Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

خطبات

مضمون 10: مُکاشفہ(مُکاشفہ دی کتاب اُتے تفسیر)

[13-2باب] مُخالفِ مسیح دا ظہور (مُکاشفہ ۱۳:۱۔۱۸)

مُخالفِ مسیح دا ظہور
)مُکاشفہ ۱۳:۱۔۱۸(
ایس خاص حوالےدی  نیہ اُتے ، میَں ہُن  مُخالفِ مسیح دے نکلن تے پاک لوکاں دی شہادت بارے گل کراں گے ۔ باب ۱۳ وچ اسیں اک پشُو نوں سمندر وچوں نکلدے ہویاں ویکھدے آں ۔ ایہہ پشُو، جیہدے دس سِنگ تے ست سر نیں ، مُخالفِ مسیح توں علاوہ کوئی دوجا نئیں اے ۔ ایہہ حوالہ سانوں دسدا اے پئی پشُو دے سنگاں اُتے دس تاج سن ، تے  اوہدے سراں اُتے کفر دے ناں لکھے ہوئے سن ۔  سانوں ایہہ وی دسیا گیا اے پئی ایہہ پشُوتیندوے وانگر سی ،اوہدے پیر رِچھ دے   پیراں وانگر سی ،تے اوہدا مونہہ شیر دے مونہہ وانگر سی ۔ ایس توں علاوہ ، وڈے سپ نےاوہنوں اپنی طاقت ، اپنا تخت تے وڈا اختیار دتا ۔ اوہدے سراں وچوں اک نوں سٹاں لگیاں سن ، پر اوہدیاں سٹاں  معجزانہ طریقے نال ٹھیک ہو گیا ں۔
ایس توں حیران ہو کے ساری دنیا نے پشُو پچھے چلنا شروع کردتا ،تے جویں اوہنوں وڈے سپ توں اختیار ملیا سی ، اوہناں نیں وڈے سپ  تے پشُو تے دونواں دی ، ایہہ آکھدے ہویاں پوجا کیتی ، ” پشُو وانگر کون اے ؟کیہڑااوہدے نال جنگ کرن دے لائق اے ؟ “ ایہہ حوالہ سانوں ایہہ وی دسدا اے پئی پشُونوں وڈیاں گلاں کرن تے کفر بکن دا مونہہ دتا گیا سی ، تے بتالی مہینے تیکر اپنا کم جاری رکھن دا اختیار دتا گیا سی ۔
 
 

سمندروں نکلدا ہویا پشُو

 
یوحنا رسول نے کیہ ویکھیا اخیری زمانے وچ ظاہر ہوندے ہوئے ایس دنیا دے راجیاں وچکار مُخالفِ مسیح دا نکلنا سی ۔ ایہہ مُخالفِ مسیح سمندروں نکلدا ہویا پشُو سی ، دس سِنگاں تے ست سراں نال اک دیو وانگر سی ۔
سانوں پہلوں لازمی لبھنا چاہی دا اے کیہ ایہہ پشُوحقیقی پشُواے یانئیں جیہڑا دنیا وچ اصل وچ ظاہر ہووے گا ۔ پشُو دے بارے وچ دو خاص گلاں نیں جیہڑیاں ساڈی دلچسپی دا سبب بن دیاں نیں : پہلی ، کیہ ایہہ پشُواصل وچ ایس دنیا وچ اپنی شکل وکھاوے گا تے بوہت سارے لوکاں نوں مارے گا یا نئیں ؛ تے دوجی ،کیہ ایہہ پشُوظالم مخالفِ مسیح نوں بیان کر دا اے  یاں نئیں جیہڑا دنیا دے راجیاں وچوں نکلے گا ۔ ایہہ کئی معاملے نیں جیہڑے لوکاں دی  بوہت دلچسپی دا سبب بن دے نیں ۔ اوہ جیہڑے ایہناں معاملیاں نوں جان دے نیں آکھ سکدے نیں پئی ایہہ سمجھن وچ سوکھا نیں ، پر اوہناں لئی جیہڑے ایہنوں نئیں جان دے ، ایس سوال اُتے پریشان ہونا بالکل قدرتی گل اے کیہ ایہو جیہا پشُوبنا ں شک اخیری دناں دی دنیا وچ نکلے گا تے لوکاں اُتے راج کرے گا یا نئیں ۔
خُدا باب ۱۳ وچ ساڈے نال کیہ کلام کردا اے ایس دنیا وچ آؤن والے دناں دے اک راجے دے نکلن دے بارے وچ اے جیہدے اُتے شیطان راج کرے گا ۔ جُملہ ،”اک پشُونوں سمندر وچوں نکلدیاں ویکھیا ۔“دا مطلب ہیگا اے پئی دنیا دے ست راجیاں وچکار اک راجا مخالفِ مسیح بنا جاوے گا ۔ ایہہ حوالہ سانوں ایہہ وی دسدا اے پئی دس قوماں مُخالفِ مسیح دے آلے دوالے اکٹھیاں ہون گیاں تے مکمل طور نال برباد کیتی ہوئی دنیا اُتے راج کرن گیاں ۔
دوجے پاسے ، پشُو دے سراں وچوں اک دا ڈوہنگا پھٹ تے اوہدا ٹھیک ہونا سانوں دسدا اے پئی ستاں راجیاں وچوں اک فانی طور اُتے زخمی ہووے گا ، پر اپنے ڈاہڈے پھٹ توں شفا وی پا جائے گا ۔ ایہہ راجا ڈاکٹری طریقے نال مویا ہویا سمجھیا جاوے گا پر معجزاتی طور نال جیوں پوے گا ، تے فیر وڈے سپ وانگر کم کرے گا ۔  ایتھے وڈا سپ شیطان بارے دسدااے ۔ سپ وانگر ، پشُو لوکاں نوں برباد کرن تے نقصان پچاؤن دا سارا اختیار رکھے گا ۔ جد اخیری ویلا آوے گا ، ایہو جیہا اک حیوانی بندہ ایس دنیا وچ اپنی شکل وکھاوے گا تے لوکاں نوں  عام جانوں مارے گا ، اینےوڈے سریر دا جویں فلم گوڈذیلا وچ وکھایا گیا اے ۔
شیطان دے نوکر دے نکلن نال ،دنیا اپنی بربادی ول مٹی وچ رَلنا شروع ہوجاوے گی  ۔ طریقہ جیہدے سبب شیطان اخیری زمانے وچ کم کرنا چُن چُکیا اے اپنے نوکر دے سبب لوکاں تیکر اپنیاں بھیڑیاں حرکتاں نوں عائد کرنا اے ۔ ایہہ اوہو ای اصول اے جویں خُدا اپنے پاک لوکاں دے سبب پاپیاں نوں اوہناں دے پاپاں توں پچاؤندا پیا اے ۔
سانوں ٹھیک ٹھیک جانن دی لوڑ اے ایس حوالے دا ساڈے لئی کیہ مطلب اے ۔ جویں پشُو دے
سراں وچوں اک ،حوالے وچ زخمی ہویا سی ، ایس دنیا دا اک راجا ، اپنے ڈاہڈے پھٹ توں شفا پا کے ، وڈے سپ کولوں اختیار لوے گا تے لوکاں توں عزت کرائے گا جویں پئی اوہ خُدا سی ۔ ایس لئی ،سانوں لازمی چیتا رکھنا چاہی دا اے ، لوکاں نے دعویٰ کیتا ، ” ایس پشُو وانگر کون اے؟ تے کون اوہدے نال بِھڑ سکدا اے؟ “  
ایہہ مخالفِ مسیح جیہڑا ہُن دے حوالے وچ ظاہر ہوندا اے شیطان دے راج ہیٹھ سارے لوکاں توں عزت کروائے گا تے خُدا دے  خلاف کھلوے گا ۔ ایہدا مطلب اے پئی اک تگڑا راجا اخیری دنیا وچ نکلے گا تے ایہدے اُتے راج کرے گا ۔ ایہہ راجا دنیا دیاں قوماں دے راجیاں وچوں اک ہووے گا ۔ شیطان توں مخالفِ مسیح دی رُوح پاؤن دے بعدوں ، اوہ تگڑے آگُو وانگر نکلے گا ۔ فیر دنیا اے راجے دے راج ہیٹھ آجاوے گی تے اوہ راج کرے گا ۔ دنیا آؤن والے دناں وچ اکو اک ریاست وچ اکٹھی ہو جاوے گی ۔ اج دے دناں دیاں ترقیاں کیتیاں ہویاں قوماں اک دوجے وچکار تعاون ودھاؤن گیاں تے تگڑے راجے نوں اگے لیاؤن دے سبب ساری دنیا اُتے اپنا راج قیم کر لین گیاں ۔
یورپ وچ ، ہُن اسیں یورپین یونین رکھدے آں ، تے ایشیا تے امریکہ وچ ایسے طرح دیاں جماعتاں نیں ، ایہو جیہا جماعتاں ہیگیاں نیں جیہڑیاں وکھ وکھ راجاں دی اکو اک سیاسی بدن وچ ہو ر اکٹھیاں ہون دی آس رکھدیاں پئیاں نیں ۔ جد ایہو جیہاں جماعتاں ہور ترقی کردیاں نیں ، اکٹھیاں عجیب و غریب ریاستاں نکلن گیاں ،تے اک بوہت تگڑا آگُو ایہو جیہاں اکھٹیاں راجا ں وچوں نکلے گا ۔ ایہہ آگُو مُخالفِ مسیح دا کم کرے گاجیہڑا خُدا دے خلاف  کھلووے گا ۔ او ہ راج کرن لئی  اختیار نال  اک جوش والا  آگُو ہووے گا تے ساری دنیا اُتےظلم کرےگا جویں اوہدی خوشی ہووے گی ۔
کیوں؟ ایس لئی پئی وڈے سپ دی حکمت ، شیطان  ،توں وڈے گُر تے اختیار پاؤن دے سبب ،یعنی دوجیاں لوکاں توں وکھری ہووےگی، تے اوہدے خیال وی یعنی اخیری بیان توں مختلف  ہون گے ۔ اوہدی دانائی تے طاقت اسمان تیکر پوہنچ جان گے ۔ اوہ جو کجھ آکھے گا کسے مسئلے توں اڈ  پورا ہو جاوےگا ، تے کوئی اوہدی تھاں نوں کھون دی ہمت نئیں کر سکے گا ۔ اوہدے راج دا ایہہ زمانہ مُکاشفہ چھے باب وچ لکھیا ہویا پیلے گھوڑے دا زمانہ اے ۔
پیلے گھوڑے دا زمانہ بالکل لازمی آؤن والے دناں وچ آجاوے گا ، تے فیر دنیا تھوڑے چر لئی مُخالفِ مسیح نال میل جول رکھے گی ۔ پر اوہ جیہڑے اصل وچ ایس سچیائی بارے نئیں جان دے مُخالفِ مسیح وانگر اک تگڑے راجے دے نکلن دی تمنا رکھدے نیں ۔پر ، پاک لوک ایس سچیائی بارے جان دے نیں تے ایس زمانے  وچ جاگن گے ، تے ایس طرح جد ایہہ زمانہ آؤے گا ، اوہ اَڑن تے مُخالفِ مسیح دے خلاف لڑن دے لائق ہون گے ، تے اپنے ایمان دی راکھی لئی شہیدہو جان گے ۔
اج کل سارے لوک اپنے دیساں دے راجیاں دی  ٹھیک طریقے نال    عزت  نئیں کردے ۔ایس توں ہٹ اوہ کسے ملک وچ رہندے نیں ، عام طور اُتے لوک اپنے سیاسی آگُواں دے خلاف تسلیوں اڈ قِسم دا رویہ رکھدے نیں ۔ ساری دنیا وچوں لوک اک تگڑا تے لائق راجے دی اُڈیک رکھدے نیں ۔ کیوں ؟ ایس لئی پئی اوہ ایہو جیہا راجا چاؤہند ے نیں جیہڑا ساریاں مسئلیاں نوں ، کھانے دے گھاٹے توں لے کے ماحول دے ذلیل ہون تیکر ، دینی مسئلے ، معاشی ڈکے ، نسلی فرق ،تے وغیرہ وغیرہ نوں حل کر سکے جیہڑے ایس دنیا وچ پہاڑ بن دے پئے نیں ۔ جد اک دنیا دا آگُو ، بوہتی دانائی تے طاقت نال ، ساریاں مسئلیاں نوں حل کرن دے لائق ہووے گا ، دنیا وچ ہر کوئی اوہدی خُداوانگر عزت کرے گا ،تے اوہدے راج توں خوش ہووے گا ۔ ایہہ راجا ، یعنی مُخالفِ مسیح جیہڑا ساری دنیا نوں اپنی مٹھی وچ رکھے گا ، ہر شے دی ویکھ بھال کرے گا ۔
اسیں سارے اک سیاسی راجا چاؤہندے آں جیہدی اسیں ساریاں طریقیاں نال عزت کر سکیے ، پر ایہو جیہی تمنا پوری ہون لئی بوہت وڈی اے ، ایس لئی پئی ایس طرح دا راجا نئیں کھلوسکدا اے ،تے نا ای اصل وچ وجود وچ آ  سکدا اے ۔ پر جویں آؤن والا مُخالفِ مسیح ایس دنیا دے بوہت سارے سیاسی تے معاشی مسئلیاں نوں حل کرے گا ، اوہ اوسے طرح دا راجا بن جاوے گا جیہدی ہر کوئی تمنا کردا اے ، اکو اے جیہڑا سیاسی تے معاشی زمانہ قیام دنیا وچ لیا سکدا اے ۔
جد کالے گھوڑے دا زمانہ لنگھدا اے تے پیلے گھوڑے دا زمانہ شروع ہوندا اے ، ست تُرہیاں دیاں آفتاں دے سبب ، برباد ہوئی دنیا اک تگڑے تے لائق راجے نوں لبھے گی ۔ نکیاں دیساں دے ماڑے راجے دنیا دے مسئلیاں نوں حل نئیں کر سکدے ۔ایسے طرح ، لوک اک اپنی من مرضی دے راجے نوں لبھن گے ۔ مُخالفِ مسیح اوس ویلے ، یعنی خُدا وانگر بولن تے کم کردیاں ہویاں  نکلے گا ۔ ایس لئی پئی اوہ اپنے ڈاہڈے پھٹ توں شفا پا چُکیا ہووے گا ، لوک اوہدے اُتے حیران ہون گے ۔جویں اوہ دوبارہ زندہ ہووے گا تے وڈی طاقت ، ہمت ،پکے ارادے تے دانائی نال اک راجے وانگر کم کرے گا ، ساری دنیا دے لوک اوہنوں خُدا وانگر سمجھن گے ۔
ایسے طرح ، ایتھوں تیکر پئی اسرائیلی اوہدے اُتے اپنے  بوہت  چر  توں  اُڈیکن  والے مسیحا  وانگر
ایمان رکھن گے ۔ پر اسرائیلی چھیتی سمجھ جان گے پئی اوہ اک جھوٹا اے تے پئی یسوع مسیح اوہناں دا سچا مسیحا اے ۔ تے اوہناں وچوں بوہت سارے  اِنج مکتی یافتہ ہون گے ۔ مُخالفِ مسیح لوکاں نوں ایہہ آکھدیاں ہویاں سُنے گا ، ” کون اوہدے نال بِھڑ سکدا اے؟ “اوہ سارے جیہڑ ے اوہدا آکھا نئیں من دے ، کسے چارے توں اڈ ، فیر قتل کردتے جان گے ۔
جد پیلے گھوڑے دا زمانہ آوے گا ، ساری دنیا نا صرف قدرتی آفتاں نال بھیڑے طریقے نال نقصان جرے گی ، اگ نال بھسم ہووے گی جیہڑی ایہدے تریجا حصہ جنگلاں نوں ساڑ دیوے گی تے ڈاہڈے دُھوں تے دھند والی فضا نال مر جاوے گی ، سگوں دنیا دے لوک وی اکو اک راجے دے راج ہیٹھ آؤن لئی اوہدی اپنے راجے وانگر سیوا کرن لئی اکٹھے ہون گے ۔ اوہ بندہ جیہڑا ایہناں ساریاں مسئلیاں نوں حل کرے گا اوہناں دے ہتھوں خُداوانگر بوہت اُچا کیتا جائے گا ۔
ایہہ ساریاں شیواں نیں سگوں اوہدے وچکار خُدا سارا کیہ ارادہ بنا چُکیا اے ۔ ایس دنیا اُتے آؤن والے کماں لئی ،پہلوں لازمی برباد کرن والیاں دنیادیاں ماحول دیاں تبدیلیاں ہونیاں چاہی دیاں نیں ۔تے ہر قوم دے اکٹھی سوچ والے راجیاں وچکار لوڑ مطابق اک خاص راج دا اختیار ہونا چاہی دا اے ۔ ایہو جیہی اکٹھی سوچ جیہڑی ایس طرح دے آگُو نوں لبھدی اے ہُن اج دے کالے گھوڑے دے زمانے وچ راج کردی پئی اے ۔ ہُن دنیا اک بوہت تگڑا راجا چاؤہندی اے ۔ جویں ہر قوم دے راجے وکھ وکھ اپنے اپنے لوکاں دی بے سکونی نوں مکاؤن دے لائق نئیں ہیگے ، سارے لوک ہُن اک تگڑا راجا لبھدے پئے نیں جیہڑا سارے مسئلے حل کر سکدا ہووے جنہاں وچ اوہ پھسے ہوئے نیں ۔   
جے تُسیں اپنے آلے دوالے دھیان کرو ایس دنیا وچ کیہ ہوندا پیا اے ، تُسیں سمجھ جاوو گے پئی ایہہ سارے کم سچیائی بنن لئی بالکل نیڑے نیں ۔ نبُوّتی راجا بوہت وحشی ہووے گا ، اک حتمی طاقت تے وڈیاں گُراں والا بندہ ، جویں اپنے ذکر کرن وچ وکھا یا گیا یعنی ایہو جیہے پیر رکھن والا جیہڑے رِچھ دے پیرا ں وانگر نیں،تے شیر ببر دے مونہہ وانگر مونہہ رکھدا اے ،تے اوہدی شکل تیندوے دی شکل وانگر اے ۔
ایہہ بندہ ،  وڈے سپ کولوں اختیار لے کے خُدا ، اسمان اُتے اوہدے فرشتیاں ، تے اوہدے پاک لوکاں دے خلاف کفر بکے گا ۔ تے او ہ پاک لوکاں دے خلاف لڑائی کرے گا تے اوہناں اُتے فتح پاوے گا ، مُخالفِ مسیح  اوہناں دے خلاف  اپنی جنگ وچ پاک لوکاں نوں قتل کرے گا ،تے اوہناں نوں  اوہناں دے ایمان توں  مکرن لئی آکھے گا ۔ایس لئی پئی پاک لوک او س ویلے اپنے ایمان نوں نئیں چھڈن گے ، اوہ سارے شہید کر دتے جان گے ۔ تے جویں مُخالفِ مسیح دے کول ساری دنیا اُتے اختیار ہووے گا ، اوہ آزادی نال قتل کرے گا تے اوہناں ساریاں  نوں برباد کرے گا جیہڑے اوہدے حکماں نوں نئیں سُن دے۔
آیت ۸ سانوں دسدی اے ،  ” تے زمین دے اوہ سارے رہن والے اوہدی پُوجا کرن گے جِنہاں دے ناں اوس  لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔ “ ایس لئی پئی مُخالفِ مسیح اوہناں دناں وچ حتمی راجے وانگر راج کرے گا ، ہر کوئی  جیہڑا اوہدا آکھا نئیں من دا اوہدے حکم نال قتل کردتا جاوے گا ۔ پر ، سارے پاک لوکاں لئی ، ایہو جیہا زمانہ اوہناں دی شہادت دا زمانہ ہووے گا ۔
اُتے دسی گئی آیت ۸ تو ں ، اکھر ،  ”پوجا“ ایتھے عزت تے اوہدی سیوادا مطلب دسدا اے جیہڑی حتمی اے ۔ اخیری دناں وچ ، ایس زمین اُتے لوک مُخالفِ مسیح دی خُدا وانگر ، اوہنوں بوہت چوکھی عزت دیندے ہویاں جیہڑی کدی کوئی راجا پہلوں لے نئیں چُکیا سی پوجا کرن گے ۔پرلوکاں دا ایک جھنڈ ایس راجے دی پوجا نئیں کرے گا ۔ اوہ  ”نویں سریوں جمے ہوئے مسیحیاں “ توں علاوہ کوئی دوجے نئیں ہیگے ۔اوہ مُخالفِ مسیح نوں خُداوانگر نئیں سمجھن گے ، تے ایسے طرح ، اوہ اوہدی پوجا نئیں کرن گے تے ایہدی بجائے اپنے ایمان دی راکھی لئی قتل کردتے جان گے ۔
 
 

زمین وچوں نکلدا ہویا اک ہو ر پشُو

 
مُخالفِ مسیح دے کول اپنا جھوٹا نبی وی اے ۔ ایہہ جھوٹا نبی اوہ بندہ اے جیہڑا مُخالفِ مسیح نوں اُتےچُکے گا ، ایسے طرح اوہناں نوں دھمکیاں لاوے گا تے قتل کرے گا جیہڑے پشُو دا آکھا نئیں من دے ۔ مُکاشفہ ۱۳ :۱۱ فرماندااے ، ” فیر مَیں اِک ہور پشُو نُوں زمین وِچوں نِکلدیاں ویکھیا اوہدے  لیلے وانگُوں دو سِنگ سن تے ناگ وانگر بولدا سی۔“ دوجا پشُو جیہڑا ایتھے ظاہر ہوندا  اے  پہلے پشُو دا  نوکر اے— یعنی مُخالفِ مسیح دا نوکر ۔ مُخالفِ مسیح وانگر اوہ وی خُدا دے خلاف  کھلوے گا تے دنیا دے لوکاں تے راستبازاں نوں قتل کرے گا ۔
ناگ کولوں طاقت لے کے، اوہ لوکاں دی مُخالفِ مسیح دی پوجا کرن لئی پالنا کرے گا جیہڑا اوہدے توں پہلوں خُدا وانگر آیا سی ۔ کیوں جے ، اوہ ، وی ، ناگ کولوں اختیار لے چُکیا ہووے گا ۔ ناگ اوہدے کولوں کیہ کراؤنا چاؤہندااے ۔ اوہ نا صرف لوکاں کولوں مُخالفِ مسیح دی پوجا کروائے گا جیہڑا اوس توں پہلوں آیا تے اوہناں ساریاں نوں قتل کرے گا جیہڑے اوہداآکھا نئیں من دے ،سگوں اوہ معجزے وی کرےگا ،مثال طور نال اسمانوں اگ لیاؤنا تے ایتھوں تیکر پئی مُخالفِ مسیح وانگر کم کرے گا ۔ وہ ہرکسے دے اگےمعبود منے گا تے پشُو دا بُت بناوے گا ، جیہڑا ڈاہڈ ا پھٹ رکھدا سی ، پر ایس پھٹ تو ں ٹھیک ہوگیا سی ۔
فیر ، ایہہ سارے کم کون کرے گا ؟ ایہہ مُخالفِ مسیح دا نبی اے ۔ اوہدا کم مُخالفِ مسیح دا بُت بناؤنا اے جیہڑا اوس توں پہلوں آیا تے لوکاں کولوں ایس مُخالفِ مسیح نوں خُداوانگر اُتاں چُکنا اے ۔ اِنج کرن لئی ،اوہ مُخالفِ مسیح  دے ایس بُت وچ اوہدے کولوں گل کراؤن لئی زندگی دا ساہ پھوکے گا ، تے اوہناں ساریاں نوں قتل کرے گا جیہڑے اوہدے عدد دے علاوہ پشُو دے ایس بُت دی پوجا نئیں کردے ۔ ایس لئی پئی پاک لوک بُت دی پوجا دا انکار کرن دے سبب شہید ہو جان گے ، بوہت چوکھے شہید اوس ویلے پیدا ہو  جان گے ۔ 
دوجے پاسے ، دنیا وچ ہر کوئی جیہڑا نویں سریوں نئیں جمیا ، اپنی موت اگے کمبے گا تےموت دا قید ی بن کے مک جاوے گا ۔ایسے طرح ، اوہ سارے  مُخالفِ مسیح دی خُداوانگر پوجا کرن گے ۔ جیوندے ضمیر والے ، چنگیاں سوچاں والے لوک ظالم راجے دے خلاف نافرمانی نال کھلو سکدے نیں ، پر اوہ چھیتی نال ڈیگ دتے جان گے ،یعنی جھوٹے نبی تے مُخالفِ مسیح دے مونہوں نکلن والی اگ دے سبب قتل کر دتے جان گے ۔
ایہہ جھوٹا نبی ، بُت بناؤن دے بعدوں ، آکھے گا ، ”لازمی ہر کسے نوں اوہدے ناں یا عدد دا نشان لینا چاہی دا اے !“ فیر اوہ ہر کسے نوں جیہڑا کسے طرح دا کاروبار کرن لئی پشُو دا ایہہ نشان نئیں لیندا منع کرن لئی ایہنوں اپنی حکمتِ عملی  بناوے گا ، تاں پئی ہر کوئی بناں شک پشُو دے ناں دا ایہہ نشان لوے ۔ آیت ۱۸ آکھدی اے ، ” ایہہ حِکمت دی گلّ اے جِہدے وِچ سمجھ اے اوہ پشُو دی گنتری جوڑ لَئے۔ کیوں جو اوہ بندے دی گنتری اے تے اوہدی گنتری چھ سَو چھیاٹھ اے۔“  
ایہہ بالکل کھراصاف اے ۔ بھاویں اسیں چھ سو چھیاٹھ دی گنتری نوں اک اوکھے معاملے وانگر سوچ سکدے آں ،ایہدا سوکھا مطلب ، مُخالفِ مسیح دا ناں ، یا اوہدی گنتری اے ۔ پشُو دا نشان بھاویں متھے  یا
سجے ہتھ اُتے لین دا مطلب اوہدے ناں دا نشان لینا اے ۔ ایہدا مقصد اوس راجے دا ناں اوس بندے دے بدن اُتے چھاپنا اے ، یعنی اک نمبر وچ گنتری کرنا تے اک بار کوڈ نال عددی لکھائی بنانا اے ۔
 ایس نشان دی ہر تھاں لوڑ ہووے گی جد کدی کوئی بندہ کوئی شے خریدن دی کوشش کردا اے ، ایتھوں تیکر پئی جد تُسیں اک بس اُتے سوار ہوندے او ، تہانوں اپنے بدن وچ چھپے ہوئے ایس ڈیجیٹل نمبراں والے عدد دی لوڑ ہووے گی ، تے ایہدے بغیر تُسیں مشکل وچ پے جاوو گے ۔ اج دا ویلا اصل نمبراں دا ویلا اے ۔ ایہہ اک نمبراں دازمانہ اے ، جویں ہر شے دا ترجمہ نمبراں وچ کیتا جاندا اے ، کدی جیہڑا بوہت اوکھا سی ہُن بوہت سادہ بن گیا اے ۔انج دے زمانے وچ پشُو دا ایہہ نشان ظاہر ہووے گا ۔
مُخالفِ مسیح اپنے آپ دا اک بُت بناوے گا تے مجبور کرے گا پئی لوک اوہدی خُداوانگر پوجا کرن ۔ اصل وچ اوہ ویلا آوے گا جد لوکاں کولوں اِنج اپنے ”خُدا“  وانگر مُخالفِ مسیح نوں بلاؤن دا ، اوہدی بھگتی کرن دا تے عزت نال اوہدا ناں بلاؤن دا ، تے اپنے سجے ہتھاں یا متھیاں اُتے اوہد ا ناں لین دامطالبہ کیتا جاوے گا ۔جد ایہو جیہا گلاں واقع ہون گیاں ، سارے پاک لوک شہید کیتے جان گے ۔ مُخالفِ مسیح پاک لوکاں نوں ، اپنا نشان لین تے ایہہ آکھدے ہویاں ، اپنی پوجا کرن لئی مجبور کرے گا ،  ”ایس لئی تُسیں یسوع اُتے ایمان رکھدے او ؟تُسیں اوہدے اُتے اپنے خُداوانگر ایمان رکھدے او ؟ اوہنوں چھڈ دیوو! ایس بُت اگے سر نواؤ تے اوہدی بجائے مینوں خُدا آکھو !میرے اُتے اوس  اکو وانگر ایمان رکھو جیہڑا حتمی راجا اے ! جے تُسیں نئیں کردے ، تاں تُسیں لازمی مروگے !“
مُخالفِ مسیح ساری دنیا کولوں اکو اک ایمان دامطالبہ کرے گا ۔ اوہ ہر کسے نوں اوہدی خُدا وانگر پوجا کرن لئی مجبور کرے گا ۔ اوہ جیہڑے نئیں من دے پئی ایس ویلے اوہ خُدا اے ، سارے قتل کر دتے جان گے ۔ مُخالفِ مسیح عام لوکاں وچ پاک لوکاں نوں ستاوے گا جیہڑے اوہدے خلاف کھلون گے ۔
اوہ سارے جنہاں دے ناں  لیلے دی حیاتی دی کتاب وچ لکھے ہوئے نئیں ہون گے اوہدا نشان لین گے تے اوہدی پوجا کرن گے ۔ جد اسیں اپنے دل وچ پاپ دی معافی پاؤندے آں ، پاک رُوح ساڈے وچ وسدا اے ، تے ساڈے ناں اسمانی بادشاہی دی حیاتی دی کتاب وچ لکھے جاندے نیں ۔ ایس لئی پئی ساڈے ناں حیاتی دی کتاب وچ لکھے ہوئے نیں تے ایس لئی پئی پاک رُوح ساڈے دلاں اُتے مہر کر چُکیا اے، اسیں سارے خُدا دے پُتراں وانگر چُک لَئے جاواں گے جد اوہ بلاوے گا ۔
کیہ اسیں کدی یسوع مسیح نوں چھڈ سکدے آں جیہڑا سانوں بچا  چُکیا اے ،  تے  پشُو  دے  بُت  دا
اعلان کراں گے پئی اوہ ہُن ساڈا خُدا تے مکتی داتا اے ؟ بناں شک نئیں ! کوئی معنی نئیں رکھدا کنے گئے گواتے اسیں اوہدے اگے ہو گئے آں ، ساڈا خُداوندبندے دے بدن وچ ایس زمین اُتے آیا ، ساڈے سارے پاپاں نوں اپنے اُتے اپنے بپتسمے نال چُکن دے سبب پاک کر دتا ، تے سولی اُتے بے ترسی نال پرکھےجان دے سبب سانوں بچا لیا ۔
ایس لئی پئی ساڈا خُداوند سانوں پہلوں ای اگیترے آؤن والیاں ایہناں ساریاں گلاں دے بارے وچ وی دس چُکیا اے ، اسیں پاک لوک کدی مُخالفِ مسیح دے ایس زمانے دے  وچکار اپنے ایمان دا انکار نئیں کر سکدے ۔ بھاویں ساڈے اُتے دکھ جرن دازمانہ آوے گا تے ساڈی موت  ایہدے پچھوں آوے گی ، اسیں فیر وی ایمان رکھاں گے پئی ساڈاخُداوندساڈی شہادت دے تھوڑے چر بعد وں سانوں زندہ کرن تے چُکن دے سبب اپنی اسمانی بادشاہی وچ اُٹھا کھلارے گا ۔
ایس لئی پئی اسیں ایمان رکھدے آں پئی ساڈے چُکے جان دے بعدوں خُدا ایس دنیا نوں ست پیالیاں دیاں آفتاں ڈوہلن دے سبب برباد کردیوے گا ، تے یعنی ایہدے بعد وں اسیں زمین اُتے اُتراں گے تے ایہدے اُتےہزار ورہیاں تیکر بادشاہی کراں گے ، اسیں کدی بُت دے اگے سر نواں نئیں سکدے ۔ ایس لئی  خُدا دے خادم تے پاک لوک دلوں خوشی نال اپنیاں زندگیاں قربان کر دین گے ۔
فیر جھوٹا نبی سانوں دوجی طرح مطمئن  کرن دی کوشش کرے گا ۔ اوہ ایہہ آکھن دے راہیں سانوں خریدن دی کوشش کرے گا ، ”ویکھو، گڑبڑ ایس دنیا وچ ایس ویلے بے قابو ہوندی پئی اے ۔ جد ہر کوئی ،سارے سیانے بندے پا کےتے عالم ایمان رکھدے نیں تے ساڈے ودھیا راجے دی خُداوانگر پیروی کردے نیں ، تُسیں کویں ہُن تیکر ساڈے ایس حتمی راجے اُتے ایمان رکھن توں مکرنا جاری رکھ سکدے او؟  “ پر جے اسیں جان دے آں تے سدا خُدا دے کلام اُتے ایمان رکھدے آں ، اسیں لازمی اپنی شہادت قبول  کرن دے سبب اخیریں فتح یاب ہوواں گے ۔   
مُکاشفہ باب۱۴ وچ  اک لکھ چوالی ہزار پاک لوک  ظاہر ہوندے نیں جیہڑے اسمان اُتے خُدا دی وڈیائی کردے نیں ۔ ایہہ سانوں پاک لوکاں دے جیوں اُٹھن تے شہادت دے بوہت چھیتی چُکے جان دے بارے وچ دسدا اے ۔ پاک کلام وچ دوجی تھاں توں وی ، مثال طور پولُس نے سانوں مسیح دے دوجی آمد بارے کیہ دسیا ، یا پُرانے عہد نامے وچ خُدا دے دوجے خادم کیہ پیشین گوئی کر چُکے سن ، اسیں چُکے جان دے بارے وچ لبھ سکدے آں ، جیہدے نال پاک لوک وَا وچ  چُکے جان  گے  تے خُداوند نال   لیلے
دے ویاہ دے جشن وچ رَل جان گے ۔ایس ویاہ دے جشن وچ پاک لوک ای وڑن گے ۔
جد ایس طرح پاک لوک اسمان اُتے لیلےدے ویاہ دے جشن وچ وڑھ جان گے ، ست پیالیاں دیاں آفتاں ایس زمین اُتے ، کامل طریقے نال ایہنوں ملبے وچ بدلدیاں ہویاں ڈوہلیاں جان گیاں ۔ ایہدے بعدوں ، زمین نویں ہووے گی ،تے فیر پاک لوک خُداوند نال ایہدے اُتے اُترن گے تے آؤن والے  ہزار ورہیاں تیکر مسیح دی بادشاہی وچ بادشاہی کرن گے ۔ جد اسیں ایہہ ساریاں سچیائیاں جان دے آں ، کیہ اسیں سچ مُچ مخالفِ مسیح نوں خُدا وانگر پکار سکدے آں ، ایتھوں تیکر پئی بھاویں اوہ ہر طرح دی تسلی تے لالچ دا چارہ سانوں اوہدے بُت دے اگے نواؤن ،خُداوانگر اوہدی پوجا کرن ، تے سچے خُدا اُتے ساڈے ایمان نوں چھڈن لئی سُٹ دا اے ؟ بناں شک نئیں !
جویں پاک  کلام وچ لکھیا ہویا اے ، ” ہُن اِیمان آس کِیتیاں ہویاں شیواں دا پَکّ تے اَن ڈِٹھ شیواں دا ثبُوت اے۔ “(عبرانیوں ۱۱ : ۱)، نبی ایمان رکھدے نیں پئی خُدا اوہناں نوں ہون والے کماں  بارے پہلوں ای کیہ دس چُکیا اے ،خُدا دے خادم تے لوک جیہڑے کلام اُتے ایمان رکھدے نیں سارے کاہن تے نبی نیں  ۔ سانوں ساری دنیا وچ ہر کسے دے اگے پاپ دی معافی دی خوشخبری دی منادی کرن دے لائق  بناؤن دے سبب ، خُدا بوہت ساریاں  لوکاں نوں  اوہناں دے پاپ توں معافی پاؤن لئی اگوائی کردا اے ۔ جویں ساڈا خُدا سانوں ایس توں علاوہ پئی اسیں اوہدے اگے بوہت گئے گواتے آں بچا چُکیا اے ، خُدا سانوں اپنے لوک بنا چُکیا اے ،تے ایس خاص ویلے تیکر ، اوہ محبت کر چُکیا ، اگوائی کر چُکیا، تے سانوں بے بدل طریقے نال برکت دے چُکیا اے ۔
خُداوند نا صرف سانوں ساڈیاں رُوحاں دا سکو ن دے چُکیا اے  ،سگوں اوہ پاک رُوح دین دے سبب اسمانی بادشاہی اُتے اپنی آس رکھن دے سانوں لائق وی کر چُکیا اے ۔ ایسے طرح ، جد اسیں  مُخالفِ مسیح نوں اوہدی خُداوانگر پوجا کرن لئی سُناں دے ،اسیں بچ نئیں سکدے سگوں اپنے سچے دلوں اوہدا مونہہ توڑ جواب دیواں گے ۔ 
پہلوں اسیں خورے نظر آؤندے ہوئے کماں دے سبب گھبرا سکدے آں جد اسیں اچانک سوچاں گے پئی ویلا جیہدے بارے وچ خُدا نے فرمایا اخیریں آگیا اے، پر اسیں بوہت چھیتی اپنی تسلی دوبارہ پاواں گے تے مُخالفِ مسیح دے خلا ف کم شروع کراں گے ۔ ”ایس لئی تُوں سوچدا ایں تُوں اصل خُدا ایں ؟ کیہ تُوں دنیا بنائی ؟ کیہ تُوں سارے لوکاں نوں پیدا کیتا ؟ کیہ تُوں سچ مُچ لوکاں دیاں جاناں دا خُداوند
ایں ؟ “ ایہہ اوہ بول نیں جنہاں نال اسیں مُخالفِ مسیح دے خلاف لڑاں گے ۔
جب  ایس ویلے مُخالفِ مسیح پاک لوکاں تے خُدا دے خادماں نوں قتل کرے گا ،اسیں ، وی ، مرجاواں گے ۔ساڈے لئی ساڈےخُداوچ کدی کوئی تبدیلی نئیں ہو سکدی ۔ ایمان کدی ظلم نال نئیں ملدا ۔ نا ای ایمان طاقت دے منطق نال  ظاہر یا غائب ہوندا اے ۔ایس توں کدھرے دُور ، اصل وچ سچا ایمان ایتھوں تیکر پئی ظلم اُتے فتح پاؤن دی بوہت وڈی طاقت رکھدا اے ۔ ایس لئی پاک لوک شہید ہون گے ، تے مُخالفِ مسیح پاک لوکاں دے اگے ہاردا ہویا مک جاوے گا ۔
جدمُخالفِ مسیح اپنے آپ دا بُت بناؤندا اے تے پاک لوکاں نوں اپنی خُداوانگر پوجا کراؤن لئی مجبور کردا اے، پاک لوک تے خُدا دے خادم اوہدے اُتے رولا پاؤن گے ، ” کیہ تُوں خُدا دا خادم  یا شیطان دا خادم ایں؟ کیہ تُوں پانی تے رُوح دی خوشخبری نوں جان داایں؟ کیہ تُوں جان دا تے ایمان رکھدا ایں پئی یسوع مسیح خُدا اے ؟ جد یسوع مسیح ایس زمین اُتے واپس آوے گا ، اوہ تیرے وانگر لوکاں نوں دوزخ دے بوہت ڈوہنگے حصے وچ سُٹے گا ! کیہ تُوں سمجھدا ایں ،یعنی تُوں شیطان دا پُتر ایں؟ “ مُخالفِ مسیح تے اوہدا نبی فیر پاک لوکاں نوں قتل کرن گے ، تے پاک لوک خوشی نال خُدا لئی اپنی شہادت نوں قبول کرن گے ۔
آیت ۱۰ سانوں دسدی اے پئی ، ” جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔“ ایہدا مطلب اے پئی مُخالفِ مسیح پاک لوکاں نوں قتل کردااے، خُدا ، وی ، اوہنوں تے اوہدے ساتھیاں نوں اتھاہ کھڈے وچ سُٹے گا ، ایس طرح اوہناں نوں ایس زمین اُتے قتل کرےگا ۔ جد اوہ جیہڑے پاک لوکاں نوں ستاؤندے نیں خُدا دے خلاف کھلون گے ، اوہ ،وی ، خُدا ولوں ایتھوں تیکر پئی بوہت وڈے دکھاں نوں جرن گے ۔
ایسے طرح ، سانوں لازمی اپنے ایمان دی پکیائی نال مُخالفِ مسیح دے خلاف کھلونا چاہی دا اے ۔اوس ویلے   پاک لوکاں دے دکھ جرن دا ویلا مل ملا کے صرف ساڈھے تِن ورہیاں تیکر رہوے گا ۔ پر خُدا پاک لوکاں دی مصیبت  تے دکھ جرن ، یعنی اوہناں دے ویلے نوں  صرف تھوڑے مہینیاں یاں تھوڑے ہفتیاں وچ گھٹ کر کے تھوڑا وی کر سکدا اے ۔ بھاویں پاک لوک شہید ہون گے ، اوہ دوبارہ زند ہ ہون گے ۔ اوہ زندہ ہوں گے تے چُکے جان گے ، تے اوہ یسوع مسیح نال ہزار ورہیاں دی بادشاہی وچ راج کرن دی برکت پاؤن  گے ۔
جد ہزار ورہیاں دی بادشاہی آوے گی ، قدرت  دا سوہن بوہت  چوکھا  ہو  جاوے  گا ،  تے  پاک
لوک اپنے پُرانے بدنوں تبدیل ہو کے اپنے پاک بدناں وچ خُداوند دے نال بادشاہی کرن گے ۔ فیر اوہ نویں اسمان تے نویں زمین اُتے ہمیش تیکر خُداوند نال خوشی نال زندہ رہن گے ۔ کویں اسیں ، جیہڑے جان دے تے ایناں ساریاں گلاں اُتے ایمان رکھدے آں ، تھوڑا چر رہن والے دکھاں وچ ڈٹ کے نئیں رہ سکدے  جیہڑے یسوع اُتے ساڈے ایمان دے سبب ساڈے اُتے آؤن گے ؟
کوئی معنی نئیں رکھدا ایس زمانے  دے دکھ جرنے کِنے اوکھے ہو سکدے نیں ، بے گنت  پاک لوک اخیریں شہید کیتے جان گے ، تے ایسے طرح کوئی وجہ نئیں ہیگی کیوں ، اسیں ، وی ، چنگی طرح اپنی شہادت نوں قبول نئیں کراں گے ۔ جویں ایہہ ساریاں گلاں سچیاں نیں ، اسیں کدی دکھ جرن وچ ہتھیار نئیں سُٹاں گے جیہڑےصرف ایس دنیا وچ تھوڑے چر لئی رہن گے ۔ ہور مثال وچ ، ایتھوں تیکر پئی جے دنیا سو یا ہزار ورہیاں لئی فردوس وچ بدلن والی سی ، اسیں فیر وی مخالفِ مسیح دے اگے نئیں جھک سکدے ۔ ایہہ ساریاں شیواں ساڈے توں بوہت دُور نئیں ہیگیاں ،، سگوں ساڈے کول بوہت چھیتی آجان گیاں ۔
ایس لئی سانوں لازمی ہُن پانی تے روح دی خوشخبری دی منادی کرنی چاہی دی اے ، جد ایہہ دنیا امن تے سکون وچ اے ۔ وڈے دکھ جرن دے  ایس ویلے دی تیار ی لئی ، ہُن اسیں سچے دلوں پانی تے روح دی خوشخبری ودھاندے پئے آں ۔ اک ورہے دے ویلے وچ ، خوشخبری جیہڑی اسیں ودھاؤندے پئے آں  بوہت حیران کرن والے کم کرے گی ۔ قومی تے بین الاقوامی طریقے نال  خوشخبری دا سوہنا کم ملے گا ۔ لوک خورے پانی تے روح دی خوشخبری نوں پہلوں ہلکالَے سکدے نیں ، پر بوہت سارے جیہڑے مُکاشفہ دا کلام نئیں جان دے لبھن گے تے ایہنوں سُنن گے تے پانی تے روح دی خوشخبری ول پرتن گے ، ایس لئی پئی اوہ مُکاشفہ دے کلا م وچ بوہت دلچسپی لین گے تے ایہنوں ہلکالین دے لائق نئیں ہون گے ۔
مُکاشفہ ۱۳ پاک لوکاں دی شہاد ت دا باب اے ۔ جد شہادت دا زمانہ آوے گا ، پاک لوک تلوار نال یا گولی نال مار دتے جان گے ۔ ایس طرح بوہت سارے  پاک لوک مخالفِ مسیح دے ہتھوں قتل ہون گے ۔ پر اسیں اپنی موت نوں کسے ڈر توں اڈ جراں گے ، ایس لئی پئی ایہہ ساڈے بدن دی موت ہووے گی ، نا پئی ساڈے ایمان دی موت  ہووے گی ۔ اپنے ایمان تے پاک رُوح نال بھر کے ، اسیں  بہادری دے نا دَسے جان والے بول بولاں گے ۔
 تُسیں بالکل نئیں ڈرنا ، ایتھوں تیکر پئی جے تُسیں چنگے طریقے نال بول نئیں سکدے  یا  ڈر پھوک جے۔صرف  مڈھلی کلیسیا دے زمانے دے پرانے پاک لوکاں دے بارے سوچو ۔ اوس زمانے دے پاک
لوکاں نیں شیطانی طاقتاں اگے ہتھیار نئیں سُٹے ایس لئی پئی اوہ اکلے نئیں سگوں سارے قتل کیتے گئے سن ، تے ایس لئی اوہ پاک رُوح نال وی بھرے ہوئے سن ۔ صرف چیتا رکھو پئی یسوع نے پہلوں ای سانوں دس دتا اے ، ” پر جدوں اوہ تُہانوں حوالے کرن گے تے فِکر نا کرو پئی کِس طرح یا  کِیہ بولو گے۔ کیوں جو کُجھ تُسی بولنا ہوئے گا سو اوسے گھڑی تُہانوں دسیا جائے گا۔کیوں جو بولن والے تُسی نئیں ہو۔ پر تُہاڈے باپ دا رُوح۔ جیہڑا تُہاڈے وِچ بولدا اے۔ “ (متی ۱۰: ۱۹ ۔ ۲۰)۔ خُدا دی بادشاہی پاؤن لئی  کیہ اسیں ، خُدا دے لوکاں وانگر ، اپنی موت جر نئیں سکدے ؟ اسیں سارے ایہنوں جر سکدے آں ۔
ایہہ دنیا خُدا دیاں ست تُرہیاں دیاں آفتاں دے سببوں ساری دی ساری برباد ہو جائے گی ، جد اک بوہت ظالم جیہدا ناں مخالفِ مسیح اے تھوڑے چر لئی راج کرے گا ۔ فیر کویں اسیں زمین اُتے کسے شے نال ابدی اسمان نوں بدل سکدے آں ، کوئی معنی نئیں رکھدا ایہہ کنا ں ودھیا ہو سکدا اے ؟ جد دنیا رہن لئی اوکھی تھاں وچ تبدیل ہوگئی ہووے گی ، جتھے دریا ناگ دونے ہو گئے ہون گے ، سمندر لہو وچ ، تے قدرتی شیواں گندگی وچ ، سمجھوں باہر اسیں حیوانی بندے دے اگے نئیں جھک سکدے جیہڑا ساڈے توں ساڈے ایمان دا انکار کراؤن دی کوشش کرے گا ۔
ساڈی شہادت دے بالکل ٹھیک دن توں لے کے ، اکو دنیا جیہڑی اوہناں نوں اڈیکدی اے جیہڑے ایس زمین اُتے فیر وی باقی رہن گے،ایس طرح دی ہووے گی جتھے اوپریاں وائی بیماریاں بھیڑے طریقے نال آؤندیاں ہون گیاں تے فصلاں پھل دینا بند کر دین  گیاں ، جویں اوہ کملا جاندیاں یا گڑے پین نال برباد ہو جاندیاں نیں ۔ ایہو جیہی دنیا وچ ، ایتھوں تیکر پئی ایمان نوں اک پاسے رکھن دا معاملہ ، کوئی بندہ ہور زندہ رہنا نئیں چاہے گا ۔
مُکاشفہ دی کتاب آؤن والے دناں وچ ہون والے کم سانوں وکھاؤندی اے ۔ جد اج دا کالے گھوڑے دا زمانہ صرف تھوڑا جیہااگانہہ ودھدا اے ، تاں پہلے گھوڑے دا زمانہ اصل وچ آجاوے گا ۔ دوجے اکھراں وچ، ساڈا خُداوندچھیتی آوے گا ۔ میَں کیہ آکھدا پیاں  ہاں ایہہ نئیں پئی تہانوں اپنیاں ساریاں جائیداداں چھڈنیاں  چاہی دیاں ایس لئی پئی خُداوند دی آمد چھیتی اے ۔ سگوں میَں آکھدا پیاں ہاں  ایہہ پئی سانوں اپنے خُداونددی سیوا کردے رہنا چاہی دااے  جد تیکر مخالفِ مسیح دے نکلن دا اصل د ن نئیں آجاندا ، فیر اینے وفادار تے بدلیوں اڈ رہو جنہے ہُن جے ۔
کسے وی اتفاق توں ، جے تُسیں ہُن دکھی یا مظلوم جے ، تہانوں ہور پریشان نئیں ہونا  چاہی  دا ۔جد
تُسیں تے میَں سوچدے آں پئی سانوں شہید ہونا اے ، ساڈے دل تسلی تے سلامتی پاؤن گے ۔ دوجے اکھراں وچ ، ایس لئی پئی اسیں شہید ہوناایں، ساڈے وچ کیہ لالچ باقی رہوے گا ؟ جے ساڈے وچ کوئی تمنا باقی اے ، تاں ایہہ ساری دنیا وچ ہرکسے دے اگے خوشخبری دی منادی کرناہووے گی ، تاں پئی بوہت چوکھے  پاک لوک اخیری ویلے وچ اُٹھن ، مکتی یافتہ ہون تے ایس خوشخبری اُتے ایمان رکھن دے سبب شہید ہون ، تے اِنج نواں اسمان تے نویں زمین حاصل کرن ۔ میَں ایہہ وی آس رکھدا ہاں پئی سارے پاک لوک اپنے ایمان نال مسیح  دی بادشاہی نوں اپنی بنا لین گے ، یعنی ایس سچیائی اُتے ایمان رکھن دے سبب پرورش پاؤن دے بعدوں ، تے اِنج ایہناں ساریاں گلاں  وچ دلوں خوش ہو کے  لنگھن گے جیہڑیاں مخالفِ مسیح دے دناں وچ اوہناں نوں اڈیکدیاں نیں ۔
خُدا سانوں اپنی شہادت دی برکت دے چُکیااے ۔ صرف ہر کوئی شہید نئیں ہو سکدا ، تے نہ ای صرف ہر کوئی خُداوند لئی زندہ رہ سکدا اے ۔ میَں صرف خُدا دا سانوں ایہو جیہی برکت دین لئی شکر گزار ہاں ، تے میَں صرف  ایس سچیائی دے سبب خوش آں پئی میَں ایمان دے بدلے مرجاواں گا ۔ ایس لئی پئی نا اسیں آس رکھدے آں نا ای دنیا نال چمبڑن والی کوئی تمنا رکھدے آں ،  شہادت ساڈے لئی اک وڈی خوشی اے ۔
سارا کجھ جو سانوں کرنا اے ہزار ورہیاں دی بادشاہی تے اسمانی آس اے جیہڑی خُدا ساڈے لئی تیار کر چُکیا اے ، اپنیاں زندگیاں ساری دنیا وچ خوشخبری دی منادی کرن لئی  اپنی کوششاں نوں اکٹھیاں کرن دے سبب بسر کرئیے جد تیکر خُداوند دی واپسی دا دن نئیں آجاندا ، اوہدا خوشی نال استقبال کرئیے جد اوہ آئے گا ، تے صرف اوس تھاں تیکر اپڑیے جتھے اسیں اپڑن دی آس رکھ چُکے آں ۔ ایس کلام اُتے ایمان رکھیے ، ایس لئی پئی ایہہ اوہ گلاں نیں جیہڑیاں بناں شک واقع ہون گیاں ۔
اسیں مخالفِ مسیح دا نشان لے نیئں سکدے ، ایس لئی پئی اسیں اسمانی بادشاہی دے لوک آں ۔ ایس لئی پئی نشان لینا ذاتی انتخاب دا معاملہ ہووے گا ، ایہہ بدنی طاقت دے راہیں نئیں ہیگا ، سگوں دل دی قبولیت دے سبب ہووے گا ۔
ایتھوں تیکر پئی ساڈے بچے ، جے خوشخبری اوہناں دے دلاں وچ ہیگی اے ، اپنی شہادت نوں  ایتھوں تیکر پئی وڈیاں توں بوہت چوکھی بہادری نال  قبول کرن گے ، ایس لئی پئی اوہ ، وی ، اپنے وچ وسن والا پاک رُوح رکھن گے ۔ جویں وڈے اقرار کردے نیں پئی یسوع اوہناں دا مکتی داتا اے ، جے پاک رُوح بچیاں دے دلاں وچ ہیگا اے ، اوہ ، وی ، بالکل  لازمی طور نال اقرار کرن گے پئی یسوع اوہناں دا مکتی داتا تے خُدااے۔ پاک کلام سانوں دسدا اے نا سوچو کیہ آکھنا اے جد اسیں مخالفِ مسیح دے اگے گھسیٹے جاندے آں ، ایس لئی پئی پاک رُوح اوہناں بولاں نال ساڈے دلاں نوں بھرے گا جنہاں نوں اسیں بول سکدے آں ۔
خُدا دے پُتر خورے ڈر وی سکدے نیں جویں اوہ حالے رُوحانی طریقے نال نیانے تے ماڑے نیں ، پر اوہناں وچ پاک رُوح ڈردا نئیں ۔ اوہ اوہناں وچ وسن والی پاک رُوح دی طاقت دے سبب شہید ہون گے ۔ ایس لئی پئی اوہ ، وی ، خُدا نال میل جول رکھدے نیں ، اوہ اوہناں دیاں زندگیاں نوں قبول کرے گا ، اوہناں دے بدناں نوں قتل ہون دی اجازت دیوے گا ، تے اوہناں نوں اک ودھیا دنیا وچ بادشاہی کرن دا انعام وی دیوے گا ۔
خُدا اوہناں دے دل اپنے اکھراں نوں بولن لئی بھر چُکیا ہووے گا جیہڑے پانی تے رُوح دے سبب نویں سریوں جم پئے نیں ۔ ایس لئی پئی صرف اوہ لوک جیہڑے چُنے گئے نیں تے خُدا ولوں قبول کیتے گئے نیں شہید ہو سکدے نیں ، خُدا کجھ ہو ر نئیں کر سکدا سگوں اپنے غیرت والے ناں دے بدلے اوہناں دے ایمان نوں پکیاں کرے گا ۔ صرف سچیائی دے سبب پئی اسیں اپنے دلاں وچ وسن والا پاک رُوح رکھدے آں ایس لئی پئی اسیں پانی تے رُوح دی خوشخبری اُتے ایمان رکھ چُکے آں ،اسیں سارے ہزار ورہیاں دی بادشاہی دا انعام پاواں گے تے نویں اسمان تے نویں زمین دا جلال پاواں گے ۔
 اخیری زمانے وچ ،اسیں سارے اپنے دلاں وچ پاک رُوح دی بھرپوری دا تجربہ کراں گے ۔ جویں اسیں شہید ہون لئی مقرر ہو گئے آں ، جد اِنج خُدا دے ارادے مطابق اسیں شہید ہوندے آں ، اسیں سارے اپنی شہادت وچوں جد پئی اوہدے اگے وڈیائی کرن ، پوجا کرن ،تے اوہنوں جلال دیندے ہویاں لنگھاں گے ۔ایس لئی پئی اسیں خُدا اُتے ایمان رکھدے آں ، اسیں صرف اپنے ایمان دے سبب اوہدے پچھے چلدے آں جیہڑا اُچی اواز نال ”آمین !“پکاردا اے ایس لئی پئی سانوں پتہ ہیگا اے پئی اسیں شہید ہوواں گے ، ساڈےبدن دا لالچ قدرتی طریقے نال ساڈے توں ، یعنی ساڈے بدناں نوں بوہت کھرے بناؤندے ہویاں دُور ہوندا اے ۔
شہید ہون دے بعد وں،جیہڑی پئی ساڈے لئی خُدا دی مرضی اے ، اک  وڈی  برکت  پاؤنا  تے بوہت جلال یافتہ ہونا اے ۔جس طرح پاک لوک نویں اسماں تے نویں زمین وچ ہمیش تیکر جیوندے رہن
دی آس رکھدے نیں ، اوہ مخالفِ مسیح دے خلاف لڑن گے تے اپنے دلاں وچ اخیر تیکر پانی تے رُوح دی خوشخبری دی راکھی کرن گے ۔ وڈے دکھ جرن دے ایس زمانے  وچ ، سارے پاک لوک ، یسوع مسیح نوں اپنے خُدا وانگر پچھان دے ہویاں تے اوہدے ولوں دتی گئی اپنی کامل مکتی اُتے ایمان رکھدے ہویاں ، خُدا دے اگے اپنی شہادت نوں قبول کرن گے ۔
میَں خُداوند دا شکر کردا ہاں جیہڑا سانوں شہادت دی ایہہ برکت دے چُکیا اے ۔