कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है।
प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।
विषय १: पानी और आत्मा से नया जन्म पाना
1-25. کیہ تُسیں ایویں نہیں سوچ دے پئی یسوُع دے بپتسمہ نُوں مکتی لئی بوہت خاص سمجھن نال خوشخبری وِچ اوہدی صلیبی موت دی نفی ہوجاوےگی ؟
یسوُع دا بپتسمہ تے اوہدی صلیبی موت ساڈی مکتی لئی برابر اہمیت رکھدے نیں ۔ اَسیں ایہہ نئیں آکھ سکدے پئی اِک دُوجےنالوں بوہتا ضروری اے ۔پر ،اوکھل ایہہ ہے پئی اَج کل بوہت سارے مسیِحی لوک صلیب اُتے وگن والے خون توں ای واقف نیں۔ اوہناں دا یقین ایہہ ہے پئی اوہناں
نُوں یسوُع دے صلیب اُتے جان دین دے سبب معافی ملی اے، پر ایہہ صِرف صلیب ای نئیں جیہدےذریعے یسوُع نے دُنیا دا پاپ چُک لیا۔جس ویلے اوہنے یوحنا اصطباغی کولوں بپتسمہ لیا، اوہنے دُنیا دے سارے پاپ اپنے اُتے چُک لئے، اوہدی صلیبی موت ساڈے سارے پاپاں دی عملی سزاسی ۔
یسوُع دے بپتسمہ دے اَڈ صرف صلیب اُتے ایمان لیانا ایہہ اجیہا اے جِویں قربانی اُتے ہتھ رکھن دے اََڈ اوہنوں خُداوند دے حضور چڑھانا۔اجیہی قربانی چڑھان والے لوک رہائی حاصل نہیں کرسکدے سَن ایس لئی پئی ایہہ شریعت دے خلاف قربانی سی ، جِنھوں خُداوند خُدا قبول نئیں کرسکداسی، خُداوند نے موسیٰ نُوں بلایا تے خیمہ ء اِجتماع وِچوں اوہنوں ایہہ دَسدے ہویاں کلام کیتا ، ”جے اوہدا چڑھاواگاں وَچھے دی سوختنی قربانی ہووے تے اوہ بے عیب نَر نُوں لے کے اوہنوں خیمہ ء اِجتماع دے بوہے اُتے چڑھائے تاں پئی اوہ خُود خُداوند دے حضُور مقبول ٹھہرے۔تے اوہ سوختنی قربانی دے پسُو دے سِر اُتے اپنا ہتھ رکھے تے فیر اوہ اوہدے وَلوں مقبول ہووےگا تاں پئی اوہدے لئی کفّارہ ہووے۔ “ (احبار۱:۳۔۴)۔
خُداسچاتے اصول پسند اے ۔اوہنے ساڈے پاپ دُورکرن لئی قربانی دے سچے نظام نوں قائم کیتا۔جد اَسیں شریعت دے مطابق قربانی چڑھاندے آں،تے اوہ قربانی خُداوند دے حضُور ساڈے کفارے دے طورتے قبول کیتی جاندی اے ۔ ہتھ رکھن دے اَڈ ،کوئی قربانی خُدادے حضُور قبول نئیں ہو سکدی ۔ ایسے طرحاں ،جے اَسیں اوہدے اُتے اپنے ایمان وِچوں یسوُع دا بپتسمہ کڈھ دیندے آں، تے اَسیں ایس قِسم دے ایمان نال پاپاں دی معافی حاصل نہیں کرسکدے ۔
بوہت سارے لوک ایس قِسم دے بوہت مظالطیاں داشکارہوجاندےنیں پئی اوہناں دے ایمان دےمطابق جے اوہ صِرف یسوُع دے مکتی داتاہون دااِقرار کردے نیں تے اوہ مکتی حاصل کر سکدے نیں ، ایس لئی پئی خُداوند محبت اے ۔کلام ِ مقدّس بے شک فرماؤندااے ، ” جیہڑاوی خُداوند دانام لوےاوہ مکتی پاوے گا۔ “ (اعمال ۲:۲۱، رومیوں۱۰:۱۳)،جد پئی ایہہ سانُوں ایہہ وی دَسدااے پئی ” جیہڑے مینوں اَے خُداوند! اَے خُداوند!آکھدے نیں اوہناں وِچوں ہر اِک اَسمان دی بادشاہی وِچ داخل نہ ہووے گاپراوہوای جیہڑا میرے اَسمانی باپ دی مرضی اُتے چلدااے۔“ (متی ۷:۲۱)۔
یسوُع دے مکتی داتا ہون دا اِقرار کرن لئی سانُوں مکتی دی ایس شریعت نال واقف ہونا چاہی دا
اے جنہوں خُدانیں قائم کیتا اے ۔جے اَسیں صِرف یسوُع اُتے ایمان لیان دے سبب مکتی حاصل کرسکدے تے پُرانے عہد نامہ دِیاں قربانیاں دے نظام دے بارے آیتاں تے متی ۷:۲۱وِچ شریعت نُوں خراب کرن والیاں دے بارے آیتاں لکھن دی کوئی لوڑ نہ ہوندی ۔
پربائبل مقدّس وِچ خُداوند دی اَچرج مکتی تے کامل طریقےذِکر مِلدااے ۔ بے شک ، اَسیں احبار۳،۴باباں وِچ واضح طورتے ویکھ سکدے آں پئی اِک پاپی اپنے پاپاں نُوں قربانی دے پسُو اُتے لدن لئی اوہدے سِراُتے اپنےہتھ رکھداتے اوہنوں ذبح کردینداتے فیر پاپ تے شانتی دی قربانی چڑھاندا تے
اوہداخون چھڑکداسی ۔ ہتھ رکھیوں اَڈیاں عیب دار قربانی چڑھانا کفّارہ لئی بوہت غیر شرعی سی ۔
پُرانے عہد نامہ تے نویں عہدنامہ دونواں وِچ اِک معنی پایاجاندااے (یسعیاہ ۳۴:۱۶)۔ یسوُع دا یردن وِچ بپتسمہ لینا پُرانے عہد نامہ وِچ اِک پاپی دا پاپ دی قربانی دے پسُو دے سِر اُتے ہتھ رکھن دے برابر اے۔ جِویں یسوُع نیں یردن وِچ یوحنا اصطباغی کولوں بپتسمہ لیا تے اوہنے آکھیا ، ” ہُن تُوں ہون ای دے کیوں جے سانُوں ایسے طرحاں ساری راستبازی پوری کرنا مناسب اے۔“ (متی ۳:۱۵)۔
ایتھے ، ” ساری راستبازی “ توں مُراد ” سچیائی تے اِنصاف “ اے ۔ایہدامطلب اے پئی یسوُع لئی ساری اِنسانی ذات لئی پاپ دی قربانی بننا مناسب سی ۔ایہہ وی اوہدے لئی مناسب سی پئی اوہ قربانیاں دے نظام ،جیہدی بنیاد ہتھ رکھن تے خون اُتے سی ، جنہوں خُدا نیں پُرانے عہد نامہ وِچ قائم کیتاسی ، اوہدے عین مطابق دُنیا دے سارے پاپاں نُوں دُور کرن لئی ہتھ رکھن دی صورت وِچ یوحنا اصطباغی کولوں بپتسمہ لوے۔
نتیجے دے طورتے، صِرف صلیب اُتے ایمان رکھنا اِنج ہےپئی اوس دی موت نُوں ساڈے پاپاں نال کجھ نئیں کرنا سی کیوں جے ساڈے پاپ کدی وی یسوُع دے بپتسمہ توں اَڈ اوہدے اُتے منتقل نئیں ہوسکدے سَن ۔ ایہہ اوس دے خون نُوں ناپاک تے اوہنے دھون دے نااہل دے طورتے خیال کرنا سی(عبرانیوں ۱۰:۲۹)۔
ایویں ، جے ایماندار ایہہ ایمان رکھدے نیں پئی جدوں یوحنا اصطباغی نیں یسوُع اُتے ہتھ رکھے تے ساڈے پاپ اوہدے تے لد دِتے گئے ،تے ایسے صورت وِچ اوس دا خون ایمان داراں دے دِلاں وچ پائےجان والے پاپاں نُوں دھون لئی مؤثر ثابت ہوندااے۔ ایس طرحاں یوحنا رسوُل نیں گواہی دِتی پئی دُنیانُوں مغلوب کرن والا کون اے سِوا اوس شخص دے جیہدا ایہہ ایمان ہے پئی یسوُع خُدادا پُتر اے ؟ایہوای اے جیہڑا پانی تے خون دے راہیں آیا سی یعنی یسوُع مسیِح ۔اوہ نہ صِرف پانی دے راہیں سگوں پانی تے خون دونواں دے راہیں آیا سی ۔ (۱۔یوحنا ۵:۴۔۶)۔
یسوُع مسیِح نے اپنے بارے ساریاں گلاں سارے نوِشتیاں وِچوں اپنے چیلیاں اُتے واضح کیتیاں۔ موسیٰ تے سارےنبیاں توں لے کے اوہنے واضح کیتا پئی پُرانے عہد نامہ وِچ پائی جان والی پاپ دی قربانی خُود اوہوسی ۔داؤد زبور وِچ اِک تھاں اُتےبیان کردااے، ” ویکھ ! میں آیا آں۔(کتاب دے ورقیاں وِچ میری نسبت لِکھیا ہویا اے ) تاں پئی اَے خُدا! تیری مرضی پوری کراں ۔ “ (زبور ۴۰:۷،عبرانیوں ۱۰:۷)۔
نتیجے وِچ ،اوہدا بپتسمہ صلیب دا اِنکار نئیں کرداسگوں خُداوند دی سچی مکتی دا ضروُری حصہ اے جیہڑا مکمل تے صلیب دے معنی نُوں پوراکردااے ۔ ایہہ سانُوں ایہہ وی سکھاندا اے پئی اَسیں اودوں تیک مکتی حاصل نئیں کرسکدے جد تیک یسوُع مسیِح دا بپتسمہ تے اَنمُلّا خون موجود نئیں اے ۔تُہانوں مکتی پاؤن لئی جیہدا مطلب ایہہ ہے پئی تُسیں یسوُع مسیِح دےبپتسمہ تے صلیبی خون اُتے ایمان رکھن دے راہیں پاپاں دی معافی حاصل کردے او تےرُوح القدّس دی بخشش پاندے او(۱۔یوحنا ۵:۸،اعمال ۲:۳۸)۔
Copyright © 2021 by The New Life Mission