کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔
مضمون 2: رُوح القدس
-
2-1. میَں یسوع اُتے ایمان رکھدا ہاں ، میَں سوچدا ہاں پئی میَں پاپاں توں معافی پا لئی اے ۔ میَں ایہہ وی ایمان رکھدا ہاں پئی پاک رُوح میرے اندر رہندااے ۔مینوں پتہ اے پئی کوئی بندہ جنہے مکتی پا لئی اے خُدا دا پاک بندہ اے ۔بڑی واری میَں بھُل جاندا ہاں تے پاپ کرداہاں ، پاک رُوح خُدا نال میرے میل جول نوں ،مینوں قصور وار ٹھہراؤن تے مینوں اپنے پاپاں دا اقرار کرن لئی مینوں مدد دین دے راہیں مطلب اے ایہناں توں معافی پاؤن لئی نویاں وانگر کھڑیاں کردااے ۔میَں سکھیا پئی جے میَں اِنج نہ کیتا خُدامینوں سزادیوےگا ۔کیہ ایہہ اصل وچ سچ ہیگا اے پئی پاک رُوح ساڈے اندر تھوڑی دیر لئی وی نئیں ٹھہردا ،جدوں تیک اسیں اپنے پاپاں دا اقرار نئیں کردے تے اوہناں توں معافی نئیں پاؤندے ؟
-
2-2. کیہ پاک رُوح اک نویں سریوں جمے ہوئے بندے وچ ہر ویلے رہندااے ،جے اوہ پانی تے رُوح دی خوشخبری اُتے ایمان رکھدااے ، یاں پاک رُوح اوہناں دے اوہناں دے دوالے آؤندااے جدوں وی اوہ مدد لئی سددے نیں ؟
-
2-3. میرے ماپیاں نیں ضد کیتی پئی اوہ ایتھوں تیک پئی ویاہ کرن توں پہلاں نویں سریوں جمے ہوئے مسیحی سَن ۔اگانہہ ہور، میَں جمدیاں ای اک دینی جندڑی بسر کیتی سی ۔میَں سوچیا پئی پاک رُوح اوس ویلے توں میرےاندر رہنداسی جدوں میَں جمیا ساں ۔ فیروی ، میَں بوہت پریشان ہیگا واں کیوں جے مینوں پاک کتاب دے مطابق پاک رُوح دی بھرپوری بارے پتہ نئیں ہیگا اے۔ کیہ پاک رُوح سچ مُچ صرف اوس بندے اُتے اُتردااے جیہڑا پانی تے رُوح نال نویں سریوں جمدااے ؟
-
2-4. میَں سوچدا ہاں پاک رُوح ہر دیہاڑے ساڈے نال گل کردااے ۔ایتھوں تیک پئی مُڈھلی کلیسیا دے دناں وچ ، یسوع دے چیلیاں نیں بڑے سارے معجزے کیتے سَن۔میَں سوچدا ہاں پاک رُوح جنہے اوس ویلے کم کیتا سی ،اوسے طریقے نال اج تک کم کرداپیا اے ۔ایس لئی ، خُدا دے بوہتے لوک یسوع ناں نال معجزے کردے نیں ، مثال طور اُتے ، بدرُوحاں نوں کڈھنا یاں روگیاں نوں چنگیاں کرنا تے دوجے کم مطلب اے ، یسوع ول لوکاں نوں واپس لیاؤن دا نشان بناؤنا ۔ میَں سوچدا ہاں ایہہ کم پاک رُوح دے راہیں ہوندے نیں ۔ جے ایہہ سچ نئیں ہیگا اے ، پاک رُوح جنہے اپنی طاقت نال مُڈھلی کلیسیا دے دناں وچ کم کیتا تے اِکلّا جیہڑا اج معجزے کردااے ،ایہدےوچکار کیہ فرق ہیگااے ؟ کیہ خُدا ہمیش لئی ،کل ، اَج تے ہمیش تیکر اِکو جیہا نئیں ہیگا اے ؟
-
2-5. ایس ویلے پاک رُوح کیہ کم کردااے ؟
-
2-6. کیہ اوپریاں بولیاں بولنا پاک رُوح دی بھرپوری دا ثبوت نئیں ہیگا اے ؟ نئیں تے کویں سانوں پتہ لگدااے پئی اوہ ساڈے وچ رہندااے ؟
-
2-7. کیہ یسوع دے چیلیاں نیں پاپاں توں معافی پاؤن دے راہیں ،اپنے پاپاں توں مکتی پا کے پاک رُوح پایا سی ، یاں ایہہ پاپ دی معافی توں اَڈ اک وکھرا تجربہ ہیگاسی ؟
-
2-8. پاک رُوح دا بپتسمہ پاؤن دا کیہ مطلب اے ؟
-
2-9. کویں پُرانے تے نویں عہد نامےوچ پاک رُوح وکھ وکھ طریقیاں نال وکھالی دیندااے ؟
-
2-10. ڈاکٹر نے جدوں میرے معدے دے کینسر دی بیماری دا پتہ لایا ،اوہدے بعد میَں بوہتے دن پریشان رہیا ۔ اک دن میرا اک مسیحی بیلی مینوں ملیا تے اوہنے مینوں دسیا پئی جیہڑا وی اوہدے گرجے وچ جگراتے دی عبادت وچ جاندااے ،اوہدے سارے روگ مُک جان گے ۔ اوس ویلے مینوں ، بے دین نوں ، خُدا دے قدرت راہیں بیماری توں چنگیاں ہون دا سچ ثابت ہونا ،بوہت چنگا لگیا ۔ عبادت دے آخری دن اُتے ،ہرکوئی ہتھ رکھاؤن لئی خاد م کول گیا ۔ جدوں اوہنے میرے اُتے اپنے ہتھ رکھے ، اوہنے مینوں کُجھ نہ سمجھ آؤن والے بول گھڑی مُڑی بولن لئی آکھیا تے مینوں آکھیا پئی کیہ میَں یسوع مسیح دی شفا دین دی قدرت اُتے ایمان رکھداہاں ۔ بھاویں سچ مُچ میرے دل وچ ایمان نئیں ہیگاسی ،میَں پریشان ہو گیا تے جواب دتا آہو ۔ تے بالکل اوسے ویلے میَں اپنے اندر نس دی ہوئی بجلی وانگر کوئی گرم شے محسوس کیتی ۔میَں اپنا سارا بدن کمبدا ہویا محسوس کیتا تے مینوں اِنج لگیا پئی مینوں کینسر توں شفا مل گئی سی ۔ میَں اوسے ویلے خُداوند اُتے ایمان رکھن دا فیصلہ کیتا تے اوہدے بعد ، اک وڈی خوشی تے سکون میرے دل وچ آیا تے میَں اک نویں زندگی شروع کیتی ۔ میَں خوشخبری ودھاؤن لئی اپنی جندڑی وی حاضر کر دتی ۔میَں سوچدا ہاں پئی پاک رُوح نے ایہہ سارے کم کیتے تے میَں ایمان رکھداہاں پئی اوہ میرے اندر رہندااے ۔کیہ تسیں ایہدے بارے اِنج ای نئیں سوچدے او؟
Copyright © 2021 by The New Life Mission
