कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है।
प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।
विषय २: पवित्र आत्मा
2-8. پاک رُوح دا بپتسمہ پاؤن دا کیہ مطلب اے ؟
سانوں یسوع دے بپتسمے دے سبب نوں جانن دی لوڑی ہیگی اے ۔پولُس نے کئی افسیوں دے اَگے یسوع دے بپتسمے دی خوشخبری دی منادی کیتی ۔جدوں اوہنے سنیا پئی اوہناں نیں صرف ” یوحنا دا بپتسمہ “ لیا سی ۔ اوہناں نو ں یسوع مسیح دے ناں اُتے بپتسمے دتا گیا سی تے اپنے دلاں وچ ایمان رکھ کے پئی پولُس نے یسوع دے بپتسمے بارے ایہہ آکھیا ، اوہناں پاک رُوح پایا ۔اوس بپتسمے دے قدرت جیہڑا یسوع نے یوحنا کولوں لیا ،یوحنا دےتوبہ دے بپتسمے توں وکھری ہیگی سی ۔ یسوع دا بپتسمے پاپاں نوں دھون لئی سی ، جیہڑا سدھا ساڈے پاک رُوح پاؤن نال جُڑیا ہویا اے ۔
فیر یوحنا دے بپتسمہ دی قدرت کیہ ہیگی سی ؟ اوہنے رولا پایا ، ” توبہ کرو ، اَے سپ دے بچیو ! دوجے خُداواں نوں چھڈو جیہدی تسیں خدمت کیتی سی ،تے سچے خُدا ول پرتو۔ “ اوہدا بپتسمہ توبہ دا بپتسمہ سی ،جنہے لوکاں نوں خُداول پرتن دے لائق بنایا سی ۔ فیر وی ، بپتسمہ جیہڑا یسوع نے یوحنا کولوں لیا سی ، اوہدے لئی جگ دے سارے پاپاں نوں چُکن لئی سی ۔ ایہہ یوحنا دے بپتسمے تے یوحنا کولوں یسوع دے بپتسمے وچکار فرق ہیگااے ۔ یسوع دا بپتسمہ ساری راستبازی نوں پوریاں کرن لئی سی ۔
فیر کیہڑ ا بپتسمہ ہیگااے جنہے ساری راستبازی پوری کیتی اے ؟ ایہہ اوہ بپتسمہ ہیگا اے جیہدے راہیں یسوع نے آدم توں شروع کر کے جگ دے آخری بندے تیک انسانی پیڑھی دے سارے پاپاں نوں چُک لیا ۔ دوجے اَکھراں وچ ، یوحنا کولوں یسوع دا بپتسمہ ساری راستبازی نوں پوریاں کرنا سی ۔
ساری راستبازی پوریاں کرن دا مطلب ہیگااے پئی خُدا نے اپنے پُتر نوں اوہدے اُتے جگ دے سارے پاپ لد ن لئی یوحنا کولوں بپتسمہ لین دی اجازت دتی ،تاں پئی اوہ ساڈے لئی سولی اُتے چڑھ کے دُکھڑے جرے ۔ خُدا نے یسوع نوں مویاں وچوں جیونداکیتا تے سارے ایمانداراں نوں پاک کیتا ۔
ایہہ ساری انسانی پیڑھی لئی کیتا گیا سی ۔ یسوع دا بپتسمہ تے اوہدا صلیبی لہو ساڈے لئی ہمیش دی حیاتی ،ساڈے سارے پاپاں دی معافی تے خُدا نال ہمیش تیک جیوندے رہن دے ویلا لیائے نیں ۔ ایہہ ساری انسانی پیڑھی لئی خُدا دی راستبازی ، محبت تے مکتی اے ۔ ایتھے اسیں پک کردے آں پئی پاک رُوح دا بپتسمہ،یسوع دے بپتسمے تے اوہدے صلیبی لہو نال پورا کیتا گیا سی ۔
یسوع مسیح دے ناں اُتے بپتسمہ لین دے سلسلے وچ ، سانوں ایمان رکھن لئی گواہی دین دی لوڑ ہیگی اے پئی ایس جگ دے سارے پاپ اوہدے بپتسمہ دے راہیں یسوع اُتے لد دتے گئے سَن ۔ ہر کوئی جیہڑا یسوع دے بپتسمہ تے اوہدے صلیبی لہو اُتے ایمان رکھن دے راہیں پاپاں توں معافی پا چُکیا اے ، اوہنوں یسوع مسیح دے ناں اُتے بپتسمہ لینا چاہی دااے ۔
ایس لئی ،اسیں اپنے ایمان دے ثبوت دے طور اُتے یسوع دے بپتسمہ اُتے تے اوہدے حکم فرماؤن دے مطابق ، ” ایس لئی تسیں جا کے ساریاں قوماں نوں چیلے بناوو تے اوہناں نوں باپ تے پُتر تے پاک رُوح دے ناں نال بپتسمہ دیوو۔ “ (متی ۲۸:۱۹) بپتسمہ لیندے آں ۔ یسوع نے جگ دے سارے پاپاں نوں چُکن لئی یوحنا کولوں بپتسمہ لیا سی ،تے کیوں جے ایہہ سچیائی لوکاں دی پاک رُوح پاؤن وچ اَگوائی کردی اے ،ایس لئی ایہنوں پاک رُوح دا بپتسمہ وی آکھدے نیں ۔
Copyright © 2021 by The New Life Mission