Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

خطبات

Subject 10 : ការបើកសម្តែង (សេចក្តីអត្ថាធិប្បាយអំពីកណ្ឌវិវររណៈ)

[ជំពូក 4-2] ព្រះយេស៊ូវគឺជាព្រះ (វិវរណៈ ៤:១-១១)

ព្រះយេស៊ូវគឺជាព្រះ
(វិវរណៈ ៤:១-១១)

តាមរយៈ វិវរណៈ ៤ យើងអាចមើលឃើញពីលក្ខណៈនៃព្រះយេស៊ូវរបស់យើង ហើយតាមរយៈការយល់ដឹងនេះ សេចក្តីជំនឿរបស់យើងកាន់តែរឹងមាំឡើយ។ នៅពេលការយល់ដឹង ដែលយើងទទួលបានពីព្រះបន្ទូល ផ្លាស់ប្តូរទៅជាសេចក្តីជំនឿ និងត្រូវបានដាំនៅក្នុងចិត្តរបស់យើង យើងអាចតយុទ្ធ និងយកឈ្នះលើសាតាំងបាន ដោយសេចក្តីជំនឿរឹងមាំលើព្រះអម្ចាស់ នៅពេលទ្រង់ជិតយាងត្រឡប់មកវិញ ហើយពួកអាទទឹងនឹងព្រះគ្រីស្ទលេចមក និងគំរាមកំហែងយើង។
ឥឡូវនេះ យើងកំពុងតែថែបំប៉នសេចក្តីជំនឿរបស់យើង ដើម្បីឲ្យយើងអាចត្រៀមខ្លួនជាស្រេច សម្រាប់រយៈពេលបីឆ្នាំប្រាំមួយខែ សម្រាប់សេចក្តីទុក្ខវេទនាដ៏ធំ។ បើសិនយើងជួបថ្ងៃនោះ ដោយមិនមានការថែបំប៉ននេះទេ យើងពិតជានឹងបាត់បង់សេចក្តីជំនឿហើយ។ ប៉ុន្តែបើសិនយើងត្រៀមសេចក្តីជំនឿដ៏រឹងមាំ យើងអាចប្រកាសយ៉ាងក្លាហានថា ព្រះអង្គដែលបានសង្រ្គោះយើង គឺជាព្រះ និងថា យើងគឺជាកូននៃព្រះដ៏មានអំណាចព្រះចេស្តាខ្ពស់ជាងសាតាំង ទោះបើយើងត្រូវស្លាប់ក្នុងពេលដ៏ឆាប់ក៏ដោយ។
ប៉ុន្តែដើម្បីធ្វើដូច្នេះបាន ជាដំបូង យើងត្រូវតែជឿដោយអស់ពីចិត្តរបស់យើងថា ព្រះអម្ចាស់គឺជាព្រះដ៏មានព្រះចេស្តា និងថា យើងគឺជាកូនរបស់ទ្រង់។ ទោះបីជាមានឋានៈស្មើនឹងព្រះវរបិតាក៏ដោយ ក៏ព្រះអម្ចាស់របស់យើងពិតជាបានបន្ទាបខ្លួនយាងមកផែនដីនេះ ដើម្បីសង្រ្គោះយើងចេញពីអំពើបាបទាំងអស់ដែរ។ ទ្រង់បានយាងមក នៅក្នុងរូបភាពជាមនុស្ស និងអ្នកបម្រើដែលទាបជាងយើងដែលជាស្នាព្រះហស្តទ្រង់ទៅ ទៀត។ តើមានរឿងអ្វីកើតឡើង បើសិនព្រះអម្ចាស់យាងមក ដោយមិនបន្ទាបខ្លួនដូច្នេះ ប៉ុន្តែដោយអំណាចស្មើនឹងពួកអ្នកគ្រប់គ្រងលោកិយនេះ? ជាធម្មតា អ្នកមានអំណាចធ្វើជាមិត្តជាមួយតែអ្នកមានអំណាចប៉ុណ្ណោះ ហើយប្រើអំណាចរបស់ខ្លួនលើអ្នកតូចទាប អ្នកក្រីក្រ និងអ្នកខ្សោយ។ ប៉ុន្តែព្រះអម្ចាស់បានយាងមកផែនដីនេះ នៅក្នុងទម្រង់ទាបជាងយើងទៅទៀត ហើយបានធ្វើជាមិត្តជាមួយអ្នកតូចទាប និងអ្នកខ្សោយ ហើយបានយកពួកគេធ្វើជារាស្ត្ររបស់ទ្រង់ ដោយការសង្រ្គោះពួកគេចេញពីអំពើបាបរបស់ពួកគេ។ 
ហេតុនោះព្រះគឺជាអ្នកគង្វាលដ៏ល្អ និងព្រះអម្ចាស់ដ៏មានសេចក្តីមេត្តាករុណា។ ហើយទៅចំពោះអ្នកគង្វាលដ៏ល្អ និងពេញដោយសេចក្តីមេត្តាករុណា យើងត្រូវតែសរសើរតម្កើង និងថ្វាយសិរីល្អ សម្រាប់ការយកយើងធ្វើជាកូនរបស់ទ្រង់។ ដូច្នេះ ខណៈដែលកំពុងតែរស់នៅលើផែនដីនេះ យើងសរសើរតម្កើងព្រះអម្ចាស់ ដោយចិត្តរបស់យើង សម្រាប់ព្រះគុណ និងព្រះពររបស់ទ្រង់ ហើយយើងនឹងបន្តសរសើរតម្កើងទ្រង់ សម្រាប់អំណាចព្រះចេស្តា និងសិរីល្អរបស់ទ្រង់ នៅពេលយើងចូលទៅក្នុងនគររបស់ទ្រង់។ មានតែអ្នកដែលជឿតាមដំណឹងល្អអំពីទឹក និងព្រះវិញ្ញាណប៉ុណ្ណោះ ដែលអាចទទួលបានព្រះពរដ៏អស្ចារ្យនៃការចូលរួមសរសើរតម្កើងព្រះអម្ចាស់ ដោយសម្លេងរួមគ្នាតែមួយបាន។ ព្រះបានប្រទានព្រះពរដ៏អស្ចារ្យនេះដល់យើង ដែលជឿតាមដំណឹងល្អអំពីទឹក និងព្រះវិញ្ញាណហើយ។ ដូច្នេះ យើងមិនត្រូវភ្លេចទេថា យើងបានធ្វើជារាស្ត្រនៃព្រះដ៏មានអំណាចព្រះចេស្តា និងអ្នកបម្រើរបស់ទ្រង់ហើយ។
មនុស្សមួយចំនួននិយាយថា ព្រះយេស៊ូវគឺជាព្រះរាជបុត្រានៃព្រះ ប៉ុន្តែទ្រង់មិនមែនជាព្រះឡើយ។ ប៉ុន្តែដោយសារមនុស្សផ្តល់កំណើតដល់មនុស្ស ហើយសត្វព្រៃផ្តល់កំណើតដល់សត្វវព្រៃ ព្រះរាជបុត្រានៃព្រះក៏ជាព្រះដែរ។ ដូចដែលមនុស្សមិនអាចផ្តល់កំណើតដល់សត្វឆ្កែ ព្រះរាជបុត្រានៃព្រះដ៏មានអំណាចព្រះចេស្តាក៏មិនអាចជាមនុស្សដែលជាស្នាព្រះហស្តរបស់ទ្រង់បានដែរ។ អ្នកដែលមិនទទួលស្គាល់ថា ព្រះយេស៊ូវគឺជាព្រះ គឺជាអ្នកដែលមិនដឹងថា ទ្រង់បានសង្រ្គោះយើង ដោយទឹក និងព្រះវិញ្ញាណរបស់ទ្រង់ឡើយ។ 
យើងត្រូវតែជឿថា ព្រះយេស៊ូវគឺជាព្រះ (យ៉ូហាន ១:១)។ នៅពេលព្រះវរបិតាបានរៀបចំបល្ល័ង្កមួយសម្រាប់ព្រះយេស៊ូវគ្រីស្ទ និងប្រទានអំណាចព្រះចេស្តាទាំងអស់របស់ទ្រង់ដល់ព្រះយេស៊ូវ ដែលនឹងត្រូវមកនៅថ្ងៃជំនុំជម្រះ ហើយទ្រង់នឹងគង់នៅលើបល្ល័ង្ករបស់ទ្រង់អស់កល្បជានិច្ច ជាមួយនឹងអំណាចព្រះចេស្តានៃព្រះ ដើម្បីសោយរាជ្យលើទាំងអស់ និងជាមួយព្រះនៃស្នាព្រះហស្ត សេចក្តីសង្រ្គោះ និងការជំនុំជម្រះ។ ដោយសារយើងបានធ្វើជារាស្ត្ររបស់ទ្រង់ តាមរយៈជំនឿលើព្រះអម្ចាស់ យើងនឹងចូលទៅក្នុងនគររបស់ទ្រង់ ហើយរស់នៅទីនោះអស់កល្ប ជានិច្ច។ ព្រះយេស៊ូវជាព្រះ ដែលយើងជឿ ហើយយើងជាអ្នកដែលបានធ្វើជាកូនរបស់ព្រះ ដោយការទទួលសេចក្តីសង្រ្គោះរបស់យើងពីទ្រង់។ 
ពួកបរិសុទ្ធ អ្នកបម្រើការងារ និងអ្នកបម្រើរបស់ព្រះ ដែលបានកើតជាថ្មី ត្រូវតែមានមោទនភាព។ ទោះបីជាយើងមានទ្រព្យសម្បត្តិបន្តិចបន្តួចនៅក្នុងលោកិយនេះក៏ដោយ ក៏ក្នុងនាមជាកូនរបស់ព្រះ យើងត្រូវតែមានមោទនភាពជាស្តេច ដែលនឹងសោយរាជ្យលើចក្រវាលទាំងមូលដែរ។ ដូច្នេះ ខ្ញុំសូមអរព្រះគុណដល់ព្រះដ៏មានអំណាចព្រះចេស្តា សម្រាប់ការសង្រ្គោះយើងចេញពីអំពើបាបរបស់លោកិយនេះ និងការយកយើងធ្វើជាកូនរបស់ទ្រង់!
ការសរសើរតម្កើង ដែលពួកចាស់ទុំទាំង២៤នាក់បានថ្វាយទៅចំពោះព្រះ គឺសម្រាប់អ្វីដែលទ្រង់បានធ្វើនៅលើផែនដីនេះ។ ការសរសើរតម្កើងរបស់ពួកគេគឺថា ព្រះសមនឹងទទួលបានសិរីល្អ កិត្តិយស និងអំណាចទាំងអស់ ពីព្រោះគ្រប់ទាំងអស់ត្រូវបានបង្កើតឡើង ដោយសារទ្រង់ និងមាននៅ ដោយសារបំណងព្រះហឫទ័យទ្រង់។ 
អ្វីដែលយើងពិតជាត្រូវដឹងនៅទីនេះគឺថា ព្រះអង្គដែលគង់នៅលើ បល្ល័ង្ក គឺជាព្រះយេស៊ូវ និងថា ទ្រង់គឺជាព្រះ។ ព្រះយេស៊ូវគ្រីស្ទនេះ ដែលយើងជឿ គឺជាព្រះដ៏ពិត ដែលបានសង្រ្គោះយើង។ នៅលើគនរស្ថានសួគ៌ អំណាចព្រះចេស្តាទាំងអស់ គឺជារបស់ព្រះយេស៊ូវគ្រីស្ទដ៏ជាព្រះរបស់ យើង។ ក្នុងនាមជាព្រះអង្គសង្រ្គោះរបស់យើង ព្រះយេស៊ូវគ្រីស្ទនឹងបើកការជំនុំជម្រះចុងក្រោយផងដែរ។ នៅពេលព្រះគ្រីស្ទជំនុំជម្រះពីបល្ល័ង្ករបស់ទ្រង់ អ្នកដែលមានឈ្មោះកត់ទុកនៅក្នុងបញ្ជីជីវិត នឹងចូលទៅក្នុងផ្ទៃមេឃថ្មី និងផែនដីថ្មី ហើយអ្នកដែលមិនមានឈ្មោះនៅក្នុងបញ្ជីនេះ នឹងត្រូវបានបោះទម្លាក់ទៅក្នុងភ្លើងវិញ។ 
ដូច្នេះ ដែលមិនជឿលើព្រះយេស៊ូវ មានន័យថា មិនជឿលើព្រះ ហើយដែលមិនជឿលើព្រះ មានន័យថា កំពុងតែទាស់ប្រឆាំងនឹងព្រះ ហើយ។ ដូច្នេះហើយបានជាអ្នកដែលមិនជឿថា ព្រះយេស៊ូវគឺជាព្រះ ព្រះអង្គសង្រ្គោះ និងស្តេចនៃស្ថានសួគ៌ នឹងប្រឈមនឹងការជំនុំជម្រះដ៏ក្រៀវក្រោធនៅចំពោះព្រះ។ 
នៅក្នុងចំណោមអ្នកដែលជឿលើព្រះ មានក្រុមមួយឈ្មោះថា ស្មរបន្ទាល់ព្រះយេហូវ៉ា ដែលជឿយ៉ាងខុសថា ទោះបីជាព្រះយេស៊ូវគឺជាព្រះរាជបុត្រានៃព្រះក៏ដោយ ក៏អង្គទ្រង់ផ្ទាល់មិនមែនជាព្រះឡើយ។ ប៉ុន្តែបើសិនព្រះយេស៊ូវមិនមែនជាព្រះទេ ទ្រង់មិនអាចបានសង្រ្គោះយើងចេញពីអំពើបាបរបស់យើងបានឡើយ។ ដូច្នេះ ទ្រង់ត្រូវតែជាព្រះដ៏គ្រប់លក្ខណ៍ ដើម្បីប្រទានសេចក្តីសង្រ្គោះដ៏គ្រប់លក្ខណ៍ដល់យើង។ 
យើងខ្សោយខ្លាំងណាស់ រហូតដល់ចិត្តរបស់យើងផ្លាស់ប្តូរ យ៉ាងងាយ ទៅតាមការផ្លាស់ប្តូរនៃស្ថានភាព។ មូលហេតុដែលយើងអាចសរសើរតម្កើងព្រះយេស៊ូវគ្រីស្ទ ដែលជាព្រះដ៏គ្រប់លក្ខណ៍អស់កល្ប ជានិច្ចបានគឺថា ព្រះយេស៊ូវដែលគង់នៅយ៉ាងគ្រប់លក្ខណ៍អស់កល្ប ជានិច្ច បានធ្វើជាព្រះអង្គសង្រ្គោះដល់មនុស្សមានបាប។ មានតែអ្នកដែលបានសង្រ្គោះ តាមរយៈព្រះយេស៊ូវគ្រីស្ទដ៏ជាព្រះដ៏គ្រប់លក្ខណ៍ ដែលបានលាងសម្អាតអំពើបាបទាំងអស់ចេញ ទើបអាចសរសើរតម្កើងព្រះអម្ចាស់បាន។ ចិត្តគំនិតរបស់យើង និងសេចក្តីជំនឿរបស់យើងលើព្រះយេស៊ូវ គ្រីស្ទ មិនត្រូវដើរតាមសាសនាលោកិយនេះឡើយ។ នៅពេលយើងស្គាល់ និងចាត់ទុកព្រះយេស៊ូវជាព្រះ ហើយសេចក្តីជំនឿរបស់យើងលើទ្រង់ត្រឹមត្រូវ យើងអាចទទួលបានព្រះដ៏ពិតបានហើយ។ 
យើងត្រូវតែរស់នៅក្នុងសេចក្តីជំនឿ ដែលជឿថា ព្រះយេស៊ូវគឺជាព្រះអង្គសង្រ្គោះរបស់យើង ហើយតាមរយៈសេចក្តីជំនឿនេះ យើងអាចតយុទ្ធ និងយកឈ្នះលើខ្មាំងសត្រូវរបស់យើងបាន។ នៅក្នុងន័យផ្សេង នៅពេលយើងជឿលើព្រះយេស៊ូវ សេចក្តីជំនឿនេះនឹងធ្វើឲ្យសាតាំងភ័យញ័រ ហើយយើងអាចឈររឹងមាំ និងយកឈ្នះលើការល្បងល និងសេចក្តីទុក្ខវេទនា នៅថ្ងៃចុងក្រោយបាន។ ម៉្យាងវិញទៀត បើសិនយើងមិនជឿថា ព្រះយេស៊ូវគឺជាព្រះរបស់យើងទេ សាតាំងនឹងសើចចម្អកដាក់យើង ហើយអូសទាញយើងចេញពីសេចក្តីជំនឿរបស់យើង។
ដោយបានទទួលបល្ល័ង្ករបស់ទ្រង់ពីព្រះវរបិតា ព្រះយេស៊ូវគង់នៅលើបល្ល័ង្កនេះ ក្នុងនាមជាព្រះរបស់យើង។ តាមរយៈព្រះបន្ទូលនៃការបើកសម្តែង យើងបានដឹងថា ព្រះយេស៊ូវគឺជាព្រះដ៏មានអំណាចព្រះចេស្តា ដែលសោយរាជ្យលើទាំងអស់នៅក្នុងចក្រវាលទាំងមូល ពីព្រោះទ្រង់បានទទួលគ្រប់ទាំងអំណាចព្រះចេស្តាពីព្រះវរបិតា។ 
សេចក្តីជំនឿរបស់យើងតាមសេចក្តីពិតនេះ នឹងជួយឲ្យយើងអាចយកឈ្នះលើសាតាំង ដោយសេចក្តីក្លាហានបាន។ ដោយសារក្នុងនាមជាកូនរបស់ទ្រង់ យើងមានអំណាចសព្វានុភាពរបស់ព្រះនៅពីក្រោយ គ្មានអ្នកណាអាចយកឈ្នះយើងបានឡើយ ហើយយើងទាំងអស់គ្នាអាចយកឈ្នះនៅថ្ងៃចុងក្រោយ ដោយក្លាហាន និងមិនរង្គោះរង្គើរឡើយ។ ដូច្នេះ ខ្ញុំសូមអរព្រះគុណ និងសរសើរតម្កើងព្រះ សម្រាប់គ្រប់យ៉ាងដែលទ្រង់បានធ្វើសម្រាប់យើង!