Search
اردو
اردو
کورونا وائرس اور بین الاقوامی ڈاک سروس میں رکاوٹ کی وجہ سے ، ہم نے اپنی ’مُفت چھپی ہوئی کتاب کی سروس‘ کو عارضی طور پر معطّل کردیا ہے۔
اِس صورتحال کی روشنی میں ہم اِس وقت آپ کو کتابیں بھیجنے کے قابل نہیں ہیں۔
دُعا ہے کہ یہ وبائی بیماری جلد ہی ختم ہوجائے اور ڈاک سروس بحال ہو جائے۔

مسیحی عقیدے پر عمومی سوالات

مضمون 2: رُوح القدس

2-3. میرے ماپیاں نیں ضد کیتی پئی اوہ ایتھوں تیک پئی ویاہ کرن توں پہلاں نویں سریوں جمے ہوئے مسیحی سَن ۔اگانہہ ہور، میَں جمدیاں ای اک دینی جندڑی بسر کیتی سی ۔میَں سوچیا پئی پاک رُوح اوس ویلے توں میرےاندر رہنداسی جدوں میَں جمیا ساں ۔ فیروی ، میَں بوہت پریشان ہیگا واں کیوں جے مینوں پاک کتاب دے مطابق پاک رُوح دی بھرپوری بارے پتہ نئیں ہیگا اے۔ کیہ پاک رُوح سچ مُچ صرف اوس بندے اُتے اُتردااے جیہڑا پانی تے رُوح نال نویں سریوں جمدااے ؟

آہو ایہہ سچ ہیگااے ، ہر کسے نوں پاک رُوح پاؤن لئی پانی تے رُوح دی خوشخبری اُتے ایمان رکھ کے اپنے پاپاں توں معافی پاؤن دی لوڑ ہیگی اے ۔پاک کتاب سانوں دسدی اے پئی ” پانی   “ مکتی وانگر اے (۱ ۔پطرس ۳:۲۱)۔ایتھے پانی  بپتسمہ بارےدَسدااے جیہڑا یسوع نے یوحنا کولوں لیا سی (متی ۳ : ۱۵)۔
سب توں پہلاں ، ہر کسے نوں پاک رُوح پاؤن دے بارے وچ یسوع دے بپتسمے نوں جان کے اپنے سارے پاپاں توں معافی پاؤن دی لوڑ ہیگی اے ۔ گلتیوں ۳:۲۷ آکھدااے ،  ” تے تسیں سارے جنہاں نیں مسیح وچ اکٹھے ہون دا بپتسمہ لیا مسیح نوں بدن اُتے پا لیا ۔ “ ایتھے   ” مسیح وچ اکٹھے ہون دا بپتسمہ “ ساڈے پانی دےبپتسمے دی گل نئیں کردا،سگوں ایہدا مطلب یوحنا کولوں  یسوع دے بپتسمہ لین دے سبب نوں جاننا تے ایمان رکھ کے پاپاں توں معافی پاؤنا ایں ۔
ہر بندہ اک پاپی بدن نال جمدااے ۔ رومیوں ۵:۱۲ آکھدا اے ، ”  ایس لئی جویں اک بندے دے سبب پاپ جگ وچ آیا تے پاپ دے سبب نال موت آئی تے ایس طرحاں موت سارے بندیاں وچ چلی گئی ایس لئی پئی ساریاں نیں پاپ کیتا ۔ “ ایس جگ وچ سارے لوک ، آدم تے حوا توں نسلی طور اُتے پاپ لَے کے پاپی جمدے نیں ۔
ایس لئی زبور ۵۱:۵  وچ اِنج لکھیا ہویا اے ،  ”ویکھ میَں بدی وچ صورت پھڑی تے میَں پاپ دی حالت وچ ماں دے ٹِہڈھ وچ پیا ۔“  یسعیا ہ ۱:۴  وچ اِنج لکھیا ہویا اے ،  ” ہائے قصور وار جھُنڈ ۔بدکاری نال بھری ہوئی قوم ۔ بدکاراں دی نسل ۔مکار اولاد “ لوک اپنے جمن دیہاڑے توں شروع کردیاں ہویاں پاپ دا بیج رکھدے نیں ۔ ایس جگ وچ سارے لوک اپنے ماپیاں توں پاپ نسل وچ لیندے نیں تے ایس جگ وچ پاپیاں وانگر جمدے نیں ۔ دوجے اَکھراں وچ ، ساڈا بدن ساڈی ساری حیاتی وچ پاپ دے پھل پیدا کردارہندااے ۔
ایس طرحاں دی سوچ رکھنا پئی جے کسے دے دنیاوی ماپے نویں سریوں جمے ہوئے نیں ،فیر اوہناں دے بچے وی پاک رُوح پاؤن گے ، خوش خیالی تے شکی ایمان ہیگااے ۔ اوہ جیہڑا ایس طرحاں دا ایمان رکھدا اے ،اپنے ہتھ پیر مار کے پاک رُوح پاؤن دی ہمت کردا اے تے پاک رُوح دی بھرپوری ایس طرحاں دے ایمان نال نئیں مل سکدی اے ۔
ایس لئی ، ہر کسے نوں پانی تے رُوح دی خوشخبری اُتے ایمان رکھنا چاہی دااے جیہڑی یسوع نے سانوں دتی اے ۔ ایہہ پاک رُوح پاؤن دا اِکو طریقہ اے ، کیوں جے اوہ خُدا ولوں اک انعام ہیگا اے ۔ یسوع مسیح ، خُدا دے اِکلّے پُتر نے ، یوحنا کولوں بپتسمہ لَے کے جگ دے سارے پاپاں نوں چُک لیا ، فیر سولی اُتے دُکھ جرے تے ایس طرحاں سارے لوکاں نوں سچی راستبازی دے ایماندار بنا دتا ۔ ایہہ انسانی پیڑھی لئی خُدا دا ارادہ تے مرضی ہیگی اے ، تے اوہ پاک رُوح دی بھرپوری اوہناں نوں دے چُکیا اے ،جیہڑے اوہدی مرضی مطابق  اوہدے اُتے ایمان رکھدے نیں ۔
ہر کوئی ایس جگ وچ اپنے دلی پاپ نال ایس جگ وچ جمدااے ۔ ایس لئی اوہ پاک رُوح نوں اک انعام وانگر پا سکدااے ،صرف جے اوہ اپنے پاپاں توں معافی پاؤندااے تے پانی تے رُوح دی خوشخبری اُتے ایمان لیا کے پاک بن سکدا اے ۔ ایس لئی ہر کسے نوں اپنے ذہن وچ رکھنا چاہی دا اے تے ایمان وی لیاؤنا چاہی دااے پئی پاک اوہدے اُتے آؤندااے جدوں اوہ پانی تے رُوح نال نویں سریوں جم دا اے ۔
اوہ ساڈے اُتے کسے طرحاں دی شر ط یاں ہمت جیہڑی اسیں کردے آں ،ایہدے سبب نئیں آؤندااے ،پر ایہدی بھرپوری کامل طور اُتے اوس اِکلّی وفاداری دے سبب آؤندی اے ،جیہدا اوہنے وعدہ کیتا سی ۔دوجے اَکھراں وچ ، اوہ کسے انسانی یاں رُوحانی تکمیل مطابق رہن لئی نئیں آؤندااے ۔ پاک رُوح دی بھرپوری خُدا دی مرضی مطابق ایمان نال ملدی اے ۔
اوہنے اپنی  مرضی نال ، اوہنوں یوحنا توں بپتسمہ دلواؤن تے سولی اُتے اوہنوں مار کے ساری انسانی پیڑھی نوں بچاؤن لئی ،ایس جگ وچ یسوع مسیح ، اپنے اِکلّے پُتر نوں گھلیاسی ؛ایس طرحاں ایمان داراں وچ رہن لئی پاک رُوح نوں اجازت دتی سی ۔راستباز جیہڑے اپنے سارے پاپاں توں اوہدی مرضی وچ رہن نال تے پانی تے رُوح دی خوشخبری اُتے  ایمان رکھن نال چھڈائے گئے نیں ،پاک رُوح دی بھرپوری پا سکدے نیں ۔
ایس لئی ،ایہہ ایمان رکھنا پئی کوئی بندہ پاک رُوح پا چُکیا اے ، صرف ایس لئی پئی اوہ نویں سریوں جمے ہوئے ماپیاں دی اولاد سی ،اک شک تے خوش خیالی والا ایمان ہیگا اے ۔ ایہہ بالکل خُدا دی مرضی توں ہٹ کے اپنے دل دی مرضی نال پاک رُوح پاؤن دی ہمت کرنا اے ۔کوئی دوجا طریقہ نئیں ہیگااے سگوں پانی تے رُوح دی خوشخبری اُتے ایمان لیاؤنا اے  ،جے کوئی بندہ پاک رُوح دی بھرپوری پاؤنا چاؤہندااے ۔