Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

خطبات

مضمون 9: رومیوں (رومیوں دی کتاب اُتے تفسیر)

[8-5 باب] خُدا دی  راستبازی وچ چلنا <رومیوں ۸: ۱۲ ۔۱۶>

>رومیوں ۸: ۱۲ ۔۱۶<
” ایس لئی اے بھراوو!اسیں قرضہ دار تاں ہیگے آں ، پر بدن دے نئیں پئی بدن وچ حیاتی بسر کریے ۔ایس لئی پئی جے تُسیں بدن وچ حیاتی بسر کروگے تاں لازمی مروگے تے جے  رُوح نال بدن دے کماں نوں تباہ برباد کروگے تاں جیوندے رہووگے ۔ ایس لئی پئی جنہےخُدا دے  رُوح دی ہدایت نال چلد ے نیں اوہو ای خُدا دے پُتر نیں ۔ ایس لئی پئی تہانوں قید والی رُوح نئیں ملی جیہدے نال فیر ڈرو سگوں لے کے پالے ہون دی  رُوح ملی جیہدے نال اسیں اَبا مطلب اے باپ آکھ کے بلاؤندے آں ۔  رُوح آپ ساڈی  رُوح نال  رَل کے گواہی دیندا اے پئی اسیں خُدا دے پُتر ہیگے آں۔  “
 
 
پولُس رسول ، جنہے بند ے وانگر خُدا کولوں مکتی پائی ، نے آکھیا پئی نویں سریوں جمے ہوئے ایمانداراں نوں بدن مطابق نئیں ، سگوں  رُوح دے مطابق جیوندے رہنا چاہی دا اے ۔ خاص  کرکے ، پولُس نے آکھا پئی جے اسیں، جیہڑے خُدا دی راستبازی رکھدے آں ، بدن دے مطابق جیوند ے آں، اسیں مر جاواں گے، پر جے اسیں  رُوح دے مطابق جیوندےآں ، اسیں جیوندے رہواں گے ۔ ایس طرحاں سانوں لازمی طور اُتے ایس سچیائی اُتے ایمان رکھنا چاہی دااے ۔ فیر ، اوہناں نوں کیہدے مطابق جیوندے رہنا چاہی دا اے جیہڑےخُدا دی راستبازی اُتے ایمان رکھدے نیں ؟ کیہ اوہناں نوں خُدا دی راستبازی دے مطابق یاں بدنی آس دے مطابق جیوندے رہنا چاہی دا اے ؟ اوہناں نوں لازمی طور اُتے جاننا چاہی دا اے پئی کیہ ٹھیک اےتے اپنے بدناں نوں خُدا دے چنگے کماں وچ  اپنے آپ نوں ناویں لاؤن لئی بالکل سیدھ وچ لیاؤنا چاہی دا اے ۔
 
 

نہ بچاؤن دے لائق فرض

 
پولُس رسول نے دعویٰ کیتا پئی اسیں  رُوح  دے مطابق جیوندے رہن دا فرض رکھدے آں ، اپنی پاپی عادت دے مطابق نئیں ، ایس لئی پئی اسیں مسیحی خُدا دے غصے توں بچ گئے آں تے اوہدی راستبازی وچ چلے گئے آں ۔ خُدا دی راستبازی نوں جانن تے ایہدے اُتے رکھن توں پہلوں ، اسیں رُوح دے مطابق جیوندے نئیں رہ سکدے ساں ۔ پر ہُن اسیں جان دے تے خُدا دی راستبازی اُتے ایمان رکھدے آں ، اسیں اپنےدلاں، خیالاں ، گُناں ، بدناں تے ویلے نوں اوہدے چنگے کماں لئی ناویں لا سکدے آں ۔ سانوں اپنے آپ نوں خُدا دی راستبازی دی منادی کرن وچ تے اوہدے چنگے کم کرن وچ ہتھیاراں وانگر ورتنا چاہی دا اے ۔
 
 

بدن دے مطابق جیونا

 
جے تُسیں مسیح وچ جے تے اپنی پاپی عادت مطابق جیوندے او تے رُوح دے مطابق  نئیں ، پاک کتاب دسدی اے پئی تُسیں بالکل سارے بے ایماناں وانگر برباد ہو جاووگے ۔ ایس لئی پئی  بھاویں تُسیں نویں سریوں جمے ہوئے مسیحی جے ، اصل وچ تُسیں خُدا دی راستبازی دے مطابق جیوندے نئیں جے ۔ جے تُسیں سچے مسیحی بننا چاؤندے او ، تہانوں ہور بدن دے مطابق جیوندے نئیں رہنا چاہی دا، سگوں خُدا دی راستبازی دے مطابق ، ایس لئی پئی تُسیں اوہدی راستبازی دے سیوا لئی تیار کیتے گئے جے ایس لئی پئی تُسیں ایہدے اُتے ایمان رکھدے او۔ جے تُسیں ایہدے باوجود صرف بدن دے مطابق جیوندے او ، تہاڈی رُوح مر جاوے گی ۔ پر ، جے تُسیں خُدا دی راستبازی دے مطابق جیوندے او ، تُسیں ہمیش سلامتی نال جیوندے رہووگے ۔
 
 

خُدا دے پُتر

 
” ایس لئی پئی جنہے خُدا دے  رُوح دی ہدایت نال چلد ے نیں اوہو ای خُدا دے پُتر نیں۔ “ (رومیوں ۸ : ۱۴)۔
اوہ جیہڑے خُدا دی راستبازی اُتے ایمان رکھدے نیں ، اوہناں نیں پاک رُوح  انعام وانگر پایا تے پاک رُوح اوہناں دی اگوائی کردا اے ۔ اوہ   ” خُدا دے پُتر “ نیں ۔   ” خُدا دے پُتر “ اوہناں وچ پاک رُوح وسدا اے ۔ ایسے طرحاں ، اوہ جیہڑے اپنے اندر پاک رُوح  دا بسیرا نئیں رکھدے ، اوہدے نئیں ہیگے ۔ خُدا دے پچھے چلن وچ  پہلا نکتہ اوہدی راستبازی اُتے ایمان رکھن نال شروع ہوندا اے ۔ ایہہ پانی تے رُوح دی خوش خبری دے کلام اُتے  ایمان دے راہیں خُدا دے پُتر  بنن نال شروع ہوندا اے ۔ دوجے اکھراں وچ ، خُدا دے پُتر بننا اوہدی راستبازی دی خوشخبری اُتے ایمان رکھن دے راہیں شروع ہوندا اے ۔ ایہدا مطلب ہیگا اے پئی تُسیں اوہدی راستبازی اُتے ایمان رکھن دے راہیں خُدا دے خنوادے دے رُکن بن جاندے او تے خُدا تہانوں تہاڈے پاپاں توں بچاؤن لئی اپنی راستبازی دے چُکیا اے ۔
جدو ں نیکُدیمس ، اک یہودی آگو ، یسوع نوں ملیا ، یسوع نے اوہنوں دسیا ، کوئی بندہ  خُدا داپُتر  نئیں بن سکدا جدوں تیک اوہ پانی تے رُوح نال نویں سریوں نہ جمے ۔ نیکُدیمس ایہہ سُن کے حیران ہوگیا تے پُچھیا ، ”بندہ جدوں بُڈھا ہوگیا تاں کویں جم سکدا اے ؟ “(یوحنا ۳ : ۴)۔ یسوع نے جواب دتا ،  ” میَں تینوں سچ آکھدا ہاں جدوں تیک کوئی بندہ پانی تے رُوح نال نہ جمے اوہ خُدا دی بادشاہی وچ جا نئیں سکدا ۔ جیہڑا بدن وچوں جمیا ایں بدن ایں تے جیہڑا رُوح توں جمیا اے رُوح اے ۔ حیران نہ ہو پئی میَں تینوں آکھیا تینوں نویں سریوں جمن دی لوڑ   اے ۔ ہوا جدھر چاؤھندی اے وگدی اے تے تُوں اوہدی آواز سُن دا ایں پر نئیں جان دا پئی اوہ کدھروں آؤندی اے تے کدھر نوں جاندی اے ۔ جیہڑا کوئی رُوح نال جمیا اے اِنج دا ای اے ۔“ (یوحنا ۳ : ۵ ۔ ۸)۔
یسوع نے آکھیا پئی اوہ جیہڑا پانی تے رُوح نال نئیں جمیا نویں سریوں جمن دے مطلب نوں نئیں سمجھ سکدا ۔ بپتسمے اُتے ایمان جیہڑا یسوع نے یوحنا بپتسمہ دین والے کولوں لیا تے لہو جیہڑا اوہنے سولی اُتے وگایا ، اوہناں نوں ایس لائق بناؤندا اے پئی جیہڑے خُدا دی راستبازی پاؤن لئی اوہدے راستباز کم اُتے ایمان رکھدے نیں ۔ اوہ جیہڑے خوشخبری دے کلام اُتے ایمان رکھدے نیں ، پاک رُوح نوں انعام وانگر پاؤن دے لائق ہیگے نیں ۔ کوئی بندہ پانی تے رُوح دی خوشخبری اُتے ایمان رکھن دے راہیں خُدا دی راستبازی تیک اپڑ سکدااے ۔ ہر کوئی جیہڑا خُدا دی راستبازی نوں قبول کردا اے خُدا دا پُتر بن سکدا اے ۔ اوہ جیہڑے اوہدے لوک بن جاندے نیں ساڈے بھرا تے بھیناں نیں ۔
 
 
رُوح گواہی دیندا اے پئی اسیں خُدا دے پُتر ہیگے آں
 
” ایس لئی پئی تہانوں قید والی رُوح نئیں ملی جیہدے نال فیر ڈرو سگوں لے کے پالے ہون دی  رُوح  ملی جیہدے نال اسیں اَبا مطلب اے باپ آکھ کے بلاؤندے آں ۔  رُوح آپ ساڈی  رُوح نال  رَل کے گواہی دیندا اے پئی اسیں خُدا دے پُتر ہیگے آں۔  “ (رومیوں ۸ : ۱۵ ۔ ۱۶)۔
صرف دو طریقے ہیگے نیں جنہاں راہیں اسیں ایس سچیائی دی گواہی دے سکدے آں پئی اسیں خُدا دے پُتر ہیگے آں ۔ پہلاں، خُدا دی راستبازی جیہڑی پانی تے رُوح دی خوشخبری وچ وکھائی گئی اے ، سانوں اوہدے پُتر بنا چُکی اے ؛ تے دوجا، پاک رُوح ساڈے کول آؤندااے ۔ پاک رُوح پانی تے رُوح دی خوش خبری وچ کم کردااے ۔ خُدا نے ایناں ساریاں شیواں دا ارادہ بنایا ۔ پانی تے رُوح د ی   خوشخبر ی اُتے ایمان رکھنا اپنے آپ وچ گواہی اے جیہڑی سانوں دسدی اے پئی اسیں خُدا دے پُتر بن گئے آں ۔ اوہ جانن تے خُدا دی راستبازی اُتے ایمان رکھن دے راہیں خُدا دے پُتر بن گئے نیں ، خُدا دے اگے ، ”اَبا“ مطلب اے اے باپ وانگر دعامنگن دا حق رکھدے نیں ۔
آؤ اسیں دانائی نال سوچن دی کوشش کریے ۔ کویں کوئی اپنے دل وچ پاپ نوں رکھدے ہوئیاں خُدا نوں اپنا باپ بلا سکدا اے ؟ خُدا باپ کدی کسے پاپی نوں اپنے پُتر وانگر نئیں وکھ چُکیا ،تے کوئی پاپی کدی باپ وانگر خُدا دی سیوا نئیں کر چُکیا ۔ تہانوں لازمی طور اُتے اپنے آپ وچ ویکھنا چاہی دا اے تے سمجھنا چاہی دا اے پئی جے کسے اتفاق ای نال تُسیں وی ایہو جیہی غلطی کردے پئے او ۔ اوہ جیہڑے پاک  رُوح دے راہیں خُدا دے پُتر بنن دی گواہی دیندے نیں ، ایہہ اوہ نیں جیہڑے خُدا دی راستبازی اُتے ایمان رکھدے نیں ۔ سانوں لازمی طور اُتے گہرے طور اُتے خُدا دی راستبازی دے بارے وچ سوچنا چاہی دا اے ۔