Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

خطبات

مضمون 10: مُکاشفہ(مُکاشفہ دی کتاب اُتے تفسیر)

[8-2باب] کیہ ست تُرہیاں دیاں آفتاں اصلی نیں؟ (مُکاشفہ ۸:۱۔۱۳)

کیہ ست تُرہیاں دیاں آفتاں اصلی نیں؟
)مُکاشفہ ۸:۱۔۱۳ (
                          
مُکاشفہ ۵ باب وچ ست مہراں نال مہر کیتا گیا اک طومار ظاہر ہونداا ے ، جیہڑا یسوع نے لیا ، ایہدا مطلب ایہہ سی پئی ایس طرح خُدا دا سارا اختیار تے طاقت یسوع دے حوالے کیتے گئے سن ، تے اوہ اوس توں اگانہہ خُدا دے منصوبے دےمطابق جگ دی اگوائی کرے گا ۔ مُکاشفہ ۸ باب ایس حوالے نال کھُلدااے ، ” تے جد اوس ستوِیں مُہر توڑی تے ادھے گھنٹے تِیکر اسمان وِچ چُپ لگّی رہی۔تے مَیں اوہناں ستّاں فرِشتیاں نُوں ویکھیا۔ جیہڑے خُدا دے سامھنے کھلوتے رہندے نیں۔ تے اوہناں نُوں سَتّ تُرہیاں دِتّیاں گِئیاں۔ “ ایس طرح یسوع طورمار دی ستویں مہر نوں کھولدا اے ، تے سانوں آؤن والیاں گلاں وکھاؤندااے ۔
باب ۸ سانوں ایہہ وکھاؤن دے راہیں شروع ہوندا اے پئی ست نرسنگیاں دیاں آفتاں پاک لوکاں دیاں دعاواں نال شروع ہون گئیاں ۔ آیت ۶ تے اوس توں اگانہہ، ایہہ باب فیر ست نرسنگیاں دیاں آفتاں بارے وچ فرماند ا اے جیہڑیاں ایس جگ اُتے آؤن گئیاں ۔
 
 

پہلی تُرہی دی آفت

 
پہلی تُرہی—آیت ست : ” تے جد پہلی تُرہی وَجّی تے گڑے تے اَگ جِنہاں وِچ لہو رلیا ہویا سی جمّے تے زمین اُتّے سُٹّے گئے۔ تے زمین دا ترِیجا حِصّہ سڑ گیا تے ترِیجا حِصّہ بُوٹے تے سارا ہرا گھاہ سڑ گیا۔ “
پہلی شے جیہڑی سانوں لازمی لبھنی چاہی دی اے ایہہ ہیگی اے کیہ اسیں پاک لوک، ست نرسنگیاں دیاں آفتاں وچکار جدوں ایہہ زمین اُتے آؤن گئیاں ہوواں گے یاں نئیں ۔
ایتھے ست نرسنگے پھوکن والے ست فرشتے آؤندے نیں ۔ سانوں لازمی احساس کرنا چاہی دے پئی ، ایہناں ستاں آفتاں وچ ، اسیں زمین اُتے موجود ہوواں گے تے پہلیاں چھے آفتاں وچوں لنگھاں گے ۔ سانوں لازمی ایہہ وی احساس کرنا چاہی دا اے پئی جد ستویں تُرہی وَجّ دی اے ، اسیں چُکے جاواں گے ،تے یعنی ایہدی پیروی ست پیالیاں دیاں آفتاں دے راہیں ہووے گی ۔
آیت ۷ سانوں دسدی اے پئی جد پہلے فرشتے نے اپنی تُرہی وَجّائی، تاں زمین اُتے لہو رلے ہوئے گڑے تے اگ دا مینہ پیا ، جنہے تریجا حصہ زمین تے تریجا حصہ بوٹیاں نوں ساڑ دتا ۔ دوجے اکھراں وچ ، تریجا حصہ دنیا تے قدرتی ماحول ، سڑ کے بھسم ہوگئے ۔
کیہ اسیں زندہ رہ سکاں گے جد قدرتی ماحول ایس طرح دھوں وچ سڑ جاندا اے ؟ ساڈے اُتے وسن والے لہو رلے ہوئے گڑیاں تے اگ نال ، تے بوٹیاں دے سوا ہون دے بعدوں، کیہ اسیں سچ مُچ آلے دوالے دے ایس طرح دے قدرتی ماحول وچ زندہ رہ سکدے آں جیہڑا مُڈھ تیکر سڑ گیا اے ؟ جد اسیں سچ مُچ لہو رلے ہوئےگڑیاں تے اگ دے مینہ دے سببوں اپنے گھر بار گواچن دی کھری سچیائی ویکھاں گے، تے سنگھنے جنگلاں تے پہاڑاں دی بربادی وچکار ، ساڈے وچوں کوئی وی زندہ رہن دی کوئی تمنا نئیں کرے گا ، نا ای ، ایس سبب توں ، اسیں اِنج کر سکدے ایتھوں تیکر پئی جے اسیں چاہئے وی ۔
کدی نا بھُلو تہانوں تے مینوں ایس پہلی آفت وچوں لنگھنا اے ۔جد ایہہ ساڈے اُتے ظاہر ہوندی اے یعنی جد اسیں ایس وڈی آفت وچ وڑدے پئے آں ، سانوں لازمی ایہہ وی احساس کرنا چاہی دا اے پئی مُخالفِ مسیح اوس ویلے توں ایس زمین اُتے پہلوں ای وجود رکھدا ہووے گا ۔ ایس لئی پئی ایہو جیہاں آفتاں مکمل طریقے نا ل اُٹھ دے ہوئے مُخالفِ مسیح دے جگ اُتے اپنے حتمی اختیار نوں لبھن توں پہلوں شروع ہون گئیاں ، دنیا دے آگُو آفتاں دا مقابلہ کرن لئی متحد تھاں بناؤنی شروع کرن گے ،تے اک یقینی راجا دوجے ست راجیاں نوں اک وڈی طاقت بناؤن لئی اکٹھیاں کرے گا ۔
فیر مُخالفِ مسیح بالکل فطرتاً ایس کم وچ حتمی راجے وانگر نکلے گا ۔ جویں ای مُخالفِ مسیح انتظا م تے فطری بربادی دی بحالی لئی وڈی قابلیت ظاہر کرے گا ، بوہتے لوک ، اوہدی طاقت توں متاثر ہو کے ، اوہنوں اک خُدائی ہستی سمجھدے ہوئیاں ، اوہدے پچھے چلن لگن گے ، اوہدے پیروکار ، ہو لی ہولی پر لازمی ظاہر
ہون گے ۔
پاک کلام سانوں دسدااے پئی جد پہلافرشتہ اپنی تُرہی وَجّائےگا ، ایہہ ست نرسنگیاں دیاں آفتاں وچوں پہلی آفت نوں لیاوے گا جیہڑی تریجا حصہ زمین نوں برباد کردیوے گی ۔ دونویں اسیں پاک لوک تے جگ دےلوک ایس دھرتی اُتے زندگی بسر کردے ہوواں گے جد ایہہ آفت آوے گی ۔ فیر ، جگ نال کیہ ہووے گا ؟ بربادیاں جگ وچ بے قابو ہوجان گئیاں ، بربادیاں ، لاشاں ، تے ہر تھاں ڈگے ہوئے زخمیاں نال ، ماحول اگ دی ندی دے سبب بنے ہوئے دھوں تے زہریلی گیس دی لپیٹ وچ آجاوے گا جیہڑا سارے جگ نوں کھا جاوے گا ؛ تے وَا وچ آکسیجن مک جاوے گی جویں ای اگ دے سبب پیدا ہوئی سارے جگ د ی بربادی وانگر آکسیجن بناؤن والے سیارے دی گنجائش بوہت بھیڑی کٹ جاوے گی ۔ پہلی آفت اکلی ای ایس جگ نوں سوا کر دیوے گی ، بوہت بربادی کردے ہوئیاں ایتھوں تیکر پئی ساڈے جیون دی تمنا نوں مکا دیوے گی ۔
ایس آفت توں پہلوں، سانوں لازمی طوراُتے سیانا فیصلہ کرنا چاہی دا اے ۔ ہُن اک عام دنیا وچ زندہ رہندے ہوئیاں ، اسیں آؤن والیاں وڈیاں آفتاں تے دکھ جرن توں ڈر سکدے آں ۔ پر اسیں ایس ڈر توں چھٹ سکدے آں تے ایہدی بجائے دلیر بن سکدے آں ، ایس لئی پئی جد جگ دا تریجا قدرتی حصہ انگاریاں وچ بھسم ہووے گا تے ہر تھاں لوک روندے ہون گے ، اوس توں بوہت پہلوں سانوں پہلوں ای پتہ لگ گیا ہووے گا پئی ایہہ آفت او س سب دے سبب توں سی ، تے ایتھوں تیکرپئی ہور آفتاں آؤن وا لیا ں نیں ۔ کیوں جے اسیں آس رکھدے آں ، اسیں ایہدے سبب بھرسکدے آں ، پر ایس لئی پئی اسیں وی بدن رکھدے آں ، اسیں کئی واری ڈر سکدے آں ۔ پر ایس لئی پئی اسیں ایس جگ دا آؤن والا ویلا جان دے آں ، اسیں اپنی آس ایس جگ اُتے نئیں رکھدے ، سگوں خُدا دی بادشاہی اُتے رکھدے آں ۔ ایہو جیہے ایمان نال تے پاک رُوح دے آؤن نال ، اسیں بہادرتے دلیر بن سکدے آں ۔
جگ دے لوکاں دے ماتمی ہاڑے سدا اُچے ہوندے جان گے ، تے اسیں، وی، ہاڑے پا سکدے آں جے ساڈے اپنے خنوادے اوہناں وچوں نیں جیہڑے اپنے پاپاں دی معافی پا نئیں چُکے ۔ ساڈے اپنے بدنی خنوادیاں وچوں کئی ، جیہڑے اپنے پاپاں توں معاف نئیں ہوئے ، ایتھوں تیکر پئی سانوں روٹی دے بھوریاں لئی مخالفِ مسیح دے ہتھ ویچ سکدے نیں ۔ دوجے پاسے ، دوجے لوک ساڈے کول پچھن لئی آسکدے نیں کویں اوہ اپنے پاپاں توں مکتی پا سکدے نیں ۔ ایہہ ممکن توں بوہت چوکھا اے ،ایس لئی پئی اوہناں دی مکتی دے موقعے فیر وی ملن گے ۔ پاک کلام سانوں دسدااے پئی جد ست تُرہیاں دیاں آفتاں آؤن گئیاں ، سارے جگ دا تریجا حصہ مر جاوے گا ۔ ایہدا ایہہ وی مطلب ہیگا اے پئی دوتہائی دنیا جیوندی رہوے گی ۔ جد دنیا دی آبادی دا تریجا حصہ سچ مُچ مر مک جاندااے ، سانوں احساس کرنا چاہی دا اے پئی ساڈی شہادت تے خُداوند دے واپس آؤن دا ویلا دور نئیں ہیگا ۔ خُدا نے آکھیا پئی اوہ اسمان توں لہو رلے ہوئے گڑیاں تے اگ دا مینہ پاوے گا ۔
جدخُداساڈے اُتے اگ تے گڑے ورساندا اے ، اسیں اوہناں توں بچن لئی وچارے تے بے آسے ہوواں گے ۔ ایہہ، ایتھوں تیکر پئی سائنسی ترقی نال ، ماحول اُتے راکھی دی ڈھال بنانا تے رکھنا ناممکن ہووے گا جیہڑی سارے جگ نوں اگ تے گڑیاں دے وسن توں کج سکدی اے ۔ جے ایتھوں تیکر پئی ساڈے کول کوئی ایہو جیہا ہتھیار ہوے ، تاں و ی ایہہ خُدا وند ولوں آؤن والی آفت دی طاقت دے مقابلہ دا نئیں ہووے گا ۔سانوں لازمی اپنے دلاں وچ سچیائی نوں مننا چاہی دا اے پئی ایہہ آفتاں بنا ں شک ساڈے اُتے سچ مُچ آؤن گئیاں ، تے سچے دلوں خُدا دے وعدے دے سارے کلام اُتے ایمان رکھن دے سبب اپنیاں موجودہ زندگیاں بسر کرئیے ۔
تھوڑا چر پہلوں ، مَیں خبراں وچ سُنیا پئی جناں وڈا بندے دا سر ہوندا اے اونے وڈے گڑیاں دے پتھر ، جنہاں دا قطر ۴۵ سینٹی میٹرسی ، چین وچ ڈگے ۔ اُتوں ڈگدیاں ہوئیاں ، برف دے ایہہ ڈھیلے ، جیہڑے اک بندے دے سر برابر سن ، بوہت زورنال ، چھتاں نوں چیردیاں ہوئیاں تے اپنے راہ وچ آؤن والی ہر شے نوں برباد کردے ہوئیاں ڈگے ۔ پہلی آفت نال جیہڑا کجھ آوے گا ایتھوں تیکر پئی بوہت چوکھے زور دا اے ۔ سانوں لازمی طور اُتے اپنے دلاں وچ ایمان رکھنا چاہی دا اے پئی اگ جیہڑی ایس زمین دے تریجے حصے نوں کھا جاوے گی ، چین وچ پین والے ایہناں گڑیاں دے ڈھیلیاں توں بوہت برباد کرن والی اے ، جیہڑی بناں شک نازل ہووے گی ؛سانوں لازمی طور اُتے اپنے دلاں وچ ایہہ ایمان رکھنا چاہی دا اے ؛تے سانوں لازمی ایس ایمان دے مطابق عمل کرنا چاہی دا اے یعنی جد ایہہ آفت سچ مُچ آوے گی ۔ سانوں لازمی ایمان رکھنا چاہی دا اے پئی ایہہ دنیا بوہت چھیتی برباد ہون والے اے ۔ تے سانوں لازمی ایہو جیہے ایمان نال ایس آفت نوں جرن لئی تیار وی ہونا چاہی دا اے ، تے اپنے آپ دے شہید ہون دا پکا ارادہ کرنا چاہی دا اے ۔ جد ست تُرہیاں وَجّن گِیاں، اصل وچ ست آفتاں ایس دنیا اُتے گھلیا ں جان گئیاں ۔ ایہہ ایہناں آفتاں وچوں پہلی اے ۔
 
 

خُدا ولوں گھلی گئی دوجی تُرہی دی آفت

 
دوجی تُرہی—آیتاں ۸ ۔ ۹: ” تے جد دُوجے فرِشتے تُرہی نُوں پُھوک ماری تے اَگ نال بلدا ہویا اِک وَڈا پہاڑ سمُندر وِچ سُٹّیا گیا تے سمُندر دا ترِیجا حِصّہ لہو ہو گیا۔تے سمُندر دی جیوندی خلقت دا ترِیجا حِصّہ مر گیا۔ تے بیڑیاں دا ترِیجا حِصّہ برباد ہوگیا۔ “
سانوں سچیائی ول دھیان کرنا چاہی دا اے پئی پاک لوک وی ایس دوجی آفت وچکار جیوندے رہن گے ۔
ایہہ آیت ایتھے فرماندی اے پئی کوئی شے وڈے پہاڑ وانگر سمندر وچ سُٹی گئی ، جنہے تریجا حصہ سمندر نوں لہو بنا دتا تے ایہدیاں جیوندیاں شیواں وچوں تریجے حصے نوں مار دتا ۔ جد اخیری ویلا آوے گا،جگ دی ترتیب ، تاریاں دیاں کہکشاواں برباد کردے ہوئیاں تے اوہناں دے اک دوجے نال ٹکراؤن تے ٹوٹے ٹوٹے ہون دا سبب بن دے ہوئیاں خراب ہو جاوے گی ،تے اوہدے توں بوہت چوکھے شہاب ِ ثاقب ٹکراؤن والے راہ اُتے دھرتی ول پاسا موڑن گے ۔ ایہناں شہابِ ثاقباں وچوں کئی خلاء وچوں لنگھن گے تے اپنی ساری طاقت دے زور نال ، تریجے حصے سمندر نوں لہو بناؤندے ہوئیاں ، ایہدیاں تریجے حصے جیوندیاں شیواں نوں ماردیاں ہوئیاں ،تے تریجے حصے بیڑیاں نوں برباد کردیاں ہوئیاں سمندر وچ ڈگن گے ۔ ایہہ ست نرسنگیاں دیاں آفتاں دے وچوں دوجے نرسنگے دی آفت اے ۔
فیر کیہ اسیں سمندری مچھی کھان دے ، یاں ایتھوں تیکر پئی ایہدے وچ ترن دے لائق ہوواں گے ، یعنی جد ایہہ واقع ہووے گا ؟ کجھ وی ہور ممکن نئیں ہووے گا ۔ جد اک اگ دے گولے وانگر وڈا پہاڑ سمندر وچ ڈگدااے ، تاں تریجا حصہ سمندر لہو بن جاوے گا ، ایہد ی تریجا حصہ جیوندی خلقت مرجائے گی ، اوہناں دےموئے بدن سمند ر نوں گندہ کردیاں ہوئیاں ، تے چڑھدیاں لہندیاں لہراں تے بھونچال نا صرف بیڑیاں نوں برباد کر دین گے سگوں بوہت سارے لوکاں نوں وی مار دین گے ۔
مینوں اک فلم یاد اے جتھے اک اگ دا گولہ سمندر وچ ڈگدا اے تے وڈیاں وڈیاں چڑھدیاں لہندیاں لہراں بناؤندااے جیہڑیاں دھرتی نوں کج لیندیاں نیں ۔ میرا پکا یقین اے ، فلم نوں بناؤن والے اپنے ذہناں وِچ اخیری ویلے دی واضح تصویر رکھدے سن جد اوہناں نیں ایہہ فلم بنائی ۔ یعنی وڈیاں بربادیاں زمین نال ٹکراؤن گئیاں سچیائی اے یعنی ایتھوں تیکر پئی ایمان نا رکھن والے سوکھے طریقے نال ایہہ گل پچھان سکدے نیں ۔بے گنت لوک شہاب ثاقباں دےڈگن دی آفت نال مر جان گے ۔ پر جویں پئی جگ داصرف تریجا حصہ برباد ہووے گا ، تُسیں تے میَں ایس زمین اُتے جیوندے رہواں گے جد تیکر ست پیالیاں دیاں آفتاں ڈوہلیاں نئیں جاندیاں ۔
پہلوں لوک ایمان رکھدےہوندے سن پئی چُکیا جانا وڈے دکھ جرن توں مکن دے بعدوں واقع ہووے گا ، پر دکھ جرن توں پہلوں چُکے جان دے نظریے دے آؤن دے بعدوں ، بوہت سارے خُدا ئی تعلیماں دے ماہراں نیں ایہدی بجائے دکھ جرن توں پہلو ں چُکے جان دے نظریے اُتے ایمان رکھنا شروع کر دتا ۔ ایتھوں تیکر پئی بوہت بدتر،ہزار ورہیاں دی بادشاہی دا انکار ، جیہڑی ہزار ورہیاں دی بادشاہی دا انکار کردی اے، ہُن اپنی شکل بنا چُکی اے ۔ خُدا ئی تعلیم دے ماہر ،مُکاشفہ دے سارے کلام نوں حل کرن وچ اپنے نکمے پن دے سبب ، ہُن صرف ایہدے سارے کلام توں دور بھجن دی کوشش کردے پئے نیں ۔ اوہ جیہڑے آؤن والیاں آفتاں دے سبب زمین اُتے اپنی آس مکا چُکے ہون گے نویں سریوں جمے ہوئے پاک لوکاں لئی بالکل صاف فرق وکھاؤن گے جیہڑے ایہدی بجائے حالاتاں نوں جرن گے ، یعنی صرف خُداوند ولوں وعدہ کیتی گئی ہزار ورہیاں دی بادشاہی تے نویں اسمان تے نویں زمین اُتے اپنی آس نوں قیم رکھن گے ۔
سانوں اپنے ایمان نوں تیار کرنا چاہی دا اے جویں ای اخیری ویلا ساڈے نیڑے نیڑے آؤندا جاندا اے ، پراِنج کرن دی بجائے ، بوہت سارے لوک دکھ جرن توں پہلوں چُکے جان یاں ہزار ورہیاں دی بادشاہی دے انکار بارے وچ گل کرن نوں ودھیا سمجھدے نیں ، یعنی اصل ایمان دا سامنا کرن توں بچن دی کوشش کردے نیں ۔ ایس لئی پئی اوہ ایمان رکھدے نیں پئی یسوع بدلاں اُتے واپس آؤندا پیا اے جویں اوہ اپنی ہر دیہاڑے دی سکون بھریاں زندگی بسر کردے نیں ،تے ایس لئی پئی اوہ ایمان رکھدے نیں پئی اوہ کسے وی آفت وچوں لنگھیوں بغیر خُدا دی بادشاہی لئی سدھے چُک لَئے جان گے ، اوہ وڈے دکھ جرن لئی اپنے ایمان نوں بالکل تیار نئیں کردے پئے ۔
پہلی جھلک وچ ، اوہ جیہڑے سکون وچ نیں تے وڈے دکھ جرن لئی تیاری نئیں کردے پئے خورے ایتھوں تیکر پئی بالکل دلیر نظر آسکدے نیں ۔ کیہ سبب اے پئی کیوں پاپی جیہڑے نویں سریوں نئیں جمے وڈے دکھ جرن دے اگے اینے دلیر نظر آؤندے نیں ایس لئی پئی اوہناں دیاں جاناں ، پہلوں ای جھوٹے نبیاں دے جھوٹاں دے نشے لین دے بعد وں، مُردہ نیں ،تے اوہناں وچ ہور کوئی رُوحانی آساں باقی نئیں ہیگیاں ۔ بالکل ایسے سبب توں ، یعنی ، ایس لئی پئی اوہ پہلوں ای مُردہ نیں ، لوک نئیں سُن دے تے ایتھوں تیکر پئی پانی تے رُوح دی خوشخبری نوں ردّکردے نیں ، جیہڑی اوہناں نوں پانی تے رُوح نال نویں سریوں جمن تے خُدا دی بادشاہی وچ جان دے لائق کردی اے (یوحنا ۳ :۵)۔
پر نویں سریوں جمیاں نوں لازمی اخیری ویلے دےدکھ جرن لئی اپنا ایمان تیار کرنا چاہی دا اے ، کوئی معنی نئیں رکھدا اوہناں دیاں موجودہ زندگیاں کنیاں سکون والیاں ہو سکدیاں نیں ۔ اوہناں نوں لازمی پہلوں توں اوہناں تیکر خوشخبری دی منادی دی تمنا اپنے دلاں وچ رکھن دے سبب آؤن والے دناں لئی تیار ہونا چاہی دا جیہڑے خُدا نال وفادار ہون گے ، تاں پئی اوہ دکھ جرن دے دناں وچکار اینے بوہتے لوک بچاؤن دے لائق ہو سکن جنے ہو سکدا ۔
وڈے دکھ جرن دے چھیتی نال آؤن نوں بھلاؤنا یقین نا کرن دے لائق بیوقوفی اے ۔ اوہ جیہڑے اِنج کردے نیں دکھاں دے اگے ، کوریا دی جنگ نال کیہ واقع ہویا سی وانگر وچارے تے بے آسے ہون گے ۔ کوریا دی جنگ لگن توں پہلوں ، امریکہ شمالی کوریا دی بوہت ساری فوج دےچلن پھرن دا پتہ لا چُکیا سی تے جنوبی کوریا نوں ممکنہ اچانک حملے توں خبردار کیتا ، پر جنوبی کوریا دی حکومت تے فوج نے ، دور ہٹن ، ایسے طرح دستیاں نوں چھٹیاں اُتے گھلن تے پہلے دستے دے افسراں نوں حملے دے ٹھیک دن اُتے ہفتے دی چھٹی مناؤن دی اجازت دتی یعنی مکمل طریقے نال خبر نوں پچھاں سُٹ دتا ۔
ایس لئی پئی اوہ جنگ لئی تیاری نئیں کر چُکے سن ایتھوں تیکر پئی جد اوہناں نوں شمالی کوریا دے حملے دی جاسوسی دتی گئی سی، اوہ شمال دے حملے نوں دھکن دے لائق نئیں سن تے تھوڑی چر وچ ، بالکل جنوبی کونے دی اخیری حد تیکر سارے پچھاں مُڑ گئے ۔ اوس ویلے تیکر جد جنوبی کوریا نے چھیتی نال اپنے دستیاں نوں اوہناں دیاں چھُٹیاں توں واپس بلایا تے جنگ لئی فوج نوں سوارن دی کوشش کیتی ، ایہدی پہلی سرحد پہلوں ای گھسیڑی گئی سی ، تے اوہ بوہت چوکھیاں مرگاں نال ہار منن نوں جاری رکھن توں علاوہ کوئی چارہ نئیں رکھدے سن ۔
ایہہ اوس قِسم دی مصیبت اے جیہڑی ساڈے اُتے آوے گی جے اسیں کلام اُتے جیہڑا خُدا نے اخیری دناں بارے وچ ساڈے نال فرمایا ایمان نئیں رکھدے آں۔ پر جے اسیں دل نال ایہدے اُتے ایمان رکھدے آں، اسیں ایہو جیہی مصیبت توں بچ سکدے آں ۔ مُکاشفہ دکھ جرن دے دناں وچ پناہ گاہ دی گل کردا اے ،پر ایہہ سانوں ایہدی حتمی تھاں دے بارے وچ نئیں دسدا ۔ پر ، ایہہ سانوں دسدا اے پئی پاک لوک اک پناہ گاہ وچ پناہ لین گے تے ودھن پھلن گے ۔ایہہ پناہ گاہ کلیسیا دے علاوہ کسے دوجے بارے نئیں دسدی ۔ ایس جگ وچ کتھے کوئی پناہ لبھ سکدا اے ؟ کئی لوک آکھدے نیں پئی اوہ بچ سکدے نیں جے اوہ اسرائیل نوں بھج جان ۔ پر اسرائیل وچ اوہ اصل وچ ایتھوں تیکر پئی بوہتے سخت دکھ جرن گے ۔ تہانوں احساس کرنا چاہی دا اے پئی کیوں جے مخالفِ مسیح اپنے آپ اسرائیل وچ وڈا دفتر بناوے گا ، آفتاں اوتھے ایتھوں تیکر پئی بوہت سخت ہون گئیاں ۔
ایتھوں تیکر پئی بھاویں دکھ جرن دا ایہہ کلام ہُنے ایسے ویلے اصل وچ خورے بوہت چھیتی ظاہر نئیں ہو سکدا ، پر تہانوں لازمی ایتھوں تیکراپنے دلاں وچ ایہنوں جاننا چاہی دا اے تے آؤن والے دناں لئی تیار ہونا چاہی دااے ۔تہانوں لازمی اپنے دل نال ایہدے اُتے ایمان رکھنا چاہی دا اے تے ایس ایمان نال تہانوں لازمی خوشخبری دی منادی کرنی چاہی دی اے جویں پئی تُسیں پہلوں ای وڈے دکھ جرن دے ایہناں دناں وچ جیوندے پئے سو ۔تہانوں لازمی لوکاں دے دل تیار کرنے چاہی دے نیں تے اوہناں وچ پانی تے رُو ح دی خوشخبری دی منادی کرن دے راہیں اوہناں نوں اوہناں دی پناہ گاہ تیک اگوائی کرنی چاہی دی اے ۔ خُدا سانوں کلیسیاواں وچ رکھ چُکیا اے ایس لئی پئی اسیں لوکاں تیکر ایہو جیہی آؤن والیاں شیواں دی منادی کرئیے تے اوہناں دی اخیری دناں لئی اوہناں دا ایمان پکاکرن وچ مدد کرئیے ۔
ایہہ ہے اسیں کیوں اِنج کردے پئے آں یعنی اسیں کیہ کردے پئے آں — یعنی ، اپنی ساری طاقت نال پانی تے رُو ح دی خوشخبری دی منادی کردے پئے آں ۔ اسیں ایس زمانے وچ مُکاشفہ دے کلام دی منادی اپنے آپ دے گھمنڈ لئی نئیں کردے پئے ، سگوں ایس لئی پئی ایہہ ایہو کلام اے جیہڑا دونواں ایمانداراں تے پاپیاں لئی اکو جیہا ، اج دے دناں وچ بوہت لوڑی دا اے ۔ صرف ہُنے توں ایس کلام دی منادی کرن دے راہیں ساڈے دل پکے ہو سکدے نیں جد دکھ جرنا تے آفتاں ساڈے اُتے آؤن گئیاں ۔
بناں شک ،خُدا سانوں اپنی خاص راکھی دیوے گا ، پر ایس لئی پئی اسیں ڈراؤنی ، سخت تے ڈاہڈی دنیاوچ جیوندے پئے آں ، جے سانوں پتہ اے اخیری دناں وچ کیہ ہون والا اے تے دکھ جرن اُتے فتح پاؤن لئی اپنا ایمان پکا کردے آں ، اسیں ایتھوں تیکر پئی بوہتی خوشخبری ودھا سکدے آں ۔ تے ایس لئی پئی اسیں خُدا دی بادشاہی اُتے ایتھوں تیکر پئی بوہت خاص تے بوہت یقین بھری آس وی رکھاں گے ، اسیں کدی جگ دے موجودہ حالاتاں توں ٹوٹے ٹوٹے نئیں کیتے جانواں گے ، یاں اپنا ایمان نئیں ویچاں گے ، پر ایہدی بجائے ایتھوں تیکر پئی بوہتے ایمان والے کم کراں گے ۔ ایس لئی اسیں مُکاشفہ دے کلام
دی منادی کردے آں تے ایمان دے بوہت سارے کماں دی سیوا کردے آں ۔
 
 
تریجی تُرہی دی آفت
 
تریجی تُرہی—آیتاں ۱۰ ۔ ۱۱: ” تے جد ترِیجے فرِشتے تُرہی نُوں پُھوک ماری تے اِک وَڈا سارا تارہ مشال وانگر بلدا ہویا اسمانوں ٹُٹ پیا تے ترِیجے حِصّے دریاواں تے پانی دے چشمیاں اُتّے آ پیا۔اوس تارے دا ناں ناگ دُونا اکھواؤندا اے تے پانی دا ترِیجا حِصّہ ناگ دونے وانگر کَوڑا ہوگیا تے پانی دے کَوڑے ہو جان توں بتھیرے بندے مر گئے۔ “
پاک لوک ایس تریجی آفت وچکار وی جیوندے رہن گے ۔دوجی تُرہی دی آفت سمندر اُتے آئی سی ، پر ایس ویلے تریجی تُرہی دریاواں تے چشمیاں اُتے آفت لیاوے گا ۔ اسمانوں ڈگن والا وڈا تارہ ایتھے اک پوچھل والے تارے بارے دسدا اے۔دریاتے چشمے جیہڑے پوچھل والے تارے نال ٹکراؤن گے کَوڑے ہو جان گے ، جویں اوہ ناگ دُونے ہو جان گے ۔ پُرانے زمانیاں وچ ، لوک ناگ دُونے نوں پیسیا کردے سن تے ایہدے رس نوں دوائی وانگر پیندے سن ، جیہڑا اوہناں دی سوچ توں بوہتا کَوڑا ہو سکدا سی۔پاک کلام سانوں دسدا اے پئی جویں ای ایہہ کَوڑا ناگ دُونا دنیا دے سارے پانی وچ کھلر جاوے گا ، بوہت سارے لوک ایہنوں پین دے سبب مر جان گے ۔
جد دُنیادا تریجا حصہ تازہ پانی ناگ دُونا ہو جاوے گا ، بوہت سارے لوک ایہدے توں مرجان گے ،پر خُداوند اپنے لوکاں دی ایس ساری آفت وچکار راکھی کرے گا ۔ سب توں بوہتیاں مرگاں دا سبب کئی پانی توں جمن والیاں بیماریاں نال ہووے گا ، غالباً پوچھل والے تارے دے ڈگن دے سبب پانی وچ دھماکے نال کئی قسماں دیاں حیاتی کیمیائی تبدیلیا ں تو ں پیدا ہون گئیاں۔ دوجے اکھراں وچ ، لوک ایس لئی نئیں مرن گے صرف ایس لئی پئی پانی کَوڑا ہو جاوے گا ، سگوں کسے دوجی شے دے سبب مرن گے ۔ سانوں پتہ اے تے ایمان رکھدے آں پئی ایہہ ساریاں گلاں سچیاں نیں ، تے یعنی اوہ آؤن والے دناں
وچ برباد کرن لئی واقع ہون گئیاں۔
 
 
چوتھی تُرہی دی آفت
 
چوتھی تُرہی—آیت۱۲: ” تے جد چوتھے فرِشتے تُرہی نُوں پُھوک ماری تے سُورج دا ترِیجا حِصّہ تے چَنّ دا ترِیجا حِصّہ تے تاریاں دا ترِیجا حِصّہ ماریا گیا۔ ایتھوں تِیکر پئی اوہناں دا ترِیجا حِصّہ ہنیرا ہوگیا تے دِن دے ترِیجے حِصّے وِچ دُھپ نا رہی تے ایسے طرح رات دے ترِیجے حِصّے وِچ وی۔ “
کدی نا بھلو پئی پاک لوک حالے تیکر ایس زمین اُتے ایس چوتھی آفت وچکار جیوندے رہندے ہون گے ۔
جے دن دے تریجے ویلے وچ روشنی نئیں رہندی ، ایہدا مطلب ہیگا اے پئی دن دی روشنی ست توں اٹھ گھنٹیاں دی اوسط نال تقریباً چار گھنٹے باقی رہ جاندی اے ۔ ایس لئی پئی چن تے تارے وی اپنی تریجے حصے روشنی گوالین گے ، سارا جگ ہنیرا ہو جاوے گا ۔ جد ایہہ دن دی روشنی ودھنی چاہی دی اے ، دوجے اکھراں وچ ، اچانک سارا ہنیرا ہوجاوے گا ۔ فلم ریپچر (Rapture) دکھ جرن توں پہلوں چُکے جان دے نظریے نوں من دی اے ، پر ایہدے وچ تُسیں سارےجگ نوں چمکیلے دن دی روشنی توں وڈے ہنیرے وچ بدلدیاں ہوئیاں ویکھ سکدے او ، جیہڑی ہر کسے دے رون تے درد نوں سہن دا سبب بن دی اے ۔ خود ایہدے بارے وچ سوچو ؛ فرض کرو صبح دے گیارہ وجے نیں ، تے فیر بالکل اچانک سورج غائب ہو جاندااے تے ہور روشنی موجود نئیں ہیگی ۔ تُسیں وی ڈر جاوو گے ،جویں پئی بھاویں تُسیں موت دے فرشتے نال گل بات کر لئی ۔
سانوں پتہ ہیگا اے پئی سانوں ایہو جیہے برباد کرن والے دناں وچکار زندہ رہنا پوے گا ، پر تہانوں ڈرنا نئیں چاہی دا ۔خُدا ساڈی راکھی کرے گا تے سانوں ایتھوں تیکر پئی بوہتی برکت دیوے گا ۔ اوس ویلے تیکر ، تہاڈا ایمان اینا پکا ہو گیا ہووے گا پئی خُدا تہاڈیاں دعا دا جواب دیوے گا تے اوسے ویلے تہاڈے لئی کم کرے گا جدوں تُسیں دعا منگو گے ۔ ایس لئی پئی خُدا نے جگ دے اخیر تیکر سدا ساڈے نال رہن دا وعدہ کیتا ، خُداسانوں اخیری زمانے دے دکھ جرن و چ کدی اکلا نئیں چھڈے گا ۔ نکے جیہے شک توں بغیر ، اوہ سدا ساڈے نال رہوے گا ۔ ایسے طرح ، ایس لئی پئی خُدا اِنج ہر ویلے ساڈے نال ہووے گا ، سانوں لازمی ایمان رکھنا چاہی دا اے پئی اوہ ساڈی راکھی کرے گا تے سانوں جیوندے رہن دی اجازت دیوے گا ،تے سانوں لازمی ایہہ ایمان دوجیاں وچ ودھاؤنا چاہی دا اےتے ایسے طرح اوہناں دا ایمان پکا کرنا چاہی دا اے۔
 
 
تِن ہو ر آؤن والیاں آفتاں
 
آیت ۱۳ فرماندی اے، ” تے جد مَیں فیر دھیان کِیتا تے اسمان دے وِچ اِک عُقاب نُوں اُڈدیاں ہویاں تے اُچّی اُچّی ایہہ آکھدیاں سُنیاں پئی اوہناں تریہوں فرِشتیاں دِیاں تُرہیاں دِیاں اَوازاں دے سبّب جیہڑیاں اجے پُھوکن والیاں نیں زمین دے رہن والِیاں اُتّے افسوس افسوس افسوس۔ “
جد فرشتہ ہور تِن واری افسوس، افسوس، افسوس کوک دا اے ، ایس دھرتی اُتے آؤن والیاں تِن ہور آفتاں ہون گئیاں ۔ دوجے اکھراں وچ ، ست تُرہیاں دیاں آفتاں وچوں تِن ہور آفتاں اجے باقی نیں ۔ سانوں احساس کرنا چاہی دا اے پئی ستویں تُرہی دے سبب ساڈا چُکیا جانا سچ ہو جاوے گا ۔ جد پہلیاں چھے تُرہیاں دیاں ساریاں آفتاں مک جاندیاں نیں تے ستواں فرشتہ اپنی تُرہی پھوکدا اے ، پاک لوک چھیتی نال جیوں اُٹھن گے تے چُک لَئے جان گے ۔ جد سارے پاک لوک چُک لَئے جاندے نیں تے خُداوند نال وَا وچ ملدے نیں ، فیر ست پیالیاں دیاں آفتاں ایس زمین اُتے ڈوہلیاں جان گئیاں ۔
سانوں لازمی احساس کرنا چاہی دا اے پئی ایہہ زمین بوہت چھیتی ست تُرہیاں تے ست پیالیاں دیاں آفتاں دے شروع ہون وچ داخل ہوجاوےگی، جیہدے وچ اخیریں دسی گئی گل ، ستویں تُرہی دی آفت نال یعنی خُدا دی مرضی دے مطابق ڈوہلیاں جان گئیاں ۔ تے سانوں لازمی اپنے سارے دل نال اوہناں اُتے ایمان رکھنا چاہی دا اے، تے اپنے ایمان دی ہُن پال سانبھ کرنی چاہی دی اے تاں پئی ساڈا ایمان ایہناں ساریاں آفتاں نوں سہارن دے وچکار بوہت پکا ہو سکے ۔ جے لوک اخیری دناں دی کسے ترجیحی علم دے بغیر ایمان رکھدے نیں ، جد اصل وچ دکھ جرناآوےگااوہناں نوں ایناں دکھ پوہنچے گا پئی اوہ خورے ایتھوں تیکر پئی کافر ہوندے ہوئیاں مک سکدے نیں۔
ایسے طرح ، اخیر وچ ساڈی فتح لئی ،ایناں گلاں وچ ساڈا ایمان لازمی اخیری زمانے دے ٹھیک علم
دے سبب مکمل ہونا چاہی دا اے ۔ اج ، جد اخیر ساڈے ایناں نیڑے ہوندا پیا اے،ایس لئی سانوں کدی لازمی کلیسیانوں ردّ نئیں کرنا چاہی دا اے یاں ایس توں بوہت دور نئیں ہٹنا چاہی دا ۔ سانوں دلوں لازمی کلیسیا نال میل جول رکھنا چاہی دا اے ،تے ، کوئی معنی نئیں رکھدا کیہ اے ، سانوں ساریاں نوں لازمی خُدا دے کلام اُتے جویں کلیسیا دے راہیں ساڈے اگے منادی کیتی گئی ،ہر دن قیم رہن تے ایمان وچ جیوندے رہن دے سبب ایمان قیم رکھنا چاہی دا اے ۔
جد ایہہ آفتاں آؤن گئیاں ، غیر مکتی یافتہ لوکاں وچوں کئی ایتھوں تیکر پئی تہاڈے اپنے خنوادے ، رشتے داراں یاں بیلیاں وچوں تہاڈے پچھے آ سکدے نیں ۔ ایتھوں تیکر پئی عام دناں وچ ، جد پچھیا گیا ساڈے رشتے دار ، بھر ا تے ماپے کون نیں ، ساڈے خُداوند نے سانوں دسیا پئی صرف اوہ جیہڑے باپ دی مرضی پوری کردے نیں ساڈا خنوادہ ، ماپے تے بھر انیں۔ جد دکھ جرن دا ویلا آوے گا ، نویں سریوں جمے ہوئے ایتھوں تیکر پئی بوہتے یقین نال احساس کرن گے کیہڑےسچ مُچ اوہناں دے اصلی بھرا ، بھین تے خنوادے والے نیں ۔ ایس لئی پئی ہُن اسیں ایس ایمان نال سمجھدے تے اک دوجے دی مدد کردے آں ،تے اک دوجے دی مدد کردے آں ،تے ایس لئی پئی خُدا پہلوں ای تہانوں تے مینوں اکو جیہا ایناں ساریاں آفتاں توں چھڈا چُکیا اے ، اوہ ساڈی راکھی کرے گا ، سانوں آفتاں توں بچاوےگا ، تے اپنی کلیسیا وچ اپنے پُتراں وانگر سانوں پالے گا ۔ایہہ ایمان ساڈے وچ لازمی پکیا ں کرکے بیجیا جانا چاہی دا اے ۔
اوہ جیہڑے سانوں اخیری دناں وچ مخالفِ مسیح دے ہتھاں وچ ویچن گے بالکل ساڈے اپنے بدنی خنوادے وچوں ٹھیک طریقے نال اُبھر سکدے نیں ۔ ایسے طرح ، ایتھوں تیکرپئی بھاویں اوہ ساڈے خنوادےتے رشتے دار نیں ، جے اوہ پانی تے رُوح دے راہیں نویں سریوں نئیں جمے،ساڈا ایمان لازمی اوہناں نوں بالکل شروع توں اوپریاں وانگر سوچن بارے بوہت پکا ہونا چاہی دا اے ۔ دوجے اکھراں وچ ،اوہ ایتھوں تیکر پئی اصل اوپریاں توں بوہت چوکھے ساڈے لئی بھیڑے کم کرن دے لائق ہو سکدے نیں ۔ ایہہ کوئی معنی نئیں رکھدا پئی اوہ ساڈے اپنے سکے خنوادے وچوں ہیگے نیں — جے اوہ مکتی یافتہ نئیں ہیگے ، فیر سانوں لازمی احساس کرناچاہی دااے پئی اوہ شش و پنج دے اڈ ساڈے ویری نیں ۔ سانوں لازمی اپنے دلاں نوں کھولنا چاہی دا اے اسی ایس معاملے بارے خُدا دے کلام وچوں بوہتا کیہ سُن دے آں تے ایہدے اُتے سچے دلوں ایمان رکھنا چاہی دا اے ۔
بالکل جویں خُدا نے صدوم تے عمورہ نوں اوہنا ں اُتے گندھک تے اگ دا مینہ پاکے اگ دا دریا بنا
دتا ، اوہ اخیری دناں وچ ایہو جیہی ای آفت وی پاپیاں اُتے لیاوے گا ۔ صدوم تے عمورہ وچ خُدا دی بربادی ماہرِ آثارِ قدیمہ دے ثبوتاں نال اک ثابت ہوئی سچیائی اے ۔
ایہناں دناں وچ بوہت ساریاں فلماں جنہاں دی کہانی زمین دے نال اگ دے گولیاں دی ٹکر دے سبب سارےلوکاں دی بربادی اُتے مُک دی اے، بن گئیاں نیں ۔ ایہو جیہاں فلماں پاک کلام دے کلام دی نیہ اُتے بنائیاں گئیاں نیں جیہڑیاں اخیری دناں دیاں آفتاں دی عکاسی کر دیاں نیں جیہڑیاں ایس زمین اُتے آؤن گئیاں ۔ زمین اُتے شہابِِ ثاقب دے ڈگن دے ممکن نشان سچیائی توں بالکل بوہتے نیں، یعنی ایہناں آفتاں دی گنجائش نوں بوہت چوکھا ایس دنیا وچ اصل وچ بدل دے نیں ۔
اک چنگی مثال ڈاینا سور دے ڈھانچیاں توں بدنی علم دے ثبوتاں دی اے ، جیہڑے ظاہر کردے نیں پئی پُرانے زمانے وچ زمین اُتے کئی وڈیاں تبدیلیاں آئیاں ۔ غائب ہوئیاں جیوندیاں شیواں دیاں شکلاں سانوں اوہناں دیاں ڈھانچیاں دے راہیں اوہناں دے پہلوں دے وجوداں بارے وچ دسدیاں نیں ۔ کئی سائنس دان تجویز کردے نیں پئی پُرانی زندگی دیاں شکلاں دے ایس غائب ہون دی وضاحت ، ڈاینا سور نوں نال رلاؤندیاں ہویاں ، زمین دے اک اگ دے گولے نال ٹکراؤن دی بربادی نال ہوندی اے ۔ ایس لئی ، مُکاشفہ ۸ وچ لکھیاں ہوئیاں شہاب ثاقباں دیاں آفتاں ، ایس دنیا وچ سچ بنن توں بوہت چوکھیاں ممکن نیں ۔
 
 
بوہت دُور آؤن والے دناں وچ نئیں …
 
سانوں لازمی احساس کرنا چاہی دا ایہو جیہا ں آفتاں ایس زمین اُتے بوہت دُور آؤن والے دناں وچ نئیں آؤن گئیاں ۔ کئی سائنس دان پہلوں ای بناؤٹی لوکاں دی کوشش کر چُکے نیں ، جیہڑا خُدا لئی لازمی بوہت ڈاہڈا چیلنج ہونا چاہی دا اے ۔ ایس طرح ، ایہہ ساریاں آفتاں ایس زمانے وچ خُدا دے ہتھوں ڈوہلیاں جان لئی تیار نیں ۔ انساناں نوں اپنی سائنس دی طاقت دے موہڈیاں اُتے لازمی خُدا نوں نئیں بھلنا چاہی دا اے ۔
انسان ہُن اپنی سائنس دی طاقت نال جگ دیا ں ساریاں آفتاں دا جواب دین دی کوشش کردے
پئے نیں ۔ پر کوئی سائنسی عجوبہ کدی خُدا دی آفتاں نوں نئیں روک سکدا ، ایس لئی پئی اوہ کسے وی دوجیاں بربادیاں توں بوہت بھیڑیاں نیں جیہدے وچوں انسان پہلوں کدی لنگھے نیں ۔ جد اسیں انسانی دی اج دی سائنسی ترقی نوں ویکھدے آں ، اسیں ویکھ سکدے آں پئی انسان ، اوہدے وانگر بنن دی تمنا کردے ہوئیاں ، خُدا دے اختیار نوں چیلنج کردے پئے نیں ۔ پر سارا کجھ بے مقصد اے ایہدی سائنسی ترقی کنی اگانہہ ودھ جاندی اے ، کوئی خُدا دے راہیں لیائیاں ہوئیاں آفتاں نوں نئیں روک سکدا ۔ ایہہ ساریاں آفتاں اپنے آپ انساناں دے علاوہ کسے دوجے دیاں منگیاں ہوئیاں نئیں ۔
خُدا دے راہیں لیائیاں ہوئیاں آفتاں توں بچن دا اکو راہ پانی تے رُو ح دی خوشخبری دےراہیں مکتی دی سچیائی نوں لبھنا اے ، تے ایہدے اُتے ایمان رکھن دے سبب خُداوند دے ہتھاں وچ پناہ لینااے۔ احساس کرن تے ایمان رکھن دے راہیں ایہناں آفتاں توں بچوپئی خُدا دی ڈاہدی سزا توں بچن دا اکو طریقہ پانی تے رُو ح دی خوشخبری اُتے تہاڈا ایمان اے ۔
ساریاں برکتاں تے لعنتاں خُدا نے اپنے ہتھ پھڑیاں ہوئیاں نیں ۔ جے خُدا ایس زمین نوں قیم رکھن دا فیصلہ کردااے ، فیر زمین جیوندی رہوے گی ؛جے نئیں ، فیر ایہہ صرف برباد ہو سکدی اے ۔ ایہناں دناں وچ جیوندے رہن لئی ، جے تُسیں ایمان رکھدے تے خُدا دے کلام اُتے سچے دلوں چلدے او تے ایتھوں تیکر پئی اوہدا بوہت ڈر رکھدے او ، خُدا تہاڈی پانی تے رُو ح دی خوشخبری ول اگوائی کرے گا جیہڑا تہانوں ایہناں آؤن والیاں برباد کرن والیاں آفتاں توں پناہ دے سکدی اے ۔
ایتھوں تیکر پئی ایس ویلے ، سارے جگ وچ بوہتے لوک ڈردے مارے بھونچالاں ، طافاناں تے روگاں نال مردے پئے نیں تے کمبدے پئے نیں ۔ ایس توں ہٹ کے ، ہر تھاں لڑائی لئی ، قوماں دے خلاف کھلوتیاں ہوئیاں قوماں تے حکومتاں دے خلاف حکومتاں دا کوئی اخیر نئیں ہیگا ۔ ایسے طرح ، جد مخالفِ مسیح آؤن والے دناں وچ نکلے گا تے ایہو جیہے بے چجے حالاں دے چھیتی مسئلیاں نوں حل کرے گا ، تاں بوہت سارے لوک اوہدے پچھے چلن گے ۔ فیر ایہدی تکمیل ایس زمین اُتے بوہت برباد کرن والیاں آفتاں دے آؤن دے راہیں ہووے گی ، تے ، اخیر وچ ، ایہہ دنیا خُدا ولوں ڈوہلیاں گئیاں ایہناں آفتاں
نال ساری دی ساری برباد ہوجاوے گی ۔
خُدا نواں اسمان تے نویں زمین پیدا کرے گا تے ایہہ اوہناں نوں دیوے گا جیہڑے پاپاں توں مکتی پا چُکے نیں ۔ خُدا دی تخلیق وچوں نویں اسمان تے نویں زمین دا ارادہ اوہناں نوں ایہہ دینا اے جیہڑے پانی تے رُوح خوشخبری اُتے ایمان رکھن دے راہیں نویں سریوں جم پئے نیں ۔ بوہت پہلوں ،خُدا پہلوں والی دنیا نوں برباد کرے گا تے دوجی دنیا نوں شروع کرے گا ۔ بالکل جویں پرانے ڈاینا سور ایس جگ اُتوں مک گئے سن ، ایسے طرح ایہہ نویں سائنسی رہن سہن والے لوک مک جان گے ، تے اسیں اپنیاں ایہناں اکھاں نال خُدا ولوں لیائی گئی نویں دنیا دے نویں شروع ہون دی گواہی دیواں گے ۔
فیر سانوں لازمی سوچنا چاہی دا اے ہُن سانوں کویں رہنا چاہی دا اے ۔ سانوں لازمی ساریاں آون والیاں آفتاں بارے ایمان رکھنا چاہی دا اے جویں موجودہ حوالے وچ دسیا گیا اے ، تے اپنی باقی زندگیاں خُدا دی راستبازی لئی ، ایمان نال آؤن والی دنیا لئی تیاری کردے ہوئیاں گزارنیاں چاہی دیاں نیں ۔ سانوں لازمی مُکاشفہ دے نبُوّتی کلام دی تعلیم نال مالا مال ہونا چاہی دا اے ۔ میَں ہُن ایس طرح آکھدا ہاں ایس لئی پئی جدوں اوہ دیہاڑا آوے گا ، ساری تعلیم جیہڑی تُسیں ایس طرح سکھی ہووے گی تہاڈے ایمان دے لئی بوہت چوکھی فائدہ مند ثابت ہووے گی ۔
ساریاں خلائی شیواں جیہڑیاں زمین نال ٹکراؤن دی طاقت رکھدیاں نیں ، مریخ تے مشتری وچکار کھلرے ہوئے اگ دے گولیاں توں لَئے کے حدوں بوہتے اوپریاں تھاں وچ پوچھل والیاں تاریاں تیکر، سارے اکٹھے ہوکے ، ”زمین دے نیڑے دیاں شیواں “(NEOs) اکھواؤندے نیں ۔ اک واری ناسا نے صرف سورج دے نظام وچ اٹھ سو ترانوے اوپریاں زمین دے نیڑے دیاں شیواں دی پچھان دی فہرست جاری کیتی ۔جے ایہناں زمین دے نیڑے دیاں شیواں وچوں کوئی وی زمین نال ٹکرا جاوے ، تاں ایس ٹکراؤن نال ہون والی بربادی کسے دی وی سوچ توں بوہت چوکھی ہووے گی ۔ بربادی دا اثر خورے ہزاراں نیوکلیائی بمباں نوں اکٹھیاں کرن توں بوہت وڈا ہووے گا ۔
سوچو پئی فیر ایس دنیا نال کیہ ہووے گا۔ یعنی دنیا دے جنگل ، پانی تے بیڑے برباد ہوجان گے دتی گئی ہدایت اے ۔ ایس لئی ، سارے لوکاں نوں ، لازمی پانی تے رُوح دی خوشخبری اُتے ایمان رکھنا چاہی دا اے تے ہمیش دے زندگی دی تیاری لئی اپنیاں زندگیاں گزارنیاں چاہی دیاں نیں ۔
خُدا وند نے سانوں دسیا اے پئی جد قدرتی آفتاں زمین اُتے آؤن گئیاں ، تریجا حصہ سورج ، چن
تے تارے اپنی روشنی گوا لین گے ۔ پر تھوڑے جیہے لوک ایہنوں جان دے نیں ، تے ایتھوں تیکر پئی تھوڑے جیہے ایہدے اُتے ایمان رکھدے نیں ۔ ایسے طرح ، صرف تھوڑے جیہے لوک پانی تے رُوح دی خوش خبری اُتے ایمان رکھدے نیں تے ایس سچیائی دی منادی کردے پئے نیں ۔
ساڈے ذہناں نوں لازمی جاگنا چاہی دا اے ۔ بناں شک ایہہ آفتاں آؤن گئیاں ۔سانوں لازمی لبھنا چاہی دا اے کیس طرح دے ایمان تے ارادے نال سانوں اپنیاں باقی زندگی بسر کرنیاں چاہی دیاں نیں ۔ تہانوں تے مینوں لازمی احساس کرنا چاہی دا اے پئی اج دا ویلا وڈے دکھ جرن توں اک لانگھ دور اے ،تے سانوں اپنیاں باقی زندگیاں لازمی ایمان نال ، شک شُبہے توں بغیر بسر کرنیاں چاہی دیاں نیں یعنی جو کجھ وی ساڈے دلاں وچ اے ۔
جے اسیں ہُن ایس دکھ جرن لئی نبُوّتی کلام اُتے ایمان رکھن دے سبب جیوندے نئیں رہندے ،ساڈے دل کھوکھلے ہوجان گے ، ساڈے ارادے گواچ جان گے ، تے اسیں زندگی دی پریشانیاں توں مفلوج ہو جاواں گے۔ انج لازمی نئیں ہونا چاہی دا ۔ اوسے ویلے ،بوہت چوکھا سانوں ایس دھرتی اُتے اپنی آس رکھن دے سبب زندہ رہنا چاہی دا اے ، جویں بھاویں اسیں کدی ایہہ دنیا پچھے نئیں چھڈاں گے ۔ بوہت سارے جیہڑے سائنسی تعلیم بوہت گھٹ رکھدےنیں چنگی طرح جان دے نیں پئی ایس دنیالئی کوئی آس نئیں ہیگی ۔ خُدا لازمی ایس جگ نوں ردّی وچ سُٹ دیوے گا ۔
خُدا یسوع دی نویں بادشاہی بناوے گا تے راستبازاں نوں ایہدے وچ زندہ رہن دی اجازت دیوے گا ۔ تے اوہ اوہناں نوں ہمیش اپنے نال زندہ رہن دی اجازت دیوے گا جیہڑے پانی تے رُوح دی خوشخبری اُتے ایمان رکھدے نیں۔
سانوں خُدا دے اگے اپنی دلی مرضی تے خیالاں نوں کڈھنا چاہی دا اے ، تے حلیمی نال اوہدے نبُوّتی کلام نوں قبول کرنا چاہی دا اے تے ایہدے اُتے ایمان رکھنا چاہی دا اے ۔ سانوں لازمی پانی تے رُوح دی خوش خبری دی منادی کرنی چاہی دی اے ، تے فیر خُداوند نال ملنا چاہی دا اے جد اوہ آوےگا ۔ آؤ اسیں خُدا دے ایس کم لئی جیوندے رہیے ۔ جد خُداوند ایس زمین اُتے واپس آوے گا ، اسیں اک نویں زندگی پاواں گے ، ساڈے بدن اوہدے وانگر بدل جان گے ،تے اسیں فیر اوہدے نویں جگ وچ جیوندے رہواں گے ، سارا جویں اوہ سانوں دس چُکیا اے ۔
اسیں خُداوند دی واپسی داٹھیک دیہاڑا تے ویلا نئیں جان دے ۔ پر جگ دے نشاناں اُتے دھیان
کر کے ،سانوں پتہ اے پئی خُدا دےکلام وچ لکھیاں گئیاں ساریاں آفتاں ساڈے بوہت نیڑے آؤندیاں پئیاں نیں ۔اِنج ایس طرح اسیں خُدا اُتے ایمان رکھدے آں جیہڑا ایناں ساریاں گلاں دی پیشین گوئی کر چُکیا اے ، تے جیہڑا سانوں مکتی دا راہ وکھا چُکیا اے۔