कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है।
प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।
مضمون 6: بدعت
[6-1] نقلی مسیحی تے مسیحیت وِچ بِدعتاں (راہوں کراہ) <یسعیاہ ۲۸: ۱۳ ۔۱۴>
>یسعیاہ ۲۸: ۱۳ ۔۱۴>
” ایس لئی خُداوند دا کلام اوہناں لئی حکم اُتے حکم ۔حکم اُتے حکم ۔قانون اُتے قانون ۔قانون اُتے قانون ۔کُجھ ایتھے کُجھ اوتھے ہووےگا تاں پئی اوہ چلے جان تے پچھاں ڈگن تے ہار جان تے جال وِچ پھسن تے پھڑے جان ۔ ایس لئی اَے ٹھٹھا کرنے والیو!جیہڑے یروشلیم دے ایناں وسنیکاں اُتے حکم چلاؤنے او! خُداوند دا کلام سُنو۔“
پاک کتاب دے مطابق راہوں کراہ
پاک کتاب کویں ”راہوں کراہ پئے“ نُوں دَسدی اے؟
پاک کتاب ایس طرحاں راہوں کراہ پئے نُوں دَسدی اے ، کوئی ایہو جیہا جیہڑااپنے دِل وِ چ پاپ رکھدا اے بھانویں اوہ یسوع اُتے وی ایمان رکھدااے ۔
ایناں دیہاڑیاں وِچ بوہت سارے نقلی خبراں چھاپن والے ہیگے نیں ،خا ص کر ترقی کردے ہوئے ملکاں وِچ۔ اوہ اخبار لکھاری ہون دا پج لاؤندے نیں پر عام طوراُتے اپنے شکار توں ،کسے نُوں ملاؤن دی دادابا لاؤندیاں ہویا ں پیسے سمیٹ دےنیں جیہڑے اوہناں دے جال وِچ آجاندے نیں ۔اَکھر نقلی دا مطلب اے کوئی شے جیہڑی اَصلی دِسدی اے پر اَصلی شے نئیں ہیگی ۔دوجے اَکھراں وِچ ، ایہہ کسے شے
دے بارے دَسدی اے جیہدی اَصل ذات اوہدے وکھالے دِسن توں ساری دی ساری مختلف ہیگی اے ۔
اَکھر ” راہوں کراہ “ تے ” نقلی “ بوہتے مسیحی کلیسیاواں وِچ ورتے جاندے نیں ۔
تھوڑیاں جیہاں کھریاں تے کھُلیاں ہویاں تعریفاں نیں پئی اِک وِگڑی راہ کیہ اے تے اوہدے نال رلدی ہوئی گل نقلی دا کیہ مطلب اے ، نہ ای بوہت سارے لوک ہیگے نیں جیہڑے پاک کتاب دےبوہت رل جان وِچ ایناں خیالاں دی تعلیم دیندے نیں ۔
ایناں حالاں دے مطابق،میَں کھولن لئی اِک لازمی فرض محسوس کردا ہاں پئی پاک کتاب ”راہوں کراہ پاؤن “دے طور اُتےکیہ بیان کردی اے تے ایس مضمون اُتے کیہ کُجھ روشنی پائی ۔ میَں ہر دیہاڑے حیاتی وِچوں راہوں کراہ پاؤن دیا ں کُجھ مثالاں وَل وی اِشارہ کرنا چاؤہندا ہاں تے جیہڑی ایس طرح سانُوں ساریاں نُوں رَل کے اوہدے بارے وِچ سوچن دی اجازت دیندی اے ۔ہر کسے نُوں جیہڑا خُدااُتے ایمان رکھدا اے گھٹوگھٹ اِک واری اپنی جندڑیاں وِچ پُٹھی راہے پاؤن دے بارے وِچ سوچنا اے ۔
طِطُس ۳ : ۱۰ ۔۱۱ وِچ اِک پُٹھی راہیں پاؤن والے بندے نُوں ونڈ پاؤن والے بندے وانگر بیان کیِتا گیا اے جیہڑا راہوں بھُل جاندا اے تے پاپ دے دھیانے لگ جاندااے ،کوئی ایہو جیہا جیہڑا اپنے آپ نُوں جرم وار ٹھہراؤندااے ۔ اِک پُٹھی راہیں پین والا کوئی ایہو جیہا بندہ اے جیہڑا اپنے آپ نُوں اِک پاپی وانگر جرم وار ٹھہراؤندااے ۔ ایس لئی وہ جیہڑے یسوع اُتے ایمان رکھدے نیں پر اپنے دِلاں وِچ پاپ رکھدے نیں ،خُدا دے اَگے پُٹھی راہے پئے ہوئے نیں ۔
یسوع نے اپنے بپتسمہ دے راہیں ساڈےسارے پاپاں نُوں چُک لیا ۔ پر پُٹھی راہیں پین والے اصل خوشخبری اُتے ایمان رکھن توں مکر جاندے نیں ،جیہڑی پاپیاں نُوں مکتی دیندی اے تے ایس طرحاں ، اپنے آپ نُوں پاپیاں دی لائن وِچ رلاؤن لئی جرم وار ٹھہراؤندے نیں ۔
کیہ تُسیں پُٹھی راہے پئے او؟ سانُوں ایس بارے وِچ سوچنا اے ۔ جے اَسیں اِک ایماندار تے اصل آکھامنن والیاں جندڑیاں بسرکرنا چاہندے آں ۔
کیہ تُسیں اپنے آپ نُوں اِک پاپی وانگر جرم وار نئیں ٹھہراندے پئے، بھانویں تُسیں یسوع اُتے ایمان رکھدے ہوو،کیہ تُسیں ہُن تیک پانی تے رُوح دی خوشخبری نُوں نئیں سُنیا ؟ جے تُسیں اپنے آپ نُوں اِک پاپی سمجھدے او ، فیر تُسیں اوہدی مکمل مکتی تے پانی تے رُوح دی خوشخبری دی بے عزتی کرن دے راہیں یسوع دے نال بھیڑا سلوک کردے پئے او ۔
خُدا دے اَگے کسے دا اپنے آپ نُوں پاپی آکھدیاں ہویاں منن دا مطلب اے پئی اوہ خُدا دا پُتر نئیں
ہیگا ۔ اوہ جیہڑے یسوع دے اَگے من دے نیں ، ” یا خُداوندا ،میَں اِک پاپی آں ۔“ اوہناں نُوں اپنے ایمان نُوں دوجی وار جانچنااے ۔
کویں تُسیں یسوع اُتےایمان رکھدے او تے ہُن تیک پاپی ہون دے دااقرارکردےاو ۔ جد پئی یسوع نے سارے جگ دے پاپاں نُوں چُک لیا تے تُہانُوں ہمیش دے موت توں کامل طریقے نال بچا لیا ؟ کویں تُسیں اوہدی مکتی دی مفت بخشش تو ں مکر سکدے اوتے اپنے آپ نُوں اِک پاپی وانگر دَس سکدے او ۔ جد پئی یسوع نے اپنے بپتسمہ دے راہیں تُہاڈے سارے پاپاں نُوں چُک لیا تے اوہناں لئی سوُلی اُتے ساری دی ساری سزا سہی ؟
ایہو جیہے لوک راہوں پُٹھی راہ پئے نیں کیوں جے خُدا دے کلام توں وَکھ ہو کے اپنی مرضی نال پاپی بن دے نیں ۔ تُہانُوں خُدا دے اَگے پُٹھی راہ پین دے جرم توں بچن لئی پانی تے رُوح دی خوشخبری نُوں جاننا اے ۔
کوئی وی جیہڑا یسوع اُتے ایمان رکھدا اے پر نویں سِریوں نئیں جمیا ،پُٹھی راہ پیا اے ۔ کیوں جے اوہ ہُن تیک اپنے دِل وِچ پاپ رکھدا اے ۔
کیوں جے خُدا نے جگ دے سارے پاپاں نُوں چُک لیا اوہدے وِچ ساڈے اپنے پاپ وی شامل نیں ،جے اَسیں مکتی دی ایہہ برکت اِک پاسے سُٹ دیندے آں ۔اَسیں خُدا دے اَگے پُٹھی راہ پئے آں۔ کیوں جے خُدا پاک اے ،جے اَسیں اپنے جی وِچ پاپ رکھدے آں ،اَسیں پُٹھی راہے پئے آں ۔ جے اَسیں سچ مُچ راستباز بننا چاہندے آں ،سانُوں یسوع دے بپتسمہ تے اوہدے صلیبی لہو دی خوشخبری اُتے ایمان رکھنا اے۔
پاک کتاب وِچ پُٹھی راہے پین دا شروع
اِک کاہن ہون لئی بڑی خاص خوبی کیہ اے؟
اوہنوں نویں سِریوں جمنا اے
آؤ اَسیں ۱ ۔ سلاطین ۱۲ : ۲۵ ۔۲۶ ویکھیے ۔ ” فیر یُربعام نیں افرائیم دے پہاڑی ملک وِچ سکم نُوں بنایا تے اوہدے وِچ رہن لگا تے اوتھوں نکل کے اوہنے فنوایل نُوں بنایا۔ تے یُربعام نے اپنے دِل وِچ آکھیا پئی ہُن بادشاہت داؤد دے خنوادے وِچ فیر چلی جاوے گی ۔“ یُربعام سلیمان دے تھلے کامیاں وِچوں اِک سی ۔ جدو ںسلیمان اپنے اخیری ورہیاں وِچ پاپی ہو گیا ، یُربعام نے بادشاہ دے خلاف بغاوت کیتی ۔تے بعد وِچ رُحبعام سلیمان دےپُتر ،دے دِناں وِچ اوہ بنی اِسرائیلی دے ۱۰ خنوادیاں دا بادشاہ بن گیا۔
یُربعام دی پہلی اُکھیائی جدوں اوہ بنی اسرائیل دا بادشاہ بن گیا ایہہ سی کہ اوہدے لوک شاید یہوداہ وَل پرت جان جتھے ہیکل سی ۔
ایس لئی، ایس واقعے نُوں ہون توں روکن لئی اوہنوں اِک خیال آیا ۔ اوہنے بیت ایل (خُدا دے گھر)تے دان وِچ دوسونے دے وچھے بنائے تے اپنے لوکاں نُوں اوہناں دی پُوجا کرن دا حکم دِتا ۔ ۱۔سلاطین ۱۲ : ۲۸ وِچ دَسدا اے ، ” ایس لئی اوس بادشاہ نے مشورہ کر کے سونے دے دو وچھےبنائے۔“اِک نُوں اوس نے بیت ایل وِچ تے دُوجے نُوں دان وِچ کھڑیاں کیتا تے اپنے لوکوں نُوں اوہناں دی پُوجا کرن لئی آکھیا ، ایس سچ نُوں جان دیاں ہویاں پئی اِنج کرنا اِک وڈا پاپ سی۔ایتھوں تیک پئی اوہنے اَڑی دے نال پوجا کرن لئی کاہناں نوں مقررکیِتا ۔
” ایس واقعے دے بعد وی یُربعام اپنی بھیڑی راہوں نہ ہٹیا سگوں اوہنے لوکاں وِچوں اُچیاں تھانواں لئی کاہن مقرر کیتے ۔ جنہے وی چاہیا اوہنوں اوہنے خاص کیِتا تاں پئی اُچیاں تھانواں لئی کاہن ہون۔ “ (۱۔سلاطین ۱۳ :۳۳)۔ایہہ بھیڑی راہے پین دا شروع سی۔
ایتھوں تیک پئی اَج وی ، بھیڑی راہ دے راہی ہر کسے نُوں کہانت لئی مقرر کردے نیں جیہڑے خُدا دا کم کرن لئی مرضی رکھدے نیں۔ ہر کوئی جیہڑا خُدا دے علم دی سیمنری وِچوں گریجویٹ دی ڈگری حاصل کردااے اِک نوکر، مناد تے بزرگ ہو سکدا اے ،ایتھوں تیک پئی اوہ پانی تے رُوح دے راہیں نویں سِریوں نئیں جمیا۔
کویں کوئی جیہڑا نویں سِریوں نئیں جمیا ،اِک خُدا دانوکر بن سکدااے ؟ جے ایہو جیہا بندہ اِک کاہن وانگر مقرر کیتا جاندا اے ، تو کلیسیا جیہڑی اوہنوں چُن دی اے ،بھیڑی راہیں پین والے بناؤن والا کارخانہ بن جاندی اے ۔
آؤ اَسیں بھیڑی راہیں پین والیاں دے مُڈھ بارے فیرسوچئے ۔پہلا یُربعام نے اپنی سیاسی طاقت
نُوں چالُو رکھن دے سلسلے وِچ خُدا نُوں سونے دے وچھیاں نال بدل دِتا ۔دوجا ، اوہنے ہر کسے نُوں خاص کیِتا جیہڑا کاہن بنن دی مرضی رکھدا سی ۔ دوجے اَکھراں وِچ ،اوہنے عام لوکاں نُوں کاہناں وانگر خاص کیِتا ۔ ایتھوں تیک پئی ایہو ای کم اَج وی چلدااے ۔
یُربعام دے دِناں دے بعد بھیڑی راہیں پین والیاں دی تاریخ چنگی طرحاں چلدی رہی ۔ا وہ جیہڑے پانی تے رُوح دے راہیں نویں سِریوں نئیں جمے نیں اوہناں نُوں کدی کاہن بنن دی اجازت نئیں دینی چاہی دی ۔
کیہ ہر کوئی جیہڑا خُدا دے علم دی سیمنری وِچوں صرف گریجویٹ دی ڈگری حاصل کردااے، اِک خُدا دا نوکر یاں مناد بن سکدا اے ؟ کیہ اوہناں لئی ایہہ ٹھیک اے پئی خُدا دی نوکری کرن ایس سچ دے باوجود پئی خُدا دیاں اَکھاں وِچ لائق نئیں ہوئے نیں ؟ کدی نئیں؟ صرف اوہ جنہاں دی خُدا دے راہیں منظوری ہو گئی اے ،اوہناں نُوں خُدا دے نوکر بنن دی اجازت ہونی چاہی دی اے ۔ اوہ جنہاں دی خُدا دے راہیں منظوری ہُندی اے ، اوہ نیں جیہڑےپانی تے رُوح دے راہیں نویں سِریوں جم پئے نیں ۔
ایہہ ۱ ۔سلاطین ۱۲ : ۲۵ ۔۲۶ تے ۱ ۔سلاطین دے ۱۳ باب وِچ دسیا گیا اے پئی یُربعام دے پاپ نے خُدادے غصے نُوں اُبالا دِتا ۔ سانُوں ساریاں نُوں ایہہ کہانی جاننی چاہی دی اے ، تے جے کوئی اینوں نئیں جان دا ،اوہنوں پاک کتاب وَل پرتنا تے لبھنا چاہی دا اے ۔
دوجی واری دھیان کروں ،کیہ تُسیں اپنی خُدا دی نوکری وِچ خُدا نُوں سونے دے وچھیاں نال بدل دے پئے او ؟ کیہ تُسیں اِنج کردے او ،صرف اتفاقیہ طور اُتے دھرتی دیاں برکتاں اُتے زور دیندے او ،کِتے اِنج نہ ہووے ،شاید تُہاڈے پچھے چلن والے پانی تے رُوح دے راہیں نویں سِریوں جمن دی خوشخبری وَل واپس پرت جان ؟
کیہ تُسیں اپنے پچھے چلن والیاں نُوں دسدے او پئی او بیماریوں شفا لے سکدے نیں ،جے اوہ یسوع اُتے ایمان رکھدے نیں؟ کیہ تُسیں اوہناں نُوں دَسدے او پئی اوہ دولت وِچ برکت پاؤن گے ؟ کیہ تُسیں اوہناں نُوں جیہڑے نویں سِریوں نئیں جمےنیں ،اپنی کلیسیا دے نوکر ،یا ں کم کار کرن والے مقرر کردے او، تے دعویٰ کردے او پئی صرف تُہاڈا فِرقہ ٹھیک ایمان والا اے ؟ جے اِنج اے ، تُسیں خُدا دے اَگے یرُبعام والا پاپ کردے پئے او تے خُدا دے غصے نُوں اُبالا دیندے پئے او۔
بھیڑی راہے پین والے سونے دے وچھیاں دے خُدا دی پوجا کردے نیں
ایتھوں تیک پئی اَج وی ، بوہت سارے بھیڑی راہے پین والے نیں جیہڑےسونے دے وچھیاں دی پوجا کردے نیں۔اوہ آکھدے نیں ،خُدا نے سلیمان نُوں برکت دِتی جدوں اوہنے خُدا دے اَگے اِک ہزار سوختنی قربانیاں چڑھائیاں ۔۱ ۔ سلاطین ۳ : ۳ ۔۵ دَسدااے ، ” تے سلیمان خُداوند نال محبت رکھدا تے اپنے پیو داؤد دے قانُون اُتے چلداسی ۔ایناں ضرور اے پئی اوہ اُچیاں تھانواں اُتے چڑھاوے چڑھاؤندا تے بخُور بالداسی ۔تے بادشاہ جبعون نُوں گیا تاں پئی چڑھاواچاڑھے کیوں جے اوہ واوا اُچی تھاں سی تے سلیمان نے اوس قربان گاہ اُتے اِک ہزار سوختنی قربانیاں چاڑھیاں ۔جبعون وِچ خُداوندنے رات دے ویلے سلیمان نُوں سُفنے وِچ وکھالی دِتی تے خُدا نے آکھیا ،منگ میَں تینوں کیہ دیواں؟ “
اوہ ” سلیمان دی اِک ہزار سوختنی قربانیاں “ دے فریبی وعدے مطابق اپنے پچھے چلن والیاں توں پیسے ٹھگدے نیں ۔اوہناں عقل دے انھے پچھے چلن والیاں توں اوہناں دی دولت دھکے نال لے لئی جاندی اے ۔ تے اوہ جیہڑے سونے دے وچھیاں دی اپنے خُداوانگر پوجا کردے نیں، اپنی دولت کھوالیندے نیں ،جیہڑی وڈے گرجے بناؤن لئی ہدیے وانگر ورتی جاندی اے ۔ ایہہ ایس لئی نئیں پئی اوہناں دے گرجے چھوٹے نیں سگوں ایس لئی پئی اوہ اپنے پچھے چلن والیاں توں دولت کھونا چاہندے نیں ۔
اپنے اکٹھیاں پوجا کرن لئی سونے دے وچھے کھڑے کرنا صرف اِک فریب سی ۔ پُٹھی راہے چلن والے اوہناں توں دولت کھون لئی اُٹھے سَن ۔ اَسیں جیہڑے خُدا اُتے ایمان رکھدے آں ،سانُوں وی کھٹ عقل والیاں توں فکر مند نئیں ہونا چاہی دا۔ جے تُسیں سونے دے وچھیاں دی پوجا وِچ اپنی دولت پیش کردے او ، ایہہ خُدا نوُں پیش نئیں کیتی گئی ،سگوں اوہ نقلی کاہناں دی جیباں وِچ ہضم ہو جاندی اے جیہڑے یُربعام وانگر لالچ نال بھرے ہوئے نیں ۔ تُہانُوں کدی ایہو جیہے پُٹھی راہیں پین والیاں دے جال وِچ پھسنا نہیں چاہی دا۔
فیر کیوں خُدا سلیمان دیاں اِک ہزار سوختنی قربانیاں توں خُوش ہویا ؟ کیوں جے سلیمان اپنے پاپاں نُوں جان داسی تے من دا سی پئی اوہناں دے سبب اوہنے مرنا سی تے ایمان دے مطابق چڑھاوے چڑھائے ۔ اوہنے خُدا کی مکتی دی شکرگزاری وِچ اِک ہزار سوختنی قربانیاں چاڑھیاں ۔سلیمان،پانی تے روح
دی مکتی دی سوچ دے سبب ہر دیہاڑے اِک ہزار سوختنی قربانیاں چاڑھداسی ۔
ہُن تُہانُوں پُٹھی راہیں پین دا اصل مطلب یاد رکھنا چاہی دا اے تاں پئی کدی وی نقلی کاہناں توں دھوکہ نہ کھاؤ۔
اوہ جیہڑے نویں سِریوں جمن توں اَڈ خُدا دی نوکری کردے نیں ،پُٹھی راہ دے راہی نیں
پُٹھی راہ دے راہی نویں سِریوں جمن دے بارے وِچ کیہ آکھدے نیں ؟
اوہ آکھدے نیں ،اوہ رویا ،سُفنے تے مختلف قسم دے روحانی تجربیاں دے راہیں نویں سِریوں جمے نیں
ایتھے بوہت سارے ایہو جیہے نیں جیہڑے دوجیاں نُوں نویں سِریوں جمن دی تعلیم دیندے نیں ،جد پئی اوہ آپ ایمان وِچ نویں سِریوں نئیں جمے۔ اوہ سارے پُٹھی راہ دے راہی نیں ۔ اوہ دوجیاں نُوں نویں سِریوں جمن دے لئی آکھدے نیں جد پئی اوہ نویں سِریوں جمن دے لائق نہیں ہیگے،کیوں جے اوہ پانی تے رُوح دی خوشخبری دے بارے وِچ نئیں جان دے ۔اَسیں صرف ہس سکدے آں۔
نقلی کاہن ، پانی تے رُوح دی خوشخبری نُوں وگاڑدے ہویاں نقلی خوشخبری دی منادی کردے نیں ۔ اوہ لوکاں نُوں اوہناں دے اپنے پاپ ہر دیہاڑے دھون لئی آکھدے نیں ۔
اوہ آکھدے نیں ۔”جاؤ تے پہاڑاں اُتے دعاواں منگو۔روزہ رکھن دی ہمت کرو ،اپنے آپ نُوں خُدا دے کماں دے نانویں لا دیو ،مونہہ ہنیرے دُعا کرو، تابع داربنو،گرجے بناؤن لئی بوہتا پیسہ دیووپر ایہہ خیال رکھو پئی تُسیں اپنے پاپاں دے آپ ذمے دار ہیگے او۔“
اِک واری میَں کسے نُوں گواہی دیندیاں سُنیا پئی کویں اوہ نویں سِریوں جم پیا سی ۔اوہنے دَسیا پئی اِک سُفنے وِچ ،اوہ اِک قطار وِچ کھلوتا سی تے جدوں اوہدی واری آئی یسوع نے اوہدا ناں سدیا ۔ اوہنے دسیا ،ایہہ اوہدے نویں سِریوں جمن دی گواہی سی ۔پر کیہ ایہہ اوہدا یقین ٹھیک اے؟ یسوع تے ایس طرحاں
نئیں آکھدا۔
یوحنا ۳ :۵ وِچ ،اوہ آکھدا اے ، ” جدوں تیک کوئی بندہ پانی تے رُوح نال نہ جمے اوہ خُدا دی بادشاہی وِچ جا نئیں سکدا۔“ خُدا آکھدا اے صرف اوہولوک جیہڑے پانی تے رُوح نال نویں سِریوں جمےنیں ،اصل کاہن بن سکدے نیں ۔ کوئی جیہڑا ایہہ ایمان رکھدا اے پئی اوہ سُفنیاں ،خیالی پلاء رُوح وِچ مست ہون یاں توبہ دیاں دعاواں نال جمیا اے ، اوہ اِک پُٹھی راہ دا راہی اے ۔
ایناں دیہاڑیاں وِچ ، بوہت سارے لوک خُدا دے لکھے ہوئے کلام اُتے ایمان نئیں رکھدے تے پانی تے رُوح دے نال نویں سِریوں جمن دی بجائے اپنے فرقےدی تعلیم نوں من دے نیں۔ اوہ جیہڑےپانی تے رُوح دے راہیں نویں سِریوں جمن دی خوشخبری دی منادی کرن توں مکر دے نیں ، نقلی مسیحی نیں تے پُٹھی راہ دے راہیں نیں ۔
اِصلاح کار تے موجودہ مسیحیت
کدوں اصل خوشخبری وِچ ملاوٹ شروع ہوئی تے دوجیاں دیناں دے سبب وگاڑ ی گئی؟
اوس ویلے توں جدوں رومی شہنشاہ قسطنطنیہ نے ۳۱۳ بعد اَز مسیح وِچ ” ملن فرمان“ دا ضابطے نال اعلان کیِتا ۔
کدوں مسیحیت فرقیاں وِچ ونڈی گئی ؟ کدوں مختلف فرقےمثال طور تے پریسبٹیرین ، میتھوڈسٹ ، بپٹسٹ ،لُوتھرن ،ہولینس تے فل گاسپل شروع ہوئے ؟ اصلاح کاری صرف گھٹوگھٹ ۵۰۰ سال پہلاں شروع ہوئی سی۔
مڈھلے مسیحی اوہ نیں جیہڑے یسوع دے ،جدو ں اوہ ایس جگ وِچ سی، پچھے چلے ۔” مسیحی “ دامطلب ، ” اوہ لوک نیں جیہڑے مسیح دے پچھے چلدے نیں ۔“
اَگیترے مسیحی رسُو ل تے اوہناں دے چیلے سَن ۔رسُولاں تے کلیسیا دے وڈ، وڈیریاں نے ۳۱۳
بعد اَز مسیح تیک اصل خوشخبری دے پچھے چلے ،فیر ، شہنشاہ قسطنطنیہ دے ” ملن فرمان “ دے بعد مسیحی تے دوجیاں قوماں اِک دوجے نال ملن لگ پئیاں ۔اوہدے نتیجے وِچ اوہ ہنیریاں والے دیہاڑے سَن جیہڑے۱۰۰۰،ورہیاں توں بوہت چِر تیک چلدے رہے ۔
بعد وِچ ، ۱۶ ویں صدی دے شروع وِچ مارٹن لوتھر نے ، ایہہ آکھدیاں ہویاں اِصلاح کاری دا اعلان کیِتا ۔ ” راستباز ایمان نال جیوندارہوے گا ۔“ (رومیوں ۱:۱۷) کُجھ چِر بعدوں ۱۵۰۰~۱۶۰۰ ،دےوِچکار جان کیلون تے جان نوکس ورگے اِصلاح کاراں نیں کیتھولک پوجا دے خلاف تحریک دی اَگوائی کیتی ۔ ایہہ سب کُجھ اِصلاح کاری دا کھٹیاسی ۔
ایہہ اِصلاح کاری صرف کیتھولک کلیسیا توں وَکھ نویں کلیسیاواں نوں بناؤن دی کوشش سی ۔ اِصلاح کاراں نیں آپ کیتھولک پوجا دا کوئی بنیادی انکار کرن دی کوشش نئیں کیتی ۔
اوہناں دا مقصد پانی تے رُوح دے راہیں نویں سِریوں جمن دے ایمان نُوں وادھے پاؤنا نئیں سی ، سگوں اوہ اپنے آپ نُوں رومن کیتھولک کلیسیا دے بےترس تے بھیڑے دباؤ تو ں چھُٹ جانا سی ۔ رومن کیتھولک کلیسیا نے ایس تحریک نُوں احتجاج پرستی (پروٹسٹینٹ پن)آکھیا ۔ ایہدا مطلب احتجاج کرنے والے نیں ۔
اوس ویلے، رومن کیتھولک کلیسیانے لوکاں نُوں ایہہ آکھدیاں ہویاں ،معافی نامے خریدن لئی اُبھاریا پئی اوہ اپنے موئے ہوئے وڈ، وڈیریاں نُوں آسمان دی بادشاہی وِچ گھل سکدے نیں جے اوہ ایہو جیہے معافی نامے اِک وڈی رقم نال خریدن ۔لوتھر نے ایہہ نئیں سی سوچیا پئی کیتھولک پوجا بنیادی طور اُتے غلط سی۔ اوہ صرف رومن کیتھولک کلیسیا نُوں معافی نامے ویچن توں روکن دی کوشش کرداپیا سی ،جیہدا پیسہ سینٹ پیٹر زکیتھیڈرل دی عمارت لئی سی ۔
نتیجے دے طور اُتے ،اَسیں نویں پروٹسٹینٹ کلیسیا وِچ کیتھولک کلیسیادیاں بوہت ساریاں باقی گلاں ویکھ سکدے آں:بچے دا بپتسمہ،توبہ دیا ں دُعاواں جیہڑیاں رومن کیتھولک کلیسیا دے مطابق پاپ دے اقرار نال رَلدیاں ملدیاں سی ، پاک ریتاں ،تے صرف اوہناں خادماں دے جلال بھرے گرجیاں دے وانگر پچھان جیہڑے کسے خُدا دے علم دی سیمنری توں گریجویٹ نیں۔ ایہہ ساریاں گلاں رومن کیتھولک کلیسیا دے باقی حصے نیں ۔
۱۵ویں صدی دے شروع توں اِصلاح کاری گِن دیاں ہویاں ،احتجاج دے پجاریاں دی تاریخ صرف گھٹوگھٹ ۵۰۰ ورےہیگی اے ۔ ایہہ ورہا اِصلاح کاری دی تقریب دا ۴۸۱ ورہا ہیگا اے ۔تُسیں شاید نہ سوچدے ہوووپئی مارٹن لوتھر نے صرف ۴۸۱ ورہے پہلاں اپنے پیو دادے دی کلیسیا دے خلاف احتجاج کیِتا ۔ ایس طرحاں احتجاج پجاری اپنے سامنے گھبروجواناں دی لو وِچ قانونی حق دعوی ٰ نئیں کر سکدے ۔ مسیحیت دی اِصلاح کاری اَج وی چلدی اے ۔تے ایہہ ہمیشہ چلدی رہنی چاہی دی اے ۔
فیروی ، اِک شے ہیگی اے جیہڑے سانُوں دل وچ رکھنی چاہی دی اے ۔سانُوں کدی وی نہیں بھلنا چاہی دا پئی صرف اوہ لوک جیہڑے نویں سَریوں جمے نیں اَسمان دی بادشاہی وِچ جا سکدے نیں ۔ آؤ اَسیں ایہدی منادی کرئیے ! کیہ تُسیں یسوع دی خوشخبری دی منادی کردے او ،مطلب پانی تے رُوح دے راہیں نویں سِریوں جمن دی خوشخبری ؟ جے نئیں ، تُسیں خُدا دے خادم نئیں ہیگے جے ۔ ایہہ ”پانی تے رُوح دے راہیں نویں سِریوں جمن دی خوشخبری “ اے ،جیہدے اُتے خُداچاہندااے ، اَسیں ایمان رکھیے ۔ ایہہ اوہ ہیگی اے جیہڑی یسوع نے یوحنا دی انجیل دے ۳ باب وِچ نیکُدیمس نُوں سکھائی ۔
کیہ پاک کتاب صرف پانی تے رُوح دے راہیں نویں سِریوں جمن دی خوشخبری دے بارے وِچ گل کردی اے یا کیہ اوہ دوجیاں شیواں د ے بارے وِچ وی گل کردی اے ، مثال طور تے وسیب دے فائدے بھلیائی لئی کم کرنا تے اِک پاک حیاتی بسرکرنا ؟ بناں شک آخری گل وہ بوہت ضروری ہیگی اے ۔فیر وی ، تُسیں ایہہ پانی تے رُوح دے راہیں نویں سِریوں جمن دے بعد کر سکدے او ۔ خُدا دی مرضی لئی ایہہ ہیگا اے پئی اَسیں خوشخبری اُتے ایمان رکھیے۔
پُٹھی راہے پاؤن دی تعلیم
کیہڑا پُٹھی راہ دا ،راہی اے؟
اوہ بندہ جیہڑا ہن تیک پاپی اے بھانویں اوہ یسوع اُتے ایمان وی رکھدا اے
کدوں نقلی مسیحی ،پُٹھی راہیں پاؤن والا ایمان جگ وِچ کھلرنا شروع ہویا؟
بنی اسرائیل اک خُدا دی پوجا کردے سَن جدو ں تیک اوہ یُربعام دے دِناں وِچ دو حکومتاں وِچ نہ
ونڈے گئے جویں ۱ ۔سلاطین ۱۲ ۔۱۳ باباں وِچ لکھیا ہویا اے ۔اوس ویلے توں لے کے ،مسیح دے ایس جگ وِچ آؤن توں پہلاں تیک ،پُٹھا ایمان کھلرنا شروع ہویا ۔ ایناں دیہاڑیاں وِچ بوہت سارے پُٹھے ایمان والے کرتُوتاں کردے پئے نیں ۔
پاک کتاب یسعیاہ ۲۸باب تے طِطُس ۳ : ۱۰۔۱۱ وِچ پُٹھے ایمان والے مسیحیاں دی تعلیماں دے بارے وِچ گل کردی اے ۔ پاک کتاب دَسدی اے پئی پُٹھے ایمان والےاوہ نیں ،جیہڑے یسوع اُتے ایمان رکھدے نیں پر ہُن تیک اپنے جی وچ پاپ رکھدے نیں ، کوئی وی جیہڑا ایہدے ورگا اے ، پُٹھے ایمان والا اے ۔
تے اوہ تعلیم دیندے نیں ،جویں یسعیاہ ۲۸ : ۹ ۔ ۱۰ وِچ لکھیا ہویا اے ، ” اوہ کنوں دانائی سکھاوے گا ؟کنوں کھول کے سمجھائے گا َ؟ کیہ اوہناں نُوں جنہاں دا دُدھ چھڈایا گیا جیہڑے چھاتیاں توں وکھ کیتے گئے ؟ کیوں جے حکم اُتے حکم ۔ حکم اُتے حکم۔قانون اُتے قانون۔ قانون اُتے قانون ہیگا اے ۔ تھوڑا ایتھے تھوڑااوتھے۔ “
پُٹھے ایمان والانصیحت اُتے نصیحت ،لکیر اُتے لکیرا نُوں وھاؤندے نیں ۔ایہدا کیہ مطلب اے ؟ ایہدا مطلب اے ” ہوشیار رہوو،ہوشیار ہووجیہڑے آکھدے نیں پئی اوہ یسوع اُتے اپنےایمان دے راہیں نویں سِریوں جمے نیں ۔“ اوہ صرف تُہانُوں ہوشیار رہن لئی آکھدے نیں کوئی گل نئیں پئی کیہ اے ۔ اوہ تُہانُوں آکھدے نیں ،نہ سُنو ، نہ جاؤ ، ایہہ نہ ہووے تُسیں کِتے پُٹھے ایمان وچ نہ ڈِگ پوو۔
فیر وی ، جے اوہ اینے ای یقین نال بھرے نیں پئی اوہناں دا ایمان ٹھیک عقیدے والا اے ۔ اوہ اوہناں نُوں کیوں دفع نئیں کر سکدے جیہڑے آکھدے نیں ،اوہناں دے عقیدے خُدا دے کلام دے خلاف نیں ۔ایہہ بوہت ترس دے لائق گل اے ۔ اوہ ٹھیک عقیدہ مسیحی ہون دا دعویٰ کردے نیں پر اوہ جنہوں پُٹھا ایمان آکھدے نیں ،اوہدے اُتے غالب آؤن والا کلام نئیں رکھدے ۔ کھرا مسیحی خُدا دے کلام نال ہر پُٹھے ایمان اُتے فتح پا سکدا اے۔
ایناں دیہاڑیاں وِچ کیہ ٹھیک عقیدے والے نویں سِریوں جمے ہوئے لوکاں نُوں صرف ایس وجہ توں پئی اوہناں دے عقیدے مختلف نیں ۔ ” پُٹھے ایمان والے “ دے وانگر ماڑاچنگاآکھن گے ۔ اسیں کویں پُٹھے ایمان والے ہو سکدے آں جدوں پئی اسیں پانی تے رُوح دی خوشخبری اُتے ایمان رکھدے آں؟
جے اوہ پانی تے رُوح دی خوشخبری دی منادی کرن والیاں نُوں پُٹھے ایمان والے آکھدے نیں۔
تے اوہ اصل ٹھیک عقیدے والے مسیحی نیں ۔اوسے طرحاں ،جے اوہ ٹھیک پانی تے رُوح دی خوشخبری دی منادی نئیں کردے ،تے اوہ پُٹھے ایمان والے نیں۔
” ٹھیک عقیدےوالا “ تے ” پُٹھے ایمان والا “ وچ فرق ایس طرحاں ظاہر ہُندا اے پئی کیہ اوہ پانی تے رُوح دی خوشخبری دی منادی کردے نیں تے کیہ اوہ یسوع اُتے ایمان رکھدے نیں تے اپنے دِلاں وِچ پاپ رکھدے نیں یا نئیں ۔کیوں اوہ پُٹھے ایمان والے ہو سکدے نیں جے اوہ خُدا دے کلام اُتے ایمان رکھدے نیں تے پانی تے رُوح دے راہیں نویں سریوں جمے نیں ؟
کیہ یسوع دا بپتسمہ تے اوہدے صلیبی لہو اُتے ایمان رکھنا تے پاپ توں سارے دا سارا پاک ہونا پُٹھی راہیں پینا اے ؟ کیہ ” ٹھیک عقیدے والے “ نُوں پانی تے رُوح دی خوشخبری اُتے ایمان نئیں رکھنا اے ؟
بوہت سارے فرقے نیں جیہڑے پاک کتاب توں کھسک گئےنیں تے فیر وی ، ” ٹھیک عقیدے والا “ مسیحی ہون دا دعوی ٰ کردےنیں ۔اوہ پانی تے رُوح دے راہیں نویں سریوں جمن نال جویں پاک کتاب وِچ کھول کے دَسیا گیا اے ، کھسک گئے نیں کیوں جے اوہ یسوع دے بپتسمہ (پانی )توں مُکر دے ہویاں ، صرف صلیبی لہودی منادی کرےنیں ۔
اَج دے دیہاڑیا ں وِچ ،رومن کیتھولک کلیسیا تے ” پروٹسٹینٹ “ کلیسیا وِچ کیہ فرق ہیگااے؟ جویں صرف اِصلاح کاراں نے رومن کیتھولک کلیسیا دے خلاف بغاوت کیتی ،ایس طرح صرف اوہ رومن کیتھولک کلیسیا توں نکل آئے تے ” پروٹسٹینٹ پن “ نُوں تعمیر کیتا ۔سانُوں وی انھے مسیحیاں تے نقلی کاہناں دے خلاف بغاوت کرنی چاہی دی اے ۔ صرف فیر اسیں اصل خوشخبر ی لئی اپنیاں اکھاں کھول سکدے آں ،مطلب کھراایمان رکھیے تے پانی تے رُوح دی خوشخبری دے راہیں کامل طور اُتے مکتی یافتہ ہوئیے۔
سانوں پُٹھی راہیں پین توں بچن لئی کیہ کرنا اے؟
سانوں پانی تے رُوح دے راہیں نویں سریوں جمنا اے۔
پاک کتاب سانوں دسدی اے پئی صرف اوہ لوک جیہڑے یسوع دے بپتسمہ تے اوہدے صلیبی لہو د ی خوشخبری اُتے ایمان رکھدے نیں ،کھرے ایمان دی پیروی کردےنیں ۔ یسوع نے اِنج ای یوحنا ۳ : ۱ ۔۱۲ وِچ نیکُدیمس نُوں آکھیا ۔
پُٹھی راہیں پین والے سدا اپنے پچھے چلن والیاں نوں بوہت خالص ہون لئی اُبھاردے نیں ۔ اوہ اوہناں نُوں صبح سویرے دُعا منگن تے بوہتی محنت لئی اُبھاردے نیں۔ایہہ انھے بندے نوں دوڑ لاؤن لئی اُبھارن وانگراے ۔
تُسیں کِنی جان مارکے دُعاکردے اوہ ، ایہدا کوئی مطلب نئیں ،ایہہ کسے ورتوں وِچ نئیں جے تُسیں پانی تے روح دے راہیں نویں سریوں نئیں جمے او۔جدوں اسیں آکھدے آں پئی اوہ جیہڑے پانی تے روح دے راہیں نویں سریوں جمےنیں راستباز نیں،پُٹھی راہے پین والے،رومیوں ۳: ۱۰ دی برابری کردے نیں ، ” کوئی راستباز نئیں ۔ اک وی نئیں۔ “ ایس آیت نال ،اوہ ایمانداراں اُتے پُٹھی راہیں پین والیا ں وانگر پرچی لاؤندے نیں۔
اصل وچ ،فیر وی ، ایہہ اوہ ہیگے نیں جیہڑے پُٹھی راہیں پین والے نیں ۔ایس آیت دا اصلی مطلب ایناں سوکھا نئیں ہیگا ۔ایناں پُٹھی راہیں پین والیاں نیں ساری پاک کتاب نئیں پڑھی ۔ پولُوس رسول نے آکھیا پئی جگ وچ اک وی راستباز نئیں ہیگا ۔اوہ صرف پُرانے عہدنامے توں اک آیت دا حوالہ دیندا پیا سی جیہڑی آکھدی اے پئی یسوع مسیح دے آؤن تے ساری انسانی پیڑھی نُوں خُدا دی مکتی نال اوہناں دے پاپاں توں چھڈاؤن توں پہلاں کوئی راستباز نئیں سی ۔ فیر وی ،اوہ جیہڑے یسوع دے راہیں مکتی پاؤندے نیں راستباز بن گئے نیں ۔
جے اسیں سارے باب نُوں پڑھیے اسیں سچ نوں ویکھ سکدے آں۔ پُٹھی راہیں پین والے صرف اپنے پچھے چلن والیاں نُوں خبردار کردے نیں ،اوہناں توں ہوشیار رہوو جنہاں دا ایمان اوہناں توں مختلف اے ۔ سوائے ایہو کلیسیاواں دے جنہاں نوں اوہ ٹھیک عقیدے والیاں وانگر پچھان دے نیں ، اوہ اپنے پچھے چلن والیاں نوں کِتے ہور پوجا کرن توں منع کردے نیں ۔ ایس لئی اوہناں دااکٹھیاں ہونا ایہو جیہاں گرجیاں وچ جان دی جُرأت نئیں کردے جیہڑے پانی تے رُوح دی خوشخبری دی منادی کردے نیں ۔
اوہ کھری خوشخبری لئی بولے بن جاندےنیں تے نویں سریوں نئیں جم سکدے ۔ ایہہ نقلی آگُو آں دی تعلیم ہیگی اے ۔جیہڑے اصل وچ دوزخ دے پُتراں تے دھئیاں نوں پال دے پئے نیں ۔ ایس
لئی اوہ خُدا ولوں سزا پاؤن گے ۔پُٹھی راہے پین والیاں نُوں خُدا ول پرتنا اے ۔
پُٹھی راہے پین والاکیہڑا اے؟ کیہ اوہ جیہڑےپانی تے رُوح دی خوشخبری اُتےایمان رکھن دے راہیں مکتی یافتہ ہوئے نیں یا کیہ اوہ جیہڑے یسوع اُتے ایمان رکھن دا دعویٰ کردے نیں پر پانی تے رُوح
دے راہیں نویں سریوں جمن وچ ناکام ہو جاندے نیں ۔
طِطُس ۳ : ۱۱ آکھدا اے پئی اوہ جیہڑے یسوع اُتے ایمان رکھدے نیں ” اپنے آپ نُوں مجرم ٹھہران “ اُتے قائم رہندے نیں ، پُٹھی راہے پین والے نیں ۔
اوہ اپنے پچھے چلن والیاں نوں سکھاؤندے نیں ،بیداری دی عبادتاں وچ نہ جاؤ جتھے پانی تے رُوح دے راہیں نویں سریوں جمن دی خوشخبری دی منادی کیتی جاندی اے ، آکھدے نیں ،ایہہ خطرناک اے ۔کویں اِک ”ٹھیک عقیدے والا “انسان عقیدیاں دی کھِچ ترُو توں خوف کھا سکدا اے؟ اوہ خوف کھاندے نیں کیوں جے اوہ اپنے ول سچ نئیں رکھدے ”قانُون اُتے قانُون ۔ قانُون اُتے قانُون اے ۔“ پُٹھی راہے پین والیاں دی تعلیم وی اِنج ای اے ۔
پُٹھی راہے پین والے لوک کُجھ ایس کتاب توں ، کُجھ اوس کتاب توں ،مفکراں دے اَکھر اں توں ۔ ادب نال حوالہ دیندے نیں ۔ تے اوہناں نوں اپنی دلی خیالاں نال غلط ملط کردے نیں تے ہر شے نُوں دِل کھچویں آواز بناؤندے نیں ۔
اوہ اپنے پچھے چلن والیاں دے گئے گواتے ہون اُتے ایمان رکھدے نیں ۔ اوہ اوہناں نوں دنیاداری دیاں تعلیماں نال تعلیم دین دی کوشش کردے نیں ۔ اصل کلیسیا خُدا دے کلام دی منادی کردی اے تے ایمانداراں نُوں خُدادے کلام دے مطابق تعلیم دیندی اے ۔ لوک دُنیا دے طریقے دے مطابق تعلیم پاؤن لئی گرجے نئیں آؤندے ۔سگوں اوہ اَسمانی گلاں سُنن لئی گرجے آؤندے نیں ،جیہڑیاں جگ وِچ نئیں سُنیاں جا سکدیاں ۔اوہ یسوع داکلام سُنن لئی آؤندے نیں ۔
لوک اپنی کلیسیا وچ پاپیاں وانگر جاندے نیں پر اوہ کلیسیا وچ راستبازاں دے وانگر ظاہر ہونا چاہندے نیں ،جیہڑے کوئی پاپ نئیں رکھدے ۔پُٹھی راہیں پاؤن والے کاہن اوہناں نوں کیہ سکھاؤندے نیں ؟ اوہ اپنے پچھے چلن والیا ں نوں آکھدے نیں ،ایہو جیہاں بیداری دیاں عبادتاں وچ نہ جاؤ ،جتھے خُدا دے خادم کھری خوشخبری دی منادی کردے نیں ۔اوہ اپنے پچھے چلن والیاں نوں پانی تے روح دے راہیں نویں سریوں جمن توں روک دے نیں ۔
ایہہ بڑا وڈا عقل دا گھاٹا اے ۔اوہ خورے اپنے پچھے چلن والیاں نوں دھوکہ دین دے لائق نیں
،پر اوہ خُدا نوں کدی دھوکہ نئیں دے سکدے ۔
کیہ نقلی کاہن اپنے پچھے چلن والیاں نُوں پانی تے روح دے راہیں نویں پیدائش دے سکدے نیں ؟
نئیں۔صرف نویں سریوں جمے ہوئے لوک ای دوجیاں نُوں نویں پیدائش دے سکدے نیں ۔
پُٹھی راہ تے چلن والیو،جے تُسیں خُدادے سچے خادم ہیگے او ۔ کیہ تُسیں سُن نئیں سکدے رُوح تُہانُوں ملامت کردااے ؟ تُہانوں واپس پرتنا اے ۔تُہانُوں اپنے پچھے چلن والیاں دے اَگے بیداری دیاں عبادتاں وچ جان لئی روڑے اٹکان توں باز آؤنا چاہی دا اے ۔ جنہاں وچ خُداد ےکھرے خادم پانی تے رُوح دے راہیں نویں سریوں جمن دی خوشخبری دی منادی کردے نیں۔
پُٹھی راہے پاؤن والے صرف خُدا دے علم نال اپنے پچھے چلن والیاں نُوں تعلیم دیندے نیں ۔ایس لئی جدوں دوجے خیال اوہناں دے اَگے آؤندے نیں ، اوہ ہار جاندے نیں ۔ایہہ بوہت ترس دے لائق گل اے۔نقلی کاہن خُدا دے کلام دے اَڈ خدمت کرن وچ چنگے ہُندے نیں ۔اوہ صرف اپنے دلی راہوں بھٹکے ہوئے پکے بھروسے اُتے بنی ہوئی منادی ، مشورہ تے خدمت کردے نیں ۔ اوہ لوک جیہڑے خُڈا دے کلام دے اَڈ خدمت تے منادی کردے نیں ،اوہ پُٹھی راہ دے راہی تے وِکے ہوئے نیں (یوحنا ۱۰ : ۱۳)۔
نقلی خادم پُٹھی راہ دے راہی نیں کیوں جے اُتوں ہور تے اندروں ہور نیں ۔ کئی لوک اوہناں کلیسیاواں نُوں پُٹھی راہے پئیاں ہوئیاں کلیسیاواں وانگر دَسدے نیں جیہڑے پکے فرقیاں دے معیار اُتے پوریاں نئیں آؤندیاں ۔ فیروی، اوہناں کلیسیاواں وچوں کئی کسے فرقے نال میل جول رکھنا نئیں چاہندے کیوں جے بوہتیاں کلیسیاواں پاک کتاب توں بڑیاں دُور چلدیا ں پئیاں نیں۔
پُٹھی راہ دے راہی اپنے پچھے چلن والیاں نُوں پاپاں توں چھُٹ جان لئی آکھدے نیں ، بھانویں
اوہناں نیں آپ ہُن تیک کدی اپنے پاپاں دا مسئلہ حل نئیں کیتا ۔ اوہ یُربعام ورگا پاپ کردے پئے نیں ۔ جے کوئی ایہو جیہا اے جیہڑا ہن تیک اپنے دل وچ پاپ رکھدا اے پر خُدا دے کم کرن دی کوشش کردااے مطلب اوہدے پاپ تے خُدادی پاکیزگی مکمل طور تے پُٹھے نیں ۔ اوہنوں یقین نال جاننا چاہی دا اے پئی اوہ اِک پُٹھی راہ دا راہی اے ۔
ایس لئی ،جے کوئی جیہڑا منادی کردااے یاں کلیسیا دے کم سنبھالدااے ،ہُن تیک پاپی اے ،اُوہنوں سوچنا چاہی دااے پئی اوہ اِک پُٹھی راہ دا راہی اے ۔اوہ اِک پُٹھی راہ دا راہی اے کیوں جے مسیح دی مکتی دی خوشخبری ،پانی تے رُوح دے راہیں نویں سریوں جمن دی خوشخبری نُوں نئیں جان دا ۔ جے کوئی بندہ پُٹھی راہ دا راہی کولوں پاک کتاب نُوں سِکھدااے تے دوجیاں نُوں اِنج ای سکھاؤندااے ،اوہ پُٹھی راہ دا راہی بن جاندااے ۔
اَسیں رُکھ نُوں اوہدے پھل توں پچھان سکدے آں۔اوہ لوک جیہڑے یسوع دے بپتسمہ تے اوہدے لہو اُتے ایمان رکھن دے راہیں راستباز بن گئےنیں ، صرف راستباز نُوں پیدا کر سکدےنیں جد پئی جیہڑے ہُن تیک پاپی نیں اوہ پاپیاں نُوں پیدا کرن لئی سزا دے تھلے نیں ۔ ” ایسے طرحاں ہر اِک چنگا رُکھ چنگا پھل لیاؤندا اے تے بھیڑا رُکھ بھیڑا پھل لیاؤندا اے ۔ “ (متی ۷ : ۱۷)۔
پُٹھی راہے پئے کاہن اپنے پیغاماں وِچ کیہ منادی کردے نیں ؟
پُٹھی راہے پئے کاہن اپنے پیغاماں وِچ کیہ منادی کردے نیں؟
دُنیاوی خُدا علم تے اِنسانی خیال
نقلی کاہن ایہدی تے اوہدی خبررکھدے نیں ۔اوہ اینے چوکنےکیوں نیں !اوہناں خبردار رہنا اے ،کِتے اوہناں دے جھوٹ نہ کھُل جان کیوں جے اوہ پانی تے رُوح دے راہیں نویں سریوں جمن دا پکا ایمان نئیں رکھدے ۔
پُٹھی راہ والے کُجھ ایتھوں کُجھ اوتھوں لیندے نیں ۔ اوہ لوکاں نُوں دھوکہ دیندے نیں تے
اصل خوشخبری دا مطلب جانیوں اَڈ تعلیم دیندے نیں ۔
” حکم اُتے حکم ۔ حکم اُتے حکم ۔قانون اُتےقانون ۔ قانون اُتےقانون ہیگااے ۔کُجھ ایتھوں کُجھ اوتھوں ہووےگا ۔ “ (یسعیاہ ۲۸ ۔ ۱۳)۔
قانون اُتےقانون ،اوہ آکھدے نیں ، ” ایس اَکھر دا مطلب یونانی وِچ اِنج اِنج ہیگااے تے عبرا نی وِچ اِنج اِنج ہیگااےتے ایہو ایہو جیہے خیال ہیگے نیں ۔ “جے اوہ خاص کر لکھیاں ہویاں واریاں وِچ دِسدی مکتی دے کسے خیال دا سامنا کردے نیں تے اوہ لوکاں نُوں چوکنے رہن دی اگاہی وی کردے نیں ۔اوہ آکھدے نیں ” مارٹن لوتھر نے ایہہ آکھیا تے جان کیلون نے اوہ آکھیا جد پئی جان نوکس نے اِنج اِنج آکھیا تے ساڈا خیال اے اوہ سارے اپنے طورطریقیاں وِچ دانائی رکھدے نیں ۔ “
اوہ نئیں جان دے اوہ کیہ گل کردے نیں ،نہ ای اوہ کیہ ایمان رکھدے نیں ۔جیہڑا کوئی کھرا ایمان رکھدا اے لکھائی دی واریاں وِچ وکھا سکدا اے ۔ کھرے ایماندار نویں سریوں جمے ہوئے تے نویں سریوں جمےنہ ہوئے دے وچکار صاف طور اُتے فرق دَس سکدے نیں ۔ اسیں صاف طور اُتےپانی تے رُوح دے راہیں نویں سریوں جمن دی خوشخبری دی منادی کردے آں ۔
پر پُٹھی راہ دے راہی بوہت بے ترتیبی دے جگ وِچ نیں ۔اوہناں دا ایمان اِک چمگادڑ ورگا ہیگا اے ۔ جویں اِک چمگادڑ دِن دے ویلے غار دے اندر ول تے باہر دی دنیا نُوں صرف رات دے ویلے چنگیاں سمجھ دی اے ، پُٹھی راہ دے راہی ایس تے اوس خیال وانگر ،ایس تے اوس اُتےایمان رکھدے نیں ۔ اوہ کدی نئیں جان دے سچ کیہ اے ۔جدوں اک پُٹھی راہ والا کاہن دوزخ وِچ جاندااے اوہدے پچھے چلن والے اخیری ویلے تیک اوہداساتھ دیندے نیں۔ایس طرحاں بوہت سارے لوک دوزخ وچ مک جاندے نیں ایس لئی پئی اوہ جھوٹے نبیاں اُتے ایمان رکھدے نیں ۔
کیہ تُہاڈاخادم پانی تے رُوح دے راہیں نویں سریوں جمیا اے ؟ کیہ اوہ نویں پیدائش دی خوش خبری د ے کلام دی منادی اوسے طرحاں کردااے جویں پاک کتاب وِچ لکھی اے؟ جے اوہ کردا اے ،تُسیں بناں شک مقدراں والے جے، تے جے اوہ نئیں کردا،تُسیں دوزخ پہونچ جاوو گے ۔ جے تُسیں نویں سریوں نئیں جمے او تے تُہانُوں لازمی طورتے پانی تے رُوح دی خوشخبری نُوں سُننا چاہی دااے ، کتاباں پڑھو جیہڑیاں ایہدیاں بارے وِچ کھول دے دسدیاں نیں تے نویں سریوں جم پووو۔
پُٹھی راہ دےر اہی ،پانی تے رُوح دے راہیں نویں سریوں جمن دی خوشخبری نُوں چنگیاں نئیں جان دے ۔ اوہ منادی کردے نیں پئی ”یسوع مسیح ساڈے پاپاں نُوں مٹاؤن لئی آیا ،تے اوہنے صرف ایہو
ای کیتا ۔اوہ اَج ہُن تیک ساڈے پاپاں نُوں دھوندا پیا اے تے مستقبل وِچ وی اِنج ای کردارہوےگا۔ “ ایہہ کویں سچ ہو سکدا اے ؟اوہ آکھدے نیں اوہ راستباز نیں پر پاپ کرنا چالُو رکھدے نیں ۔ اوہ اِک ویلے راستباز نیں ، تے اگلے ای ویلے پاپی نیں۔
اوہناں دی خُدا دی تعلیم جھوٹی اے۔ایہہ جھوٹ اے ۔ کوئی جیہڑا ہُن راستباز اے تے بعد وِچ پاپی اے ، اِک پُٹھی راہ دا،راہی ،اِک جھوٹا بنی اے ۔ کوئی جیہڑا اپنے آپ نُوں جرم وار ٹھہراؤندا اے ،جیہڑا اپنے آپ نُوں لبیڑدااے بالکل اوہو ای اے ۔
اِک پُٹھی راہ دےمنن والے،راہیاں اُتے خُدا دی لعنت اے
اِک پُٹھی راہ دے،راہی لوک کیہڑی گل اُتے بوہتا زور لاؤندے نیں
کماں اُتے
اِک پُٹھی راہ دے،راہی بے اصول ہُندے نیں ۔ ایس لئی اوہ اپنے پچھے چلن والیاں دی پانی تے رُوح دے راہیں نویں سریوں جمن وِچ اَگوائی نئیں کرسکدےجدوں اوہناں دے پچھے چلن والے اوہناں دے کول جاندے نیں تے اوہناں کولوں پُچھدے نیں پئی کویں نویں سریوں جمیے ، اوہ اپنے پچھے چلن والیاں دی پانی تے رُوح دے راہیں نویں سریوں جمن وِچ اَگوائی نئیں کر سکدے ۔ سگوں اوہ اپنے پچھے چلن والیاں نُوں ،مخولی خیال دیندے نیں پئی لوک خیال وِچ نویں سریوں جم سکدے نیں تے اوہ خبردار نئیں ہُندے جدوں اوہ نویں سریوں جم دے نیں ۔ایہہ بڑی مخول والی گل اے ۔
یسوع نے یوحنا دی انجیل دے ۳ باب وِچ آکھیا ، ” جدوں تیک کوئی بندہ پانی تے رُوح دے راہیں نہ جمے اوہ خُدا دی بادشاہی وِچ جا نئیں سکدا ۔“ فیر وی ، ایہناں دیہاڑیاں وِچ ،راستباز لوک جیہڑے نویں سریوں جمے نیں اوہناں نُوں گستاخ پُٹھی راہے پین والے آکھیا جاندااے ۔
پُٹھی راہے پین والے کاہن آکھدے نیں ،اوہ اپنےآپ نوں راستباز نئیں آکھ سکدے کیوں
جے اوہ دل دے نرم ہیگے نیں ۔اوہ اپنے پچھے آؤن والیاں نُوں آکھدے نیں ،” کسے وی بیداری دی عبادت وچ نہ جاووجنہاں وِچ مناد پانی تے رُوح دے راہیں نویں سریوں جمن دی برکت دے بارے وِچ بولن دا ارادہ بناؤندے نیں ۔جے تُسیں نویں سریوں جمے او ،اِک پُٹھی راہے پین والے بن جاوو گے ۔تُسیں کلیسیا دے راہیں اعلانیہ جرم وا ر ٹھہرائے جاوو گے ۔جے تُسیں ساڈے نال آؤنا چاہندے او ،اِک پاپی رہوو ،تے جدوں ویلا آوے گا خُدا تُہانُوں راستباز بنادیوے گا ۔ “ ایہہ ہیگا اے جیہڑا او ہ آکھدے نیں۔اوہناں دا اصل وِچ ایہہ مطلب اے پئی ایس گل دا فیصلہ کرنا تُہاڈے اُتے مکدا اے پئی نویں سریوں جمو ،یاں نہ جمو۔
پُٹھی راہے پین والے ، اپنے پچھے آؤن والیاں نُوں دسدے نیں ، ” تُہانُوں ساڈے نال رہنا اے پرنویں سریوں جمنا تُہاڈی اپنی ذمہ داری ہیگی اے ۔ایس لئی تُسیں آپ کوشش کرو۔بالکل اِنج رہوو جویں تُسیں ہُن ہیگے او تے خُدا دے اَگے جاوو ،جدوں ویلاآوے گا ،فیر تُسیں سچ نُوں جانو گے ۔ میَں نئیں جان دا ایہدے بعدوں کیہ ہووےگا ۔پر ایہہ ہیگااے ” ٹھیک عقیدے والی “ کلیسیا ہیگی اے ، ایس لئی تُہانوں ساڈے نال رہنا اے ۔“ کیہ تُسیں سوچدے او، ایہہ سچ اے؟
ایہہ پُٹھی راہے پین والے کاہن کُجھ ایتھوں تے کُجھ اوتھوں لیندے نیں تے اپنے دلی خیال بناؤندے نیں ۔فیر اوہناں لئی ایہہ کلا سچ بن جاندا اے ۔ اوہ خُدادے کلام دے بارے وچ نئیں جان دے جیہڑا سانُوں پانی تے رُوح دے بارے وِچ دسدااے ۔
پُٹھی راہ دے راہی ،اپنے دلی خیالاں دے مطابق پاک کتاب دی تشریح کردے نیں ۔سانُوں قدرتی اَکھراں دے مطابق پاک کتاب دی تشریح کرنی اے ۔ پر اوہ اپنے دلی طریقے نال ایہدی تشریح کردے نیں ۔ایسے لئی مسیحیت وِچ بوہت سارے خُدائی خیال تے فرقے موجود ہیگے نیں۔
کیوں جے بوہت سارے پُٹھی راہ دے فرقے تے خُداخیال موجود ہیگے نیں، مطلب اوتھے بے شمار پُٹھی راہ دیاں کتاباں موجود ہیگیاں نیں ۔ جھوٹے کاہن جدوں منادی کردے نیں ،کُجھ ایس کتاب توں، کُجھ اوس کتاب توں پڑھدے نیں ۔فیر وی ، کھرے کاہن صرف پاک کتاب توں منادی کردے نیں ۔
پُٹھی راہ دے راہی،بڑے فریبی طریقیاں نال اپنے پچھے آؤن والیاں توں پیسے اکٹھے کردے نیں ۔اوہ ایس جگ وِچ چنگاکھاندے تے رہندے نیں تے دوزخ وِچ مُک جاندے نیں کیو ں جے اوہ نویں سریوں جمن وِچ نکمے ہو گئے سَن ۔ ایہہ خاتمہ اے جیہڑا خُدا اوہناں لئی تیار کر چُکیا اے ۔
خُدا اوہناں نُوں شروع وِچ برداشت کردااے ۔پر اوہ جیہڑے پکے ہو کے پانی تے رُوح دے
راہیں نویں سریوں جمن دی برکت نُوں قبول کرن تو مُکر دے نیں ۔اوہ اوہناں نُوں دوزخ وِچ گھل دیوے گا ۔
خُدا پُٹھی راہ دے راہیاں نُوں سزا دیوے گا ۔ پُٹھی راہ دے راہی،شروع وِچ جوش تے خروش نال خُدا اُتے ایمان رکھدے نیں تے پاک کتاب دیاں تفسیراں دے حدوں دُونے تے خُدائی مواد ہضم کر جاندے نیں ۔پر فیر ہولی ہولی اوہ اِنسانی تعلیماں دی منادی شروع کردیندے نیں تاں پئی اوہناں دے پچھے چلن والے کدی نویں سریوں نہ جمن ۔
پُٹھی راہ دے راہی،اپنے زمینی کماں اُتے بوہتا زور دین دا دھیان رکھدے نیں ۔کوئی وی خادم جیہڑا پانی تے رُوح دے راہیں نویں سریوں جمن دی خوشخبری دی منادی نئیں کردا ، خُدا دے اَگے پُٹھی راہ دا راہی اے ۔
اوہ لگاتار اپنے پچھےچلن والیاں اُتے دباپاؤندے نیں ۔اوہ اوہناں نُوں ۴۰ دن رات دیاں دُعاواں وِچ شامل ہون ، ۱۰۰ دن مونہہ ہنیرے دُعا کرن ،پہاڑاں اُتے دُعاواں منگن ،باقاعدگی نال روزے رکھن ،گرجے بناؤن لئی ہدیہ دین ،اِک ہزار سوختنی قربانیاں چڑھاؤن ،بیداری دیاں عبادتاں لئی ہدیے دین لئی مجبور کردے نیں ۔۔۔ تے ایتھوں تیک پئی اوہ کھان لئی اِک لکیر کھچ دے نیں پئی ہر ایماندار کِناں ہدیہ دے چُکیا اے ۔ صرف اوہناں دے کماں دے پھلاں اُتے نظر رکھن دے راہیں ،اَسیں ویکھ سکدےآں پئی اوہ پُٹھی راہ دے راہی نیں ۔
خُدا دی لعنت اوہناں دے پچھے چلن والیاں اُتے وی آؤندی اے ۔ خادم جیہڑے نویں سریوں جمن دے اَڈ منادی کردے نیں تے اوہناں دے پچھے چلن والے سارے خُدا دی لعنت دے تھلے ہیگے نیں ۔
پُٹھی راہ دے راہی، اپنےپچھے چلن والیاں دے دل پڑھن دی کوشش کردے نیں
کیوں پُٹھی راہ دے راہی، اپنےپچھے چلن والیاں دے دل پڑھن دی کوشش کردے نیں؟
کیوں جے اوہ نویں سریوں نئیں جمے سگوں فریب دے نال اپنے دِلاں وچ پاک رُوح دے اَڈ خدمت کردے نیں۔
پُٹھی راہ دےکاہن ہر دیہاڑے رولا پاؤندے نیں ۔ اوہناں نُوں خدمت کرن والے بندیاں تے زنانیاں ،وڈیریاں ،عام خدمت کرن والیاں تے ایتھوں تیک پئی دُنیادار بندیاں نُوں خوش کرن دا یقین ہوندااے ۔ ایس طرح اوہ اپنا ہر دیہاڑابسر کردے نیں ۔
اوہ ہر دیہاڑے فریبیاں وانگر نظر آؤندے نیں ۔ ” پا~ک تے رحم~ دِ ل۔۔۔ “ اوہ پاپ نال بھرے ہوئے نیں پر اوہناں نیں پاک شیواں لئی بولنا اے،ایس لئی اوہ ہرلنگھ دے دیہاڑے نال بوہتے فریبی بندے جاندے نیں ۔
اک واری اک مناد نے آکھیا ، ” دل وچ رُوح دے اَڈ خدمت کرنا ،اک لعنت اے۔“ ایہدا مطلب اے پئی چھڈائے جان دے اَڈ خُدا دا کلام بولنا ،اِک پُٹھی راہ پینا اے ؛ایہہ لعنتی حیاتی اے ۔ جے تسیں ایناں پُٹھی راہ دےراہیاں وچوں اِک جے ، تہانوں پانی تے رُوح دے راہیں نویں سریوں جمنااے ۔
کوئی وی جیہڑا یسوع اُتے ایمان رکھدااے پر نویں سریوں جمیا نئیں ، اک پُٹھی راہ دا، راہی اے ۔اگانہہ ہور ، ہر کسے نُوں نویں پانی تے رُوح دے راہیں سریوں جمن دی خوشخبری ول واپس پرتنا اے ۔ صرف راستباز جیہڑے پانی تے رُوح دے راہیں سریوں جمے نیں ،دوجیاں نوں خوشخبری دی منادی کر سکدے نیں ۔
پُٹھی راہ دے راہی صرف سکون لئی رولا پاؤندے نیں
پُٹھی راہ پئے کاہن ،کویں اپنے پچھے چلن والیاں نُوں دلاسہ دیندے نیں ؟
اوہ سدا سکون لئی رولا پاؤندے نیں ،ایہہ آکھدیاں ہویاں پئی اوہناں دے پچھے چلن والے اَسمان دی بادشاہی وچ جا سکدے نیں ،بھانویں اوہ پاپی نیں ۔
یسعیاہ ۲۸ : ۱۴ ۔۱۵ آکھدا اے ، ” ایس لئی اے ٹھٹھا کرن والیو !جیہڑے یروشلیم دے ایناں وسنیکاں اُتے حاکم جے !خُدا دا کلام سُنو ۔کیوں جے تُسیں آکھیا کردے او پئی اسیں موت نال عہد بنھیا تے پاتال نال وعدہ کر لیا اے ۔ جدوں سزا دا ہڑآوےگا تے ساڈے تیک نئیں اپڑے گا کیوں جے اَسیں جھوٹ نُوں اپنی لُکن دا تھاں بنایا اے تے فریب دے اوہلے لُک گئے آں ۔“
ایتھے کیہڑے نفرت کرن دے لائق بندے نیں ؟ ایہہ اوہ ہیگے نیں جیہڑے خُدا دے کلام دی منادی ،اپنے دلی پُٹھے عقیدیاں نال رَلا کے کردے نیں ۔ اِک مناد دے خیال کِنج دے وی ہون ،خُدا دا علم کُجھ وی آکھدا اے ،اوہنے پاک کتاب دی سچی تشریح پیش کرنی ا ے ۔ پر پُٹھی راہ دا ،راہی ،کاہن پاک کتاب دی ایس طریقے نال منادی کردے نیں جویں اوہناں دا دل کردااے ۔ایہہ نفرت دے لائق بندے نیں۔
” اسیں موت نال عہد بنھیا تے پاتال نال وعدہ کر لیا اے ۔ جدوں سزا دا طوفان آوےگا تے ساڈے تیک نئیں اپڑے گا ۔“
پُٹھی راہ دے ،راہی آکھدے نیں پئی سزاداطوفان اوہناں تیک نئیں اپڑے گا ۔ اوہ لوکاں نُوں دَسدے نیں ،پریشان نہ ہووو۔بربادی تے دوزخ اوہناں نُوں اُڈیک دی پئی اے ،پر اوہ آکھدے نیں پریشان نہ ہووو ،بربادی دے دوزخ اوہناں لئی نئیں ہیگے ۔ ایس لئی جے تُسیں جیوندے رہنا چاہندے او ، اویہو جیہے پُٹھی راہ دا ،راہیاں توں دُور رہوو۔
پُٹھی راہ دا ،راہی ،آکھدے نیں پئی تہانوں پانی تے رُوح دے راہیں نویں سریوں نئیں جمنا اے ۔
کیہ ایہہ سچ اے ؟ نئیں !کدی وی نئیں ۔ تسیں اَسمان دی بادشاہی وچ نئیں جا سکدے جدوں تیک پانی تے رُوح دے راہیں نویں سریوں نئیں جم دےاو۔
کیہ اَسمان دی بادشاہی وِچ نہ جانا بالکل ٹھیک اے ؟ ایہہ بالکل اِنج آکھن دے برابر اے پئی دوزخ وِچ سڑنا بالکل ٹھیک ہیگا اے ۔ آکھن دی لوڑی نئیں ہیگی ، دونواں سوالا ں دا جواب نئیں ہیگااے ۔آؤ اَسیں سارے پانی تے رُوح دے راہیں نویں سریوں جمن دی خوشخبری اُتے ایمان رکھیے تے رَل کے اَسمان دی بادشاہی وِچ جائیے ۔
پٹھی راہ دے راہیں ، ایہہ آکھدیاں ہویا ں ،لوکاں نُوں پُٹھی راہے پاؤندے نیں کیوں جے اوہ یسوع اُتے ایمان رکھدے نیں ، پاپی ای رہنا اوہناں لئی بالکل ٹھیک ہیگا اے تے ایہہ پئی اوہ دوزخ وِچ نئیں جان گے ۔
کیہ یسوع تہاڈی پرواہ کردااے بھانویں تُسیں پاپی او؟ کیہ اِک پاپی اَسمان اُتے جا سکدا اے؟ کیہ تُسیں دوزخ وِچ جان توں بچ سکدے او بھاویں تُسیں پاپی او ؟ کیہ پاک کتاب وِچ لکھیا ہویا اے پئی تُسیں دوزخ وِچ نئیں جاؤگے ،جدوں تُسیں یسوع اُتے ایمان رکھدے او ،بھاویں اپنے دل وچ وی پاپ رکھدے
او؟
پُٹھی راہ دے راہیں آکھدے نیں پئی اوہ موت نال اِک عہد بنھ چُکے نیں ، ایس لئی اوہناں اُتے موت نئیں آوےگی ۔اوہ آکھدے نیں اِک ایماندار دوزخ دی سزا توں بچ سکدا اے ،بھاویں اوہ اپنے دل وچ پاپ وی رکھدا اے ۔ کیہ تُسیں سمجھدے او پئی ایہہ سچ مُچ اِنج ای ہوندا اے ؟
پُٹھی راہ دے راہی،ایمان دے نال لوکاں نُوں ایہہ آکھدیاں ہویاں بھٹکاندے نیں پئی موت تے دوزخ اوہناں نُوں نئیں اُڈیکدی ۔ پُٹھی راہ دے راہی ، اوہناں نُوں جیہڑے نویں سریوں نئیں جمے ،خدمت کرن والے ، ایلڈر ،خادم مقرر کردے نیں ۔پر اوہناں نُوں جاننا چاہی دا اے پئی اوہ سارے دوزخ وِچ سڑ جان گے کیوں جے اوہ پانی تے رُوح دی خوشخبری اُتے ایمان رکھدے نیں ۔اوہناں نوں جو کُجھ کرنا چاہی دا اے اوہ ایہہ ہیگا اے پئی اوہ اپنے پچھے چلن والیاں دے ایمان وِچ ہولی ہولی پانی تے رُوح دی خوشخبری نُوں بٹھاؤنا چاہی دااے ۔
کیہ ایماندار ، بھاویں اوہ پاپی نیں ،اَسمان اُتے جان دے فیر وی لائق نیں؟ کیا اِک پاپی اَسمان اُتے جا سکدا اے ؟ کیا پاک کتاب دَسدی اے پئی پاپی اَسمان اُتے جا سکدے نیں؟ نئیں ۔ کیہ کوئی پاپ نال اِک راستباز ہو سکدا اے ؟ نئیں ۔ ایہہ پُٹھی راہے پینا تے جھوٹی خدا دی تعلیم اے ۔
پاک کتاب دَسدی اے ، ” پاپی دی مزدوری (دیہاڑی ،اُجرت)موت اے ۔ “ (رومیوں ۶: ۲۳)۔ ایہہ خُدا دی شریعت اے ۔ اوہ سارے پاپیاں نُوں سِدھے دوزخ وِچ گھلدا اے ۔فیر وی ، ایس ڈراؤنے اخیر دے مقابلے وچ ،اوہ سارے جیہڑے پانی تے رُوح دے راہیں نویں سریوں جمے نیں ،اَسمان اُتے جی آیاں نُوں آکھے جاندے نیں ۔
” جدوں سزا دا ہڑآوےگا تے ساڈے تیک نئیں اپڑے گا کیوں جے اَسیں جھوٹ نُوں اپنی لُکن دا تھاں بنایا اے تے فریب دے اوہلے لُک گئے آں ۔“ پُٹھی راہ دے راہی ، کاہن ایہہ اثر رکھدے ہویاں ایہہ اَکھر بولدے نیں تے پکیاں ہوکے ایمان رکھدے نیں پئی اوہ دوزخ وچ نئیں جان گے ،بھانویں اپنے دلاں وچ پاپ رکھدے نیں ۔ کیوں جے اوہ اک جھوٹی تے خُدا توں اَڈ تعلیم دے پچھے لُک دے پئے نیں ،خُدا اوہناں دی مدد لئی کُجھ نئیں کر سکدا۔ اوہ صرف اپنی خُدائی تعلیم اُتے ایمان رکھدے نیں۔ کیوں جے اوہ خُدا دے کلام دی بجائے صرف اپنی خُدائی تعلیم اُتے ایمان رکھدے نیں،اوہ دوزخ لئی مقرر پُٹھی راہ دے راہیں تے پاپی نیں۔ بڑے دُکھ دے گل اے پئی اوہناں وچوں بوہت سارے اِنج دے ہیگے نیں۔
پُٹھی راہ دے راہیں، صرف دولت(مایا)وِچ دلچسپی رکھدے نیں
پُٹھی راہ دے راہی کاہناں دا کیہ مقصد اے ؟
اپنے پچھے چلن والیاں توں اینے پیسے اکٹھے کرنا جنے اوہ کر سکدے نیں
پُٹھی راہ دے راہی تے نقلی کاہن صرف دولت وِچ دلچسپی لیندے نیں ۔اوہ لالچی نیں ۔”جے اوہ میرے گرجے وِچ آؤندا تےایہہ بندہ ہدیے وِچ کنے پیسے پاوے گا ؟ “ اوہ دہ یکی دے بارے وِچ سوچدے نیں جیہڑی اوہ دے وے گا ۔ ایہہ اک سونے دی وچھے دی پوجا کرن دے برابر ہیگااے ۔” یا خُداوندا ،مہربانی نال مینوں کامیاب کر دے ،مینوں بوہت سارا پیسہ دے دے ۔ “ نقلی کاہن لوکاں نُوں
اِنج دی دُعا منگناں سکھا ؤندے نیں۔
اوہ آکھدے نیں ”جے تُسیں یسوع اُتے ایمان رکھدے او ، تُسیں بوہت سارا پیسہ اکٹھا کروگے ، جدوں تُسیں بے اولاد جے تُسیں اولاد جمو گے تےتُسیں اپنے کاروبار وِچ کامیاب ہووگے ۔ “
بوہتے لوک ایہناں نقلی کاہناں توں دھوکہ کھاندے نیں تے اوہ اپنی دولت کھوا لیندے نیں تے دُکھ پاؤن لئی دوزخ وِچ چلے جاندے نیں ۔ ایہہ کناں بے قانونی کم اے! جو کوئی بندہ جیہڑا پُٹھی راہ دے اثر تھلے آگیا اے اپنے ہوش و حواس وِچ آؤندااے اوہ ایہہ جان کے حیران ہوجاوے گا پئی اوہ اپنے دھوکہ دین والیاں نوں کنی دولت ہدیے وچ دے چُکیا اے۔ اوہ اوہناں دے پچھے چلن تے بوہت مشقت لئی اپنے دلی بے عقلی اُتے اپنےآپ نُوں لعنت تے ملامت کرےگا ۔
پُٹھی راہ دے راہی خاص طور اُتے جنہوں اوہ اک جائز مذہبی رسم سمجھدے نیں ، اوس اُتے بڑےچاء نال اوہدے وِچ کم کردے نیں ۔ اوہناں دے پچھے چلن والے اپنے آپ نُوں مونہہ ہنیرے دی دُعاواں ،پہاڑاں اُتے دُعاواں ،وڈے ہدیے،دہ یکی ،اَٹھیں دِنیں ہدیے دین لئی بنھ لیندے نیں ۔ ایس طرح اپنے پچھے چلن والے کولوں پیسے لین دیاں بڑے سارے وَل ہیگے نیں۔
اوہناں دے پچھے چلن والے بڑی محنت کردے نیں ،پر اوہ ہُن تیک اپنے دلاں وِچ پاپ رکھدے نیں کیوں جے کسے نے اوہناں نُوں پانی تے رُوح دی خوشخبری نئیں سکھائی ۔ کئی اوہناں کولوں ایہدے بارے وِچ پُچھدے نیں پر اوہناں نُوں کدی وی کھراجواب نئیں ملدا ۔ کوئی وی جیہڑا پانی تے رُوح دے راہیں نویں سریوں نئیں جمیا ،پُٹھی راہ دا راہی اے ۔
ترس دے لائق پُٹھی راہ دے راہی تے اوہناں دے پچھے چلن والے
جگ وِچ سب توں بوہتے ترس سے لائق کون ہیگے نیں؟
اوہ جیہڑے پانی تے رُوح دے راہیں نویں سریوں جمن دے اَڈ خدمت کردے نیں
” ہائے ،تُسیں ترس دے لائق ،پُٹھی راہ دے راہیو! تُہانوں پہلاں اپنی مکتی اُتے کم کرنا چاہی دااے ! “
نقلی ایمان دی سب توں خاص علامت ، یُر بعام دےسونے دے وچھیاں دی پوجا اے ۔ پُرانے عہد نامے دے دِناں وِچ پُٹھی راہ دے راہیاں نے جیہڑا پہلا کم کیتا ،ہیکل نُوں بناؤنا سی تے اوہنوں سونے دے وچھیاں نال کھڑیاں کیتا (۱ ۔ سلاطین ۱۲ : ۲۵ ۔ ۳۳)۔
ایناں دِناں وِچ ،اوہ وڈے گرجے بناؤندے نیں تے اپنے پچھے چلن والیاں توں دولت اکٹھی کردے نیں ۔ اوہ اپنے پچھے چلن والیاں نُوں اک شان والا گرجا بناؤن لئی حصہ پاؤن لئی بینک وِچوں قرضے لین دے بارے وچ دَسدے نیں۔ اوہ لوکاں دی بھیڑ دے دلاں نُوں تیار کردے نیں تے ہدیے دیاں ٹوکریاں ونڈدے نیں ۔ روپیے ، انگوٹھیاں ،سونے دیاں گھڑیاں نال تھوڑی دیر وِچ ٹوکریاں بھر جاندیاں نیں ۔ پُٹھی راہ دے راہی ایس طرحاں کم کردے نیں ۔ ایہہ کم ہر پُٹھی راہ دے گرجے وچ اِکو جیہا اے ۔
وکھالے طور تے ، اوہ روحانی شیواں وِچ دلچسپی لیندے نظر آؤندے نیں ، پر اصل وچ اوہ صرف پیسے وِچ دلچسپی لیندے نیں۔ میَں تُہانُوں ایہوجیہاں کلیسیاواں توں جیہڑیاں صرف پیسیاں دا لالچ کردیاں نیں دُور رہن دی نصیحت کرداہاں۔ مہربانی کر کے اوہناں گرجیاں وِچ نہ جاؤ ،جتھے صرف امیراں نال بڑی خوشی نال ملیاجاندااے،ہر بھیڑ دے ہدیے دی رقم دے بارے وچ اعلان کرنا غلط اے کیوں جے اوہ بوہتے پیسے کوشش کرن دی آس اُتے اِنج کردے نیں ۔
پُٹھی راہ دے راہیں اپنے پچھے چلن والیاں نُوں للچان والے بول بولدے نیں ۔
” تُسیں برکت پاؤ گے جے تُسیں یسوع اُتے ایمان رکھدے او۔“
” اپنے آپ نُوں خُدا دے کماں دے نانویں لاؤ۔جناں تُسیں بوہتا کردے او ، اونی بوہتی تُسیں برکت پاؤ گے۔ “
” جے تُسیں اِک ایلڈر وانگر خدمت کردے او ، تُسیں مالی برکت پاؤ گے ۔“
نتیجے دے طور اُتے ۔ اوہنے دے پچھے چلن والے ایلڈر بنن لئی اک دوجے دا مقابلہ کردے نیں ۔ جے کوئی پیسہ دھیلہ نئیں ہیگا ، کیہڑا ایلڈر وانگر خدمت کرنا چاوے گا َتے ایلڈراں توں ایسے طرحاں معاشی طور اُتے حصہ پاؤن دی آس رکھی جاندی اے ۔
کیہ اوہ ایس بنیاد اُتے چُنے جاندے نیں ۔ اوہ کنے دلوں فرقہ دی خُدائی تعلیم اُتے ایمان رکھدے نیں،معاشرے وِچ کنے اُتے نیں تے اوہ کلیسیا نُوں کنے پیسے دے سکدے نیں ؟ ایہہ ہیگا اے ۔ پُٹھی راہ دے راہی صرف پیسے دا لالچ کردے نیں ۔ اوہ وڈے گرجے بناؤن وِچ دل لاؤندے نیں ۔اوہ پرواہ نئیں کردے جے اوہناں دے پچھے جان والے دوزخ وِچ چلے جاندے نیں جدوں تیک اوہ بوہتاسارا پیسہ پیش
کردے نیں ۔
پُٹھی راہ دے راہی اوہ نیں جیہڑے روٹی لئی کم کردے نیں ۔ اوہ اپنے لوکاں نُوں وڈے ناں رکھ کے پھساؤندے نیں ۔اوہ سوچے ،سمجھ توں اَڈ اپنے پچھے چلن والیاں نُوں ناں جاری کر دیندے نیں (حزقی ایل ۱۳ : ۱۷ ۔۱۹)۔ ایہدا مقصد اوہناں نُوں کلیسیا نال بنھنا تے ایہدی دولت وِچ وادھا کرنا اے ۔ پُٹھی راہ دے راہی پانی تے رُوح دی خوشخبری دی منادی نئیں کردے نیں ۔ اوہ صرف اپنے آپ نُوں امیرکرن دی کوشش کردے نیں ۔
بھانویں کوئی کُجھ مہینیاں لئی گرجے گیا اے اوہ ڈیکن بن سکدااے ۔ اگانہہ ہور ،جے کوئی ودھیا الہٰی تعلیم نال چنگی طرحاں واقف اے تے اک پکا معاشی پس منظر رکھدااے ،اوہنوں ایلڈر ہون لئی آکھیا جاندااے ۔ایہہ سب کُجھ یُر بعام دے پاپ دی بے شرم رسم وچوں اے ، جنہے خُدا نوں اک سونے دے وچھے نال بدل دِتا ۔
پُٹھی راہ دے راہی سونے دے وچھے دی پوجا کردےنیں ۔ اوہ اپنے لوکاں دی نویں سریوں جمن وچ مدد نئیں کردے ۔ اوہ صرف دنیاوی برکتاں دے وعدیاں نال اوہناں نُوں للچاؤن دے راہیں اپنے پچھے چلن والیاں کولوں پیسے لیندے نیں۔جدوں تیک اوہناں دی کلیسیا پکی معاشی بنیاد اُتے قائم ہیگی اے ، اوہناں نوں کوئی پرواہ نئیں بھانویں اوہناں پچھے چلن والے دوزخ دے اَگ وچ سُٹے جان۔
پُٹھی راہ دے راہیاں دے دلی پیغاماں وچ کھرے ایمان دا گھاٹا ہُندااے
بوہتے سارے پُٹھی راہ دے راہی، ” غالباً “ یاں ” خورے “ آکھنا چنگا سمجھدے نیں ایس لئی پئی اوہ ایمان داگھاٹا رکھدے نیں پئی اوہ کیہ کردے پئے نیں۔ اوہ خُدا دے کلام اُتے ایمان نہیں رکھدے تے اوہ اصل وچ ایمان نہیں رکھدے پئی اوہ کیہ منادی کردے نیں۔ اوہناں دے عقیدے دا طریقہ خُدا دے کلام دے ایمان نال نئیں رَلدا۔ اوہ آکھدے نیں ، ” ایہہ آکھیا جا سکدا اے پئی ۔۔۔ “ اوہ کدی کھُل کھلا کے تے پورے ایمان نال نئیں بولدے ۔ ایہہ چنگا ہندا جے اوہ اپنے پچھے چلن والیاں
نوں جھوٹ سکھاؤن دے بجائے کُجھ وی نہ سکھاؤندے ۔
پُٹھی ایمان والے لوکاں دی پانی تے رُوح دے راہیں نویں سریوں جمن وچ اَگوائی نئیں کر
سکدے۔ اوہ صرف بوہتے لوکاں نُوں دوزخ دی سزا دے جرم وار ٹھہراؤندے نیں ۔
پُٹھی ایمان والے جھوٹے نبیاں دا کردا اداکردے نیں
کیہ پاک رُوح دے خلاف کفر نوں مقرر کردا اے ؟
یسوع اُتے ایمان رکھنا جد پئی پاپی وانگر جیوندیاں رہنا جیہڑا اوہدے بپتسمہ اُتے ایمان نئیں رکھدااے
متی ۷ باب سانُوں اوہنا ں دے بارے دسدا اے جیہڑے یسوع اُتے ایمان رکھدے نیں پر فیر وی دوزخ وچ مک جاندے نیں ۔ پُٹھے ایمان والے اخیری دیہاڑے خُدا دے اَگے احتجاج کرن گے۔ جویں ایہہ پاک کتاب وچ لکھیا ہویا اے ، ” اوس دیہاڑے بڑے مینوں آکھن گے یا خُداوند ا ، یاخُداوندا! کیہ اسیں تیرے ناں نال نبوت نئیں کیتی تےنالے تیرے ناں نال بدروحاں نئیں کڈھیاں تے نالے تیرے ناں نال بوہت سارے معجزے نئیں وکھائے ؟ اوس ویلے میَں اوہناں نُوں صاف آکھ دیاں گا پئی میری کدی تہاڈے نال واقفیت نئیں سی ۔ سُنو بدکارو میرے کولوں چلے جاؤ۔“ (متی ۷ : ۲۲ ۔ ۲۳)
اوہ ایمان نئیں رکھدے پئی یسوع نے بندے دے سارےپاپاں نُوں دھو دِتا ؛ اوہ پانی تے رُوح دی خوشخبری اُتے ایمان نئیں رکھدے ۔
اوہ بدی اُتے عمل کردے نیں ۔ ایہدا کیہ مطلب اے؟ایہدا مطلب اے اوہ لوکاں نُوں یسوع اُتے ایمان رکھن دے بارے وچ دسدے نیں جد پئی اوہ ہُن تیک اپنے دلاں وچ پاپ رکھدے نیں ۔ تسیں خورےحیران ہیگے او پئی ایہدے وچ غلط کیہ اے پر ایہہ خُدا دے خلاف اک ڈاہڈا پاپ اے ۔
جدوں اک پاپی دوجیاں تیک یسوع اُتے ایمان رکھن دی لوڑ دی منادی کردا اے ، اوہ اوہناں دی نویوں سریوں جمن وچ اَگوائی نئیں کر سکدا کیوں جے اوہ آپ خود پانی تے رُوح دے راہیں نویں سریوں نئیں جمیا سی ۔ ایس لئی پُٹھی ایمان والے پاپیاں نُوں جم دے نیں جیہڑے یسوع اُتے ایمان رکھدے نیں ۔بدی اُتے عمل کرنا پاک رُوح دےخلاف اک پاپ ہیگا اے۔
پُٹھی راہ دے راہی نہ خُدا دے کلام اُتے ایمان رکھدے نیں نہ ای جویں ا یہہ لکھی ہوئی اے ، خوشخبری دی منادی کردے نیں۔ اوہ صرف اپنے پچھے چلن والیاں کولوں پیسے لُٹ دے نیں ۔ وہ پاپی نیں، بھانویں اوہ یسوع اُتے ایمان رکھدے نیں ۔ اوہ دوجیاں دی اَگوائی کرن دی کوشش کردے نیں جد پئی اوہ آپ نویں سریوں جمے نئیں ہیگے ۔ایس طریقے نال ، اوہ بدی اُتے عمل کردے نیں۔
پُٹھی راہ دے راہی نیں پر راستباز دے پیلے رنگ دے نقل نمونے
اسیں کویں اوہ جیہڑے نویں سریوں جم پئے نیں تے اوہ جیہڑے نئیں جمے ، اوہناں دے وچکار فرق کڈھ سکدے آں ؟
اسیں جانچن دے راہیں فرق کڈھ سکدے آں،کیہ اوہ پاپ
رکھدے نیں یاں نئیں ۔
اوہناں نقلی مناداں توں دھوکہ نہ کھاؤ جیہڑے آکھدے نیں پئی اوہ پاپی نیں۔ اپنے پیسے اوہناں نوں نہ دیوو۔ اپنے بڑی محنت نال کمائے ہوئے پیسے اوہناں پاپیاں نوں نہ دیوو۔
تسیں اوہناں نقلی مناداں نُوں کیوں پیسہ دیوو گے جیہڑے تہاڈے پاپاں وچ تہاڈی مدد نئیں کر سکدے ؟ جے تسیں کسے کلیسیا نوُں اپنا پیسہ دھیلہ دینا چاہندے او ،گھٹوگھٹ اوس ویلے نُوں اُڈیکو جدوں تیک پانی تے رُوح دی خوشخبری دے راہیں تہاڈے سارے پاپ مکائے جاندے نیں۔
بالکل جویں فلماں ، ڈرامیاں وچ نقلی کم ہوندے نیں ۔ ایسے طرح حیاتی وچ وی نقلی کم ہوندے نیں۔ مثال دے طور اُتے ،نقلی دین ہیگے نیں جیہڑے دل دے سارے پاپاں نُوں نئیں دھو سکدے ۔تسیں کویں اک نقلی دین دی پچھان کر سکدے او؟ اک نقلی شے ایہو جیہی شے ہوندی اے جیہڑی باہرں اصل دِسدی اے پر حقیقت وِچ اصل شے توں بالکل مختلف ہوندی اے ۔
تہانوں اپنے آپ لئی فیصلہ کرنا اے ۔کیہڑے کھرے مناد نیں ؟ کیہڑے پُٹھی راہ دے راہی نیں ؟ٹھیک ایمان کیہڑا اے؟ ٹھیک ایمان والے یسوع تے اوہدی مکتی دی قدرت اُتے ایمان رکھدے نیں ۔ اوہ اپنے دلاں وچ کوئی پاپ نئیں رکھدے ۔ پر پُٹھی راہ دے راہی اپنے دلاں وچ پاپ رکھدے نیں۔
کیہ سارے لوک ایہناں پُٹھی راہ دے راہیاں وانگر نیں؟ ایہہ خورے اِنج ای ہووے ۔ فیر،آؤ اسیں پاک کتاب ول واپس پرتیے ۔مطلب اے، جیہڑا یسوع اُتے ایمان رکھدا اے تے نویں سریوں جمیا نئیں ہیگا ،پُٹھی راہ دا راہی ہیگا اے ۔ایتھے گل کھُل جاندی اے پئی نویں سریوں جمے ہوئے لوک ٹھیک ایمان والے نیں۔ ایس لئی جیہڑے نویں سریوں نئیں جمے ،اوہ پُٹھی راہ دا راہی ہیگے نیں ۔ پُٹھی راہ دا راہی اوہ لوک ہیگے نیں جیہڑے یسوع اُتے ایمان رکھدے نیں پر ہُن تیک اپنے دلاں وچ پاپ رکھدے نیں۔
پُٹھی راہ دا راہی،راستباز اں دیاں نقلاں نیں۔ وہ خورے جان دے نیں پئی پاک ہون دا طریقہ یسوع اُتے ایمان رکھن دے راہیں ہیگا اے پر بے نصیبی نال اوہ ہُن تیک اپنے دلاں وچ پاپ رکھدے نیں ۔ اوہ اپنے آپ دے پاپی ہون اُتے ایمان رکھدے نیں ۔ اوہ دعویٰ کردے نیں پئی اوہ ہُن وی اَسمان اُتے جا سکدے نیں تے اوہ آکھدے نیں پئی اوہناں نے خُدا دی پوجا کیتی ۔ ایہہ اوہدے وانگر رولا پاؤندے نیں جویں اوہ راستباز ہیگے نیں ،پرآؤ اَسیں نقلیاں توں دھوکہ نہ کھائیے ۔
خُدا دی سزا ،پُٹھی راہ دا راہیاں ،نُوں اُڈیکدی اے
کھری خوشخبری کویں تبدیل ہوگئی ؟
کیوں جے نقلی کاہناں تے پُٹھی راہ دا راہیاں نے کھری خوشخبری وچ لوکاں دے غلط عقیدے رَلا دِتے ۔
” ایس لئی فوجاں دا رب اِسرائیل دا قادر اِنج آکھدا اے پئی ہائے میَں ضرور اپنے
مخالفاں توں آرام پاواں گا تے اپنے ویریاں کولوں بدلہ لواں گا ۔ تے میَں اپنا ہتھ تیرے اُتے ودھاواں گا ،تے تیری میل بالکل دُور کراں گا تے اوس قلعی نُوں جیہڑی تیرے وِچ رَلی اے ،وَکھ کراں گا ۔ تے میَں تیرے قاضیاں نوں پہلے وانگر تے تیرے مشورے دین والیاں نُوں پہلاں وانگر چھڈاواں گا ۔ایہدے بعدوں تُوں راستباز بستی تے آکھامنن والی آبادی اَکھوائیں گی ۔ صیون سزادے سبب توں تے اوہ جیہڑے اوہدے وِچ پاپ کرن توں باز آئے نیں راستبازی دے راہیں مکتی پاؤن گے ۔پر پاپی تے بھیڑیاں کرتُوتاں کرن والے سارے اکٹھے مرن گے تے جیہڑے خُداوند توں باغی ہوئےتباہ ہوجان گے ۔کیوں جے او ہ اوہناں بلوطاں توں جیہڑے تہانُوں چنگے لگے شرمندہ ہون گے تے تسیں اوہناں باغاں توں جنہاں نُوں تسیں پسند کیِتا خجل ہووگے ۔ تے تسیں اوس بلوط وانگر ہو جاؤ گے جیہدے پتے جھڑ جان تے اوس باغ وانگر جیہڑا پانی نہ ہون توں سُک جاوے ۔ اوتھوں دا پہلوان اِنج دا ہو جاوے گا جویں سَن تے اوہداکم چنگاری ہوجاوےگا ۔ اوہ دونویں اکھٹے سڑ جان گے تے کوئی اوہناں دی اَگ نہ بجھائے گا۔ “ (یسعیاہ ۱ : ۲۴ ۔ ۳۱)۔
خُداسانوں دَسدا اے پئی جے اسیں انسان نسل اُتے ایمان رکھدے آں ، اسیں انسان نسل دی وجہ توں شرمندہ ہوواں گے ۔اوہ سانوں دَسدا اے پئی اسیں کلیسیا دی وجہ توں شرمندہ ہوواں گے جنہوں اسیں آپ اپنے لئی چن لیا اے تے ایہہ شرم اوس رکھ وانگر ہووے گی جیہدے پتے اک باغ وانگر سُک جاندے نیں جیہڑا بے پانی اے ۔
اوہ سانوں دسدا اے نقلی کاہن تے اوہنا ں دے پچھے چلن والے جیہڑے خدا دے کلام دی بجائے انسانی تعلیماں اتے ایمان رکھدے نیں سک جان گے تے اوہناں دے کم سڑ جان گے ۔دونویں دوزخ وچ سڑن گے ۔ نقلی مناد تے پُٹھی راہ دے راہیں جیہڑے پاپاں توں چھڈائے نئیں گئے تے راستباز دے ویری نیں اوہ خُدا دی اگ وِچ سڑن گے۔
صرف خُدا دی تعلیم اُتے بنے ہوئے گرجے خورے باہروں ودھیا نظر آؤندے نیں ، پر اوہ اندروں خالی نیں۔ کوئی وی کلیسیا جیہڑی خُدا دے کلام دے عقیدے دے مطابق نئیں بنی ، اوہدے وچ پانی تے روح دے راہیں نویں سریوں جمن دی خوشخبری اوس باغ ورگی اے جیہڑا بے پانی اے ۔
ایہہ اک رُکھ ہو سکدا اے پر ایہہ اک مویا رُکھ اے جیہڑا پھل پیدا نئیں کرسکدا ۔ جدوں کسے کھوہ وچ پانی نئیں ہوندا ایہہ اگانہہ توں اک کھوہ وی نئیں ہیگا۔
” اوتھوں دا پہلوان اِنج دا ہو جاوے گا جویں سَن تے اوہداکم چنگاری ہوجاوےگا ۔ اوہ دونویں اکھٹے سڑ جان گے تے کوئی اوہناں دی اَگ نہ بجھائے گا۔ “ اوہ جیہڑے پاک رُوح نئیں رکھدے ،خورے دوجیاں توں تگڑے نظر آؤن ،پر اوہ خُدا دےاگے ، سُکی ہوئی شے جیہدانصیب دوزخ دے انگاریاں وانگر نیں۔
خُداوند پُچھدا اے ، ” ہاں بھئی چوکیدارا ، رات دی کیہ خبر ہیگی اے ؟ “ (یسعیاہ ۲۱ : ۱۱)۔راستباز جیہڑاسدادی حیاتی رکھدا اے ،اوہنوں رات دے ہنیرے وچ پانی تے رُوح دی خوشخبری دی منادی کرنی چاہی دی اے ۔
خُد ا نُوراے تے شیطان ہنیرا اے ۔خُدا لوکاں دی راستبازی ول اَگوائی کردا اے تے شیطان لوکاں دی بڑی بے ترتیبی دیاں نقلی ہیکلاں تے نقلی خُدا ئی تعلیم ول اَگوائی کردا اے ۔
یسعیاہ نبی دے دِناں وچ ،لوکاں دا ایمان خُرد بُرد سی جناں پئی ہُن ہیگا اے ۔ اوہناں نے خُدا دےکلام نُوں خُدائی خیالاں تے انسانی دنیا دی تعلیماں نال رَلا دِتا اے ۔ اوہناں نے اِسرائیل دے لوکاں دی انسانی نسل دے خُرد بُرد وچوں اینی غلط اَگوائی کیتی پئی خُدا نے اوہناں توں اپنے آپ نُوں چھڈان دافیصلہ کر لیا ۔
”تے اوس قلعی نُوں جیہڑی تیرے وِچ رَلی اے ،وَکھ کراں گا ۔ تے میَں تیرے قاضیاں نوں پہلے وانگر تے تیرے مشورے دین والیاں نُوں پہلاں وانگر چھڈاواں گا “چڑھاوے جیہڑے خُدا کدی قبول نئیں کرے گا قلعی وانگر نیں ،مطلب اے ، خُدا دے سچ تےا نسانی نسل دے خیالاں دا رَلا۔
خُدا کدی اوہ قربانیاں قبول نہیں کر دا جنہاں وچ رَلا ہوندا ے ۔ اوہ خورے انسانی اکھ نُوں کھری دِسدی اے پر جے اوہ انسانی نسل دے غلط عقیدیاں نال رَلی ہوئی اے ، اوہ ملاوٹاں نال رَلیاں ہویاں تے ایس طرحاں خدا دے اگے قبول کرن دے لائق نئیں ہیگیاں ۔
خُدا نے بنی اِسرائیل ، خاص کر پُٹھی راہ دے راہیاں ،نقلی مناداں تے پاپیاں نُوں ملامت کیتی ۔
جے اسیں خروج تے گنتی دیاں کتاباں پڑھدے آں ،اسیں ویکھ سکدے آں پئی خُدا نے پہلاں اوہناں اُتے ملامت نہیں کیتی ۔ خُدا نے اِسرائیل دے لوکاں دی مدد کیتی تے اوہناں اُتے برکتاں گھلیاں ۔پر یشوع دی موت توں لے کے قاضیاں تیک، اِسرائیل دے لوکاں اُتے چڑھائی ہوندی رہی ۔
فیر وی ، اوہنا ں نے اپنے دلی راہ نُوں چُنیا ۔ اوس ویلے ، خُدا نے یرمیاہ نبی نُوں گھلیا تے بنی اِسرائیل
نُوں بابل دے اگے ہتھیار سُٹن دے بارے وچ دَسیا ۔
یرمیاہ نے لوکاں نُوں بابل دے اگے ہتھیارسُٹن دے بارے وچ دَسیا ۔ ایہدا اک رُوحانی مطلب
رکھدا اے ، ایہہ سچ وکھاؤندا پیا اے پئی راستباز اوہناں نُوں جیہڑے پُٹھی راہ دے راہیاں دے پچھے چل دے نیں دسن پئی پانی تے رُوح دی خوشخبری دے اگے ہتھیار سُٹ دین ۔
خُدا پُٹھی راہ دے راہیاں نُوں ماڑا چنگا آکھدا اے
خُداکیوں پُٹھی راہ دے راہیاں نُوں ماڑا چنگا آکھدا اے؟
کیوں جے اوہ خُدا دی بجائے بُتاں دی خدمت کردے نیں ۔
کیوں خُدا دے خادماں نیں اِسرائیل دے لوکاں نُوں ماڑا چنگا آکھیا ؟ کیوں جے اوہناں نے قربانی دے طریقے نُوں بدل دِتا ، عام لوکاں نُوں کاہن ہون لئی مقرر کیتا تے قربانیاں دیاں تاریخاں بدل دِتیاں ۔
اوہناں نیں فدیہ دیہاڑے نُوں ۷ویں مہینے دی ۱۰ تاریخ توں بدل کے ۸ویں مہینے دی ۱۵ تاریخ کر دتا تےلاویاں توں باہر کاہناں نُوں مقرر کیتا۔ ایس طرحاں اوہناں نویں سریوں جمن دی راہ نُوں روک دِتا ۔
خُدا نے نقلی مناداں نُوں چنگا ماڑا آکھیا ۔ اوہ جیہڑے خُدا دی بجائے سونے دے وچھیاں دی خدمت کردے سَن ،پُٹھی راہ دے راہی بن گئے ۔
اصل وِچ ،خُدا نے اوہناں نُوں صرف بُتاں دی پوجا توں چنگا ماڑا نئیں آکھیا ۔ کیہ تُسیں تے میَں وی کئی واری بُتاں دی پوجا نئیں کردے؟ اسیں بڑی واری پاپ کردے آں ،پر ساڈیاں بھیڑیاں کرتُوتاں ڈاہڈے پاپ ہون لئی خیال نئیں کیتیاں جاندیاں ،صرف ایس وجہ توں کیوں جے اسیں خُدا دے فضل وچ جیوندے آں۔ پر خُدا نوں سونے دے وچھیاں نال بدلنا معاف نہیں ہو سکدا ۔تے ایہو کجھ قربانی دے طریقے نُوں بدلن تے کہانت لئی عام لوکاں نُوں مقرر کرن اُتے لاگُو ہوندا اے ۔
ایہہ کنے ڈراؤنے پاپ نیں !بڑے ڈاہڈے پاپ نیں ۔کویں کوئی سونے دے وچھیاں نُوں خُدا نال
بدل کےمعاف ہو سکدااے ؟ ایہہ پاک کتاب وچ لکھیا ہویا اے پئی ایہہ یُربعام دا پاپ سی ، جیہدے توں خُدا دا غصہ بھڑکیا ۔
بالکل جویں خُدا نے پُرانے عہد نامہ وچ اپنا غصہ وکھایا ،اوہ ہُن پاپیاں نُوں فناہ کردااے ،جیہڑے اوہدے خلاف ہیگے نیں۔ خُدا نے اِسرائیل نُوں دَسیا پئی اوہ جیہڑے سونے دے وچھیاں دی پوجا توں نئیں پھرے ، اوہ اوہناں اُتے لعنت کرے گا ۔
پُٹھی راہ دے راہی غیر شرعی چڑھاوے چڑھاؤندے نیں
خُدا دی خدمت کرن توں پہلاں سانُوں کیہ کرنا چاہی دا اے؟
اپنےساریاں پاپا ں توں معاف ہونااے
اِسرائیل دے بادشاہ تے پُٹھی راہ دے راہی کاہن خُدا دے خلاف ہیگے سَن تے اوہناں نے اوہناں نُوں مقرر کیتا جنہاں نے کہانت وِچ قربانی دے طریقے نُوں بے عزتی کیتا ۔ یُربعام ، بادشاہ نے ،راہوں بھٹکے دل نال ، ہر کسے نُوں اک کاہن وانگر خاص کیتا جیہڑا لاوی دے خنوادے وچوں نئیں سی ۔
صرف اوہ جیہڑے لاوی دے خنوادے وچوں سَن ،کاہن بن سکدے سَن تے بھیڑ دے تنبُو وچ کم کر سکدے سن ۔ اصل وچ ،کاہناں نوں ہارون دے خنوادے وچوں ہونا چاہی دا سی ۔ ایہہ خُدا دی ہمیش دی شریعت سی ۔ پر یُربعام نے لاوی دے خنوادے توں باہروں کاہناں نوں خاص کیتا تے اوہناں نوں سونے دے وچھیاں دے اگے چڑھاوے چڑھاؤن لئی رکھیا ۔ سانُوں ایس گل نُوں جاننا چاہی دااے پئی اینے کویں خُدا نُوں غصہ دوایا ۔
ایتھوں تیکر پئی اَج وی ، اوہ جیہڑے نویں سریوں نئیں جمے ،کلیسیا وِچ خادم ، ایلڈرتے ڈیکن بن سکدے نیں ۔ ایہہ گل خُدا دی شریعت دے خلاف جاندی اے تے اوہدے غصے نُوں سددی اے ۔ کیہ خُدا غیر شرعی چڑھاویاں توں خوش ہوندااے ؟ پُٹھی راہ دے راہیاں نوں اپنے سونے دے وچھے برباد
کرنے چاہی دے نیں تے خُداول پرتنا تے نویں سریوں جمنا چاہی دااے ۔
یسعیاہ ۱ : ۱۰۔ ۱۷آکھدااے ، ” اے سدُوم دے بادشاہو،خُداوند دا کلام سُنو ! اے عمورہ دے لوکو!ساڈے خُدا دی شریعت اُتے کن لاؤ۔ خُداوند آکھدا اے !تہاڈیاں چڑھاویاں دے بوہتے ہون نال مینوں کیہ کم ہیگا اے ؟ میَں میمنیاں دی سوختنی قربانیاں توں تے پالے پوسے وچھیاں دی چربی توں اَکیا ہویاہاں تے وچھیاں تے بھیڈاں تے بکریاں دے لہو نال دا مینوں چاء نئیں ہیگا اے ۔ جدوں تسیں میرے اَگے آکے میری دید کرن دا چاء کردے او تے کیہڑا تہاڈے توں چاؤندااے پئی میری پاک تھاواں نُوں لتاڑو؟فیر دوبارہ نقلی چڑھاوے نہ لیاؤنا ۔بخور نُوں میَں چنگیاں نئیں جان دا ،نویں چن تے سبت تے عید دی جماعت نوںوی، کیوں جے میَں بھیڑیاں کرتُوتاں نال عید کرن نُوں ویکھ نئیں سکدا ۔ میرے دل نوں تہاڈے نویں چناں تے مقرر کیتیاں ہویاں عیداں توں نفرت ہیگی اے ۔ اوہ میرے اُتے بھارا ہیگے نیں ۔میَں اوہناں نُوں برداشت نئیں کرسکدا ۔جدوں تسیں میرے اگے اپنے ہتھ کھلارو گےتے میَں تہاڈے ولوں اپنا مونہہ اِک پاسے کرلواں گا ۔آہو جدوں تسیں دعا اُتے دعاکروگےتے میَں نہ سُنا ں گا ۔تہاڈے ہتھ تے لہو نال لبڑے ہوئے نیں۔ اپنے آپ نوں دھووو۔ اپنےآپ نُوں پاک کرو۔اپنی بھیڑیاں کرتُوتاں نُوں میرے اَگوں دُور کرو۔ بھیڑی حرکت توں ہٹ جاؤ۔ چنگے کم کرنا سِکھو ۔انصاف کرن دا چاء کرو۔ مظلوماں دی مدد کرو ۔ یتیماں دے رونے سُنو ۔ رنڈیاں دی مدد کرو۔ “
جےاسیں ویکھ جاکھ کے ایہہ حوالہ پڑھدےآں ،اسیں ویکھ سکدے آں پئی بنی اِسرائیل دے دینی آگُو بوہت کھرے بندے سَن ۔پر اپنے کھرے ہون دے باوجود ،اوہ فناہوگئے کیوں جے اوہناں نے غلط چڑھاوے چڑھائے تے خُدا دی شریعت دا آکھا نہ منیا ۔
اسیں ویکھ سکدے آں پئی اوہ نہ تے خُدا دی شریعت دے پچھے چلّے جدوں اوہناں نیں چڑھاوے چڑھائے ،نہ ای خُدا ول دھیان دِتا ۔ایہہ آگُو اینے کھرے سن پئی اوہناں نے خُدا دے اَگے حدوں دونے چڑھاوے چڑھائے۔ پاک کتاب دَسدی اے پئی بھیِڑ دے تنبُو دے اندر لہو اک دریاوانگر وگیا ۔
فیروی ،جدوں خُدا نے اوہناں اُتے نظر کیتی ،اوہناں نیں کیہ کیتا،اوہنے آکھیا پئی ایہہ عمورہ دے پاپ وانگرسی۔اوہنےویکھیاپئی کہ اوہ اوہدے اگے چڑھاوے چڑھاؤندے پئے سن ،پر اصل وچ اوہ پاپ کردے پئے سن ۔ اوہنے آکھیا بالکل چڑھاوے نہ چڑھاؤنا بوہتا چنگا سی ۔اوہنے اوہناں نُوں قبول کرنا نہ چاہیا۔
جویں اوہناں نیں سونے دے وچھیاں دے اگے چڑھاوے چڑھائے ، خُدا اوہناں دے پاپ معاف نہیں کر سکدا سی ۔ اوہدی برداشت کرن دی حد مُک گئی سی ۔اوہنے اوہناں نُوں دَسیا ،اوسے طریقے نال چڑھاوے چڑھاؤنے چاہی دے نیں ،جویں اوہنے حکم دتا سی ۔ جے نئیں، تے ایہہ اوہناں لئی بوہتا چنگا ہووے گا پئی اوہ چڑھاوےنہ چڑھاؤن ۔
اوہناں دے چڑھاوے چنگے طریقے نال خُدا دے اگے نئیں چڑھائے گئے سَن ۔ تے نتیجے طور اُتے ،کاہناں نے خُدا دے خلاف پاپ کیتا۔ تہانوں ایس گل دا پتہ ہونا چاہی دا اے پئی تہاڈے پاپ دُھلیوں اَڈ ،خُدا دی خدمت کرنا تے اوہدےکم کرنا اوہدے اَگے اِک ڈاہڈا پاپ ہیگا اے ۔
پٹھی راہ دے راہی سکول دے اُستاداں وانگر نیں
پٹھی راہ دے راہی کیہ تعلیم سکھاؤندے نیں ؟
اوہ چنگے کم کرن دی تعلیم سکھاؤندے نیں ،نہ پئی کیوں نویں سریو ں جمنا اے
پٹھی راہ دے راہی وکھالے طور تے پاک دِسدے نیں ۔جدوں اوہ پُلپٹ اُتے قبضہ کر لیندے نیں ،اوہ اینے بدلے ہوئے دِسدے نیں پئی بوہت سارے اوہناں دے وکھالے توں دھوکہ کھاندے نیں ۔ اوہ چنگیاں گلاں دی تعلیم سکھاؤں والے لگدے نیں ۔اوہ ہمیشہ لوکاں نُوں چنگیاں بنن دی غلط اَگاہی کرن دے راہیں اپنے پیغام مکاؤندے نیں ۔ایہہ کیہو جیہا پیغام ہیگااے ؟ اوہناں دے پیغاماں تے سکول دے اُستاداں دے سبق وچ کیہ فرق ہیگا اے ؟
خُدا دا گرجا اوہ تھاں ہیگی اے جتھے نویں سریوں جمے ہوئے لوک رل مل کے خُدا دی پوجا لئی آؤندے نیں ۔ صرف ایس قسم دا گرجا اک سچا گرجا اے ۔ خُدا دی کھری کلیسیا سکھاؤن دی کوشش نئیں کردی ،کویں خُدا دے اگے پیش آؤنا اے ۔ کھری کلیسیا دا مناد پانی تے رُوح دی خوشخبری دی منادی کرداے۔ کوئی گل نئیں تسیں کنے ماڑے او، خُدا نے تہاڈے سارے پاپ دھو دِتے نیں۔
پُٹھی راہ دا راہی ،مناد اپنے پچھے چلن والیاں نُوں دَسدے نیں ، ” ایہہ کروتے اوہ کرو۔“ اوناں اُتے بھارے جوئے رکھدے نیں ۔ پر اوہ آپ اوہناں نُوں ہلاؤن لئی اک انگلی لاؤن اُتے راضی نئیں ہوندے ۔
پُٹھی راہ دا راہی اپنے بچے لئی اک مہنگا وائلن خرید لیندا اے تے پڑھائی لئی بچے نوں باہر گھلدا اے ۔ کویں اک کاہن اِنج کرنا برداشت کرسکدااے ؟ اوہنے پیسے کتھوں لئے؟ جے اوہ ایس طرح دا پیسہ رکھدااے ، کیا ایہہ خوشخبری دی منادی لئی خرچ نئیں کرنا چاہی دا ؟ کیہ کسے مناد نُوں اک مہنگی گڈی چلاؤنی چاہی دی اے؟کیہ اوہنوں ٹہور ٹُور لئی اک بوہتے مُل دی گڈی اُتے سواری کرنی چاہی دی اے ؟اک مناد جیہڑا مہنگی گڈی چلاؤندا اے اک چور ہیگا اے ۔ جد پئی اوہدے پچھے چلن والے بھاویں نکی جیہی گڈی مُل لے نئیں سکدے ، کویں ایہہ اوہدے لئی چنگا ہووے گا پئی اوہ اک ڈیلکس ماڈل دی گڈی رکھے ؟ اسیں اک پُٹھی راہ دے راہی مناد دے بارے وِچ صرف اوہدے کماں اُتے دھیان کرن دے راہیں دَس سکدے آں۔
پُٹھی راہ دا راہی،مناد روپیے دی وڈیاں رقماں لئی پُچھدے نیں ۔ کئی کلیسیاواں اپنے مناداں نُوں ۱۰ ہزار ڈالر توں بوہتا دیندیاں نیں ۔ تے ایہہ صرف دفتردی تنخواہ ہوندی اے ۔ اوہناں نُوں تعلیمی فیس،کتاباں دی فیس،بچیاں دی ویکھ بھال دی فیس ،سفردی فیس ،صرف تھوڑے جہیے ناں نیں ،جنہاں لئی پیسے دِتے جاندے نیں ۔
فیر وی اوہناں وچوں کئی گِلہ کردے نیں پئی اوہناں نُوں چنگی تنخواہ نہیں دِتی جاندی ۔ اوہ مہینے دا ۱۰ہزار ڈالر لیندے نیں تے ہور پیسیاں لئی آکھدے نیں ۔ کیہ ۱۰ ہزار ڈالر اینی گھٹ تنخواہ ہیگی اے ۔ اک مناد نوں جیوندارہن لئی بوہتی کمائی دے نال سکون ہونا چاہی دا اے ، جویں اوہ پانی تے رُوح دی خوشخبری دی منادی کردا اے ۔
اک کھرا مناد خُدا کولوں تسلی تے سکون لیندااے ۔ پر اک پُٹھی راہ دا راہی مناد جیہڑا بے سکون ہیگا اے روپیے پیسے دے اجر لئی آکھدا اے ۔ ایہو جیہے مناداصل وچ سونے دے وچھیاں دی پوجا کردے پئے نیں۔
خُدا دی کلیسیا کئی واری صیوں اَکھواندی اے ۔صیون وانگر سوہنی کلیسیا کوئی نئیں ہیگی ۔ خُدا دی
کلیسیا اوہ تھاں ہیگی اے جتھے پانی تے رُوح دی خوشخبری دی منادی کیتی جاندی اے ۔
یسعیاہ ۱ : ۲۱ آکھدا اے ، ” آکھامنن والی وستی کیہو جیہی بدکار ہوگئی ! اوہ تے انصاف
نال بھرئی ہوئی سی تے راستبازی اوہدے وچ وسدی سی پر ہُن خونی وسدے نیں ۔“یسعیاہ خُدا دی کلیسیا دے بارے وچ ،ایہہ آکھدیاں ہویاں دَسدا اے ، ” اوہ تے انصاف نال بھری ہوئی سی۔ “
خُدا منصف تے سچا اے ۔کیونکہ جے اسیں ادھورے ہیگے آں ، کیوں جے اسیں آدم دی نسل توں آں تے پاپ لئی جمے آں ،ایس لئی یسوع ایس جگ وچ پانی تے رُوح دے نال ساڈے پاپاں نُوں دھون لئی آیا ۔ کیوں جے خُدا کناں سچا ہیگااے ۔
پُرانے عہد نامے وِچ ،جدوں لوکاں نُوں پتہ لگا پئی اوہ ادھورے سَن ،اوہ خُدادے اگے آئے تے چڑھاوے چڑھائے ۔” میَں ایس طرحاں تے ایس طریقے نال غلط کم کیتا اے۔ میَں مجرم ساں۔“ فیر اوہناں دےہر دیہاڑے دے پاپاں دی معافی ہو جاندی سی تے اوہ فدیہ دیہاڑے اُتے اپنے پورے ورہے دے پاپاں لئی اکو ای واری معافی پاؤن دے لائق وہ سَن۔
بالکل ایسےطرحاں ،نویں عہد نامے وچ یسوع ایس جگ وچ آیا تے بپتسمہ لے کے تے سُولی اُتے اپنا لہو روڑھ کے ساری جگ دے پاپاں نُوں اِکو ای واری دھودِتا اے۔
پر نویں سال دی عبادت وچ ،بوہت سارے لوک رولا پاؤندے تے توبہ کردے نیں ، ” سوہنے خُدایا، مہربانی کرکے میرےپاپ معاف کردے جیہڑے میَں پِچھلے ورہے کیتے سَن ۔ مہربانی کرکے مینوں ایس ورہے وِچ برکت دے۔“ ایہہ لوک پُٹھی راہ دے راہیں ہیگے نیں۔
فیر ،پانی تے رُوح دے راہیں نویں سریوں جمن دا سچ کیہ ہیگا اے؟ یسوع گھٹوگھٹ ۲۰۰۰ورہے پہلاں جگ وِچ آیا تے اِکو ای واری تے ساریاں لئی انسانی پیڑھی دے پاپاں نوں دھو دتا تے ایس طرحاں سانوں ہمیش لئی پاپ توں مکتی دے دِتی اے ۔ اوہنے پانی تے لہو نال سانوں جگ دے سارے پاپاں توں مکتی دِتی اے ۔ پر جے اسیں ہر دیہاڑے معافی منگدے آں ،اوہ کیہ آکھے گا ؟
” آکھامنن والی وستی کیہو جیہی بدکار ہوگئی ! اوہ تے انصاف نال بھری ہوئی سی تے راستبازی اوہدے وچ وسدی سی پر ہُن خونی وسدے نیں ۔“کوئی وی جیہڑا اپنے آپ نوُں پاپی آکھدااے ، اک پُٹھی راہ دا راہی ہیگااے ۔
اک پُٹھی راہ دا راہی،کاہن پانی تے رُوح دے راہیں نویں سریوں جمن دی خوشخبری دی منادی نہیں کر سکدے۔
کیہ خُدا پاپیاں دیاں دُعاواں سُن دا اے ؟
نئیں ۔ اوہ اوہناں دی نئیں سُن سکدا کیوں جے اوہناں دے پاپ اوہناں نُوں خُدا توں وَکھ کردے نیں ۔
ساڈا خُدا اوہناں نوُں جیہڑے اوہدے اُتے ایمان رکھدے نیں تے اوہدے کولوں معافی منگدے نیں ،خونی آکھدااے ۔کیوں جے اوہ معافی منگدے نیں تے ایہہ وی آکھدے نیں پئی اوہ پاپی نیں ، کیہ اوہ آس رکھدے نیں ،یسوع واپس آوے تے دوجی واری اوہناں دے پاپاں لئی مرے؟یسوع دا بپتسمہ تے سولی مکتی دا سچ ہیگااے ۔
۱ ۔ پطرس ۳ : ۲۱ وچ ایہہ آکھدا اے پئی یسوع دا بپتسمہ ساڈی مکتی ورگا اے ۔یسوع مسیح انسانی پیڑھی نوں پاپ توں چھڈان لئی اِکو واری مویا ۔ اوہنے اِکو ای واری ساریاں لئی انسانی پیڑھی دے پاپاں نوں دھودِتا تے تیجے دیہاڑے مویا ں وچوں جی اُٹھیا ۔ ہُن اوہ خُدا دے سجے ہتھ اُتے بیٹھا ہویا اے ۔
یسوع مسیح نے سانوں پاپ توں ہمیش لئی مکتی دین لئی اِکو واری بپتسمہ لیا تے اِکو واری سولی اُتے مویا ۔ اوہنے یوحنا اصطباغی کولوں بپتسمہ لیا جدوں اوہ ۳۰ ورہیاں دا سی ۔اوہنے سانوں جگ دے سارے پاپاں توں مکتی دین لئی اِکو واری جان دِتی ۔ کیہ ایہدا ایہہ مطلب نئیں ہیگا پئی فیصلہ ہمیشہ لئی دے دِتا گیا اے ؟
جے پُٹھی راہ دے راہی آکھدے نیں پئی اوہ ہُن تیک پاپی نیں ، اوہ اوہنوں دوجی واری تھلے آؤن تے سُولی اُتے مرن لئی آکھدے پئے نیں ۔اصل وِچ ،اوہنوں اِنج کرنا ہر واری جدو ں وی اوہ معافی منگدے نیں چالو رکھنا ہووے گا۔
اوہ جیہڑے اپنے دلاں وچ پانی تے رُوح دی خوشخبری اُتے ایمان رکھدے نیں ہمیش تیک پاپ توں مکتی یافتہ ہو جاندے نیں ،راستباز بن جاندے نیں ، اَسمان اُتے خُدا دیاں برکتاں تے ہمیش د ی حیاتی پاؤن لئی جاندے نیں ۔ کوئی وی جیہڑا راستباز نال ملدا اے ،پانی تے رُوح دے راہیں مکتی یافتہ ہو سکدا اے تے خُدا دے برکت والے لوکاں وچوں ہو سکدا اے ۔ کوئی جیہڑا خُدا دے اگے راستبازی دی مکتی منگدااے برکت پاوے گا ۔
آؤ اسیں یسعیاہ ۱ : ۱۸ ۔ ۲۰ نُوں پڑھیے، ” ہُن خُداوند آکھدااے آؤ اسیں رل کے بحث کرئیے۔ بھاویں تہاڈے پاپ لال سوہےرنگ دے ہون اوہ برف وانگر چٹے ہوجان گے تے ہر واری اوہ گاڑے لال رنگ دے ہون فیر وی اُنّ وانگر نکھر جان گے ۔جے تسیں راضی تےآکھا منن والے ہیگےاوتے دھرتی دے چنگے چنگے پھل کھاووگے ۔ پر جے تسیں مکر جاوو تے باغی ہوووتے تلوار دی بُرکی بن جاووگے کیوں جے خُداوند نے اپنے مونہو ایہہ فرمایااے ۔ “
خُدا سانوں دَسدا پیا اے پئی جے اسیں پانی تے رُوح دی خوشخبری نوں من دے آں ،اسیں دھرتی دے مٹھے میوے کھاواں گے ،پرجے منکر تے اَنموڑ ہوندے آں ،اسیں تلوار دی خوراک بن جاواں گے ۔
ساڈے خدانے آکھیا ،”آؤ اسیں رل کے غورتے فکر کرئیے ۔ آؤ اسیں گل کرئیے ۔کیہ تسیں ادھورے ہیگے او؟ کیہ تسیں پاپی ہیگے او؟ کیہ تسیں اپنے آپ نال بڑی محبت رکھدے او؟ کیہ تسیں حکماں دی وجہ توں جیوندے نئیں رہ سکدے ؟ کیہ تسیں اوہ کُجھ نئیں کر سکدے جو کُجھ شریعت آکھدی اے ؟ تسیں جان دے او، پر عمل نئیں کر سکدے ؟فیر ،میرے کول آؤ۔بھاویں تہاڈے پاپ لال رنگ دے نیں ،اوہ برف وانگر چٹے ہو جان گے ؛بھاویں اوہ ہر واری گاڑھے لال رنگ دے نیں ،اوہ اُنّ وانگر ہو جان گے ۔“ایہدا مطلب اے خُدا نے پاپیاں نُوں کامل مکتی دِتی اے تے اوہناں نُوں راستباز بنایا اے ۔
جدوں خُدا نے آدم تے حوا نُوں بنایاکوئی پاپ ہیگا نئیں سی ۔ پر شیطان جاہلی نال اگے آیا ۔ اوہنے اوہناں نُوں خُدا دا آکھانہ منن لئی للچایا تے اوہناں کولوں پاپ کراؤن دے راہیں ساری انسانی پیڑھی نُوں پاپی بنا دِتا ۔ شیطان بندیاں نوں ڈیگن دا سبب بنیا ۔ شروع وِچ آدم تے حوا خدادے اگے پاپی نئیں سن ۔ اوہ عدن دے باغ وچ خُدا دے نال رہندے سن ۔پر اوہ پاپی بن گئے ۔ایس لئی ہُن خُدا سانوں سدداپیا اے ۔ آؤ تے اسیں رل مل کے دھیان تےفکر کرئیے۔ آؤ اسیں رل مل کے دھیان تے فکر کرئیے!
” تسیں ایس جگ وچ کنے پاپ کیتے نیں ؟تے مرن توں پہلاں کنے پاپ کروگے ؟ “
” یا خُداوندا ۔بندہ پاپ نہ کرے ،ایہہ کدی نئیں ہوسکدا ۔اسیں پاک نئیں ہوسکدے ۔بھاویں اسیں کناں ای ٹل لالیے ،ایہدا کوئی مطلب نئیں ۔“
” ٹھیک اے،فیر تسیں ہن تیک کنے پاپ کیتے نیں؟ “
” آہو،خُداوندا ،میَں ہر شے یاد نئیں رکھ سکدا،کُجھ تھوڑے جیہے ہیگے نیں جیہڑے میرے ذہن وچ پھسے ہوئے نیں ۔تینوں اوہ ویلا یاد ہیگااے ؟تسیں جان دے او میَں کیہڑی گل کرداپیا ہاں ۔۔ ۔ تے اک ہو روی ویلاہیگااے ،تسیں جان دے او۔۔۔“
فیر خُدا آکھدااے ، ” ایس لئی چالو رکھو تے مینوں دَسو۔کیہ تسیں سوچ دے او، اوہ مُک گئے نیں؟ کیہ تسیں جان دے او اوہناں توں اَڈ کنے ہیگے نیں ؟فیر وی ، سارے پاپ جیہڑے تہانوں یاد نیں ، سارے پاپ جیہڑے تسیں بُھل گئے او تے ایتھوں تیک پئی سارے پاپ وی جیہڑے تسیں مستقبل وچ کروگے ،میَں اوہناں ساریاں نُوں ہمیش لئی دھودتااے ۔ پر صرف تہاڈے ای نئیں سگوں تہاڈے بچیاں تے اوہناں دے بچیاں ،آؤن والی ساریاں پیڑھیاں دے پاپ وی ۔ میَں راستباز خُدا ہیگا واں ۔میَں اِکو ای واری ہمیش لئی تہاڈے پاپاں نوں دھو دِتا اے۔“
خُدا ،جنہے ساری انسانی پیڑھی دے پاپاں نُوں ،آدم تو ں لے کے ،دھرتی اُتے آخری بندے دے پاپاں تیک ،دھودتا اے ، ازلوں تے اخیرتک،مُڈھوں تے مکن تیک ۔
” میَں مکتی داتا تے قادرِ مطلق خُدا ہیگا واں۔“
” میَں یہوواہ ترس بھریا خُدا ہیگا واں۔“
” میَں اوہناں اُتےرحم کراں گا جیہڑے رحم دے حق دار ہیگے نیں تے اوہناں اُتے ترس کھاواں گا جیہڑے لائق طور اُتے ترس کھان دا حق رکھدےنیں ۔“
جے اسیں اوہدارحم منگدے آں تے اوہدے نال دلوں صاف ہیگے آں ، سانوں خُدا دا ترس مل سکدا اے ۔ساڈا پیو سانوں ساریاں نُوں برکت دینا چاہندا اے ۔اوہ چاہندا اے پئی اسیں سارے راستباز بن جائیے۔ اپنی محبت تے خُدا ترسی وچ ،اوہ سانوں ساریاں نوں اپنے راستباز پُتر بناؤنا چاہندا اے ۔
خُدا ساڈے کولوں کیہ چاہندا اے پئی اسیں نویں سریوں جمن دے بعد کرئیے؟
اوہدی مرضی اے پئی اسیں سارے جگ وچ خوشخبری دی منادی کرئیے ۔
اوہدی مرضی اے پئی اسیں برف وانگر چٹے ہو جائیے ۔یسوع نے اپنے بپتسمہ تے اپنے لہو دے راہیں اِکو ای وار تے ہمیش لئی انسانی پیڑھی دے سارے پاپاں نوں دھودتا ۔ جے کوئی کلیسیا سارے ایمانداراں دے پاپ تے حیاتی دے مسئلے حل نہیں کرسکدی ،اوہ خُدا دی اصل کلیسیا نئیں اکھواسکدی ۔
لوک کاہناں دےکول آؤندےنیں تے آکھدے نیں ، ” میَں پاپ رکھداہاں ،مینوں کیہ کرنا چاہی دا اے ؟میَں توبہ کرداہاں تے کئی واری توبہ کر چُکیا ہاں،پر میرے پاپ دُور نئیں ہوئے ۔میَں اگانہہ چالُو نئیں رکھ سکدا۔مینوں سمجھ نئیں آؤندی پئی میَں اپنی راستباز حیاتی دے نال چل سکدا ہاں۔“جے ا ک کاہن ایہو جیہے بندے نوں اوہدے مسئلیاں دا ٹھیک جواب نئیں دے سکدا ، اوہ اک پُٹھی راہ دا راہی ،ہیگا اے ۔اوہ خورے آکھے ،”ایہہ تہاڈے اُتے مُکدی اے۔جاؤ پہاڑاں وچ دُعا کرو، ۴۰ دن دے روزے دی کوشش کرو۔“
پٹھی راہ دے راہی یا دینی آگُو اینے رَلیاں نال بھرے ہوئے ہوندے نیں پئی اوہ پانی تے رُوح دی خوش خبری نوں نئیں جان دے ۔اوہ نئیں جان دے ہیگے پئی اوہناں دیاں روحاں دی اخیر دوزخ وِچ ہووےگا یاں اَسمان اُتے ۔
ایہہ آگُو خُدا دے اگے ٹھیک نئیں ہیگے ۔اوہ نقلی مسیحی تے پُٹھی راہ دے راہی ہیگے نیں ۔اوہ اُتوں اِنج دِسدے نیں پئی یسوع اُتے ایمان رکھدے نیں،پر اوہناں دے دل ہُن تیک پاپ نال بھرے ہوئے نیں ۔اوہ اپنے پاپاں توں دھوتے نئیں گئے ۔اوہ پانی تے رُوح دی خوشخبری دی منادی نئیں کر سکدے ،جیہڑی سارے پاپ دھو سکدی اے ۔آؤ اسیں اوہناں توں دھوکہ نہ کھائیے۔
طِطُس ۳ : ۱۰ ۔ ۱۱ پُٹھی راہ دے راہیاں نُوں آکھدااے ، ” اک دو واری نصیحت کرکے پُٹھی راہ دے راہی توں کنارہ کر۔ ایہہ جان کے پئی ایہو جیہا بندہ راہوں تھُڑک گیا اے تے اپنے آپ نوں مجرم ٹھہرا کے پاپ کردا رہندا اے ۔“ کیوں جے اوہ یسوع اُتے ایمان رکھدے نیں پر نویں سریوں جمے نئیں ہیگے ۔اوہ اپنے آپ نوں پاپیاں وانگر مجرم ٹھہراؤندے نیں ۔اوہ پانی تے رُوح دی خوشخبری نوں ،ایہہ آکھدیاں ہویاں پئی اوہ پاپی ہیگے نیں ،جیہڑے بچ نہیں سکدے سگوں دوزخ وچ جان گے ،اکھاں توں اک پاسے کردے تے لتاڑدے نیں۔
اوہ مسیحیت وچ پُٹھی راہ دے راہیں ہیگے نیں۔ کوئی وی جیہڑا یسوع اُتے ایمان رکھدا اےتے پاپ رکھدا اے ، اوہ اک پُٹھی راہ دا راہی ہیگا اے ۔ پُٹھی راہ دےراہی خُدا دے خلاف چلدے نیں ۔خُدا پاک ہیگا اے ۔ پر اوہ پاک نئیں ہیگے ۔اوہ جیہڑے پانی تے رُوح دی خوشخبری اُتے ایمان رکھدے نیں ،اپنے سارے پاپاں توں پاک ہیگے نیں ۔ایس لئی ،جیہڑا وی یسوع اُتے ایمان رکھدا اے ،پرپاپ رکھدا اے ،ایک پُٹھی راہ دا راہی ہیگااے ۔سانوں اوہناں توں دُور رہنا چاہی دا اے جیہڑے آکھدے نیں ،اوہ خُدا اُتے ایمان رکھدے نیں ،پر ہُن تیک پاپی نیں۔
آؤ اسیں اوہناں تیک خوشخبری دی منادی کرئیے ،جنہاں نے اجے تیک اینوں نئیں سُنیا ہیگا اے تے اوہ جیہڑے ایمان رکھنا چاہندے نیں پر نئیں رکھ سکدے کیوں جے اوہ اینوں نئیں جان دے ۔آؤ اسیں اوہناں دی نویں سریوں جمن وچ مدد کرئیے ۔آؤ اسیں اوہناں نوں دفع کرئیے جیہڑے پانی تے رُوح دی خوشخبری دی راہ وچ کھلوتے نیں ۔
سانوں بڑے یقین نال پانی تے رُوح دے راہیں نویں سریوں جمن دی خوشخبری دی منادی پوری دنیا وچ کرنی چاہی دااے ۔ آمین !
Copyright © 2021 by The New Life Mission