کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔
مضمون 11: خیمۂ اِجتماع
[11-12] پاک تھاں دا پڑدا تے ستون <خروج ۲۶:۳۱۔۳۷>
> خروج ۲۶:۳۱۔۳۷ <
”تے تُو ں اسمانی۔ ارغوانی تےلال رنگ دیاں کپڑیاں تے مہین وٹے ہُوئے کتان دا اِک پڑدا بناویں تے اوس وچ کِسے ماہر اُستاد توں کرُوبیاں داچہرہ کڈھوائیں۔تے اوہنوں سونے نال مڑھے ہُوئیاں کِکر دیاں چونہہ سُتُوناں اُتے لمکاویں۔ ایہناں دے کُنڈے سونے دے ہون تے چاندی دے چونہہ خانیاں اُتے کھلارے جان۔تے پڑدےنوں گُھنڈیاں دے ہیٹھاں لمکاویں تے شہادت دے صندُوق نوں اوتھےای پڑدے دے اندر لے جاویں تےا یہہ پڑدا تُہادے لئی پاک تھاں نوں بوہتی پاک تھاں توں وکھ کرے گا۔ تے تُوں سرپوش نوں بوہتی پاک تھاں وچ شہادت دے صندُوق اُتے رکھیں۔تے میز نوں پڑدے دے باہر رکھ کے دیوےدان نوں اوہدے برابر مسکن دے جنُوبی پاسے وچ رکھیں یعنی میز شِمالی پاسے وچ رکھیں۔ تےتُو ں اِک پڑدا خَیمہ دے پھاٹک لئی اسمانی ،ارغوانی تے لال رنگ دے کپڑیاں تےمہین وٹے ہوئے کتان دا بناویں تے اوس اُتے ول بُوٹے کڈھے ہوئے ہون ۔تےایس پڑدے لئی کِکر دی لکڑدے پنج ستُون بناویں تے اوہناں نوں سونے نال مڑھیں تے اوہناں دے کُنڈے سونے دے ہون جِنہاں لئی تُوں پِتل دے پنج خانے ڈھال کے بناویں۔“
پاک تھاں
مَیں پاک تھاں دیاں ستوناں تے اوہدیاں پڑدیاں دیاں رنگاں وچ موجود رُوحانی معانی اُتے غوروحوض کرنا چاہواں گا۔ اسی ایتھے جیہڑے خیمۂ اِجتماع بارے دھیان کردے پئے آں ایہدی لمان۵.۱۳ میٹر(۴۵ فٹ) تے چوڑائی۵.۴ میٹر(۱۵فٹ)سی ، تے ایہنوں دو مکاناں وچ ونڈیا گیا سی جنہاں نوں پاک تھاں تےبوہتی پاک تھاں آکھیا جاند ااے۔ پاک تھاں وچ ، اک دیوادان ، چڑھاوے دیاں روٹیاں دی میز تے بخور دی قربانگاہ سی ، جد پئی پاک تھاں وچ، شہاد ت دا صندوق تے سرپوش رکھےہوئے سن ۔
پاک تھاں تےبوہتی پاک تھاں نال ، خیمۂ اِجتماع چارے پاسیوں کِکر دی لکڑ دیاں تختیاں نال گھریا ہویا سی جیہدی کاچھ تقریباً ۷۰ سینٹی میٹر(۳.۲فٹ) چوڑی تے ۵.۴ میٹر(۱۵ فٹ)اُچی سی ۔ تے خیمۂ اِجتماع دے پھاٹک اُتے ،کِکر دی لکڑ دے پنج ستون رکھے گئے سن جیہڑےسونے نال مَڑھے ہوئے سن ۔ پھاٹک وی ، جیہدے راہیں کوئی بندہ باہرلے برانڈے توں خیمۂ اِجتماع وچ وڑدا سی ، اسمانی، ارغوانی، تے لال دھاگے تےمہین وٹے ہوئے کتان دے اُنے ہوئے پڑدے نال اُنیا ہویا سی ۔
خیمۂ اِجتماع دے باہرلے برانڈے وچ ۶۰ ستون کھلوتے سن ، جنہاں وچوں ہر اک دی اُچیائی ۲۵.۲ میٹر (۵.۷فٹ)سی ۔ برانڈے دا پھاٹک ،جیہڑے ایہدے چڑھدے پاسے ہیگا سی ، اسمانی، ارغوانی، تے لال دھاگے تےمہین وٹے ہوئے کتان نال اُنیا ہویا سی تے باہرلے برانڈے دے ایس پھاٹک وچوں لنگھ کے ای کوئی وی خیمۂ اِجتماع دے برانڈے وچ وڑ سکدا سی ۔ خیمۂ اِجتماع دے ایس برانڈے وچ سوختنی قربانی دی قربانگاہ تے حوض سی ۔
ایہناں دونواں وچوں لنگھدیاں ہویاں ، کوئی بندہ فیر خیمۂ اِجتماع دے پھاٹک اُتے آؤندا سی ،جیہدی اُچیائی۵.۴ میٹر (۱۵فٹ)سی ۔ خیمۂ اِجتماع دا ایہہ پھاٹک پنجاں ستوناں والا سی ، جیہدےخانے پِتل دے بنے ہوئے سن ۔ خیمۂ اِجتماع دےبرانڈے د ےپھاٹک وانگر ، خیمۂ اِجتماع دا پھاٹک وی اسمانی، ارغوانی، تے لال دھاگے تےمہین وٹے ہوئے کتان نال اُنے ہوئے پڑدے نال بنیا سی تے پنجاں ستوناں دے اُتے رکھیاں ہوئیاں سونے دیاں کُنڈیاں اُتے لمکیا ہویا سی ۔ ایہہ پڑدا ونڈیاں پاؤن والا سی جیہڑا خیمۂ اِجتماع دے اندر تے باہر نوں وکھ کردا سی ۔
سانوں سب توں پہلاں جیہڑی شے اُتے دھیان کرنا چاہی دا اے اوہ خیمۂ اِجتماع دے پھاٹک دے ستون نیں
خیمۂ اِجتماع دے پھاٹک دیاں پنجاں ستوناں دی اُچیائی ۵.۴ میٹر (۱۵فٹ)سی ۔ ایہناں ستوناں اُتے اسمانی، ارغوانی، تے لال دھاگے تےمہین وٹے ہوئے کتان دیاں چونہہ دھاگیاں نال اُنیا ہویا اک پڑدا رکھیا گیا سی ۔
سب توں پہلاں ، آؤ اسی ایس سچیائی وچ دھیان کرئیے پئی خیمۂ اِجتماع دے پھاٹک دیاں پنجاں ستوناں دی اُچیائی ۵.۴ میٹر (۱۵فٹ) سی ۔ ایہدا کیہ مطلب اے ۔ ایہدا مطلب اے پئی خُدا نے آپ ای ساڈیاں پاپاں نوں دھون تے سانوں اپنے پُتر بناؤن لئی قربانی دا وڈا مُل اُتاریا ۔ ایس لئی پئی تُسی تے مَیں اپنیاں بنیادی اصولاں وچ اینے ادھورے تے ماڑے بندے آں ، ایس لئی اسی ایس دُنیا وچ بوہت ساریاں غلطیاں کردیاں ہویاں زندہ رہندے آں ۔ایس لئی پئی تُسی تے مَیں بوہت بھیڑے پاپی آں جیہڑے بچ نئیں سکدے سگوں ایس دُنیا وچ ہر ویلے پاپ کردے آں ، اسی بوہت ساریاں بدیاں تے غلطیاں کردے آں ۔ خیمۂ اِجتماع دے پھاٹک دے ایہہ ستون سانوں وکھاؤندے نیں پئی سانوں ایہو جیہاں بدیاں تے دُنیادیاں پاپاں توں چھڈاؤن لئی ، خُدا نے اپنے اِکو اِک پُتر ، یِسُوعؔ مسیح نوں ، ساڈیاں اپنیاں پاپاں دے مُل وانگر قربان کیتا تے یعنی اوہ سچ مُچ اِنج سانوں دُنیا دیاں پاپاں توں چھڈا چُکیا اے ۔
دوجیاں اکھراں وچ ، ساڈیاں بدیاں تے پاپاں لئی جیہڑے اسی ایس دُنیا وچ کیتے ، یِسُوعؔ مسیح نے اپنے آپ نوں خُدا دے اگے اک قربانی دے پشُو وانگر پیش کیتا تے ضرورت توں بوہتا دُنیادیاں پاپاں دا مُل اُتاریا ،تے اِنج سانوں بچا لیا ۔ جےکوئی بندہ غلطی کردا ، تے خُداوند دیاں پاک شیواں بارے ارادہ کیتیوں بغیر پاپ کردا ، تاں اوہنوں غلطی دی قربانی لئی اک لیلا لیاؤنا پینداسی ، تے اوہنوں ایس وچ پنجواں حصہ رلاؤنا پیندا تے ایہنوں کاہناں نوں دینا پیندا سی (احبار ۵:۱۵۔۱۶)۔ایہدا مطلب ایہہ ہیگا اے پئی یِسُوعؔ مسیح نے تہانوں تے مینوں ساڈیاں پاپاں توں بچاؤن لئی اپنے آپ نوں دے دتا تے اِنج ضرورت توں بوہتا ساڈیاں پاپاں دا مُل اُتار چُکیا اے ۔ ساڈا خُداوند ایس زمین اُتے ساڈیاں پاپاں نوں مکاؤن لئی آیا تے اپنے آپ نوں ساڈیاں ایہناں پاپاں لئی ساڈی اپنی خطا دی قربانی وانگرپیش کردتا ۔
پاک کلام دیاں قربانیاں ،جویں سوختنی قربانیاں ، خطا دیاں قربانیاں ،تے سلامتی دیاں قربانیاں ،ایس لئی پیش کیتیاں جاندیاں سن تاں پئی لوک جنہاں نیں پاپ کیتے اپنیاں پاپاں نوں اپنے قربانی دیاں پشُوآں اُتے اپنے ہتھ رکھ کے مکا سکن تے اِنج اپنے پاپ اوہناں اُتے لد سکن ۔ ایہو جیہاں قربانیاں وچوں ، خطا دی قربانی ایہو جیہی قربانی سی جیہدے نال اک قربانی دا پشُو کسے دیاں بدیاں نوں مکاؤن لئی چاہڑیا جاندا سی ۔ ایہہ خطا دی قربانی ،جد کوئی بے دھیانی دے سببوں دوجے نوں نقصان پوہنچاؤندا سی ، یعنی نقصان دا ، مُل دین تے میل جول چالُو رکھن لئی پیش کیتی جاندی سی۔ تے خطا دی قربانی وچ ہرجانے تے گھاٹے سمیت مُل وچ ویہہ فیصد دا وادا ہیگا سی ۔ ایہہ خطادی قربانی دی بنیادی شرط سی ۔ ایہہ ایہو جیہی قربانی سی جیہڑی کسے دیاں بدیاں دے خاص مقصد لئی چاھڑی جاندی سی جد اوہ کسے دوجے دا نقصان کردا سی (احبار ۵:۱۴۔۶:۷)۔
کیہ تُسی تے مَیں پاپ توں بوہت دُور آں ؟ کیہ اسی اپنیاں ساریاں زندگیاں پاپ کردیاں ہویاں نئیں گزاردے ؟ اسی بچ نئیں سکدے سگوں اِنج ای کردے آں ، ایس لئی پئی تُسی تے مَیں آدم دی اولاد آں ۔ اسی اپنے آپ جان دے آں صرف کنیاں بوہتیاں غلطیاں اسی کردے آں تے کویں اسی اپنیاں زندگیاں اینے سارے پاپ کردیاں ہویاں گزاردے آں ۔ اسی اک دوجے دے خلاف تے خُدا دے خلاف کنیاں ساریاں بدیاں کر چُکے آں ؟ایہہ صرف ایس سببوں اے پئی اسی ایہناں بدیاں نوں پاپاں وانگر پچھانن وچ بوہت ڈِھلے تے ادھورے آں پئی اسی اپنیاں زندگیاں گزاردے ہویاں بوہتی واری اوہناں دے بارے بُھل جاندے آں ۔ پر تُسی تے مَیں خُدا دے اگے ایس گل توں بچ نئیں سکدے سگوں پچھان دے آں پئی اسی اک دوجے دے خلاف تے خُدا دے خلاف بوہت ساریاں خطاواں کر چُکے آں ، پئی اسی اوہدے اگے صرف پاپی آں ۔
ایہو جیہے پاپیاں نوں اوہناں دیاں ساریاں پاپاں توں چھڈاؤن لئی ،خُدا نے اوہناں دی اپنی خطادی قربانی وانگر یِسُوعؔ مسیح نوں گھلنا چاہیا ۔ اِنج یِسُوعؔ مسیح دے اپنی قربانی دے مُل نال ساڈیاں پاپاں دی سزا جرن دے بعدوں ،خُدا سانوں مکتی دا انعام دے چُکیا اے ۔جد خُدا باپ نے ایس زمین اُتے اپنے پُتر نوں گھلیا تے اوہنوں بپتسمہ دلوایا تے اوہ سولی اُتے مویا ، اوہ سارا سانوں ساڈیاں ساریاں پاپاں توں بچاؤن تے اپنے سکے لوک بناؤن لئی سی ، کویں اسی کدی اپنے آپ دا حساب ایس قربانی دی قدر تے مُل توں کر سکدے آں؟ سانوں پاپیاں نوں ساڈیاں ساریاں پاپاں توں بچاؤن لئی ، ساڈا خُداوند پاپاں دا سارا مُل اُتارن لئی قربان ہویا سی تےاِنج سانوں دُنیادیاں پاپاں توں بچا چُکیا اے ۔ ایہہ خُدا دے حیران کرن والے فضل توں علاوہ ہور کُجھ کویں ہو سکدا اے ؟ خُدا دی محبت کنی ڈوہنگی ، کھُلی تے اُچی اے ؟ سچیائی ایہہ ہیگی اے پئی خیمۂ اِجتماع دے پھاٹک دے ستون تقریبا ً ۵.۴میٹر(۱۵ فٹ) اُچے سن سانوں خُداوند یِسُوعؔ مسیح ولوں دتی گئی ساڈے لئی خُدا دی محبت دے بارے دسدے نیں ۔
ساڈے ورگے نکیاں بندیاں نوں پاپ دی سزا توں چھڈاؤن لئی ،ساڈا خُداوند سانوں اپنی ذاتی قربانی نال بچا چُکیا اے — مَیں ایس سچیائی لئی اوہدا شکر ادا کردا ہاں ۔ جد اسی بچ نئیں سکدے ساں سگوں اپنیاں پاپاں دی سزا دے سببوں دوزخ دے قیدی ساں ، تے جد خُداوند نے سانوں ساڈیاں پاپاں توں بچاؤن لئی ساڈے بدلے اپنا ذاتی بدن پیش کیتا ، تاں کویں اسی سوکھے جیہے ای اوہدا شکر ادا نئیں کرسکدے ؟ اسی اوہدا شکر ادا کردے آں ! یوحنا کولوں بپتسمہ لین دے راہیں، یِسُوعؔ نے اپنے مہنگے بدن اُتے ساڈیاں پاپاں نوں چُک لیا ، صلیبی لہو نال ساڈیاں پاپاں دا مُل اُتاریا ، تے اِنج سانوں ساڈیاں ساریاں پاپاں تے سزا توں بچا چُکیا اے ۔ ایس لئی اسی ایس خوشخبری اُتے اپنے ایمان نال صرف اوہدا شکر ادا کر سکدے آں ۔ ایہہ خیمۂ اِجتماع دے پھاٹک دیاں ستوناں وچ شامل مکتی دا ڈوہنگا مطلب اے ۔
خیمۂ اِجتماع دے پھاٹک دیاں پنج ستوناں وچوں ہر اک دی اُچیائی۵.۴ میٹر سی ۔ پاک کلام وچ ،عدد ”۵“ دا مطلب ”خُدا دا فضل “اے ۔ ایس لئی ، یعنی اوتھے پنج ستون سن مکتی دے انعام ول اشارہ کردا اے جیہڑا خُدا سانوں دے چُکیا ۔ ساڈے نال محبت کرن تے سانوں اپنی مکتی دی محبت دے کپڑے پا کے ، خُدا نے سانوں اپنے لوک بنن لئی بالکل کسے وی شے وچ گھٹ نا ہون دے لائق بنایا ۔ پاک کلام وچ ، سونا ایمان بارے دسدا اے جیہڑا خُدا اُتے ایمان رکھدا اے جیہڑاسانوں اپنے اسمانی، ارغوانی، تے لال دھاگے تے مہین وٹے ہوئے کتان نال بچا چُکیا اے ۔ دوجیاں اکھراں وچ ،سونے نال پاک کلام ”ایمان“دے بارے دسدا اے جیہڑا سچے دلوں ایس سچیائی اُتے ایمان رکھدا اے پئی خُدا آپ ای ایس زمین اُتے آیا ، بپتسمہ لے کے ساڈیاں پاپاں نوں چُک لیا ، سولی اُتے مرگیا ، مویاں وچوں جی اُٹھیا ، تے اِنج سانوں کامل طریقے نال راستباز بنا چُکیا اے ۔ ایہو ای سبب اے پئی پاک تھاں دے سارے ستون سونے نال مَڑھے ہوئے سن۔
یعنی خیمۂ اِجتماع دے پھاٹیک دیا ں ستوناں دے خانے پِتل دے بنے ہوئے سن ظاہر کردا اے پئی خُداوند بے ترسی والی سزا جر کے ، سانوں ، جیہڑے اصل وچ بچ نئیں سکدے ساں سگوں اپنے پاپ دے سببوں دوزخ دے قیدی ساں ، اپنے بپتسمے تے صلیبی لہو نال بچا چُکیا اے ۔ ایس لئی پئی اسی بوہت بدیاں بھرے ہوئے ساں ،اسی گئے گواتے بندے ساں جیہڑے سچ مُچ بچ نئیں سکدے ساں سگوں موت دے حوالے ہو جاندے ،تے فیر وی سانوں اپنے سکے لوک بناؤن لئی ، اپنی مرضی دے مالک تے پاک خُدا نے اپنے آپ نوں قربان کیتا ، جیہڑا ساڈے توں بوہت چوکھا عزت دے لائق اے تے اِنج سانوں خُدا باپ دے پُتر بنا چُکیا اے ۔ایس لئی سونے دا مطلب اوہ ایمان اے جیہڑا ایس سچیائی اُتے ایمان رکھدا اے ۔ایس لئی سانوں لازمی خیمۂ اِجتماع دے پھاٹک دیاں رنگاں نوں سمجھنا چاہی دا اے ، تے سانوں لازمی ایہدے بارے غوروفکر وی کرنا چاہی دا اے ، ایس لئی شکر ادا کرنا چاہی دا اےتے اپنیاں دلاں دی ڈوہنگھیائی وچ ایس اُتے ایمان رکھنا چاہی دا اے۔
خیمۂ اِجتماع دیاں ستوناں دے پِتل دے خانے
خیمۂ اِجتماع وچ ، ایہدے پھاٹک دیاں ستوناں دے صرف خانے ای پِتل دے بنے ہوئے سن ۔ایہدا مطلب ایہہ ہیگا اے پئی ایس زمین اُتے تُسی تے مَیں اک دوجے دے خلاف تے خُدا دے خلاف بوہت سارے پاپ کر چُکےآں ، تے ایس لئی اسی بچ نئیں سکدے ساں سگوں ایہناں پاپاں دے سببوں لعنتی ساں ۔ ایہناں پِتل دیاں خانیاں وچ لُکی ہوئی سچیائی سانوں سوختنی قربانی دی قربانگاہ دے بارے سوچن لئی مجبور کردی اے ۔ پہلی شے جیہڑی پاپی جد اوہ ایہدے پھاٹک وچوں خیمۂ اِجتماع دے برانڈے وچ وڑدے سن ویکھدے سن اوہ سوختنی قربانی دی قربانگاہ سی جتھے سوختنی قربانیاں چاھڑیاں جاندیاں سن ۔
اکھر ”قربانگاہ“ ایتھے ”چاھڑن“ دا مطلب دسدا اے ۔ سوختنی قربانی دی قربانگاہ ایس سچیائی توں علاوہ کسے دوجی بارے نئیں دسدی پئی یِسُوعؔ مسیح نے بپتسمہ لیا تے اودوں ساڈے ساریاں پاپیاں بدلے بے ترسی نال سولی اُتے قربان ہو گیا ۔ سوختنی قربانی دی قربانگاہ اوہ تھاں سی جتھے قربانیاں جیہڑیاں ہتھاں دے رکھے جان نال پاپاں نوں قبول کردیاں سن ایہناں پاپاں دی سزا وانگر موت دے حوالے کیتیاں جاندیاں سن ۔ کاہن سوختنی قربانی دی قربانگاہ دیاں سِنگاں اُتے ایہناں قربانی دیاں پشُوآں دا لہو لاؤندے سن ، باقی لہو نوں ایہدے ہیٹھا ں ریتلی زمین اُتے ڈوہل دیندے سن تے اوہناں دے گوشت نوں قربانگاہ اُتے اگ نال ساڑ دیندے سن ۔ ایہہ موت والی تھاں سی جتھے قربانیاں جیہڑیاں پاپاں نوں چُک
لیندیاں سن ذبح ہوندیاں سن ۔
سوختنی قربانی دی قربانگاہ خیمۂ اِجتماع دے برانڈے دے پھاٹک تے خیمۂ اِجتماع دے ای وچکار رکھی گئی سی ۔ ایس طرح، ہر کسے نوں جیہڑا خیمۂ اِجتماع وچ وڑنا چاؤہندا سی پہلاں سوختنی قربانی دی ایس قربانگاہ وچوں لنگھنا پیندا سی ۔ ایس لئی ، سوختنی قربانی دی قربانگاہ وچوں لنگھیوں بغیر ، خیمۂ اِجتماع وچ جان دا بالکل کوئی راہ نئیں سی ۔ ایہہ آکھیوں بغیر مننا پیندا اے پئی سوختنی قربانی دی قربانگاہ بالکل یِسُوعؔ مسیح دے بپتسمے تے صلیب داپرچھانواں اے ۔ تے ساڈے خُداوند دا بپتسمہ تے سولی اوہ نیں جیہڑے خُدا دے اگے آؤن والیاں ساریاں پاپیاں دیاں بدکاریاں نوں معاف کردے نیں ۔
ایس طرح ، پہلاں اپنیاں پاپاں نوں لیاؤندیاں تے سوختنی قربانی دی قربانگاہ اُتے رُکیوں بغیر ، تے ایہہ یاد رکھیوں بغیر پئی قربانی دا پشُو اوہناں نوں اوہناں دیاں پاپاں توں ہتھاں دے رکھے جان تے ایہدے بدلے اپنا قربانی دا لہو وگا کے ایہناں پاپاں نوں چُکن نال ، اوہناں نوں بچا چُکیا اے ، کوئی پاپی کدی وی خُدا دے اگے نئیں جا سکدا ۔ ایہہ ایمان خُدادے اگے جان دا راہ اے تے نال ای ایہہ اوہ ایمان اے جیہڑا ساڈی اپنی پاپ توں معافی دی برکت تے پاپ دی سزا جرن (یعنی ، پاپ لئی مرن)ول اگوائی کردا اے ۔
جد اسرائیلی اپنیاں پاپاں نوں مکاؤن لئی قربانی پیش کردے سن ، تاں سب توں پہلاں اوہدے سر اُتےاپنے ہتھ رکھ کے پشُواُتے اپنیاں پاپاں نوں لددیندے ، ایہنوں ذبح کردے تے اوہدا قربانی دا لہو کڈھدے ، تے فیر اوہدا لہوسوختنی قربانی دی قربانگاہ دیاں سِنگاں اُتے لاؤندے تے باقی سارا لہو قربانگاہ دی نیہ اُتے ڈوہل دیندے سن ۔ سوختنی قربانی دی قربانگاہ دے ہیٹھاں زمین سی ۔ زمین ایتھے لوکاں دے دلاں بارے دسدی اے ۔ جویں پئی ایہہ سانوں دسدی اے پئی پاپی اپنیاں دلاں وچ ایمان رکھ کے پاپ توں معافی پاؤندے نیں پئی قربانی دے پشُو نے اوہناں دے پاپاں نوں قبول کیتا تے اوہناں بدلے مر گیا ، ایہہ سارا مکتی دی شریعت دے بالکل مطابق اے ۔ سوختنی قربانی دی قربانگاہ دے سِنگ سانوں پاپاں دے بارے دسدے نیں جیہڑے رُوحانی طریقے نال عدالت دی کتاب وچ لکھے ہوئے نیں ۔
پُرانے عہد نامے دے زمانے دے پاپی اپنیاں پاپاں توں معافی سچیائی اُتے ایمان رکھ کے پا سکدے سن پئی اوہ قربانی دے پشُو دے سر اُتے اپنے ہتھ رکھ چُکے سن تے اِنج اوہدے اُتے اپنے پاپ لد چُکے سن ، تے یعنی ایہہ قربانی اودوں اپنا لہو وگاؤندی سی تے سوختنی قربانی دی قربانگاہ اُتے چاھڑی جاندی سی ۔ جے ہتھاں دا رکھیا جانا تے موت تے قربانی دے پشُو دا ساڑیا جانا نا ہوندا، جیہڑا پاپیاں لئی اوہناں دیاں پاپاں دا کفارہ دینا سوکھا بناؤندا سی ، تاں اوہناں لئی خُدا دے اگےجان دا راہ پورےطوراُتے بند ہوجانا سی تے اوہ ہور پاک خُدا دے اگے جان دے لائق نئیں ہوندے سن ۔ مختصر ، ایس قربانی دے طریقے توں علاوہ کوئی دوجی سچیائی نئیں سی جنہے اوہناں نوں خُدا دے اگے جان دے لائق بنایا ۔
ایس طرح ، یِسُوعؔ مسیح دے بپتسمے ، اوہدی موت تے اوہدی فدیہ دی قربانی اُتے ساڈے ایمان توں بغیر ، ساڈےلئی اپنیاں پاپاں توں معافی پاؤن تے خُدا دے اگے جان دا کوئی راہ نئیں ہیگا ۔ کوئی معنی نئیں رکھدا کویں اسرائیل دے لوک سب توں بوہتا سوہنا ، کامل ، پیارا تے بے پاپ لیلا اپنیاں کاہناں کول لیا چُکے سن، جے اوہناں دے ہتھ اوہدے سر اُتے نئیں رکھے جاندے سن ، جے اوہ اِنج اوہناں دیاں پاپاں نو ں قبول نئیں کرچُکیاسی تے جے ایہہ لہو نئیں وگا چُکیا سی تے ذبح نئیں کیتا گیا سی ، فیر ایہہ کسے وی طرح کوئی اثر نئیں رکھے گا ۔
جد ساڈے ایمان دی گل آؤندی اے ، جے اسی ایہہ ایمان نئیں رکھدے پئی بپتسمہ جیہڑا یِسُوعؔ مسیح نے یوحنا کولوں لیا تے مہنگا لہو جیہڑا اوہنے سولی اُتے وگایا ساڈیاں ساریاں پاپاں نوں مکا چُکے نیں ، فیر اسی نئیں کہہ سکدے پئی اسی پاپاں دی کامل معافی پا چُکے آں ۔ بپتسمہ جیہڑا یِسُوعؔ نے لیا تے سولی اُتے اوہدی موت پاپیاں تے خُدا باپ وچکار صاف طریقے نال کھلوتے نیں ، تے اوہ ایس لئی وچولے کم کرن والے بن گئے نیں جیہڑے پاپیاں نوں اوہناں دیاں بدکاریاں توں بچاؤندے نیں ۔
سوختنی قربانی دی قربانگاہ اک نمونہ اے جیہڑا مکتی دے منصوبے والا اے جنہوں اسمان اُتے اپنی مرضی دا مالک خُدا آپ ای ترتیب دے چُکیا تے یِسُوعؔ مسیح وچ پورا کر چُکیا سی ۔ مُوسیٰ نے خیمۂ اِجتماع نوں مکتی دے طریقے تے نمونے مطابق بنایا جیہڑا خُدا اوہنوں سینا دے پہاڑ اُتے وکھا چُکیا سی ۔ جد ااسی پاک کلام وچ ویکھدے آں ، تاں اسی ویکھ سکدے آں پئی ایہہ نصیحت بوہتی واری دتی گئی سی ۔ جویں پئی خروج ۲۵:۴۰دسدا اے ، ” تے ویکھ تُوں ایہناں نوں ٹھیک ایہناں دے نمُونے مُطابِق جیہڑا تینوں پہاڑ اُتےوکھایا گیا اے بناویں۔ “
لوک اک سولی بنا سکدے تے ایہدے اُتے یِسُوعؔ مسیح نوں لمکا سکدے سن ، پر ایس توں اگے ، اوہ کُجھ وی دوجا کم نئیں کرسکدے سن ۔ اوہ اوہنوں ہتھاں نال بنھ سکدے تے کلوری تیکر گھسیٹ سکدے سن ۔ اوہناں نیں اوہنوں سولی چاہڑیا جد اوہناں نوں نئیں پتہ سی پئی اوہ خُدا دے اگے کیہ کردے پئے سن ۔ پاپی ایس حد تیکر جا سکدے سن ایس لئی پئی ایہناں ساریاں شیواں نوں خُدا نے پہلاں توں منصوبہ کیتی گئی لمی سوچ مطابق پورا کرنا سی ۔ پر ، ایہہ یِسُوعؔ مسیح اے جیہڑا ساریاں پاپاں نوں اکو ای واری سدا لئی اپنے بپتسمے تے صلیبی لہو نال ، یوحنا بپتسمہ دین والے کولوں بپتسمہ لے کے تے اِنج دُنیا دیاں پاپاں نوں چُکن، یعنی اوہناں ساریاں نوں اکو ای واری دھون تےسولی اُتے اپنا لہو وگا کے بچا چُکیا اے ۔
ایس طرح ، سولی اُتے خُداوند یِسُوعؔ مسیح دی موت توں پہلاں ،یوحنا کولوں لیا اوہدا بپتسمہ ساڈی مکتی لئی بوہت ضروری واقعہ سی ۔ اوہدا پاپاں نوں جرنا ، تے اوہناں دی سزا ایتھوں تیکر پئی دُنیابناؤن توں پہلاں خُدا ولوں مقرر ہوئے سن ۔ یوحنا ۳ باب وچ یِسُوعؔ نے نیکُدیمس نوں دسیا پئی ایہہ پانی تےرُوح دی خوشخبری اے ۔ ایس لئی یِسُوعؔ دا بپتسمہ تے سولی خُدا دی لمی سوچ اے جیہدا یِسُوعؔ مسیح وچ پہلاں منصوبہ بنایا گیا سی تے ایہنوں مقرر کیتا گیا سی ۔
یِسُوعؔ نے آپ ای فرمایا، ” کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے “ (یوحنا ۳:۱۶)۔ تے یِسُوعؔ دے بپتسمے اُتے، پطرس نے وی فرمایا، ” تے ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے “ (۱۔پطرس ۳:۲۱)۔اعمال دی کتاب وچ ایہہ وی لکھیا ہویا اے ، ” جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔ “ (اعمال ۲:۲۳)۔
یِسُوعؔ نےجیہڑابپتسمہ لیا تے صلیبی لہو ایہہ سارا اپنی مرضی دے مالک خُدا دے مقصد تے منصوبے نال پورا ہویا ۔ ایس طرح ، ایس لئی پئی کوئی بندہ اپنے دل وچ ایس سچیائی نوں قبول کرن تے ایس سچیائی اُتے ایمان رکھیوں بغیر خُدا دی بادشاہی وچ جا نئیں سکدا ، سانوں لازمی ایہہ سمجھنا چاہی دا اے پئی خُدا ساڈے کولوں ایمان منگدا اے ، تے سانوں لازمی ایہنوں رکھنا چاہی دا اے۔ پانی تے رُوح دی خوشخبری اُتے بھروسہ رکھن والے ایمان دے بغیر کوئی وی مکتی یافتہ نئیں ہو سکدا ۔ تے جے یِسُوعؔ نے اپنی مرضی نال ، یوحنا کولوں بپتسمہ لین، اپنے آپ نوں پاپیاں دے حوالے کرن ، تے سولی اُتے اپنا لہو وگاؤن دا فیصلہ نا کیتا ہوندا ، تاں پاپی اوہنوں کدی وی سولی اُتے چاھڑن دے لائق نا ہوندے ۔ یِسُوعؔ دوجیاں دے ہتھوں کلوری تیکر گھسیٹن لئی مجبور نئیں کیتا گیا سی ، سگوں ایہہ کامل طریقے نال اوہدی اپنی مرضی نال سی پئی اوہنے بپتسمہ لین، اپنا لہو سولی اُتے وگا کے دُنیا دیاں پاپاں نوں چُک لیا ، تے اِنج پاپیاں نوں اوہناں دیاں ساریاں پاپاں توں بچا یا ۔
یسعیاہ ۵۳:۷ دسدا اے ، ” اوہ ستایا گیا تاں وی اوہنے جریا تےمُنھ نا کھولیا۔ جویں لیلاجِنہوں ذبح کرن لئی لے جاندے نیں تے جویں بھیڑ اپنے وال کترن والیاں دے اگے مُنھ نئیں کھولدی اُنج ای ا وہ چُپ کیتا رہیا۔“ ایس لئی ،خُداوند یِسُوعؔ مسیح دا بپتسمہ تے اوہدی صلیبی موت کامل طریقے نال اوہدی اپنی مرضی مطابق سی ، تے اوہنے ایہناں دے راہیں ، اکو ای واری سدا لئی ،اوہناں لوکاں نوں جیہڑے اوہدے بپتسمے تے صلیبی لہو اُتے ایمان رکھدے نیں اوہناں دیاں ساریاں پاپاں توں بچایا اے ۔ خُداوند دیاں ایہناں کماں بارےعبرانیوں دی کتاب دا لکھاری وی لکھدااے ، ” پر ہُن اخِیری زمانے وِچ اِکّو وار ظاہر ہویا۔ تاں جو اپنے آپ نُوں قُربان کرن نال گُناہ نُوں دفع کر دے۔ “ (عبرانیوں ۹:۲۶)۔
سوختنی قربانی دی قربانگاہ وچ جیہڑی سانوں مسیح دے بپتسمے تے اوہدی صلیبی موت دے پرچھاویں نوں وکھاندی اے ، اسی سچ مُچ اسمانی مکتی دے رُوحانی انعام دی گواہی نوں ویکھ سکدے آں ۔سوختنی قربانی دی قربانگاہ اُتے قربانی دے پشُو دی موت یِسُوعؔ دے بپتسمے تے موت توں علاوہ کسے دوجے نوں لاگُو نئیں کردی جیہڑا ہر کسے دے پاپاں دے سببوں لوڑی دا سی ۔ پُرانے عہد نامے وچ، پاپی اپنیاں قربانی دیاں پشُوآں دی راہیں اپنیاں بدکاریاں دا فدیہ دیندے سن جیہڑےاوہناں دیاں ہتھاں دے رکھے جان نال اوہناں دیاں پاپاں نوں چُکدے تے اوہناں بدلے مردے سن ۔ ایسے طریقے نال ، نویں عہد نامے وچ ، خُدا دے پُتر دے کلوری اُتے ظالماں دے ہتھوں مرن توں پہلاں ،اوہنے یوحنا کولوں بپتسمہ لے کے پہلاں دُنیا دیاں پاپاں نوں چُک لیا، تے ایس سببوں اے پئی یِسُوعؔ نے سولی چڑھنا ، اپنا لہو ڈوہلنا تے مرنا سی ۔
ایس طرح ، خُدانے یِسُوعؔ اُتے ہتھاں دے رکھے جان تے مرن لئی سولی اُتے چاڑھن دا منصوبہ بنایا تے ایہنوں پہلاں توں مقرر کیتا ، ایہہ سارا ایہناں قاتلاں وچکار صلح نوں قیم کرن دے بارے وچ سی جنہاں نیں اوہدے پُتر تے اوہنوں قتل کیتا ۔ خُدا نے مکتی دی شریعت دا منصوبہ بنایا جیہڑی ہتھاں دے رکھے جان تے موت دے راہیں پوری کیتی گئی سی ، تے ایس شریعت دے مطابق ، اوہنے اسرائیلیاں نوں اوہنوں قربانی دے پشُو پیش کرن دے راہیں اوہناں دیاں پاپاں دی معافی پاؤن دی اجازت دتی ۔
دوجیاں اکھراں وچ ، خُدا آپ صرف تے صرف پاپیاں نوں بچاؤن لئی سلامتی دی قربانی بن گیا ۔ خُدا دی ایہہ مکتی بوہت کاچھ توں باہر ڈوہنگھی ، سیانف بھری تے سچی اے ! اوہدی سیانف تے سچیائی حیران کرن والے طریقے نال ودھیانیں ، جیہڑیاں ساڈی سمجھوں باہر نیں ۔ کیہڑا ایتھوں تیکر پئی ہتھاں دے رکھے جان تے لہو وگاؤن نال بنائی گئی تے سوختنی قربانی دی قربانگاہ وچ ظاہر کیتی گئی اوہدی لمی سوچ والی مکتی دا خیال کرن دی ہمت کرسکدا اے ؟ پولُس وانگر ، سارا جواسی کر سکدے آں صرف وڈیائی اے ، ” واہ خُدا دی بھرمار تے عقل تے سمجھ کیڈے ڈُونگھے نیں! اوہدیاں عدالتاں دی تھاہ کدوں مِلدی اے۔ تے اوہدیاں راہاں دا کھوج کدوں مِلدا اے۔ “ (رومیوں ۱۱:۳۳)۔ پانی ، لہو تے رُوح دی خوشخبری اکلی سچی خوشخبری اے جیہدے نال خُدا پاپیاں نوں کامل طریقے نال بچا چُکیا اے ۔
سوختنی قربانی دی قربانگاہ دے سِنگ
خیمۂ اِجتماع دے برانڈے وچ رکھی گئی سوختنی قربانی دی قربانگاہ دیاں چونہہ کونیاں اُتے پِتل دے سِنگ لگے ہوئے سن۔ پاک کلام وچ ، ایہہ سِنگ پاپ دی عدالت نوں ظاہر کردے نیں (یرمیاہ۱۷:۱؛ مکاشفہ ۲۰:۱۱۔۱۵)۔ایہہ ظاہر کردا اے پئی سولی دی خوشخبری بپتسمے نال اے جیہڑا یِسُوعؔ نے لیا سی ۔ ایس لئی پولُس رسول فرماندا اے ، ” کیوں جو مَیں اِنجِیل توں شرماں دا نئیں۔ ایس کر کے پئی اوہ ہر اِک دی نجات دے لئی … خُدا دی قُدرت اے۔ “ (رومیوں ۱:۱۶)۔ ہور ۱۔کرنتھیوں ۱:۱۸وچ ، اِنج لکھیا ہویا اے، ” کیوں جو صلِیب دی منادی ناس ہون والیاں واسطے تے مُورکھ اے۔ پر ساڈے نجات لین والیاں واسطے خُدا دی قُدرت اے۔ “
سوختنی قربانی دی قربانگاہ دے ایہہ سِنگ صاف طریقے نال اعلان کردے نیں پئی خُدا دی سچی عدالت تے مکتی کامل طریقے نال اوہدے بپتسمے، اوہدی صلیبی موت ، تے اوہدے جی اُٹھن نال پوری ہو گئی اے ۔
سوختنی قربانی دی قربانگاہ دے کڑیاں وچ رکھیاں گئیاں دو چوباں
بیابان وچ بنائے گئے خیمۂ اِجتماع دے سارے بھانڈے چُکے جان والے سن ۔ ایہہ اک طریقہ سی جیہڑا اسرائیلیاں دی زندگی دی خانہ بدوش فطرت لئی ٹھیک سی ۔ اوہناں نوں بیابان وچ پھرنا پیا جد تیکر پئی اوہ کنعان دی دھرتی اُتے وس نئیں پئے ۔ ایس لئی پئی اوہناں دی درشن دی زندگی جاری رہی جد اوہ جنگل وچوں لنگھدے پئے سن ، خُدا نےاوہناں وچوں سوختنی قربانی دی قربانگاہ نوں پھڑن لئی دوچوباں تیار کروائیاں ، تاں پئی جد اسرائیلیاں نوں خُدا ولوں اگانہہ ودھن دا حکم ملدا تاں اوہناں دے کاہن قربانگاہ نوں چُک سکن ۔
جویں خروج ۲۷:۶۔۷ دسدااے، ” تے تُوں قُربان گاہ لِئی کِکر دی لکڑدیاں چوباں بنا کے اوہناں نوں پِتل نال مَڑھیں۔ تے تُوں اوہناں چوباں نوں کڑیاں وچ پا دیویں پئی جد کدی قُربان گاہ چُکی جاوے اوہ چوباں اوہدیاں دونواں پاسے رہن۔“ ایس لئی پئی سوختنی قربانی دی قربانگاہ دے دونواں پاسیاں وچ پِتل دیاں چونہہ کڑیاں وچ دو چوباں پائیاں گئیاں سن ، ایس لئی لاوی ایہنوں اپنیاں موہڈیاں اُتے چُک سکدے سن تے ایہنوں لے جاسکدے سن جد اسرائیلی سفر کردے سن ۔ سوختنی قربانی دی قربانگاہ مسیح دے بپتسمے تے سولی نوں ظاہر کردی اے ۔ ایس طرح ، جویں لاوی سوختنی قربانی دی قربانگاہ نوں ایہدیاں دونواں چوباں نال چُکدے تے ایہنوں بیابان وچ لے جاندے سن ، ایسے طرح ، اوہدے بپتسمے تے سولی دی خوشخبری وی ایس دُنیا دے سارے بیابان وچ اوہدے خادماں دےراہیں پوہنچائی جاندی اے ۔
اک ہور مسئلہ جیہدا سانوں اگانہہ ودھن توں پہلاں حساب لاؤنا چاہی دا اے اوہ ایہہ سچیائی اے پئی اوتھے دو چوباں سن جنہا ں نیں اسرائیلیاں نوں سوختنی قربانی دی قربانگاہ نوں چُکن دے لائق کیتا ۔ ایسے طرح ، پانی تےرُوح دی خوشخبری وی دو حصیاں والی اے ۔ اک اوہ بپتسمہ اے جیہڑا مسیح نے یوحنا کولوں لیا ، تے دوجی سزا اے جیہڑی خُداوند یِسُوعؔ مسیح نے سولی اُتے جری ۔ جد ایہہ دونویں مل جاند ے نیں ، تاں پاپ توں معافی دی مکتی کامل ہوجاندی اے ۔ سوختنی قربانی دی قربانگاہ دو چوباں والی سی ۔ وکھ وکھ نظر نال ویکھدیاں ہویاں ،ایہدے دستے سن ۔ اک چوب بوہت نئیں سی ، ایس لئی پئی صرف اک چوب نال ، حرکت دے ویلے قربانگاہ برابر نئیں ہو سکدی سی ۔
ایسے طرح ، پانی تےرُوح دی خوشخبری وی دو حصیاں نال پوری ہوندی اے ۔ ایہہ بپتسمہ جیہڑا یِسُوعؔ مسیح نے یوحنا کولوں لیا تے سولی اُتے اوہدا لہو وگاؤنا نیں ۔ دوجیاں اکھراں وچ ، یِسُوعؔ دا بپتسمہ تے اوہدی سولی اُتے موت اکٹھیاں خاص شیواں نیں جیہڑیاں رَ ل کے ٹھیک سچیائی نوں بناؤندیاں نیں ۔ یِسُوعؔ دا بپتسمہ تے لہو انصاف کردیاں ہویاں پاپیاں دی پاپ توں معافی کامل کر چُکے نیں ۔ ایہناں دونواں (یِسُوعؔ دےبپتسمہ تے اوہدی صلیبی موت) وچوں ،جے اک نوں ردّ کیتا جاندا اے ، فیر ایہہ ایسے طرح دوجے نوں ردّ کرن دے برابر اے ۔مسیح دے بپتسمہ تےاوہدے لہو وگائیوں بغیر کوئی مکتی سوکھی نئیں ہو سکدی ۔
بِنا شک ، اوہدا جی اُٹھنا وی اہم اے ۔ مسیح دے جی اُٹھن دے بغیر ، اوہدی موت بے فائدہ ہوئے گی ، اوہ کسے وی طرح کوئی پھل نئیں دیوے گی ۔ جے اسی صرف اک موئے مسیح اُتے ایمان رکھدے ، فیر اوی کسے نوں وی ، ایتھوں تیکر پئی اپنے آپ نوں بچاؤن دے لائق نئیں ہونا سی ۔ پر مسیح ، جنہے بپتسمہ لیا ، مرن تیکرسولی اُتے لہو وگایا ، تے فیر زندہ ہون لئی موت اُتے فتح پائی اوہناں دی اصلی مکتی بن گیا اے جیہڑے پانی تےرُوح دی خوشخبری اُتے ایمان لیاؤندے نیں تے خُدا کول آؤندے نیں ۔ تے اوہ اوہناں دا سدا دی مکتی دا خُداوند تے راکھا وی بن گیا اے ۔
اوہدے جی اُٹھن توں اڈ صرف مسیح دے موت بارے گل کرنا صرف اک اَڑی تے جھوٹھ اے ۔ تے مسیح دے جی اُٹھن توں اڈ ، اوہدی سولی صرف خُدا دی ناکامی ہوئے گی ۔ ایہہ یِسُوعؔ نوں اک نکا مجرم وی بنا دیوے گی ۔ نا صرف ایہہ ، سگوں ایہہ خُدا نوں اک جھوٹھا وی بنا دیوے گی ، جیہدا نتیجہ پاک کتاب دے کلام نوں مخول کرنا ہوئے گا ۔ جویں پئی مسیح نے یوحنا کولوں بپتسمہ لیا ، اوہ سولی اُتے مر گیا ، فیر مویاں وچوں جی اُٹھیا تے اِنج اوہناں دا اصلی مکتی داتا بن گیا اے جیہڑے اوہدے اُتے ایمان رکھدے نیں ۔
اوہ خوشخبری جیہڑی ساری خوشخبری وچوں یِسُوعؔ دےبپتسمہ نوں باہر کڈھ دیندی اے ، جنہوں اج دے زمانے دے بوہت سارے مسیحی من دے پئے نیں ، خُدا نوں دھوکہ دیندی اے ،لوکاں نوں دھوکہ دیندی اے تے اوہناں دیاں جاناں نوں دوزخ وچ لے جاندی اے ۔ تے ایہو جیہی خوشخبری اُتے ایمان رکھنا خُدا دی سدا دی سچیائی دے کلام نوں ناپسند کرنا تے ردّ کرنا اے ۔ جھوٹھے نبی جیہڑے صرف مسیح دی سولی دی تعلیم دیندے پئے نیں مسیحیت نوں دُنیا دیاں بوہت ساریاں دیناں وانگر بدلدے پئےنیں۔ایہو ای سبب اے پئی جیہڑی خوشخبری نوں اوہ من دے پئے نیں اوہ ساری دی ساری پانی تےرُوح دی سچی خوشخبری توں فرق اے ۔
مسیحیت اِکو دین اے جیہڑا اِکو خُدا تے زندہ مسیح اُتے ایمان رکھدا اے ۔ پر ، بھاویں مسیحیت دُنیا دیاں دوجیاں دیناں وچوں بوہت اُچی نظر آؤندی اے تے اپنےآپ دا اصل سچیائی وانگر دعویٰ کردی اے ، جے ایہہ پانی تےرُوح دی خوشخبری اُتے ایمان نوں چھڈ کے صرف اپنے واحدانیت دے عقیدے بارے دسدی اے ، فیر ایہہ محبت تے سچیائی دا ایمان نئیں ہیگا ، سگوں صرف اپنے آ پ نوں پسند کرن والا دین اے ۔
سوختنی قربانی دی قربانگاہ دی تھاں
ایتھے، آؤ اسی اک واری فیر ایس تھاں اُتے دھیان کرئیے جتھے خیمۂ اِجتماع دے برانڈے وچ سوختنی قربانی دی قربانگاہ رکھی گئی سی ۔ خیمۂ اِجتماع دے سارے سامان وچوں سوختنی قربانی دی قربانگاہ سب توں وڈی سی ۔ ایہہ خیمۂ اِجتماع دیاں شیواں وچوں سب توں پہلی وی سی جتھے ترتیب نال کاہن آؤندے سن جد اوہ بھگتی لئی پاک تھاں اُتے جانا چاؤہندے سن ۔ سوختنی قربانی دی قربانگاہ خُدا اُتے ایمان دی مُڈھلی شے اے، تے ایہہ لوکاں نوں اوہدے تیکر اپڑن لئی اوہدے طریقے نوں منن بارے آکھدی اے ۔ دوجیاں اکھراں وچ ، سوختنی قربانی دی قربانگاہ سچیائی نوں ظاہر کردی اے پئی لوکاں نوں لازمی اپنیاں ساریاں پاپاں دا مسئلہ ایمان توں سکھنے بنن دی بجائے ایماندار بن کے حل کرنا چاہی دا اے ، ایس لئی پئی بپتسمہ اُتے جیہڑا یِسُوعؔ نے یوحنا کولوں لیا تے سولی اُتے ایمان نا رکھنا کسے نوں زندہ خُدا دے اگے جان دی اجازت نئیں دے سکدا ۔
ایہہ خُدا دے پُتر دے بپتسمے تے موت اُتے ایمان رکھن دے راہیں ہیگا اے پئی اسی اپنیاں پاپاں توں مکتی پا چُکے آں ، ایہہ ایمان نا رکھن دے راہیں نئیں ہیگا ۔ اسی اپنیاں پاپاں تو ں معاف ہو گئے آں تے صرف بپتسمے تے خُدا دےپُتر دے لہو وگاؤن اُتے ایمان رکھ کے نویں زندگی پا چُکے آں ۔ ایس لئی پئی پانی تےرُوح دی ایہہ خوشخبری بوہت خاص ، پکی تے سب توں بوہت کامل اے ، سانوں لازمی اپنیاں دلاں وچ ایس اُتے گھڑی مُڑی دھیان کردیاں رہنا چاہی دا اے ۔ سانوں لازمی ایس خوشخبری نوں پچھاننا چاہی دا اے تے ایس اُتے ایمان رکھنا چاہی دا اے۔ سانوں لازمی اپنیاں دلاں وچ ایمان چاہی دا اے پئی اسی سارے دوزخ دے قیدی بن گئے ساں تے سانوں لازمی ایہہ وی ایمان رکھنا چاہی دا اے، ایس ایمان نال اکٹھیاں ہو کے ، پئی خُداوند نے بپتسمہ لے کے ساڈیاں ساریاں پاپاں نوں چُک لیا تے سولی اُتے اپنا لہو وگا کے ساڈیاں پاپاں دی سزا جری ۔
سوختنی قربانی دی ایس قربانگاہ نال ، یعنی خیمۂ اِجتماع دے پھاٹک دیاں ستوناں دے خانے پِتل دے بنے ہوئے سن ، سانوں دسدے نیں پئی سانوں لازمی سچیائی نوں مننا چاہی دا اے پئی اسی سارے ، اپنیاں غلطیاں دے سببوں ،دوزخ وچ سُٹے جان دے حقدار آں ، تے خُدا دی عدالت مطابق ، جیہڑی اعلان کردی اے ” گُناہ دی مزدُوری مَوت اے، “ ایہہ واضح ہوندا اے پئی اسی سارے اپنیاں پاپاں دے سببوں دوزخ دے حقدار آں ۔
فیر وی ساڈیاں ورگیاں نکیاں لوکاں نوں بچاؤن لئی ، جنہاں نوں سچ مُچ ساڈیاں ساریاں پاپاں دی عدالت توں ، لازمی طریقے نال دوزخ وچ جانا چاہی دا اے، ساڈا خُداوند بدن وچ ایس زمین اُتے آیا ، بپتسمہ لےکے اپنے آپ اُتے ساریاں لوکاں دیاں پاپاں نوں چُک لیا ، جگ دیاں پاپاں نوں سولی اُتے لے گیا ، اپنا لہو وگا کے سزا جری ، تے اِنج تہانوں تے مینوں کامل طریقے نال ساڈیاں پاپاں تے سزا توں بچا چُکیا اے ۔ صرف اوہو ای جیہڑے ایس سچیائی اُتے ایمان رکھدے نیں خُدا دی کلیسیا وچ رَل سکدے نیں تے اوہدے لوک بن سکدے نیں ۔ خیمۂ اِجتماع دے پھاٹک دا پڑدا تے ستون ساڈے اُتے ظاہر کردے نیں پئی صرف اوہو جیہڑے ایہہ ایمان رکھدے نیں خُدا دے لوک بن سکدے نیں تے اوہدی بادشاہی وچ جا سکدے نیں ۔
سانوں لازمی خیمۂ اِجتماع دے پڑدے دے پھاٹک دیاں چونہہ رنگاں وچ ظاہر ہون والی سچیائی اُتے ایمان رکھنا چاہی دا اے
کیہ تُسی ایمان رکھدے او پئی خُداوند سانوں اپنیاں اسمانی، ارغوانی، تے لال دھاگے تے مہین وٹے ہوئے کتان دیاں خدمتاں نال ایس زمین اُتے آ کے بچا چُکیا اے ؟ ارغوانی دھاگے دا مطلب ہیگا اے پئی یِسُوعؔ آپ ای خُدا اے ؛ اسمانی دھاگے دا مطلب ہیگا اے پئی یِسُوعؔ ، آپ ای خُدا اک بندہ بن گیا تے ایس زمین اُتے بپتسمہ لے کے ساڈیاں پاپاں نوں چُک لیا ؛ تے لال دھاگے دا مطلب ہیگا اے پئی یِسُوعؔ مسیح نے ، جنہے اِنج ساڈیاں ساریاں پاپاں نوں قبول کیتا ، سولی اُتے چڑھ کے اپنے مہنگے بدن نوں قربان کر دتا ۔ ساڈے لئی ایہہ ایمان رکھنا بوہت ضروری ہیگا اے پئی بپتسمہ لین تے سولی اُتے چڑھن والا یِسُوعؔ فیر مویاں وچوں جی اُٹھیا تے اِنج تہانوں تے مینوں کامل طریقے نال بچا چُکیااے ۔
صرف اوہو ای جیہڑے سچ مُچ ایس سچیائی اُتے ایمان رکھدے نیں خُدا دی کلیسیا وچ کم کرن والے بن سکدے نیں ۔ خیمۂ اِجتماع دے پھاٹک دے ستون کم کر ن والیاں ول اشارہ کردے نیں ۔ اوہ سانوں وکھاؤندے نیں پئی صرف اوہو ای جیہڑے ایس طریقے نال ایمان رکھدے نیں خُدا دے لوک نیں ، تے صرف ایہو جیہاں ای لوکاں نوں خُدا اپنے کم کرن والیاں تے ستوناں وانگر ورت سکدا اے ۔
چٹا ، مہین وٹیا ہویا کتان سانوں دسدا اے پئی اوہ جیہڑے خُدا دے لوک ، یعنی راستباز بن گئے نیں ، اوہ لوک نیں جیہڑے اپنیاں دلاں وچ بالکل سچ مُچ کوئی پاپ نئیں رکھدے ۔ راستباز لوک اوہ نیں جیہڑے اسمانی، ارغوانی، تے لال دھاگے دی سچیائی اُتے ایمان رکھ کے اپنیاں پاپاں توں معافی پاچُکے نیں ۔ ساڈا خُداوند ایس زمین اُتے آیا تے بپتسمے نال جیہڑا اوہنے یوحنا کولوں لیا تے صلیبی لہو دے نال ساریاں پاپیاں نوں بچا چُکیا اے ۔ ایس لئی پئی خُداوند اپنی اِکو مہنگی جان دے کے سانوں بچا چُکیا اے ، اسی بچ نئیں سکدے سگوں اوس اُتے ایمان رکھدے آں جیہڑا پانی تے لہو دے راہیں آیا سی (۱۔یوحنا ۵:۶)۔
ارغوانی دھاگہ ایس سچیائی ول اشارہ کردا اے پئی یِسُوعؔ بادشاہواں دا بادشاہ اے ۔ دوجیاں اکھراں وچ ، سانوں لازمی ایمان رکھنا چاہی دا اے پئی خُداوند سانوں ، جیہڑے گئے گواتے تے پاپ بھرے آں ، اپنی مہنگی زندگی دے کے بچا چُکیا اے ، تے یعنی اوہ اِنج سانوں خُدا دے لوک بنا چُکیا اے ۔ ہُن جے صرف اسی اپنیاں دلاں وچ ایس سچیائی اُتے ایمان رکھدے آں ، فیر پکی مکتی اُتے اپنے ایمان رکھن دےراہیں ، اسی سارے ایہو جیہے راستباز بن سکدے آں جیہڑے بے پاپ نیں ۔ سانوں خُدا دا شکر ادا کرنا چاہی دا اے پئی اوہنے سانوں ایمان دا ایہہ انعام دتا ، تاں پئی اسی ایہو جیہا ایمان پا سکیے ۔
اصل وچ ، ایہہ پئی اسی ایس سچیائی اُتے ایمان لے آئے آں ، اپنے آپ، خُدا ولوں اک انعام اے ۔ پاپ توں ساڈی مکتی وی خُدا دا اک انعام اے ۔ کیہ خُدا اپنی مہنگی زندگی ، ساڈے توں بوہت چوکھی نا مُکن والی ، سانوں دے کے ساڈیاں پاپاں توں سانوں نئیں چھُڈا چُکیا ؟ ایس لئی پئی یِسُوعؔ نے بپتسمہ لیا ، سولی اُتے مرگیا ، مویاں وچوں جی اُٹھیا ، تے اِنج سانوں مکتی دا انعام دے چُکیا اے ، ایس لئی اوہ سارے جیہڑے ہُن ایس خوشخبری اُتے ایمان رکھدے نیں اوہ مکتی دا ایہہ انعام پا سکدے نیں تے خُدا دے اپنے لوک بن سکدے نیں ۔ جد مکتی دی گل ہوندی اے ، تاں ساڈا اپنا بالکل کوئی کم نئیں ہیگا ۔ ساڈے کول کرن لئی کُجھ نئیں ہیگا سگوں صرف یِسُوعؔ مسیح اُتے ایمان رکھنا چاہی دا اے جیہڑا اسمانی، ارغوانی، تے لال دھاگے دے راہیں آیا ۔ ایہہ مکتی ساڈے لئی خُدا دا انعام اے ۔
یِسُوعؔ اُتے ایمان دا شروع سب توں پہلاں ایہہ سوچ کے ہوندا اے پئی ” کیہ اسی سچ مُچ دوزخ دے لائق ہیگے آں یا نئیں ۔ “ کیوں ؟ ایس لئی پئی جد اسی سب توں پہلاں اپنیاں پاپی اصل زندگیاں نوں پچھان دے تے من دے آں ، تاں اسی بچ نئیں سکدے سگوں سچیائی اُتے ایمان رکھدے آں پئی یِسُوعؔ ساڈیاں پاپاں لئی ساڈی اپنی خطا دی قربانی بن گیا ۔ ایہہ پئی اسی مکتی یافتہ ہو سکدے آں بھاویں جد پاپ کردے پئے آں جیہڑا کُجھ اسی کر سکدے آں اوہ مکتی دےانعام نال سوکھا ہویا اے جیہڑا خُداوند ولوں دتا گیا اے جنہے ساڈے بدلے اپنے آپ نوں قربان کیتا ۔ کیہ اسی صرف اوس اُتے ایمان رکھ کے مکتی یافتہ ہو گئے آں ؟ کیہ اِنج اسی ایمان رکھ کے خُدا دے لوک بن گئے آں ؟ کیہ اسی سچ مُچ ایہو جیہا ایمان رکھدے آں ؟ کیہ اسی اقرار کر سکدے آں پئی ساڈی مکتی ، ساڈیاں کماں نال نئیں سگوں خُدا دا انعام اے ؟ کیہ اسی سچ مُچ من دے آں پئی اسی خُدا ولوں دتی گئی مکتی دےانعام اُتے ایمان رکھن توں پہلاں سارے دوزخ دے قیدی بن گئے ساں ؟ سانوں لازمی ایہناں موضوعاں نوں اک واری فیر ویکھنا چاہی دا اے ۔
خیمۂ اِجتماع یِسُوعؔ دا تفصیلی خاکہ اے
خیمۂ اِجتماع وچ ظاہر ہون والی سچیائی جھوٹھیاں نبیاں دے مُنھ بند کر دیندی اے ۔ جد اسی خیمۂ اِجتماع دا کلام کھولدے تے اوہناں اگے ایس بارے گل کردے آں ، تاں اوہناں دا جھوٹھ سارا کُھل جاندا اے ۔
خیمۂ اِجتماع دے پھاٹک دے سارے ستون سونے نال مَڑھے ہوئے سن ۔ ایہہ ظاہر کردا اے پئی خیمۂ اِجتماع وچ کدھرے وی کوئی بندیاں والا کھوٹ نئیں ہیگا ۔ خیمۂ اِجتماع وچ کدھرے وی کوئی بندیاں والا نشان نئیں ہیگا ۔خیمۂ اِجتماع دے اندر ہر شے سونے نال مَڑھی ہوئی سی ۔ ایہدے پھاٹک دے ستون سونے نال مَڑھےہوئے سن تے ستوناں دا اُتلا چھاڑ وی سونے نال مَڑھیا ہویا سی ۔ پر ، ستوناں دے خانے پِتل دے بنے ہوئے سن ۔ ایہہ سانوں دسدا اے پئی ساڈیاں پاپاں تے غلطیاں دے سببوں ، تُسی تے مَیں سارے دوزخ دے لائق ساں ۔ کیہ ایہہ سچ نئیں ہیگا ؟ کیہ سچ مُچ ایہہ صورت ِ حال نئیں ہیگی ؟ کیہ تُسی سچ مُچ ایمان رکھدے او پئی تُسی وی ہر دن کیتے گئے اپنیاں غلطیاں والیاں پاپاں دے سببوں دوزخ دے لائق ہیگے سو ؟ ایہہ پئی تُسی اپنیاں پاپاں دے سببوں دوزخ جان دے لائق ہیگے سو خُدا ولوں کیتی گئی ٹھیک عدالت اے ۔ فیر کیہ تُسی ایس عدالت نوں من دے او ؟ تہانوں لازمی مننا چاہی دا اے ! ایہہ صرف اک علم نئیں ہیگا ، سگوں تہانوں لازمی ایہنوں ایہدے اُتے ایمان رکھ کے قبول کرنا چاہی دا اے ۔
پاک کتاب فرماندی اے ، ” کیوں جو راستبازی لئی دِلوں اِیمان لیاوی دا اے۔ تے نجات لئی مُنھ توں اِقرار کری دا اے“ (رومیوں ۱۰:۱۰)۔ جد اسی اپنیاں دلاں وچ پچھان دے آں پئی اسی دوزخ جان دے لائق ساں ، تے جد اسی سچیائی اُتے ایمان رکھدے آں پئی خُداوند سانوں اپنیاں اسمانی، ارغوانی، تےلال دھاگے وچ ظاہر کیتے گئے کماں نال کامل ہوئی مکتی دا انعام دے کے بچا چُکیا اے ، فیر اسی سارے پاک تھاں اُتے جا سکدے تے زندہ رہ سکدے آں ۔ اسی ایمان رکھدے آں پئی خُداوند ، یعنی اوہ جیہڑا ساڈے توں بوہت چوکھا مہنگا اے ایس زمین اُتے آیا ، اوہنے بپتسمہ لے کے ساڈیاں پاپاں نوں چُک لیا ، ایہہ پئی اوہنے اپنا لہو وگایا تے سولی اُتے مر گیا تے یعنی اِنج کر کے اوہ ساڈیاں ساریاں پاپاں نوں دھو چُکیا اے تے سانوں ساڈی سزا توں بچا چُکیا اے ۔ سانوں اسمانی، ارغوانی، تےلال دھاگے نال بچا کے ، خُداوند سانوں راستباز بنا چُکیا اے ۔
سانوں لازمی اپنیاں دلاں دیاں خانیاں وچ ایس اُتے سچ مُچ ایمان رکھنا چاہی دا اے ۔ صرف اوہو ای لوک جیہڑے اپنے دل دےخانے وچ ایس سچیائی اُتے رکھدے نیں خُدا دے لوک تے اوہدے کم کرن والے بن سکدے نیں ۔ ایس سچیائی نوں صرف بندیاں دے بنائے ہوئے خیالاں وانگر سمجھنا اصلی ایمان نئیں ہیگا ۔ ”اوہ، تاں خیمۂ اِجتماع دا ایہہ مطلب سی ۔ مَیں بوہتی واری اپنے گرجے وچ اسمانی، ارغوانی، تےلال دھاگےدے بارے سُنیا اے ، تے ایس طرح اوہناں دے مطلب دی تشریح اِنج کیتی جا سکدی اے ! “ بھاویں تُسی حالے تیکر اپنیاں خیالاں وچ سچیائی اُتے ایمان رکھدے سو ، ہُن اوہ ویلا اے
جد تہانوں اپنیاں دلاں وچ پانی تےرُوح دی خوشخبری اُتے سچے دلوں ایمان رکھنا چاہی دا اے ۔
خیمۂ اِجتماع دے پھاٹک دیاں ستوناں دے خانے پِتل دے بنےہوئے سن ۔ پر پِتل دے خانے صرف خیمۂ اِجتماع دے پھاٹک دے پنجاں ستوناں لئی ورتے گئے سن ؛ ایہدے اُلٹ، بوہتی پاک تھاں دے پڑدے دے ستون ، پِتل والے خانیاں والے نئیں سن ، سگوں ایہناں ستوناں دے چار خانے سارے چاندی نال بنے ہوئے سن ۔ پاک کلام وچ چاند ی خُدادے انعام تے فضل نوں ظاہر کردی اے ، جد پئی سونا سچے ایمان نوں ظاہر کردا اے جیہڑا دل دی ڈوہنگیائی نال ایمان رکھدا اے ۔ دوجےپاسے ، پِتل پاپ دی عدالت نوں ظاہر کردا اے ۔ کیہ اسی سارے اپنیاں پاپاں دے سببوں خُدا دے ہتھوں سزا جرن دے لائق نئیں ساں ؟ ہر اک تے تہاڈے وچوں ہرکسے نوں خُدا تے لوکاں اگے اپنیاں پاپاں تے غلطیاں دے سببوں سزا جرنی سی ۔ کیہ ایہہ صورت ِ حال نئیں ہیگی ؟ مَیں ایہہ نئیں کہندا پیاں ہاں پئی صرف تُسی ای ایہو جیہے سو ۔ سگوں ، مَیں خُدا دے اگے من دا ہاں پئی مَیں آپ وی ایسے طرح دا ساں ۔ دوجیاں اکھراں وچ ، مَیں ایہہ صرف تہانوں نئیں پُچھدا سگوں اپنے آپ توں وی پُچھدا ہاں ۔ تے جتھوں تیکر میری گل اے ، مَیں کامل طریقے نال خُدا دے اگے پچھاندا ہاں پئی مَیں اپنیاں غلطیاں دے سبب اوہدے ہتھوں سزا پاؤن دے لائق ساں ، تے ایہہ پئی اوہدی شریعت دے مطابق ، مَیں اپنیاں پاپاں دے سببوں دوزخ جان دے وی لائق ساں ۔ مَیں ایہنوں واضح طریقے نال من دا ہاں ۔
میرے ورگے بندے لئی خُداوند ایس زمین اُتے آیا ۔ اوہ اک بندے وانگر بدن وچ آیا ، بپتسمہ لے کے اپنے آپ اُتے میریاں ساریاں پاپاں نوں چُک لیا ، سولی اُتے مر کے میریاں پاپاں دی ساری سزا نوں جریا ، تے فیر مویاں وچوں جی اُٹھ کے میرا کامل مکتی داتا بن گیا اے ۔ ایس لئی مَیں ایہہ ایمان رکھدا ہاں ۔ تے جد مَیں ایس طرح ایمان رکھیا ، تاں میری مکتی جیہدا خُدا نے دُنیا بناؤن توں پہلاں ای منصوبہ بنایا سی ساری کامل ہو گئی ۔ ایہہ کامل ہو گئی جویں ای مَیں اپنے دل دے ڈوہنگیائی وچ ایہدے اُتے ایمان رکھیا ۔
تہاڈ ے دل وی ایہو جیہے ای نیں ۔ ایس سچیائی اُتے ایمان رکھ کے ، تہاڈی مکتی وی جیہدا خُدا یِسُوعؔ مسیح وچ ایتھوں تیکر پئی ایہہ دُنیا بناؤن توں پہلاں منصوبہ بنا چُکیا سی تہاڈے دل وچ کامل ہوندی اے ۔ تہانوں اپنے لوک بناؤن دا خُدا دا منصوبہ اوس ویلے پورا ہوندا اے جد تُسی اپنے دل دے خانے وچ ایس منصو بے اُتے ایمان رکھدے او ۔ اپنیاں دلاں وچ ایمان رکھ کے ای اصلی مکتی ساڈیاں دلاں دیاں خانیاں وچ آؤندی اے ۔ مکتی ساڈیاں بدنی کماں توں نئیں ملدی ۔ مکتی کسے خُدا ئی تعلیم نال نئیں ملدی ۔ سگوں ، ایہہ صرف سچیائی اُتے ایمان رکھ کے ملدی اے ۔
ایس مکتی دا دُنیا بناؤن توں پہلاں ای یِسُوعؔ مسیح وچ منصوبہ بنایا گیا سی
مکتی اک انعام اے جیہڑا سانوں یِسُوعؔ مسیح وچ اوہدے بپتسمے تے صلیبی لہو دے راہیں دتا گیا اے ۔ ایہہ مکتی اصل وچ ایس زمین اُتے تقریباً دو ہزار ورہے پہلاں پوری ہوئی سی ۔ تے کوئی وی بندہ مکتی دے ایس انعام توں کٹیا نئیں اے ، ایس لئی پئی یِسُوعؔ ہر کسے دیاں پاپاں نوں مکاؤن لئی خُدا دے مکتی دے منصوبے نوں پورا کر چُکیا سی ۔ اِنج اوہ جنہاں نیں اپنے دل دے خانے وچ ایس مکتی اُتے ایمان رکھیا سارے خُدا دے پُتر بن گئے نیں ۔ اوہناں دے سارے پاپ مک گئے نیں ، برف وانگر چٹے ، تے اوہ سارے مفت اپنیاں پاپاں توں معافی پا چُکے نیں ۔
ایہدے باوجود، ایس جگ وچ بوہت سارے لوک نیں جیہڑے پاپ توں معافی پا نئیں چُکے ۔ ایہہ لوک کون نیں ؟ ایہہ اوہ لوک نیں جیہڑے سچیائی نوں جان دیاں ہویاں وی ایس اُتے ایمان نئیں رکھدے ۔ اوہ جیہڑے اپنے دل دے خانے وچ اقرار نئیں کر چُکے پئی اوہ دوزخ جان دے لائق نیں ، تے اوہ جیہڑے پانی،لہوتےرُوح دی خوشخبری پچھان نئیں چُکے —ایہو جیہے لوکاں دا خُداوند نال کوئی میل جول نئیں ہیگا ۔
خُدا دی مکتی صرف اوہناں نوں دتی جاندی اے جیہڑے اپنی پاپی عادت نوں جان دے نیں تے من دے نیں پئی اوہ اپنیاں پاپاں دے سببوں دکھ جرن دے لائق تے دوزخ وچ سُٹے جان دے حقدار نیں ۔ خیمۂ اِجتماع دے پڑدے دے پھاٹک دے پنج ستون کتھے سن ، جیہڑے اسمانی، ارغوانی، تے لال دھاگے تے مہین وٹے ہوئے کتان نال اُنے ہوئے سن ، اوہ سارے کتھے کھلوتے سن ؟ اوہ پِتل دیاں خانیاں اُتے کھلوتے سن ۔ تُسی تے مَیں اپنیاں پاپاں دے سببوں دوزخ جان دے حقدار ساں ۔ صرف جد اسی ایس سچیائی نوں من دے آں تاں ساڈی مکتی ایس پچھان اُتے کھلو سکدی اے ۔ ” کیوں جو خُدا دُنیا نُوں اجیہا پیارکیتا۔“ ایس لئی پئی تہاڈے لئی تے میرے لئی ، خُداوند ایس زمین اُتے آیا ، یوحنا بپتسمہ دین والے کولوں بپتسمہ لیا ، سولی اُتے اپنا لہو وگایا تے قربان ہو گیا ،تے اِنج سانوں ساڈیاں پاپاں توں مکتی دے چُکیا اے ۔
ایس طرح ، تہانوں تے مینوں سچ مُچ اپنیاں دلاں دیاں خانیاں وچ پانی تےرُوح دی خوشخبری اُتے ایمان رکھنا چاہی دا اے ۔ گھٹوگھٹ اک واری ، ساڈیاں دلاں نوں لازمی پچھاننا چاہی دا اے ، ”مَیں سچ مُچ دوزخ جان دے لائق آں ، تے فیر وی خُداوند مینوں پانی تے رُوح دے راہیں بچا چُکیااے ۔“ فیر سانوں لازمی مکتی یافتہ ہون لئی اپنیا ں دلاں وچ ایمان رکھنا چاہی دا اے ۔ جویں رومیوں ۱۰:۱۰بیان کردااے، ” کیوں جو راستبازی لئی دِلوں اِیمان لیاوی دا اے۔ تے نجات لئی مُنھ توں اِقرار کری دا اے۔ “
سانوں لازمی اپنے دل دے خانے وچ اپنی مکتی بارے سچ مُچ ایمان رکھنا چاہی دا اے تے اپنے مُنھ نال ایہدا اقرار کرنا چاہی دا اے : ”خُداوند مینوں اسمانی، ارغوانی، تے لال دھاگے دے راہیں بچا چُکیا اے۔مَیں دوزخ وچ جانا تے دکھ جرنا سی ،پر خُداوند میرے بدلے میریاں پاپاں نوں دھو چُکیا اے ، میریاں پاپاں نوں چُک لیا ، میرے بدلے میری ساری سزا جری ، تے اِنج مینوں کامل طریقے نال بچا چُکیااے ۔ اوہ مینوں کامل طریقے نال خُدادا پُتر بنا چُکیا اے۔ “ ایس طرح ، سانوں لازمی اپنے دل دے خانے وچ ایمان رکھنا چاہی دا اے تے اپنے مُنھ نال اقرار کرنا چاہی دا اے ۔ کیہ تُسی ایمان رکھدے او ؟
کیہ تُسی ، کسے وی حال وچ ، حالے تیکر ایس سچیائی نوں نئیں من دے پئی تُسی دوزخ جان دے لائق سو ، جویں پئی تُسی اسمانی، ارغوانی، تے لال دھاگے دی سچیائی اُتے ایمان رکھدے او ، تے بھاویں تُسی ایمان رکھدے او پئی خُداوند سانوں ایس طریقے نال مکتی دے چُکیا اے ؟ پاک کلام فرماؤندا اے، ” ایس لئی پئی سبھناں گُناہ کِیتا تے خُدا دے جلال توں رَیہہ جاندے نیں “ (رومیوں ۳:۲۳)۔سچا ایمان یقین کرنا اے پئی بھاویں سارے پاپ کر چُکے نیں تے ایس لئی ساریاں نیں دوزخ وچ جانا سی ، پر خُداوند ایس زمین اُتے آیا بپتسمہ لیا ، سولی اُتے مر گیا ، فیر مویاں وچوں جی اُٹھیا ، تے اِنج کامل طریقے نال سانوں راستباز بنا چُکیا اے ۔ ایہہ مکتی کنی حیران کرن والی اے ؟ کیہ ایہہ صرف شان والی نئیں اے ؟ خیمۂ اِجتماع کسے وی طریقے نئیں بنایا گیا سی ، سگوں ایہہ خُدا دے کلام دے بالکل مطابق دسی گئی تفصیل نال بنایا گیا سی ۔ خیمۂ اِجتماع دے راہیں ، خُدا نے سانوں پہلاں تفصیل نال دسیا پئی اوہ سانوں اپنی مہنگی زندگی دے کے بچائے گا ۔ اوہ سانوں ، خیمۂ اِجتماع دے راہیں دسدا اے پئی یِسُوعؔ بپتسمہ لین تے سولی اُتے مرن نال سانوں مہنگی مکتی دے چُکیا اے تے سانوں لازمی کیہ کرنا چاہی دا اے اوہ ایہہ ہیگا اے پئی اپنے دل دے خانے وچ ایس اُتے ایمان رکھنا اے ۔ کیہڑا تہاڈے بدلے تہانوں مکتی دے سکدا اے ؟ تُسی یِسُوعؔ مسیح اُتے ایمان رکھ کے مکتی یافتہ ہو سکدے او جیہڑا بالکل تہاڈے وانگر اک بندے دے بدن وچ آیا سی ۔
جے کسے نے تہاڈے پاپ چُکے لَئے تے تہاڈی تھاں اُتے بے ترسی والی سزا جری ، تُسی اوہدے شکر گزار ہون دا بوہت چوکھا سبب رکھو گے ، پر خُداوند یِسُوعؔ جیہڑا ساڈے توں لکھاں حصے بوہتا نیک تے دولت والا اے اوہنے ساڈے بدلے اپنی مہنگی قربانی پیش کیتی— ایہہ کِنی شکرگزاری دی گل اے ؟ ایہہ سچ مُچ کِنا مہنگا انعام اے پئی وڈیرا تے اُچیرا خُدا سانوں اپنے اسمانی، ارغوانی، تے لال دھاگے نال مکتی دا انعام دے چُکیا اے ؟ ایہہ انعام کِناں اَنمُلا اے ؟ کویں اسی سوکھے جیہے اپنے دل وچ ایس اُتے ایمان نئیں رکھ سکدے ؟
ایہو ای سبب اے پئی اوہناں ساریاں نوں جیہڑے اپنی بدکاری نوں من دے نیں لازمی ایس سچیائی اُتے ایمان رکھنا چاہی دا اے ۔ اوہ جیہڑے ایس سچیائی اُتے ایمان رکھن دے لائق نیں اوہ اوہ لوک نیں جیہڑے من دے نیں پئی اوہ بچ نئیں سکدے سگوں دوزخ وچ سُٹے جان گے ۔ صرف اوہو ای لوک جیہڑے پچھان دے نیں پئی اوہ سچ مُچ پاپی نیں ، تے ایہہ پئی اوہ پک نال دوزخ جان دے لائق نیں ، اوہ خُدا دی مہنگی مکتی اُتے ایمان رکھ کے ، ایسے طرح ایمان دے راہیں ایہنوں پاؤن دے لائق نیں ۔ تے اوہ جیہڑے اپنیاں دلاں وچ ایس سچیائی اُتے ایمان رکھدے نیں خُدا دی کلیسیا دے کم کرن والے بن سکدے نیں ۔
اسی صرف گئے گواتے لوک آں جنہاں کول فخر کرن لئی کُجھ نئیں ہیگا ، ایتھوں تیکر پئی جدوں اسی اپنے آپ دی برابری اوہناں لوکاں نال کردے آں جیہڑے اپنیاں نِکیاں کماں دے باوجود ایس جگ وچ مشہور ہوئے نیں ۔ جد ایہہ صورت ِ حال اے ، تاں کویں اسی کدی پاک ، کامل تے اپنی مرضی دے مالک خُدا دے اگے اپنے آپ اُتے فخر کرن دی ہمت کر سکدے آں؟ سارا کُجھ جیہڑا اسی اوہدے اگے کر سکدے آں اوہ صرف مننا اے پئی خُداوند سانوں بچا چُکیا اے پئی ایتھوں تیکرپئی اسی اپنیاں بدیاں دے سببو ں مرن توں بچ نئیں سکدے ساں ۔
پاک کلام سانوں دسدااے ، ” کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔“ (رومیوں ۶:۲۳)۔ بِنا شک ، اسی اپنیاں پاپاں دے سببوں موت دی مزدوری ادا کرنی سی ۔پر ایس لئی پئی ساڈا خُداوند سانوں بچا چُکیا اے ، جیہڑے دوزخ جان دے لائق ساں ، اسی ایس ایمان دے راہیں ہُن اسمان اُتے جا سکدے آں ۔ جے اسی ایس ایمان نوں باہر کڈھدے آں تاں اسی سارے سو واری دوزخ جان دے لائق آں ۔ کیہ اِنج نئیں ہیگا ؟ بِنا شک اِنج ای اے ۔ اسی سارے دوزخ وچ سُٹے جان دے حقدار آں ۔
پرایس لئی پئی اُچا خُداوندبے مثال محبت نال ایس زمین اُتے آیا ، بپتسمہ لیا،تے اپنا لہو وگایا تے سولی اُتے سزا جری ، ہُن اسی اپنی دوزخ دے پکے ٹِکانے توں بچ گئے آں ۔ ایس لئی پئی خُداوند ساڈے بدلے اپنی مہنگی زندگی دے چُکیا اے ، اسی پاپ توں معافی پا چُکے آں ۔ جد ایہہ صورت ِ حال اے، تاں اسی کویں ایمان نئیں رکھ سکدے پئی خُداونداِکو ای واری سدا لئی سانوں ساڈیاں پاپاں توں بچا چُکیا اے ، تے ایس لئی اوہ سانوں مکتی دا انعام دے چُکیا اے ؟ کویں اسی راستباز بنن توں مکر سکدے آں ؟ کویں تُسی ایس اُتے ایمان نئیں رکھ سکدے او ؟ جویں خیمۂ اِجتماع دے پڑدے دے پھاٹک دے ستون سونے نال مَڑھے ہوئے سن ، ایسے طرح سانوں وی لازمی کامل طریقے نال اپنیاں دلاں نوں ایمان نال لپیٹنا چاہی دا اے ۔ سانوں لازمی اپنے آپ نوں کامل طریقے نا ل تے سارے دے سارے ایمان نال کجنا چاہی دا اے ۔ سانوں اپنیاں دلاں دیاں خانیاں وچ پانی تےرُوح دی خوشخبری اُتے ایمان رکھنا چاہی دا اے۔ اپنیاں دلاں دیاں خانیاں وچ ایس سچی خوشخبری اُتے ایمان رکھیوں بغیر ، اسی خُدا دے اگے نئیں جا سکدے ۔
ایہہ ایمان ای دے راہیں ہیگا اے پئی اسی پاپی بن سکدے آں یعنی اصلی مطلب مطابق دوزخ جان دے لائق ہو سکدے آں ۔ ایمان ای دے راہیں اسی خُدا دے اگے راستباز وی بن سکدے آں ۔ دوجیان اکھراں وچ ، ایہہ ایمان ای دے راہیں ہیگا اے پئی پاپی اپنیاں پاپاں توں معافی پا سکدے نیں — ایمان رکھن نال پئی خُداوند سانوں اپنے پانی تے لہو دے راہیں بچا چُکیا اے ۔ ایس طرح ساڈے خُداوند دا کلام ، ” تے جیویں بندیاں نُوں اِک وار مرنا ہوندا اے تے مگروں عدالت ہوندی اے۔ “ (عبرانیوں ۹:۲۷) ، پورا ہوندا اے ۔
جد اسی اک واری ایس جگ وچ جمے ساں ، تاں سانوں پہلاں ای اپنیاں پاپاں بدلے سزا جرنی سی ۔ پر ، خُدا سانوں ساڈے خُداوند یِسُوعؔ مسیح دے راہیں مکتی دا انعام دے چُکیا اے ۔ اپنیاں دلاں دیاں خانیاں وچ پانی تےرُوح دی خوشخبری اُتے ایمان رکھ کے ، ایس لئی ، اسی خُدا دے پُتر بنن دے لائق ہو گئے آں ۔ خُدا اپنی مکتی دی شرطوں بغیر محبت اوہناں ساریاں نوں دے چُکیا اے جیہڑے ایمان رکھدے نیں ۔ پر اوہ اوہناں دا انصاف کرے گا تے سزا دیوے گا اوہ جیہڑے اپنے بے یقینی دے پاپ دے سببوں ایس خوشخبری اُتے ایمان نئیں رکھدے(یوحنا ۳:۱۶۔۱۸)۔
سانوں مکتی دیاں ایہناں دو سچیائیاں اُتے ایمان رکھنا چاہی دا اے
اسی پاپی ساں جیہڑے لعنتی ہون تے اپنیاں پاپاں دے سببوں موت دےحوالے کیتے جان دے لائق ساں ، پر اسمانی، ارغوانی، تے لال دھاگے تےمہین وٹے ہوئے کتان دی مکتی اُتے ایمان رکھ کے جیہدا خُدا منصوبہ بنا چُکیا تے سانوں دے چُکیا اے ، اسی اپنیاں پاپاں دی معافی پا چُکے آں۔ اصل وچ ، سانوں لازمی خُدا دے اگے اقرار کرنا چاہی دا اے ، ” مَیں سچ مُچ دوزخ دے لائق آں“تے سانوں لازمی ایہہ وی اقرار کرنا چاہی داے ، ”پر مَیں ایمان رکھدا ہاں پئی خُداوند مینوں پانی تے رُوح دے راہیں بچا چُکیا اے۔ “ سانوں لازمی پانی ،لہوتےرُوح دی خوشخبری اُتے ؛ یعنی اسمانی، ارغوانی، تے لال دھاگے تےمہین وٹے ہوئے کتان دی سچیائی اُتے ایمان رکھنا چاہی دا اے ۔ اپنیاں دلاں دیاں خانیاں وچ ایس سچیائی اُتے ایمان رکھن دے راہیں ای اسی مکتی یافتہ ہوئے آں ۔ ایہہ خوشخبری اُتے ایمان رکھن دے راہیں ہیگا اے پئی اسی مکتی یافتہ ہو گئے آں ۔
اسی پانی تےرُوح دی خوشخبری اُتے ایمان رکھ کے مکتی یافتہ ہو گئے آں ۔ لوک خُدا دے اپنے لوک بن سکدے نیں صرف جد اوہ ایمان رکھدے نیں پئی خُداوند ساریاں لوکاں نوں اسمانی، ارغوانی، تے لال دھاگے تےمہین وٹے ہوئے کتان نال بچا چُکیا اے جیہڑے دوزخ جان دے لائق ساں ۔ کیہ تُسی ایمان رکھدے او ؟ صرف اسمانی، ارغوانی، تے لال دھاگے تےمہین وٹے ہوئے کتان اُتے ایمان اصلی ایمان اے ۔
ایہہ خیمۂ اِجتماع دے پھاٹک دے پڑدے وچ وکھایاگیا رُوحانی مطلب اے ۔ کیہ تُسی ایمان رکھدے او ؟جد لوک اپنیاں دلاں وچ سچیائی اُتے ایمان رکھدے نیں ، اوہ ٹھیک طریقے نال اصلی ایمان رکھن دے بارے گل کر سکدے نیں ۔ اصلی ایمان ایہہ نئیں ہیگا پئی دلوں ایمان نا رکھدیاں ہویاں صرف مُنھوں سچیائی دا اقرار کیتا جائے ، سگوں ایہہ کسے دا دل دے خانے وچ سچیائی اُتے ایمان رکھدیاں ہویاں مُنھوں اپنے ایمان دا اقرار کرنا اے ۔ تہاڈے وچوں ساریاں نوں لازمی اسمانی، ارغوانی، تے لال دھاگے تےمہین وٹے ہوئے کتان دی مکتی اُتے ایمان رکھنا چاہی دا اے جیہڑی تہانوں سدا لئی بچا چُکی اے ۔
اسی خُدا دا بوہتا شکر ادا نئیں کر سکدے کوئی معنی نئیں رکھدا اسی اوہدی کِنی سخت خدمت کردے آں ۔ فیر کویں اسی اپنی مکتی دے بارے بھُل سکدے آں ؟ کویں اسی بھُل سکدے آں پئی خُداوند تہانوں تے مینوں ، ساڈیاں ساریاں پاپاں توں بچا چُکیا اے ، جیہڑے بچ نئیں سکدے ساں سگوں دوزخ جان دے لائق ساں ؟ کویں اسی پانی تےرُوح دی خوشخبری نوں بھُل سکدے آں جد ہر دن ساڈیاں غلطیاں ظاہر ہوندیاں نیں ؟ کویں اسی ایس خوشخبری نوں ردّ کرسکدے آں جد پئی ایس اصل خوشخبری توں علاوہ مکتی یافتہ ہون دا کوئی دوجا راہ نئیں ہیگا ؟ اسی سدا شکر گزار آں ۔ اسی سدا خوش آں ۔ اسی بچ نئیں سکدے سگوں سدا اوہدی وڈیائی کردے آں ۔
اوہ لوک جیہڑے ایس سچیائی نوں نئیں جان اوہ کہندے نیں پئی خُدانے لوکا ں نوں صرف کھڈونا بنایا اے تے اوہ اوہناں دا تماشہ ویکھدا پیا اے ۔ خُدا دے خلاف کھلو کے ، اوہ کہندے نیں پئی ، ”خُدا تنگ ہوئےگا ۔ اوہنے سانوں اپنیاں کھڈاؤنیاں وانگر بنایا تے ساڈے نال کھیڈدا پیا اے ۔ اوہنوں پتہ اے پئی اسی پاپ کراں گے ، تے فیر وی اوہ صرف سانوں پاپ کردیاں ہویاں ویکھدا اے،تے ہُن اوہ فرماندا اے پئی اوہ پاپیاں نوں بچا چُکیا اے ۔ کیہ اوہ صرف ساڈے نال کھیڈ نئیں کھیڈدا پیا ؟اوہ سانوں بناؤندا اے ، تے فیر صرف ساڈے نال ایس طرح کھیڈدا اے جویں اوہ محسوس کردا اے ۔ فیر خُدا نے کیہ سانوں اپنیاں کھڈاؤنیاں وانگر نئیں بنایا؟“بوہت چوکھے لوک ایس طرح سوچدے نیں ۔ اوہ ایہہ کہندیاں ہویاں خُدا دے خلاف نفرت رکھدے نیں پئی جے اوہنے سچ مُچ اوہناں نال محبت رکھی ، تاں اوہنوں اوہناں نوں ادھورے پاپی بناؤن دی بجائے ، لازمی کامل لوکاں وانگر پیدا کرنا چاہی داسی ۔ بوہت سارے لوک ہیگے نیں جیہڑے خُدا دے دل نوں نئیں جان دے تے اوہدے اُتے توہمتاں لاؤندے نیں ۔
اسی خُدا دی بنائی ہوئی مخلوق آں
بوٹیاں تے پشُوآں وانگر ، لوک وی خُدا دی بنائی ہوئی مخلوق نیں ۔ پر خُدانے سانوں لوکاں نوں بوٹیاں تے پشُوآں وانگر نئیں بنایا۔ ایتھوں تیکر پئی اوہدے سانوں بناؤن توں پہلاں خُدا سانوں یِسُوعؔ مسیح اپنے پُتر وچ اپنے سکے لوک بناؤن دا فیصلہ کر چُکیا سی تے سانوں اپنے جلال وچ رَلاؤن دی اجازت دیندا اے ، تے ایس مقصد لئی خُدا نے سانوں پیدا کیتا ۔ لوکاں نوں پیدا کرن دا مقصد دوجیاں شیواں دے مقصد توں فرق سی ۔ فیر ، ایہہ کیہ مقصد سی جیہدے نال خُدا نے لوکاں نوں بنایا ؟ ایہہ اوہناں لئی اوہدی بادشاہی وچ سدا تیکر سارے جلال تے شان و شوکت وچ زندہ رہنا سی ، اوہناں بوٹیاں تے پشُوآں دے اُلٹ جیہڑے صرف خُدا دی وڈیائی کر ن لئی بنائے گئے نیں ۔ خُدا دا لوکاں نوں بناؤن دا مقصد اوہناں نوں اپنی پاپی ذات نوں جانن ، پچھانن دے لائق کرنا سی تے مکتی داتا اُتے ایمان رکھن دے لائق کرنا سی جیہڑا اوہناں نوں دُنیا بناؤن والے خُداوند وانگر بچا چُکیا اے ، تے اِنج اوہ کامل بن جان تے آؤن والے زمانے وچ خُدا دی بادشاہی وچ جان ۔
خُدا نے سانوں روبوٹ یا کھڈونیاں وانگر نئیں بنایا ، سگوں اوہنے سانوں بنایا تاں پئی اسی خالق نوں پچھانن ، مکتی داتا اُتے ایمان رکھن تےپانی تےرُوح دی خوشخبری دے راہیں نویں سریوں جم کے اوہدے پُتر بن جائیے۔ ایس طرح ، اپنی تخلیق دے ایس مقصد نوں پورا کردیاں ہویاں ، اسی جلال پاواں گے تے خوش ہوواں گے ۔ بھاویں ایس زمین اُتے اسی خوشخبری نال دوجیاں لوکاں دی سیوا لئی اپنے آپ نوں قربان کردے آں، خُدا دی بادشاہی وچ ، ساڈی وی سیوا کیتی جائے گی ۔ تہاڈے خیال وچ لوکاں لئی خُدا دا مُڈھلا مقصد کیہ سی؟ ایہہ لوکاں نوں سدا تیکر خُدا دی شان و شوکت تے جلال دا سواد لین دے لائق کرنا سی ۔ لوکاں نوں پیدا کرن بارے خُدا دا مقصد اوہناں نوں اپنے لوک بنانا تے اوہدی اپنی شان و شوکت تے جلال وچ اوہناں نوں حصہ لین دے لائق کرنا سی ۔
اسی کیوں پیدا ہوئے ساں ؟ زندگی دا مقصدکیہ اے ؟ اسی کتھوں آئے ، تے اسی کیہڑے پاسے جاندے پئے آں ؟ ایہو جیہے فلاسفراں والے سوالاں دا حالے تیکر جواب نئیں دتا گیا اے ، تے ایس طرح لوک حالے تیکر ایس مسئلے نوں حل کرن دی کوشش کردیاں ہویاں پریشان تے غصے وچ نیں ۔ اپنے آؤن والے زمانے دا علم نا ہون دے سببوں ، کُجھ لوک تاں نجومیاں تے جادوگراں ول وی جاندے نیں ۔ ایہہ سارا لوکا ں دی اصل خُدا نوں جنہے سانوں پیدا کیتاپچھانن تے مکتی اُتے ایمان رکھن وچ ناکامی دے نتیجے نیں جیہڑی اوہناں نوں دتی گئی اے ۔
پر ، سانوں اپنے سکے نیانے بناؤن لئی ، خُدا نے سانوں دوجیاں ساریاں شیواں توں فرق پیدا کیتا ۔ تے اوہ سانوں پانی تے رُوح دے راہیں بچا چُکیا اے ۔ اوہنے جگ بناؤن توں پہلاں ای اسمانی، ارغوانی، تے لال دھاگے تےمہین وٹے ہوئے کتان نال ساڈی مکتی دا منصوبہ بنایا ۔ اسمانی، ارغوانی، تے لال دھاگے وچ ظاہر ہون والی مکتی دی شریعت نال سانوں بچا کے ، خُدا سچ مُچ ساڈ ےلئی اپنا مقصد پورا کر چُکیا اے ۔
ایس لئی ، سانوں لازمی ہُن جاننا تے یِسُوعؔ مسیح وچ سانوں نویں زندگی دین دے خُدا دے ایس مقصد اُتے ایمان رکھنا چاہی دا اے ۔ جے اسی ایہنوں نئیں جان دے ، فیر زندگی دا بھیت سدا لئی حل نئیں ہوئے گا ۔ اسی ایس جگ وچ کیوں پیدا ہوئے ساں ؟ کیوں سانوں زندہ رہنا چاہی دا اے ؟کیوں سانوں کھانا چاہی دا اے ؟ کیوں سانوں لیکھاں دے مطابق اپنیاں زندگیاں بسر کرنیاں چاہی دیاں نیں ؟ کویں اسی زندگی تے موت ، عمر تے روگاں دا مسئلہ حل کر سکدے آں ؟ کیوں سانوں اپنیاں پاپاں لئی دوزخ وچ جانا چاہی دا اے ؟ کیوں زندگی اینی دکھاں بھری اے ؟ کیوں زندگی اینی پیڑاں بھری اے ؟ ایس طرح دے سارے سوال خُدا کولوں پانی تےرُوح دی خوشخبری دے راہیں اپنے جواب پا سکدے نیں جیہڑی سانوں یِسُوعؔ مسیح وچ بچاچُکی اے ۔
خُدا نے سانوں ایس زمین اُتے جمن دی اجازت دتی تے ساڈیاں تھکاؤن والیاں تے اوکھیاں زندگیاں وچکار سانوں اسمانی بادشاہی دی آس دے لائق کر دتا ، تاں پئی اوہ تہانوں تے مینوں ،ساڈیاں ساریاں پاپاں توں بچائے ، جیہڑے دوزخ جان دے لائق ساں ، تے تاں پئی اسی سدا زندگی پا سکیے۔ جد اسی پانی تےرُوح دی خوشخبری اُتے ایمان رکھدے آں ، زندگی دا بھیت سارا حل ہو جاندا اے ۔
خُدا تہاڈے لئی تے میرے لئی اک وڈا تے ودھیا منصوبہ رکھدا سی
جویں پئی خُدا نے منصوبہ بنایا ، اوہنے اپنے پُتر یِسُوعؔ مسیح نوں ایس زمین اُتے گھلیا ، اوہنوں بپتسمہ
دلواؤن دے راہیں اوہدے مہنگے پِنڈے اُتےساریاں پاپاں نوں لدیا ، سزا دتی تے اوہنوں ساڈے بدلے موت دے حوالے کیتا ، تے اِنج سانوں بچا چُکیا اے ، جیہڑے اپنیاں ساریاں پاپاں ، سزاواں تے لعنتاں دے سببوں سدا دی بربادی نوں جردے پئے ساں ۔ ہُن ، سانوں لازمی ایس سچیائی اُتے ایمان رکھنا چاہی دا اے ،تے سانوں خُدا دے پُتر دی بادشاہی دی خاطر بربادی دی نا بچن دے لائق قسمت توں سانوں بچاؤن لئی ، تے سانوں سدا دی زندگی توں خوش ہون دے لائق کرن لئی خُدا دے اگے اپنی شکرگزاری پیش کرنی چاہی دی اے ۔دوجیاں اکھراں وچ ، خُدا ولوں مکتی دا سچ پانی تےرُوح دی خوشخبری اے ،جیہڑی اسمانی، ارغوانی، تے لال دھاگے تےمہین وٹے ہوئے کتان نال اُنے ہوئے پڑدے وچ ، تے خیمۂ اِجتماع دیاں پھاٹکاں اُتے لمکے ہوئے پڑدے وچ ظاہر کیتی گئی اے ۔
خیمۂ اِجتماع دے پھاٹک دیاں ستوناں دے پِتل دے خانے سانوں ساڈی مُڈھلی پاپی فطرت وکھاؤندے نیں ، تے اِنج سانوں پانی تے یِسُوعؔ دے لہودی خوشخبری اُتے ایمان رکھن دے لائق کردے نیں ۔ خیمۂ اِجتماع دے پھاٹک دے ستون تے اسمانی، ارغوانی، تے لال دھاگے تےمہین وٹے ہوئے کتان نال اُنیا ہویا کپڑا خُدا دے ترس نوں ظاہر کردا اے جیہڑا سانوں ، جیہڑے دوزخ جان دے لائق ساں ، یعنی ساڈی سزا توں یِسُوعؔ مسیح دی مہنگی قربانی نال بچا چُکیا اے ۔ اِنج پانی تےرُوح دی خوشخبری اُتے ایمان رکھ کے ، مَیں اپنیاں ساریاں پاپاں توں بچ گیا ہاں ۔ کیہ تُسی وی ایسے طرح ایمان رکھدے او ؟
کیہ تُسی خیمۂ اِجتماع وچ وکھائے گئے سچ اُتے ایمان رکھدے او ؟ تُسی تے مَیں سارے خوش نصیب آں ۔ ایہہ سچ مُچ وڈی برکت اے ، ایس لئی پئی بھاویں بوہت سارے لوک ہیگے نیں جیہڑے سِدھے دوزخ ول ودھدے پئے نیں ، سانوں سچیائی مل گئی اے تے ہُن یِسُوعؔ مسیح وچ زندگی گزاردے پئے آں ۔ اسی سچ مُچ ایس جگ وچ گئے گواتے تے بے قدرے ساں ، جتھے ، ایس وچ جم کے ، اسی بچ نئیں سکدے سگوں صرف پاپ کردے آں تے دوزخ جان دے لائق آں ، تے ڈرپوک زندگیاں گزارن تے دوزخ وچ سُٹے جان دے لائق آں ۔ پر ایتھوں تیکر پئی ایس طرح ، ساڈا خُداوند ایس زمین اُتے آیا ، بپتسمہ لیا ، سولی اُتے مرگیا ، مویاں وچوں جی اُٹھیا تے اِنج سدا لئی سانوں ساڈیاں پاپاں توں بچا چُکیا اے ۔اسی بچ نئیں سکدے سگوں سچیائی اُتے حیران ہوندے آں پئی نا صرف سانوں ہُن ہور دوزخ نال کوئی میل جول نئیں رکھنا اے ، سگوں اسی سدا رہن والا ، فائدہ مند تے ٹھیک کم کرن دے لائق وی ہوگئے آں ۔
اوہ جیہڑے پاک تھاں اُتے جا سکدے نیں اوہ لوک نیں جیہڑے اِکو ای واری سدا لئی اپنیاں پاپاں توں معافی پا چُکے نیں ۔ ساڈے خُداوند نے نا صرف ساڈے پُرانیاں پاپا ں نوں مکایا ، سگوں بپتسمہ لے کے ،اوہنے ساڈی ساری زندگی دیاں ساریاں پاپاں نوں چُک لیا ، تے سولی اُتے مر کے ، اوہ سدا لئی ساڈیاں ساریاں پاپاں نوں مکا چُکیا اے ۔ ایس لئی ، صرف اوہ جیہڑے بالکل اِکو ای واری پوری ہوئی ایہو جیہی مکتی اُتے ایمان رکھدے نیں اوہ لوک نیں جیہڑے کاہناں والا ایمان رکھدے نیں ، تے صرف ایہو جیہے لوک ای پاک تھاں اُتے جا سکدے نیں ۔
مندے بول بولدیاں ہویاں ، خیمۂ اِجتماع دے نظام دے مطابق ، عام کاہن بوہتی پاک تھاں اُتے جا نئیں سکدے سن ، سگوں صرف وڈا کاہن ای جا سکدا سی ۔ تے سدا دے وڈے کاہن ، یِسُوعؔ مسیح توں علاوہ کوئی دوجا نئیں ہیگا ۔ صرف اوہو ای جیہڑے ایمان رکھدے نیں پئی یِسُوعؔ مسیح اِنج سانوں بچا چُکیا اے ، خُدا دے گھر وچ ،ایتھوں تیکر پئی یِسُوعؔ مسیح نال بوہتی پاک تھاں اُتے جا سکدے آں ۔
” تے جد اوہناں دی مُعافی ہوگئی اے۔ تے فیر گُناہ دی قُربانی دا تھاں نا رہیا۔آؤ اسی خُدا دے کول چلیئےایس لئی بھراؤ جد سانُوں یِسُوع دے لہو دے سبّب اوس نَوِیں تے جِیوندے راہ پاک مکان وِچ وڑن دی دلیری اے۔ جیہڑا اوہنے پڑدے یعنی اپنے جِسم وِچوں ہو کے ساڈے لئی پاک کِیتا اے۔ تے جد ساڈا وَڈا کاہِن اے جیہڑا خُدا دے گھر دا مُختِیار اے۔ تے فیر اسی سَچے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے “(عبرانیو ں ۱۰:۱۸۔۲۲)۔اوہ جیہڑے اپنے آپ نوں بدکاراں وانگر پچھان دے نیں جیہڑے دوزخ لئی مقرر نیں تے ستھرے پانی نال (یِسُوعؔ دے بپتسمہ) تےیِسُوعؔ دے لہو نال دُھل کے اپنیاں ساریاں پاپاں توں معافی پاؤندے نیں خُدا دی بادشاہی وچ اوہدے نال سدا تیکر زندہ رہن لئی وڑ سکدے نیں ۔
اِنج ایس سببوں توں نئیں ہیگااے ایس لئی پئی اسی ہر دن اپنیاں پاپاں توں توبہ کر چُکے آں پئی ساڈے پاپ دُھل گئے نیں ، سگوں ایس سببوں اے پئی خُداوند ایس زمین اُتے آیا ، ساڈے جگ دیاں پاپاں نوں اِکو ای واری سدا لئی بپتسمہ لے کے چُک لیا ، سولی اُتے لعنتی بنیا یعنی اوہ سدا تیکر ساڈیاں ساریاں پاپاں نوں مکا چُکیا اے ۔
” کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ “ یِسُوعؔ نے بپتسمہ لیا تے لوکاں دیاں پاپاں نوں اِکو ای واری سدا لئی چُک لیا ، جگ دیاں پاپاں نوں سولی اُتے لے گیا تے اوس اُتے مر گیا ، تے فیر مویاں وچوں جی اُٹھ کے تے اِنج سانوں اِکو ای واری سدا لئی بچا چُکیا اے ۔ صرف اوہو ای جیہڑے اپنے دل دے خانے وچ ایس سچیائی اُتے ایمان رکھدے نیں پاک تھاں اُتے جا سکدے نیں ۔ اسی اپنیاں پاپاں توں معافی اِکو ا ی واری سدا لئی ایمان رکھ کے پا سکدے آں پئی ساڈا خُداوند سانوں اک ای واری سدا لئی بچا چُکیا اے، تے یعنی اوہنے ساڈی ساری عمر دیاں تے سارےجگ دیاں ساریاں پاپاں دی فکر کیتی ۔
کیہ تُسی ایمان رکھدے او پئی خُداوند نے بپتسمہ لے کے اِکو ای واری سدا لئی ساڈیاں پاپاں نوں چُک لیا ؟ تے کیہ تُسی ایمان رکھدے او پئی اوہنے جگ دیاں پاپاں نوں اپنے موھڈے اُتے چُک لیا ، سولی اُتے مرگیا ، فیرمویاں وچوں جی اُٹھیا ، تے اِنج اِکو ای واری ساڈا کامل مکتی داتا بن گیا اے ؟ اپنی ۳۳ورہیاں دی زندگی وچ ساڈا خُداوند سدا لئی ایس جگ دیاں ساریاں پاپاں نوں مکا چُکیا اے ۔ اوہ اوہناں ساریاں نوں غائب کر چُکیا اے ، ایتھوں تیکر پئی اِکو اِک داغ نوں وی باقی نئیں چھڈیا ۔ مَیں ایس اُتے اپنےدل دے خانے وچ ایمان رکھداہاں ۔ مَیں ایمان رکھدا ہاں پئی جد اوہنے بپتسمہ لیا ، اوہنے اِکو ای واری سدا لئی جگ دیاں پاپاں نوں چُک لیا ، ایہہ پئی اوہنے سولی اُتے اپنا لہو وگا کے اِکو وی واری سدا لئی ساڈیاں ساریاں پاپاں دی سزا جری ، تے ایہہ پئی اوہ مویاں وچو ں جی اُٹھ کے تے سدا تیکر زندہ رہ کے میرا کامل مکتی داتا بن گیا اے ۔ ایہہ ایس ایمان دے راہیں ہیگا اے پئی مَیں اپنیاں ساریاں پاپاں توں مکتی یافتہ ہو گیا واں ۔
ایس اُتے ایمان رکھ کے ، اسی سارے اسمانی بادشاہی وچ جا سکدے آں ، تے جد اسی ایس زمین اُتے رہندے پئے آں ، سانوں لازمی ایس ایمان اُتے ہر دن دھیان کرنا چاہی دا اے ۔ کیوں ؟ کیوں جو خُداوند نے ایتھوں تیکر پئی اوہناں پاپاں نوں چُک لیا جیہڑے اسی ہُنے کرنے نیں ۔ پر جد وی اسی پاپ کردے آں سانوں لازمی اقرار کرنا چاہی دا اے ۔ تے سانوں لازمی دل دے خانے وچ ایمان رکھنا چاہی دا اےپئی خُداوند نے اوہناں پاپاں نوں وی اپنے بپتسمہ نال چُک لیا ۔ سانوں لازمی اک واری فیر ایمان رکھ کے پچھاننا چاہی دا اے پئی خُداوند نے جگ دیاں پاپاں دی فکر کیتی ۔ کیوں ؟ کیوں جو جے اسی پانی تےرُوح دی خوشخبری اُتے بوہتی واری غور تے فکر نئیں کردے آں، تاں ساڈے دل پلید ہو جان گے ۔ کیوں جو خُداوند نے اوہناں پاپاں نوں وی چُک لیا جیہڑ ے اسی حالے تیکر نئیں کر چُکے آں ، جد وی ساڈیاں کمیاں ظاہر ہوندیاں نیں ، سانوں لازمی اوہدی اسمانی، ارغوانی، تے لال دھاگے دیاں خدمتاں وچ اپنے ایمان نال اوہدا شکر ادا کرنا چاہی دا اے ۔
سانوں ساریاں نوں لازمی ایمان رکھنا چاہی دا اے پئی خُداوند ایس زمین اُتے آیا تے اِکو ای واری ساڈیاں پاپاں نوں چُک لیا ۔ اِکو ای واری سدا لئی ، ساڈے سارے پاپ یِسُوعؔ مسیح اُتے لدے گئے سن ، کیوں جو اوہنے اپنے بپتسمے نال جگ دیاں ساریاں پاپاں نوں قبول کیتا ۔ جویں پئی یِسُوعؔ مسیح سانوں بپتسمہ لین تے سولی اُتے مرن نال سدا دی مکتی دے چُکیا اے ، سانوں لازمی پکیاں ہو کے تے بہادری نال ایس سچیائی اُتے ایمان رکھنا چاہی دا اے۔ ساڈا خُداوند یِسُوعؔ فرماندا اے پئی اسی اوہدے بپتسمے اُتے جیہڑا اوہنے یوحنا کولوں لیا اپنے پکے ایمان نال خُدا دی بادشاہی پا سکدے آں ۔ یِسُوعؔ نے فرمایا ، ” تے یُوحنّا بپتِسمہ دین والے دیاں دِناں توں لے کے ہُن تِیکر اسمان دی بادشاہی اُتّے زوراوری ہوندی اے تے زوراور لوک اوہنوں زبردستی مَل لَیندے نیں۔‘‘ (متی ۱۱:۱۲)۔ایہہ ایس ایمان دے راہیں ہیگا اے پئی اسی اپنیاں بدناں ، خیالاں ، سوچاں تے جسم دیاں غلطیاں دیاں ساریاں پاپاں توں معاف ہو گئے آں ۔ ایہہ ایمان رکھ کے پئی ساڈے خُداوند نے اپنے بپتسمے نال ایہناں ساریاں پاپاں نوں چُک لیا تے پاپاں دی ساری سزا جری، سانوں لازمی خُدا دی بادشاہی لین لئی اپنیاں ساریاں پاپاں توں مکتی یافتہ ہونا چاہی دا اے ۔
کوئی معنی نئیں رکھدا کِنے ادھورے تُسی ہو سکدے او ، جےتُسی ایہہ ایمان رکھدے او ، تاں تُسی ایمان رکھن والے لوک جے ۔ بھاویں تُسی ادھورے او ، خُداوند تہانوں کامل طریقے نال بچا چُکیا اے ، تے ایس لئی تہانوں لازمی ایس اُتے ایمان رکھنا چاہی دا اے ۔ جویں ساڈا خُداوند سدا تیکر زندہ رہندا اے ، اوسے طرح ، ساڈی مکتی سدا تیکر کامل اے ۔ سارا کُجھ جیہڑا اسی کردے آں صرف اپنی مکتی اُتے ایمان رکھدے آں جیہڑی یِسُوعؔ مسیح سانوں دے چُکیا اے ۔ ایہہ ٹھیک اے ! اسی اپنیاں دلاں وچ اوہدے اُتے ایمان رکھ کے مکتی یافتہ ہو گئے آں ۔
کیوں جو خُداوند ساڈا کامل مکتی داتااے ، اوہ ساڈیاں پاپاں دے سارے مسئلے حل کر چُکیا اے ۔کیہ تُسی ایمان رکھدے او پئی ساڈے خُداوند نے بپتسمہ لیا ، سولی اُتے اپنا لہو وگایا ، اک واری مر گیا ، فیر مویاں وچوں جی اُٹھیا تے اِنج سانوں سدا دی مکتی دے چُکیا اے ؟ کِنی شان والی ایہہ مکتی اے ؟ بھاویں اسی اپنیاں کماں وچ ادھورے آں ، اسی فیر وی ایس سچیائی اُتے ایمان رکھ کے خُدا دی بادشاہی وچ جا سکدے آں ۔ ایہہ ایمان رکھن دے راہیں ای ہیگا اے پئی اسی خُدا دی بادشاہی وچ جان دے لائق ہوواں گے تے ودھیا جاہ و جلال تے خُدا دی شان وشوکت دا سواد لواں گے ۔ اوہ جیہڑے پانی تےرُوح دی خوشخبری اُتے ایمان رکھدے نیں اوہناں دا سواد لین دے لائق نیں ۔ پر ایس ایمان دے بغیر ،کوئی بندہ ایتھوں تیکر پئی خُدا دی بادشاہی وچ پیر وی نئیں رکھ سکدا ۔
اوہ سچیائی جیہڑی سانوں اسمانی، ارغوانی، تے لال دھاگے تےمہین وٹے ہوئے کتان دے راہیں بچا چُکی اے خُدا ولوں یِسُوعؔ مسیح وچ ایتھوں تیکر پئی جگ بناؤن توں پہلاں مقرر ہوگئی سی ۔ جویں خُدا نے سانوں بچاؤن دا ارادہ کیتا ، اوہ ایس زمین اُتے آیا ، بپتسمہ لیا، تے اِکو ای واری سدا لئی ساڈیاں پاپاں نوں چُک لیا ، سولی اُتے جگ دیاں پاپاں نوں لے گیا تے اِکو ای واری لعنتی ٹھہریا ، اِکو ای واری مر گیا ، اِکو ای واری مویاں وچوں جی اُٹھیا، تے اِنج سانوں سدا دی مکتی دے چُکیا اے ۔ ایہہ اوہدی اسمانی، ارغوانی، تے لال دھاگے تےمہین وٹے ہوئے کتان دیاں خدمتاں نال بنی ہوئی ساڈی مکتی اے ، تے سانوں لازمی ایس مکتی اُتے ایمان رکھنا چاہی دا اے ۔ صرف فیر اسی ایمان رکھ کے کامل طریقے نال خُدا دے لوک بن دے آں ۔ صرف فیر ای اسی ایمان دےراہیں خُدا دے کم کرن والے بن دے آں ۔ اسی خُدا دی کامل بادشاہی وچ جاواں گے تے سدا تیکر زندہ رہواں گے ۔
کامل خُداسانوں کامل طریقے نال بچا چُکیا اے ، پر اسی حالے وی ہر دن ادھورے آں ، ایس لئی پئی ساڈا بدن ادھورا اے ۔ پر ایہہ کویں ہیگا اے ؟ جد خُداوند نے کامل طریقے نال بپتسمہ لیا ، کیہ اوہنے سچ مُچ ساڈیاں پاپاں نوں چُک لیا سی یا نئیں ؟ بِنا شک اوہنے چُک لیا سی ! ایس لئی پئی ساڈے خُداوندنے اپنے بپتسمہ نال ساڈیاں پاپاں نوں چُک لیا ، اسی پچھان دے آں پئی ساڈے سارے پاپ سچ مُچ اوہدے بپتسمے نال اوس اُتے لدے گئے سن ۔ کیہ تُسی پچھان دے او پئی تہاڈے پاپ سچ مُچ یِسُوعؔ اُتے لدے گئے سن ؟ اِنج کر کے ،یِسُوعؔ ساڈیاں پاپاں نوں تے جگ دیاں پاپاں نوں سولی اُتے لے گیا ، سولی اُتے مریا تے اِنج کامل طریقے نال خُدا دی مکتی دا منصوبہ پورا کیتا ۔ بھاویں اسی ادھورے آں ، اسی ایمان رکھ کے خُدا دی بادشاہی وچ جا سکدے آں ۔ کیہڑی شے اُتے ایمان رکھ کے ؟ اسی خُدا دی بادشاہی وچ اوہدیاں اسمانی، ارغوانی، تے لال دھاگے تےمہین وٹے ہوئے کتان دیاں خدمتاں اُتے ایمان رکھن نال وڑ سکدے آں ۔
پاپ توں معافی پاؤن دے بعد ، ایہہ ادھورے لوک نیں جیہڑے چنگا ایمان رکھدے نیں تے
کلیسیا وچ چنگا کم کردے پئے نیں ۔ خُدا دی کلیسیا ایہو جیہی تھاں نئیں ہیگی جتھے زوراورلوک راج کردے نیں ، سگوں ایہہ ایہو جیہی تھاں اے جتھے ادھورے لوک ایمان رکھ کے راج کردے نیں ۔ کیوں ؟ ایس لئی پئی خُدا دی کلیسیا وچ ، اسی حالے وی ایمان رکھ کے خُداوندپِچھے چل سکدے آں جد اسی جان دے آں پئی اسی ادھورے آں ۔ ایہہ پھَٹ چنگے کرن تے شفا دین دی تھاں اے ۔ جویں اسمان اِک ایہو جیہی تھاں اے جتھے دُدھ پیندا نیانا ”سَپ دی کھُڈ وچ ہتھ“ (یسعیاہ ۱۱:۸) پا سکدا اے تے اوہنوں ڈَنگ نئیں ماریا جائے گا ، ایس زمین اُتے بہشت خُدا دی کلیسیاتوں علاوہ کوئی دوجی نئیں ہیگی ۔ ایہہ خُدا دی کلیسیادا حیران کرن والا بھیت اے ۔
ایمان رکھ کے ای اسی خُدا دی بادشاہی وچ وڑدے آں ۔ ایہہ پکے ایمان دا زور اے جیہڑا اسمانی بادشاہی لے لیندا اے ۔ کیہ تُسی اپنے دل وچ ایس سچیائی اُتے ایمان رکھدے او ؟ مَیں وی ایمان رکھدا ہاں ، تے ایسے لئی مَیں اپنی شکرگزاری خُدا دے اگے پیش کردا ہاں ۔
تےایہہ ایس لئی اے پئی مَیں خُدا دا شکر گزار آں پئی مَیں ایس خوشخبری دی سیوا کردا پیاہاں ۔ مَیں ایس سچیائی لئی جیوندا ہاں تے خوشخبری دی سیوا کردا ہاں ، ایس لئی پئی ہُن وی بوہت سارے لوک نیں جیہڑے اسمانی، ارغوانی، تے لال دھاگے دی سچیائی نوں نئیں جان دے ۔ پر اجے، ایس سوال نوں اک پاسے رکھدیاں ہوئیاں بھاویں دوجے ایس خوشخبری دی سیواکردے نیں یا نئیں ، تہانوں پہلاں آپ ایس اُتے ایمان لیاؤن دی لوڑ اے ۔
مَیں آس رکھدا ہاں تے دعا منگدا ہاں پئی تُسی سارے ایس سچیائی اُتے ایمان رکھو گے پئی یِسُوعؔ تہانوں تہاڈیاں پاپاں توں اِکو ای واری سدا لئی بچا چُکیا اے ، تے اِنج اپنے ساریاں پاپاں توں مکتی یافتہ ہوووگے۔
Copyright © 2021 by The New Life Mission