कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है।
प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।
विषय ३: प्रकाशितवाक्य
3-2. اوہ دو گواہ کون نیں جیہڑے باب ۱۱ وچ ظاہر ہوندے نیں ؟
اوہ دو گواہ جیہڑے باب ۱۱ وچ ظاہر ہوندے نیں خُدادے دو خادم نیں جنہاں نوں خُدا اخیری زمانے وچ اسرائیل دے لوکاں نوں بچان لئی خاص کر کے اُٹھا کھلارے گا ۔ ابرہام نال کیتا گیا وعدہ پورا کرن لئی ، خُدا ایہناں دو نبیاں نوں جیہڑے اسرائیلیاں نوں پاپ توں چھڈان لئی گھلے جان گے نشان تے معجزے وکھان دے لائق کرے گا، تے اسرائیلیاں نوں ، اوہناں دی اگوائی دے سبب ، یسوع مسیح ول پرتائے گا تے اپنے مکتی داتا وانگر اوہدے اُتے ایمان رکھوائے گا ۔ ایہہ دو گواہ اسرائیل دے لوکاں دی اک ہزار دو سو سٹھ دناں تیکر—یعنی ،وڈے دکھ جرن دے ستاں ورہیاں دے زمانے وچوں پہلے ساڈھے تِن ورہیاں تیکر خُدا دے کلام نال پالنا کرن گے ۔ اسرائیلیاں وچ پانی تے رُوح دی خوشخبری ودھان تے ایہناں دو گواہاں دے سبب اوہناں نوں ایمان لیاؤن دے لائق کرن دے سبب ، خُدا اسرائیلیاں نوں اوہو ای مکتی دیوے گا جیہڑی اوہ اوپریاں قوماں نوں دے چُکیا اے ، بالکل جویں اخیری دسے گئے ایمان دے راہیں اپنے سارے پاپاں توں مکتی یافتہ ہوئے سن ۔
مُکاشفہ۱۱ :۴فرماندا اے۔ ” ایہہ اوہ ای زَیتُون دے دو بُوٹے تے دو دیوے نیں جیہڑے زمین دے خُداوند دے سامھنے کھلوتے نیں۔ “ ایہناں دو زیتون دے بوٹیاں اُتے بوہت ساریاں وکھ وکھ تفسیراں نیں ؛ کئی لوک ایتھوں تیکر پئی دعویٰ کردے نیں پئی اوہ آپ زیتون دے بوٹے نیں ۔ زیتون دے بوٹےمسح کیتے ہوئے لوکاں بارے دسدے نیں ۔ پُرانے عہد نامے دے زمانے وچ ، لوک مسح کیتے جاندے سن جد اوہ نبیاں ، بادشاہاں یا کاہناں وانگر مخصوص ہوندے سن ۔ اوہناں اُتے پاک رُوح اُتردا سی جد اوہ مسح کیتے جاندے سن ۔ ایسے طرح ، زیتون دا بوٹایسوع مسیح بارے وی دسدا اے ، جیہڑا پاک روح نال جمیا سی تھا (رومیوں۱۱: ۱۷)۔
تاہم، مُکاشفہ ۱:۱۱ اُتے دھیان کردے ہویاں—” تے مَینُوں ڈنڈے وانگر اِک کانا دِتّا گیا تے کِسے آکھیا پئی اُٹھ کے خُدا دی ہیکل تے قُربان گاہ تے اوہدے وِچ بندگی کرن والیاں نُوں کچّھ۔ “— سانوں سوچنا چاہی دا اے پئی باب ۱۱ دا خاص نقطہ اسرائیل دے لوکاں دی مکتی اُتے ہیگا اے ۔دوجے اکھراں وچ ، ایس ویلے توں ، اسرائیلیاں وچ پانی تے رُوح دی خوشخبری نوں ودھان ، یسوع مسیح ولوں دتے گئے مکتی دے فضل دے راہیں اپنے سارے پاپاں توں اوہناں دے چھڈائے جان ، تے اوہناں نوں خُدا دے کھرے لوک بنن دا کم شروع ہو جائے گا ۔ ایس لئی ، دوگواہ خُدا دے دو نبی نیں جنہاں نوں اوہ اخیری زمانے وچ اسرائیل دے لوکاں نوں بچان لئی اُٹھا کھلارے گا ۔
پاک کلام وچ، دیوا خُدا دی کلیسیا بارے دسدا اے ۔ایسے طرح ، دو دیوے اوپریاں قوماں تے اسرائیل لئی دتی گئی کلیسیا دے وچکار موجود خُدا دی کلیسیا بارے دسدے نیں ۔ خُدا صرف اسرائیلیاں دا ای خُدا نئیں ، سگوں اوہ اوپریاں قوماں دا وی خُدا اے ، ایس لئی پئی اوہ ہر کسے دا خُدا اے ۔ ایسے طرح ، اِکو جیہا اسرائیلیاں تے اوپریاں قوماں وچکار ، خُدا اوہناں دونواں وچ اپنی کلیسیا بنا چُکیا اے، تے اپنی کلیسیا دے راہیں اوہ لوکاں نوں پاپ توں بچان دا کم بالکل اخیری دن تیکر کردا اے ۔
ایس لئی پئی پُرانے عہد نامے دےزمانے وچ ، اسرائیلی خُدا دی شریعت دے راہیں مقرر کیتے گئے نبی رکھدے سن ، تے اوہناں دے راہیں اوہناں نیں خُدا دا کلام سُنیا ۔ اوہناں دے کول موسیٰ تے نبیاں دی شریعت اے ۔ایسے طرح ، اوہ قربانی دے طریقے دے بارے تے پُرانے عہد نامے دی پیشین گوئیاں دے بارے ہر شے جان دے نیں ۔ تےایس لئی اوہناں نوں خُدا دے ایہو جیہے نبیاں دی ضرورت اے جیہڑے اوہناں دے اپنے لوکاں توں مخصوص کیتے جان گے ۔
اوہ ایہہ وی ایمان رکھدے نیں پئی اوہ خُدا دے چُنےہوئے لوک نیں ،تے ایس لئی جد اوپری قوم دے لوک اوہناں نوں خُدا دے کلام دے بارے دسدے نیں تاں اوہ ایہنوں سنجیدگی نال نئیں لیندے تے نا ای سُن دے نیں ۔ اِنج ، صرف جد پانی تے رُوح دی خوشخبری اُتے ایمان رکھن والے تے خُدا ولوں مقرر کیتے گئے نبی اوہناں دے خاص لوکاں وچوں اُٹھن گے فیر اوہ اخیریں یسوع مسیح نوں اپنے مکتی داتا وانگر قبول کرن گے تے ایمان رکھن گے ۔
ایس لئی خُدا آپ خود اسرائیل دے لوکاں وچوں دو نبیاں نوں قیم کرے گا تے اوہناں نوں اسرائیلیاں کول گھلے گا ۔ ایہہ نبی اصل وچ بوہت سارے معجزے کرن گے جیہڑے پُرانے عہد نامے وچ خُدا دے مشہورخادم پہلوں کر چُکے سن ۔ مُکاشفہ۱۱: ۵۔ ۶ سانوں دسدااے، ” تے جے کوئی اوہناں دا نُقصان کرنا چاہندا اے تے اوہناں دے مُنھ توں اَگ نِکل کے اوہناں دیاں وَیرِیاں نُوں کھا جاندی اے تے جے کوئی اوہناں دا نُقصان چاہے گا تاں اوہ ضرُور اِنجے ماریا جائے گا۔اوہناں نُوں اختیار اے۔ پئی اسمان نُوں بند کر دین تاں جو اوہناں دی نبُوّت دے زمانے وِچ مینہ نا وَسّے تے پانیاں اُتّے اوہناں دا اختیار اے پئی اوہناں نُوں لہو بنا دین تے جِنّی وار اوہناں دا دِل کرے۔ زمین اُتّے ہر طرح دی بلا لیاؤن۔“
جد تیکر خُدا دے ایہہ خادم اسرائیل دے لوکاں لئی ایہو جیہی طاقت نئیں رکھن گے ، اسرائیلی توبہ نئیں کرن گے ، تے ایس لئی خُدا دوگواہاں نوں اپنی طاقت دے کپڑے پواوے گا ۔ خُدا دوگواہاں نوں اپنی خاص طاقت دیوے گا ، تاں پئی اوہ اسرائیلیاں دے اگے سارے نبُوّتی کلام دی منادی کر سکن ، تے اوہناں دی گواہی دین تے اوہناں نوں ایمان رکھن دے لائق کرن پئی یسوع مسیح اوہناں دا بوہت چر توں اڈیکن ہار مسیحا ا ے ۔ اصل وچ ایہناں دو گواہاں دے راہیں کیتے گئے اچرج کم ویکھ کے ، فیر اسرائیلی اوہناں دی سُنن گے تے یسوع مسیح ول پرتن گے ۔
جد دو گواہ اسرائیلیاں دے اگے خوشخبری ودھان دا کم پورا کر لین گے ، تاں مخالفِ مسیح ایس زمین اُتے آئے گا ، تے اوہناں دی خوشخبری دی منادی دے خلاف کھلوئے گا ، تے اوہناں نوں شہید کرائے گا ۔ مُکاشفہ۱۱ :۸ ہمیں بتاتا ہے،” تے اوہناں دِیاں لاشاں اوس وڈّے شہر دے بازار وِچ پئیاں رہن گِیاں جیہڑا رُوحانی طَور نال سدُوم تے مِصر اکھواؤندا اے جِتّھے اوہناں دا خُداوند وی صلِیب دِتّا گیا سی۔“
سارے اسرائیلیاں دے اگے خوشخبری دی منادی کرن دے بعدوں تے اِنج اپنے بلاوےدا سارا کم کرن دے بعدوں ، فیر دو گواہ اوس تھاں اُتے شہید ہون گے جتھے پہلوں یسوع سولی اُتے مویا سی ۔ ایہہ سچیائی ایس معنی نوں دوبارہ زندہ کردی اے پئی ایہہ دو گواہ اسرائیلیاں وچوں نیں ۔ اسرائیل دے لوکاں لئی ، اوہ خُدا دے خادم نیں ۔
نتیجے طور نال خُدا اپنے دو نبیاں نوں اسرائیلیاں وچ گواہی لئی اٹھا کھلارے گا ، جیہڑے یسوع مسیح اُتے ایمان رکھن توں مکر گئے نیں تے اوہنوں رد کرچُکے نیں ، تے جیہڑے رُوحانی طورنال صدوم تے مصر وانگر نیں ، یعنی یسوع اصل وچ اوہناں دا بوہت چر توں اڈیکن ہار مسیحا اے ،تے ایہناں دو گواہاں دے راہیں اوہدے قدرت دے کپڑے پا کے ، خُدا اسرائیلیاں نوں یسوع اُتے ایمان رکھن دے لائق کرے گا ۔
Copyright © 2021 by The New Life Mission