Search
हिन्दी
हिन्दी
कोविड-19 और आंतरराष्ट्रीय डाक सेवा में रुकावट की वजह से हमने कुछ समय के लिए 'निःशुल्क मुद्रित किताबों की सेवकाई' को निलंबित किया हुआ है।
इन परिस्थितियों को देखते हुए हम इस समय आपको किताबें भेजने में असमर्थ है। प्रार्थना करे कि यह महामारी जल्द ही खत्म हो जाए और डाक सेवा फिर से शुरू हो जाए।

मसीही विश्वास पर पूछे गए ज्यादातर प्रश्न

विषय ४: हमारी किताब के पाठकों की ओर से ज्यादातर पूछे गए प्रश्न

4-3. تُسیں دعویٰ کردے او پئی بپتسمے دا مطلب

یسوع نے آکھیا ، " حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ تَد اوس ہون دِتّا۔" (متی 3: 15)۔ایتھے ، پُرانی یونانی وچ "ساری راستبازی" `dikaiosune` اے ، جیہدا مطلب بالکل ٹھیک اے۔ ایہدا مطلب ایہہ ہیگا اے پئی  یسوع نے سارے لوکاں نوں بوھت چنگے طریقے نال بچایا اے۔
ایتھے ، سانوں ایہہ سوچن دی لوڑ اے پئی یسوع نوں شریعت وچ قربانی دے بندوبست مطابق اپنے آپ نوں پاپ دی قربانی وانگر قربان کرن لئی کیہ کرنا چاہی داسی۔ اوہ شریعت نوں مکاؤن لئی نہیں آیا اے ، سگوں شریعت نوں پورا کرن لئی آیا اے۔ اوھنے متّی 5: 17 وچ ایس طرحاں آکھیا۔ "ایہہ خیال نا کرو پئی مَیں توریت نُوں یا پیغمبراں نُوں کھنڈن آیا۔ مَیں کھنڈن نئیں سگوں پُوریاں کرن نُوں آیا آں۔"
اِیس لئی، ایہہ یسوع لئی لازمی سی پئی اوہ یوحنا بپتسمہ دین والے کولوں ھتھاں دے رکھے جان نال بپتسمہ لوے تے جگ دے سارے پاپاں نوں اوسے طرح اپنے اُتے چُک لوے جویں وڈے کاہن ہارون نے ایک بکرے دے سر اُتے اپنے ہتھاں نوں رکھیا تے فدیے دے دیہاڑے بنی اسرائیل دے پورے ورھےدے پاپ اوھدے اُتے لد دتے ۔ ایہہ ہمیشگی داعہد سی (احبار 16: 34)۔
باپ دے ہمیشگی دے عہد نوں چلدیاں رکھن لئی ، یسوع ، پُتر، نے یوحنا بپتسمہ دین والے توں بپتسمہ لیا ، جیہڑا ہارون وڈے کاہن دے خنوادے تے جگ دا سب توں وڈا آدمی سی (لوقا 1: 5 ، متّی 11: 11)۔ یوحنا بپتسمہ دین والے نوں یسوع دے سر اُتے ہتھاں دے رکھن دے راھیں  سارے لوکاں دے  پاپاں نوں لدنا پیناسی ایس لئی  اوہ سارے لوکاں دے نمائندے وانگر دھرتی دا وڈا کاہن سی۔
ایسے لئی یوحنا 1: 6-8 اِنج دسدا اے۔ " اِک بندہ خُدا دا گھلّیا ہویا سی۔ اوہدا ناں یُوحنّا سی۔ اوہ گواہی دے لئی آیا پئی چانن دی بابت گواہی دے۔ تاں جو سبھ لوک اوہدی راہِیں اِیمان لیاؤن۔ اوہ چانن اوہ آپ نئیں سی پر اوس چانن دی گواہی دین آیا سی۔" یسعیاہ 53: 6 وی ایہہ دسدا اے ، "خُداوند نے ساڈے ساریاں دی بدکرداری اوھدے اُتے لدی" ایسے لئی خدا نے یسوع توں چھ مہینے پہلوں یوحنا بپتسمہ دین والا ، اپنا پیغمبر گھلیا سی۔ یوحنا بپتسمہ دین والے نے آکھیا ، یسوع نوں بپتسمہ دین دے دوجے ای دیہاڑے آکھیا " ویکھو خُدا دا برّہ جیہڑا دُنیا دا گُناہ چُک لے جاندا اے،" (یوحنا 1: 29)
پرانے عہد نامے وچ ، بے پاپ قربانی تے ہتھاں دا رکھیا جانا تے اوھدا لہو لین لئی اوھنوں قربان کرنا پاپیاں دے فدیے لئی لازمی نیں ۔ ایس لئی ایہہ یسوع  لئی بوھت چنگا سی پئی، اوہ پاک تے پاپ توں اَڈ خدا دے پُتروانگر ، خُدا دے عہد مطابق ساری راستبازی پوری کرن لئی یوحنا بپتسمہ دین والے توں ہتھ رکھواؤن  دے راھیں  بپتسمہ لوے تے سولی اُتے مرے ۔
سارے صحیفے پاک رُوح دے الہام نال  لکھے گئے سن ، اسیں ایہناں نوں صرف اپنے بدنی خیالاں نال نئیں سمجھ سکدے۔ ایس لئی سانوں پاک رُوح دی روشنی وچ ،لُکے ھوئے مطلب لبھنے چاھی دے نیں ، جیہڑے پئی  روحانی مطلب نیں ۔ ایس لئی پولوس نے آکھیا ، " لفظ مار سُٹّدے نیں پر رُوح جوالدی اے" (2 کرنتھیوں 3: 6)۔ اوھدا مطلب ایہہ ہیگا اے پئی سانوں اکھراں مطابق یقین نئیں کرنا چاہی دا ، سگوں اکھراں پیچھے لُکے ہوئے روحانی مطلب نوں سمجھنا چاہی دا اے۔
تے یسعیاہ 34: 16 دسدا اے  ، " تُسیں خُداوند دی کتاب وچ لبھوتے پڑھو۔ ایہناں وچوں اک وی گھٹ نہ ہووے گا تے کوئی بے ٹکانہ نہ ہووےگا ایس لئی پئی  میرے منہ نے ایہوای حکم دتا اے تے اوھدی رُوح نےایہناں نوں اکٹھیاں کیتا اے۔ "
خدا نے ایس طرحاں نئیں آکھیا: "یسوع نے اپنے بپتسمے راھیں  جگ دے سارے پاپاں نوں حاصل کیتا۔" پر ، اوھنے ساریاں صحیفیاں دے راھیں اکو ای سچیائی آکھی تےایہنوں انھیاں توں لُکا دتا جیہڑے اپنے اندرپاک رُوح نئیں رکھدے ۔ جدوں اسیں "ماں" آکھدے آں تاں،ساڈا مطلب اے پئی اوھنے مینوں جمیا اے تے حالے تیک مینوں پالیا اے۔ اکھر "ماں" دے بوہت سارے لُکے ھوئےمطلب نیں بھاویں ایہہ صرف اک اکھر اے۔ ایسے طرحاں ، "ساری راستبازی" دا روحانی مطلب اے پئی یسوع نے خدا دی شریعت  مطابق سارے پاپاں نوں  بوھتے چنگے تے ٹھیک طریقے نال جریا۔ سانوں اوس لُکے ھوئےرُوحانی مطلب نوں سمجھنا پوے گا۔
جے لوک آکھدے نیں پئی اوھنے سارے پاپاں نوں سولی اُتے چُکیا، تاں کیہ کوئی ایہوجیہی آیت ہیگی اے جیہڑی  اکھر و اکھری  ایس طرحاں آکھدی اے؟ میَں آس رکھدا ھاں پئی  ایہہ جواب تہاڈے لئی فائدے مند ہووے گا۔