कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है।
प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।
مضمون 10: مُکاشفہ(مُکاشفہ دی کتاب اُتے تفسیر)
[11-1باب] زیتون دے دوبُوٹے تے دو نبی کیہڑےنیں ؟ (مُکاشفہ۱۱:۱۔۱۹)
( مُکاشفہ۱۱:۱۔۱۹)
” تے مَینُوں ڈنڈے وانگر اِک کانا دِتّا گیا تے کِسے آکھیا پئی اُٹھ کے خُدا دی ہیکل تے قُربان گاہ تے اوہدے وِچ بندگی کرن والیاں نُوں کچّھ۔تے اوس ویہڑے نُوں جیہڑا ہیکل دے باہر اے اوہنوں چھڈ دے تے اوہنوں نا کچّھ کیوں جو اوہ غیر قوماں نُوں دِتّا گیا ہے۔ اوہ پاک شہر نُوں بتالی مِہنے پیراں ہیٹھ لتاڑن گِیاں۔تے مَیں اپنے دو گواہاں نُوں اختیار دیاں گا تے اوہ ترپڑ اُتّے لے کے اِک ہزار دو سَو سَٹّھ دِن نبُوّت کرن گے۔ایہہ اوہ ای زَیتُون دے دو بُوٹے تے دو دیوے نیں جیہڑے زمین دے خُداوند دے سامھنے کھلوتے نیں۔تے جے کوئی اوہناں دا نُقصان کرنا چاہندا اے تے اوہناں دے مُنھ توں اَگ نِکل کے اوہناں دیاں وَیرِیاں نُوں کھا جاندی اے تے جے کوئی اوہناں دا نُقصان چاہے گا تاں اوہ ضرُور اِنجے ماریا جائے گا۔اوہناں نُوں اختیار اے۔ پئی اسمان نُوں بند کر دین تاں جو اوہناں دی نبُوّت دے زمانے وِچ مینہ نا وَسّے تے پانیاں اُتّے اوہناں دا اختیار اے پئی اوہناں نُوں لہو بنا دین تے جِنّی وار اوہناں دا دِل کرے۔ زمین اُتّے ہر طرح دی بلا لیاؤن۔جد اوہ اپنی گواہی دے لین گے تے اوہ پشُو جیہڑا کھڈے وِچوں نِکلے گا اوہناں نال لڑ کے اوہناں نُوں جِت لے گا۔ تے اوہناں نُوں مار چھڈے گا۔تے اوہناں دِیاں لاشاں اوس وڈّے شہر دے بازار وِچ پئیاں رہن گِیاں جیہڑا رُوحانی طَور نال سدُوم تے مِصر اکھواؤندا اے جِتّھے اوہناں دا خُداوند وی صلِیب دِتّا گیا سی۔تے اُمّتاں تے گھرانیاں تے اہلِ زبان تے قوماں وِچوں لوک اوہناں دِیاں لاشاں نُوں ساڈھے تَرے دِن تیکر ویکھدے رہن گے تے اوہناں دِیاں لاشاں نُوں قبر وِچ نا رکھن دین گے۔تے زمین دے رہن والے اوہناں دے مرن توں خُوش ہون گے تے مَوج کرن گے تے آپو وِچ تحفے گھلّن گے۔ کیوں جو ایہناں دوہاں نبیاں زمین دے رہن والیاں نُوں ستایا سی۔تے ساڈھے تَرے دِناں پِچّھوں خُدا ولّوں اوہناں وِچ زِندگی دی رُوح آئی تے اوہ اپنے پیراں اُتّے کھلو گئے تے اوہناں دے ویکھن والیاں نُوں بڑا ڈر لگّا۔تے اوہناں نُوں اسمان اُتّوں اِک زور دی اواز سُنائی دِتّی۔ پئی ایتھے اُتّے آ جاؤ۔ تے اوہ بدّلاں اُتّے سوار ہو کے اسمان اُتّے چڑھ گئے تے اوہناں دے وَیری اوہناں نُوں ویکھدے پئے سن۔فیر اوسے ویلے اِک وَڈا سارا بھنچال آگیا تے شہر دا دسواں حِصّہ ڈِگّ پیا تے اوس بھنچال نال سَتّ ہزار بندے مر گئے تے باقی ڈر گئے۔ تے اسمان دے خُدا دی وڈیائی کِیتی۔دُوجا افسوس ہوگیا ویکھو ترِیجا افسوس چھیتی آؤن والا اے۔تے جدوں ستویں فرِشتے تُرہی نُوں پُھوک ماری۔ تے اسمان اُتّے بڑیاں اَوازاں ایہہ آکھدیاں پَیدا ہویاں۔ پئی دُنیا دی بادشاہی ساڈے خُداوند تے اوہدے مسِیح دی ہوگئی تے اوہ ہمیشہ تیکر بادشاہی کرے گا۔تے چَوہاں بزُرگاں جیہڑے خُدا دے سامھنے اپنیاں اپنیاں تختاں اُتّے بَیٹھے ہوئے سن مُنھ پرنے ڈِگّ کے خُدا نُوں سجدہ کِیتا۔تے ایہہ آکھیا پئی اَے خُداوند خُدا قادرِ مُطلق جیہڑا ہے تے جیہڑا ہے سی۔اسی تیرا شُکر کرنے آں کیوں جو تُوں اپنی بڑی قُدرت نُوں ہتّھ وِچ لے کے بادشاہی کِیتی۔تے قوماں نُوں غُصّہ آیا تے تیرا غضب اُتر آیا۔تے اوہ ویلا آ گیا پئی مُردیاں دی عدالت کِیتی جائےتے تیرے بندیاں نبیاں تے پاک لوکاں تے اوہناں نِکّے وڈّیاں نُوں جیہڑے تیرے ناں توں ڈردے نیں بدلہ دِتّا جائے تے زمین دے برباد کرن والیاں نُوں برباد کِیتا جائے۔تے خُدا دی ہیکل جیہڑی اسمان اُتّے اے کھولی گئی تے اوہدی ہیکل وِچ اوہدے عہد دا صندُوق وکھالی دِتّا تے بدّلِیاں چمکیاں تے گِجّیاں تے اَوازاں آئِیاں۔ تے بھنچال آیا۔ تے بڑا گڑا پیا۔ “
مُکاشفہ باب ۱۱دا کلام ساڈے لئی بوہت خاص اے ، یعنی جویں خُدا دا سارا کلام خاص اے ۔ دنیا نوں برباد کر ن واسطے ، اک بوہت لوڑی دا کم اے جنہوں خُدا نوں پہلوں کرن دی لوڑ اے ۔ ایہہ اخیری ویلے اُتے اسرائیل دے لوکاں دی فصل وڈنا اے ۔ خُدا نوں دونویں اسرائیلیاں تے اوپریاں قوماں لئی اک ہور کم وی کرنا اے ، ایہہ کم اوہناں دے شہید ہون دے سببوں اوہناں نوں پہلےجیوں اٹھن تے چُکے جان وچ رل جان دے لائق کرنا اے ۔
جویں پاک کتاب ایہناں کماں بارے ساری صورتِ حال مہیا کر دی اے ، سانوں لبھن دی لوڑ اے کویں خُدا دی پاپ دی معافی دی مکتی نویں عہد نامے وچ پوری ہوندی اے ۔نوِشتےساڈے نال ایہناں سرناویاں بارے کلام کردے نیں ایس لئی پئی جے اسیں ایہناں نوں نیڑیوں غور نال نئیں ویکھدے ، تاں اسیں مُکاشفہ دی کتاب وچ ظاہر ہون والے پاک لوکاں ، خُدا دےخادماں تے اسرائیل دے لوکاں دے بارے وچ پریشان ہوجاواں گے ۔
تفسیر
آیت ۱: تے مَینُوں ڈنڈے وانگر اِک کانا دِتّا گیا تے کِسے آکھیا پئی اُٹھ کے خُدا دی ہیکل تے قُربان گاہ تے اوہدے وِچ بندگی کرن والیاں نُوں کچّھ۔
ایہہ حوالہ سانوں دسدا اے پئی خُدا دے فضل دے سببوں پاپ توں اسرائیلیاں نوں بچاؤن دا کم ہُن شروع ہوگیا اے ۔ ”کچّھ“ دا ایتھے مطلب اے پئی خُدا اخیری زمانے وچ اسرائیل دے لوکاں نوں اوہناں دے پاپاں توں بچاؤن لئی آپ خود مداخلت کرے گا ۔
باب ۱۱ دے خاص حوالے وچ ،سانوں لازمی اپنا دھیان پاپ توں اسرائیلیاں دی مکتی اُتے رکھنا چاہی دا اے ۔ کلام سانوں دسدااے پئی ادوں توں اسرائیل دے لوکاں وچ پانی تے رُوح دی خوشخبری ودھ جاوے گی ، خُدا دے کلام دے مُڈھ نوں ظاہر کردے ہویاں جیہڑا اسرائیلیاں نوں خُدا دے لوکاں وچ یسوع مسیح دے راہیں دتے گئے مکتی دے فضل دے سببوں اپنے سارے پاپاں توں چھڈائے گئیاں وچ بدل دیندا اے ۔ خُدا نے مُکاشفہ ۱۱ باب نوں، اخیری زمانے وچ اسرائیلیاں نوں اوہناں دے پاپ دی معافی دین لئی وی دسیا ۔ آیت ۱ تے ۲ وچ ” کچّھ“ دا مطلب ساریاں شیواں دے معیار نوں مقررکرنا اے ۔ خُدا دا اپنی ہیکل نوں کچھن دا مقصد ، یعنی اسرائیلیاں نوں بچاؤن دا ارادہ پہلوں ای بناؤن دے بعد وں ایہہ لبھنا اے ، کیہ اوہناں دے دل اوہناں دی مکتی لئی تیار ہیگے نیں یا نئیں ۔ تے جے اوہناں دے دل تیار نئیں ہیگے ، فیر اوہناں نوں تیار کرنا اے ، تاں پئی اوہناں دے دل سدھی راہ اُتے قیم ہو سکن ۔
آیت ۲: تے اوس ویہڑے نُوں جیہڑا ہیکل دے باہر اے اوہنوں چھڈ دے تے اوہنوں نا کچّھ کیوں جو اوہ غیر قوماں نُوں دِتّا گیا ہے۔ اوہ پاک شہر نُوں بتالی مِہنے پیراں ہیٹھ لتاڑن گِیاں۔
خُدا نے شیطان نوں ساڈھے تِن ورہے تیکر اوپریاں قوماں نوں لتاڑن دا اختیار دتا ۔ ایس لئی ، ساریاں اوپریاں قوماں نوں لازمی اپنے دل وچ پانی تے رُوح دی خوشخبری نوں ،یعنی مکتی دے کلام نوں ، وڈے دکھ جرن دے ست ورہیاں دے زمانے دے پہلے ساڈے تِن ورہیاں دے اندر اندر جناں چھیتی سوکھا اے قبول کرنا چاہی دا اے ۔ ایس دنیا دی تاریخ مک جاوے گی جویں ای وڈے دکھ اپنے وچکارلے نکتے توں لنگھدے نیں تے اپنے دوجے ادھے زمانے وچ داخل ہوندے نیں۔ چھیتی نال ، آؤن والے دن وچ ویلا آوے گا جد ساریاں اوپریاں قوماں ، ایسے طرح پاک لوک جیہڑے پہلوں ای اپنے سارے پاپاں توں مکتی یافتہ ہو گئے نیں ،شیطان دے ہتھوں لتاڑے جان گے ۔
اِنج اوپریاں قوماں نوں لازمی اپنے پاپاں دی معافی پاؤنی چاہی دے تے اپنی شہادت دے ایمان نوں اوہناں اُتے دکھ جرن دے پہلے ساڈھے تِن ورہے لنگھن توں پہلوں تیار کرنا چاہی دا اے ۔ایس ویلے اسرائیل دے لوک وی پہلے ساڈے تِن ورہیاں وچکارڈاہڈے وڈے دکھاں توں تکلیف اُٹھان گے ۔ پر اوہ سچیائی نوں وی قبول کرن گے پئی ایس ویلے یسوع ای اوہناں دا مکتی داتا اے ۔ اخیروچ ، اسرائیل دے لوک وڈے دکھاں دے پہلے ساڈھے تِن ورہیاں وچکار اپنے سارے پاپاں توں اپنی مکتی پاؤن گے ۔ سانوں لازمی احساس کرنا چاہی دا اے پئی خُدا اسرائیلیاں نوں پاپ دی معافی دی ایتھوں تیکر پئی وڈے دکھاں وچکار وی اجازت دیوے گا۔
آیت ۳: تے مَیں اپنے دو گواہاں نُوں اختیار دیاں گا تے اوہ ترپڑ اُتّے لے کے اِک ہزار دو سَو سَٹّھ دِن نبُوّت کرن گے۔
خُدا خاص کرکے اسرائیل دے لوکاں لئی دو گواہواں نوں اپنے خادماں وانگر اُٹھا کھلارے گا ۔ دونبیاں نوں جنہاں نوں خُدا اسرائیلیاں لئی کڈھے گا دوگنا اختیار دتا جاوے گا یعنی پُرانے نبیاں وانگر ، تے اوہناں دی گواہی دے کلام دے سببوں ، خُدا اسرائیل دے لوکاں وچکار کم کرنا شروع کرے گا تاں پئی اوہ یسوع مسیح نوں اپنے مکتی داتا وانگر قبول کر لین ۔ ایہناں دو نبیاں دے کماں دے سببوں ،بوہت سارےاسرائیلی سچ مُچ نویں سریوں جم پئے یعنی خُدا دے لوک بن جان گے ۔
دونبی گھلن دے بعدوں، جنہاں نوں خُدا اسرائیلیاں نوں اوہناں دے پاپاں توں بچاؤن لئی اخیری زمانے وچ گھلے گا ،معجزے تے اچرج کم کرن گے ، اوہ اسرائیلیاں نوں ، جیہڑے فیر ایہناں نبیاں دے سببوں اگوائی پاؤن گے ایس قابل کرے گا پئی مسیح ول پرتن تے اوہدے اُتے اپنے مکتی داتا وانگر ایمان رکھن ۔ ایہہ دو نبی وڈیاں دکھاں دے پہلے ساڈھے تِن ورہیاں وچکار اک ہزار دو سو سٹھ دناں تیکر اسرائیل دے لوکاں نوں خُدا دا کلام دین گے ۔ اسرائیلیاں نوں پانی تے روح دی خوشخبری دین تے اوہناں نوں ایس اُتے ایمان رکھن دے لائق کرن دے سببوں ، خُدا اوہناں نوں اوسے مکتی دی اجازت دیوے گا جیہڑی نویں عہد نامے دیاں اوپریاں قوماں نوں اوہناں دے سارے پاپاں توں ایمان دے سببوں بچاچُکی سی ۔
آیت ۴: ایہہ اوہ ای زَیتُون دے دو بُوٹے تے دو دیوے نیں جیہڑے زمین دے خُداوند دے سامھنے کھلوتے نیں۔
ایتھے ”زیتون دے دو بوٹے“ خُدا دے نبیاں بارے دسدے نیں (مُکاشفہ ۱۱: ۱۰)دوجے پاسے ، ”دودیوے“ خُدا دی کلیسیا بارے دسدے نیں جیہدی نیہ اوہنے اوپریاں قوماں دے وچکار رکھی ، تے اوہ کلیسیاجیہدی اوہنےاسرائیل دے لوکاں لئی جازت دتی ۔ خُدا اپنی کلیسیادونویں یہودیاں تے اوپریاں قوماں وچکار قیم کر چُکیا اے تے اوہ لوکاں نوں پاپ توں بچاؤن دااپنا کم بالکل اخیری دن تیکر کردا رہوے گا ۔
”زیتون دے دو بوٹے“ تے ”دودیویاں“ دے سببوں خُدا سانوں دسدا اے پئی بالکل جویں اوہ اسرائیلیاں نوں اوہناں دے پاپاں توں بچاؤں لئی پرانےعہد نامے دے زمانے وچ اپنیاں نبیاں نوں کھلار چُکیا سی تے اوہناں نال کلام کرن دے سببوں ایہناں نبیاں دے راہیں کم کر چُکیا سی ، جد اخیری زمانہ آوے گا ،اوہ اسرائیل دے لوکاں وچوں دو نبیاں نوں وی کھلارے گا جیہڑے اوہدے کلام دی منادی کرن گے تے ایہناں نبیاں دے راہیں اسرائیلیاں دی یسوع تیکر اگوائی کرے گا ۔
اسرائیلی خُدا دے خادماں نوں سنجیدہ لین وچ ناکام ہو گئے نیں جیہڑے اوپری قوم دی نسل وچوں نیں ،تے اوہ نئیں سُن دے خُدا دےایہہ خادم جیہڑے اوہناں نوں آکھدے نیں ۔ جویں اوہ قربانی دے نظام تے پُرانے عہد نامے دی پیشین گوئیاں بارے وچ ہر گل جان دے نیں ۔ اخیری ویلے دے خُدا دے نبیاں نوں اسرائیل دے اپنے ذاتی لوکاں وچوں اُٹھن دی لوڑ ہیگی اے ۔ اسرائیلی پاک کتاب بارے اینے باقائدہ نیں پئی اوہ ایتھوں تیکر پئی پوری توریت زبانی اینے ٹھیک طریقےنال پڑھ سکدے نیں جویں اوہ نس دے پئے نیں ۔ ایس لئی اوہ کدی ایمان نئیں لیاؤندے خُدا دے اوپری قوم دے خادم اوہناں نوں کیہ آکھدے نیں۔
پر خُدا دےخادم ، پانی تے روح دی خوشخبری سُن کے جیہدی تُسی تے میَں ہُن منادی کردے پئے آں ، اوہناں دے اپنے لوکاں وچوں اُٹھن گے ۔جدوں پانی تے روح دی خوشخبری اُتے ایمان رکھن والے اوہناں دے اپنیاں وچوں اُٹھن گے ، تے اوہناں وچوں خُدا دے راہیں قیم کیتے گئے دو نبی اُٹھن گے جیہڑے وضاحت کرن گے تے اوہناں دے اگے خُدا دے کلام دی منادی کرن گے ، صرف فیر اسرائیلی ایمان لیاؤن گے ۔
اسرائیل دے لوک جانن گے پئی ایہہ دو گواہ اخیری زمانے وچ اوہناں نوں اوہناں دے پاپاں توں بچاؤن لئی بذاتِ خود خُدا ولوں گھلے گئے تے کھلارے گئے نبی نیں ۔ ایہہ نبی اپنے چوکھے اختیارنوں ورتن گے ، بالکل جویں پُرانے عہد نامے وچ خُدا دے خادم ، جنہاں نوں اسرائیلی چنگی طرح جان دے تے ایمان رکھدے نیں ، پہلوں ورت چُکے سن ۔ ایس لئی اسرائیلی اپنیاں ذاتی اکھاں نال وڈے معجزے ویکھن گے جیہڑے اصل وچ دو گواہ کرن گے ۔ ایس توں، اسرائیل دے لوک یسوع مسیح ول پرتن گے تے خُداوند اُتے ایمان رکھن گے ۔ جد اوہ یسوع مسیح نوں خُدا دے پُتر تے اپنے مکتی داتا وانگر پچھانن گے ، بالکل جویں اسیں پچھان دے آں ،اوہ اوہو ای ایمان رکھن گے جیہڑا ساڈا اے— یعنی ، اوہ ، وی ، پانی تے روح دی خوشخبری اُتے ایمان رکھن دے سببوں مکتی یافتہ ہون گے ۔
ایہہ دو گواہ خُدا دے کلام دی وضاحت کرن گے تے ست ورہیاں دے وڈے دکھاں وچکار اک ہزار دو سو سٹھ دناں تیکراسرائیل دے لوکاں نوں ایہہ کلام دین گے ۔ بالکل جویں تُسیں تے میَں ، جیہڑے نویں عہد نامے دے زمانے دی اوپری قوم وچوں ہیگے آں،پانی تے روح دی خوشخبری اُتے ایمان رکھن دے سببوں مکتی یافتہ ہو گئے آں ، خُدا اسرائیلیاں نوں وی پانی تے روح دی خوشخبری اُتے ایمان رکھن دے سببوں اخیری زمانے وچ مکتی یافتہ ہون دی اجازت دیوے گا۔
جویں آیت ۴ سانوں دسدی اے ، ” ایہہ اوہ ای زَیتُون دے دو بُوٹے تے دو دیوے نیں جیہڑے زمین دے خُداوند دے سامھنے کھلوتے نیں۔“ پاک کلام ایہناں دو گواہاں نوں ،” زیتون دے دو بُوٹے “وانگر فرماندا اے ۔ زیتون دے دو بُوٹے اخیری زمانے دے دو نبیاں دا حوالہ دیندے نیں ۔ آیت ۱۰ وچ ، ایہہ لکھیا ہویا اے ، ” تے زمین دے رہن والے اوہناں دے مرن توں خُوش ہون گے تے مَوج کرن گے تے آپو وِچ تحفے گھلّن گے۔ کیوں جو ایہناں دوہاں نبیاں زمین دے رہن والیاں نُوں ستایا سی۔ “ ایتھے ، سانوں لازمی ایس گل اُتے دھیان کرن دے راہیں ایس کلام نوں حل کرنا چاہی دا اے پئی زیتون دے دو بوٹے کیہڑے نیں ۔
پُرانے عہد نامے دے زمانے وچ زیتون دے بوٹیاں نوں پاک تھاں تے خُدا دی ہیکل دے اندر
قربان گاہ دی پاکیزگی تے خوبصورتی لئی اوہناں نوں اوہناں دے تیل نال مسح کرن دے سببوں ورتیا جاندا سی ۔ ایہہ زیتون دا تیل ایسے طرح دوجے کماں ، مثال طور ہیکل دے دیویاں نوں روشن کرن لئی وی ورتیا جاندا سی ۔ اوہناں نوں صرف ہیکل دے اندر کھرا زیتون داتیل ورتنا پیندا سی ۔ خُدا نے اپنی ہیکل وچ کوئی وی تیل ورتن دی اجازت نئیں دتی سی ، سگوں اوہنے یقین کروایا پئی صرف زیتون داتیل ای ورتیا جاوے گا ۔ ایس طرح ، سانوں جاننا چاہی دا اے پئی زیتون دابوٹا، ایسے طرح انجیردا بوٹا،اسرائیل دے لوکاں دی نمائندگی کردا اے ۔
زیتون دے ایہناں دو بوٹیاں تے دو دیویاں دی بوہت ساریاں تشریحاں ہیگیاں نیں ۔ کئی لوک ایتھوں تیکر پئی دعویٰ کردے نیں پئی اوہ آپ زیتون دے بوٹے نیں۔پر زیتون دے دوبوٹے مسح کیتے ہوئے بندیاں بارے دسدے نیں ۔ پُرانے عہد نامے دے دناں وچ ، لوک مسح کیتے جاندے سن جد اوہناں نوں نبی ، بادشاہ یاں اک کاہن وانگر عہدہ دتا جاندا سی ۔ اِنج جد کسے نوں مسح کیتا جاندا سی ، پاک رُوح اوہدے اُتے آؤندا سی ۔ ایسے طرح ، زیتون دا بوٹا یسوع مسیح نوں بیان کر دا اے جیہڑا پاک رُوح دی طاقت نال جمیا سی (رومیوں ۱۱: ۲۴)۔پرلوک ایس گل بارے بوہت ساریاں پُٹھیاں سوچاں وچ پئے ہوئے نیں ۔
پر ، زیتون دےدو بوٹے، جیہڑے سارے خاص حوالے وچ ظاہر کیتے گئے دو گواہ نیں ، خُدا دے دو خادماں بارے دسدے نیں جنہاں نوں اوہ خاص کر کے اسرائیلیاں دی مکتی لئی اخیری زمانے وچ کھلارے گا ۔
ایہہ ہے آیت ۴ سانوں کیہ دسدی پئی اے ۔ تے دو دیوے ایتھے خُدا دی کلیسیا نوں بیان کر دے نیں جیہدی اوہنے اوپریاں قوماں وچکار اجازت دتی ، تے کلیسیا جیہدی اسرائیل دے لوکاں وچ اجازت دتی ۔ پُرانے عہد نامے دے زمانے وچ اسرائیلی اصل وچ خُدا دی کلیسیا ہوندی سی ۔ پر نویں عہد نامے دے زمانے توں لے کے ، اوہ ہور خُدا دی ایہہ کلیسیا نئیں ہیگے ۔ کیوں ؟ ایس لئی پئی اوہناں نیں حالے یسوع مسیح نوں پچھاننا اے ،تے اوہ اپنے دل وچ پاک رُوح وی نئیں رکھدے ۔
جویں پئی اوہ نا پانی تے روح دی خوشخبری نوں قبول کر چُکے نیں نا ای یسوع مسیح نوں، خُدا دی کلیسیا ہور اوہناں وچکار نئیں پائی جاندی پر ، دنیا دے اخیریں مکن توں پہلوں ، وڈے دکھاں توں پہلوں ساڈھے تِن ورہیاں وچکار ، خُدا اسرائیل دے لوکاں نوں وی اپنی کلیسیا وچ آؤن دی اجازت دیوے گا ۔
ایس لئی پاک کلام سانوں زیتون دے دوبوٹیاں بارے دسدا اے، جیہڑے پئی دو گواہ نیں ۔
خُداوند اپنی کلیسیا قیم کرے گا تے دونویں یہودیاں تے ساڈے اوپریاں قوماں وچکار لوکاں نوں پاپ توں بچاؤن دا اپنا کم کرے گا ۔ تے ایہناں کلیسیاواں دے سببوں ، او ہ اوہناں نوں مخالفِ مسیح دے ظاہر ہون تیکر لوکاں نوں پاپ توں بچاؤن دے ایس روحانی کم دی سیوا کرن دے لائق بناوے گا ۔ ایہدا مطلب ہیگا اے پئی خُدا پاک لوکاں ، یعنی اپنی کلیسیادے ہڈاں پیراں وچوں بھانڈے بناوےگا ، یعنی اوہناں توں پاپ وچ گواچے ہوئے لوکاں نوں بچاؤن دی سیوا کرائے گا ۔ ایس لئی سانوں لازمی ایمان نال اپنی باقی سیوا نوں سچے دلوں مکمل کرنا چاہی دا اے ۔
آیت ۵: تے جے کوئی اوہناں دا نُقصان کرنا چاہندا اے تے اوہناں دے مُنھ توں اَگ نِکل کے اوہناں دیاں وَیرِیاں نُوں کھا جاندی اے تے جے کوئی اوہناں دا نُقصان چاہے گا تاں اوہ ضرُور اِنجے ماریا جائے گا۔
خُدا نے دو نبیاں نوں ایہہ اختیار دتا ایس لئی پئی اوہ اپنے خاص مقصد نوں پورا کر سکن ۔ اخیری زمانے وچ اسرائیل دے لوکاں کولوں توبہ کراؤن تے شیطان اُتے فتح پاؤن لئی خُدا سانوں وکھاؤندا اے پئی جیہڑا وی دو نبیاں نوں قتل کرن دی کوشش کرے گا اپنا آپ دانقصان کرے گا ، تے یعنی اوہدے کلام دی قدرت ایہناں دو گواہاں نال ہووے گی ۔
ایسے طرح ، اسرائیل دے لوک ، ایہناں دو نبیاں دیاں تعلیماں اُتے ایمان رکھ کے یسوع مسیح ول پرتن گے ۔ ایس لئی خُدا زیتون دے دو بوٹیاں دی اجازت دیوے گا —یعنی ،دو گواہ — اسرائیلیاں لئی نیں ، تاں پئی اوہ وی اخیری زمانے وچکار اپنے پاپاں توں مکتی یافتہ ہو سکن ۔
آیت ۶: اوہناں نُوں اختیار اے۔ پئی اسمان نُوں بند کر دین تاں جو اوہناں دی نبُوّت دے زمانے وِچ مینہ نا وَسّے تے پانیاں اُتّے اوہناں دا اختیار اے پئی اوہناں نُوں لہو بنا دین تے جِنّی وار اوہناں دا دِل کرے۔ زمین اُتّے ہر طرح دی بلا لیاؤن۔
ایس لئی پئی اسرائیل دے لوک توبہ نئیں کرن گے جد تیکر خُدا دے خادم جنہاں نوں اوہ کھلارے گا اوہناں اگے اپنے اختیار نال ایہہ کم نئیں کردے ، خُدا دو گواہاں نوں اپنی طاقت نا ل کم کرن دی اجازت دیوے گا ۔ دو گواہ نا صرف اسرائیلیاں دی یسوع تیکر اگوائی کرن گے ، سگوں اوہ خُدا دے ویریاں اُتے اختیار نال فتح وی پاؤن گے تے اپنے سدے جان دے سارے کم پورے کرن گے ۔ خُدا اوہناں نوں خاص اختیار دیوے گا تاں پئی اوہ اسرائیل دے لوکاں اگے سارے نبُوّتی کلام دی منادی کرسکن ، گواہی دین پئی یسوع مسیح اُوہناں دا بوہت چر توں اڈیکن والا مسیحا اے،تے اوہناں نوں ایمان رکھن دے قابل کرن گے۔
آیت۷: جد اوہ اپنی گواہی دے لین گے تے اوہ پشُو جیہڑا کھڈے وِچوں نِکلے گا اوہناں نال لڑ کے اوہناں نُوں جِت لے گا۔ تے اوہناں نُوں مار چھڈے گا۔
کلام سانوں دسدا اے پئی مخالفِ مسیح ایس دنیا وِچ ظاہر ہووے گا جدوں وڈے دکھ جرن دے ست ورہیاں دے زمانے وچوں پہلے ساڈھے تن ورہے لنگھ جان گے۔ایہہ ایس موقع اُتے ہووے گا پئی اوہ جیہڑے یسوع مسیح اُتے اپنے اُڈیکن والے مسیحا وانگر ایمان رکھدے نیں اخیریں اسرائیل دے لوکاں وچوں اُٹھن گے ۔ پر اوہناں وچوں بوہت سارے حیوان دے اگے ایمان دی راکھی کردے ہویاں شہید کیتے جان گے ، جیہڑے پئی مُخالفِ مسیح تے اوہدے پچھے چلن والے نیں ۔ خُدا دے دونبی وی شہید ہو جان گے جد اوہ اپنے سدے جان دے کماں نوں مکمل کر لین گے ۔
یعنی ایہہ دو گواہ مُخالفِ مسیح دے ہتھوں قتل ہون گے خُدا دی مرضی دے مطابق اے ۔ کیوں ؟ ایس لئی پئی خُدا اوہناں نوں وی شہیداں وانگر اپنا انعام دینا چاؤہندا اے ۔ ایہہ انعام اوہناں لئی پہلی قیامت وچ شامل ہون ، لیلے دے ویاہ دے جشن وچ خُداوند نال ہونا ، ہمیش لئی خوشی مناؤنا تے سدا دی زندگی پاؤنا اے ۔ سارے پا ک لوکاں نوں ایہہ برکت دین لئی ، خُدا اوہناں واسطے اوہناں دے ایمان لئی شہید ہون دی تمنا رکھدا اے ۔ ایس لئی ، سارے پا ک لوکاں نوں لازمی نا ڈرنا چاہی دا اے نا ای اپنی شہادت توں بچنا چاہی دا اے ، سگوں ایہدی بجائے ایہنوں پکے ایمان نال سینے لاؤنا چاہی دا اے تے اپنا برکت والا انعام پاؤنا چاہی دا اے ۔
آیت۸: تے اوہناں دِیاں لاشاں اوس وڈّے شہر دے بازار وِچ پئیاں رہن گِیاں
جیہڑا رُوحانی طَور نال سدُوم تے مِصر اکھواؤندا اے جِتّھے اوہناں دا خُداوند وی صلِیب دِتّا گیا سی۔
ایہہ آیت سانوں دسدی اے پئی ”دو گواہ “ بالکل اسرائیل دے لوکاں وچوں نیں ۔ دو خادم جیہڑے خُدا اسرائیلیاں لئی گھلے گا اوپریاں قوماں وچوں نئیں ہیگے ، سگوں اوہناں دے اپنے لوکاں اسرائیلیاں وچوں نیں ۔ ایسے طرح ، دو نویں گواہ اوسے تھاں اُتے قتل ہون گے جتھے یسوع سولی اُتے مویا سی ۔ ایہہ سچیائی سانوں خاص کر کے دسدی اے پئی ایہہ دو گواہ اسرائیلی نیں ۔اوہ اسرائیل دے لوکاں لئی ، خُدا دے خادم نیں ۔
اسرائیل دے لوکاں لئی ، جیہڑے روحانی طریقے نا ل صدوم تے مصر دے لوکاں وانگر نیں ۔ خُدا اپنے دو نبیاں نوں قیم کرے گا ، اوہناں نوں اختیار دیوے گا ، تے اوہناں کولوں گواہی دلوائے گا پئی یسوع ای مسیحا اے جیہدے لئی اسرائیلیاں نیں اڈیک رکھی اے ، تاں پئی اسرائیل دے لوک توبہ کر سکن تے یسوع اُتے ایمان رکھ سکن ۔
مُخالفِ مسیح گلگتا دی تھاں اُتے خُدا دے دونواں خادماں نوں قتل کرے گا ،جتھےیسوع سولی اُتے مویا سی ۔ ایس لئی پئی مُخالفِ مسیح دے منن والے بد رُوحاں رکھدے نیں ، اوہ ایہناں دو گواہاں دی موت لئی نفرت رکھن گے جیہڑے یسوع اُتے ایمان رکھدے نیں تے اوہدی گواہی دیندے نیں ۔ رومی سپاہیاں وانگر جنہاں نیں یسوع نوں سولی اُتے چاہڑیا تے پہلوں ای اک نیزے نال اوہدی پسلی نوں ونہیا سی ، بدروحاں رکھن والے اوہ لوک نا صرف یسوع توں نفرت کرن گے ، سگوں اوہ خُدا دے دو گواہاں توں وی نفرت کرن گے تےاوہناں نوں قتل کر دین گے ۔
آیت ۹: تے اُمّتاں تے گھرانیاں تے اہلِ زبان تے قوماں وِچوں لوک اوہناں دِیاں لاشاں نُوں ساڈھے تَرے دِن تِیکر ویکھدے رہن گے تے اوہناں دِیاں لاشاں نُوں قبر وِچ نا رکھن دین گے۔
اسرائیل دے لوکاں وچکار وی ، ایہو جیہے لوک ہیگے نیں جیہڑے یسوع مسیح اُتے اپنے مکتی داتا وانگر ایمان نئیں رکھدے ۔ دونویں خادماں (زیتون دے دو بوٹیاں )دی بدنی موت ویکھ کے ، ایہہ لوک اپنے جتن دےشعور دے سببوں مغلوب ہو جان گے ، تے جتن دے ایس احساس نوں ودھاؤن لئی ، اوہ ایتھوں تیکر پئی اپنے شکاراں نوں ٹھیک کفن دفن نئیں دین گے ۔ پر اوہناں دی جِت ٹوٹے ٹوٹے ہوکے کھلر جاوے گی جد خُدا ”دونویں گواہاں“ نوں دوبارہ زندہ کرے گا ،تے ایس لئی اوہ خُدا کولوں ڈرن گے ۔
اوہ خُدا دے دونواں خادماں دی موت اُتے اپنے آپ نوں مبارک باد دے سکدے نیں ، پر ایہہ بوہتا چر نئیں رہوے گی ، ایس لئی پئی اوہ چھیتی نال احساس کرن گے پئی مُخالفِ مسیح یسوع مسیح دے مقابلے دا نئیں ہیگا — اِنج پریشانی تے سکھنا پن اوہناں اُتے چھاجائے گا ۔
ایہہ لوک دو نبیاں دے راہیں ودھائے گئے خُدا دے نبُوّتی کلام توں نفرت کرن گے ۔ ایہناں دو خادماں دے خلاف کھلون دے سببوں جنہاں نوں خُدا کھلارے گا ، اوہ مکتی دی اخیری فصل توں اخیریں کٹ جان گے تے شیطان دے پچھےچلن والیاں وچ بدلدے ہویاں مک جان گے ۔
آیت۱۰: تے زمین دے رہن والے اوہناں دے مرن توں خُوش ہون گے تے مَوج کرن گے تے آپو وِچ تحفے گھلّن گے۔ کیوں جو ایہناں دوہاں نبیاں زمین دے رہن والیاں نُوں ستایا سی۔
جویں ای اوہ خُدا دے نبُوّتی کلام دی منادی کرن گے ، اسرائیل دی مکتی لئی کڈھے گئے دونویں گواہ شیطان دے پچھے چلن والیاں دی گردن وچ بوہتی پیڑ دا سبب ہون گے ۔ ایسے طرح ، اوہ سارے لوک ایہناں دو گواہاں دی موت اُتے خوشی مناؤن گے تے اپنے آپ نوں مبارک باد دین لئی اک دوجے نوں تحفے گھلن گے ۔
اسیں،وی،خوش ہوندے آں جد اوہ جیہڑے سانوں ستاؤندے سن غائب ہوندے نیں۔ مُخالفِ مسیح تے اوہدے منن والے ایس گل توں نفرت کرن گے جد خُدا ولوں اٹھا ئے گئے دو گواہ اوہدے کلام دی منادی کرن گے ۔ہر ویلے جد اوہ خُدا دا کلام سُنن گے ،اوہناں دیاں رُوحاں دکھ نال مغلوب ہو جان گِیاں ۔ ایس لئی پئی اِنج اوہ بوہت چوکھے ستائے گئے ہون گے جد کدی دونویں گواہ یسوع دے بارے اوہناں نال کلام کرن گے ، اوہ خوشی مناؤن گے جد اوہ اوہناں نوں مُخالفِ مسیح دے ہتھوں موت دے منھ وچ ویکھن گے ۔ ایس لئی اوہ تحفے گھلن گے تے اک دوجے نوں مبارک باد دین گے ۔
آیت ۱۱: تے ساڈھے تَرے دِناں پِچّھوں خُدا ولّوں اوہناں وِچ زِندگی دی رُوح آئی تے اوہ اپنے پیراں اُتّے کھلو گئے تے اوہناں دے ویکھن والیاں نُوں بڑا ڈر لگّا۔
پر ، خُدا دونواں گواہاں نوں پہلی قیامت وچ شامل ہون دے لائق کرے گا ۔ ایہہ کلام سچیائی دا
ثبوت اے پئی پاک لوک ، جیہڑے خُداوند ولوں بخشے گئے مکتی دے کلام اُتے ایمان رکھن دے سببوں پاپ توں مکتی یافتہ ہون دے بعدوں اپنے ایمان دی راکھی دی خاطر شہید ہوندے نیں، پہلی قیامت وچ شامل ہون گے ۔
یعنی ”ساڈھے تِن دن“دے بعدوں اوہناں وچ زندگی دا ساہ داخل ہویا سانوں دسدا اے پئی خُداوند تھوڑے چر بعدوں اوہناں نوں جیوں اٹھن دی اجازت دیوے گا ، بالکل جویں اوہ اپنے آپ اپنے بدن دی موت توں جیوں اُٹھیا سی ۔ یعنی خُدا سارے پاک لوکاں نوں پہلی قیامت دے ایس ایمان دی اجازت دے چُکیا اے ، ایہہ پاک لوکاں لئی اپنے آپ خُدا دی وڈی برکت اے ، پر سارے پاپیاں لئی ، ایہہ اوہناں اُتے بوہت دلی پریشانی تے ڈر نوں گھلے گا ۔ پاک لوکاں دی پہلی قیامت ، خُدادا وعدہ تے اوہناں دے ایمان لئی اوہدا انعام اے ۔
آیت ۱۲: تے اوہناں نُوں اسمان اُتّوں اِک زور دی اواز سُنائی دِتّی۔ پئی ایتھے اُتّے آ جاؤ۔ تے اوہ بدّلاں اُتّے سوار ہو کے اسمان اُتّے چڑھ گئے تے اوہناں دے وَیری اوہناں نُوں ویکھدے پئے سن۔
ایہہ کلام سارے پاک لوکاں دے جیوں اُٹھن تے چُکے جان نوں واضح کردا اے۔خُداونددےنبُوّتی کلام اُتے ایمان رکھن دے بعدوں ، اوہ جیہڑے اپنے سارے پاپاں توں مکتی یافتہ ہوگئے نیں کوئی چارہ نئیں رکھن گے سگوں اپنے ایمان دی راکھی دی خاطر شہید ہون گے ۔ ایہہ آیت سانوں وکھاؤندی اے پئی خُداوندایہناں ساریاں پاک لوکاں نوں زندہ کرے گا تے اوہناں نوں چُکےگا ۔ پاک لوک تے خُدا دے خادم جیہڑے اوہدی خاطر اپنی وفاداری وچ شہید ہوندے نیں خُداوند اُتے اپنے ایمان دے سببوں وَا وچ اُڈن دے سببوں (چُکے جان نال )برکت یافتہ ہون گے ۔ اسیں بچ نئیں سکدے سگوں پاپ دی معافی اُتے ایمان رکھن دے سببوں مکتی یافتہ ہون دے بعد وں جیہڑی اوہ سانوں دے چُکیا اے شہید ہون اُتے سانوں ساڈا جیوں اٹھنا تے چُکیاجانا انعام وانگر دین لئی خُداوند دا شکر کردے آں ۔
خُدا باپ اوہناں ساریاں نوں جیوں اٹھن تے چُکے جان دی اجازت دیوے گا جیہڑے مُخالفِ مسیح دے خلاف کھلوندے نیں تےیسوع مسیح دےراہیں دتی گئی پانی تے روح دی خوشخبری اُتے ایمان رکھن دے سببوں شہید ہوندے نیں ۔ سانوں لازمی ایس سچیائی اُتے ایمان رکھنا چاہی دا اے ۔ پا ک لوکاں دا جیوں اٹھنا تے چُکیا جانا ایہو جیہیاں برکتاں نیں جیہڑیاں خُدا ولوں دتی گئی پانی تے روح دی خوشخبری اُتے ایمان دے سببوں اوہناں دی مکتی توں وگدیاں نیں ۔ شیطان تے اوہدے اخیری زمانے دے منن والے اپنیاں کوششاں نوں پتلی وَا وچ بخارات بن دے ہویاں پاؤن گے جد اوہ پا ک لوکاں نوں، جنہاں نوں اوہ اینا ں ستا چُکے تے قتل کر چُکے سن ، جیوں اٹھدے تے چُکے جاندے ویکھن گے ۔
خُدا شہید پا ک لوکاں نوں زندہ کرے گا تے چُک لَئے گا ، پر اوہ اوہناں نوں ست پیالیاں دیاں آفتاں گھلن دے سببوں برباد کرے گا جیہڑے اودوں تیکر ایس زمین اُتے باقی ہون گے ۔ جد ایہہ کم بوہت چھیتی مکمل ہووے گا ، اوہ پا ک لوکاں نال ایس زمین اُتے ہیٹھاں آوے گا تے مسیح دے ویاہ دے جشن وچ راستبازاں نوں بلاوے گا ۔ ساڈا خُداوند ایس جشن نوں ہزار ورہے تیکر جاری رکھے گا ۔ جد ایہہ ہزار ورہیاں دا زمانہ مکے گا ، اوہ شیطان نوں تھوڑے چر لئی اتھاہ کھڈے توں نکلن دی اجازت دیوے گا تے خُدا تے اوہدے پاک لوکاں دے خلاف اوہنوں لڑن دی اجازت دیوے گا ، پر اوہ اخیریں شیطان تے اوہدے منن والیاں نوں برباد کرے گا تے اوہناں نوں ہمیش دی اگ وچ سُٹن دی سزا دیوے گا ۔ پر ، راستباز خُداوند دی اسمانی بادشاہی وچ جان گے تے اوہدے نال سدا زندہ رہن گے ۔
آیت ۱۳: فیر اوسے ویلے اِک وَڈا سارا بھنچال آگیا تے شہر دا دسواں حِصّہ ڈِگّ پیا تے اوس بھنچال نال سَتّ ہزار بندے مر گئے تے باقی ڈر گئے۔ تے اسمان دے خُدا دی وڈیائی کِیتی۔
شہادت، جیوں اٹھن تے دو نبیاں دے چُکےجان دے بعد وں جنہاں نوں خُدا اسرائیلیاں دی مکتی لئی کھلارے گا ، اوہ اپنے فرشتیاں نوں ایس زمین اُتے ست پیالیاں دیاں آفتاں ازادانہ طریقے نال ڈوہلن دی اجازت دیوے گا ۔ اوہ جیہڑے حالے تیکر پاک لوکاں دے چُکےجان دے بعدوں ایس زمین اُتے باقی رہن گے اپنے انعام وانگر ایہناں ست پیالیاں دیاں آفتاں نوں پاؤن گے ۔ صرف اودوں اوہ بوہت ڈرن گے تے خُدا دی وڈیائی کرن گے ۔ پر ایہہ اوہناں دے کسے فائدے دی نئیں ہووے گی ، ایس لئی پئی ایہہ خُدا دی محبت وچ کھرے ایمان دا کم نئیں ہووےگا ۔
جد ایہہ دنیا برباد ہو جاوے گی ، راستباز اپنا سدادااسمان ، سدا دی قیامت ،تے سدا دیاں برکتاں پاؤن گے ، پر پاپیاں لئی ، صرف دوزخ وچ سدا دی اگ دی مصیبت اوہناں نوں اڈیکے گی ۔ ایس لئی ہر
کسے نوں لازمی پانی تے روح دی خوشخبری اُتے ایمان رکھن دے سببوں اپنے پاپاں توں معافی پاؤنی چاہی دی اے ۔تے ایس لئی پئی اوہ جیہڑے ایس طرح اپنے پاپاں توں چھڈائے گئے نیں نویں دنیا اُتے ایمان رکھدے نیں جیہدا خُدا نے اوہناں نال وعدہ کیتا اے ، اوہ ہرکسے دے اگے پانی تے روح دی خوشخبری کردے نیں ۔
آیت ۱۴: دُوجا افسوس ہوگیا ویکھو ترِیجا افسوس چھیتی آؤن والا اے۔
دونواں اوپریاں قوماں تے اسرائیلیاں لئی ، خُدا ولوں تریجا افسوس ہر کسے نوں اڈیکے گا اوہناں توں سوا جیہڑے مکتی یافتہ ہون تے شہید ہون دے سببوں اپنے جیوں اٹھن تے چُکے جان وچ شامل ہوگئے نیں ۔
آفت جیہڑی چھیویں فرشتے دی تُرہی دے پھوکن توں لے کے ستویں تُرہی دے پھوکن نال ست پیالیاں دیاں آفتاں دے شروع ہون تیکر باقی رہندی اے دوجا افسوس اکھواؤندی اے ۔ ست تُرہیاں دی آفتاں تِن زمانیاں وچ ونڈیاں گِیاں نیں — مڈھلے ، وچکارلے تے اخیری زمانے ، قدرتی آفتاں تے مُخالفِ مسیح دے ہتھوں پاک لوکاں دی شہادت پہلے تے دوجے افسوس وچ شامل اے ۔ دوجے پاسے ، تریجا افسوس ایہو جیہی آفت اے جیہڑی دنیا نوں مکمل طریقے نال برباد کر دیوے گی ۔ ایہہ تریجا افسوس خُدا دے عذاب دے پیالے نیں جیہڑے ایس زمین اُتے اودوں تیکر باقی رہن والے پاپیاں اُتے ڈوہلے جان گے ۔
آیت ۱۵: تے جدوں ستویں فرِشتے تُرہی نُوں پُھوک ماری۔ تے اسمان اُتّے بڑیاں اَوازاں ایہہ آکھدیاں پَیدا ہویاں۔ پئی دُنیا دی بادشاہی ساڈے خُداوند تے اوہدے مسِیح دی ہوگئی تے اوہ ہمیشہ تِیکر بادشاہی کرے گا۔
فقرہ پئی” اسمان اُتّے بڑیاں اَوازاں ایہہ آکھدیاں پَیدا ہویاں۔ “سانوں وکھاؤندا اے پئی پاک لوک تے خادم جیہڑے سارے پاپاں توں مکتی یافتہ ہوگئے نیں پہلوں ای ایس دنیا وچ ست پیالیاں دیاں آفتاں شروع ہون دے ویلے دے حساب توں اسمان اُتے ہون گے ایسے طرح ، خُدا دے لوک ایس ویلے ہور ایس دنیا وچ نئیں ہون گے ۔ سانوں لازمی ایس گل دا احساس کرنا چاہی دا ۔ ” دُنیا دی بادشاہی
ساڈے خُداوند تے اوہدے مسِیح دی ہوگئی تے اوہ ہمیشہ تِیکر بادشاہی کرے گا۔ “
اوس ویلے ، پاک لوک اسمان اُتے خُداوند دی وڈیائی کرن گے ، پر ست پیالیاں دیاں ساریاں آفتاں ڈوہلن دے بعدوں ، اوہ وی خُداوند نال نویں زمین اُتے اُتر آؤن گے تے ایس دنیا اُتے اک ہزار ورہے تیکر اوہدے نال بادشاہی کرن گے ۔ ایہہ ویلہ اودوں خُداوند تے پاک لوکاں دے نویں اسمان تے نویں زمین اُتے سدا تیکر بادشاہی کرن دے سببوں اگانہہ ودھے گا ۔
سانوں پا پ توں چھڈاؤن لئی ،ساڈا خُداوند حالے تیکر دےسارے ویلے وچ اک نوکر وانگر ، یعنی بادشاہ وانگر ساڈے اُتے راج کرن دی بجائے ساڈی سیواکرچُکیا اے ۔ اوہ ساڈے اُتے سانوں اوہ بناؤن دا اپنا فضل ڈوہل چُکیا اے جیہڑے خُدا دے پُتر اں وچ اپنی مکتی وانگرپانی تے روح دی خوشخبری اُتے ایمان رکھدے نیں ۔ جویں ساڈا خُداوندساڈے لئی سدادا بادشاہ اے ، اوہ اپنے لوکاں نوں وی سدا بادشاہی کرن دے لائق بنائے گا ۔ ہیلیلویاہ! خُدا وند دا شکر ہو وے!
آیت ۱۶: تے چَوہاں بزُرگاں جیہڑے خُدا دے سامھنے اپنیاں اپنیاں تختاں اُتّے بَیٹھے ہوئے سن مُنھ پرنے ڈِگّ کے خُدا نُوں سجدہ کِیتا۔
خُدا ساراجلال لین دے لائق اے ۔ ایہہ صرف اوہناں لئی جائز اے جیہڑے اپنے سارے پاپاں توں مکتی یافتہ ہو گئے نیں پئی اپنے مُنھ پرنے ڈِگن تے بھگتی کرن تے خُدا دی وڈیائی کرن ۔ ساڈا خُداوند، جیہڑا پاپیاں نوں بچاؤن دا ایہہ سارا کم کر چُکیا اے ، سارے پاک لوکاں تے سارے زمانے توں سدا تیکر وڈیائی تے پوجا کراؤن دے لائق اے ۔
آیت ۱۷: تے ایہہ آکھیا پئی اَے خُداوند خُدا قادرِ مُطلق جیہڑا ہے تے جیہڑا ہے سی۔ اسی تیرا شُکر کرنے آں کیوں جو تُوں اپنی بڑی قُدرت نُوں ہتّھ وِچ لے کے بادشاہی کِیتی۔
اودوں توں اگے اپنے لوکاں نال سدا تیکر بادشاہی کرن لئی ،ساڈا خُداوند شیطان اُتے فتح پائے گا تے خُدا باپ کولوں وڈی طاقت حاصل کرے گا ۔ ایسے طرح ، خُداوند سداتیکر بادشاہی کرے گا ۔ اوہ اِنج کرن دے لائق اے ۔ میَں اوہنوں جلال دیندا ہاں ایس لئی پئی خُداوندجیہڑا دنیا دے سارے پاپاں نوں مکا چُکیا اے ، جیہڑا اوہناں ساریاں نوں مکتی دے چُکیا اے جیہڑے پانی تے روح دی خوشخبری اُتے ایمان رکھدے نیں ، تے جیہڑا اپنے ویریاں نوں سزا دے چُکیا اے ، اپنی وڈیائی لائق طاقت تے سدا لئی بادشاہی کرن دے لائق اے ۔ ایسے طرح ، اوہ سارے جیہڑے خُدا دے راج نوں پچھان دے نیں سدا تیکر خُدا دی وڈیائی کرن دے جلال نال خُداوند دی قادرِ مطلق طاقت تے محبت دے کپڑے پاؤن گے ۔
آیت ۱۸: تے قوماں نُوں غُصّہ آیا تے تیرا غضب اُتر آیا۔ تے اوہ ویلا آ گیا پئی مُردیاں دی عدالت کِیتی جائے تے تیرے بندیاں نبیاں تے پاک لوکاں تے اوہناں نِکّے وڈّیاں نُوں جیہڑے تیرے ناں توں ڈردے نیں بدلہ دِتّا جائے تے زمین دے برباد کرن والیاں نُوں برباد کِیتا جائے۔
ست پیالیاں دیاں آفتاں نوں لُدن دے بعدوں چھیتی نال ہُن اوہناں دے بدن دی بربادی دا ویلا آجائے گا جیہڑے روحانی طریقے نال اوپری قوم ای رہن گے ۔ ایہہ کلام سانوں دسدا اے پئی فیرخُدا لئی ، ساریاں دے جج وانگر ہر کسے دا انصاف کرن دا ،اپنے خادماں تے نبیاں ،تے پاک لوکاں ،تے اوہناں نوں انعام دین دا جیہڑے اوہدی وڈیائی کردے نیں، تے اوہناں نوں برباد کرن دا ویلا ہووے گا جیہڑے اوہدے خلاف کھلوندے تے اوہدی مرضی دی نافرمانی کردے نیں۔ خُداوند اوہناں اُتے قہر دی سزا گھلےگا جیہڑے اوہدے راج نوں نئیں پچھان دے ، پر اوہ پاک لوکاں نوں اپنے نال جلال پاؤن دی اجازت وی دیوے گا ۔ ایہدا مطلب ہیگا اے پئی خُداوندساریا ں دا ،نیکی تے بدی دا مُنصف بن گیا اے ۔
جد خُداوندنویں سریوں جمیاں دے بادشاہ وانگر اپنے تخت اُتے بیٹھے گا تے ہر کسے دی عدالت کرے گا ، سارے پاپی تے دنیا دے راستباز اپنی منصفانہ عدالت نوں پاؤن گے ۔ ایس ویلے، اوہدی عدالت دے فتوے وانگر ، خُداوند پاک لوکاں نوں اسمان تے سدا دی زندگی دیوے گا ، پر پاپیاں نوں اوہ اوہناں دی سدا دی موت تے دوزخ دی سزا دیوےگا ۔ یسوع مسیح دا راج تے اوہدے لوکاں دی بادشاہی دی برکت سدا تیکر قیم رہوے گی ۔ پہلی دنیا ایس موقع اُتے مک جاوے گی ،تےد وجی دنیا ،یعنی مسیح دی بادشاہی، اِنج شروع ہو جائے گی ۔
آیت ۱۹: تے خُدا دی ہیکل جیہڑی اسمان اُتّے اے کھولی گئی تے اوہدی ہیکل وِچ اوہدے عہد دا صندُوق وکھالی دِتّا تے بدّلِیاں چمکیاں تے گِجّیاں تے اَوازاں آئِیاں۔ تے بھنچال آیا۔ تے بڑا
گڑا پیا۔
خُدا اپنے پاک لوکاں ، یعنی راستبازاں نوں اپنی ہیکل وچ زندہ رہن دی اپنی خاص برکت دی اجازت دیوے گا ۔ ایہہ ساریاں گلاں یسوع مسیح وچ لوکاں نال خُدا دے وعدے دے کلام دے مطابق پوریاں ہوندیاں نیں ۔ خُدا دی بادشاہی خُدا دے نبُوّتی کلام نال شروع ہوندی اے ،تے ایہہ نبُوّت دی تکمیل دے سببوں مکمل ہوندی اے ۔
خُدا دے سارے وعدے ،جیوں اٹھن تےپاک لوکاں دے چُکےجان توں لے کے اوہناں دےیسوع مسیح نال لیلے دے ویاہ دے جشن وچ رل جان تیکر تے اوہناں دی بادشاہواں وانگر سدا تیکر بادشاہی کرن دی برکت ،دونواں اسرائیل دے لوکاں تے سانوں اوپریاں قوماں نوں برابر برابر دتی جاوے گی ۔ اوہ اخیری زمانے وچکار اسرائیلیاں دی مکتی نوں تے ایسے طریقے نال ساڈی مکتی نوں پیش کردا اے ، اوس زمانے وچ سانوں دونواں نوں شہید ہون دے لائق کردا اے ، ایہدے بعد وں سانوں اوسے جیوں اٹھن تے اوسے ای چُکے جان د ی اجازت دیندا اے ، تے سانوں اوسے جلال دے کپڑے پواؤندا اے ۔ کلام سانوں دسدا اے پئی بھاویں اسرائیلی تے اسیں اوپری قوم بدن وچ وکھ وکھ لوک آں ، پر اسیں روحانی طریقے نال خُدا دے اوہو ای لوک ہیگے آں ۔
بوہت سارے لوک دعویٰ کردے تے ایمان رکھدے نیں پئی نویں سریوں جمے ہوئے لوک ست ورہیاں دے وڈےدکھاں دے ٹھیک طریقے نال شروع ہون توں پہلوں چُک لَے جان گے ۔ پر اِنج نئیں ہونا۔پاک کلام دے مطابق بولدیاں ہویاں ، لوک وڈے دکھاں دے ستاں ورہیاں دے زمانے وچوں پورے پہلے ساڈھے تِن ورہیاں تیکر خوشخبری نوں سُننا تے مکتی یافتہ ہونا جاری رکھن گے ۔ فیر مُخالفِ مسیح نکلے گا ، پاک لوک شہید ہون گے ، تے اوہناں دے جیوں اٹھن تے چُکے جان دے بعدوں مسیح دا یعنی لیلے دے ویاہ دا جشن پاک لوکاں نوں اوہدے نال ہزار ورہیاں تیکر بادشاہی کرن دی اجازت دیندے ہویاں ہووے گا ۔
پاک لوکاں نوں لازمی اپنی شہادت ، جیوں اٹھن تےچُکے جان دے زمانے بارے وچ ٹھیک پتہ ہونا چاہی دا اے ۔ ایس زمانے نوں جانیوں اڈ ، اوہ اپنی پریشانی وچ اوارہ پھر دے تے ایس وچ روحانی طریقے نال مردے رہن گے ۔
اوہ جیہڑے اخیری زمانے دے بارے وچ خُدا دی دُوراندیشی دا ٹھیک پتہ رکھدے نیں اپنی جیوں
اُٹھن تے چُکے جان دی آس رکھدے نیں، تے سچے دلوں خوشخبری دی سیوا کرن گے ۔ اوہ جیہڑے جان دے نیں پئی ایس زمین اُتے کوئی اُمید نیں اے ،اوہناں نوں لازمی اوہو ای اُمید رکھنی چاہی دی اے یعنی جویں نویں سریوں جمےہوئے لوکاں دی پانی تے روح دی خوشخبری اُتے ایمان رکھن دے راہیں اُمید اے ۔ تے پاک لوک خُدا دے کلام اُتے ایمان رکھن دے سببوں شہید ہوندے نیں ۔
ایمان جیہڑا ویلے دی پچھان کر سکدا اے ایہناں دناں وچ بوہت لوڑی دا اے ۔ ڈراؤنیاں آفتاں تے دکھاں دے ساری دُنیا اُتے آؤن تے مُخالفِ مسیح دے نکلن دا زمانہ تقریباً آگیا اے ۔ ہُن اپنی نیندروں جاگن دا ویلا اے ۔ سانوں لازمی ایہنوں دل وچ رکھنا چاہی دا اے پئی سانوں تقریباً وڈے دکھاں دیاں ساریاں مصیبتاں وچوں لنگھنا اے ۔ تے ایہہ بوہت ضروری اے پئی اسیں مسیح دے پرت کے آؤن اُتے ، اپنے جیوں اٹھن تے چُکے جان اُتے ،تے مسیح نال لیلے دے ویاہ دے جشن وچ اپنے شامل ہون اُتے ایمان رکھیے ۔ ایس زمانے وچ سانوں بوہت ٹھیک ایمان رکھن لئی ، لازمی پانی تے روح دی خوشخبری دی بیڑی وچ وڑنا چاہی دا اے ۔
میَں آس رکھدا ہاں تے دعامنگدا ہاں پئی ایس موجودہ زمانے نوں جانن دے سببوں ، تُسیں اوہو ای ایمان رکھوگے جیہدی چھیتی نال لوڑ اے تے ایس زمانے لئی بوہت مناسب ایمان اے ۔
Copyright © 2021 by The New Life Mission