መጽሐፍ ቅዱስ ብሉይንና አዲስ ኪዳናትን ብቻ እንደያዘ፣ ቃል በቃል በመንፈስ ቅዱስ ምሪት እንደተጻፈ፣ በኦሪጅናል ማኑስክሪፕቶች ስህተት የሌለበት፣ ተዓማኒነትና ሥልጣን ያለው የእግዚአብሄር ቃል እንደሆነ፤

ለዘላለም የሚኖር አንድ ስላሴ አምላክ በሦስት ሕላዌዎች ማለትም በአብ፣ በወልድና በመንፈስ ቅዱስ ውስጥ እንደሚኖር፤

አዳም በእግዚአብሄር አምሳል ተፈጥሮ የዚህ ዓለም ገዥ በሆነው ሰይጣን ተፈትኖ እንደወደቀ እናምናለን፡፡ በአዳም ሐጢያት ምክንያት ሰዎች ሁሉ ጥፋተኝነትን ተቀብለዋል፤ በሙሉም ተበላሽተዋል፡፡ ደህንነትን ለማግኘትም በመንፈስ ቅዱስ መታደስ እንደሚያስፈልጋቸው፤

ኢየሱስ ክርስቶስ እግዚአብሄር እንደሆነ፣ ከድንግል እንደተወለደ፣ በዮርዳኖስ ወንዝ እንደተጠመቀ፣ የእግዚአብሄር በግ ሆኖ እንደተሰቀለ፣ ዳግመኛም ከሙታን እንደተነሳና አሁን በእግዚአብሄር ቀኝ ከፍ ወዳለበት ሰማይ እንዳረገ፤

ደህንነት የሐጢያቶችን ስርየት፣ የክርስቶስን ጽድቅ መቆጠርና የዘላለምን ሕይወት እንደያዘ፤ ይህንም መቀበል የሚቻለው በስራዎች ሳይሆን በእምነት ብቻ እንደሆነ፤

የኢየሱስ ክርስቶስ ምጽዓት ቅርብ እንደሆነና የሚታይና ተጨባጭ እንደሆነ፤

የዳኑት ለዘላለም ሕይወትና በሰማይ ለሚገኘው ብርክትና እንደሚነሱና ያልዳኑት በሲዖል ለሚሆነው ዘላለማዊና ንቁ ሆነው ለሚቀበሉት ቅጣት እንደሚነሱ፤

የክርስቶስ አካል የሆነችው ቤተክርስቲያን በዳግመኛ ልደት ጊዜ ዳግመኛ የተወለዱትን፤ በክርስቶስ ውስጥም በመንፈስ ቅዱስ የተጠመቁትን ብቻ እንደምታካትት፤ እርሱ አሁን በሰማይ እንደሚማልድላቸውና ለእነርሱም ዳግመኛ እንደሚመጣላቸው፤

ክርስቶስ ቤተክርስቲያንን ወደ አሕዛብ ሁሉ እንድትሄድና ወንጌልን ለእያንዳንዱ ግለሰብ እንድትሰብክ፤ የሚያምኑትንም እንድታጠምቅና እንድታስተምር እንዳዘዛት፤