نال ہرکسے دیاں پاپاں نوں اِک ای واری سدا لئی چُک لیا ، اِکو ای واری اپنا لہو وگایا ، تے اِنج پاپ توں اوہناں دی مکتی نوں کامل کر چُکیا اے ۔ ایس طرح ، سانوں ، وی ،لازمی ایمان رکھ کے خُدا دے اگےآؤنا چاہی دا اے جیہڑااسمانی، ارغوانی، تےلال دھا گے تےمہین وٹے ہوئے کتان وچ ظاہر کیتی گئی مکتی دی ایس سچیائی اُتے ایمان رکھدا اے ۔ ایہہ ایس ایمان دے راہیں ہیگا اے پئی سارے پاپ چھیتی نال اِک ای واری معاف ہو سکدے نیں ۔ ایس لئی ، جیہڑا وی پاپ دی معافی اِکو ای ویلے پاؤنا چاؤہندا اے اوہنوں خُدا کول اوس ایمان نال آؤنا چاہی دا اے جیہڑا پانی تے رُوح دی خوشخبری اُتے سچ مُچ ایمان رکھدا اے ۔
ہتھاں دے رکھے جان دامطلب
ہتھاں دےرکھےجان دامطلب،”لدنا،تھاں بدل دینا،یادفن کرنا“اے(احبار ۱:۳۔۴)۔ جدعام اسرائیلیاں وچوں کوئی بندہ ارادہ کیتیوں بغیر پاپ کردا سی تے بعدوں اوہنوں ایہداپتہ لگدا سی ،تاں اوہنوں خُدا دے اگے غلطی دی قربانی چڑھاؤنی پیندی سی (احبار ۴:۲۷۔۲۹)۔اوہنوں پہلاں قربانی دا بے پاپ پشُو لیاؤنا پیندا سی ،تے فیر اپنے پاپ اوس اُتے اوہدے سِر اُتے اپنے ہتھ رکھ کے لدنے پیندے سن ۔ تےاوہدا گَل وڈنا پیندا ،اوہ اوہدا لہو کڈھدا ، تے فیر ایہہ لہو کاہن نوں دے دیندا(احبار ۴:۲۷۔۳۱)۔ فیر کاہن نوں اپنی اُنگل نال اوہدے لہو وچوں کُجھ لینا پیندا، اوہنوں سوختنی قربانی دیاں سِنگاں اُتے لاؤنا پیندا ، تے باقی لہو قربانگاہ دی نیہ اُتے ڈوہل دیندا سی ۔ اوہنوں ایہدی چربی وی قربانگاہ اُتے ساڑنی پیندی ، تے فیر خُدا سڑن والی قربانی دی میٹھی خُوشبُو سُنگھدا جیہڑی ایس قربانی وچ چاھڑی جاندی سی ۔
سانوں پہلاں ای پتہ لگ گیا اے پئی اسرائیلیاں دے پاپ مکاؤن لئی ، خُدا نے فدیہ دیہاڑے دی قربانی تیار کیتی جِتھے قربانی دے پشُو اُتے ہتھ رکھے جاندے سن تے اوہدا لہو کڈھیا جاندا سی ۔ ایہو جیہے حال وچ وی ، خُدا قربانی دے پشُواُتے ہتھ رکھیوں بغیر اسرائیلیاں دے پاپ نئیں دھو سکدا سی ۔ ایس طرح ، فدیہ دیہاڑےدی قربانی جیہڑی پُرانے عہد نامے وچ دتی جاندی سی ، نویں عہد نامے دے زمانے وچ یِسُوعؔ دے بپتسمے تے لہو نال چوکھا میل جول رکھدی اے ۔
جِویں پُرانے عہد نامے دے قربانی دے پشُونوں بے پاپ ہونا پیندا سی ، ایسے طرح ، نویں عہد نامے دے زمانے وچ وی ، یِسُوعؔ خُدادے بے پاپ لیلےوانگر آیاآیا ، تے بپتسمہ لیا تے ساریاں پاپیاں دیاں بدکاریاں دھون لئی سولی اُتےاپنا لہو وگایا ۔ جِویں قربانی دے پشُونُوں پُرا نے عہد نامے وچ ہتھاں دے رکھے جان نال پاپیاں دیاں بدکاریاں قبول کرنیاں پیندیاں سن ، جگ دے سارے پاپ یِسُوعؔ اُتے لدے گئے سن جد یوحنا بپتسمہ دین والے نیں یردن دے دریا اُتے بپتسمہ دین لئی یِسُوعؔ دے سِر اُتے اپنے رکھے (متی ۳ : ۱۵)۔ پرانے عہد نامےدےقربانی دے پشُوتے نویں عہدنامےدے یِسُوعؔ نوں اِکو جیہا ہتھاں دا رکھیا جانا قبول کرناتے اوسے طریقے نال مرن لئی لہو وگاؤنا سی ۔ ہتھاں دے رکھے جان تے لہو وگاؤن دی قربانی اوہو ای قربانی جیہڑی پُرانےتے نویں عہد نامے دوآں وچ اِکو ای طریقے نال پاپیاں لئی بنائی گئی سی ۔
لوکاں دیاں پاپاں دی لازمی طریقے نال خُدا دے عذاب مطابق پیروی ہوندی اے
خُدا دے اگے ، اسی پاپی ساں جیہڑے بچ نئیں سکدے ساں سگوں اپنیاں پاپاں دے سببوں مر جاندے ، بالکل غلطی دی قربانی وانگر جیہڑی اوہناں پاپاں لئی جیہڑے ایہنے چُکے سن ذبح ہوندی سی ۔ جد اسی ایس قربانی دے پشُو دا ٹوٹے ٹوٹے ہونا تے سوختنی قربانی دی قربانگاہ اُتے اَگ نال سڑن بارے سوچدے آں ،تاں اسی سمجھ سکدے آں پئی اوہدے وانگر ، اسی وی خُدا دے اگے فناہ ہون دے لائق ساں ، پر خُداوند سانوں یوحنا کولوں بپتسمہ لین تے اپنا لہو وگاؤن دے سبب بچاچُکیا اے ۔
ایس طرح ، اوہناں نوں جیہڑے نویں سِریوں جمے نئیں ہیگے لازمی اپنے آپ نوں خُدا دے اگے اپنیاں پاپاں لئی ڈاہدی لعنت نوں جرن والیاں پاپیاں وانگر مننا چاہی دا اے تے خُداوند دے بپتسمے تے لہو اُتے اپنی مکتی لئی ایمان رکھنا چاہی دا اے ۔ سانوں ساڈیاں پاپاں توں بچاؤن لئی یعنی اوہناں دی سزا سانوں دین دی بجائے، خُدا نے مکتی دی قربانی تیار کیتی ، ساڈے پاپ سدا دی قربانی دے ایس لیلے اُتے لد دِتے ، اوہدا لہو وگایا ، تے اِنج ساڈیاں ساریاں پاپاں نوں مکا چُکیا اے(احبار ۱۶:۱۔۳۴؛ رومیوں ۸:۳۔۴؛ عبرانیوں ۱۰:۱۰۔۱۲)۔کیہ تُسی ہُن وی اپنیاں دلاں وچ پاپ رکھدے او؟ فیر تہانوں لازمی پہلاں خُدا دے اگے مننا چاہی دا اے پئی تُسی خُدا دی سزا نوں جرن والے پاپی او ، تے تہانوں لازمی ایما ن رکھنا چاہی دا اے پئی یِسُوعؔ مسیح دے راہیں خُدا تہاڈی مکتی دا منصوبہ پورا کر چُکیا اے جیہڑا اوہ ایتھوں تیکر پئی جگ بناؤن توں پہلاں ترتیب دے چُکیا سی ۔
پاپ دا کفارہ جائز فدیہ دِتیوں بغیر نئیں دتا جا سکدا ۔ ایس لئی خُدا اسرائیلیاں نوں قربانی دا طریقہ دے چُکیا سی ۔ ایس قربانی دے طریقے وچ ،صرف اوہ قربانی جیہڑی ہتھاں دے رکھے جان تے لہو وگاؤن
دے رہیں پوری ہوندی سی ایمان دی اصل قربانی سی جیہڑی اسرائیلیاں دیاں پاپاں نوں دھو سکدی سی ۔
ایمان رکھ کے ،سانوں لازمی خُدا نوں ایہو ای قربانی چڑھاؤنی چاہی دی اے جیہڑی پاک کلام وچ لکھے قربانی دے طریقے دے بالکل مطابق، ہتھاں دے رکھے جان تے لہووگاؤن والی اے ۔ خُداوند نے اپنا لہو وگایا ایس لئی پئی اوہنے اپنے بپتسمے نال ساڈیاں پاپاں نوں چُکیا سی ، بے ترسی نال ساڈے بدلے پاپ دی سزا جری ،تے اِنج ساڈیاں ایہناں پاپاں نوں مُکا دتا (متی ۳:۱۵؛ یوحنا ۱:۲۹؛ یسعیاہ ۵۳:۱۔۷)۔جد اسی پانی تے رُوح دے اُتے ایمان رکھدے آں ، تے جداسی خُداوند اُتے اپنے ہتھ رکھدے آں جیہڑا ساڈا قربانی دا لیلا بن گیا اے تے اِنج اپنے سارے پاپ اوس اُتے لددے آں ، تاں اسی ایمان رکھن نال پاپ دی معافی پا سکدے آں پئی خُداوندجنہے ساڈیاں پاپاں نوں چُک لیااوہنے ساڈے بدلے پاپ دی سزا وی جری ۔پانی تے رُوح دی خوشخبری اُتے ایمان رکھ کے ، اسی اپنے سارے پاپ خُداونداُتے لد سکدے آں جیہڑا ساڈا قربانی دا لیلا بن گیااے،تے اسی اوہدے نال مر سکدے آں تے اوہدے نال جیوں سکدے آں(رومیوں ۶:۱۔۱۱؛ گلتیوں ۳: ۲۷)۔
فدیہ دیہاڑے دی قربانی توں سانوں جیہڑےرُوحانی سبق سِکھنے چاہی دے نیں ، اوہ ایہہ ہیگے نیں پئی سب توں پہلاں ، سانوں اپنیاں پاپاں نوں تے اپنیاں پاپاں دی سزا نوں پچھاننا چاہی دا اے ،تے فیر سانوں ایمان دی اوہ قربانی چڑھاؤنی چاہی دی اےجنہوں خُدا قبول کرنا چاؤہندا اے — یعنی ، سانوں یِسُوعؔ اُتے ایمان رکھنا چاہی دا اے جنہے اپنے بپتسمے تے سولی اُتے لہو وگا کے ساڈی مکتی پوری کیتی ۔ سانوں لازمی اوہدے بپتسمے اُتے ایمان رکھ کے یِسُوعؔ دے سِر اُتے اپنے ہتھ رکھنے چاہی دے نیں ۔ کیوں ؟ ایس لئی پئی جد اسی ایمان رکھ کے قربانی دے لیلے اُتے اپنے ہتھ رکھدے آں تے اوہدا لہو کڈھدے آں فیر ای اسی اپنیاں ساریاں پاپاں توں مکتی یافتہ ہو سکدے آں ۔
ایس طرح ، جیہڑا وی خُدا دے اگے اپنیاں پاپاں توں معاف ہونا چاؤہندا اے اوہنوں زندگی دا فدیہ دینا چاہی دا اے ، ایس لئی پئی پاپ دی مزدُوری موت اے ۔ بھاویں امیر ہوئے یا غریب ، لازمی قربانی دا لیلا ہونا چاہی دا اے جیہڑا کسے دیاں پاپاں دی مزدُوری تے زندگی دے فدیے دا مُل اُتاردا اے ۔ جد تیکر اِنج نئیں ہوندا اے، کوئی وی ایمان رکھ کے پاپ دی معافی پا نئیں سکدا ۔
پرانے عہد نامے دےفدیہ دیہاڑے دی قربانی
آؤاسی احبار ۱۶:۶۔ ۱۰وَل دھیان کرئیے : ” تےہارُونؔ غلطی دی قُربانی دے لیلے نُوں جیہڑا اوہدےولوں اے چڑھاکے اپنے تے اپنے گھر لئی فدیہ دیوے۔فیر اوہناں دوآں بکریاں نُوں لَے کے اوہناں نُوں خَیمۂِ اِجتماع دے پھاٹک اُتے خُداوند دے اَگے کھڑا کرے۔ تےہارُونؔ اوہناں دوآں بکریاں لئی چِٹھّیاں پائے۔ اِک چِٹّھّی خُداوند لئی تے دُوجی عزازیلؔ لئی ہوئے۔تے جیہڑے بکرے اُتے خُداوند دے ناں دی چِٹھّی نکلے اوہنوں ہارُون لَےکےغلطی دی قُربانی لئی چڑھائے۔پر جیہڑے بکرے اُتے عزازیلؔ دے ناں دی چِٹھّی نِکلےا وہ خُداوند دے اَگے زِندہ کھلاریا جائے تاں پئی اوہدا فدیہ دِتا جائے تےاوہ عزازیلؔ لئی بیابان وچ چھڈ دِتا جائے۔“
اسرائیلیاں نوں ایمان رکھن نال اپنیاں پاپاں دی معافی پاؤن دے لائق بناؤن لئی ، وڈا کاہن، اوہناں ولوں ، اوہ قربانی چڑھاؤندا سی جیہڑی ہتھاں دے رکھے جان تے لہو وگاؤن نال پوری ہوندی سی ۔ تاں فیر،اَج دیاں مسیحیاں دا ایمان کِنج دا اے ؟ کیہ ایہہ خیالاں والا تے بے تُکا ایمان نئیں ہیگا جیہدی قربانی ایتھوں تیکر پئی اپنے پاپ لدیوں بغیر پاپ دی معافی پاؤن دی کوشش کردی اے ؟ جے تُہاڈا ایمان اوس طرح دا ایمان نئیں ہیگا جیہڑا ہتھاں دے رکھے جان نال ، یِسُوعؔ مسیح اُتے تہاڈیاں پاپاں نوں لد چُکیا اے، تاں تُسی اِک مسئلے وچ پھسے او ۔ جد تیکر تہاڈا ایمان اوہ ایمان نئیں ہیگا جیہڑا یِسُوعؔ دے بپتسمے تے اوہدے صلیبی لہو اُتے ایمان رکھدا اے ، ایہہ اصلی ایمان نئیں ہو سکدا ۔
اسی بچ نہ سکے سگوں خُدا دے اگے شریعت اُتے عمل کرن توں ناکام ہوئےتے سارے پِچھلے ورہے وچ ہر طرح دے پاپ کیتے ۔ ایس لئی جے اسی پُرانے عہد نامے دے زمانے وچ رہندے ہوندے، تاں سانوں غلطی دی قربانی اُتے ایمان رکھن نال اپنیاں پاپاں دی معافی پاؤن دی لوڑ ہوندی جیہڑی وڈا کاہن ساڈے لئی چاھڑ چُکیا ہوندا۔خُدااگے ایمان دی قربانی چاھڑن لئی ، سانوں سب توں پہلاں ایہہ مننا چاہی دااے پئی اسی اپنیاں پاپاں دے سببوں فناہ ہون دے لائق آں ، تے سانوں لازمی فیر ہتھاں دے رکھے جان اُتے ایمان رکھنا چاہی دا اے جیہڑا قربانی دے پشُو اُتےخُدا نے ساڈے لئی تیار کیتا ساڈیاں ساریاں پاپاں نوں لددا اے ۔
تاں پئی قربانی دے پشُو اُتے ہتھاں دا رکھیا جانا تے اوہدا لہو وگاؤنا مکتی دی طاقت رکھدے سن ،پُرانے عہد نامے دے لوک ایس قربانی دے سببوں اپنیاں پاپاں دی معافی پاسکدے سن جیہڑی وڈاکاہن خُدا ولوں مقرر کیتے گئے قربانی دے طریقے مطابق چڑھاؤندا سی ۔ قربانی دے پشُواُتے اپنے ہتھ رکھن نال ، وڈا کاہن ایس اُتے اپنیاں لوکاں دے پورے ورہے دیاں پاپاں نوں لد دیندا، اوہدا گَل وڈھداتے اوہدا لہو کڈھدا ، تے ایہہ لہو سرپوش دے اگے تے ایہدے چڑھدے پاسے ست واری تراؤنکدا سی ۔ اِنج کرن نال ، اوہ ہر ورہے خُدا نوں ٹھیک قربانی چڑھاؤن توں باز نئیں آؤندا۔ ایس لئی اسرائیلی اوہناں دناں وچ پاپ دی معافی پا سکدے سن ۔
ایس طرح ، غلطی دی قربانی دےراہیں جیہڑی وڈاکاہن چڑھاؤندا سی ، اسرائیلی ایمان رکھدے تے اپنیاں دلاں وچ تصدیق کردے پئی اوہناں دے سارے پاپ اِنج معاف ہوگئے سن ۔ پُرانے عہد نامے دے فدیے دیہاڑے دی قربانی سانوں جو کُجھ وکھاؤندی پئی اے اوہ ہیگا اے پئی نویں عہد نامے وچ ، یِسُوعؔ مسیح نے جگ دیاں پاپاں نوں یوحناکولوں بپتسمہ لے کے چُک لیا تے سولی اُتے اپنا لہو وگایا ، تے ایہہ پئی سانوں لازمی یِسُوعؔ مسیح اُتے اپنے مکتی داتا وانگر ایمان رکھنا چاہی دا اے تے ایمان رکھ کےپاپ دی سدا دی معافی پاؤنی چاہی دی اے ۔ ایس جگ دیاں ساریاں لوکاں نوں جنہاں دے دل دُکھ جردے پئے تے اپنیاں پاپاں دی اَگ وچ سڑدے پئےنیں لازمی احساس کرناچاہی دا اے پئی اوہ پانی تے رُوح دی خوشخبری اُتے ایمان رکھ کے پاپ دی سدا دی معافی پا سکدے نیں، تے اوہناں نوں لازمی اپنیاں دلاں وچ ایس اُتے ایمان رکھنا چاہی دا اے ۔ایس طرح ، ساریاں پاپاں دی معافی دی قربانی پہلاں خُدا ولوں مقرر ہوگئی سی تے اوہدے راہیں پوراہون دا وعدہ کیتا گیا، تے ایہہ مکتی دا وعدہ وی اسمانی، ارغوانی، تےلال دھا گے تےمہین وٹے ہوئے کتان وچ ظاہر ہوندا اے جیہڑےخیمۂ اِجتماع دے سامان لئی ورتے گئے سن ۔
فدیہ دیہاڑے دی قربانی خیمۂ اِجتماع وچ پوری ہوئی
فدیہ دیہاڑے اُتے ، اسرائیلیاں دیاں ساریاں پاپاں دی فکر کرن لئی ، وڈاکاہن ساریاں اسرائیلیاں دے ہوندیاں ہویا ں قربانی دے پشُو دے سِر اُتے اپنے ہتھ رکھدا سی (احبار ۱۶: ۱۔۲۳)۔اوہدے لئی ایہہ بوہت لوڑی دا سی پئی اوہ اوہناں بدلے اوہدے سِر اُتے اپنے ہتھ رکھ کے قربانی دے پشُو اُتے اپنیاں پاپاں نوں لد دیوے ۔ جدوڈاکاہن ہارون اسرائیلیاں لئی خیمۂ اِجتماع دے اندر فدیہ دیہاڑے دی قربانی چڑھاؤندا سی ،تاں کوئی دوجا بندہ خیمۂ اِجتماع وچ جا نئیں سکدا سی ۔ ایہہ اِک خاص واقعہ سی ، ایس لئی پئی خیمۂ اِجتماع دے برانڈے وچ فدیہ دیہاڑے توں علاوہ بوہت چوکھے کاہن ہویا کردے سن۔
وڈاکاہن اسرائیلیاں دیاں پاپاں نوں قربانی دے پشُواُتے ایہدے سِر اُتے اپنے ہتھ رکھ کے لد دیندا، پاک تھاں اُتے ایس قربانی دا لہوجاندا، تے ایہنوں اپنی اُنگل نال سرپوش دے چڑھدے پاس تراؤنکدا ؛ تے اوہ ایہنوں ست واری سرپوش دے اگے وی تراؤنکدا سی (احبار ۱۶:۱۴)۔
ایس ویلے ،سونے دیاں ٹلیاں جیہڑیاں وڈے کاہن دے بانے دے کناریاں نال لگیاں ہوندیاں سن لازمی وجدیاں سن ، تے ایس طرح ہرواری جد اوہ سرپوش دے اگے تے چڑھدے پاسے لہو تراؤنکدا ، تاں ٹلیاں وجدیاں تے اسرائیلی جیہڑے خیمۂ اِجتماع دے باہر کھلوتے ہوندے سن ٹلیاں دی اواز سُن سکدے سن ۔ جد اسرائیلی ٹلیاں دی ایہہ اواز سُن دے ،تا ں اوہ سمجھ جاندے پئی وڈاکاہن ہُن اوہناں بدلے خُدا دے اگے قربانی چڑھاؤنداپیا اے ۔ تے کُل ست واری ٹلیاں دی اواز سُنن دے بعد، فیر اوہ سُکھ دا ساہ لیندے، ایس لئی پئی اوہ جان دے سن پئی فدیہ دیہاڑے دی قربانی چاھڑنا ہُن پورا ہو گیا سی ، ایہہ قربانی دے پورے ہون دی تصدیق کرنا سی جیہڑی اوہناں دے سارے ورہے دیاں پاپاں نوں معاف کردی سی ۔
ایہدے بعد ، وڈاکاہن خیمۂ اِجتماع توں باہر آؤندا ، دوجے بکرے نوں دوجی قربانی لئی لیندا،تے اسرائیلیاں دے سامنے فدیہ دیہاڑے دی ایس قربانی نوں چاھڑدا۔ خُدا اسرائیلیاں نوں فدیہ دیہاڑے کوئی کم نا کرن دا حکم دتا (احبار ۱۶:۲۰۔۲۱، ۲۹)۔ایس قربانی دے قربان ہون نوں ویکھن لئی خیمۂ اِجتماع دے باہرآلے دوالے اکٹھی ہوئی اسرائیل دی بوہت وڈی بھیِڑ نال ، وڈاکاہن اپنے فرض پورے کرن لئی قربانی دےبکرے دے سِر اُتے اپنے ہتھ رکھداتےایہنوں ٹھیک بندے دے ہتھ جنگل وچ گھل دیندا ۔
فدیہ دیہاڑے اُتے ، وڈاکاہن ،اسرائیلیاں اگے بکرا لیاؤندا ، اوہدے سِر اُتے اپنے ہتھ رکھدا تے بنی اسرائیل دیاں ساریاں پاپاں تے غلطیاں دا ، اوہناں نوں بکرے اُتے لددیاں ہویاں اقرار کردا۔ ”اے خُداوند ، مَیں ساریاں پاپاں دا اقرار کردا ہاں جیہڑے اسرائیلی پِچھلے ورہے وچ کر چُکے نیں ۔ اسی ساری شریعت نوں کامل طریقے نال قیم رکھن وچ ناکام ہوگئے آں، اسی تیرے خلاف تے اِک دوجے دے خلاف بے گنت پاپ کر چُکے آں ،اسی اوہ زندگی بسرکرن وچ ناکام ہوگئے آں جنہوں تُوں سانوں بسرکرن دا حکم دتا سی ، تے اسی ایہہ سب کُجھ کر چُکے آں جیہڑا تُوں سانوں نا کرن دا حکم دتا ۔ اسی پِچھے ورہےوِچ تیریاں حکماں وچوں بوہتیاں ساریاں نوں توڑیا اے۔اسی جھوٹھ بولے نیں۔ اسی قتل کیتے نیں ۔اسی زنا کیتا اے۔ اسی چوری کیتی اے۔“ ایس طرح ، وڈاکاہن اسرائیلیاں دیاں ساریاں پاپاں نوں اوہناں دے ہوندیاں ہویاں اوہدے سِر اُتے اپنے ہتھ رکھ کےقربانی دے بکرے اُتے لد دیندا،تے فیر ایہنوں اِک ٹھیک بندے دے ہتھوں بیابان وچ گھل دیندا سی ۔
ایس لئی پئی پاپ دی مزدُوری موت اے، خُدا اسرائیلیاں دیاں پاپاں نوں قبول کرن دے بعد قربانی دے بکرےنُوں زندہ رہن دی اجازت نئیں دے سکدا سی ۔قربانی دے بکرے نُوں جیہڑا بیابان وچ چھڈیا جاندا سی دُکھ جرنا تے اُجاڑ وچ مرنا پیندا سی ،ایس لئی پئی اوہنےساریاں پاپاں ، عیباں تےاسرائیلیاں دیاں غلطیاں نوں موہڈیاں اُتے چُک لیا سی ۔فیر ، سارے اسرائیلی تنبُو آں والی عید مناؤنا شروع کردے(احبار ۲۳:۳۴) ایس لئی پئی اوہ فدیہ دی قربانی دے راہیں ، اوہ پاپ جیہڑے اوہناں نوں پِچھلے اِک ورہے وچ قیدی کر چُکے سن ، دفع دُور کر چُکے سن ۔
ہتھاں دا رکھیا جانا اوہ طریقہ اے جیہدے راہیں ساریاں لوکاں دے پاپ قربانی دے پشُو اُتے لدے جاندے نیں۔ جد وڈاکاہن قربانی دے پشُواُتے اپنے ہتھ رکھدا ،تاں بنی اسرائیل دے سارے پاپ جیہڑے اِک ورہے دے اکٹھے ہو گئے سن اِکو ای واری بوہت چھیتی اوس اُتے لدے جاندے سن۔ ہر کسے دا تے ہر اِک اسرائیلی دا پاپ اِکو ای واری بوہت چھیتی وڈے کاہن دیاں ہتھاں دے رکھے جان نال قربانی دے پشُواُتےلدیا جاندا سی ۔
کیہ اَج دے لوکاں دے سارے پاپ وی ہتھاں دے رکھے جان نال قربانی دے پشُواُتے لدے جا سکدے نیں ، بالکل جویں اسرائیلیاں دیاں بدکاریاں پرانے عہد نامے وچ وڈے کاہن دیاں ہتھاں دے رکھے جان نال لدیاں جاندیاں سن؟ جے اِنج نئیں ہوندا سی ،تاں اَج دیاں لوکاں کول اپنیاں پاپاں دی معافی پاؤن دا راہ کِتھے ہیگا اے ؟ اَج دیاں لوکاں دے پاپ کون ، کویں تے کِہدے راہیں لدے جاندے نیں ؟ پُرانے عہد نامے دے زمانے وچ خُدا ولوں مقرر کیتے گیے قربانی دے طریقے دےوانگر ، یِسُوعؔ مسیح نے نویں عہد نامے دے زمانے وچ یوحنا بپتسمہ دین والے کولوں بپتسمہ لَے کے جگ دیاں پاپاں نوں چُک لیا ۔ بالکل جویں پورے ورہے دے پاپ اِکو ای واری چھیتی نال فدیہ دیہاڑے دی قربانی دے راہیں قربانی دے بکرے اُتے لدے جاندے سن جیہڑا وڈاکاہن اسرائیلیاں لئی چڑھاؤندا سی ، ایسے طرح ، ساڈے پاپ یِسُوعؔ اُتے لدے گئے جنہے یوحنا بپتسمہ دین والے ، اخیری وڈے کاہن توں بپتسمہ لیا ، تاں فیر ، اَج دیاں لوکاں دے سارے پاپ کِتھے نیں ؟ اوہ ہُن یِسُوعؔ مسیح دے سِر اُتے نیں ۔
بالکل جویں اوہدیاں ہتھاں دے رکھے جان نال وڈے کاہن دے راہیں اسرائیلیاں دے سارے پاپ بکرا قبول کردا سی ،اوسے طرح یِسُوعؔ ساڈے ساریاں لئی پاپ دی سدا دی معافی دی قربانی دا لیلا بن گیا جیہڑے ہُن ایس اَج دے زمانے وچ زندہ رہندے پئے آں ۔یِسُوعؔ جیہڑا ساڈا اپنا قربانی دا لیلا بن گیا جنہے اپنے آپ نوں قربانی دے لیلے وانگر ساڈیاں پاپاں لئی قربان کیتا ۔ دوجیاں اکھراں وچ، یِسُوعؔ نے یوحنا کولوں بپتسمہ لیا تے اپنے آپ نوں سولی اُتے چڑھن لئی قربان کیتا ، جویں پُرانے عہد نامے وِچ خُدا اسرائیلیاں لئی قربانی دا پشُومقررکر چُکیا سی تے اوہناں دیاں پاپاں نوں ایس قربانی دے پشُواُتے لد دِتا تے اوہناں بدلے اوہنوں سزادِتی ۔
قربانی دا بکرا جیہڑا بیابان وچ گھلیا جاندا سی اوہ بچ نئیں سکدا سی ، ایس لئی پئی اوتھے پانی نئیں سی سگوں صرف ریتلی اُجاڑ وچ بَل دی ہوئی دُھپ سی ۔ایسے طرح ، یِسُوعؔ ، وی ، بچ نا سکیاسگوں سولی اُتے مریا، ایس لئی پئی اوہ پہلاں ای اپنے بپتسمے دے راہیں ساریاں لوکاں دے یعنی جگ دیاں پاپاں نوں اپنے اُتے لَے چُکیا سی ۔ جویں قربانی دا لیلا مار دین والے بیابان وچ چھڈ دتا جاندا سی ، یِسُوعؔ توں جنہے جگ دیاں پاپاں نوں چُک لیا سی وی بڑیاں لوکاں نیں نفرت کیتی تے اوہنوں گیا گواتا سمجھیا۔ جے قربانی دےبکرے نوں جنگل وچ لے جاندے تے اُجاڑ، بے آباد ھرتی ، اُتے چھڈ دیندے سن ، تاں کیہ وہ ایدھر اودھر، اخیر وچ صرف تریہہ نال مرن لئی نا ترلے پاؤندا؟
ایس طریقے نال ، یِسُوعؔ نوں جنہے ساڈیاں پاپاں نوں قبول کیتا بڑیاں لوکاں نیں رَدّ کیتا ،تے اوہنوں ساڈیاں پاپاں دی سزا جرن لئی سولی چڑھنا پیا ، اپنا لہو وگاؤنا پیا تے مرنا پیا۔ ایہہ اوہ مکتی سی جیہڑی یِسُوعؔ مسیح نے ساڈے لئی پانی تے رُوح دی خوشخبری وِچ اوہدی اصل مکتی دین لئی پوری کیتی ۔
اسرائیلیاں نیں اپنیاں اکھاں نال پاپ دی قربانی دے فدیے دا کم ویکھیا تے ایس اُتے اپنے سچے دلوں ایمان رکھیا ۔ اوہناں وانگر ، اسی ، وی ، ہُن ویکھن،سُنن تے اپنیاں دلاں وچ یِسُوعؔ مسیح دیاں راستبازی دیاں کماں اُتے ایمان رکھ کے اپنیاں پاپاں دی معافی پا سکدے آں ۔ ایہہ سانوں دسدا اے پئی یِسُوعؔ مسیح یوحنا کولوں بپتسمہ لوے گا ، جگ دیاں پاپاں نوں چُکے گا ،سولی چڑھے گا ، اپنا لہو وگائے گا ، مرے گا تے فیر مویاں وچوں جیوں اُٹھے گا تے ایہہ پئی اسی اپنیاں رُوحانی اکھاں نال ایہہ ساراویکھن تے اپنیاں دِلاں وچ اوہناں اُتے ایمان رکھ کے مکتی یافتہ ہو سکدے آں ۔
فدیہ دیہاڑے دی ایہہ قربانی اوس ویلے تیکر جاری رہوے گی جد تیکر اسرائیلی ایس دھرتی اُتے جیوندے نیں ۔ اوہ حالے وی اپنے کیلنڈر مطابق ستویں مہینے دی دسویں تاریخ نوں فدیہ دیہاڑے دی قربانی دیندے نیں ، ایس لئی پئی خُدا نے اوہناں نوں حکم دتا سی ، ”سو ایہہ تُہاڈے لئی اِک سدادا قانُون ہوئےپئی تُسی بنی اِسرائیل واسطے ورہےوِچ اِک واری اوہناں دیاں ساریاں پاپاں دا فدیہ دیوو۔“(احبار ۱۶:۳۴)۔اسرائیلیاں نوں ایس طرح فدیہ دیہاڑے دی قربانی دین دے لائق بنا کے ، خُدا نے اوہناں اُتےاپنا ترس کیتا تاں پئی اوہناں دے سارے پاپ دُھل جان تے اوہ ایہناں پاپاں دی سزا توں مکتی پاؤن ۔
بالکل ایسے طرح ، اَج دیاں لوکاں لئی وی ، خُدا اوہناں نوں احساس کرن دے لائق کر چُکیا اے پئی یِسُوعؔ نے یوحنا کولوں بپتسمہ لَے کے اپنے آپ اُتے جگ دیاں پاپاں نوں جریا، سولی چڑھیا، تے اِنج پاپ نوں پاک کرن دا سدا دا کم سارے دا سارا پورا کر چُکیا اے ۔ یِسُوعؔ مسیح نے اپنے بپتسمے نال ساریاں لوکاں دیاں پاپاں نوں موہڈا دتا تے اسمانی سدا دا وڈا کاہن بن گیا اے ۔ ہُن ، کُجھ ہور نئیں ہیگا جیہڑا ساڈے بدلے ساڈی مکتی لئی کرن لئی باقی اےسگوں صرف ایس سچیائی اُتے ایمان رکھناچاہی دا اے ۔
وڈے فدیے دی قربانی جیہڑی مسیحا نے اپنے آپ نوں دے کے خُدا باپ اَگے پیش کیتی
خُدا نے کیوں اسرائیلیاں نوں اپنے اگے فدیہ دیہاڑے دی قربانی چاھڑن دا حکم دتا ؟ اوہنے اِنج ایس لئی کیتاتاں پئی اوہ اپنے ایمان رکھ کے ، اوس دن نوں اُڈیکن جدخُدا باپ اپنے پُتر یِسُوعؔ مسیح نوں اوہدے بپتسمے تے لہو وگاؤن نال ساریاں لوکاں دیاں پاپاں لئی وڈے فدیے وانگر چاھڑے گا ۔ ایہو ای سبب ہیگا اے پئی یِسُوعؔ مسیح خُدا باپ دا اِکلا پُتر تے سارے جگ دا مکتی داتا ، ایس زمین اُتے ہر کسے دیاں ساریاں پاپاں نوں مکاؤن لئی آیا، خُدا دی محبت نال ہر شے پوری کیتی ، تے ساریاں لوکاں نوں مکتی وکھائی ۔ ساڈے ساریاں لوکاں دیاں ساریاں پاپاں نوں چُکن لئی ، یوحنا کولوں بپتسمہ لین تے سولی اُتے لہو وگا کے ، یِسُوعؔ نے ساریاں پاپاں تے جگ دیاں بدکاریاں نوں مُکایا اے ، اوہناں لئی لعنتی بنیا، تے اِنج ساڈا اصلی مکتی داتا بن گیا اے ۔
خُدا نے موسیٰ نوں بلایا تے اوہنوں پہلاں شریعت دتی ۔ تے فیر اوہنے اوہنوں اسمانی، ارغوانی، تےلال دھاگے تےمہین وٹے ہوئے کتان ورگے سامان نال خیمۂ اِجتماع نوں بناؤن دا حکم دتا تے اوہنوں قربانی دا طریقہ دِتا۔اِنج کر کے ، خُدا نے اسرائیلیاں نوں ایس لائق بنایا پئی اوہ ہتھاں دے رکھے جان تے لہو وگاؤن دی لوڑ نوں سمجھ سکن ،تے بدلے وچ اوہنے اوہناں نوں یِسُوعؔ مسیح ، خیمۂ اِجتماع دی پیشین گوئی دےمطابق مکتی دا پھاٹک وکھایا ، جیہڑا ایس زمین اُتے آئے گا ، بپتسمہ لَے کے جگ دیاں پاپاں نوں چُکے گا ، سولی چڑھے گا تے اپنا لہو وگائے گا ۔ پاپ نوں دھون دی مکتی جیہڑی خُدا سانوں دے چُکیا اے صاف طریقے نال اوس سامان وچ ظاہر کیتی گئی اے جیہڑا خیمۂ اِجتماع دے پھاٹک لئی ورتیا گیا سی ۔
خیمۂ اِجتماع دے پھاٹک لئی ورتے جان والے سامان وچوں ، اسمانی دھاگے دا مطلب ایہہ ہیگا اے پئی یِسُوعؔ نے چھیتی نال اِکو ای واری یوحنا کولوں بپتسمہ لَے کے جگ دیاں پاپاں نوں چُک لیا ؛ ارغوانی دھاگہ ظاہر کردا اے پئی یِسُوعؔ بادشاہواں دا بادشاہ تے خُداونداں دا خُداوند اے ، ایس لئی پئی اوہنے سارے جگ نوں پیدا کیتا ؛ لال دھاگہ سانوں دسدا اے پئی تاں پئی یِسُوعؔ بپتسمہ لَے چُکیا سی ، اوہنے سولی اُتے اپنا لہو وگا کے ساریاں پاپیاں لئی پاپ دی لعنت جری؛ تے مہین وٹیا ہویا کتان سانوں دسدا اے پئی پاک کلام صاف طریقے نال اسمانی، ارغوانی، تےلال دھاگے وچ ظاہر کیتیاں گئیاں اِیہناں تِناں خدمتاں دے بارے دسدا پیا اے ، تے خُدا اوہناں نوں پاپ دی معافی دے چُکیا اے جیہڑے اوہدے کلام اُتے ایمان رکھدے نیں ۔
ہُن ، ساریاں نوں اپنے آپ نوں اِک واری فیر چیتا کراؤنا چاہی دا اے تے ایس سچیائی اُتے ایمان رکھنا چاہی دا اے— پئی ،یِسُوعؔ مسیح اوہناں دا مکتی داتا اے تے اوہ یوحنا کولوں بپتسمہ لین تے اُتے اپنا لہو وگا کے اوہناں دیاں ساریاں پاپاں نوں دھو چُکیا اے —خیمۂ اِجتماع دیاں شیواں لئی ورتے جان والے اسمانی، ارغوانی، تےلال دھاگے تےمہین وٹے ہوئے کتان وچ ظاہر کیتا گیا اے، تے اوہناں نوں لازمی اِنج اپنیاں پاپاں دی معافی پاؤنی چاہی دی اے ۔موسیٰ دے راہیں، خُدا نے مکتی دی شریعت ، یعنی ساریاں لوکاں لئی پاپ دی معافی دی شریعت قیم کیتی ، تے جد ویلا آیا ، اوہنے یِسُوعؔ مسیح نوں ایس زمین اُتے گھلیا تے اوہنوں یوحنا کولوں بپتسمہ دلوایا تے سولی اُتے اوہدالہو وگایا ،تاں پئی یِسُوعؔ قربانی دا لیلا بن جائے جیہڑا جگ دیاں پاپاں نوں دھو دیوے گا ۔ تے اِنج کر کے ، خُدا نے اوہناں ساریاں لوکاں نوں جیہڑے ایمان رکھدے نیں اوہناں دیاں ساریاں پاپاں توں اوہناں دے ایمان رکھن دے سبب دُھلن دے لائق بنا دِتا اے ۔
ایس لئی ، جداسی مکتی داتا وانگر یِسُوعؔ مسیح اُتے ایمان رکھن دا اقرار کردے آں ، سانوں لازمی بپتسمہ جیہڑا یِسُوعؔ نے لیا تے اوہدے سولی اُتے وگن والے لہو نوں پچھان کے ایمان رکھنا چاہی دا اے ۔ بالکل جویں پُرانے عہد نامے وچ قربانی دا پشُو ہتھاں دے رکھے جان نال پاپیاں دیاں پاپاں نوں قبول کرداسی تے فدیے لئی اوہناں بدلے اپنا لہو وگاکے لعنتی ٹھہرداسی ، یِسُوعؔ مسیح ایس زمین اُتے رہن والے ہر بندے لئی پاپ دی قربانی دے لیلے وانگر آیا، بپتسمہ لَے کے جگ دیاں پاپاں نوں چُک لیا ،سولی چڑھیا تے اپنا مہنگا لہو وگایا تے اِنج سدا تیکر اوہناں دیاں پاپاں نوں ، سدا لئی مُکا چُکیا اے ، جیہڑے ایمان رکھدے نیں ۔
سانوں لازمی لکھے ہوئے کلام دی سچیائی اُتے بالکل اوسے طرح جویں ایہہ ہیگا اے ایمان رکھنا چاہی دا اے ۔ پاک کلام دے مطابق سچیائی ایہہ ہیگی اے پئی پُرانے عہد نامے وچ وڈاکاہن اپنیاں لوکاں لئی جیہڑی قربانی چڑھاؤنداسی اوسے طریقے نال ، یِسُوعؔ ایس زمین اُتے آیا ، بپتسمہ لیا تے سولی چڑھیا ، تے اِکو ای واری سدا لئی سانوں جگ دیاں ساریاں پاپاں توں بچاؤن لئی اپنا لہو وگایا ۔ ایس لئی سانوں لازمی پاک کلام اُتے بالکل اوسے طرح ایمان رکھنا چاہی دا جویں ایہہ لکھیا ہویا اے ۔ اسی بچ نئیں سکدے ساں سگوں اپنیاں پاپاں دے سببوں سدا لئی لعنتی ٹھہردے ، پریِسُوعؔ مسیح ایس زمین اُتے آیا تے سانوں اپنے بپتسمے تے لہو نال ساڈیاں ساریاں پاپاں توں بچاچُکیا اے ۔
ایس اُتے ایمان نا رکھنا ، ایتھوں تیکر پئی خُدا ایسے طرح ساڈیاں ساریاں پاپاں نوں معاف کر چُکیا اے ، ایہہ اِک ایہو جیہا پاپ اے جیہڑا خُدا کدی معاف نئیں کر سکدا ۔اوہ جگ دیاں ساریاں پاپاں نوں مُکا چُکیا اے سوائے ، ”پاک رُوح دے حق وِچ کُفربولن داگُناہ “(مرقس ۳:۲۸۔۲۹)اِکو باقی پاپ اے ۔ ایس طرح ، اوہناں نوں جیہڑے سچ مُچ پاپ دی معافی پاؤنا چاؤہندے نیں لازمی ایس سچیائی اُتے ایمان رکھنا چاہی اے پئی یِسُوعؔ مسیح نے بپتسمہ لیا ، اپنا لہو وگایا ،فیر مویاں وچوں جیوں اُٹھیا ، تے اِنج سانوں جگ دیاں ساریاں پاپاں توں چھڈا چُکیا اے ۔ ایسے طرح دے ایمان توں علاوہ ، کیہ چنگے کم کدی ساڈی پاپ توں معافی لئی ضروری ہون گے ؟ ہُن ویلا آگیا اے پئی سانوں پتہ لگ جائے پئی پانی تے رُوح دی خوشخبری دی سچیائی کیہ اے ، تے ایس سچیائی اُتےایمان رکھیے ۔
ہر کسےنوں ایہہ سمجھناتےایمان رکھنا چاہی دااےپئی اسمانی، ارغوانی،تےلال دھاگےتےمہین وٹے ہوئے کتان دے اُنے ہوئے خیمۂ اِجتماع دے پھاٹک وچ ظاہر کیتی گئی سچیائی اصل مکتی دی خوشخبری اے ، تے یِسُوعؔ مسیح دے آؤن دا پرچھاواں اے ۔ جتھوں تیکر یِسُوعؔ مسیح اُتے ایمان رکھن دا تعلق اے ، اوہ بپتسمہ جیہڑا اوہنے لیا تے لہو جیہڑا اوہنے سولی اُتے وگایا ساڈی مکتی لئی بوہت ضروری نیں ،تے ایس لئی سانوں لازمی اوہناں اُتے ایمان رکھنا چاہی دا اے ۔ گِلہ نا کرن دے لائق تے رَدّ نا کرن دے لائق سچیائی ایہہ ہیگی پئی یِسُوعؔ اوہناں نوں مکتی دے چُکیا اے جیہڑے اوہدے بپتسمے ، اوہدے سولی اُتے لہو وگاؤن ،تے اوہدے مرن توں جی اُٹھن اُتے ایمان رکھدے نیں ،تے ایہہ پئی ایہہ سارا کُجھ سانوں جگ دیاں پاپاں توں بچاؤن لئی کیتا گیا سی ۔
پُتر دی قربانی جیہڑی خُدا باپ چاؤہندا سی
آئیے ہم عبرانیوں ۱۰:۵۔۹ کی طرف رجوع کرتےہیں: ” ایس لئی اوہ دُنیا وِچ آؤندیاں ہویاں آ کھدا اے ۔ تُوں قُربانی تے نذراں دی چاہ نئیں کِیتی۔ سگوں میرے لئی اِک جِسم تیار کِیتا۔پُوریاں سوختنی قُربانِیاں تےگُناہ دِیاں قُربانِیاں توں تُوں خُوش نا ہوئیوں۔ تد مَیں آ کھیاپئی اےخُدا ویکھ مَیں آیا آں۔( کتاب دے ورقیاں وِچ میری بابت لِکھیاہویاا ے)پئی تیری مرضی پُوری کراں۔ پہلےتےاوہ آکھدا اے پئی نا تُوں قُربانیاں تے نذراں تے پُوری سوختنی قُربانِیاں تے گُناہ دِیاں قُربانِیاں دی چاہ کِیتی۔ تے نا اوہناں توں خُوش ہوئیوں بھاویں ایہوای قُربانِیاں شرِیعت دے سببوں چاھڑیاں جاندیاں نیں۔ فیر اوس آکھیا ویکھ مَیں آیا آں پئی تیری مرضی پُوری کراں۔اوہ پہلے نُوں ہٹاندااے پئی دُوجے نُوں قیم کرے۔“
ایس عبارت دا کیہ مطلب اے جیہڑی فرماؤندی اے پئی خُدا نے قربانی تے چڑھاوے نوں پسند نا کیتا؟ ایہہ حوالہ زبور ۴۰:۶۔۷ بارے دسدا اے ۔ ایہدا مطلب ہیگا اے پئی جگ دے سارے پاپ پرانےعہد نامے دیاں قربانیاں نال مکمل طریقے نال نئیں مِٹ سکدے سن ،تے ایہہ پئی پاپ دی سدا دی قربانی دین لئی ، ایس لئی یِسُوعؔ مسیح ایس زمین اُتے آیا ،بپتسمہ لیا ، اپنا لہو وگایا ،فیر مویاں وچوں جی اُٹھیا ، تے اِنج ساڈا ساریاں دا مکتی داتا بن گیا اے ۔زبور ۴۰:۷دا مطلب، جیہڑافرماؤندااے، ”فیرمَیں آکھیاویکھ! مَیں آیا آں۔ کِتاب دے طُوماروِچ میرے بارے لِکھیا اے۔“ایہہ ہیگا اے پئی یِسُوعؔ مسیح نے جیہڑا ایس زمین اُتےآیا تے ہتھاں دے رکھے جان تے اپنا لہو وگاکے ساریاں پاپاں نوں دھو دِتا ، بالکل جویں پُرانے عہد نامے وچ لکھیا ہویا سی ۔
پُرانے عہد دے زمانے وچ ، اسرائیلیاں دے پاپ مُک جاندے سن جویں ای قربانی دا پشُو وڈے کاہن دیاں ہتھاں دے رکھے جان تےقربانی دا لہو وگاؤن نال فدیہ دیہاڑے اُتے خُدا اگے چاھڑیا جاندا سی ۔ ایس طرح ، یِسُوعؔ مسیح جیہڑے ساریاں لوکاں لئی سدا دی قربانی دا لیلا بنن لئی آیا اوہنے بپتسمہ ، جیہڑا پئی ہتھاں دے رکھے جان وانگر اے ، لَےکے جگ دیاں پاپاں نوں چُک لیا ،تے سولی اُتے جگ دیاں ایہناں پاپاں نوں لَے جا کے ساریاں لوکاں دیاں پاپاں دی ساری لعنت نوں ، یعنی سولی اُتے چڑھن ، اپنا لہنگا لہو وگاؤن تے مرکے جریا۔ اِنج کرکے ، یِسُوعؔ اوہناں ساریاں نوں سدا دی مکتی دے چُکیا اے جیہڑے ایمان رکھدے نیں۔
بالکل جویں خُدا نے خیمۂ اِجتماع دےطریقےدےراہیں وعدہ کیتا سی ، نویں عہد نامے وچ یِسُوعؔ ایس زمین اُتے آیا تے اِنج سدا لئی مکتی پوری کر چُکیا اے ۔ اوہ جیہڑے ایمان رکھدے نیں ایس لئی ساریاں پاپاں توں مکتی یافتہ ہو گئے نیں ۔ خیمۂ اِجتماع وچ خُدا دا وعدہ سی پئی یِسُوعؔ بپتسمہ لین تے اپنا لہو وگاکے سدا تیکر اِکو ای واری سدا لئی ساریاں لوکاں دیاں پاپاں نوں مکاؤن لئی آئے گا ۔ تے یِسُوعؔ سچ مُچ آیا تے اصل وچ بپتسمہ لین تے اپنا لہو وگا کے ، تے اِنج خُدا دے کلام نوں پورا کر کے مکتی دے وعدے نوں پورا کیتا ۔ دوجیاں اکھراں وچ ، خُدا دے سارے مکتی دے وعدے سچ مُچ یِسُوعؔ مسیح نال پورے ہوگئے نیں ۔
اسرائیلی ایمان رکھدے نیں پئی پرانے عہد نامے دی شریعت تے نبیاں دیاں گلاں خُدادا کلام نیں ۔ پر اوہ یِسُوعؔ مسیح اُتےایمان رکھن توں باز نیں جیہڑا ساڈے کول نویں عہد نامے دے زمانے وچ خُدا یا مکتی داتا وانگر آیا ۔ ایس جگ دیاں ساریاں لوکاں ، نال ای اسرائیلیاں، نوں لازمی ہُن ایہہ پتہ ہونا چاہی دا اے پئی یِسُوعؔ مسیح آپ ای خُدا اے تے اپنیاں دلاں وچ قبول کرنا چاہی دا اے پئی اوہو ای آؤن والا مسیحا اے ۔
یِسُوعؔ کاہدے لئی آیا ؟
جویں پئی یِسُوعؔ خُدا باپ دا آکھا منن لئی آیا ، اوہ ساڈے ساریاں دا مکتی داتا اے جیہڑے اوس اُتے ایسے طرح ایمان رکھدے نیں تے اوہ ایس جگ وچ سدا لئی اوہناں دیاں ساریاں پاپاں نوں دھون واسطے آیا ۔ جویں عبرانیوں ۱۰:۱۰ دسدااے، ” اوسے مرضی دے سبّب اسی مسِیح یِسُوع دے بدن دے اِکّو واری قُربان ہون دی راہِیں پاک کِیتے گئے آں۔“سانوں صاف طریقے نال ایہہ سمجھنا تے ایمان رکھنا چاہی دا اے پئی ایہہ خُداباپ دی مرضی راہیں سی پئی یِسُوعؔ مسیح ایس زمین اُتے پیدا ہویا ، پئی اوہنے خُداباپ دی مرضی مطابق بپتسمہ لیا ، ایہہ پئی ایس مرضی نال اوہ سولی اُتے چڑھیا ، سولی اُتے مرن تیکر اپنا لہو وگایا تے فیر مویاں وچوں جی اُٹھیا تے اِنج اوہناں دا مکتی داتا بن گیا اے جیہڑے ایمان رکھدے نیں ۔ خُداباپ دی مرضی مطابق ساڈیاں ساریاں پاپاں نوں مکاؤن لئی ، یِسُوعؔ مسیح نے بپتسمہ جیہڑا اوہنے لیا تے اپنا لہو وگا کے ساریاں پاپاں نوں مکا کے ساریاں لوکاں دی مکتی پوری کرنی سی ۔ ایس طرح ، اوہنے دلوں خوش ہوکے اپنے آپ نوں قربان ہون لئی دِتا ، تے اِنج سانوں کامل مکتی دے دتی ۔
کیوں جو یِسُوعؔ مسیح آپ ای نا صرف اسرائیلیاں دیاں پاپاں نوں مکاؤن لئی سگوں ساریاں لوکاں دیاں پاپاں لئی وی قربان ہویا ،اسی صرف ایسے صورت وچ مکتی یافتہ ہو سکدے آں جے ساڈے وچوں ہر کوئی ایس اُتے اپنے سچےدلوں رکھدا اے ۔ اپنی ۳۳ ورہیاں دی زندگی وچ ، یِسُوعؔ نے صرف اِکو واری بپتسمہ لیا، صرف اِکو واری قربان ہویا تے اِنج اِکو ای واری سدا لئی جگ دیاں پاپاں نوں بچا چُکیا اے ۔ ایہہ اِکو تےکامل مکتی اے ۔
بالکل جویں یِسُوعؔ نے شروع توں لے کے جگ دے اخیرتیکر دیاں لوکاں تو ں کیتے گئےساریاں پاپاں نوں اِک ای ویلے مُکا وچ مُکا دِتا اے ، ایسے طرح اوہ سانوں ایمان رکھن دے راہیں اِکو ای واری سدالئی مکتی یافتہ ہون دے لائق وی بنا چُکیا اے ۔اِکو ای واری سدا لئی اپنے آپ نوں قربان کرکے ، یِسُوعؔ مسیح سانوں سدا تیکر کامل بنا چُکیا اے ۔ جویں پئی اوہنے یوحنا کولوں بپتسمہ لیا تے اپنا لہو وگا کے ساڈیاں ساریاں پاپاں لئی لعنتی ٹھہریا، سانوں لازمی ہُن خوشی نال سچے دلوں ایس خوشخبری اُتے ایمان رکھنا چاہی دا اے تے اِنج ساریاں پاپاں توں مکتی یافتہ ہونا چاہی دا اے ۔خُدا باپ دی مرضی نال ، یِسُوعؔ مسیح ساڈیاں ساریاں پاپاں نوں چُکن تے زندگی د مُل اُتارن لئی ایس زمین اُتے آیا تے اوہنے کامیابی نال خُدا باپ دی مرضی مطابق خُدا دی محبت نال اپنی سچی مکتی نوں ظاہر کیتا ۔
ایہہ کلام پک نال سچا اے جیہدے اُتے تہانوں تے مینوں جیہڑے ہُن ایس نویں دنیاوچ رہندے پئے آں لازمی ایمان رکھنا چاہی دا اے ۔ سانوں یِسُوعؔ دے بپتسمے تے سولی اُتے اوہدے لہو نوں نال ملاکے بنھناں چاہی دااے تے اوہناں اُتے سچیائی دے اِکو اِکٹھ نال ایمان رکھنا چاہی دا اے جیہڑا سانوں کامل طریقے نال بچاؤندا اے ۔ جے اسی اِنج کرن وچ ناکام ہو جاندے آں ، تاں فیر اسی پاپ دی سدا دی معافی توں وکھ ہو جاواں گے ۔ ایس طرح ، سانوں لازمی خُدا دے لکھے ہوئے کلام مطابق، پانی تےرُوح دی خوشخبر ی دی سچیائی دے بالکل مطابق ایمان رکھنا چاہی دا اے ۔ پانی تےرُوح دی خوشخبر ی مکتی دے نُور نوں کھلاردی اے ، پر جے اسی خُدا اُتے ایمان رکھدیاں ہویاں سچی خوشخبری وچ کُجھ ہور رَلاؤندے آں یا ایس وچوں کُجھ شیواں نوں گھٹ کردے آں ،یاجے اسی سچیائی اُتے ایمان نئیں رکھدے جویں ایہہ ہیگی اے ، تاں ایہہ مکتی دی خوشخبری دا چانن، صرف لُکن تے غائب ہون لئی ،گواچ جائے گا ۔
سانوں ایس دھوکے وچ نئیں آؤنا چاہی دا پئی پانی تےرُوح دی خوشخبر ی دی سچیائی وی صرف جگ دیاں عقیدیاں وچوں اے، بھاویں ایہہ سکھاؤندے نیں پئی اسی کسے نا کسے طرح اپنیاں ہردن دیاں پاپاں دی معافی لئی خُدا اگے دعا منگن نال اپنیاں توبہ دیاں دعاواں نال پاپ دی معافی پا سکدے آں۔ خُدا نے عبرانیوں ۱۰:۱۱ وِچ صاف طریقے نال فرمایا، ” تے سارے کاہِن کھلو کے روز سیوا کر دے نیں۔ تے کِسے طرح دِیاں قُربانِیاں بڑی واری چاہڑدے نیں جیہڑیاں کدی وی گُناہ ہٹان جوگیاں نئیں۔ “دوجیاں اکھراں وچ ، اوہنے سانوں دسیا تے یعنی پاپ جیہڑے اسی ہر دن کردے آں نئیں دُھل سکدے صرف ایس لئی پئی اسی صلیبی لہو اُتے اپنا ایمان رکھ کےہر دن اپنیاں پاپاں دےمعاف ہون لئی خُدا اگے معافی منگد آں ۔
ایس لئی پئی قربانی دا چڑھاواجیہڑا یِسُوعؔ مسیح نے یوحنا کولوں بپتسمہ لین تے سولی اُتے مرن نال خُدا باپ نوں پیش کیتا مکتی دی کامل قربانی سی ، ایس قربانی اُتے ایمان رکھ کے ای اسی کامل طریقے نال مکتی یافتہ ہو گئے آں ۔ایہدا سبب ایہہ ہیگا سی ایس لئی پئی جگ دے پاپ اِکو ای واری سدا لئی یِسُوعؔ اُتے لدےگئے سن جد اوہنےیوحنا کولوں بپتسمہ لیا یعنی یِسُوعؔ سولی اُتے ساڈیاں پاپاں نوں لَے جاسکدا سی تے اوہناں پاپاں دی لعنت مکاؤن لئی ایس اُتے مرسکدا سی ، تے ایہہ ایس سببوں سی پئی اوہناں دے پاپ جیہڑے اوہدے بپتسمےتے لہو وگاؤن اُتے ایمان رکھدے نیں دُھل گئے نیں ۔
بپتسمہ اُتے جیہڑا یِسُوعؔ مسیح نے لیا تے صلیبی لہو اُتے ایمان رکھ کے ،اسی ، وی یِسُوعؔ مسیح نال مر گئے تے ایمان رکھ کے اوہدےنال زندہ ہو گئے آں ۔ رومیوں ۶:۲۳دسدا اے، ” کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوعؔ مسیح وِچ ہمیشہ دی زِندگی اے۔“پاپ دی مزدُوری موت اے ، بھاویں اوہ کُجھ وی ہوئے ، تے ایس لئی ایہدا مُل لازمی زندگی نال اُتاریا جانا چاہی دا ۔ ایہو ای سبب ہیگا اے پئی یِسُوعؔ مسیح لئی بدن لَے کے ایس زمین اُتے آؤنا ، یوحنا کولوں بپتسمہ لینا ، تے سولی اُتے اپنا لہو وگاؤنا بوہت لوڑی دا سی ۔ یِسُوعؔ دے بدن اُتے تہاڈیاں پاپاں نوں اصل وچ لد دینا اوہدے بپتسمے نال پورا ہویا سی ،تے ایہناں پاپاں نوں موہڈا دین تے مرن نال ،یِسُوعؔ نے تہاڈیاں پاپاں دی مزدُوری دے دِتی تے اِنج اوہناں نوں اِکو ای واری سدا لئی مُکا چُکیا اے ۔ فیر وی ایہدے باوجود ، جویں پئی خُدا سانوں خوشخبری دی ایہہ سچیائی دے چُکیا اے ، بوہت سارے لوک نیں جیہڑے حالے وی خُدا اگے اپنیاں اصل پاپاں دی معافی لئی ہر دن مِنت کردے نیں —اوہ پانی تےرُوح دی خوشخبری دی سچیائی نوں بالکل نئیں جان دے ۔
جد لوک اپنیاں دلاں وچ پاپ رکھدے نیں، تاں اوہ بچ نئیں سکدے سگوں ایس پاپ لئی خُدا دے اگے ڈردے نیں ۔ ایہہ سچ ہیگا اے پئی بوہت سارے لوک نیں جیہڑے پانی تےرُوح دی خوشخبری نوں حالی تیکر نئیں جان دے تے حالی تیکر اپنیاں پاپاں دے دُھلن توں بے خبر نیں ، تے اپنیاں دلی پاپاں دے سببوں ڈر وِچ پھسے ہوئے نیں ۔ پر ، یِسُوعؔ اوہناں نوں اوہناں دیاں ساریاں پاپاں توں چھڈاؤن لئی ایس زمین اُتے آیا ، یوحنا کولوں بپتسمہ لیا ، سولی اُتے اپنا لہو وگایا ،تے اِنج اوہناں نوں کامل طریقے نال بچا چُکیا اے۔ فیر کیہڑے سببوں سانوں پریشان ہون دی لوڑ اے ، جد پانی تےرُوح دی خوشخبری، خُدا دی مکتی دی خوشخبری ،سانوں کامل طریقےنال بچا چُکی اے تے ساڈی پا پ دی لعنت دی فکر کر چُکی اے ؟
اوہ لوک جیہڑے جان دے تے سچ مُچ ایمان رکھدے نیں پئی یِسُوعؔ پانی تےرُوح دی خوشخبری دے راہیں ساریاں لوکاں دیاں پاپاں نوں مُکا چُکیا ا ے، لازمی ایمان رکھ کے کامل طریقے نال مکتی یافتہ ہو سکدے نیں ، بالکل جویں خُدا نے وعدہ کیِتا، ”بھاویں تُہاڈےپاپ قِرمزی ہون اوہ برف وانگرچٹے ہو جان گےتےبھاویں اوہ ارغوانی ہون تاں وی اُنّ وانگرسُتھرے ہون گے“(یسعیاہ ۱:۱۸)۔اسی سارے ایمان رکھ کے مکتی یافتہ ہو سکدے آں ، ایس لئی پئی یِسُوعؔ دا بپتسمہ سی جنہے پُرانے عہد نامے وچ مقرر کیتی گئی خُدا دی شریعت دے بالکل مطابق ایس جگ دیاں پاپاں نوں قبول کیتا جیہڑے ہتھاں دے رکھے جان نال قربانی دے پشُو اُتے ساریاں پاپاں نوں لددی سی ۔ ایہہ ایس لئی سی پئی تاں جو یِسُوعؔ نے یوحنا کولوں بپتسمہ لَے کے جگ دیاں پاپاں نوں چُک لیا سی یعنی اوہ سولی اُتے مر سکدا سی ، تے ایہہ ایس لئی سی تاں جو مکتی دے بارے خُدا نےپرانے عہد نامے وچ آکھیا پوری ہوگئی سی یعنی اسی صرف اپنے ایمان رکھن نال اپنیاں ساریاں پاپاں توں مکتی یافتہ ہو سکدے آں۔
فیر وی ایس کامل سچیائی دے باوجود ، اسی حالی وی کُجھ لوکاں نوں ویکھدے آں جیہڑے یِسُوعؔ اُتے ایمان رکھدے نیں جویں ایہہ ترس کھان دی مشق اے ۔ اوہ اپنے ایمان نوں ودھاؤن لئی ہر دن رولا پاؤندے تےروندے نیں ایس لئی پئی اوہناں دے ایمان دی نیہ یِسُوعؔ نال دُکھاں وچ مرن لئی ہمدردی کرنا اے جیہڑے اوہنے سولی اُتے جرے ۔ ایہو جیہا ں لوکاں دے دل سارے دے سارے عیباں بھرے نیں ، تے اوہناں نوں لازمی ایس جھوٹھے ایمان نوں چھڈنا چاہی دا اے ۔
ایہہ تُسی تے مَیں آں جنہاں نوں اپنے مکتی داتا یِسُوعؔ دے بپتسمہ تے لہو دی لوڑ اے نا پئی یِسُوعؔ جنہوں ساڈے ترس یا رحم دی لوڑ اے ۔ کھری سچیائی ایہہ ہیگی اے پئی ایہہ اسی آں جنہاں نوں یِسُوعؔ مسیح مکتی داتادی بوہت لوڑ اے ، تے فیر وی بوہت سارے لوک ایہو جیہے نیں جیہڑے اپنے کسے خاص سبب دے بغیر خُدا اُتے ایمان رکھدے نیں ، ایہہ سوچدیاں ہویاں پئی ایہہ خُدا ای اے جنہوں کسے شے دا گھاٹا اے ، جویں پئی بھاویں اوہ اوہناں توں اوس اُتے ایمان رکھن دی بھیک منگدا پیا اے ۔ پر ایہو جیہا ایمان جیہڑا گھمنڈی ایمان رکھدا اے ایس طرح دا ایمان اے جنہوں خُدا رَدّ کردا اے ۔
اوہناں دے دل جیہڑے نِکے بن کے یِسُوعؔ نوں آکھدے نیں پئی اوہ اوس اُتے ایمان رکھن گے ، جویں پئی اوہ اوس اُتے احسان کردے پئے نیں ، ایتھوں تیکر پئی خُدا توں وی اُچے رکھے جاندے نیں ، تے ایس طرح اپنے گھمنڈ وچ اوہ کدی پانی تے رُوح دی خوشخبری نوں اپنیاں دلاں وچ قبول نئیں کر سکدے جیہڑی اوہناں نوں پا پ توں کامل طریقے نال بچاؤندی اے ۔ اوہ خُدا دے کلام دی اینی گھٹ عزت کردے نیں پئی اوہ ایہنوں اوہناں دیاں گوانڈہیاں وچوں کوئی کیہ آکھدا اے کُجھ ای وکھرا سوچدے نیں ، اوہ ملامت کردے تے ایہدا مخول کردے نیں ، جویں پئی ایس اُتے ایمان رکھنا اوہناں دے ترس نال خُدا اُتے احسان کرنا اے ۔
اخیریں ، اوہ ایہو جیہے لوک نیں جیہڑے اپنیاں پاپاں دی معافی لئی یِسُوعؔ دے بپتسمے تے لہو وگاؤن اُتے ایمان نئیں رکھدے تے خُدا دے وَیری بن دے نیں ۔ اوہ ایمان رکھدے نیں پئی اوہناں دے پاپ
بھاویں پانی تے رُوح دی خوشخبری اُتے ایمان رکھیوں بغیر توبہ دیاں رولے والیاں اوہناں دیاں دعاواں نال دُھل سکدے نیں ۔ ایس لئی پئی اوہ بے فائدہ خُدا دا ناں لیندے نیں ، اوہ نا جان دے نیں نا ای ایمان رکھدے نیں پئی یِسُوعؔ مسیح مکتی داتا کامل طریقے نال اوہناں دیاں پاپاں نوں مُکا چُکیا اے ، تے ایس لئی اوہ مکتی یافتہ نئیں ہوسکدے۔
خُدا نے فرمایا، ”جِہدےاُتےمَیں رحم کرناآں رحم کراں گاتےجِہدےاُتے ترس کرنا آں ترس کراں گا“(رومیوں ۹:۱۵)۔ جے خُدا نے اپنے رحم نال مکتی دی شریعت نال پاپیاں نوں بچاؤن دا فیصلہ کیتا، تا ں اوہ ایسے طرح کرےگا جویں اوہنے فیصلہ کیتا ۔ ایس لئی سانوں لازمی پانی تےرُوح دی خوشخبری اُتے ایمان رکھنا چاہی دا اے تے اِنج اپنی اصل مکتی پاؤنی چاہی دی اے ۔
اوہ جیہڑے پانی تےرُوح دی خوشخبری دے ایس کلام اُتے ایمان نئیں رکھدے اوہ اپنے آپ ایہہ جان لین گے پئی خُدا دی سختی تے اوہدا غصہ سچ مُچ بوہت ڈاہڈا اے ۔دوجے پاسے ، اوہ جیہڑےپانی تےرُوح دی خوشخبری اُتے ایمان رکھدے نیں ، اوہ ویکھن گے پئی خُدا دی محبت کنی وڈی تے مہربان اے ۔ جیہڑا وی خُدا دے اگے اپنیاں پاپاں دا اقرار کردا تے پانی تےرُوح دی خوشخبری نوں پچھان دا تے ایس اُتے ایمان رکھدا اے ، یعنی خُدا دی کامل مکتی دی خوشخبری اُتے ،ساریاں پاپاں توں چھُٹ جائے گا ۔
اوہ جیہڑے ایمان رکھدے نیں پئی یِسُوعؔ مسیح نے بپتسمہ لَے کے اوہناں دیاں ساریاں پاپاں نوں چُک لیا اپنیاں ساریاں پاپاں توں چھُٹ جان گے۔ ایس توں اُلٹ ، اوہ جیہڑے ایس سچیائی نوں گئی گواتی سمجھدے نیں اپنیاں پاپاں لئی پاپ دی ڈاہڈی سزا نوں جرن گے ۔ ایس لئی ایس جگ دیاں ساریاں لوکاں نوں پانی تےرُوح دی خوشخبری، یعنی سچیائی اُتے ایمان رکھنا چاہی دا اے ۔ اوہ پاپی جیہڑے خُدا دی سزا توں نئیں ڈردے تے پانی تےرُوح دی خوشخبری اُتے ایمان نئیں رکھدے لازمی اپنیاں پاپاں دے سببوں لعنتی ٹھہرن گے ۔ پر اوہ جیہڑے یِسُوعؔ دے پاپ نوں دھون دی سچیائی اُتے ایمان رکھدےنیں اپنیاں ساریاں پاپاں توں مکتی یافتہ ہون گے ۔
ہر اوہ بندہ جیہدا دل پاپ رکھدا اے اوہ سوکھا ای روگی اے ، تے ایس طرح لوک بے چجی ، مکتی دی نیہ توں بغیر خُدائی تعلیم لَے کے آؤندے نیں جیہڑی پانی تےرُوح دی خوشخبری توں بالکل وکھری اے، اوہ اپنیاں دُکھی دلاں نوں تسلی دین دی کوشش کردے نیں ۔ایتھوں تیکر پئی اوہ لوک وی نیں جیہڑے آکھدے نیں ، ” کیوں جو مَیں یِسُوعؔ اُتے ایمان رکھداآں ،میرے لئی اپنے دل وچ پاپ رکھنا ٹھیک اے۔ “پر سانوں ایہہ نئیں بھُلنا چاہی داپئی سارے جیہڑے اپنیاں دلاں وچ پاپ رکھدے نیں دوزخ دی سزا پاؤن گے، ایس لئی خُدا لازمی ایہو جیہا ں لوکاں اُتے اوہناں دیاں پاپاں دے سببوں اپنی جائز عدالت ثابت کرے گا ۔ ایس لئی پئی اوہ شیطان دا ساتھ دیندے پئے نیں ، خُدا سوکھا جیہا اوہناں نوں اِکلا نئیں چھڈ سکدا ۔
پر اوہ جیہڑے خُدا دے انصاف بارے جان دے نیں ، پئی اوہ پاپاں دی سزا دیوے گا ،خُدا کولوں اوہدی ترس والی محبت منگدے نیں ، ساریاں پاپاں توں مکتی یافتہ ہونا چاؤہندے نیں ،سچیائی نوں لبھدے نیں ، تے خُدا ول کھلون دی تمنا رکھدے نیں ۔ ایہو جیہاں لوکاں لئی، ایہہ سچیائی اے پئی یِسُوعؔ مسیح نے بپتسمہ لَے کے ساریاں لوکاں دے ساریاں پاپاں نوں چُک لیا ۔ ہر پاپی نوں لازمی ایس اُتے ایمان رکھناچاہی دااےتے پاپ دی معافی پاؤنی چاہی دی اے ۔ اپنے بپتسمے نال ، یِسُوعؔ مسیح نے سارے جگ دیاں پاپاں نوں اِکو ای واری سدا لئی قبول کیتا ، اِکو ای واری سولی اُتے مرگیا ، تے اِنج ساریاں پاپاں نوں مُکا چُکیا اے تے سانوں راستباز بن چُکیا اے ۔
پانی تےرُوح دی خوشخبری دے کلام دے راہیں ، سانوں ساریاں نوں لازمی ہُن ایہہ سمجھنا چاہی دا اے پئی ساڈی اصلی مکتی کیہ اے ، تے ساڈیاں دلاں وچ ساڈے ساریاں دا ایمان ہونا چاہی دا اے جیہڑا سچ مُچ ایس خوشخبری اُتےایمان رکھدااے۔ اوہ سارے جیہڑے اپنیاں دلاں وچ ایس سچیائی اُتے ایمان رکھدے نیں ،ایس توں کوئی فرق نئیں پیندا پئی اوہناں نیں کنے ای پاپ کیتے ہون ، لازمی اوہ ایمان رکھ کے اپنیاں ساریاں پاپاں توں دُھل جان گے تے پاپ دی اصلی معافی تے سدا دی زندگی پاؤن گے ۔ کیہ تُسی ایس خوشخبری دےکلام اُتےایمان رکھناتے ایمان رکھن نال پانی تےرُوح دی خوشخبری نوں لینا نئیں چاؤہندے، یعنی اوہ خوشخبری جیہڑی تہاڈیاں دلاں دے ساریاں پاپاں نوں مکاؤندی اے ؟ اوہ جیہڑے خُدا دے اگے پانی تےرُوح دی خوشخبری اُتےایمان رکھدے نیں لازمی پاپ دی معافی پاؤن گے ۔
تُہاڈیاں توبہ دیاں دعاواں تُہانوں نئیں بچا سکدیاں
اَج، بوہت سارے جیہڑے یِسُوعؔ اُتے ایمان رکھن دااقرارکردےنیں ، خُدا کولوں اپنیاں پاپاں نوں معاف کرن دی دعا منگدیاں ہویاں ہردن اپنیاں توبہ دیاں دعاواں کردے نیں ۔ اوہ اپنیاں ایمان دیاں زندگیاں ، پُرانے عہدنامے دے زمانے وانگر ، ہر دن خُدا اگے اپنیاں قربانیاں چاھڑ کے بسرکردے ۔ پر ایہہ ایمان دی اوہ زندگی نئیں ہیگی جیہڑی تُسی بسرکرنا چاہوگے ۔ کیہ یِسُوعؔ تہاڈیاں پاپاں نوں دھون لئی سولی اُتے اپنا لہو وگاؤندا اے جد وی تُسی اپنیاں توبہ دیاں دعاواں منگدے او ؟ اِنج نئیں ہیگا ۔ایہدی بجائے ، تہانوں لازمی ایمان رکھ کے اِکو ای واری سدا لئی اپنیاں پاپاں نوں دھونا چاہی دا اے یعنی بپتسمے دے طاقت تے یِسُوعؔ مسیح دا لہو وگاؤنا سدا تیکر قیم نیں ۔ اوہ جیہڑے ہر دن اپنیاں توبہ دیاں دعاواں منگ کے اپنیاں پاپاں توں دُھلن دی کوشش کردے نیں اوہ پاپ دی سدا دی معافی پا نئیں سکدے ، تے نا ای اوہ ایمان رکھ سکدے نیں جیہڑا اوہناں نوں سچی مکتی پاؤن دے لائق بناؤندا اے ۔
جے ہر کسے دے پاپ توبہ دیاں ایہو جیہاں دعاواں نال یا بندیاں دیاں بنائیاں ہوئیاں رِیتا ں نال معاف ہو سکدے سن ، تاں خُدا شریعت نوں قیم نا کر چُکیا ہوندا جیہڑی پاپ دی مزدُوری موت دا اعلان کردی اے ۔ اپنیاں پاپاں توں معاف ہون لئی لوکاں نوں ، اصل وچ اوہ قربانی چڑھاؤنی چاہی دی اے جیہڑی ایمان رکھ کے یِسُوعؔ دے بدن اُتے اوہناں دیاں پاپاں نوں لددیندی اے ۔ سانوں لازمی کیہ رکھنا چاہی دا اے اوس طرح دا ایمان نئیں جیہڑا ہر دن توبہ دیاں دعاواں پیش کردا اے ، سگوں ایمان جیہڑا خیمۂ اِجتماع دے پھاٹک لئی ورتے گئے اسمانی، ارغوانی، تےلال دھاگے تےمہین وٹے ہوئے کتان وچ ظاہر کیتی گئی پانی تےلہودی خوشخبری اُتے ایمان رکھدا اے ۔ دوجیاں اکھراں وچ ، سانوں لازمی احساس کرنا چاہی دا اے پئی اِکو ایمان جیہڑا پانی تےرُوح دی خوشخبری اُتے ایما ن رکھدا اے سانوں سچ مُچ پاپ تو ں دُھلنا دےسکدا اے ، تے سانوں لازمی اپنیاں دلاں وچ ایس اُتے ایمان رکھنا چاہی دا اے ۔
بالکل جویں پُرانے عہدنامے دے پاپی اپنیاں پاپاں نوں اپنے قربانی دے پشُو اُتے ایہدے سِر اُتے اپنے ہتھ رکھن نال لددے ہوندے سن جد اوہ اپنی پاپ دی قربانی چڑھاؤندے سن ، سانوں وی لازمی اوہدے بپتسمے اُتے ایمان رکھ کے یِسُوعؔ مسیح اُتےاپنیاں پاپاں نوں لدنا چاہی دا اے تے ایہہ ایمان رکھ کے جیہڑا اوہدے بپتسمے اُتے تےسولی اُتے وگے اوہدے لہو اُتے ایمان رکھدا اے ، سانوں لازمی خُدا دے کول آؤنا چاہی دا اے تے پاپ دی سدا دی معافی پاؤنی چاہی دی اے ۔ خُدا نے فرمایا ، ” کیوں جو راستبازی لئی دِلوں اِیمان لیاوی دااے۔تےنجات لئی مُنھ توں اِقرارکری دااے۔“تے ”سو اِیمان سُنن توں ۔تے سُننا مسیح دے کلام دی راہیں آؤندااے۔“(رومیوں ۱۰:۱۰، ۱۷)۔
یوحنا۱:۲۹ فرماؤندا اے،”دُوجے دِن یوحنا یِسُوعؔ نُوں اپنےوَلّ آؤندیاں ویکھ کےآکھیاویکھوخُدا دا برّہ جیہڑا دُنیا دا گُناہ چُک لے جاندا اے۔‘‘ایہہ حوالہ او س گواہی بارے دسدا اے جیہڑی یوحنا بپتسمہ دین والے نے دوجے دن دتی جد اوہ یِسُوعؔ نوں بپتسمہ دے چُکیا سی ۔ جد یوحنا بپتسمہ دین والے نے یِسُوعؔ نوں اپنے وَلّ آؤندیاں ویکھیا ، اوہنے آکھیا ، ”ویکھو لوکو!اوتھے اوہ اِکلا جاندا اے !“ایس گل نے یوحنا دے آلے دوالے اکٹھے ہوئےلوکاں وچکار تھرتھلی پیدا کر دتی ۔ یوحنارَولا پایا، ”ویکھو!ایتھے خُدا دا لیلا آؤندا اے !اوہ خُدا دے پُتر ، خُدا دے اصل لیلے توں علاوہ کوئی دوجا نئیں ہیگا جنہے میرے راہیں ساریاں لوکاں دیاں پاپاں نوں چُک لیا۔اوہ ساڈا مکتی داتا اے ۔ اوہ یِسُوعؔ مسیح، خُدا دا لیلا اے ۔ویکھو !خُدا دا لیلاجیہڑا جگ دا پاپ چُک لَے جاندااے!“
ایہہ ایس لئی سی پئی یوحنا بپتسمہ دین والا یِسُوعؔ مسیح نوں بپتسمہ دے چُکیا سی تے اوس اُتے جگ دیاں پاپاں نوں لد چُکیا اے پئی یوحنا آپ بندہ ہوندیاں ہویاں یِسُوعؔ دی گواہی دے سکدا سی ۔ ایس لئی پئی یوحنا اوہنوں بپتسمہ دے کے یِسُوعؔ اُتے ساڈیاں پاپاں نوں لد چُکیا سی ، دوجیاں اکھراں وچ ، یِسُوعؔ مسیح قربانی دا اوہ لیلا بن گیا جنہے خُدا باپ دی مرضی مطابق ساڈیاں پاپاں نوں چُک لیا ۔
پُرانے عہد نامے وچ ، پاپ توں معافی خُدا اگےقربانی دے پشُو چڑھائیاں ملدی سی ، پر نویں عہد نامے وچ ، ایہہ صرف ایمان رکھن نال اے جیہڑا کامل طریقے نال یِسُوعؔ دے بپتسمے تے اوہدے صلیبی لہو اُتے ایمان رکھدا اے یعنی اسی اپنیاں پاپاں توں معاف ہو سکدے آں ۔ ایس لئی پئی خُدا ایہو جیہے چَوکھُرمثال طور وچھے ، لیلےتے بکرے اسرائیلیاں دیاں پاپاں نوں مکاؤن لئی قربانی دیاں پشُوآں وانگر لینداسی ، ایس لئی بے گنت پشُوآں نے لہو وگایا، ٹوٹے ٹوٹے ہوئے ، تے سوختنی قربانی دی قربانگاہ اُتے سڑ گئے ۔ بے گنت قربانی دے پشُوسچ مُچ لوکاں دیاں پاپاں دے سببوں ذبح ہوئے ۔
پر نویں عہد نامے دے زمانے وچ ، یِسُوعؔ نے ایہو جیہےقربانی دے پشُونئیں چاھڑے سن ، سگوں اوہنے ساڈے لئی اپنے آپ نوں قربان کیتا ، جویں پئی یِسُوعؔ خُدا دا لیلا ایس زمین اُتے آیا ، اپنے بپتسمے نال اپنے آپ اُتے جگ دیاں پاپاں نوں قبول کیتا ،تے سولی اُتے اپنا لہو وگایا ، اوہ اوہناں نوں اِکو ای واری سدا لئی اوہناں دیاں ساریاں پاپاں توں مکتی یافتہ ہون دے لائق کر چُکیا جیہڑے ایس اُتے ایمان رکھدے نیں ۔ ایہہ پانی ، لہو ،تے رُوح نا ل ساڈیاں پاپاں نوں سدا تیکر مکاؤن لئی سی پئی یِسُوعؔ ساڈے کول آیا ۔
خُدا ہُن تہانوں تے مینوں اصل مکتی دی ایس سچیائی اُتے ایمان رکھن دا حکم دیندا پیا اے ۔ اوہ
سانوں آکھدا پیا اے، ”مَیں تہاڈے سارے پاپ مکائے نیں ، ایس لئی پئی مَیں تہاڈے نال محبت کیتی اے ۔ مَیں تہانوں ایسے طرح بچایا اے ۔ سو ایمان رکھو ! مَیں تہاڈے لئی پاپ دی قربانی لئی اپنا پُتر دے کے تہاڈیاں پاپاں نوں مکایا اے ۔ مَیں اپنے پُتر نوں ایس زمین اُتے ایہدی زندگی دے ۳۳ ورہے بسرکرن دی اجازت دِتی ، مَیں اوہنوں بپتسمہ دلوایا اے ، مَیں اوہنوں تہاڈے بدلے سولی اُتے اوہدا لہو وگاؤن دے لائق کیتا ،تے اِنج کر کے مَیں تہانوں کامل طریقے نال تہاڈیاں ساریاں پاپاں تے لعنت توں چھڈایا اے ۔ ہُن ، ایس سچیائی اُتے ایمان رکھ کے ،تُسی میرے اپنے نیانے بن سکدے او ،جنہاں نال مَیں محبت کردا ہاں ، تے جنہاں نوں میریاں بانہواں میرے سینے لاسکدیاں نیں ۔ “اپنیاں دلاں وچ ایہنو ں جانو تے ایمان رکھو — پئی اوہ جیہڑے بپتسمے اُتے جیہڑا یِسُوعؔ مسیح نے لیا تے لہو اُتے جیہڑا اوہنے وگایا ایمان رکھدے نیں نا صرف اپنیاں ساریاں پاپاں توں مکتی یافتہ ہون گے ، سگوں اوہ خُدا دے اپنے نیانے بنن دا حق وی پاؤن گے ۔
کیہ یِسُوعؔ نے سچ مُچ ایس جگ دیاں ساریاں پاپاں نوں مکا دِتا ؟
آؤ اسی عبرانیوں ۱۰:۱۴۔ ۱۸ وَلّ دھیان کرئیے:” کیوں جو اوس اِکوای قُربانی چاھڑن نال اوہناں لوکاں نُوں سدالئی کامِل کر دِتّا اے جیہڑے پاک کِیتے جاندے نیں۔تےپاک رُوح وی سانوں گواہی دیندا اے ۔پہلے تے ایہہ آکھدا اے ۔پئی خُداوندآکھدااے۔ جیہڑا عہد مَیں اوہناں دِناں پِچھوں اوہناں نال بَنّھاں گاا یہہ اے پئی مَیں اپنے قانُون اوہناں دے دِلاں اُتےرکھاں گا تے اوہناں دیاں مَناں اُتے لِکھاں گا۔ تے اوہناں دے گُناہ تے بدکاریاں نُوں فیر کدی یاد نا کراں گا۔تے جد اوہناں دی مُعافی ہو گئی اے تے فیر گُناہ دی قُربانی داتھاں نا رہیا۔“
ایہہ حوالہ واضح کردا اے: ”تےجداوہناں دی مُعافی ہو گئی اےتےفیر گُناہ دی قُربانی داتھاں نا رہیا۔“ایس برکتاں والی خبر نوں سُنو، پئی ساڈے سارے پاپ بپتسمے دے راہیں جیہڑا اوہنے لیا یِسُوعؔ اُتے لدے گئے سن! نا صرف ہر اِک پاپ جیہڑا تُسی تے مَیں اپنی ساری حیاتی وچ کردے آں یِسُوعؔ اُتے لدے گئے، سگوں ساریاں لوکاں دے سارے پاپ وی اوس اُتے لدے گئے سن ۔ خُدا دی راستباز ی پوری کرن لئی ، یِسُوعؔ نے ہتھاں دا رکھیا جانا ، پانی وچ بپتسمہ لیندیاں ہویاں لیا تے پانیوں باہر آیا ،تے اِنج اپنے آپ اُتے ساریاں پاپاں نوں لدن دی اجازت دتی ۔
ایس توں علاوہ ، ساریاں پاپاں نوں موھڈےاُتے چُکدیاں ہویاں ، اوہ سولی اُتے چڑھیا تے اِنج ساریاں لوکاں دیاں پاپاں دی سزا جری ، تے ایس لئی اوہ جیہڑے ایمان رکھدے نیں ہُن اپنی ساری عدالت توں چھُٹ گئے نیں۔ بالکل جویں وڈاکاہن اسرائیلیاں دیاں پاپاں نوں قربانی دے پشُواُتے اوہدے سِر اُتے اپنے ہتھ رکھ کے لد چُکیا سی ، یوحنا بپتسمہ دین والے نے اوہنوں بپتسمہ دے کے یِسُوعؔ اُتے ساڈیا ں ساریاں پاپاں نوں لد دتا ۔ تے بدلے وچ ،یِسُوعؔ نے ایہناں پاپاں نوں موہڈا دتا تے سولی اُتے چڑھ گیا تے اِنج ہر کسے نوں پاپ توں ازاد کر چُکیا اے جیہڑا او س اُتے ایمان رکھدا اے ۔ ایس لئی ، اوہ جیہڑے ایس اُتےایمان رکھدے نیں خُدا دے اپنے نیانے بنن دا حق پا سکدے نیں ۔
رومیوں ۱۰:۱۰دسدااے،”کیوں جوراستبازی لئی دِلوں اِیمان لیاوی دااے۔ تےنجات لئی مُنھ توں اِقرارکری دااے۔“ساریاں لئی ، دلوں خُدا دی راستباز ی اُتے ایمان رکھن نال ای اوہ راستباز ٹھہرائے جا سکدے نیں ، دلوں مکتی دی ایس سچیائی اُتے ایمان رکھن نال ای اوہ پاپ دی معافی پا سکدے نیں تے اسمان اُتے جا سکدے نیں ۔ بھراؤتے بھینو، کیہ تُسی اپنے سچے دلوں ایمان رکھن تے اپنی جیِبھ نال اقرار کر کے مکتی یافتہ ہو گئے او پئی یِسُوعؔ دا بپتسمہ تے لہو لازمی شیواں نیں جیہڑیاں ، ”خُدا دی راستبازی “،”مکتی دی سچیائی “ تے ”پاپ دی معافی دی خوشخبری “نوں بناؤندیاں نیں؟ پُرانے عہد نامے دے قربانی دے طریقے دے مطابق ، اسرائیلیاں دےپاپ صرف قربانی دے پشُو نوں ذبح کرن دے راہیں نئیں مُک دے سن ، یعنی ہتھاں دے رکھے جان دے بغیر جنہے اوہناں دی پاپ پشُو اُتے لدے سن ۔ ایسے طرح ، جے اسی صرف صلیبی لہو اُتے ایمان رکھدے آں تے بپتسمے نوں چھڈ دیندے آں جیہڑا یِسُوعؔ نے لیا ، تاں ساڈے سارے پاپ دُھل نئیں سکدے ۔
”تے اوہناں دے گُناہ تے بدکاریاں نُوں فیر کدی یاد نا کراں گا۔تے جد اوہناں دی مُعافی ہو گئی اے تے فیر گُناہ دی قُربانی داتھاں نا رہیا “(عبرانیوں ۱۰:۱۷۔۱۸) ۔ خُدا نے ایتھے کیوں آکھیا پئی اوہ ہُن ساڈیاں پاپاں نوں یاد نا کرے گا ؟ بھاویں اسی بچ نئیں سکدے سگوں اپنے مرن دے دن تیکر پاپ کردے رہندے آں ، ایس لئی پئی یِسُوعؔ نے بپتسمہ لے کے اِکو ای واری سدا لئی جگ دیاں ساریاں پاپاں نوں چُک لیا ، ساڈی مکتی ہُن پوری ہوگئی اے تے سدا تیکر باقی رہوے گی ،تے ساڈے وچوں اوہ جیہڑے ایس اُتے ایمان رکھدے نیں ہُن بے پاپ نیں ۔ ایہو ای سبب ہیگا اے پئی خُدا نوں ساڈیاں پاپاں نوں چیتے رکھن دی کوئی لوڑ نئیں ہیگی ۔
خُدا دی راستبازی دا مطلب اوہدا انصاف اے ۔ خُدا باپ دا انصاف حکم دیندا اے پئی جویں اوہ پاک اے ، اوسے طرح ، جیہڑے پانی تےرُوح دی خوشخبری اُتے ایمان رکھدے نیں اوہ وی پاک تے بے پاپ نیں ۔ شروع توں ای، خُدا نے ساڈے نال محبت کیتی تے سانوں اپنے نیانے بناؤن دی تمنا کیتی ۔ پر کوئی معنی نئیں رکھدا اوہ کناں بوہتا سانوں اپنے نیانے بناؤنا چاؤہندا سی ، اوہ ساڈیاں پاپاں دے سببوں اِنج نئیں کر سکدا سی ۔ ایس لئی خُداباپ نے ایس مسئلے نوں حل کر ن لئی اِک حل کڈھیا ۔
ایس لئی پئی خُدا بے پاپ قربانی نوں مقررکر چُکیا سی جیہڑی ساڈے بدلے فدیے لئی قربان ہوئے گی تے ساڈیاں پاپاں نوں قربانی دے ایس پشُو اُتے لد کے دھون دا فیصلہ کیتا ، تاں یِسُوعؔ بپتسمہ لین ، ساڈا اپنا قربانی دا لیلا بنن ، ساڈے بدلے بے ترسی نال دُکھ جرن ، تے اِنج سدا دی پاپ دی قربانی دین توں نا جھہکیا۔ تے ایس پاپ دی قربانی نال ، خُدا نے اپنی لمی سوچ پوری کیتی تاں پئی جیہڑے لوک ایمان لیاؤن اوہناں نوں اوہناں دیاں پاپاں توں پاک کر دیوے تے اوہناں نوں اپنے سکے پُتر بنا لوے ۔ ہُن، اوہ جیہڑے سچیائی دی ایس خوشخبری اُتے ایمان رکھدے نیں اوہ خُدا دے اگے اپنیاں ساریاں پاپاں توں معاف ہو گئے نیں ۔ایس لئی پئی یِسُوعؔ پہلاں ای بپتسمہ لے کے ایس جگ دیاں ساریاں پاپاں نوں دھو چُکیا اے، جے اسی یِسُوعؔ اُتے ایمان رکھدے آں جیہڑا بے ترسی نال لعنتی ٹھہرکے ساریاں لوکاں دیاں پاپاں نوں پاک کر چُکیا اے ، تاں سانوں ہور اپنیاں پاپاں لئی دوجی قربانی دین دی لوڑ نئیں ہیگی ۔ بھراؤ تے بھینو ، کیہ سانوں ہُن وی اپنیاں پاپاں لئی چڑھاوے چڑھاؤن دی لوڑ اے ؟ نئیں ، بالکل نئیں !
کیہ تہانوں پتہ اے کیوں یِسُوعؔ مسیح سولی اُتے چڑھیا ، بھاویں اوہ بے پاپ تے پاک سی ؟ یِسُوعؔ سولی اُتے چڑھیا ، اصل وچ، اوہنے بالکل کوئی بھیڑا کم نئیں کیتا سی ۔ ایہہ صرف ایس لئی سی تاں پئی یِسُوعؔ یردن دے دریا اُتے بپتسمہ لے کے ساریاں لوکاں دیاں ساریاں پاپاں نوں قبول کر چُکیا سی پئی اوہنوں ساڈے بدلے مرنا پیا۔ اوہ سبب کیوں اوہنوں سولی اُتے مرنا پیا ایہہ سی ایس لئی پئی اوہ پہلاں ای اپنے بپتسمہ دے راہیں اوس اُتے لدے گئے جگ دیاں پاپاں نوں قبول کر چُکیا سی تے ساری راستبازی پوری کرن لئی تیار سی ۔
جد خُدا دے پُتر نے ایس طرح ساری راستبازی پوری کرن لئی بپتسمہ لیا ، تاں کویں اسی اوہدا شکر ادا نئیں کرسکدے ؟ایہہ ایس لئی سی پئی یِسُوعؔ نے ساڈیاں پاپاں نوں چُک لیا سی پئی اوہنے ، بھیڈ وانگر اپنے وال کُترن والے اگے ، چُپ کر کے سولی دا دُکھ جریا ۔ سانوں ساریاں نوں لازمی سدا اوہدے بپتسمے تے سولی نوں چیتے رکھنا چاہی دا اے ، ایس لئی پئی جے اوہ سولی اُتے چڑھیا نا ہونداتے لعنتی نا ٹھہریا ہوندا ، تاں سانوں آپ ای لازمی لعنتی ٹھہرنا پوےگا ۔
ساڈے خُداوند نے نا صرف ساڈے سارے پاپ چُک لَئے ، سگوں اوہنے آپ ای ساری پاپ دی لعنت وی اپنے اُتے جری ۔ دوجیاں اکھراں وچ ، یِسُوعؔ مکتی داتا آپ ای ، جہنےساڈیاں پاپاں نوں اپنے اُتے چُکیا سی ، ساڈی اپنی پاپ دی قربانی بن گیا تے چُپ کر کے سولی دی سزا جری ، ایہہ سارا کُجھ سانوں پاپ توں بچاؤن دےسلسلے وچ سی تے اِنج خُدا دی ساری مرضی پوری کر دتی ۔ ایس لئی پاک کلام فرماؤندا اے ،”تےاوہناں دے گُناہ تے بدکاریاں نُوں فیر کدی یاد نا کراں گا۔ تے جد اوہناں دی مُعافی ہو گئی اے۔ تے فیر گُناہ دی قُربانی داتھاں نا رہیا۔ایس لئی بھراؤجدسانوں یِسُوعؔ دےلہودے سبب اوس نویں تےجیوندے راہ پاک مکان وِچ وڑن دی دلیری اے۔“(عبرانیوں ۱۰:۱۷۔۱۹)۔
کیہ ہُن تُسی سمجھدے او کیوں یِسُوعؔ سولی چڑھیا سی ؟ سانوں صرف یِسُوعؔ دے لہو اُتے ایمان نئیں رکھنا چاہی دا ، سگوں سانوں ایس سبب نوں سمجھنا چاہی دااے کیوں اوہنوں سولی اُتے مرنا پیا سی ، تے سانوں ٹھیک طریقے نال سمجھنا تے ایمان رکھنا چاہی دا اے پئی ایہہ سبب بپتسمے وچ ہیگا اے جیہڑا اوہنے لیا ۔ جے تُسی تے مَیں ایہہ جاننا تے ایمان رکھنا چاؤہندے آں پئی کِتھے تے کویں ٹھیک ٹھیک ساڈے پاپ دھوئے گئے سن ، تاں سانوں لازمی ایہہ احساس کرنا تے ایمان رکھنا چاہی دا اے پئی ایہہ ایس لئی سی تاں جو ساڈے پاپ یِسُوعؔ اُتے لدے گئے جد اوہنے یردن دے دریا اُتے یوحنا کولوں بپتسمہ لیا یعنی اسی ایمان رکھ کے اپنیاں پاپاں توں دُھل گئے آں ۔
پانی تےرُوح دی خوشخبری دی سچیائی نوں جانن تے ایمان رکھن نال اسی ہُن اپنیاں ساریاں پاپاں توں مکتی یافتہ ہو سکدے آں
مَیں تہانوں حالی تیکر جیہڑا کُجھ دسیا اے اوہ پانی تےرُوح دی خوشخبری دی سچیائی اے جیہدے بارے وچ پاک کلام تفصیل نال فرماؤندا ا ے ۔ تے ایہہ سچیائی اوہ مکتی اے جیہدی منصوبہ بندی جگ دے بناؤن توں پہلاں ای کیتی گئی سی ، تے ایہہ مکتی خیمۂ اِجتماع دے پھاٹک لئی ورتے گئے ، اسمانی، ارغوانی، تےلال دھاگے وچ وی ظاہر کیتی گئی اے ۔ اپنے نال دیاں خادماں نال رَل کے ، مَیں ایس جگ وچ بے گِنت لوکاں تیکر اسمانی، ارغوانی، تےلال دھاگے وچ ظاہر کیتی گئی ایس سچیائی دی منادی کردا پیا آں ۔ تے حالی وی ، ایسے ویلے ، ایہہ خوشخبری ساڈیاں کتاباں دے راہیں سارے جگ وچ ودھدی پئی اے ۔
پر اوہ لوک ہیگےنیں جیہڑے یِسُوعؔ اُتےایمان رکھن دا دعویٰ کردےنیں بھاویں اوہ پانی تےرُوح دی خوشخبری نوں نئیں جان دے ۔ مَیں ایہو جیہاں لوکاں نوں عقلوں گھٹ آکھن دی ہمت کر سکدا ہاں ، ایس لئی پئی پانی تےرُوح دی ایہہ خوشخبری خاص سچیائی اے جیہڑی سانوں یِسُوعؔ مسیح دی راہیں پورے ہون والے قربانی دے طریقے بارے دسدی اے جیہڑا مکتی دے پرچھاویں دا اصل جوہر خیمۂ اِجتماع وِچ ظاہر ہوندا اے ۔ ہُن ، تہاڈی واری اے ۔ جے تُسی اصل سچیائی نوں جانیوں بغیر ایمان رکھ چُکے سو، تاں تہاڈے کول پرت دے آؤن دا ویلا ہیگا اے ، یعنی پانی تےرُوح دی خوشخبری اُتے ایمان رکھو ، تے اپنیاں پاپاں د ی معافی پاؤ۔
یِسُوعؔ دے بپتسمے تے سولی اُتے اوہدی موت دا وعدہ جگ دے بناؤن توں پہلاں ای کیتا گیا سی ، تے اوہ اسمانی، ارغوانی، تےلال دھاگے تےمہین وٹے ہوئے کتان وِچ وی ظاہر ہوئے ۔ ایہہ وعدہ پورا کرن ، تے تہانوں تے مینوں سچ مُچ ساڈیاں پاپاں توں بچاؤن لئی ، یِسُوعؔ نے بپتسمہ لیا ، سولی اُتے مرگیا ، فیر مویاں وچوں جیوں اُٹھیا ، تے ہُن خُدا باپ دے سجے ہتھ بیٹھا ہویا اے ۔
کیہ تُسی حالی تیکر اپنیاں ذاتی تجربیاں یا جذبیاں پِچھے لگ کے ، ایس سچیائی نوں جانیوں بغیر یِسُوعؔ اُتےایمان رکھن دی کوشش کردے پئے او ؟ ایس جگ وچ ایہو جیہے بوہت سارے لوک نیں ، پر اوہناں نوں لازمی ہُن اپنے کچے ایمان ولوں پرت کے سچے دلوں خیمۂ اِجتماع دے پھاٹک وچ ظاہر ہوئی اسمانی، ارغوانی، تےلال دھاگے تےمہین وٹے ہوئے کتان وچ لُکی پانی تے رُوح دی خوشخبری دی سچیائی اُتے ایمان رکھنا
چاہی دا اے ۔
عبرانیوں ۱۰:۱۹۔۲۰فرماؤندااے، ”ایس لئی بھراؤجدسانوں یِسُوعؔ دےلہودے سبب اوس نویں تےجیوندے راہ پاک مکان وِچ وڑن دی دلیری اے۔جیہڑا اوہنے پڑدے یعنی اپنے جسم وچوں ہوکے ساڈے لئی پاک کیتا اے۔“جد یِسُوعؔ مسیح، بپتسمہ لے کے جگ دیاں پاپاں نون چُکن دے بعد ،سولی چڑھیا ، ہیکل دا پڑدہ پاٹ گیا ، تے ساریاں لوکاں دے پاپ یِسُوعؔ دے بپتسمے تے اوہدے صلیبی لہو نال دُھل گئے ۔ ہیکل دا پڑدہ جیہڑا اسمانی، ارغوانی، تےلال دھاگے تےمہین وٹے ہوئے کتان نال اُنیا ہویا سی ، ایناں پکا سی پئی ایہدیاں چونہہ نکراں نال چونہہ گھوڑیاں دے کچھن نال وی ایہنوں پاڑیانئیں جا سکدا سی ۔
ایہہ پئی ہیکل دا ایہہ پکا پڑدابہر حال اُتوں لَے کے ہیٹھاں تیکر پاٹ گیا ، ایتھوں تیکر پئی ایہنوں کسے نے ہتھ وی نئیں سی لایا ، ایہہ ظاہر کردا اے پئی جیہڑے ویلے یِسُوعؔ مسیح نے اپنا کم پورا کیتا ، اوسے ویلے اسمان دے پھاٹک کھُل گئے سن ۔ اُتاں توں لَے کے ہیٹھاں تیکر ہیکل دے پڑدے دے پاٹن دا مطلب ہیگا اے پئی پاپ دیاں ساریاں کندھاں ہیٹھاں ڈِگ پئیاں سن،جیہڑا سانو ں وکھاؤندا اے پئی یِسُوعؔ مسیح دے راہیں ،خُدا نے پاپ دیاں ایہناں کندھاں نوں ڈھا دِتا ۔
تاں فیر ، ایہدا کیہ مطلب ہیگا اے پئی پاپ دیاں کندھاں ڈھادِتیاں گئیاں سن؟ ایہدا مطلب ہیگا اے پئی ہر کوئی بپتسمے اُتے جیہڑا یِسُوعؔ مسیح نے لیا تے اوہدے صلیبی لہو اُتے ایمان رکھ کے ساریاں پاپاں توں معاف ہو سکدا اے۔ خُدا نےخیمۂ اِجتماع دے پھاٹک وچوں کیہ ظاہر کرنا چاہیا اوہ ایہہ ہیگا اے پئی ساریاں لوکاں دی مکتی ہُن اسمانی، ارغوانی، تےلال دھاگے تےمہین وٹے ہوئے کتان وچ وکھائیاں گئیاں یِسُوعؔ دیاں خدمتاں نال اِکو ای واری سدا لئی پوری ہو گئی اے ۔ایہہ ایس لئی سی تاں پئی خُدا ولوں وعدہ کیتا گیا سدا دا فدیہ ساڈے وچوں ساریاں لئی پورا ہویا یعنی اسمانی، ارغوانی، تےلال دھاگے تےمہین وٹے ہوئے کتان نال اُنیا ہویا بوہتی پاک تھاں دے پڑدے دا پھاٹک اُتاں توں لَے کے ہیٹھاں تیکر پاٹ گیا ، ایہہ بندے دے ہتھوں نئیں ، سگوں آپ خُدا دے ہتھوں پاٹیاسی ۔
ایہہ ظاہر کردا اے پئی یِسُوعؔ مسیح جیہڑا ساریاں لوکاں دیاں پاپاں لئی سدا دی قربانی بن گیا اے کامل طریقے نال ساڈے وچوں اوہناں نوں بچا چُکیا اے جیہڑے پانی تےرُوح دی خوشخبری اُتے ایمان رکھدے نیں ۔ خُدا باپ مقرر کر چُکیا اے پئی جیہڑا وی بپتسمے اُتے جیہڑا یِسُوعؔ نے لیا تے اوہدے صلیبی لہو اُتے ایمان رکھدا اے پاپ دی معافی حاصل کر سکدا اے تے اوہدے اگے کھلو سکدا اے ۔ کیہ تُسی ایس سچیائی اُتے ایمان رکھو گے یا نئیں ؟
بالکل جویں خُدا نے تہاڈے نال محبت کیتی اے ، ایسے طرح یِسُوعؔ مسیح خُدا دا پُتر تہاڈے نال محبت کردا اے ،تے اوہ یوحنا کولوں بپتسمہ لین تے سولی اُتے چڑھن نال تہانوں کامل مکتی دے چُکیا اے ۔یِسُوعؔ مسیح ولوں سانوں دتی گئی خُدا دی ایس محبت نوں پا کے ، تے ایس سچیائی اُتے ایمان رکھن نال جیہڑی سانوں خُدا دی بادشاہی وچ جان لائق کردی اے،ساڈے سارے پاپ مُک گئے نیں ۔ پانی تےرُوح دی خوشخبری اُتے ایمان رکھن نال،ایتھوں تیکر پئی ساڈے سارے ہر دن دے پاپاں دی فکر ہو گئی اے ایس لئی پئی ساڈے سارے پاپ تے سزا پہلاں ا ی یِسُوعؔ دے بپتسمے تے اوہدے صلیبی لہو نال دھوتے گئے سن ۔
عبرانیوں ۱۰:۲۲ فرماتا ہے، ”تے فیر اسی سچّےدِل تےپُورے اِیمان نال تے دِل دے اِلزام نُوں دُور کرن لئی دِل اُتے چھٹے مار کےتے بدن نُوں سُتھرے پانی نال صاف کرکے خُدا دے کول چلّئے۔“پاک کلام پاپ نوں دھون دےبارے فرماؤندا رہندا اے ۔ اسی سچیائی اُتے ایمان رکھ کے اپنیاں ساریاں پاپاں توں مکتی یافتہ ہو سکدےآں پئی یِسُوعؔ مسیح اپنےبپتسمے نال سارے پاپ دھو چُکیا اے جیہڑے اسی اپنے بدن تے دل نال کردے آں ۔
بالکل جویں وڈا کاہن وی قربانیاں چڑھاؤن دے بعد پِتل دے حوض اُتے اپنی پلیتی دھوندا سی ، ایسے طرح یِسُوعؔ دے بپتسمے اُتے ایمان رکھ کے اپنیاں پاپاں نوں پاک کرن دے بعد ، سانوں ، وی لازمی ہر دن ایس ایمان نوں چیتے رکھنا چاہی دا اے ۔ جویں وڈا کاہن پِتل دےحوض اُتے اپنے آپ نوں دھوندا سی ، سانوں لازمی ہر دن چیتا رکھن تے ایمان رکھن نال اپنیاں ہر دن دیاں پاپاں نوں دھونا چاہی دا اے پئی ساڈے سارے پاپ یِسُوعؔ دے بپتسمے نال پاک ہو گئے سن ، ایس لئی پئی جویں اسی ایس جگ وچ زندہ رہندے آں ، تاں ایہو جیہے ویلے وی آؤندے نیں جد اسی ایہدے گند نال پلیت ہو جاندے آں ۔
سارے پاپ ، بھاویں بدن، دل یاخیالاں نال کیتے گئے ہون ، جگ دیاں پاپاں نال رَل دے نیں ، تاں فیر ، کیہڑے ایمان نال،اسی جگ دے ایہہ سارے پاپ دھو سکدے آں؟ اسی اوہناں نوں صرف بپتسمے نال جیہڑا یِسُوعؔ نے لیا دھو سکدے آں ۔ اوہناں نوں جیہڑے اِکو ای واری یِسُوعؔ دے بپتسمے اُتے ایمان رکھ کے پاک ہو گئے نیں لازمی اپنے دل پاک رکھنے چاہی دے نیں، تے جدکدی اوہ پاپ کردے نیں ، اوہناں نوں لازمی اوہناں نوں ایمان رکھ کے فیر دھونا چاہی دا اے ۔ اوہ جیہڑے ہر دن یِسُوعؔ دے بپتسمے نوں یاد کردے نیں تے ایمان رکھ کے اپنیاں چنگیاں کماں دے کپڑے دھوندے نیں اوہ برکتاں والے نیں ۔ ایس لئی پئی ساڈے سارے پاپ بپتسمے نال جیہڑا اوہنے یوحنا کولوں لیا یِسُوعؔ مسیح اُتے لدے گئے سن ، ایس سچیائی اُتے دھیان تے فکر کرن تے ہر دن ایس اُتے ایمان رکھن نال ، اسی کامل طریقے نال سدا لئی ساریاں پاپاں توں چھُٹ سکدے آں ۔
تہانوں لازمی پانی تےرُوح دی خوشخبری اُتے ایمان رکھنا چاہی دا اے ، پئی تہاڈے سارے پاپ وی یِسُوعؔ مسیح اُتے لد ے گئے سن جد اوہنے یوحنا کولوں بپتسمہ لیا ۔ ایس خوشخبری اُتے ایما ن رکھ کے تہاڈے کول گوان لئی کُجھ نئیں ہیگا ، ایس لئی پئی اپنی مرضی دا مالک خُدا ایہدے بارے ارادہ جگ نوں بناؤن توں پہلاں ،پُرانے عہدنامے دے زمانے توں پہلاں ای کر چُکیا سی ۔ ایہہ سچیائی اے پئی یِسُوعؔ نے یردن دے دریا اُتے بپتسمہ لَے کے تہاڈیاں پاپاں نوں قبول کیتا تے سولی اُتے چڑھ کے تہاڈیاں پاپاں دی ساری لعنت جری ، تہانوں خُدا دی راستبازی تے تہاڈی مکتی تیکر اَپڑن دے لائق بنا چُکی اے۔ اوہ سچیائی جیہڑی تہانوں ایہہ سمجھن دے لائق بنا چُکی اےپئی یِسُوعؔ بادشاہواں دا بادشاہ تہانوں سدا تیکر پاپ توں بچا چُکیا اے ،تے جنہے تہاڈیاں دلاں نوں اِک بدکار سو چ توں تراؤنکیا اے تے ستھرے پانی نال تہاڈیاں بدناں نوں دھویااے، ایہو ای پانی تےرُوح دی اصل خوشخبری اے ۔ پانی تےرُوح دی خوشخبری تہاڈی زندگی لئی لوڑی دا کلام اے ، تے جد تُسی ایمان رکھدے او تاں ایہہ ہو ر وی ڈھلکاں مارکے چمکدا اے ۔
اپنی لوکاں وچکار خدمت دیاں ۳ ورہیاں وچکار ، یِسُوعؔ نے پہلا کم جیہڑا ساریاں لوکاں نوں پاپ توں بچاؤن لئی کیتا بپتسمہ لیا سی ۔ دوجیاں اکھراں وچ ، یِسُوعؔ مسیح نے ساڈے پاپ چُکنے سن، تے اِنج کرن لئی اوہنے یوحنا دے کول جانا تے اوس کولوں بپتسمہ لینا سی ۔ ایس لئی ساریاں چارے انجیلاں ایس خاص واقعے نوں شروع وچ لکھدیاں نیں ۔
اصل وچ، تُسی تے مَیں ، اپنیاں ساریاں پاپاں دے سببوں مرن د ے لائق ساں ۔ پر کیہ ہویا ؟ ساڈاخُداوند ایس زمین اُتےآیا، یوحنا کولوں بپتسمہ لَے کے ساڈیاں پاپاں نوں چُک لیا ، خُدا دا لیلا بن گیا ، سولی اُتے جگ دے سارے پاپ لَے گیا ، ساڈیا ں پاپاں بدلے اپنیاں دوآں ہتھاں تے پیراں اُتے کِل ٹھکوائے ، سارا لہو وگا دتا جیہڑا اوہدے پِنڈے وچ سی تے مرگیا ، تے بعدوں فیر مویاں وچوں جی پیا۔ ایہو ای سبب ہیگا اے پئی یِسُوعؔ نے فرمایا، ”پُوراہویا،“جد اوہنے سولی اُتے اپنا اخیری ساہ لیا ۔
جیہڑا کُجھ یِسُوعؔ نے دسیا تے کیتا اوہ سارا سچ اے ۔ یِسُوعؔ سانوں بچاؤن لئی ساڈے پاپ دی قربانی
بن گیا ، تے تِناں دناں بعدوں فیر مویاں وچوں جی پیا ، تے مویاں وچوں جیوں اُٹھن دے بعد، اوہنے ۴۰ دِناں تیکر اپنے جیوں اُٹھن دی گواہی دتی ، اسمان اُتے چڑھ گیا، تے ہُن باپ دے تخت دے سجے ہتھ بیٹھا ہویااے ۔ ایہو ای یِسُوعؔ مسیح سانوں لین لئی ایس زمین اُتے آئے گا ۔ یِسُوعؔ مکتی داتا وانگر آیا سی جد اوہ پہلاں ایس زمین اُتے آیا سی ، پر جد اوہ دوجی واری فیر آئے گا ، تاں اوہ اوہناں ساریاں نوں سزا دین لئی جج بن کے آئے گا جیہڑے ایمان نئیں رکھدے ۔
ہُن تہانوں ایہہ سمجھ لینا چاہی دا اے پئی یِسُوعؔ مسیح جج بن کے ایس زمین اُتے پرت کے آئے گا ، اوہناں نوں خُدا دیاں پُتراں وانگر بُلاؤن تے قبول کر ن لئی جیہڑے پانی ،لہو تے رُوح دی مکتی اُتے ایمان رکھدے نیں جنہوں اوہنے ایس زمین اُتے اپنی ۳۳ ورہیاں دی زندگی وچ پورا کیتا تے اوہناں نوں ہزار ورہیاں دی بادشاہی تے سدا دے اسمان وچ زندہ رہن دے لائق کرے گا، تے اپنی سدا دی سزا اوہناں اُتے گھلے گا جیہڑے پانی ، لہو تے رُوح دی خوشخبری اُتے ایمان نئیں رکھے تے خُدا دی محبت نوں رَدّ کر چُکے نیں ۔
ہُن تہانوں پانی تےرُوح دی خوشخبری نوں ہور رَدّنا نئیں کرناچاہی دا تے ایس توں بے خبرے ہون دا فریب نئیں کرنا چاہی دا ، سگوں تہا نوں لازمی مکتی دی ایس سچیائی اُتے ایمان رکھنا چاہی دا اے ۔ تے تہانوں سمجھنا چاہی دا اے پئی بالکل جویں خُدا نے خیمۂ اِجتماع تے قربانی دے طریقے راہیں وعدہ کیتا سی ، یِسُوعؔ مسیح ایس زمین اُتے آیا ،ہتھاں دے رکھے جان نال بپتسمہ لیا ، سولی اُتے چڑھیا ، تے اِنج سارے جگ دیاں ساریاں قوماں نوں ساریاں پاپاں توں بچا چُکیا اے ، تے تہانوں اپنے سچے دلوں ایس سچیائی اُتے ایمان رکھ کے اپنیاں پاپاں دی معافی پاؤنی چاہی دی اے ۔
ایہدے باوجود، اسرائیلی قوم ہُن وی سچیائی ولوں مُنھ موڑ کے اِک ہور مسیحا نوں اُڈیکدی پئی اے ۔ پر اسرائیلیاں نوں ایہہ پتہ ہونا چاہی دا اے پئی بھاویں اوہ یِسُوعؔ تو ں ہٹ کے کسے مسیحا نوں کنا ں ای چوکھا اُڈیکن ، یِسُوعؔ مسیح توں علاوہ کوئی دوجا مسیحا نئیں ہیگا ۔ پئی ایس دھرتی اُتے یِسُوعؔ توں علاوہ کوئی دوجا مسیحا نئیں ہیگا ، ایہہ آپ صاف سچیائی اے ،تے جویں پئی اسرائیلی وی ایس سچیائی توں مُکر نئیں سکدے تے نا ای اوہناں لئی کوئی دوجا مکتی داتا ہیگا اے ۔
ایس طرح، اسرائیلیاں نوں لازمی یِسُوعؔ مسیح اُتے خُدا دے پُتر وانگر ایمان نا رکھن دے اپنے پاپ توں توبہ کرنی چاہی دی اے ،تے اوہناں نو ں لازمی ایمان رکھنا چاہی دا پئی یِسُوعؔ مسیح سچ مُچ اوہناں دا اصلی مسیحا اے تے ایہنوں سچیائی وانگر قبول کرنا چاہی دا اے ۔ اِک واری فیر پک کرن تے ایمان رکھن نال پئی یِسُوعؔ مسیح ای آؤن والا مکتی داتا اے ، اسرائیلی قوم نوں خُدا دی سچی ، تے رُوحانی طریقے نال وکھ کیتی ہوئی قوم بننا چاہی دا اے ۔
ایس ویلے وی ، اسرائیلی اِک وڈیائی دےلائق ، گُناں والا ، تے تگڑے مسیحا نوں اُڈیکدے پئے نیں جیہڑا اوہناں نوں ایس جگ دیاں دُکھاں تے تنگیاں توں بچاسکدا ہوئے ۔ پر یِسُوعؔ مسیح پہلاں ای اِک بندے دے بدن وچ مسیحا بن کے ایس زمین اُتے آیا تے اوہناں نوں اوہناں دیاں ساریاں پاپاں توں بچا چُکیا اے ، جیہڑے اَگ وچ سُٹے جان توں بچ نئیں سکدے سن ۔ ایس طرح، اوہناں نوں لازمی ایس سچیائی نوں مننا چاہی داتے ایس اُتے ایمان رکھنا چاہی دا اے ۔ اوہناں دیاں جاناں لئی یِسُوعؔ آپ ای پُرانے عہد نامے وچ وعدہ کیتی گئی پاپ دی قربانی دے اوہناں دے لیلے وانگر ایس زمین اُتے آیا ، اوہناں نوں اوہناں دیاں ساریاں پاپاں توں سدا تیکر بچایا ، تے اوہناں نوں خُدا دے اپنے لوک بنا چُکیا اے ۔
یِسُوعؔ مسیح جیہڑا مکتی داتا بن کے آیا سانوں ساریاں نوں پانی تےرُوح دی خوشخبری دے راہیں، یعنی اسمانی، ارغوانی، تےلال دھاگے تےمہین وٹے ہوئے کتان وچ ظاہر ہوئی سچیائی نال بچا چُکیا اے ۔ تے اوہ لازمی ساڈے وچوں اوہناں نوں جیہڑے ایس اُتے ایمان رکھدے نیں اپنے نال ہزار ورہیاں دی بادشاہی وچ بادشاہی کرن دے لائق بنائے گا ۔ اسیہدے بعد ، اوہ اوہناں نوں خُدا دی سدا دی بادشاہی وچ جان تے آپ ای خُدا دے نال سدا تیکر خوشی تے جلال وچ زندہ رہن دی اجازت وی دیوے گا ۔
ایس طرح ، جد پئی اسی حالی تیکر ایس زمین اُتے ہیگے آں ، سانوں ساریاں نوں لازمی اپنے سچے دلوں پانی تےرُوح دی خوشخبری اُتے ایمان رکھنا چاہی دا اے تے خُدا دے اپنے نیانے بننا چاہی دا اے ۔ صرف اوہو ای جیہڑے سچیائی دی ایس خوشخبری اُتے ایمان رکھدے نیں خُدا دے بے پاپ نیانے بن سکدے نیں تے ساریاں برکتاں پاؤن دی ضمانت پاؤندے نیں جیہڑیاں اگلے جہان وچ اوہناں نوں اُڈیکدیاں نیں ۔
ہیلیلویاہ! مَیں خُداوندداسانوں اسمان دیاں رُوحانی برکتاں دین لئی اپنےایمان دےنال شکرکردا آں۔ ساڈے خُداوند نے وعدہ کِیتا سی پئی اوہ بوہت چھیتی واپس آئے گا؛ بِناشک، اَے خُداوند،آ!
Copyright © 2021 by The New Life Mission