Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

مسیحی عقیدے پر عمومی سوالات

مضمون 2: رُوح القدس

2-2. کیہ پاک رُوح اک نویں سریوں جمے ہوئے بندے وچ ہر ویلے رہندااے ،جے اوہ پانی تے رُوح دی خوشخبری اُتے ایمان رکھدااے ، یاں پاک رُوح اوہناں دے اوہناں دے دوالے آؤندااے جدوں وی اوہ مدد لئی سددے نیں ؟

دوجے اَکھراں وچ پاک رُوح مدد گار ہیگا اے ،سچیائی دا رُوح ،جنہوں خُدا نےسارے راستباز لوکاں نوں ، جیہڑے پانی تے رُوح نال نویں سریوں جمے نیں ،اودوں توں لَے کے مطلب اے ، یسوع مسیح دے یوحنا اصطباغی کولوں بپتسمہ لین ، سولی اُتے مرن تے جی اُٹھن دے بعدوں دے چُکیا اے ۔ (یوحنا ۱۵:۲۶)۔ افسیوں ۱: ۱۳ آکھدااے ، ” تے اوسے وچ تہاڈے اُتے وی جدوں تسیں سچے کلام نوں سُنیاجیہڑا تہاڈی مکتی دی خوشخبری ہیگااے تے اوہدے اُتے ایمان لیائے وعدہ کیتی ہوئی پاک رُوح دی مہر لگی اے۔“ پاک رُوح راستبازاں اُتے آؤندااے جنہاں نیں یسوع مسیح اُتے ایمان لیا کے اپنے پاپاں توں معافی پائی اے تے اِنج اوہناں اُتے خُدا دے پُتراں وانگر مہر لاؤندااے ۔
یوحنا ۱۴:۱۶  وچ، خُداوند نے آکھیا ،   ”تے میَں باپ اَگے منت کراں گا تاں اوہ تہانوں دوجا مدد گار دیوے گا پئی ہمیش تیکر تہاڈے نال رہوے ۔“  یسوع دے چیلیاں نیں ،ایہہ ایمان رکھ کے پئی یسوع نے اپنے بپتسمے نال جگ دے سارے پاپاں نوں چُک لیا ، اپنے سارے پاپاں توں معافی پائی ۔ ایسے لئی یوحنا اصطباغی نے آکھیا ،   ” ویکھو ایہہ خُدا دا میمنا اے جیہڑا جگ دا پاپ چُک کے لَے جاندااے۔ “  (یوحنا ۱:۲۹)۔  
”  جگ دا پاپ “ اوہ سارے پاپ نیں جیہڑے ایس جگ دے سارے لوک شروع توں لَے کے جگ دے اخیر تیک کردے نیں ۔ اوہنے اِکو ای وار جگ دے سارے پاپاں نوں چُک لیا ، سولی اُتے مر گیا ، جی اُٹھیا ، تے اِنج سانوں ہمیشہ لئی راستباز بنا دتا ۔ عبرانیوں ۱۰:۱۲ ۔ ۱۴ وچ اِنج لکھیا ہویا اے ، ” پر ایہہ ہمیش لئی پاپاں لئی اِکو ای قربانی چڑھا کے خُدا دے سجے پاسے جا بیٹھا ۔تے اوسے ویلے توں اُڈیکداپیا اے پئی اوہدے ویری اوہدے پیراں دے ہیٹھ دی چوکی بنن ۔کیوں جے اوہنے اِکو ای وار قربانی دے کے اوہناں نوں ہمیش لئی کامل کر دتا اے ،جیہڑے پاک کیتے جاندے نیں ۔“
خُداوند نے یوحنا کولوں بپتسمہ لیا ، سولی اُتے مرگیا فیر جی اُٹھیا ،تے اِنج سانوں ہمیش لئی راستباز بنا دتا ۔ اسیں اِکو ای وار اپنے سارے پاپاں توں معاف کیتے گئے ساں تے یسوع دے راہیں خُدا دے پُتر بن گئے ساں ،تے ایہہ سچیائی ہمیش تیکر بدلن والی نئیں ہیگی اے ۔ اوہ جیہڑے ایمان لیاکے راستباز بن گئے نیں ،اپنے دلاں وچ پاپ نئیں رکھدے ۔بھاویں لوک بچ نئیں سکدے ،سگوں اپنے ماڑے ہون دے سبب پاپ کردے نیں ، اوہ ہمیش لئی کوئی پاپ نئیں رکھدے کیوں جے یسوع نے اوہناں دے سارے پاپاں نوں چُک لیا ۔ ایس لئی ، اوہ کدی دوجی وار پاپی نئیں بن سکدے ۔
پاک رُوح ہمیش لئی راستبازاں دے دل وچ ،جیہڑے پاک کیتے گئے نیں ،رہندااے ۔ اسیں بچ نئیں سکدے ،سگوں اپنی کمیاں د ے سبب پاپ کردے آں ؛ پر جے اسیں ہر واری جدوں اسیں پاپ کردے آں پاپی بن جاندے آں ،فیر یسوع مسیح دی نعمت ،جنہے سانوں ہمیش لئی راستباز بنایا اے ، ضائع ہو جاوے گی ،تے اوہنوں ساڈے پاپ چُکن توں بعد ساڈے لئی دوبارہ مرنا پوے گا ۔ ایہہ پاک رُوح دے خلاف کفر بکن دا پاپ اے (عبرانیوں ۶ : ۴ ۔ ۸ ،۱۰ : ۲۶ ۔ ۲۹)۔
ایس لئی ، پاک رُوح راستبازاں وچ رہندااے ، جیہڑے اپنے پاپاں توں معافی پا چُکے نیں تے پانی تے رُوح دی خوشخبری اُتے ایمان لیا کے نویں سریوں جمے نیں۔ پولُس نے آکھیا ،  ”  کیوں جے اسیں زندہ خُدا دی ہیکل آں ۔ ایس لئی خُدا نے آکھیا اے پئی میَں اوہناں وچ وساں گا تے اوہناں وچ ٹُراں پھراں گا تے میَں اوہناں دا خُد ا ہوواں گا تے او ہ مینوں منن والے لوک  ہون گے “ (۲ ۔کرنتھیوں ۶ :۱۶)۔
پاک رُوح سدا خُدا دے پُتراں وچ رہندااے جیہڑے سدا لئی پا ک کیتے گئے نیں ۔اَکھر   ”وسنا “ دا ایتھے ایہہ مطلب نئیں ہیگااےپئی اوہ ساڈے دوالے چکر لاؤندااے ،ساڈے کول اوس ویلےآؤندااے ،جدوں اسیں دعا منگدے آں تے اوہنوں سددے آں ؛ ایہدی تھاں اُتے اوہ ، ” ساڈے وچ ہمیش لئی وسدااے“اوہ ہمیشہ اوہناں وچ وسدااے مطلب اے ،اوہناں نوں سارے کم سکھاؤندیاں ہویاں تے اوہناں دی خُدا دے کلام نوں جانن وچ اَگوائی کردے ہویاں جیہڑے پانی تے رُوح نال نویں سریوں جم پئے نیں (یوحنا ۱۴:۲۶)۔
ایس لئی ، کوئی  جیہڑا خُدا دا پاک رُوح نئیں رکھدا ،اوہدا نئیں ہیگااے (رومیوں ۸:۹)۔ پاک رُوح اوہناں وچ رہندا اے جیہڑے پاک کیتے گئے نیں تے بے پاپ ہیگے نیں۔ اوہناں نوں ساریاں اَسمانی گلاں سکھاؤندیاں ہویاں تے گواہی دیندیاں ہویاں پئی اوہ خُدا دے پُتر ہیگےنیں ۔ ایہہ سچ نئیں ہیگا پئی پاک رُوح ساڈے نیڑے ہیگااے ،ساڈے کول ساڈی اپنی ہمتاں نال آؤندا پیا اے ؛ایہدی تھاں اُتے وہ سدا خُدا دے پُتراں وچ رہندااے جیہڑے پانی تے رُوح دی خوش خبری نال نویں سریوں جمے نیں ۔
فیروی ، بوہتے لوکاں نوں ایس تعلیم دا گھاٹا اے تے اپنے پاپی دلاں نال پاک رُوح دی بھرپوری پاؤن دی ہمت کردے نیں ۔ تے اخیریں اوہ سوچدے نیں پئی اوہ اوہناں اُتے  اوس ویلے آؤندااے جدوں اوہ توبہ دیاں زور شور والیاں دعاواں وچ بوہت ہتھ پیر ماردے نیں ،پر جدوں اوہ پاپ کردے نیں ، اوہ چلا جاندااے ۔ایہہ اوہناں دا ایمان ہیگااے جنہاں نیں پاک رُوح دی بھرپوری نئیں پائی ۔ اوہ جنہاں دا ایمان سچا ہیگااے ، ایمان رکھدے نیں پئی اوہ پاپاں توں معافی پاؤن نال پاک رُوح دی بھرپوری اک انعام وانگر پاؤندے نیں ۔کسے نوں اپنے دلی خیال چھڈنے چاہی دے نیں تے خُدا دے کلام اُتے ایمان لیاؤن ول پرتنا چاہی دااے ۔