कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है।
प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।
مضمون 9: رومیوں (رومیوں دی کتاب اُتے تفسیر)
[3-3 باب] کیہ تسیں خُداوند لئی خُدا دے شکر گزار ہیگے او؟ <رومیوں ۳:۱۰ ۔ ۳۱>
>رومیوں ۳:۱۰ ۔ ۳۱>
” ایس لئی لکھیا اے پئی کوئی راستباز نئیں ۔ اک وی نئیں ۔ کوئی سمجھدار نئیں ۔ کوئی خُدا دا طالب نئیں ۔ سارے بھٹکے نیں سارے دے سارے نکمے ہیگے نیں ۔ کوئی بھلیائی کرن والا نئیں ۔ اک وی نئیں ۔ اوہناں دا سنگھ کھلی ہوئی قبر ہیگااے ۔ اوہناں نیں اپنی جیبھاں نال فریب دتا ۔ اوہناں دے بُلا ں وچ سپاں دی وِس ہیگی اے ۔ اوہناں دا مونہہ لعنت تے کوڑ نال بھریا اے ۔ اوہناں دے پیر قتل کرن لئی چھیتی ٹُردے نیں ۔ اوہناں دے راہواں وچ بربادی تے بھیڑے حال ہیگے نیں ۔ تے اوہناں نیں سلامتی دی راہ نوں نئیں جانیا ۔ اوہناں دیاں اکھاں وچ خُدا دا ڈر نئیں ہیگا اے ۔ ہُن سانوں پتہ لگیا اے پئی شریعت جو کُجھ آکھدی اے اوہناں نوں آکھدی اے جیہڑے شریعت ہیٹھاں ہیگے نیں تاں پئی ہر کسے دا مونہہ بند ہو جاوے تے سارا جگ خُدا دے اگے سزا پاؤن دے لائق ثابت ہووے ۔ ایس لئی پئی شریعت دے کماں توں کوئی بندہ اوہدے اگے راستباز نئیں ثابت ہووے گا ۔ ایس لئی پئی شریعت دے راہیں تاں پاپ دی پچھان ای ہوندی اے ۔ پر ہُن شریعت توں اَڈ خُدا دی اک راستبازی ظاہر ہوئی اے جیہدی گواہی شریعت تے نبیاں توں ملدی اے ۔ مطلب اے خُدا دی اوہ راستبازی جیہڑی یسوع مسیح اُتے ایمان لیاؤن نال سارےایمان لیاؤن والیاں نوں ملدی اے ،کیوں جے کوئی فرق نئیں ۔ایس لئی پئی ساریاں نیں پاپ کیتا تے خُدا دے جلال توں سکھنے ہیگے نیں ۔پر اوہدےفضل دے سبب اوس مکتی دے راہیں جیہڑی مسیح یسوع وچ ہیگی اے مفت راستباز ثابت کیتے جاندے نیں ۔ اوہنوں خُدا نے اوہدے لہو دے سبب اک ایہو جیہا فدیہ بنایا جیہڑا ایمان لیاؤن نال فائدہ مند ہووے تاں پئی جیہڑے پاپ پہلوں ہوئے سَن تے جنہاں نوں خُدا نے صبر کرکے ٹال دتا سی اوہناں دے بارے وچ اوہ اپنی راستبازی وکھائے ۔سگوں ایسے ویلے اوہدی راستبازی ظاہر ہووے تاں پئی اوہ آپ وی انصاف کرن والے رہوے تے جیہڑا یسوع اُتے ایمان لیائے اوہنوں وی راستباز بناؤن والا ہووے ۔ ایس لئی فخرکتھے گیا ؟ ایہدی تھاں ای نئیں ۔ کیہڑی شریعت دے سبب توں ؟ کیہ کماں دی شریعت دے سبب توں ؟ نئیں سگوں ایمان دی شریعت توں۔ ایس لئی اسیں ایس نتیجے اُتے پہونچدے آں پئی بند ہ شریعت دے کماں توں اَڈ ایمان دے سبب راستباز بن دا اے ۔ کیہ خُدا صرف یہودیاں دا ای اے اوپریاں قوماں دا نئیں ؟ بے شک اوپریاں قوماں دا وی ہیگااے ۔ ایس لئی اِکو ای خُدا ہیگااے جیہڑا ختنے والیاں نوں وی ایمان نال تے ختنے توں اَڈ لوکاں نوں وی ایمان دے ای سبب راستباز بناوے گا ۔ “
بندے کول بدن اُتے فخر کرن لئی ککھ نئیں ہیگااے
رومیوں ۳ : ۱۰۔ ۱۲ دسدااے ، ” کوئی راستباز نئیں ۔ اک وی نئیں ۔ کوئی سمجھدار نئیں ۔ کوئی خُدا دا طالب نئیں ۔ سارے بھٹکے نیں سارے دے سارے نکمے ہیگے نیں ۔ کوئی بھلیائی کرن والا نئیں ۔ اک وی نئیں ۔“ بدن وچ ہوندیاں ہوئیاں اسیں سارے خُدا دے اگے پاپاں نال بھرے ہوئے آں ۔ کیہ کوئی بدن وچ ہوندیاں ہوئیاں اپنے آپ نوں راستباز ثابت کرسکدااے ؟ کیہ کوئی بدن وچ ہوندیاں ہوئیاں خُدا دے اگے راستباز بن سکدااے ؟ اک بندہ بدن وچ ہوندیاں ہوئیاں کدی راستباز نئیں بن سکدا ۔ بدن کدی وی یسوع دی دتی ہوئی مکتی دے بغیر راستباز نئیں بنایا جا سکدا۔
جنہاں دے پاپ مکائے گئے نیں اوہناں کول وی اپنے بدن اُتے فخر کرن لئی ککھ نئیں ہیگا اے ۔ اسیں وی جنہاں دے پاپ مکائے نیں بھلیائی کرن دے لائق نئیں ہیگے آں سگوں اسیں اپنے بدن دا جھکا بدل لیندے آں ۔ اسیں ایہہ نئیں آکھ سکدے پئی اسیں نیکیاں کرن والیاں حیاتیاں بسرکردے پئے آں ،ایس توں ہٹ کے جدوں اسیں خُداوند دی خدمت تے رُوحانی کم کردے آں ۔ جویں پئی یسوع نے آکھیا ، ” جیہڑا بدن وچوں جمیا اے بدن اے تے جیہڑ ا رُوح وچوں جمیا اے رُوح ہیگااے ۔“ (یوحنا ۳: ۶)۔بدن بدنی آساں وچ تے رُوح رُوحانی آساں وچ چل کے خوش ہوندے نیں ۔ بدن کدی وی رُوح وچ بدل نئیں سکدا اے ۔
ساری انسانی پیڑھی پاپ وچ جم دی تے پاپ وچ رہندیاں ہوئیاں حیاتی بسر کردی تے فضول ای مر جاندی تے اخیریں دوزخ دی اگ وچ سُٹی جاندی اے ۔ جے خُدا اپنے اکلے پُتر نوں جگ دے سارے پاپیاں نوں بچاؤن لئی نہ گھلدا تاں جگ کول کوئی آس باقی نہ ہوندی ۔ جے ساڈے کول کوئی آس ہیگی اے ،تاں ایہہ ایس لئی ہیگی اے پئی خُدا نے سانوں سچی آس دتی اے ۔ جے خُدا اِنج نہ کردا ،تاں نہ ای ساڈے کول آس ہوندی تے نہ ای اسیں راستباز بنائے جا سکدے ساں ۔ جدوں اسیں ہر کسے دے لیکھ بارے سوچدے آں ، جیہدے وچ میَں تے تسیں وی رَلے او، تاں اسیں ایہہ ای سچ پاؤندے آں ۔
ایتھوں تیک پئی بھاویں اسیں ” ساری مخلوق دے خُداوند “ منے جاندے آں تاں وی بدنی طور اُتے پاپ بھرے جمنا ،تے اپنی مرضی توں ہٹ کے ای لا حاصل حیاتی بسرکرنا ،تے دوزخ وچ جانا ،ایہو ای ساڈا نصیب ہیگا اے ۔اسیں کس طرحاں دے مسافر ہیگے آں ! بوہتی واری اسیں بندیاں دی جندڑی نوں اک دن دی جندڑی وانگرسمجھدے آں ،جیہڑ ااِکو ای دن وچ جم دا اے ،اِکو ای دن وچ بے مقصد حیاتی جیوندا،مرجاندا تے فیر مٹی وچ رَل جاندااے ۔یسوع توں ہٹ کے ساڈے کول کوئی پکی امید نئیں ہیگی اے ۔ بندیاں دے کم بھاویں کنے ای مشہور تے وڈے ہون ،اوہ اپنی حیاتی وچ صرف ایہو ای کم کردے نیں ،جمنا، کھانا ، پینا ، مرنا ،تے فیر دوزخ وچ جانا ۔اسیں بے مقصد حیاتی بسرکردے تے بے مقصد ای مر جاندے تے ہمیش دی سزا پاؤنا ،ساڈے نصیباں وچ ہیگااے ۔
پر، خُدا نے سانوں پاپ دی پچھان کرن لئی شریعت دتی تے اوس ویلے توں اسیں یسوع مسیح دی پاپ توں مکتی تے فضل دے راہیں بغیر پیسیاں دے راستباز بنائے جاندے آں۔ اوہنے اپنے اکلے پُتر یسوع نوں گھلیا ، جنہے ساڈے سارے پاپاں نوں چُک لیا تے سولی اُتے جان دے کے اوہناں دا کفارہ دتا جیہڑے اوہدے بپتسمے تے صلیبی لہو اُتے ایمان رکھدے نیں ۔ خُدا نےیسوع نوں ساڈے لئی فدیہ بنایا جنہے سانوں راستباز بنایا ۔
اوہ جنہاں نے پاپاں توں معافی پا لئی اے کویں راستباز بنائے جاندے نیں ؟ اسیں، جیہڑے پاپاں تو مکتی پا چکے آں کیہ ساڈے بدن راستبازی وچ ہیگے نیں ؟ کیہ اسیں خُدا دے اگے کسے طرحاں دا فخر کر سکدے آں ؟ اسیں بدن اُتے کسے طرحاں دا وی فخر نئیں کر سکدے ۔ خُدا دے راہیں ، جیہڑا پئی خُداوند ہیگااے ،اسیں خُدا دے شکر گزار ہیگے آں ،جنہے سانوں پاپاں توں معافی ،مکتی تے ہمیش دی حیاتی دا انعام دتااے ۔
اسیں جیہڑے پاپاں توں معافی پا چُکے آں خُدا توں ہٹ کے ککھ نئیں ہیگے ۔ کیہ بندے کول فخر والی کوئی شے ہیگی اے ؟ کیہ بدن بالکل راستباز ہیگااے ؟ کیہ ساڈے کول ۷۰ ۔ ۸۰ ورہیاں دی حیاتی وچ فخر دی کوئی تھاں ہیگی اے ؟ بندے کول راستباز بنن لئی کُجھ نئیں ہیگااے ۔کیہ خُدا دے اگے فخر کرن لئی ساڈے کول کُجھ ہیگااے ؟ بدن کول فخر کرن لئی سچ مُچ کُجھ نئیں ہیگااے ۔ بدن کول فخر کرن لئی کُجھ نئیں ہیگااے ،ایتھوں تیک پئی ٪۱. ۰ وی نئیں ۔
خُدا دی راستبازی ای اوہ اکلی شے ہیگی اے جیہدے اُتے اسیں فخر کرسکدے آں
اسیں خُدا دی اوس مکتی اُتے فخر کردے آں جنہے سانوں ساڈے سارے پاپاں توں چھڈایا اے ،جویں پئی لکھیا اے ، ” پر ہُن شریعت توں اَڈ خُدا دی اک راستبازی ظاہر ہوئی اے ،جیہدی گواہی شریعت تے نبیاں نیں دتی اے ۔ “ خُداوند ساڈا مکتی داتا تے ساڈی ہمیش دی حیاتی ہیگااے ۔اوہنے سانوں راستباز بنایا اے ۔ ایس لئی پئی یسوع نے سانوں کامل مکتی دتی اے ،ایس لئی اسیں راستباز ہیگے آں ۔ اسیں بدن دے کماں یاں شریعت دے کماں اُتے فخر نئیں کردے ۔اسیں خُداوند دے شکر گزار ہیگے آں تے اوہدے ناں دی تعریف کردے آں پئی اوہنے اپنے بپتسمے راہیں سارے جگ دے پاپاں نوں دھو دتا اے تے ساری راستبازی نوں پورا کیتااے ۔
اسیں ایمان دے راہیں راستبازی نوں پا لیا اے ۔ خُداوند نے جگ دے سارے لوکاں نوں اوہناں دے پاپاں توں مکتی دتی تے اک بندے نوں وی پاپ وچ رہن نہ دتا ۔خُدا دی مکتی سانوں خوش کردی تے آس دیندی اے ۔ ایہہ سانوں نویں طاقت دیندی اے ۔اسیں اپنے آپ اُتے نئیں سگوں خُداوند اُتے فخر کردے آں ۔خُدا دے اگے اپنی راستبازی اُتے فخر کرکے اسیں شرمندہ ہوواں گے۔ بوہت سارے لوک اپنے کماں تے ہتھ پیر مار کے پائی ہوئی چنگیائی نوں خُدا اگے قربان کرن دی ہمت کردے نیں ، پر اوہناں دا ایہہ اپنے آپ نوں وڈیاں بناؤنا گندے لیڑیاں وانگر ہیگااے ۔ اوہ اک دوجے اگے تاں فخر کر سکدے نیں ،پر خُدا دے اگے نئیں ۔
خُداوند نے سانوں کامل مکتی دتی اے ، ’ یسوع ‘ دا مطلب ’ مکتی داتا ‘ ہیگااے تے اوہنوں مسیح وی آکھیا گیااے۔ ایہدا مطلب ہیگااے پئی جیہڑا مکتی داتا بندیاں دی شکل وانگر آیا سی اوہ خُدا ہیگا سی ۔اوہ اوہنوں ” یسوع مسیح “ بلاؤندااے ۔ یسوع ساڈا مکتی داتا تے خُدا ہیگا اے ۔ اسیں خُداوند دا شکر ادا کردے ،اوہدے نام نوں مبارک آکھدے تے اوہدے اگے چنگے کم کردے تے ایمان نال بھری حیاتی بسر کردے آں ۔ ایس لئی پئی خُدا نے سانوں پکی مکتی دتی اے ۔ صرف خُدا اُتے ایمان رکھن والے ای راستبازی دے کم کر سکدے نیں ۔
اسیں پاک ہیگے آں تے راستبازی دے کم کر سکدے آں ۔ایس لئی پئی خُداوند نے سارے جگ دے پاپاں نوں مکا دتا تے ساڈا مکتی داتا بنیا جنہے سانوں سارے پاپاں توں مکتی دتی اے۔ اسیں اپنے آپ اپنے پاپاں دا مسئلہ مکا نئیں سکدے ۔ بندہ نہ تاں اپنے پاپاں نوں باہرکڈھ سکدا تے نہ ای اپنے چنگے کماں دے راہیں خُدا دی راستبازی نوں پورا کر سکدا اے ۔
خُدا نے ساڈے سارے پاپاں نوں مکا دتا اے تے اسیں خُداوند کولوں راستبازی نوں پایا اے ۔ اسیں راستباز ہیگے آں ۔کیہ اسیں نیکی دے کم کرن دے راہیں پاک بن کے اپنی راستبازی نوں قائم رکھ سکدے آں؟ جے کوئی اِنج کرسکے تاں ، فیراوہ یسوع دا وڈا بھرا/بھین ای ہووے گا ۔ یسوع ایہو جیہے بندے دا کدی مکتی داتا نہ بن سکے گا ۔ اسیں اپنی بدنی راستبازی نال اپنے بدن دے لائق ہون نوں نہ پچھانن دی اک عادت رکھدے آں ۔ بدنی کم عادت مطابق ہوندے نیں ۔ ساڈی عادت ہیگی اے پئی جدوں ساڈے اُتے مصیبت آؤندی اے تاں اسیں ایس مصیبت توں بچن لئی ہتھ پیر ماردے آں ، جدوں اسیں سوادی کھانا ویکھدے آں تاں بوہتا کھانا کھالینا چاؤہندے آں تے جدوں اسیں کوئی ودھیا کھیڈ ویکھدے آں تاں اوہنوں کھیڈنا چاؤہندے آں ۔
اسیں اپنی عادت مطابق خُدا دی راستبازی اُتے اپنے بدنی کماں نال عمل کرنا چاؤہندے آں،ایس لئی پئی بدنی کم عادت مطابق ہوندے نیں ۔ پر، اسیں اِنج نئیں کرسکدے ۔ساڈا مکتی پاؤنا ساڈی اپنی راستبازی دے سبب نئیں ہو سکدا۔ اسیں شریعت اُتے چنگی طرحاں عمل کر کے بدن راہیں چنگے کم کرکے یاں اپنے آپ نوں خُدا دے نانویں لا کے کدی وی مکتی نئیں پاسکدے ۔ ساڈے چنگے کم خُدا دی راستبازی نال نئیں رَل سکدے ۔ ایتھوں تیک پئی ٪۱.۰ وی نئیں ۔ اسیں ایس ایمان دے راہیں راستبازبنائے گئے آں پئی خُدا بندے دی شکل وانگر جگ وچ آیا تے سولی اُتے مرن توں پہلاں یوحنا کولوں بپتسمہ لیاتے ساری راستبازی نوں، جیہڑی سانوں پکے طور اُتے ساڈے سارے پاپاں توں چھڈاؤندی اے ،پورا کیتا ۔
خُداوند جنہے سانوں مکتی دتی کامل مکتی داتا ہیگااے
خُداوند نے بندے دے سارے پاپاں نوں جنہاں نوں اوہ مرن دیہاڑے تیک کردے رہندے نیں ،اوہناں نوں اوہناں کولوں مکادتا اے تے اوہناں ساریاں دا کامل مکتی داتا بنیا ،تے سانوں راستباز بنا کے راستبازی نوں پورا کیتا ۔ خُدا نے ساری راستبازی نوں پورا کرن دے راہیں سانوں کامل بنایا ۔ خُدا نے سانوں رُوحانی کم کرن دے لائق بنایا ۔ اسیں رُوحانی کم کرن دے حقدار ہیگے آں ،ایس لئی اسیں اوہدی راستبازی پائی اے بھاویں ساڈا بدن بدنی کماں نوں کردارہندااے تاں وی اسیں پاک کیتے گئے آں۔ پر جنہاں دےپاپ مکائے نئیں گئے حالے تیک اوہ رُوحانی کم نئیں کر سکدے ۔ اوہ اِنج کرن دے لائق نئیں ہیگے ۔
اسیں خُدا دے راہیں رُوحانی کما ں نوں کرن دے لائق بنے آں ۔ ہُن اسیں رُوح دے کم کر سکدے آں ۔ اسیں بدن دے کماں توں ہٹ کے خُدا دے راستبازی دے کماں نوں کر سکدے آں ۔ کناں کامل ہیگا اے ایہہ خُدا جیہڑا ساڈا مکتی داتا بنیا اے !خُدا ، جنہے ساریاں شیواں تے بندے نوں بنایامکتی دے خُداوند وانگر ساڈے اُتے ظاہر ہویا ایس لئی پئی اوہ جگ وچ آیا تے اوہنے ساری راستبازی نوں پورا کیتا ۔ ساڈے نال اوہدے تعلق وچ ،خُدا ساڈا خُداوند تے مکتی داتا بنیا جنہے سانوں مکتی دتی اے ۔
مکتی کچی ہو سکدی سی جے مکتی دین والا ماڑا ہوندا تے مکتی دین دی طاقت توں اَڈ ہوندا۔ فیر اسیں ناکام ہو سکدے ساں ۔ ایس توں ہٹ کے ، جنہے سانوں مکتی دتی اے اوہ کوئی بندہ نئیں ہیگااے ۔ اوہ خُداوند خُدا تے ساڈا بناؤن والا ہیگااے جنہے ساریاں شیواں بنائیاں نیں ۔ یوحنا ۱ : ۳ دسدا اے پئی ، ” ساریاں شیواں اوہدے راہیں پیدا ہوئیاں تے جو کُجھ پیدا ہویا اے اوہدے وچوں کوئی شے وی اوہدے توں اَڈ پیدا نئیں ہوئی ۔“ یسوع کون ہیگا اے ؟ اوہ ساڈا مکتی داتا ہیگااے ۔ مکتی داتا کون ہیگااے ؟ا وہ خُدائے خالق ہیگااے ۔ خُدا نے سانوں کامل مکتی دتی اے ۔ساڈی مکتی کامل ہیگی اے ایس لئی پئی اوس اکلے خُدا نے سانوں مکتی دتی اے ۔ ایہہ ہمیشہ لئی قائم تے دائم ہیگی اے ۔ پر اوس ویلے ساڈی مکتی فضول ہونی سی جے اوہ ساڈے خالق دی تھاں اُتے اوہدے بنائے ہوئے لوکاں وچوں کسےبندے دے راہیں آؤندی ۔ ایہو جیہی مکتی بوہتا چِر نئیں ہونی سی تے اوہدی راستبازی ڈاہڈے عذاب وانگر ہونی سی ۔ جے کسے نےچمڑے دا بانا پایا ہووے تاں جے اوہ فٹ بال کھیڈے یاں تلکنی تھاں توں تلک کے ہیٹھاں آوے تاں وی ایہہ نئیں پاٹے گا ۔ پر جے اوہ ودھیا بانے پکے نہ ہون ،تاں اوہ لازمی اِکو ای واری پاؤن نال پاٹ جان گے ۔
خُداوند جنہے سانوں ساڈے سارے پاپاں توں مکتی دتی اے کچا نئیں ہیگااے ۔ خُداوند جنہے سانوں مکتی دتی اے کامل خُدا ہیگااے ۔ یسوع جنہے بپتسمے دے راہیں ساڈے سارے پاپاں نوں چُک لیا ،سولی اُتے مرگیا ،مویاں وچوں جیوں اُٹھیا تے خُدا دے سجے ہتھ بیٹھا ہویا اے ،اوہدی مکتی کدی فضول نئیں ہووے گی ۔ بھاویں ایمان لیاؤن والے بدنی طور اُتے کنے ای ماڑے ہون ۔ ایہو ای اوہ مکتی ہیگی اے جیہڑی خُدا نے سانوں دتی اے ۔
ایمان وچ جیون لئی سانوں اپنی بدنی راستبازی دے ایمان نوں ماڑا کرنا پوےگا
بائبل وچ ،اوہ جیہڑے اپنی راستبازی نال بھرے ہوئے سَن اوہ بوہتیاں ساریاں مشکلاں وچ پھسے ہوئے سَن ایس لئی پئی خُدا اوہناں مشکلاں دے راہیں اوہناں دی راستبازی نوں ماڑا کرنا چاؤہندا سی ۔ ایس طرحاں دے بوہت سارے حوالے ہیگے نیں، ” پر حالے تیک اُچیاں تھاواں ڈھائیاں نئیں گئیاں سَن “ سلاطین دی کتاب وچ لکھیا ہویا اے ۔ایہدا مطلب ایہہ ہیگا اے پئی بندہ اپنے آپ وچ کامل نئیں ہیگا ، سگوں اوہ خُداوند اُتے ایمان لیاؤن نال راستبازثابت کیتا جاندااے ۔
میرے سوہنے پاک لوکو! ایس توں ہٹ پئی اسیں کنے ماڑے ہیگے آں خُدا نے سانوں کامل مکتی دتی اے ۔ جے اسیں صرف اپنی راستبازی نال جیوندے آں تاں اسیں مر جاواں گے ۔پر خُداوند ساڈے خُدا نے سانوں کامل مکتی دتی اے ۔جے اسیں خُداوند دی راستبازی لئی جیوندے رہیے تاں اسیں بھاویں ماڑے ای ہوئیے اوہ ساڈے توں خوش ہووے گا ۔ یسعیاہ ۵۳ : ۵ دسدااے ، ” بھاویں اوہ ساڈیاں غلطیاں دے سبب پھٹر کیتا گیا تے ساڈی بدی دے سبب لتاڑیا گیا ،ساڈی ای سلامتی لئی اوہدے بارے سیاست ہوئی،ایس لئی پئی اوہدے مار کھان نال اسیں شفا پا ئیے ۔“ خُدا نے ساڈیاں بدیاں اِکو ای واری ہمیشہ ہمیشہ لئی مکا دتیاں نیں ۔ سانوں ایہدے بارے ڈرنا نئیں چاہی دا پئی ساڈی راستبازی ماڑی کیتی جاوے گی ۔
کئی لوکاں دی حیاتی بالکل گلازویسلز(اک بھین دا نام )وانگر ہیگی اے ۔ میَں اک بھین نوں جان دا ہاں جیہڑی امریکہ چلی گئی اے ۔اوہ بوہت سیانی سی : جدوں وی میَں اوہنوں مل دا اوہ بوہت سوچ سمجھ کے بولدی تے کدی گندے بول نئیں بولدی سی ۔اوہ کسے بھیڑے بندے نوں وی صرف ” مسٹر بھیڑے بندے “ آکھ کے بلاؤندی سی ،بھاویں اوہنے پاپاں توں معافی پا لئی سی ۔اوہنے یسوع دے بپتسمے تے صلیبی لہو اُتے ایمان لیاؤن دے راہیں پاپاں توں معافی پائی سی ،تاں و ی اپنے چنگےکماں نال بھری ہوئی سی ۔پر پاپاں توں معافی پاؤن دے بعد ،حالے تیک وی اوہ اپنی راستبازی نال بھری ہوئی سی ،ایس طرحاں اوہ ایس گل دے وکھالے توں بوہت احتیاط ورتدی سی تے کدی ایہہ ڈر کسے نوں ویکھن نہ دیندی پئی اوہدی راستبازی مک جاوےگی ۔ ایتھے بوہت سارے لوک ہیگے نیں جیہڑے اِنج دے ہیگے نیں ۔کیہ اوہناں دی راستبازی پکی نئیں ہیگی ؟ ایہہ چھیتی مک جاوے گی ۔
بھاویں تسیں مکتی یافتہ ہیگے او تاں وی کیہ تہاڈا بدن ماڑا ہیگااے ؟آہو ۔کیہ تسیں کامل ہو کے اک
چنگی حیاتی بسر کردے پئے او؟ اسیں پاپاں توں معافی پاؤن دے بعدوں جدوں رُوح وچ چلے جاندے آں تاں فیر اسیں کامل ہو سکدے آں ۔ صرف راستباز دے کم خُدا دے اگے راست بنن دے لائق ہوندے نیں ۔ جدوں اسیں رُوح نال کم کردے تے رُوح دے مطابق چلدے آں تاں اسیں تعریف دے لائق ہیگے آں۔ ساڈے بدن کول فخر کرن لئی کُجھ نئیں ہیگااے ۔ پاک لوکاں وچکار کئی لوک ایہو جیہے ہیگے نیں جنہاں نیں پاپاں توں معافی پا لئی اے تاں وی اوہناں نوں ایہہ ڈر رہندااے پئی ایہہ کِدھرے ماڑے نہ ہوجان۔
پر، خُداوند ایہو جیہے پاک لوکاں توں خوش نئیں ہوندا ۔ پر فیروی انسانی رُوح ماڑی ہو جاوےگی ۔ جنی چھیتی ایہہ ماڑی ہو جاوے ایہہ اوناں ای چنگا ہیگااے ۔ پر فیر وی ایہہ ۱۰ یاں ۲۰ ورہیاں بعدوں ماڑی ہو جاوے گی ۔ ایس لئی ، ہُن بدنی آدم دا ٹُٹنا چنگا ہووے گا تاں پئی اندر والا آدم ایمان دے راہیں جیوندارہ سکے ۔ لوک اپنی ایس راستبازی نوں ہراؤن دی ہمت نئیں کردے ۔ بھاویں ایہہ کسے نہ کسے طرحاں ہاری ہوئی ہوجاوےگی ۔
خُداوند ساڈا مکتی داتا بنیا ۔ ساڈا مکتی داتا کیہو جیہا کامل ہیگااے ! خُداوند خُداساڈا مکتی داتا بن گیا اے ۔ اوہنے مینوں تے تہانوں دونواں نوں ای مکتی دتی اے۔ کیہ تسیں اپنے بدنی غلطیاں دے سبب فیر پاپی ہو جاندے او ؟ نئیں ۔ خُدا نے ساری راستبازی پوری کر دتی اے ۔ پانی تے رُوح دے راہیں ساڈے نویں سریوں جمن دے بعد کئی واری ساڈی راستبازی ہار جاندی اے ۔بوہتی واری ساڈی بدی وکھالی دیندی اے ،جویں ا ی اسیں خُداوند دے پچھے چلدے آں ۔اپنے دل دے اندر ،جد پئی اسیں اینوں اپنے آپ وچ لکاؤن دی ہمت کردے پئے آں ،ایہہ نظر آجاندی اے تے ظاہر پرستی وانگر ایہہ دوجے لوکاں اُتے ظاہر ہوندی اے ۔ جدوں ساڈی راستبازی ظاہر ہوندی اے ، تاں صرف ساڈی راستبازی ای ماڑی پیندی اے ،پر خُدا دی راستبازی پکی ہوکے قائم رہندی اے ۔
جیہڑا بدن وچوں جمیا اوہ بدن ہیگااے تے جیہڑا رُوح وچوں جمیا اوہ رُوح ہیگااے
میَں چاؤہندا ہاں پئی تسیں ایمان رکھو پئی خُداوند خُدا ساڈا کامل مکتی داتا بنیا اے ۔ ایس لئی ، سانوں ایمان دے راہیں جیوندے رہنا چاہی دااے ۔خُدا ساڈی راستبازی نوں ہراؤنا چاؤہندااے تے اوہ ایسے توں خوش ہیگااے ۔ یوحنا ۳:۶ وچ لکھیا اے ،” جیہڑا بدن وچوں جمیا اے بدن ہیگااے تے جیہڑا رُوح وچوں جمیا رُوح ہیگااے۔“ بدن کدی رُوح نئیں بن سکدا ۔ بُدھ مت وچ ، ” مکتی دی تعلیم دنیاداری نال تعلق رکھدی اے “ ایہہ ایس گل اُتے بوہتا دھیان دیندی اے پئی بدن رُوح وچ بدل سکدا اے ۔ بدن کدی رُوح نئیں بن سکدا ۔ نئیں ۔ اِنج نئیں ہو سکدا ۔ کیہڑا اِنج کر سکدا اے ؟ سامنے آوے ۔کوئی بندہ وی اِنج نئیں کر سکدا ۔
سنگ چل ،کوریادا اک مشہور اوس ویلے دا بُدھ مت آگُو سی ، جیہڑا کُجھ سال پہلوں مر گیا اے ۔ اوہنوں سچیائی اُتے دھیان کر ن نال ایہہ پتہ لگیا ایتھوں تیک پئی اوہ دو دہائیاں توں بوہت نیکی دے کم کردا پیا سی ،اوہ رُوحانی تعلیم بارے سکھن لئی پچھلے ۱۰ ورہیاں توں لمے پَے کے نئیں سُتا سی ۔ اوہ گھٹوگھٹ ایناں ۱۰ ورہیاں وچ بہہ کے ای سُتا سی، تے صرف اپنےذہن نوں پاک کرن دی ہمت کردا رہیا ، گندے خیال ، زناکاری دے خیال ، بدی ،قتل کرنا ،چوری کرنا ، بھیڑے کم کرنا گھمنڈ کم عقلی جیہڑی اوہدے اندر ہیگی سی ،نوں ہراؤن دی ہمت کردا سی ۔ بوہتے لوک اوہدے بارے سوچدے سَن پئی اوہ اک جیوندا بُدھا سی ۔ پر اوہ اپنے آپ وچ جان دا سی پئی اوہ بالکل بدنی آساں مکا نئیں سکدا سی ۔ایس لئی اوہنے اپنے مرن توں پہلاں پہاڑاں وچکار گھٹوگھٹ دو دہائیاں بسر کرن دے بعد اپنی عقل دا نچوڑ نروانا نظم دے اک ٹوٹے وچ دسیا ۔
” میَں اپنی حیاتی وچ بوہت سارے بندیاں تے زنانیاں نوں پُٹھی راہے لایا ،میرے پاپ سب توں اُچے پہاڑ نالوں وی اُچے ہیگے نیں ۔ میَں دوزخ دے نہ مکن والے ٹوئے وچ سُٹیا جاواں گا تے میرا سوگ ۱۰ ہزار راہواں وچ ونڈیا جاوے گا ۔ لال سورج دا ٹوٹا نیلے پہاڑاں پچھے لُک جاندا اے ۔ “
سارے دینی لوک اوہدی جلال بھری حیاتی تے اوہدیاں دسیاں ہوئیاں تعلیماں دی بوہت تعریف کردے نیں ۔ پر اصل وچ اوہنے اپنے آپ ایس گل نوں منیا پئی اوہ دوزخ وچ جاوے گا ۔
ساڈا بدن کدی وی رُوح نئیں بن سکدا ،پر جدوں اوہدی مکتی اُتے ایمان لیاؤن دے راہیں نویں سریوں جم دے آں تاں ساڈی رُوح خُداوند دی پُتر بن جاندی اے ۔اسیں صرف خُدا دے اَسمانی فضل دے راہیں جنہے سانوں اپنی راستبازی وچ جیوندا کیتا اے ،نویں بندے بن سکدے آں۔
خادم ، آگُو تے کیتھولک آگُو قیدی منسٹریاں وچ رَل کے قیدیاں نوں ہدایت دیندے نیں پئی اوہ اپنی حیاتی دے سکون لئی نیک حیاتی بسرکرن ۔ پر بدن کدی نئیں بدل دا ۔خُدا چاؤہندااے پئی اسیں اپنی بدنی راستبازی اُتے یقین رکھنا چھڈ دئیے تے پکا ایمان رکھیے پئی خُداوند ای ساڈا مکتی داتا ہیگا اے ۔ یسوع
دے بپتسمے تے سولی اُتے ایمان رکھیے ۔فیر، تہاڈے کول مکتی دا وڈا ایمان ہووے گا ۔
ہُن خُداایمانداراں نوں لبھ دا اے
خُداوند ساڈے لئی اک فدیہ بنیا ۔ اوہنے بپتسمہ لیا تاں پئی اوہناں ساریاں شیواں نوں مکاوے جیہڑیاں بندے نوں خُدا کولوں وکھ کردیاں نیں ۔اوہنے ساڈے لئی سزا جری تے ساڈے پاپاں دا مُل اُتارن لئی اوہ سولی اُتے مرگیا تے سانوں ساڈے سارے پاپاں توں چھڈا لیا ۔ خُدا ساڈے لئی فدیہ بن گیا ۔
اوہ فرماؤندااے ، ” اوہنوں خُدا نے اوہدے لہو دے سبب اک ایہو جیہا فدیہ بنایا جیہڑا ایمان لیاؤن نال فائدہ مند ہووے ایس لئی پئی جیہڑے پاپ مُڈھوں ہو گئے سَن تے جنہاں نوں خُدا نے صبر کرکے ٹال دتا سی اوہناں دے بارے وچ اوہ اپنی راستبازی وکھائے ۔سگوں ایسے ویلے اوہدی راستبازی ظاہر ہووے تاں پئی اوہ آپ وی انصاف کرن والے رہوے تے جیہڑا یسوع اُتے ایمان لیائے اوہنوں وی راستباز بناؤن والا ہووے ۔ “(رومیوں ۳ : ۲۵ ۔ ۲۶)۔
خُدا جگ وچ آیا تے ساری راستبازی نوں پورا کیتا ۔ ایس جگ وچ ہر کوئی توں اَڈ ہیگااے ۔ ہر کوئی خُدا دی کامل مکتی اُتے ایمان لیاکے بچ سکدااے ۔پر جے اوہ دوزخ وچ جاندااے تاں اپنی بے یقینی دے سبب توں جاندااے ۔ ہر کوئی اپنی بدنی راستبازی اُتے ایمان تے فریب کرن نوں چھڈ دیوے تے خُدا نوں یسوع دے بپتسمے تے صلیبی موت دے راہیں اپنے مکتی داتا وانگر قبول کرے تاں اوہ مکتی پا سکدااے ۔اسیں خُدا دی نگاہ وچ پاک حالت وچ رہندے آں ایس لئی پئی اوہنے سارے جگ دے سارے پاپاں نوں اپنے اُتے چُک لیا تے اوہناں نوں باہر کڈھ کے سُٹ دتا ۔
میَں خُدا اُتے ایمان رکھدا ہاں ۔ کیہ تسیں وی ایمان رکھدے او ۔ اوہ مکتی داتا ہیگا اے ۔ اسیں پاک ہیگے آں۔ خُداوند خُدا نے سانوں کامل طور اُتے مکتی دتی اے ۔ ساڈے لئی صرف ایہو ای مشکل رہ جاندی اے پئی اسیں اپنی حیاتی کویں بسر کرئیے ۔کویں سانوں جیوندے رہنا چاہی دا اے ؟ سانوں رُوح وچ چلنا چاہی دااے ۔ ساڈے کول کوئی اپنے پاپاں نوں باہر سُٹن لئی پریشان ہون دی کوئی فکر نئیں ہیگی اے ۔ ” جیہڑے پاپ مُڈھوں ہو گئے سَن تے جنہاں نوں خُدا نے صبر کرکے ٹال دتا سی“دے کلام دا مطلب ہیگا اے پئی خُدا ساڈے پاپاں دے سبب سانوں لعنتی نئیں بناؤندا۔ اسیں پا ک ہیگے آں تے سانوں سزا نئیں ملے گی ایس لئی پئی خُدا نے مُڈھوں ای یوحنا بپتسمہ دین والے کولوں بپتسمہ لے کے ساڈے پاپاں نوں مکا دتا تے سولی اُتے مر کے سانوں چھڈایا اے ۔ ایس لئی ، خُدا ساڈے پاپاں لئی سانوں قصور وار نئیں گن دا ۔ اوہ اوہناں دا راہ ویکھدااے جیہڑے ایس سچیائی اُتے سچے دلوں ایمان لیاؤندے نیں ۔
بائبل آکھدی اے پئی کوئی راستباز نئیں ہیگا۔ پر اسیں خُدا اُتے ایمان لیاؤن دے راہیں راستباز بنائے جاندے آں ۔ خُدا آکھدااے ، ” کوئی راستباز نئیں ۔ اک وی نئیں ۔ کوئی سمجھدار نئیں ۔ کوئی خُدا دا طالب نئیں ۔ سارے بھٹکے نیں سارے دے سارے نکمے ہیگے نیں ۔ کوئی بھلیائی کرن والا نئیں ۔ اک وی نئیں ۔ اوہناں دا سنگھ کھلی ہوئی قبر ہیگااے ۔ اوہناں نیں اپنی جیبھاں نال فریب دتا ۔ اوہناں دے بُلا ں وچ سپاں دی وِس ہیگی اے ۔ اوہناں دا مونہہ لعنت تے کوڑ نال بھریا اے ۔ اوہناں دے پیر قتل کرن لئی چھیتی ٹُردے نیں ۔ اوہناں دے راہواں وچ بربادی تے بھیڑے حال ہیگے نیں ۔ تے اوہناں نیں سلامتی دی راہ نوں نہ جانیا ۔ اوہناں دیاں اکھاں وچ خُدا دا ڈر نئیں ہیگا اے ۔ “(رومیوں ۳:۱۰ ۔ ۱۸)۔
خُدا جگ وچ آیا تے اوہناں ساریاں دے پاپاں نوں جیہڑے ایس جگ وچ رہندے ہوئیاں ہر طرحاں دی بدی کردے تے اوہناں وچ کوئی راستبازی نئیں ہیگی سی تے بے فائدہ ہو گئے سَن ، یردن دے دریا وچ مکادتا سی ۔ کیہ تسیں ایہہ ایمان رکھدے او؟
ہُن ، خُدا دی نظر اوہناں لوکاں اُتے لگی اے جیہڑے ایمان رکھدے نیں پئی اوہنے اوہناں نوں اوہناں دے سارے پاپاں توں مکتی دتی اے ۔ خُداوند دیاں اکھاں راستبازاں اُتے لگیا ں ہوئیاں نیں ۔ اوہ سانوں راستبازاں نوں شاباش دیندا اے ۔ اوہ ساڈی فکر کردا،تے سداساڈے نال رہندااے ۔سانوں طاقت دیندا تے ساڈے نال کم کردااے ۔ خُدا سانوں چنگے کماں دے حوالے کردااے ۔ جے اسیں اپنے بدن دی بدی بارے پریشان ہوندے آں تاں یسوع ساڈے توں وی بوہتا پریشان ہو جاندااے ، ” تسیں کاہدے لئی اپنے دل دیاں غلطیاں بارے دکھی ہوندے او ،جد پئی میَں مُڈھوں ای تہانوں تہاڈے سارے پاپاں توں مکتی دے چُکیا ہاں ؟ “
ہُن جیہڑا کم سانوں کرنا ایں ،اوہ ایہہ ہیگااے ،خُدا اُتے ایمان لیائیے ،رُوح دے مطابق چلیے تے رُوحانی فصل دی واڈھی لئی خوشخبری دی منادی کرئیے ۔ ایہہ اوہ کم ہیگے نیں جیہڑے سانوں کرن دی لوڑ ہیگی اے۔ کیہ تسیں ایہدے اُتے ایمان لیاؤندے او ؟ تسیں اپنی راستبازی نوں اُچیاں یاں ایہنوں قائم کرن دی ہمت نہ کرو، تسیں اپنی راستبازی دا مقابلہ اینوں اُچیاں کرن لئی دوجیاں نال نہ کرو۔ اوس بندے اُتے توہمت نہ لاوو جیہڑا اپنے آپ راستبازنئیں بن سکدا ۔ اصل وچ ،ایتھے کوئی ایہو جیہا بندہ نئیں ہیگا جیہڑا عادتوں راستباز ہووے ۔
اسیں خُداوند دا شکر ادا کردے آں جنہے سانوں بپتسمے تے سولی دے راہیں مکتی دتی ا ے
ساڈے کول خُدا دی اوس محبت توں ہٹ کے فخر کرن لئی کُجھ نئیں ہیگا ، جنہے سانوں کامل مکتی دتی اے ۔ ساڈے کول فخر کرن لئی جیہڑا سب کُجھ ہیگا اے ،اوہ خُدا دی دتی ہوئی مکتی ہیگی اے ،اوسے دی تعریف کرئیے ،اوہنوں جلال دئیے تے پانی تے رُوح دی خوشخبری دی منادی کرئیے ۔ سانوں پاپ تے دوزخ وچ جان بارے پریشان ہون دی لوڑی نئیں ہیگی اے ۔ ” ایس لئی ہُن جیہڑے مسیح یسوع وچ ہیگے نیں اوہناں اُتے سزا دا کوئی حکم نئیں ہیگااے ۔ “(رومیوں۸:۱)۔کدی نئیں۔ کیہ تسیں اینوں جان دے او ؟ ہر کوئی جے ایس سچ نوں نئیں جان دا پئی خُداوند نے اوہنوں اپنے چنگے کم نال مکتی دتی اے ، تاں فیر اوہ دوزخ وچ ای جاندااے ۔ پر جے اوہ ایہہ ایمان رکھدااے تاں اوہنوں دوزخ بارے فکر کرن دی کوئی لوڑ نئیں ہیگی اے ۔
خُداوند خُدا نے سانوں یسوع دے بپتسمے تے اوہدے لہو دے راہیں سارے پاپاں توں مکتی دتی اے ۔ اسیں کنے شکر گزار ہیگے آں ! ” ایس لئی اسیں ایس نتیجے اُتے پہونچدے آں پئی بند ہ شریعت دے کماں توں اَڈ ایمان دے سبب راستباز بن دا اے ۔ کیہ خُدا یہودیاں دا ای اے اوپریاں قوماں دا نئیں ؟ بے شک اوپریاں قوماں دا وی ہیگااے ۔ “ (رومیوں ۳:۲۸ ۔ ۲۹)۔
خُدا صرف یہودیاں دا ای خُدا نئیں ہیگا اے ،سگوں اوپریاں قوماں دا وی خُدا ہیگااے۔ اوہ ساری انسانی پیڑھی دا خُدا ہیگااے ۔ خُداوند خُدا نے سانوں ساڈے پاپاں توں مکتی دتی ۔ اوہ سانوں بچاؤن لئی جگ وچ آگیا ، ساڈے سارے پاپاں نوں چُکن لئی بپتسمہ لیا تے ساڈے سارے پاپاں دا مُل اُتارن لئی سولی اُتے مرگیا ۔ ایس لئی ، اوہ ساری انسانی پیڑھی دامکتی داتا تے خُدا گنیا گیا اے ۔ ایہو ای رومیوں ۳ باب دا خلاصہ ہیگااے ۔ پولُس رسول ایہہ ایمان رکھداسی ۔ ایس لئی سانوں وی ایہہ ایمان رکھنا چاہی دااے ۔
پولُس رسول نہ صرف بدنی کمی سگوں شریعت دے کماں توں اَڈ خُدا دی راستبازی دے بارے
گل کردااے ۔ اسیں شریعت دے کماں نال مکتی یافتہ نئیں ہو سکدے ۔ کیہدے راہیں اسیں چھڈائے جا سکدے آں ؟ خُدا دی مکتی اُتے ایمان لیاؤن دے راہیں اسیں چھڈائے جا سکدے آں ۔ جیہڑے پاپ مُڈھو ای ہوگئے سَن تے جنہاں نوں خُدا وند خُدا نے ٹال دتا سی ،اوہناں ساریاں لئی خُداوند ساڈا فدیہ بنیا ۔ ایس لئی،بے ایماناں نوں پاک رُوح دی مخالفت کرن دے قصور وچ سزا ملے گی ۔او ہ بدنی کمزوری دے پاپ دے سبب سزا نہ دیوے گا ، ایس لئی پئی جگ وچ کوئی پاپ نئیں ہیگااے ۔
ایس لئی سانوں خُداوند خُدا اُتے ایمان لیاؤنا چاہی دااے ۔ ایمان لیاؤن والیاں لئی کوئی سزا یاں عذاب نئیں ہیگا اے ۔ خُدا ایمانداراں دا خُدا ہیگااے ، ایس لئی سانوں اپنی باقی دی حیاتی رُوح نال چلدیاں ہوئیاں بسرکرنی چاہی دی اے ۔ اسیں ہمیشہ رُوحانی کم کرسکدے آں ایس لئی پئی ساڈے پاپ مُڈھوں ای معاف کیتے گئے سَن ،تاں وی ساڈا بدن بدنی آساں وچ رہ کے حیاتی بسرکرنا چاؤہندااے ۔ خُداوند خُدا یہودیاں تے اوپریاں قوماں ،دونواں دا خُدا ہیگااے ۔ اوہ ایمانداراں تے بے ایماناں ،دونواں دا خُدا ہیگااے۔ایہدا مطلب ہیگااے پئی خُدا چاؤہندااے پئی سارے لوک اپنے پاپاں توں مکتی پاؤن ۔ اوہ بے ایماناں دا مکتی داتا بن سکدا اے ۔ اوہ ایمانداراں دا تاں پہلوں ای خُدا بن گیا اے ۔
میَں خُداوند خُدا دا دل دی ڈونگھیائیاں نال شکرگزار ہیگا واں ۔ جے اوہ بدنی شکل وانگر ایس جگ وچ نہ آؤندا تے جے اوہ یردن دے دریا اُتے سارے پاپاں نوں مکاؤن لئی بپتسمہ نہ لیندا ، تاں میَں کناں وچارہ تے بے وس ہوندا۔ جے اوہ ساڈا کامل مکتی داتا نہ بن دا ، تاں اسیں پاپاں توں معافی پاؤن دے بعد فیر پاپی ہو جاندے ، ایس لئی پئی اسیں اپنے مرن دیہاڑے تیک ماڑے ہیگے آں ۔ میَں خُداوند دا شکر ادا کردا ہاں ۔
Copyright © 2021 by The New Life Mission