Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

خطبات

مضمون 11: خیمۂ اِجتماع

[11-4] وجہ کیوں خُدا نے مُوسیٰ نوں سِینا دے پہاڑ اُتے بلایا <خر و ج ۱۹:۱۔۶>

وجہ کیوں خُدا نے مُوسیٰ نوں سِینا دے پہاڑ اُتے بلایا
>خر و ج ۱۹:۱۔۶<
”تےبنی اسرائیل نوں جد مصر دے ملکوں نکلیوں تِن مہنے ہوئے اوسے دن اوہ سِینا دے جنگل وچ آئے ۔تے جد اوہ رفیدیم توں ٹُر کے سیِنا  دے جنگل وچ آئے تاں جنگل وچ ای  ڈیرے لائے ۔ سو اوتھے ای پہاڑ دے اگے اسرائیلیاں دے ڈیرے لگے ۔ تے مُوسیٰ اوس اُتے چڑھ کے خُدا کول گیا تے خُداوند نے اوہنوں پہاڑ اُتے بلا کے آکھیا پئی تُو یعقوب دے خنوادے نوں اِنج آکھ تے بنی اسرائیل نوں ایہہ سُنا دے ۔ پئی تسیں ویکھیا پئی مَیں مصریاں نال کیہ کیہ کیتا تے تہانوں جویں عُقاب دے پراں اُتے بٹھا کے اپنے کول لَے آیا ۔ سوہُن جے تسیں میری گل منو تے میرے وعدے اُتے چلو تاں ساریاں قوماں وچوں تسیں ای میری خاص ملکیت بنو گے  ایس لئی پئی ساری دھرتی میری اے ۔ تے تسیں میرے لئی کاہناں دی اک بادشاہی تے اک پاک قوم ہوووگے ۔ ایہناں ای گلاں نوں تُو بنی اسرائیل نوں سُنا دئیں ۔ “
 
 

خُدا نے اسرائیل دے لوکاں نوں کیوں چُنیا؟

 
ایہہ خاص حوالہ خروج  ۱۹: ۱ ۔ ۶توں ملیا اے ۔ بھاویں حوالہ لما نئیں ہیگا ، مَیں ایس بارے بوہت کجھ آکھاں گا ۔ ایس حوالے توں ، مَیں سچ دے بارے وی بولنا پسند کراں گا جیہڑا خروج  ۱۹ توں لَے کے   ۲۵ باباں وچ وکھایا گیا ۔ تِن مہنے لنگھے سن جد اسرائیلی مصروں نکلےجد اسرائیلی سیِنا دے جنگل وچ آئے ۔ خُدا نے سیِنا دے جنگل دے اگے اوہنا ں توں تنبُو لوائے ۔ تے مُوسیٰ نوں پہاڑ دےاُتے بلایا ۔
مُوسیٰ نوں اِنج بلاؤن دے بعدوں ، خُدا نے اسرائیلیاں نوں اپنا کلام فرمایا ، ”تاں ہُن جے تسیں میری گل منو تے میرےوعدے اُتے چلو تاں ساریاں قوماں وچوں تسیں ای میرے خاص ملکیت بنو گے  ایس لئی پئی ساری دھرتی میری اے ۔ تے تسیں میرے لئی کاہناں دی اک بادشاہی تے اک پاک قوم ہوووگے ۔ ایہناں ای گلاں نوں تُو بنی اسرائیل نوں سُنا دئیں ۔ “وجہ کیوں خُدا نے اسرائیلیاں نوں بلایا تے چُکیا اوہناں نوں اپنی خاص ملکیت بناؤن تے اپنی بادشاہی دے کاہناں وانگر اوہناں نوں قیم کرنا سی ۔
ایہہ ارادہ سی جِہدے نال خُدا نے اسرائیلیاں  نوں مصروں چھڈایا ۔ طریقہ جِہدے راہیں خُدا اسرائیلیاں نوں اپنی خاص ملکیت بنائے گا اوہناں نوں اپنی شریعت دیندا پیا سی تے اوہناں دے پاپاں توں اوہناں نوں بچاؤن لئی خیمۂ اجتماع دا قربانی دا نظام دیندا پیا سی ، جِہدے راہیں اوہ اوہناں دے سارے پاپاں نوں صاف کرے گا ، اوہناں نوں اپنے  خاص لوک بنائے گا، تے اوہناں نوں کاہناں دی اک قوم وانگر ویکھے گا ۔ ایسے طرح، اسرائیلیاں نوں لازمی ایہہ خاص کر کے سوچنا چاہی دا اے ، تے ایمان دا احاطہ کرنا  چاہی دی اے جویں خُدا اوہناں توں چاؤہندا اے ۔ اوہناں دی قوم نوں خُدا دے کاہناں دی اک بادشاہی بناؤن لئی ، خُدا نے اک پاسے ، اوہناں نوں   ۶۱۳ حکماں والی اپنی شریعت دتی تے دوجے پاسے ، اوہنے اوہناں نوں خیمۂ اجتماع نوں بناؤن دا حکم دتا ۔
ایس لئی جے اسرائیلی یِسُوعؔ مسیح اُتے ایمان نئیں رکھدے جیہڑا اوہناں دا مسیحا بن کےآیا ، اوہناں نوں لازمی توبہ کرنی  چاہی دی اے تے اپنے سچے دلوں اوس اُتے ایمان رکھنا چاہی دا اے ۔ یِسُوعؔ ، جیہڑا خیمۂ اجتماع دے قربانی دے نظام دی پاپ دی قربانی دی اصل نیہ  اے ، یوحنا کولوں اپنے بپتسمہ لَے کے تے سولی اُتے اپنے لہو نال اوہناں دے سارے پاپاں نوں پاک کر چُکیا اے ۔ ایسے طرح ، اسرائیلیاں نوں لازمی ایس سچیائی نوں بغیر شک دے قبول کرنا چاہی دا اے یعنی خُدا اوہناں نوں ، ابرہام دی پیِڑھی نوں ، مصروں باہر لیاؤن ، تے خیمۂ اجتماع دیاں قربانیاں دے راہیں اوہناں دے سارے پاپ دھون دے راہیں اوہناں نوں اپنے خاص  لوک بنا چُکیا اے ۔ اوس ویلے ، ایس لئی پئی اسرائیلی خُدا دی شریعت نوں قیم رکھن دے لائق نئیں سن ، اوہناں نوں خُدا ولوں مقرر کیتے گئے قربانی دے نظام دے مطابق خُدا دے اگے پشُوآں دیاں قربانیاں دین دے راہیں اپنے پاپاں توں معاف ہونا سی ۔ ایہہ قربانیاں یِسُوعؔ مسیح ، مکتی داتا دیاں پیشگی نشانیاں سن  جیہڑا سارے جگ نوں ہُن ایہدے پاپاں توں بچا چُکیا اے ۔
بھاویں حالے تیک ، اسرائیلیاں نے مُوسیٰ نوں ساریاں توں بوہت وڈے نبی وانگر منیا اے ۔ اوہ ایتھے ٹھیک نیں ۔ پر ، ایس لئی پئی اوہ یِسُوعؔ مسیح اُتے مسیحا وانگر ایمان نئیں رکھدے  جیہڑا اوہناں نوں اوہناں دے سارے پاپاں توں بچا چُکیا اے ،اوہ نویں عہد نامے نوں خُدا دے کلام وانگر نئیں پچھان دے تے ایہدی تھاں اُتے صرف پُرانے عہد نامے  نوں خُدا دے کلام وانگر پچھان دے نیں۔ پر سانوں لازمی یاد رکھنا چاہی دا اے پئی یِسُوعؔ نا صرف مُوسیٰ توں بوہتا وڈا نبی اے ،سگوں اوہ اسمانی بادشاہی دا وڈا کاہن اے ، یعنی مسیحا جِہدے لئی اسرائیلی اُڈیکدے تے تمنا کردے پئے نیں ۔ ایمان دے راہیں ، اسرائیلیاں نوں لازمی ہُن سوچنا چاہی دااے پئی خیمۂ اجتماع دے قربانی دے نظام دی اصل نیہ مسیحا اپنے آپ توں علاوہ کوئی دوجا نئیں سی ۔
 
 
خُدا نے اسرائیلیاں نوں عزت نال مُوسیٰ نوں منن دا حکم دتا ، پر ۔ ۔ ۔
 
خُدا نے کیوں مُوسیٰ نوں اسرائیلیاں دے اگے ایناں اُچا کیتا ؟ ایہہ اوہناں نوں مُوسیٰ دے راہیں فرمایا گیا خُدا دا سارا  کلام قبول کرن تے رکھن دے لائق بنانا سی ۔ دوجے اکھراں وچ ، اسرائیلیاں نوں ایمان رکھن دے لائق بنانا سی پئی مُوسیٰ نے اوہناں نال جیہڑا بولیا او ہ سارا خُدا دا اپنا کلام سی ۔ خُدا نے مُوسیٰ نوں سیِنا دے پہاڑ اُتے بلایا تاں پئی اوہ اسرائیل دے لوکاں دے اگے بوہت اُچا ہو جائے ۔ ایس توں بنی اسرائیل خُدا تے مُوسیٰ کولوں ڈر گئے تے بنی اسرائیل نے ، ایہہ ویکھ کے پئی مُوسیٰ نے خُدا نال گل کیتی اے ، اوس اُتے ایمان لیائے ، ایس لئی پئی خُدا نے مُوسیٰ نال اِنج گل کیتی جویں اوہ اوہدا بیلی سی ۔
اِنج، خُدا دا کلام جیہڑا مُوسیٰ نے اسرائیلیاں نوں پوہنچایا سی اسرائیلیاں ولوں سارا پکیا ں ہو کے منیا گیا جویں سچا کلام جیہڑا خُدا نے اوہناں نوں فرمایا ہوئے ۔ پر، مُوسیٰ نوں ایناں اُچا خیال کرن دے راہیں ، اسرائیلیاں نیں اپنے دلاں وچ یِسُوعؔ مسیح نوں اپنے ذاتی مکتی داتا وانگر قبول نہ کرن دی اک وڈی غلطی  کیتی ۔ اخیریں ، اسرائیلی اپنے مسیحا نوں ٹھیک طریقے نال پچھانن وچ ناکام ہو گئے تے ایس طرح اوہدی مکتی دی محبت نوں ردّ کردے ہویاں مُک ہو گئے ۔ ہُن اوہ اپنے اگے اک وڈا کم رکھدے نیں—یعنی ، یِسُوعؔ مسیح نوں جیہڑا بھاویں مُوسیٰ تو ں بوہتا وڈا نبی سی ، اپنے دلاں وچ اپنے ذاتی مکتی داتا وانگر قبول کرنا اے ۔
 
 

خُدا نے اسرائیلیاں نوں اوہدا خیمۂ اجتماع بنان لئی تے اوہنوں پشُو دیاں قربانیاں پیش کرن دا حکم دتا

 
 مُوسیٰ دے راہیں ، خُدا نے اسرائیلیاں نوں اپنی شریعت تے حکم دتے ، تے اوہنے اوہناں نوں خیمۂ اجتماع نوں بناؤن دا وی حکم دتا ۔ خیمۂ اجتماع وچ ، خُدا دے فضل دی محبت جنہے اصل وچ اسرائیلیاں دے پاپاں نوں مکایا ایہدے قربانی دے نظام دے راہیں ظاہر کیتی گئی سی ۔ خیمۂ اجتماع دے ایس قربانی دے نظام دے راہیں ، خُدا ابرہام دی روحانی پیڑھی نوں پاپ توں معافی وی دے چُکیا اے ، تے اوہناں دے سارے پاپ معاف کر چُکیا اے تاں پئی اوہ خُدا دے ذاتی لوک بنن لئی کوئی کمی نہ رکھن ۔
خُدا نے اسرائیل دے لوکاں نوں پتھر دیاں دو تختیاں اوہناں اُتے چھاپے گئے اپنے دس حکماں نال دتیاں ۔ دس حکم اُتلے چار حکماں وچوں سن جیہڑے لازمی لوکاں وچکار قیم رکھے جانے چاہی دے نیں تے ہیٹھلے چھ حکم جیہڑے لازمی بندیاں دے رہن سہن وچ قیم رکھے جانے چاہی دے نیں۔ ایہناں دس حکماں دے نال نال ، خُدا نے اسرائیلیاں نوں سَئے حکم وی دتے جیہڑے اوہناں نوں اپنیاں ہر دیہاڑے زندگیاں وچ قیم رکھنے چاہی دے سن ۔
وجہ کیہ اے کیوں خُدا نے بنی اسرائیل نوں اینے چوکھے قانون تے حکم دتے اوہناں دے دلاں وچ ظاہر کرنا سی پئی خُدا اکلاحتمی تے کامل خُدائی وجود رکھدا اے ۔ اسرائیل دے روحانی لوکاں لئی — یعنی ،اوہناں لئی جیہڑے یِسُوعؔ اُتے اپنے مکتی داتا وانگر ایمان رکھدے نیں — خُدا تو ں ہٹ کے کوئی دوجا خُدا ئی وجود موجود نئیں ہو سکدا ۔ اسرائیلیاں نوں کنعان دی دھرتی اُتے جان توں پہلوں صاف طریقے نال سچ سکھان لئی پئی اوہ یہوواہ اے ، خُدا نے مُوسیٰ نوں اوہناں نوں اپنی شریعت دین لئی سِینا دے پہاڑ اُتے بلایا ۔ تے اوہنے اوہناں نوں حکم دتا ،جد کدی اوہ خُدا دے حکماں نوں توڑن دے سببوں پاپ کردے سن ، خیمۂ اجتماع وچ قربانی دے نظام دے مطابق جیہڑ ا خُدا نے مقرر کیتا سی اپنے پشُو دی قربانی دین دے سببوں اپنے سارے پاپاں توں معاف ہون ۔
  
 

اسرائیلیاں نے خُدا کولوں  شریعت تے حکم حاصل کیتے

 
آؤ اسیں خروج ۲۴ : ۳ ۔ ۸ اُتے  دھیان کرئیے: ”تے مُوسیٰ نے لوکاں کول جا کے خُدا وند دیاں ساریاں گلاں تے حکم اوہناں نوں دس دتے تےسارے لوکاں نیں اک اواز ہو کے جواب دتا پئی جنیاں گلاں خُدا وند  نے فرمائیاں نیں اسیں اوہناں ساریاں نوں مناں گے ۔ تے مُوسیٰ نے خُدا وند دیاں ساریاں گلاں لکھ لِئیاں تے سرگی ویلے اُٹھ کے پہاڑ دے ہیٹھاں اک قربان گاہ تے بنی اسرائیل دے باراں قبیلیاں دے حساب نال باراں ستون بنائے۔تے اوہنے بنی اسرائیل دیاں جواناں نوں گھلیا جنہاں نیں سوختنی قربانیاں چڑھائیاں تے وچھیاں نوں ذبح کر کے سلامتی دے ذبیحے خُدا وندلئی چاڑھے ۔ تے مُوسیٰ نے ادھا لہو لَے کے باسناں وچ رکھیا تے ادھا قربان گاہ اُتے تراؤنک دتا ۔ فیر اوہنے عہد نامہ لیا تے لوکاں نوں پڑھ کے سنایا ۔ اوہناں نیں آکھیا پئی جو کجھ خُدا وندنے فرمایا اے اوس سارے نوں اسیں کراں گے تے آکھا مناں گے ۔ فیر مُوسیٰ نے اوس لہو نوں لَے کے لوکاں اُتے تراؤنکیاتے آکھیا ویکھو ایہہ اوس عہد دا لہو اے جیہڑا خُدا وند نے ایہناں ساریاں گلاں دے بارے تہاڈے نال بنھیا اے ۔ “
خُدا نے لہو نال عہد بنھیا جد اوہنے مُوسیٰ دے راہیں اسرائیل دے لوکاں نوں اوہدی شریعت دتی ۔ مختصر، ایہدا مطلب سی پئی خُدا دی شریعت زندگی دی شریعت سی ۔ خُدا نے اپنی زندگی دی شریعت اسرائیلیاں نوں دسی ،تے اسرائیل دے لوکاں نوں اوہدے کلام اُتے ایمان رکھنا سی ۔
ایسے طرح ، مُوسیٰ نے اسرائیلیاں نوں سوختنی قربانی تے سلامتی دی قربانی دے پشُو دا لہو لیاؤن لئی آکھیا ۔ خُدا نے مُوسیٰ نوں اپنے لوکاں نوں اکٹھیاں کرن دا اوہناں دے اگے شریعت تے حکماں ، خُدا دا عہد پڑھن دا حکم دتا ۔ تے فیر مُوسیٰ نے اوہناں توں پُچھیا ، ”کیہ تُسیں منو گے جیہڑا خُدا نے تہانوں حکم دتا اے ؟ “اسرائیلیاں نے فیر خُدا نوں اک اواز وچ جواب دتا پئی اوہ بِنا شک اوہدا سارا آکھامنن گے ۔
”مَیں تہاڈی راکھی کراں گا تے تہانوں کاہناں دی اک بادشاہی بناواں گا ،“ فیر خُدا نے مُوسیٰ دے راہیں اسرائیلیاں نال وعدہ کیتا ۔ فیر مُوسیٰ نے اوہناں اُتے سوختنی قربانی تے سلامتی دی قربانی دا لہو ترؤنکیا ۔ ایہنے ظاہر کیتا پئی جد اک بندہ پاپ کردا اے ، اوہ لازمی قربانی دے پشُو دے راہیں معاف کیتا جانا چاہی دا اے ۔ سانوں لازمی قبول کرنا چاہی دا اے خُدا نے زندگی دے کلام وانگر کیہ فرمایا ۔ مُوسیٰ نے قربانی دا لہو لیا ، ایہنوں اپنے لوکاں اُتے تراؤنکیا تے اوہناں نوں آکھیا ، ” ویکھو ایہہ اوس عہد دا لہو اے جیہڑا خُدا وند نے ایہناں ساریاں گلاں دے بارے تہاڈے نال بنھیا اے ۔“ ایہہ سانوں دسدا اے پئی ایس لئی پئی خُدا دا کلام زندگی دا کلام اے ، جے اسیں ایہنوں قیم نئیں رکھدے ، فیر سانوں لازمی قربانی دے پشُو اُتے ایہدے سِر اُتے اپنے ہتھ رکھن دے راہیں اپنے پاپاں نوں لدنا چاہی دا اے ، ایہنوں ذبح کرنا ،تے ساڈے پاپاں لئی اوہدا قربانی دا لہو خُدانوں پیش کرنا چاہی دا اے ۔
سانوں لازمی کیہ سوچنا چاہی دا اے ایہہ ہےپئی خُدا دی ایس شریعت وچ ، ساڈے پاپاں لئی سزا ہیگی اے ، پر اوسے ویلے قربانی دا نظام وی ہیگا اے جیہڑا ساڈے پاپاں نوں دھوندا اے ۔ ایس لئی ، جد اسیں خُدا دی شریعت تے حکماں اُتے عمل کردے پئے آں ، سانوں لازمی اوہناں نوں اپنے دلاں وچ رکھنا چاہی دا اے جد پئی پچھان دے ہویاں پئی ایہناں قانوناں تے شریعت وچ قربانی ہیگی اے جیہڑی ساڈے لئی ساڈے پاپاں دی معافی لیاؤندی اے ۔ ایہہ ایمان خاص کر کے ضروری اے ۔ ایس لئی پئی اسیں برکت یافتہ ہوندے آں جد اسیں خُدا دی شریعت اُتے عمل کردے آں تے لعنتی ہوندے آں جد اسیں ایہنوں قیم رکھن وچ ناکام ہو جاندے آں ، سانوں لازمی ایمان رکھنا چاہی دا اے پئی سانوں ہمیش  لئی اپنے قربانی دے پشُو نال اپنے پاپاں نوں دھونا اے ۔ ایسے طرح ، اوہ جنہاں نیں پاپ کیتا اوہناں نوں قربانی دے پشُو اُتے ایہدے سِر اُتے اپنے ہتھاں نوں رکھ کے اپنے پاپاں نوں لدن دے راہیں ، تے ایس قربانی دے لہو تے ایہنوں خُدا دے اگے پیش کرن دے راہیں اپنے پاپاں دی معافی پاؤنی سی ۔ سانوں لازمی سارا کجھ احساس کرنا چاہی دا اے تے ایمان رکھنا چاہی دا اے پئی شریعت تے قربانی دا نظام زندگی دی شریعت نیں ، جیہدے راہیں اسیں خدا کولوں نویں زندگی پا سکدے آں ۔
ایس لئی ، جد پئی خُدا دی شریعت سانوں ساڈے پاپاں دے بارے سکھاؤندی اے ، مقابلے وچ  پانی تے رُوح دی خوشخبری سانوں وکھاؤندی اے پئی ساڈے سارے پاپ بپتسمہ دے راہیں جیہڑا یِسُوعؔ مسیح نے یوحنا کولوں لیا تے سولی اُتے اوہدے لہو نال معاف کیتے گئے نیں — ایہہ ہیگا اے ، کویں ، سچیائی جیہڑی سانوں جگ دے سارے پاپاں توں بچا چُکی اے ۔
پرانیاں زمانیاں وچ ، جد قبیلے اک دوجے نال وعدے کردے سن ، اوہ بوہتی وار کئی قِسم دے قربانی دیاں پشُوآں نوں لیاؤندے سن ۔ اوہ بھیڈاں ، بکریاں یا وچھے لیاؤندے ، تے اوہ اپنیاں معاہدیاں اُتے اپنیاں قربانیاں نال اوہناں دیاں گردناں وڈدے ہویاں لَئے گئے لہو نال نشان لاؤندے سن ۔ ایہنے معاہدیاں دیاں ضروری ارادیاں نوں قابو کیتا ۔ ایس لئی پئی ایہدا مطلب سی پئی ، ”جے تُسیں عہد نوں قیم نئیں رکھدے جیہڑا تُسیں ہُنے میرے نال بنھیا ، فیر تُسیں لازمی ایسے طریقے نال مروگے ۔“ مختصر ، اوہناں نیں اپنے معاہدے لہو نال قیم کیتے ۔
ایسے طرح ، خُدا وی اپنی شریعت لہو نال قیم کر چُکیا اے ۔دوجے اکھراں وچ، اوہنے سانوں دسیا پئی جے اسیں اوہناں سارے  ۶۱۳ قانوناں تے حکماں نوں قیم رکھن وچ ناکام ہو جاندے آں ، اسیں ایس پاپ د ے سبب مارے جاواں گے ۔ پر اوسے ویلے ، اوہ سانوں ساڈے ایمان نال اوہنوں پاپ دی قربانی دین دے راہیں خیمۂ اجتماع دے قربانی دے نظام دے سببوں ساڈے پاپاں دی معافی پاؤن لئی وی سانوں دس چُکیا اے ۔
جے سانوں کدی خُدا دے شریعت دے کلام نوں سچے دلوں قبول نئیں کرنا سی ، اسیں کدی وی اپنے پاپاں دے سبب خُدا دے آؤن والے غصے توں نئیں بچاں گے ۔ پر جے اسیں اوہنوں پاپ دیاں قربانیاں دیندے آں جیہڑیاں اوہ ساڈے لئی مقرر کر چُکیا اے ، خُدا فیر ایہناں قربانیاں نوں لوے گا تے سانوں ساڈے پاپاں توں معاف کرے گا ۔ سانوں ساریاں نوں لازمی زندگی دی ایس شریعت اُتے ایمان رکھنا چاہی دا اے ، مکتی دی ایہہ شریعت جیہڑی سانوں دسدی اے خُدا خیمۂ اجتماع دی قربانی دے نظام دے راہیں اسرائیل دے سارے لوکاں دے پاپاں نوں معاف کردیوے گا ، تے اِنج اسیں اپنے سچے دلوں پاپاں دی معافی پاواں گے ۔ جیہڑا وی خُدا دی شریعت نوں ردّ کردا اے خُدا دی محبت دے فضل ولوں کٹیا گیا اے ، تے ایسے طرح ، سانوں ساریاں نوں لازمی شریعت اُتے تے قربانی دے نظام اُتے مکتی دی سچیائی وانگر ، ساڈی اصل اپنی زندگی وانگر ایمان رکھنا چاہی دا اے ۔
ایس لئی مُوسیٰ نے لہو نال قیم کیتے گئے عہد نوں پڑھیا ،تے ایس لہو وچوں اسرائیلیاں اُتے تراؤنکیا ، اوہناں نیں لہونال خُدا لئی اپنے وعدے نوں قیم کیتا ۔ ایس لئی ، احساس کردے ہویاں پئی سانوں ساریاں نوں مرنا اے جے اسیں لہو نال قیم کیتی گئی ایس شریعت نوں قیم نئیں  رکھدے ، سانوں ساریاں نوں یِسُوعؔ مسیح اُتے ، شریعت دے نال نال ، ایمان رکھن دے راہیں اپنے سارے پاپاں توں معافی پاؤنی چاہی دی اے ، جیہڑی ساڈی سوختنی قربانی تے خُدا لئی سلامتی دی قربانی دی اصل قربانی اے ۔
سانوں ساریاں نوں لازمی احساس کرنا چاہی دا اے تے سچیائی اُتے  ایمان  رکھنا  چاہی  دا  اے پئی اسیں اپنے سارے پاپاں توں خیمۂ اجتماع دے قربانی دے نظام دے مطابق خُدا نوں اپنی قربانی پیش کرن دے راہیں معاف کیتے جا سکدے آں ۔ اوہدے اسمانی ، ارغوانی تے لال دھاگے تے مہین وٹے ہوئے کتان دے راہیں ،خُدا سانوں واضح طریقے نال سارے لوکاں دے پاپاں دی معافی دے بارے سکھا چُکیا اے ۔ اپنے پاپاں توں معافی پاؤن لئی ، اوہناں دے سارے پاپ اوہدے سِر اُتے اوہناں دے ہتھ رکھے جان نال اوہناں دے قربانی دے پشُو اُتے لدے جانے سن ، تے فیر ایس خون نوں سوختنی قربانی دی قربانگاہ دے سِنگاں اُتے لاؤن لئی تے ایہدا باقی لہو زمین اُتے ڈوہلن لئی ایہدا قربانی دا لہو وگاؤنا پیندا سی ۔
ایہہ پاپ تے موت دی شریعت دے راہیں حتمی طور اُتے لوڑی دی پشُو دی قربانی سی ۔ ایس لئی ، ساڈے ایمان نال سانوں ساریاں نوں لازمی قربانی دے پشُو دے راہیں وعدہ کیتی گئی پاپ دی معافی قبول کرنی چاہی دی اے جیہڑی ساڈے پاپاں نوں مکاؤندی اے ۔ سانوں خیمۂ اجتماع  دا قربانی دا نظام دین دے راہیں خُدا سانوں مکتی دی شریعت دے چُکیا اے ، تاں پئی اسیں خُدا دے کلام اُتے ایمان رکھیے تے اپنے سارے پاپاں توں معاف کیتے جائیے ۔ سانوں ساریاں نوں لازمی خُدا ولوں ساڈے دلاں وچ دو شریعتاں نوں قبول کرن دے راہیں دتی گئی  پاپ دی معافی دی برکت نوں پاؤنا چاہی دا اے جیہڑی خُدا لوکاں نوں دے چُکیا اے : اپنے آپ شریعت تے خیمۂ اجتماع دا قربانی دا نظام ۔
 
 

اسیں کویں اپنے سارے پاپاں توں مکتی یافتہ ہوسکدے آں ؟

 
 قربانی دے نظام دے راہیں جیہڑا خُدا نے مُوسیٰ نوں دتا ، اوہنے اسرائیلیاں نوں وکھایا پئی اوہناں دے سارے پاپاں توں اوہناں دی مکتی صرف اوہناں دے قربانی دے پشُودے راہیں اوہناں دے پاپاں دی معافی وچ اوہناں دے ایمان  دے راہیں سوکھی اے ۔
جد اسیں خُدا اُتے اپنا ایمان رکھدے آں جیہڑا اوہدے ولوں مقرر کیتے گئے قربانی دے پشُو اُتے ایمان رکھنا اے ، اوہ ساڈا ایمان قبول کرے گا تے سانوں ساڈے سارے پاپاں توں بچائے گا ۔ کیوں ، ایس لئی پئی خُدا پہلوں ای ساری انسانی پیڑھی نوں اوہناں دے پاپاں تو ں بچا چُکیا اے ۔ تے اوہناں لئی جیہڑے ایمان رکھدے نیں ، اوہ اوہناں نوں اوہناں دے سارے پاپاں توں پاک ہون دی برکت دیندا اے ۔ اوس اِکو دے راہیں مقرر کیتے گئے قربانی دے نظام ولوں جیہڑا حتمی اے ، خُدا سانوں مکتی دی شریعت نوں جانن دے لائق کر چُکیا اے ۔ جے کوئی نئیں جان دا تے نا ای سچیائی اُتے ایمان رکھدا اے پئی یِسُوعؔ مسیح اوہدے پاپاں نوں ہمیش لئی اپنے بپتسمے تے سولی اُتے اپنے لہو دے راہیں دھو چُکیا اے ، اوہ لازمی سزا دا حقدار ٹھہرایا جائے گا ۔سانوں ساریاں نوں لازمی خُدا دے فضل دی محبت اُتے ایمان رکھنا چاہی دا اے۔
خُدا سانوں خیمۂ اجتماع دے قربانی دے نظام دے راہیں بچا چُکیا اے ، جیہدا مکتی دا طریقہ ایہدے سِر اُتے ساڈے ہتھاں نوں رکھن دے راہیں قربانی اُتے ساڈے پاپاں نوں لدنا سی ۔ ایسے طرح ،سانوں ساریاں نوں لازمی فضل دی خوشخبری اُتے ایمان رکھنا چاہی دا اے جیہڑی ساریاں نوں اجازت دے چُکی اے جیہڑے اپنے پاپاں توں صاف ہون لےلئی ایس سچیائی اُتے ایمان رکھدے نیں ۔ اوہ جیہڑے خُدا دے اگے شریعت تے قربانی دے نظام نوں نئیں پچھان دے  کدی وی ہمیش لئی پاپ توں معافی پا نئیں سکدے،پر اوہ جیہڑے خُدا دے فضل دی خوشخبری اُتے ایمان رکھدے نیں سارے اپنے پاپ دی سدا دی معافی پا سکدے نیں  ۔
خُدا نے صرف سانوں پاپ نا کرن لئی نئیں آکھیا ، سگوں اوہنے سانوں سکھایا پئی اسیں پاپی بندے ساں جیہڑے بچ نئیں سکدے ساں سگوں ہر دیہاڑے پاپ کردے آں ۔ سو اوہنے سانوں ایہناں پاپاں توں معافی پاؤن لئی ساڈی پشُو دی قربانی اوہنوں دین لئی فرمایا اے ، ایہہ ہے کیوں خُدا نے آکھیا ، جد اک پاپی نے قربانی دا پشُو دینا اے ، ”تے تُوں مٹی دی اک قربانگاہ میرے لئی بنایا کریں تے اوس اُتے اپنی بھیڈ بکریاں تے گاواں وچھیاں دیاں سوختنی قربانیاں تے سلامتی دیاں قربانیاں چڑھاویں تے جتھے جتھے مَیں اپنے ناں دی یادگاری کراواں گا اوتھے مَیں تیرے کول آ کے تینوں برکت دیاں گا “ (خروج  ۲۰ : ۲۴)۔
پاپ دی قربانی نے جیہڑی اسرائیلیاں نیں خُدا نوں دتی ، قربانی دے سِر اُتے اپنے ہتھاں دے رکھن دی شکل لئی ، جیہدے راہیں اوہناں دے پاپ ،ایہدا لہو لیندے ہویاں تے سوختنی قربانی دی قربانگاہ دے سِنگاں اُتے ایہنوں لاؤندے ہویاں تے ایہدا گوشت قربانگاہ اُتے رکھدے ہویاں تے اگ نال ایہنوں ساڑدے ہویاں اوس اُتے لدے جاندے نیں ۔ خُدا ولوں دتی گئی مکتی دی شریعت اُتے سچے دلوں ایمان رکھدے ہویاں خاص کر کے ضروری سی جد کدی اوہناں نیں ایہو جیہی قربانی چڑھاؤنی سی ۔ قربانی جیہڑی خُدا چاؤہندا سی اک رسمی نئیں سی ، سگوں ایہہ اک بوہت اصلی سی جیہڑی ایمان وچ قربانی دے پشُو اُتے اوہناں دے پاپ لددی سی ، ایمان رکھدے ہویاں پئی اوہ بِنا شک دوزخ دے حقدار نیں جے ایہہ خُدا دا فضل نئیں سی ۔
ساڈے خُداوند نے یوحنا کولوں بپتسمہ لیا تے ساڈے پاپاں  نوں مکاؤن لئی سولی اُتے اپنا لہو وگایا ۔ اوہنے پاپ دی قربانی دے اوسے طریقے نال ساڈے پاپاں نوں مکاؤن دا فیصلہ کیتا ۔ ایمان دی ایس قربانی نیں یِسُوعؔ مسیح دے راہیں پوری کیتی گئی نویں عہدنامے دی مکتی دی قربانی دی پہلوں توں جھلک وکھائی —یعنی مسیح ایس زمین اُتے آیا ، یوحنا کولوں لَئے گئے اپنے بپتسمے نال دُنیا دے پاپاں نوں  چُک لیا ، سولی اُتے مرگیا ، تے اِنج ساری انسانی پیِڑھی نوں اوہناں دے پاپاں توں بچا چُکیا اے ۔ ایہہ ساڈا سچے دلوں ایس سچیائی اُتے ایمان رکھن دے راہیں ہیگا اے پئی اسیں خُدا دے پُتر بن جاندے آں ۔
 
 
سانوں لازمی نظریاتی ایمان  نوں دُور سُٹنا چاہی دا اے
 
خروج۲۰: ۲۵۔ ۲۶فرماندا اے ، ”تے جے تُوں میرے لئی پتھر دی قربانگاہ بنائیں تاں کھُرچے ہوئے پتھر نال نا بناویں ایس لئی پئی جے تُوں اس اُتے اپنے اَوزار لاویں تاں تُوں اوہنوں پلید کردیویں گا ۔ تے تُوں میری قربانگاہ اُتے پَوڑیاں توں بالکل نا چڑھیں تاں نا ہوئے پئی تیرا ننگا پن اوس اُتے ظاہر ہوئے ۔ “ سانوں لازمی خاص دھیان کرنا چاہی دا اے پئی خُدا نے ایس آیت وچ کیہ فرمایا ۔ خُدا نے اسرائیلیاں نوں فرمایا پئی اک قربانگاہ بناؤن وچ ، جے اوہناں نیں پتھر دی اک قربانگاہ بناؤنی سی ، اوہناں نوں ایہنوں کھُرچے ہوئے پتھراں نال نئیں بناؤنا چاہی دا ، سگوں اوہناں پتھراں نال بناؤنا چاہی دا اے جیہڑے اپنااصل  رنگ روپ ہمیش رکھدے نیں ۔ ایہدا کیہ مطلب اے ؟ ایہدا مطلب ہیگا اے خُدا اپنی مکتی وچ ساڈے ایمان نوں قبول کر کے خوش ہوندا اے ، جیہڑا کدی وی بندیاں دیاں سوچاں نال ودھایا ،یا بدلیا نئیں جا سکدا اے ۔
تے خُدا سانوں ، ایس جملے نال خبردار کردا پیا اے ، ” تے تُوں میری قربانگاہ اُتے پَوڑیاں توں بالکل نا چڑھیں تاں نا ہوئے پئی تیرا ننگا پن اوس اُتے ظاہر ہوئے ۔ “ یعنی اوہنوں بندے دے بنائے ہوئے ، دین پرست ایمان نال نئیں پوجنا ۔ دُنیا دا ہر دین کجھ نئیں ہیگا سگوں انسانی پیِڑھی ولوں بنایا گیا اک عقیدے دا نظام اے ۔ اوہ اپنے ذاتی دیناں وچ اک عام تے خاص اصول قیم کردے نیں جیہڑا لوکاں نوں ہَولی ہَولی پاک بنن دی کوشش کرن بارے دسدااے  جد اوہ اپنی وفادار دینی زندگیاں گزاردے نیں ۔ ایتھوں تیک پئی مسیحی دین پرست دعویٰ کردے نیں پئی جد اوہ خُدا دی شریعت دے مطابق نیک زندگیاں گزاردے نیں تاں اوہ ویلا لنگھن دے نال نال پاک ہو سکدے نیں ۔
پر کیہ ایہہ اصل وچ سچ اے ؟ بالکل نئیں ! لوک ، آدم  دی پیِڑھی وانگر پیدا ہون دے سبب ، اپنے پاپاں دے سببوں خُدا دی شریعت دی پیروی نئیں کرسکدے ، تے اوہ بچ نئیں سکدےسگوں اپنے پاپاں دے سبب اپنی لازمی موت مردے نیں ۔ ایس لئی ، ایہو جیہے ساریاں لوکاں نوں دُنیا دے پاپاں توں بچاؤن لئی ، خُدا نے خیمۂ اجتماع دا قربانی دا نظام قیم کیتا ، تے بِنا شک اوہناں ساریاں نوں بچا چُکیا اے ۔
ایس لئی ، سانوں ساریاں نوں لازمی فضل دی خوشخبری ، اپنےپاپاں  دی معافی ، اپنی مکتی  نوں قبول کرنا چاہی دا اے جیہڑی خُدا ساڈے واسطے خیمۂ اجتماع دے برانڈے دے پھاٹک وچ ظاہر کیتے گئے اسمانی ، ارغوانی تے لال دھاگے تے مہین وٹے ہوئے کتان نال مقرر کر چُکیا اے ۔ سانوں لازمی ایمان رکھنا چاہی دا اے جویں ایہہ اصل وچ پاک کتاب دے کلام وچ لکھیا گیا اے پئی یِسُوعؔ مسیح ایس زمین اُتے خُدا دے کلام وانگر آیا ، یعنی اوہنے خیمۂ اجتماع وچ ظاہر کیتے گئے اسمانی ، ارغوانی تے لال دھاگے تے مہین وٹے ہوئے کتان دے راہیں بالکل جویں پہلوں دسیا گیا سی اپنے کم کیتے ، تے اوہ بِنا شک ایہدے مطابق سانوں ساڈے ساریاں پاپاں توں چھڈا چُکیا اے ۔
پر اوہناں لوکاں دے بارے کیہ خیال  اے جیہڑے صرف دینی تے خیالی ایمان رکھدے نیں ؟ اوہ اپنے ہر دیہاڑے دے پاپاں توں معاف ہون لئی کیہ کردے پئے نیں ؟ ایہو جیہے لوک اپنی توبہ دیاں دعاواں پیش کرن دے راہیں اپنی پاپ دی معافی پاؤن لئی ، کوشش کردےہویاں ، اخیری ، ہولی ہولی پاک ہون دے خُدا خیال دے راہیں راستباز بنن دی کوشش کردے نیں ۔ ایہہ بندے دا آپ بنایا ہویا فریبی ، نظریاتی ایمان اے ۔کسے دا اپنی دلی کوششاں نال خُدا نوں ملن دی کوشش کرنا اپنی من پسندی اے ، تے ایہہ کسے دی آپ بنائی ہوئی دینی بدکاری دی حقیقت توں علاوہ کجھ نئیں اے ۔
لوکاں نوں لازمی پہلوں مننا چاہی دا اے پئی کجھ نئیں ہیگا پئی اوہ خُدا دے اگے اپنے سارے پاپاں نوں مکاؤن لئی جیہڑا آپ کر سکدے نیں ۔ جد اسیں ایس دُنیا وچ جمے ساں ، اسیں سارے مخلوق دی اوس قِسم وانگر جمے ساں جیہڑی بچ نئیں سکدی سی سگوں ساڈی ذات دے پاپاں نوں کردی اے ، تے ایہہ ہیگا اے پئی کیو ں اسیں سدا اینے سارے پاپ کردے پئے آں ۔ کوئی معنی نئیں رکھدا خُدا سانوں کناں چوکھا اپنی شریعت دے راہیں پاپ نا کرن لئی دسدا اے ، اسیں ایہو جیہے آں جیہڑے بچ نئیں سکدے سگوں اوہدی شریعت دی ساری خاص  حد نوں توڑدے آں تے خُدا دے اگے بوہت چوکھے پاپ کردے آں ۔ سو ، سانوں لازمی خُدا دی شریعت دے اگے اقرار کرنا چاہی دا اے پئی اسیں پاپی آں ۔ تے سانوں لازمی سچے دلوں مکتی دی سچیائی اُتے ایمان رکھنا چاہی دا اے پئی خُدا سانوں اپنے اسمانی ، ارغوانی تے لال دھاگے تے مہین وٹے ہوئے کتان وچ ظاہر کیتے گئے ساڈے خُداوند یِسُوعؔ  دے کماں دے راہیں سانوں ساریاں پاپاں توں مکتی دے چُکیا اے ۔
کوئی دوجا راہ نئیں ہیگا سگوں خُدا دے کلام اُتے ایمان رکھنا ،یعنی سانوں دُنیا دے ساریاں پاپاں توں  چھڈاؤنا ، ساڈاخُداوند آپ اپنے بپتسمے دے راہیں ساڈا اپنا قربانی دا لیلا بن گیا ، تے پئی اِنج اوہ سانوں بِنا شک دُنیا دے پاپاں توں بچا چُکیا اے ۔ پاک کتاب سانوں دسدی اے پئی یہوواہ خُدا توں سوا کوئی دوجا خُدا نئیں ہیگا اے ،تے پئی کوئی سوا مسیح دے راہیں باپ دے کول نئیں آؤندا (یوحنا ۱۴ :۶)۔ خُدا دے شریعت دے کلام نوں پچھانن تے ایمان رکھن دے راہیں ، اسیں پاپی بن جاندے آں ، تے پانی تے رُوح دی خوشخبری اُتے ایمان دے راہیں ، اسیں اپنے پاپاں توں مکتی یافتہ ہوندے آں ۔ ایہہ سچ تے خُدا اُتے ساڈا اصل ایمان اے ۔
ایس طرح ، سانوں ساریاں نوں لازمی اوہدی مکتی اُتے ایمان رکھنا چاہی دا اے جویں ایہہ پا پ دی معافی دی شریعت دے مطابق اے جیہڑی ساڈا خُداوند سانوں ساریاں پاپاں توں بچاؤن لئی ساڈے لئی مقرر کر چُکیا اے ۔ مسیحیت صرف دُنیا دے بوہتیاں دیناں وانگر نئیں ہیگی، سگوں ایہہ ساڈے ایمان دی نیہ اُتے بنائی گئی مکتی دی سچیائی اے جیہڑی یِسُوعؔ مسیح اُتے ایمان رکھدی اے جیہڑی اسمانی ، ارغوانی تے لال دھاگے تے مہین وٹے ہوئے کتان وچ ظاہر ہوئی ۔
  
 
اُتلے خاص حوالے دے راہیں ، سانوں ساریاں نوں لازمی احساس کرنا چاہی دا کیوں خُدا نےسانوں بلایا اے
 
 سانوں ساریاں نوں لازمی احساس کرنا چاہی دا اے پئی خُدا تہانوں تے مینوں اپنی  خاص مالکی بناؤن لئی بُلا چُکیا اے ۔ تُسیں تے مَیں کدی وی اپنے چنگے کماں نال تے ہتھ پیر مارکے خُدا دے لوک نئیں بن سکدے ۔ سگوں تُسیں تے مَیں خُدا دے پُتر بن گئے آں ایس لئی پئی اسیں سچیائی اُتے ایمان رکھدے آں پئی یِسُوعؔ مسیح ایس زمین اُتے سانوں شریعت دی لعنت تے سزا تے دوزخ دی بربادی توں چھڈاؤن لئی آیا ۔ یوحنا کولوں بپتسمہ لین تے سولی اُتے اپنا لہووگاؤن دے راہیں ، اوہ بِنا شک ساڈے وچوں اوہناں نوں جیہڑے ایمان رکھدے نیں مکمل طریقے نال بچا چُکیا اے ۔ مسیحا ، خُدا دا پُتر ، اک بندے دے بدن وچ ایس زمین اُتے آیا ، اِکو ای وار اپنے بپتسمے نال انسانی پیِڑھی دے سارے پاپاں نوں چُک لیا ، دُنیا دے ایہناں پاپاں نوں سولی اُتے لَے گیا ، سولی اُتے چڑھن دے راہیں پاپاں دا مُل اُتارن لئی ساڈے بدلے اپنے آپ نوں قربان کیتا ، فیر مویاں وچوں جیوں اُٹھیا ،تے اِنج اوہناں دا مکتی داتا بن گیا اے جیہڑے اپنے سچے دلوں اوس اُتے اصل ایمان رکھدے نیں ۔ 
خُدا سانوں دسدا پیا اے پئی اوہ انسانی پیِڑھی نوں اپنے اسمانی ، ارغوانی تے لال دھاگے تے مہین وٹے ہوئے کتان  دے راہیں پاپ دی کامل معافی دے چُکیا اے ۔ ساڈا خُداوند ساڈے توں پُچھدا پیا اے ،”کیہ تُسیں میرے کماں اُتے ایمان رکھدے او ، اوہناں اُتے جیہڑے مَیں تہاڈے پاپاں دی معافی لئی کر چُکیا ہاں ، یعنی مَیں ایس زمین اُتے آیا تو یوحنا کولوں بپتسمہ لیا تے سولی اُتے لہو وگایا ؟ “خُدا دے اگے ، اوہ سارا جیہڑا اسیں کہہ سکدے آں ”آہو“اے ۔ ساڈے کول مکتی یافتہ ہون لئی ،کوئی دوجا راہ نئیں ہیگا اے سگوں پاپ دی معافی اُتے ایمان رکھنا اے جیہڑی خُدا سانوں دے چُکیا اے ۔ نا صرف پُرانے عہد نامے دے زمانے دے اسرائیلیاں نوں ، سگوں ا ج تہانوں تے مینوں— بِناشک ، ساری دُنیا دے سارے لوکاں نوں— لازمی جاننا چاہی دا کیوں خُدا نوں مُوسیٰ نوں  سیِنا پہاڑ اُتے بلاؤنا پیا تے خاص حوالے دا ایہہ کلام اوہنوں فرماؤنا پیا ۔
خُدا اسرائیلیاں نوں دس حکم دے چُکیا سی ،تے اودوں اوہناں نوں اپنے پاپاں توں معافی پاؤن لئی ایمان دے راہیں مٹی دی اک قربانگاہ بناؤن لئی حکم دتا (خروج  ۲۰ : ۲۴)۔ ایسے طرح اسمانی ، ارغوانی تے لال دھاگے تے مہین وٹے ہوئے کتان وچ ظاہر کیتے گئے پانی تے رُوح دی خوشخبری اُتے ساڈے ایمان دے راہیں جیہڑا خُدا سانوں دے چُکیا اے ، سانوں وی لازمی ساڈے سارے پاپاں توں چھڈایا جانا چاہی دا اے ۔
خُدا دا اپنا ناں کیہ اے؟ اوہدا ناں ”یہوواہ“اے ۔ایہدا مطلب اے  ”مَیں جیہڑا ہیگا واں سو مَیں ہیگا واں ،“ یعنی خُدا اوہ ہیگا اے جیہڑا آپ اپنا وجود رکھدا اے ۔ فیر ، کویں اوہ ساڈے کول آیا؟ اوہ ساڈے کول پانی تے رُوح دے راہیں آیا (یوحنا     ۳: ۵)۔ ساڈا خُداوند ایس زمین اُتے اک بندے دے بدن وچ آیا ، یوحنا کولوں بپتسمہ لین دے راہیں انسانی پیِڑھی دے سارے پاپاں نوں چُک لیا تے موت تیک سولی اُتے چڑھن دے راہیں ساڈے بدلے قربان ہویا ۔ ایہہ ہیگا اے پئی ایہہ سارا سچ اے ، تے ایس لئی پئی سانوں وی لازمی ایسے طرح ایمان رکھنا چاہی دا اے ، یعنی خُدا نے سانوں ایمان رکھن لئی آکھیا ، جیہڑا خیمۂ اجتماع دے برانڈے دے پھاٹک لئی ورتے گئے اسمانی ، ارغوانی تے لال دھاگے تے مہین وٹے ہوئے کتان وچ ظاہر کیتا گیا سی ۔ سچا ایمان صرف ملدا اے جد اسیں اپنی  دلی خیالاں داانکار کردے آں تے خُدا راہیں دتی گئی پاپ دی معافی  نوں پچھان دے آں۔ اسیں اک ایہو جیہی شرطوں بغیر محبت سانوں دین لئی اوہدے بوہت چوکھا شکر ادا نئیں کرسکدے  ، ایس لئی پئی ساڈے کول کجھ نئیں ہیگا جیہدے اُتے اسیں خُدا دے اگے گھمنڈی ہو سکدے آں ۔
سانوں لازمی خُدا دے بارے ساڈے ایمان دی نیہ پاک کتاب دے پکے علم اُتے رکھنی چاہی دی اے ۔ خُدا نے ایمان دی ایس نیہ دے بارے وچ اسرائیلیاں نوں فرمایا ، تے سانوں وی فرمایا ۔ ایتھوں تیک پئی ہُن ، تہانوں ساریاں نوں احساس کرنا چاہی دا اے تے خیمۂ اجتماع دے برانڈے دے پھاٹک دے رنگاں وچ ظاہر کیتے گئے سچ اُتے ایمان رکھنا چاہی دا اے ، رنگ جیہڑے ایمان دی ایس اصل نیہ نوں بناؤندے نیں  ۔ سانوں لازمی سچے خُدا اُتے ایمان رکھنا چاہی دا اے ۔ ساڈے پاپاں توں تہانوں تے مینوں بچاؤن لئی ، خُدا نے آپ اپنے بپتسمے نال ساڈے پاپاں نوں چُک لیا تے سولی اُتے اپنا لہو وگایا ۔
تُسیں ، جیہڑے اسرائیل دے روحانی لوک وی بننا چاؤہندے او ، تہانوں ، لازمی دین پرست مسیحیت ولوں برباد کیتے گئے قربانی دے نظام نوں دوبارہ قیم کرن دے راہیں اپنے سارے پاپاں توں مکتی یافتہ ہون لئی پانی تے رُوح دی خوشخبری اُتے ایمان رکھنا چاہی دا اے ۔ تہانوں تے مینوں لازمی اسمانی ، ارغوانی تے لال دھاگے وچ ظاہر کیتی گئی  پانی تے رُوح دی ایس خوشخبری نوں جاننا چاہی دا  اے، تے  اک وار فیر پاپ توں معافی دی اپنے ایمان دی نیہ رکھنی چاہی دی اے تاں پئی ایہہ پکی تے تگڑی کھلو سکے ۔
سانوں اپنے ایمان نال لازمی ، یِسُوعؔ دا شکر ادا کرنا چاہی دا اے ۔ ساڈے وچوں اوہناں نوں بچاؤن لئی جیہڑے بچ نئیں سکدے سن سگوں دوزخ دے حقدار ہو سکدے ساں، خُدا باپ نےساڈے کول یِسُوعؔ مسیح  نوں گھلیا ، جیہڑا اسمانی ، ارغوانی تے لال دھاگے وانگر ،اپنے سچیائی دے کلام دے راہیں آیا ۔ ایس سچیائی اُتےسچے دلوں ایمان رکھن دے راہیں پئی ساڈا خُداوند اسمانی ، ارغوانی تے لال دھاگے تے مہین وٹے ہوئے کتان وچ ظاہر کیتیاں گئیاں اپنیاں چونہہ خدمتاں نال سانوں ساڈے سارے پاپاں توں بچا چُکیا اے ، تے اوہدی فضل بھری محبت اُتے ایمان رکھن دے راہیں ، اسیں اپنی ساری شکرگزاری خُدا نوں دیندے آں ۔ صرف جد اسیں ٹھیک طریقے نال جان دے تے سبب اُتے ایمان رکھدے آں کیوں خُدا نے مُوسیٰ نوں سیِنا دے پہاڑ اُتے بلایا اسیں اوہناں وانگر بلائے جاسکدے آں جیہڑے سچی پاپ دی معافی اُتے ٹھیک طریقے نال ایمان دی نیہ رکھ چُکے نیں ۔ تہانوں تے مینوں لازمی سبب دا احساس کرنا چاہی دا اے کیوں خُدا نے سانوں سیِنا دے پہاڑ اُتے بلایا،تے ایس اُتے ایمان رکھیے : ایہہ سانوں  قربانی دے   لیلے دے راہیں،  تے سانوں اپنے سکے پُتر بناؤن لئی سانوں ساڈے سارے پاپاں توں  معاف کرنا سی ۔
خیمۂ اجتماع دے برانڈے دے پھاٹک وچ ظاہر کیتے گئے سچ توں ، تُسیں ایتھو ں تیک پئی خُدا دی فضل بھری محبت نوں بوہت لین دے لائق ہوووگے ۔ ایہہ میری خلوص بھری تمنا تے دعا اے پئی تُسیں سارے خُدا دی فضل بھری محبت اُتے ایمان رکھو گے تے ایہنوں اپنے سچےدلو ں قبول کرو گے ۔