በኮቪድ-19 እና በዓለም አቀፉ የመላላኪያ አገልግሎት መዛባት ምክንያት ‹ነጻ የታተመ መጽሐፍ አገልግሎታችንን› ለጊዜው አቋርጠናል፡፡
በዚህ ሁኔታ ምክንያት በዚህ ጊዜ መጽሐፎቻችንን ለእናንተ መላክ አንችልም፡፡
ይህ ወረርሽኝ በቅርቡ እንዲያበቃና የፖስታ አገልግሎት እንዲጀምር ጸልዩ፡፡
ይህ ወረርሽኝ በቅርቡ እንዲያበቃና የፖስታ አገልግሎት እንዲጀምር ጸልዩ፡፡
مضمون 11: خیمۂ اِجتماع
[11-27] سرپوش <خروج ۲۵:۱۰-۲۲>
<خروج ۲۵:۱۰-۲۲ <
”تےا وہ کِکر دی لکڑدا اِک صندُوق بناؤن جِہدی لمان ڈھائی ہتھ تے چَوڑائی ڈیڑھ ہتھ تےاُچیائی ڈیڑھ ہتھ ہوئے۔تے تُوں اوہدے اندر تے باہر کھرا سونا مَڑھیں تے اوہدے اُتےآلےدوالے اِک سونےداتاج بناویں۔تے اوہدے لئی سونےدے چار کڑے ڈھال کے اوہدیاں چونہہ پاویاں وِچ لاویں۔ دو کڑے اِک پاسے ہون تے دو ای دُوجےپاسے۔تے کِکر دی لکڑدیاں چوباں بنا کے اوہناں اُتے سونا مَڑھیں۔تے ایہناں چوباں نُوں صندُوق دےپاسیاں دیاں کڑیاں وِچ پاویں پئی اوہناں دے سہارے صندُوق چُکیا جائے۔چوباں صندُوق دیاں کڑیاں اندر لگیاں رہن تے اوس توں وکھریاں نا کیتیاں جان۔تے تُوں اوس شہادت نامےنُوں جیہڑا مَیں تینوں دیواں گا اوسے صندُوق وِچ رکھیں۔تےتُوں فدیےدا سرپوش کھرے سونے دا بناویں جِہدا طُول ڈھائی ہتھ تےعرض ڈیڑھ ہتھ ہوئے۔تےسونے دے دو کرُّوبی سرپوش دیاں دوآں سریاں اُتے گھڑ کے بناویں۔اِک کرُّوبی نُوں اِک سرے اُتےتے دُوجے کرُّوبی نُوں دُوجے سرےاُتے لاویں تےتُوں سرپوش نُوں تےدوآں سریاں دیاں کرُّوبیاں نُوں اِکوای ٹوٹے نال بناویں۔تےاوہ کرُّوبی اِنج اُتاں نُوں اپنے پَر کھلارے ہوئے ہون پئی سرپوش نُوں اپنیاں پَراں نال کج لین تے اوہناں دے مُنھ آمنے سامنے سرپوش ول ہون۔تے تُوں اوس سرپوش نُوں اوس صندُوق دے اُتے لاویں تےا وہ عہد نامہ جیہڑا مَیں تینوں دیواں گا اوہنوں اوس صندُوق دے اندر رکھیں۔اوتھے مَیں تینوں مِلیا کراں گا تےاوس سرپوش دے اُتوں تےکرُّوبیاں دے وِچوں جیہڑے عہد نامےدے صندُوق دے اُتے ہون گے اوہناں ساریاں حکماں دے بارے جیہڑےمَیں اِسرائیلیاں لئی تینوں دیواں گا تیرے نال گل بات کراں گا۔“
خیمۂ اِجتماع دے اندر والے حصے نوں دو خاص حصیاں وچ ونڈیا گیا سی: پاک تھاں تے بوہتی پاک تھاں ۔ اِک پڑداایہناں وچکار ونڈی پاؤن لئی لمکایاہویا سی ، تے عہد دا صندوق بوہتی پاک تھاں دے اندر
ایس پڑدے پِچھے ہیگا سی ۔ صندوق دے چھاڑ نوں سرپوش وی آکھیا جاندا اے ۔
سرپوش دی لمان ۵.۲ہتھ سی
پاک کلام وچ ، اِک ہتھ اوہ لمان اے جیہڑی اُنگل دی چُنج توں اَرک تیکر کھلری ہوندی اے ۔ سو ، پرانے عہد نامےوِچ اِک ہتھ نوں عام طور اُتے اَج دی کاچھ دی اکائی وچ تقریباً ۵۰۰ ملی میٹر سمجھیا جاندا اے ۔ فیر ڈھائی ہتھ اُتے ، سرپوش دی لمان اَج د ی کاچھ وچ تقریباً۰.۱میٹرسی ؛ ایہدی چوڑائی تے لمان ،ہر اِک ڈیڑھ ہتھ ، تقریباً ۷۵۰ ملی میٹر سی ۔ ایس سرپوش دے ہیٹھاں عہد دا صندوق سی، تے صندوق وی،کِکر دی لکڑ نال بنیا سی تے کھرےسونے نال مَڑھیا ہویا سی ۔ سرپوش دیاں دوآں سریاں اُتے ، دو کرُّوبی سن جیہڑے اُتاں نوں اپنے پَر کھلارے ہوئے سن ، اپنیاں پَراں نال سرپوش نوں کج دے پئے سن، تے اوہناں مُنھ آمنے سامنےسرپوش ول سن ۔ سرپوش، جویں پئی ایہدا ناں اے ، اوہ تھاں اے جتھے خُدا اپنا فضل گھلدااے ۔
خُدا نے سانوں فرمایا پئی اوہ ساڈے نال ایتھے سرپوش اُتے ملے گا ۔ عہد دے صندوق دے اندر ، ہارون دی لاٹھی سی جیہدے وچوں کلیاں پھُٹ پئیاں سن، اِ ک سونے دا مرتبان جیہدے وچ مَنّ سی، تے پتھر دیاں دو تختیاں سن جنہاں اُتے دس حکم چھاپے گئے سن ۔ سرپوش دیاں چونہہ سِریاں اُتے چار کڑے پائے گئے سن تاں پئی عہد دے صندوق نُوں لَے جایا جا سکے ۔ دوچوباں کِکر دی لکڑ نال بنائیاں گئیاں سن تے ایہناں نوں سونے نال مَڑھیا گیا سی ، تے ایہناں چوباں نوں صندوق دیاں کڑیاں وچ پایا گیا سی تاں پئی صندوق نوں چُکیا جاسکے ۔
سال وچ اِک واری، وڈا کاہن قربانی دے پشُو دا لہو بوہتی پاک تھاں اُتے لیاؤنداسی تے ایہنوں سرپوش اُتے تراؤنکدا سی ۔ اوہ اِنج ایس لئی کرداتاں پئی اوہدیاں ہتھاں دے رکھے جان نال ، اسرائیلیاں دے سارے ورہے دے پاپ قربانی دے پشُو اُتے لدے گئے سن ۔ ایسے لئی ساڈے خُداوند نے فرمایا ،” اوتھے مَیں تینوں مِلیا کراں گا تےاوس سرپوش دے اُتوں تےکرُّوبیاں دے وِچوں جیہڑے عہد نامےدے صندُوق دے اُتے ہون گے اوہناں ساریاں حکماں دے بارے جیہڑےمَیں اِسرائیلیاں لئی تینوں دیواں گا تیرے نال گل بات کراں گا “ (خروج ۲۵ :۲۲)۔ایہہ خُداوند دا وعدہ سی پئی اوہ ساریاں لوکاں دیاں پاپاں دی معافی لَے کے آئے گا ۔ سو، جد اسی پانی تےرُوح دی خوشخبری اُتے ایمان رکھن دا اقرار کردے آں ، تاں ساڈے لئی پرانے عہد نامے دے قربانی دے نظام دے بارے تفصیلی تعلیم رکھنا بوہت ضروری اے ۔
خُدا نے حکم دتا پئی کاہن جد وی عہد دے صندوق نوں چُکن گے تاں اوہ ایہنوں صندوق دیاں دوآں پاسیوں چوباں نال چُکن، ایہدا کیہ مطلب اے ؟ ایہدا مطلب ایہہ ہیگا اے پئی خُدا چاؤہندا اے پئی اسی اپنیاں ساریاں بدناں تے دلاں نال اوہدی مکتی دی سچیائی دی خدمت تے منادی کرئیے ۔ ایہدا مطلب ایہہ وی ہیگا اے پئی خُدا چاؤہندا اے پئی اسی وکھ وکھ نئیں سگوں سارے رَل کے خُداوند دی خدمت کرئیے ۔ ایس لئی خُدا نے حکم دِتا پئی نا صرف سرپوش سگوں چڑھاوے دیاں روٹیاں دی میزتے بخُوردی قربان گاہ نوں وی ایہناں چوباں نال چُکیا جائے جیہڑیاں دوآں پاسیاں دیاں کڑیاں وچ پائیاں جاندیاں سن ۔ ایہدا مطلب ایہہ ہیگا اے پئی سانوں اپنیاں ساریاں بدناں تے دلاں نوں خُدا دی خوشخبری نوں ودھاؤن لئی ناویں لا دینا چاہی دا اے ۔ دوجیاں اکھراں وچ ، خُدا سانوں ایتھے حکم دیندا پیا اے پئی اسی اپنیاں بدناں تے دلاں نوں مکتی دی سچیائی نوں ودھاؤن لئی ناویں لا دئیے ، ہر کسے اگے منادی کرئیے پئی ساڈے خُداوند نے پانی تے رُوح دی خوشخبری نال ساڈیاں ساریاں پاپاں نوں مُکا دِتا اے تے سانوں کامل طریقے نال راستبازبنا دِتا اے ۔ ایس لئی خُدا نے اسرائیلیاں نوں حکم دِتا پئی اوہ عہد دے صندوق نوں ایہناں چوباں دے راہیں اِک تھاں توں دوجی تھاں لے کے جان ۔
اسی پانی تےرُوح دی خوشخبری اُتے ایما ن رکھ کے اپنیاں دلاں وچ پاپاں دی معافی پائی اے ۔ عہد دے صندوق دے اندر اِک سونے دا مرتبان سی جیہدے وچ مَنّ رکھیا ہویا سی ۔ رُوحانی طریقے نال ، ایس مَنّ دا مطلب خُدا دا کلام اے ۔ صندوق وچ ہارون دی سوٹی وی سی جیہدے وچوں کلیاں پھُٹ پئیاں سن ۔ ہارون دی ایہہ سوٹی جیہدے وچوں کلیاں پھُٹ پئیاں سن ایہدا مطلب زندگی دے خُداوند یِسُوعؔ دا جی اُٹھنا اے ۔ اخیروچ ، صندوق وچ عہد دیاں دوپتھر دیاں تختیاں سن جنہاں اُتے خُدا دے دس حکم لکھے ہوئےسن ۔ ایہہ سانوں وکھاؤندا اے پئی سانوں لازمی سچے دلوں اوہدے کلام اُتے بھروسہ کردیاں خُدا دی خدمت کرنی چاہی اے ۔
خُداوند نے فرمایا پئی اوہ ساڈے نال سرپوش اُتے مِلیا کرے گا
رُوحانی طریقےاُتے، سرپوش پانی تے رُوح دی خوشخبری دی نشانی وکھاؤندی اے ، جتھے ساڈا خُداوند ساڈے نال مِلدا اے ۔ سرپوش دے اُتوں تے کرُّوبیاں دے وچکار ساڈے ول ہیٹھاں ویکھدیاں ہویاں ، خُداوند ساڈے نال پانی تے رُوح دی خوشخبری دے بارے گل کردا پیا اے ۔ ایہہ سرپوش سانوں رُوحانی طوراُتے پاپاں توں معافی دے بارے دسدا اے ۔ خُداوند یوحنا بپتسمہ دین والے کولوں بپتسمہ لے کے تے اپنا لہووگا کے سانوں ساڈیاں ساریاں پاپاں توں بچا چُکیا اے ۔ ایس لئی اسی سرپوش نوں اوہ تھاں آکھ سکدے آں جتھے ساڈا خُدا ساڈے اُتے اپنی مکتی دا فضل گھلدا اے ۔ دوجیاں اکھراں وچ ، سرپوش ساڈے فدیے نوں ظاہر کردا اے ، سانوں ایہہ وکھاؤندا اے پئی ساڈے خُداوندنے پانی تے رُوح دی خوشخبری نال ساڈیاں ساریاں پاپاں نوں اِک ای واری تے سدا لئی مُکا دِتا اے ۔
تاں فیر اسرائیلیاں دے بارے کیہ خیال اے ؟ خُداوندنے اوہناں دیاں پاپاں نوں کویں مُکایا ؟اوہنے اوس لہو نال اِنج کیتا جیہڑاسرپوش اُتے تراؤنکیا جاندا سی ، ایس لئی پئی ایہہ او س قربانی دے پشُو دے راہیں وگایا گیا سی جیہڑا اسرائیلیاں دیاں ساریاں پورے ورہے دیاں پاپاں دا بھار چُکدا سی ۔ فدیہ دیہاڑے ، وڈاکاہن قربانی دے پشُودے سر اُتے اپنے ہتھ رکھدا تاں پئی اسرائیلیاں دیاں سارے پورے ورہے دے پاپ اوس اُتے لدے جان ، تے فیر ای اوہ اوہدا لہو کڈھن لئی اوہدا گل وڈہدا۔ فیر ایس لہو نوں اوہناں پاپا ں دا فدیہ دین لئی سرپوش اُتے تراؤنکیا جاندا جیہڑے ساریاں اسرائیلیاں نیں اِک ورہے وچ کیتے سن ۔ پُرانے عہد نامے دے زمانے وچ راج کرن والا ایہہ قربانی دا طریقہ نویں عہد نامے دےزمانے وچ پانی تے رُوح دی خوشخبری دے راہیں پوری ہون والی خُدا دی راستبازی دی گل کردا اے ۔ اسمانی وڈے کاہن وانگر ، یِسُوعؔ مسیح نے ساریاں لوکاں لئی اپنے بدن نوں فدیے لئی دے کے سانوں ساڈیاں ساریاں پاپاں توں بچا یا اے ۔
خیمۂ اِجتماع دے پڑدے دا پھاٹک وی اسمانی، ارغوانی تےلال رنگ دے دھاگےتےمہین وٹے ہوئے کتان نال بنیا ہویا سی ، جویں پئی خیمۂ اِجتماع دے برانڈے دا پھاٹک سی ۔ ایتھے ورتے جان والے اسمانی دھاگے دا رُوحانی مطلب ایہہ ہیگا اے پئی یِسُوعؔ نے یوحنا بپتسمہ دین والے دے راہیں بپتسمہ لے کے تہاڈے تے میرے سارے پاپ چُک لَئے ۔دوجیاں اکھراں وچ ، اسمانی رنگ دا دھاگہ ایس سچیائی ول اشارہ کردا اے پئی یِسُوعؔ نے یوحنا بپتسمہ دین والے کولوں بپتسمہ لے کے اِکو ای واری تے سدا لئی جگ دیاں ساریاں پاپاں نوں اپنے اُتے چُک لیا ۔ ایہہ ایس لئی ہویا تاں پئی یِسُوعؔ مسیح نے اپنے بپتسمے دے راہیں ایس جگ دیاں ساریاں پاپاں نوں قبول کر لیا پئی اوہ ساریاں لوکاں دیاں ساریاں پاپاں لئی سولی چڑھ تے سزا جر سکدا سی ۔ ایہہ خیمۂ اِجتماع دے پھاٹک وچ لُکے ہوئے بھیت دی سچیائی اے ۔ ساڈے خُداوندنے اپنے بپتسمے دے راہیں ساڈیاں ساریاں پاپاں نوں چُک لیا تے سولی اُتے اوہناں دی ساری سزا جری ۔ سو، خُدا باپ ہُن چاؤہندا اے پئی ہر کوئی ایس سچیائی اُتے سچے دلوں ایمان رکھے پئی اوہدے پُتر یِسُوعؔ نے یوحنا بپتسمہ دین والے دے راہیں بپتسمہ لےکے جگ دیاں ساریاں پاپاں نوں مُکا دِتا اے ۔ خُدا چاؤہندا اے پئی اوہ سارے پاک لوک جیہڑے اوہدے اپنے لوک بن گئے نیں پانی تے رُوح دی خوشخبری دی خدمت کرن ۔ ایس لئی سانوں اپنے خُدا دی ایس مرضی نوں سمجھنا چاہی تے ایہدے مطابق چلنا چاہی دا اے ۔ ہُن جد پئی اسی راستباز بن گئے آں ، سانوں ایہہ سمجھنا چاہی دا اے پئی خُدا ساڈے ساریاں توں کیہ چاؤہندا اے ۔
خیمۂ اِجتماع دے پھاٹک لئی ورتے جان والے ارغوانی دھاگے دا مطلب ہیگا اے پئی یِسُوعؔ بادشاہواں دا بادشاہ اے
یِسُوعؔ مسیح آپ خُدا تے ابدی زندگی دا خُداوند اے (۱- یوحنا ۵: ۲۰)۔دوجیاں اکھراں وچ ، خُدا آپ سانوں جگ دیاں ساریاں پاپاں توں مکتی دین لئی اِک بندے وانگر جمیا سی ۔خُدا نے ساڈے نال ایہہ وعدہ یسعیاہ نبی دی راہیں کیتا ، ایہہ آکھدیاں ہویاں ، ”ویکھو اِک کواری جمّن والی ہوئے گی تے اوہدے ولّ پُتر ہوئے گا۔ تے اوہدا ناں عمانوایل رکھن گے۔ جِہدا مطلب اے خُدا ساڈے نال۔“ (متی۱ :۲۳،یسعیاہ ۷ :۱۴)۔سانوں ساریاں پاپیاں نوں ساڈیاں ساریاں پاپاں توں بچاؤن لئی ، یِسُوعؔ مسیح نے اسمان اُتے جلالی تخت نوں چھڈ دِتا تے کواری مریم دے بدن دے راہیں ایس زمین اُتے آیا ، جویں پئی خُدا نے ۷۰۰ ورہےپہلوں یسعیاہ نال وعدہ کِیتا سی،خُداوند سچ مُچ ایس زمین اُتے جمیا ۔ جویں پئی خُدا اِنج بندہ بن گیا تے بپتسمہ لے کے ہر اِک پاپی دیاں ساریاں پاپاں نوں چُک لیا، اوہنے سانوں ساریاں نوں جیہڑے ایس سچیائی اُتے ایمان رکھدے نیں اپنی راستبازی دا بانا پوایا اے ۔
خیمۂ اِجتماع دے پھاٹک لئی ورتیا جان والا لال دھاگہ اوس نویں زندگی ول اشارہ کردا اے جیہڑی یِسُوعؔ اپنی قربانی دے راہیں ساڈے کول لیا چُکیا اے
یوحنابپتسمہ دین والے دے راہیں بپتسمہ لے کے لوکاں دیاں ساریاں پاپاں نوں اِکو ای واری تے سدا لئی جرن دے بعدوں ، یِسُوعؔ نوں ساڈے لئی سولی چاھڑیا گیا ۔ اوہدیاں ہتھاں تے پیَراں دوآں وچ کِل ٹھوکے گئے ، تے سزا جیہڑی خُداوند نے جری سی ایہہ اوہ سزا سی جیہڑی تہاڈےتے میرے ورگے ہر پاپی نوں جرنی چاہی دی سی ۔ دوجیاں اکھراں وچ ، خُداوندآپ ساڈے بدلے سولی چڑھیا تے اِنج ساڈے بدلے ساڈیاں ساریاں پاپاں دی سزاجری ۔ مکتی دیاں ایہناں تِناں خدمتاں دے راہیں جیہڑیاں خیمۂ اِجتماع دے پھاٹک دےاسمانی، ارغوانی تےلال رنگ دے دھاگے توں ظاہر ہوندیاں نیں ، اسی سارے مکتی دے اصل کم نوں ٹھیک طریقے نال سمجھ سکدے آں ۔اسی صاف طریقے نال ویکھ سکدے آں پئی مکتی دے اپنے کم لئی ، یِسُوعؔ نے ساریاں لوکاں دیاں ساریاں پاپاں نوں اِکو ای واری تے سدا لئی چُک لیا ، تے ایہہ پئی اوہنے ایہناں ساریاں پاپاں لئی سزا وی جری ۔ ایس لئی خُداوند سانوں حکم دیندا پیا اے پئی اسی پانی تے رُوح دی ایس سوہنی خوشخبری نوں سارے جگ وچ ہر کسے نوں سُنائیے۔ اوہ سانوں ایس خوشخبری دی خدمت کرن لئی آکھد پیا اے ۔
خیمۂ اِجتماع وچ عہد دا صندوق سرپوش نال کجیا ہویا سی ۔ فیر خُدا ایس سرپوش اُتے کیہدے نال مِلدا اے جیہڑا شہادت دے صندوق نوں کجدا پیا اے ؟ اوہ صرف اوہناں لوکاں نوں مِلدا اے جیہڑے ایہہ ایمان رکھدے نیں پئی اوہناں دے سارے پاپ خُدا دے برّےیِسُوعؔ دے حوالے کیتے گئے سن تے اوہنوں اوہناں دیاں ساریاں پاپاں لئی سزا دِتی گئی سی ۔ رُوحانی طریقے نال ، دوجیاں اکھراں وچ ، خُدا صرف پانی تے رُوح دی خوشخبری اُتے ایمان رکھن والیاں نوں مِلدا اے ۔ جد فدیے دا دن آؤندا تاں ، وڈاکاہن اسرائیل دی ساری آبادی دیاں ساریاں پورے ورہے دیاں پاپاں نوں دو بے پاپ بکریاں وچوں پہلے بکرے دے سِر اُتے اپنے ہتھ رکھ کے اوس اُتے لد دیندا تے اوہناں ولوں ساریاں اسرائیلیاں دیاں پاپاں دا اقرار کردا ۔ ایس طرح ہر اسرائیلی دے سارے پورے ورہے دے پاپ ایس قربانی دے بکرے دے سِر اُتے اپنیاں ہتھاں دے رکھے جان دے بعدوں، وڈاکاہن فیر ایہدا لہو کڈھدا ، ایس لہو نوں بوہتی پاک تھاں اُتے لَے جاندا ، تے ایہنوں خُدا دے عہد دے صندوق اُتے ست واری تراؤنکدا ۔
ایس طرح پرانے عہد نامے دے زمانے وچ خُدا اسرائیلیا ں نال ملاقات کردا سی ۔ اَج خُدا پانی تے رُوح دی خوشخبری وچ ایمانداراں نوں مِلدا اے ، جیہڑی ایہہ اعلان کردی اے پئی یِسُوعؔ ساڈے لئی یوحنا بپتسمہ دین والے کولوں بپتسمہ لےکے ساڈیاں ساریاں پاپاں نوں مُکا چُکیا اے ۔ ایس لئی خُداوندپانی تے رُوح دی خوشخبری دیاں ایمانداراں نوں آکھدا اے ، ”تُسی کوئی پاپ نئیں رکھدے ۔ مَیں تہاڈے سارے پاپ مُکا دِتے نیں ۔ مَیں تہانوں تہاڈے ہر اِک پاپ توں بچا لیا اے۔“وکھریاں اکھراں وچ ، خُداوندایہناں لوکاں اُتے خُدا دا فضل گھلدا اے جیہڑے خُدا دی راستبازی اُتے ایمان رکھدے نیں۔ خُدا دےفضل دا مطلب اوہدا انعام اے ۔ ایہہ ایس سچیائی ول اشارہ کردا اے پئی خُدا باپ نے ایس جگ وچ ہر کسے دے سارے پاپ اپنے پُتر دے حوالے کرکے اپنی راستبازی نوں پورا کیتا اے ۔ ایہدا مطلب ایہہ ہیگا اے پئی جویں پئی یِسُوعؔ ایس جگ دیاں ساریاں پاپاں نوں اپنے موہڈے اُتے چُک کے سولی چڑھیا ، اوہنے ساڈے بدلے ساڈیاں پاپاں دی ساری سزا جری ۔ ایہہ خُدا دی محبت ای اے جیہڑی سرپوش وچ ظاہر ہوندی اے ۔
ساڈاخُداوند، خُدا دا پُتر ، ایس زمین اُتے بندے دے بدن وچ جم کے آیا ، اوہنے اپنے بپتسمے دے راہیں ایس جگ دیاں ساریاں پاپاں نوں قبول کیتا ، ساڈے بدلے سولی اُتے مر گیا ، تریجے دیہاڑے دوبارہ مویاں وچوں جی پیا ، تے اسمان اُتے چڑھ گیا تے خُدا باپ دے تخت دے سجے ہتھ اُتے بہہ گیا۔ خُدا دی راستبازی ایہہ ہیگی اے پئی اوہ سانوں جگ دیاں ساریاں پاپاں توں بچا چُکیا اے ، تے خُدا دا فضل اوہناں لوکاں اُتے ہوندا اے جیہڑے خُدا دی ایس راستبازی اُتے ایمان رکھدے نیں ۔ ساڈا خُدا سانوں ساریاں نوں جیہڑے اوہدی راستبازی اُتے ایمان رکھدے آں آکھدا اے ، ”تُسی میرے لوک او ۔ ہُن تُسی پاپی نئیں رہے۔ مَیں تہانوں بچایا اے ۔ تہاڈے لئی میری محبت اینی بوہتی اے پئی مَیں تہانوں اپنی مرضی نال کسے شرطوں بِنا بچایا اے۔ نا صرف مَیں تہاڈے نال محبت کردا ہاں ، سگوں مَیں اصل وچ تہاڈیاں ساریاں پاپاں نوں جر کے تے تہاڈے لئی اپنی جان دے کےتہانوں اپنی محبت وکھائی اے ۔ ایہہ میری محبت دا ثبوت اے ،تے مَیں ایہہ تہانوں ساریاں نوں وکھایا اے ۔“
خُدا نے اپنے کلام دے راہیں سانوں کیہ وکھایا اے ؟
جد اسی خُدادے کلام ول دھیان کردے آں ، تاں اسی ویکھ سکدے آں پئی بھاویں خُدا ساڈیاں پاپاں دے بارے گل کردا اے ،پر اوہ ایس بارے وی ہورگل کردا اے پئی کویں اوہنے پانی تے رُوح دی خوشخبری دے راہیں سانوں جگ دیاں ساریاں پاپاں تو ں بچایا اے ۔ ساڈے نال ساڈی مکتی دا وعدہ کرن دے بعد ، خُدا نے ساڈیاں ساریاں پاپاں نوں اِک ای واری تے سدا لئی بالکل اوسے طرح مُکا دِتا اے جویں پئی اوہنے وعدہ کیتا سی ، تےایہد ا پورا ہونا پانی تے رُوح دی خوشخبری دے علاوہ کُجھ نئیں ہیگا ۔ پانی تے رُوح دی ایہہ خوشخبری پاک کلام وچ لکھی ہوئی ساڈی مکتی دا ثبوت اے ۔ایہہ خُدا دے کلام وچ لکھی ہوئی پانی تے رُوح دی خوشخبری اُتے ساڈے ایمان دے سبب ہیگا اے پئی اسی اپنیاں ساریاں پاپاں توں بچ سکدے آں ۔ سو ، جد وی اسی اپنے پاک خُداوند دےاگے آؤندے آں ، اسی پانی تے رُوح دی خوشخبری دے راہیں اوہدے نال مِل سکدے آں ، اوہدی مکتی اُتے بھروسہ کر سکدے آں جیہڑی خیمۂ اِجتماع دے پھاٹک دے اسمانی، ارغوانی تےلال رنگ دے دھاگےتےمہین وٹے ہوئے کتان وچ نازل ہوندی اے ۔
پانی تے رُوح دی خوشخبری ساڈے لئی خُداونددا انعام اے ، تے جد تیکر اسی ایس سچی خوشخبری اُتے ایمان رکھدے آں، ساڈا خُداوندساڈے نال مِلے گا ۔ ایہدا مطلب ایہہ ہیگا اے پئی خُداوند صرف اوہناں لوکاں نال مِلدا اے جیہڑے ایہہ ایمان رکھدے نیں پئی اوہ اوہناں نوں جگ دیاں ساریاں پاپاں توں بچاؤن لئی ایس زمین اُتے آیا، پئی اوہنے یوحنا بپتسمہ دین والے کولوں بپتسمہ لے کے اوہناں دے سارے پاپ چُکے ، پئی اوہنے سولی اُتے اوہناں بدلے سزا جری ، تے ایہہ پئی اوہ اوہناں نوں سدا دی زندگی دین لئی دوبارہ مویاں وچوں جیوں پیا ۔ ایس لئی خُدا صرف اوہناں لوکاں اُتے اپنا فضل کردا اے جیہڑے اوہدی راستبازی اُتے ایمان رکھدے نیں ۔ خُدا سانوں آکھدا پیا اے ،”بھاویں تُسی صرف بندے سو ، مَیں تہانوں ساریاں نوں اپنیاں پُتراں تے دھیئاں وانگر کچھڑ چُکیا اے۔ہُن تُسی میرے اپنے نیانے او ۔ ہُن تُسی شیطان دے نیانے نئیں رہے تے نا ای ہُن تُسی صرف عام بندے او۔تُسی میرے اپنے لوک او ۔ مَیں اپنے پُتر یِسُوعؔ دی راستبازی دے راہیں تہاڈیاں ساریاں پاپاں نوں معاف کر دتا اے ۔ ایس لئی مَیں تہانوں اپنے خنوادے وچ لیا اے ، تے میرے اُتے تہاڈے ایمان دے سبب ہُن تُسی سارے میرے اپنے نیانے بن گئے او ۔“ ایس طرح ، خُدا نے سانوں ساریاں نوں اپنی مکتی دا فضل دِتا اے ۔
سرپوش دیاں کڑیاں وچ پائیاں گئیاں چوباں نوں باہر نئیں نکلنا چاہی دا
ساڈے لئی ایہہ چیتا رکھنا بوہت ضروری اے پئی سرپوش نوں اِک تھاں توں لَے کے دوجی تھاں اُتے لَے جان لئی ایہدیاں پاسیاں وچ چوباں سن ۔ تے ایہناں نوں ہر ویلے صندوق توں وکھ نئیں کیتا جانا چاہی دا سی ۔ ایہدا مطلب ایہہ ہیگا اے پئی ہر ایماندار نوں پانی تے رُوح دی خوشخبری اُتے اپنا ایمان قیم رکھنا چاہی دا اے تے اپنے سارے بدن تے دل نال ایہدی خدمت کرنی چاہی دی اے ۔ پر مسئلہ ایہہ ہیگا اے پئی اَج بوہت سارے مسیحی نا صرف پانی تے رُوح دی خوشخبری دی اپنیاں ساریاں بدناں تے دلاں نال خدمت کرن توں مکر دے پئے نیں ، سگوں اوہ ایتھوں تیکر پئی ایس سچی خوشخبری اُتے ایمان وی نئیں رکھدے ۔ بھاویں بے گنتی مسیحی یِسُوعؔ اُتے ایمان رکھن دا اقرار کردے نیں تے ایہناں وچوں بوہت سارے نویں سِریوں جمن دا دعویٰ کردے نیں ، او ہ اپنے آپ نوں ایناں چالاک سمجھدے نیں پئی اوہ پانی تے رُوح دی خوشخبری اُتے ایمان رکھن لئی تیار نئیں ہیگے ۔ خُدا ایہو جیہاں ساریاں غلط مسیحیاں نوں ہدایت کردا پیا اے پئی اوہ پانی تے رُوح دی خوشخبری اُتے ایمان رکھن ۔
خروج ۲۵: ۱۵ فرماؤندااے، ” چوباں صندُوق دیاں کڑیاں اندر لگیاں رہن تے اوس توں وکھریاں نا کیتیاں جان۔“ ایہہ حوالہ سانوں سکھاؤندا اے پئی سانوں پانی تے رُوح دی خوشخبری دی منادی بالکل اِنج ای کرنی اے جویں پئی ایہہ ہیگی اے۔ دوجیاں اکھراں وچ ، سانوں ہر اِک پاپی نوں خیمۂ اِجتماع دے پھاٹک دے اسمانی، ارغوانی تےلال رنگ دے دھاگے دے بھیت دی منادی کرنی چاہی دی اے جیہڑا پانی تے رُوح دی خوشخبری وچ ظاہر ہوندا اے جنہے سانوں جگ دیاں ساریاں پاپاں توں بچایا اے ۔ خُدا نے مُوسیٰ نوں حکم دِتا پئی اوہ خیمۂ اِجتماع بالکل اُنج ای بنائے جویں پئی اوہنوں وکھا یا گیا اے ، تے ایہدا مطلب ایہہ ہیگا اے پئی سانوں یِسُوعؔ اُتے بالکل اوسے طرح ایمان رکھنا چاہی دا اے جویں پئی خُدا دے کلام وچ وکھایا گیا اے ۔ایہدے باوجود ، پر، اَج کل بوہت سارے مسیحی اپنے طریقے نال یِسُوعؔ اُتے ایمان رکھن دا اقرار کردے نیں ،تے اوہدے بپتسمے نوں اپنے ایمان وچوں کڈھ دیندے نیں ۔
خیمۂ اِجتماع دا پھاٹک اسمانی، ارغوانی تےلال رنگ دے دھاگےتےمہین وٹے ہوئے کتان نال بنیا سی ۔ ایہہ پھاٹک خُداوند ولوں بنائے گئے مکتی دے پھاٹک ول اشارہ کردا اے ، تے سانوں ساریاں نوں لازمی صرف پانی تے رُوح دی خوشخبری اُتےبھروسہ کردیاں ہویاں ایہدے وچ جانا چاہی دا اے ۔ایتھے مہین وٹے ہوئے کتان دا مطلب خُدا دا کلام اے ۔ خُدا دا کلام اوہدے تقریباً ۴۰ خادماں نال بولیا گیا سی ۔ خُدا نے اپنے خادماں نوں ۱۵۰۰ ورہے تیکر نبُوّت دا کلام دِتا سی ، تے اوہنے اپنے ویلے اُتے ہر پیشین گوئی نوں اپنے بدن نال پوراکیتا ۔ دوجیاں اکھراں وچ ، خُداو ند نے پانی تے رُوح دی خوشخبری دے راہیں ساڈی مکتی نوں اِکو واری تے سدا لئی پورا کیتا اے ۔
دُکھ والی گل اے ، پر ، ایس جگ وچ بوہت سارے مسیحی نیں جیہڑے نا تاں خُدا دے کلام اُتے ایمان رکھدے نیں تے نا ا ی ایہدی بالکل ٹھیک منادی کردے نیں ۔ فیر تُہاڈے بارے کیہ خیال اے ؟ کیہ تُسی پانی تے رُوح دی خوشخبری اُتے ایمان رکھ کے پاپا ں دی معافی پائی اے؟ جے تُسی سچ مُچ پانی تے رُوح دی خوشخبری اُتے ایمان رکھ کے پاپاں توں معافی پائی اے ، تاں تہانوں ایس خوشخبری دی منادی بالکل ایسے طرح کرنی چاہی دی اے جویں پئی خُدا دے کلام وچ لکھیا اے ۔
مکتی دا فضل جیہڑا ساڈے خُداوند نے سانوں دِتا اے اوہ ساڈیاں ساریاں غلطیاں توں وڈا اے
پاک کلام دسدا اے پئی جویں اِک بندے دے پاپ دے سبب بوہت سارے لوک پاپی ٹھہرے ، ایسے طرح ، بوہت سارے لوک اِک بندے ، ساڈے خُداوند یِسُوعؔ مسیح دی راستبازی نال راستباز بن گئے نیں ۔ ایہہ اِک بندے ،آدم، دے پاپ دے سبب ہیگا اے پئی تُسی پاپی بن گئے ۔ دوجیاں اکھراں وچ ، تُسی اپنے آپ پاپی بن جاندے او ایس لئی پئی تُسی آدم دے نیانیاں وانگر جمے سو ۔ ایس لئی پئی آدم تے حوا نے خُدا دے خلاف پاپ کیتا ،اسی سارے جماندرُو پاپی بن گئے ۔
پر، خُدا دافضل جیہڑا یِسُوعؔ مسیح نے ساڈے اُتے کیتا اے اوہ ساڈیاں ساریاں غلطیاں توں بوہت چوکھا اے ۔بھاویں اسی ایس زمین اُتے بِنا گنتی پاپ کیتے نیں تے مرن ویلے تیکر کردے رہواں گے ، پر خُداوندنے ایہناں ساریاں پاپاں نوں وی اِکو ای واری تے سدا لئی خُدا دی راستبازی نال مُکا دِتا اے جیہڑی اوہنے پوری کیتی سی ۔ اسمان اُتے جلالی تخت نوں چھڈ کے ، ساڈا خُداوندبندیاں والے بدن وچ پیدا ہوکے ایس زمین اُتے آیا ؛ یوحنا بپتسمہ دین والے کولوں لَئے گئے بپتسمے دے راہیں اوہنے ایس جگ دے سارے پاپ اِکو ای واری تے سدا لئی چُک لَئے؛ اوہنے ساڈے بدلے سولی اُتے اپنا لہو وگایا ؛ تے مکتی دے ایس کم دے راہیں ،ساڈے خُداوند نے اوہناں ساریاں پاپاں نوں مُکا دِتا اے جیہڑے اسی کدی کیتے نیں تے کراں گے ۔ اوہنے ہر سمجھ وچ آؤن والے پاپ نوں مُکا دِتا اے ، ایتھوں تیکر پئی اوہناں لوکاں دے پاپ جیہڑے حالے تیکر ایس جگ وچ پیدا نئیں ہوئے تے اوہناں بِنا گنتی پاپاں نوں جیہڑے حالے تیکر نئیں کیتے گئے ۔ ایس زمین اُتے آ کے ، ساڈےخُداوندنے خیمۂ اِجتماع دے پھاٹک وچ ظاہر ہون والی اسمانی، ارغوانی تےلال رنگ دے دھاگے دی مکتی نال ساڈیاں ساریاں پاپاں نوں دھو کے سانوں کامل بنادِتا اے ۔ سو، ایہہ مکتی جیہڑی یِسُوعؔ مسیح ایس زمین اُتے ساڈیاں ساریاں پاپاں نوں مُکا کے ساڈے کول لیایا ، ساڈیاں ایہناں ساریاں پاپاں تے غلطیاں توں بوہت چوکھی اے جیہڑیاں اسی اِک بندے دے پاپ دے سبب کر چُکے آں تے کراں گے ۔ ایس لئی پئی اسی پانی تے رُوح دی خوشخبری اُتے ایمان لیا کے راستباز بن گئے آں ۔ اسی پانی تے رُوح دی خوشخبری اُتے اپنے ایمان دے راہیں مکمل طور اُتے بے پاپ بن گئے آں ۔
خُدانے ساڈے نال سرپوش اُتے مِلن دا وعدہ کیتا
بوہتی پاک تھاں اُتےواقع عہد دے صندوق اُتے دو کرُّوبی اپنیاں پَراں نوں کھلارے ہوئے اپنے مُنھ سرپوش ول کیتے ہوئے سن۔ اسی اوتھے کیہ ویکھ سکدے آں ؟اسی لہو ویکھ سکدے آں ۔ ایہہ لہو کیہدا اے ؟ پرانے عہد نامے دے زمانے وچ ، ایہہ قربانی دے پشُو دا فدیے دا لہو سی ۔ نویں عہد نامے دے زمانے وچ ، ایہہ یِسُوعؔ مسیح دا لہو اے ۔ دوجیاں اکھراں وچ ، جیہڑا لہو اسی سرپوش اُتے ویکھدے آں اوہ خُداباپ دے پُتردا لہو اے ۔ ایہہ قربانی دا لہو اے جیہڑا یِسُوعؔ نے اپنے بپتسمہ دے راہیں ساڈیاں ساریاں پاپاں نوں جرن دے بعد سولی اُتے وگایا سی ۔ تے ایس قربانی دےسبب ، جیہڑا وی خُدا دے پُتر دے بپتسمے تے اوہدے لہو اُتے ایمان رکھدا اے اوہ پاپاں دی معافی پا سکدا اے ۔ خُد ا ایہہ اعلان کردا اے پئی اوہ سارے لوک جیہڑے پانی تے رُوح دی خوشخبری نوں سمجھدے نیں تے ایس اُتے ایمان رکھدے نیں اوہ کوئی پاپ نئیں رکھدے ۔ اوہ اوہناں نوں اپنے لوک وی بناؤندا اے ۔ ایہہ سرپوش اُتے ظاہر ہون والی سچیائی اے ۔
جد وی اسی پانی تے رُوح دی خوشخبری دی منادی کردے آں ،تاں سانوں ایہدی منادی بالکل ایسے طرح کرنی پوے گی جویں پئی ایہہ پاک کلام وچ لکھی اے ۔ ساڈے وچوں کسے نوں وی کدی وی پانی تے رُوح دی خُدا دی خوشخبری دی منادی یا خدمت خراب طریقے نال نئیں کرنی چاہی دی ۔ ہر کوئی مکتی پاسکدااے جے اوہ صرف پانی تے رُوح دی خوشخبری سُنے جیہدی ساڈے ولوں منادی کیتی گئی اے تے اپنے سچے دلوں ایس اُتے ایمان رکھے۔ پر، ایہدے باوجود کُجھ مسیحی سانوں مخول کردے نیں ، آکھدے نیں پئی جیہڑاکوئی وی یِسُوعؔ اُتے ایمان رکھدا اے اوہ پاپ توں بغیر اے ، بھاویں اوہ کسے طرح وی ایمان رکھے ۔سو، اوہ دعویٰ کردے نیں پئی پانی تے رُوح دی خوشخبری نوں جانن تے ایس اُتے ایمان رکھن دی سچ مُچ کوئی لوڑ نئیں ہیگی ۔
پر کیہ کوئی سچ مُچ کسے نا کسے طرح یِسُوعؔ دے ناں اُتے ایمان رکھ کے بے پاپ بن سکدا اے ؟ کیہ تہاڈے پاپ سچ مُچ صرف انھا ایمان رکھ کے مُک جاندے نیں پئی یِسُوعؔ نوں تہاڈے بدلے سولی چاھڑیا گیا تے موت دی سزا دِتی گئی ؟ نئیں بالکل نئیں ! حالے وی اَ ج کل بوہت سارے مسیحی یِسُوعؔ اُتے ایس طرح انھا ایمان رکھدے نیں ، ایس لئی پئی اوہ ایہہ سُن کے خوش ہوندے نیں پئی اوہ بے پاپ ہو گئے نیں بھاویں ایہہ اصل وچ ٹھیک نئیں اے ۔ ایہہ گل سمجھ وچ آسکدی اے پئی اینے سارے مسیحی راکھی دے ایس جھوٹھے احساس وچ کیوں دھیان کردے نیں ؛ کُجھ وی ہوئے ، جے تُسی جیل وچ ہوندے تے حکومت تہانوں معافی دے دیندی تاں تُسی وی بوہت خوش ہوندے ۔لازمی مسئلہ ایہہ ہیگا اے پئی ایہہ معافی اصلی نئیں ہیگی ۔
پاک کلام صاف طریقے نال فرماؤندا اے ،’’تےتُسی سچیائی نُوں جانوگے تےسچیائی تُہانوں اَزاد کرے گی ‘‘(یوحنا ۸ :۳۲)۔بندیاں دیاں پاپاں دا فدیہ پاؤن دا طریقہ کیہ اے؟ اوہ سدا دی زندگی کویں پا سکدے نیں؟ اوہ خیمۂ اِجتماع دے پھاٹک دے اسمانی، ارغوانی تےلال رنگ دے دھاگےوچ ظاہر ہون والی سچیائی اُتے ایمان رکھن نال پاپاں دی معافی تے سدا دی زندگی پا سکدے نیں ، یعنی پانی تے رُوح دی خوشخبری اُتے ۔ صرف اوہو ای جیہڑے ایس سچی خوشخبری اُتے ایمان رکھدے نیں خُدا دے نیانے بن سکدے نیں ۔
پانی تے رُوح دی خوشخبری ای خُدا دی خوشخبری اے ، تے ساڈا ساریاں دا فرض اے پئی ایمان نال ایس سچی خوشخبری دی منادی کرئیے تے ودھائیے۔ ہُن اسی پانی تے رُوح دی خوشخبری اُتے ایمان رکھ کے رُوحانی اسرائیلی بن گئے آں۔ پانی تے رُوح دی ایہہ خوشخبری گھٹوگھٹ دو یا ایس توں بوہتیاں لوکاں دے کامل اِکٹھ نال پیش کیتی جانی چاہی دی اے ۔ جد وی اسی پانی تے رُوح دی خوشخبری دی منادی کردے آں ، تاں سانوں لازمی مکتی دی سچیائی دی منادی کرنی چاہی دی اے جیہڑی خیمۂ اِجتماع دے پھاٹک دے اسمانی، ارغوانی تےلال رنگ دے دھاگے وچ ظاہر ہوندی اے ۔ خُداوند نے خُدا دی راستبازی نوں بالکل اوسے طرح پورا کیتا جویں اوہنے ساڈے نال وعدہ کیتا سی ۔ ایہہ راستبازی سچیائی اے پئی یِسُوعؔ نے ساڈیاں ساریاں پاپاں نوں مُکا دِتا اے تے ایس زمین اُتے آکے ، یوحنا بپتسمہ دین والے کولوں بپتسمہ لے کے، سولی اُتے مر کے ، مویاں وچوں جیوں کے ، تے اسمان اُتے چڑھ کے سانوں اپنیاں ایمانداراں نوں بچایا اے ۔ سانوں پانی تے رُوح دی ایس خوشخبری دی منادی ایسے طرح کرنی چاہی دی اے جویں ایہہ ہیگی اے ، تے جیہڑے لوک ایس خوشخبری نوں سُن دے نیں اوہناں نوں لازمی ایس اُتے ایمان رکھنا چاہی دا اے جویں پئی ایہہ اوہناں دی مکتی تیکر اَپڑن لئی اے ۔ مَیں ایس گل اُتے بوہت چوکھا زور نئیں دے سکدا پئی ساڈے ساریاں لئی پانی تے رُوح دی خوشخبری دی منادی کرنا کِناں ضروری اے ۔ جد اسی ایس سچی خوشخبری دی منادی کردے آں تاں پاک رُوح ساڈے سُنن والیاں نوں مکتی دین لئی کم کردا اے ۔
پانی تے رُوح دی خوشخبری ساڈی مکتی اے ۔ ایہہ ساڈا فدیہ اے ۔ ایہہ پانی تے رُوح دی خوشخبری دے نال اے پئی خُدا نے ساڈیاں ساریاں پاپاں نوں سدا لئی مُکا دِتا اے ۔ ساڈا ہر اِک پاپ یِسُوعؔ اُتے اوس بپتسمے دے راہیں لدیا گیا جیہڑا اوہنے یوحنا بپتسمہ دین والے کولوں لیاسی ، تے ایس طرح ساڈیاں ساریاں پاپاں دا فدیہ دِتا گیا سی ۔ ایس توں علاوہ ، نا صرف ساڈے خُداوند نے ساڈیاں ساریاں پاپاں نوں جریا ، سگو ں اوہ ساڈے بدلے مرن تیکر سولی اُتے وی چاھڑیا گیا، اوہنے اپنا لہو وگایا جیہڑا اسی آپ وگاؤنا سی تے ایس لعنت نوں جریا جیہڑی سانوں جرنی چاہی دی سی ۔ ایس طرح یِسُوعؔ ساڈے وچوں ہر کسے نوں ساڈیاں ساریاں پاپاں تے لعنتاں توں بچا چُکیا اے ۔ ایہہ اوہ مکتی اے جیہڑی خُدا ساڈے لئی لیایا، تے ایہہ اوہدی محبت اے ۔ ایس لئی تہانوں مکتی دی ایس سچیائی اُتے بالکل ایسے طرح ایمان رکھنا چاہی دا اے جویں پئی ایہہ ہیگی اے تے ایمان نال ایہدی منادی کرنی چاہی دی اے ۔
ساڈاخُداونداوہناں ساریاں دا مکتی داتا اے جیہڑے اوہدی راستبازی اُتے ایمان رکھدے نیں ۔ پانی تے رُوح دی خوشخبری اُتے ساڈے ایمان نال ای سانوں خُدا دے اگے آؤنا چاہی دا اے ۔جد اسی سرپوش
دے اگے کھلوندے آں تے اپنے خُداونددا قربانی دا لہو خُدا اگے چاھڑدے آں ، تاں سانوں ایمان نال اوہدے کول جانا چاہی دا اے ، اوہنوں ایہہ آکھدیاں ہویاں ،”خُدا،تیرے پُتر یِسُوعؔ مسیح دے لہو نے مینوں میریاں ساریاں پاپاں توں بچایا اے ۔ “ ایہہ اودوں ای ہیگا اے پئی خُداآکھدا اے ، ”آہو، سچ مُچ مَیں تہانوں بچایا اے۔ تہاڈے نال میری محبت اینی چوکھی اے پئی مَیں آپ تہانوں بچایا اے ۔ “ خُداوند ساڈا مکتی داتا اے ۔ اوہنے اوہناں ساریاں لوکاں نوں اپنے سُنن والے دِتےنیں جیہڑے خُدا دی راستبازی اُتے اپنے ایمان رکھ کے اوہدے کول آؤندے نیں ۔ تے اوہنے سانوں تے اوہناں ساریاں لوکاں نوں جیہڑے پانی تے رُوح دی خوشخبری نوں اپنیاں دلاں وچ قبول کردے نیں خُدا دے اپنے نیانے بنن دا حق دِتا اے ۔ خُدا نے سانوں ساڈیاں ساریاں لعنتاں ، ساڈیاں ساریاں سزاواں ،تے ساڈی ساری بربادی توں مکتی دتی اے ۔ اوہنے سانوں ، اوس اُتے ایمان رکھن والیاں نوں کامل طریقے نال بے پاپ بنا دِتا اے ۔ اوہنے سانوں سدا دی خوشی دِتی اے ۔ تے ایہہ خُدادا فضل ای اے جیہڑا سرپوش اُتے نازل ہوندااے ۔
ایہہ سرپوش توں اے پئی خُدا نے ساڈے اُتے اپنی مکتی دا فضل گھلیا اے ۔ سو سانوں ساریاں نوں خُدادی راستبازی اُتے بھروسہ کردیاں ہویاں فضل دے تخت اُتے آؤنا چاہی دا اے ۔ ایس توں کوئی فرق نئیں پیندا پئی تُسی کِنے ای پاپی تے بدکار کیوں نا ہووو، فیر وی تُسی مکتی دی سچیائی اُتے ایمان رکھ کے اپنیاں ساریاں پاپاں دی معافی پا سکدے او جیہڑی خیمۂ اِجتماع دے پھاٹک دےاسمانی، ارغوانی تےلال رنگ دے دھاگے وچ ظاہر ہوندی اے—یعنی ، یِسُوعؔ دے بپتسمے ، اوہدے لہو ، تے اوہدے جی اُٹھن وچ ۔تہانوں لازمی ایس طرح ایمان نال خُدادے اگے آؤنا چاہی دااے ، بالکل اوس مکتی دی شریعت دے مطابق جیہڑی خُدانے پانی تے رُوح دی خوشخبری نال قیم کیتی اے ۔تہانوں لازمی خُدا کول اوہدی راستبازی اُتے بھروسہ کردیاں ہویاں آؤنا چاہی دا اے ۔ تہانوں لازمی ایمان رکھنا چاہی دا اے پئی خُداوند ساریاں پاپیاں نوں بچاؤن لئی ایس زمین اُتے آیا سی ، پئی اوہنے یوحنا بپتسمہ دین والے دے راہیں بپتسمہ لے کے ساریاں لوکاں دیاں ساریاں پاپاں نوں اِکو واری تے سدا لئی چُک لیا ، تے ایہہ پئی اوہنے تہاڈیاں ساریاں پاپاں لئی سولی اُتے مر کے سزاجری ۔تہانوں لازمی ایمان رکھنا چاہی دا اے پئی خُداوند نے یوحنا بپتسمہ دین والے کولوں لَئے گئے اپنے بپتسمہ اُتے ایمان رکھ کے تہاڈے سارے پاپاں نوں اِکو واری تے سدا لئی اپنے اُتے چُک لیا ، خُداوندنوں ایہہ آکھدیاں ہویاں ،”خُداوند،مَیں ہر اوس شے اُتے ایمان رکھدا ہاں جیہڑی تُسی مینوں میریاں ساریاں پاپاں توں بچاؤن لئی کیتی اے!“صرف او س ویلے جد تُسی ایس ایمان نال خُدا دے کول آؤندے او تاں تُسی اپنی مکتی تیکر اَپڑ سکدے او ۔
جے تُسی خُداونددی راستبازی اُتے ایمان رکھنا چاؤہندے او تے پاپاں دی معافی پاؤنا چاؤہندے او ، تاں تہانوں لازمی مکتی دی سچیائی اُتے ایمان رکھنا چاہی دا اے جیہڑی خیمۂ اِجتماع دے پھاٹک دےاسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہوندی اے ۔ ایہدا سبب ایہہ ہیگا اے پئی پاپاں دی معافی صرف اوس ویلے مِلدی اے جد تُسی پانی تے رُوح دی خوشخبری نوں ٹھیک طریقے نال جان دے تے ایس اُتے ایمان رکھدے او ۔ جے تُسی خُداوند نال مِلنا چاؤہندے او تے اوہدیاں برکتاں پاؤنا چاؤہندے او ، جے تُسی سچ مُچ خوش رہنا چاؤہندے او، تے جے تُسی خُدا ول پرتنا چاؤہندے او تے اوہدے نال اوہدیاں پیاریاں بندیاں وانگر زندگی گزارنا چاؤہندے او، تاں تہانوں لازمی ایمان رکھنا چاہی دا اے پئی تہانوں جگ دیاں ساریاں پاپاں توں بچاؤنا اے پئی ، خُداوندنے یوحنا بپتسمہ دین والے دے راہیں بپتسمہ لے کے ساریاں لوکاں دے ہر اِک پاپ نوں قبول کیتا ، پئی اوہ جگ دیاں ایہناں ساریاں پاپاں نوں چُک کے مرن لئی سولی چاھڑیا گیا ، تے ایس طرح اوہنے تہانوں تہاڈیاں ساریاں پاپاں توں مکتی دِتی ۔ جے تُسی مکتی دی ایس سچیائی اُتے ایمان رکھدے او تے خُدا دی مکتی نوں قبول کردے او ، تاں تُسی لازمی مکتی پا جاؤ گے۔ جد وی اسی پانی تے رُوح دی خوشخبری دی منادی کردے آں تاں ساڈے لئی ایس گل نوں یاد رکھنا بوہت ضروری اے۔
خُدا سانوں دسدا اے پئی پانی تے رُوح دی خوشخبری ای پاک کلام وچ لکھی گئی اِکو سچی خوشخبری اے ۔ خیمۂ اِجتماع وچ چڑھاوے دیاں روٹیاں دی میز اُتے دھیان کرو۔ چڑھاوے دیاں روٹیاں دی میزدا مطلب خُدا دا کلام اے ۔ ایسے طرح ، صرف جد تہاڈا دل خُدا دے کلام وچ لکھی ہوئی پانی تے رُوح دی خوشخبری اُتے ایمان رکھدا اے تاں ، تہانوں پاپاں دی معافی مِل سکدی اے ۔
بہرحال ، اَج دے برائے ناں”مشہور مناد“ مکتی دی تعلیم کویں دیندے پئے نیں ؟ اوہ دعویٰ کردے نیں پئی کوئی وی مکتی پا سکدا اے جے اوہ یِسُوعؔ اُتے اپنے مکتی داتا وانگر کسے وی طرح ایمان رکھدا اے ۔ اوہ آکھدے نیں پئی اوہ سارے جیہڑے سولی اُتے یِسُوعؔ دے لہو اُتے ایمان رکھدے نیں مکتی یافتہ نیں ۔ پر ، جے تُسی یِسُوعؔ اُتے ایس طرح انھا ایمان رکھدے او ، تاں تُسی اپنی زندگی وچ جیہڑے پاپ کیتے نیں اوہناں وچوں کوئی وی اصل وچ غائب نئیں ہویا اے ۔ اَج دیاں بوہتیاں مسیحیاں کول اوہناں دے سارے پاپ ہُن وی اوہناں دیاں دلاں وچ محفوظ نیں ۔ ایس لئی پئی ایہہ غلط مسیحی یِسُوعؔ دے بپتسمے نوں چھڈیاں ہویاں صرف اکھاں بند کر کے یِسُوعؔ اُتےایمان رکھدے نیں جیہڑا اوہنے یوحنا بپتسمہ دین والے کولوں لیا سی ، ایس لئی اوہناں دیاں دلاں دا کامل طریقے نال بے پاپ ہونا اوکھا اے ۔ ایہدا سبب ایہہ ہیگا اے پئی اوہناں نیں کدی وی اپنے پاپ یِسُوعؔ مسیح اُتے نئیں لدے ۔ ایس گل نال کوئی فرق نئیں پیندا پئی اوہ یِسُوعؔ اُتے کِنے ای جوش نال ایمان رکھدے نیں ، اوہ اپنیاں دلاں دیاں پاپاں نوں نئیں مکا سکدے ۔ بھاویں اوہ سارے سولی اُتے یِسُوعؔ دے لہو اُتے ایمان رکھن دا دعویٰ کردے نیں ، پر اوہناں دی رُوحانی حالت پہلوں ورگی ای رہندی اے، ایس لئی پئی اوہ خیمۂ اِجتماع دے پھاٹک دے اسمانی دھاگے وچ نازل ہون والی مکتی دی سچیائی نوں نئیں جان دے ۔ دوجیاں اکھراں وچ ، ایس لئی پئی ایہہ بھٹکے مسیحی اوس بپتسمے دے مطلب نوں نئیں جان دے جیہڑا یِسُوعؔ نے یوحنا بپتسمہ دین والے کولوں لیا سی ، ایس لئی اوہناں دے پاپ حالے وی اوہناں دیاں دلاں وچ ہیگے نیں ، تے اوہ آپ پہلوں وانگر پاپی ای نیں ۔
خُدا نے ساڈیاں ساریاں پاپاں نوں پانی ، لہو تے رُوح نال صاف طریقے نال مُکا دِتا اے ۔ (۱- یوحنا ۵ :۶-۸)۔اپنے پاک کلام دی سچیائی نال خُدا دے وعدے دے کلام نوں پورا کرکے ، یِسُوعؔ نے سانوں لازمی طور اُتے تے بِنا شک بچایا اے ۔ وکھریاں اکھراں وچ ، یِسُوعؔ سانوں اپنے پانی ، اپنے لہو تے رُوح نال اِکو ای واری ساڈیاں ساریاں پاپاں توں سدا لئی بچا چُکیا اے جیہڑے خیمۂ اِجتماع دے پھاٹک دےاسمانی، ارغوانی تےلال رنگ دے دھاگے وچ ظاہر ہوئے سن ۔ پاک رُوح ساڈا خُدا اے ۔ پاک رُوح جیہڑی شے دی گواہی دیندا اے اوہ ایہہ ہیگی ا ے پئی یِسُوعؔ اصلی خُدا اِک بندہ بن گیا ، اوہنے یوحنا بپتسمہ دین والے کولوں اپنا بپتسمہ لیا ، تے سولی اُتے اپنا لہو وگایا تاں پئی ساڈے بدلے ساڈیاں پاپاں دی سزا جرے ۔ اوہنے سانوں ساریاں نوں ایس طرح بچایا اے ۔ فیر وی ، ایس سچیائی دے باوجود پئی یِسُوعؔ نے پانی تے رُوح دی خوشخبری دے راہیں سانوں ساڈیاں ساریاں پاپاں توں بچایا اے ، گنتی توں باہر مسیحی ہُن وی پاپی ای رہندے نیں ، کوئی معنی نئیں رکھدا پئی اوہ یِسُوعؔ اُتے کِنے ای جوش نال اپنے مکتی داتا وانگر ایمان رکھدے نیں ، سارا کُجھ ایس لئی اے کیوں جو اوہ خُداوند اُتے بپتسمے نوں کڈھدیاں ہویاں جیہڑا اوہنے یوحنا بپتسمہ دین والے کولوں لیا سی انھا ایمان رکھدے نیں ۔
سو ایہہ ساڈے ساریاں لئی بوہت ضروری اے پئی اسی نا صرف پانی تے رُوح دی خوشخبری دے مطابق یِسُوعؔ مسیح اُتے ایمان رکھیے ، سگوں جویں پئی پاک کلام وچ لکھیا ہویا اے بالکل اوسے طرح ہر کسے اگے ایمان نال ایہدی منادی وی کرئیے ، بالکل جویں پَولُس رسول نے کیتا سی ۔ پَولُس نے ۱- کرنتھیوں ۱۵: ۳-۴ وِچ فرمایا: ” سو مَیں سبھناں توں پہلاں تُہانوں اوہو گلّ اپڑا دِتّی جیہڑی مَینُوں اَپڑی۔ پئی مسِیح پاک کتاب دے سببّوں ساڈیاں گُناہاں دے لئی مویا۔ تے دفن ہویا تے ترِیجے دِن پاک کتاب دے سببّوں جی اُٹھیا۔ “ جد پَولُس ذکر کردااے، ” مسِیح پاک کتاب دے سببّوں ساڈیاں گُناہاں دے لئی مویا،“ایتھے لکھے گئے اکھر” پاک کتابِ“ پرانے عہد نامے دا حوالہ دیندے نیں ایس لئی پئی اوس ویلے نواں عہد نامہ حالے سارے طریقے نال نئیں دِتا گیا سی ۔ فیر پَولُس آکھدا پیا اے پئی یِسُوعؔ نے مسیح نے بالکل پرانے عہد نامے دی قربانی دی ریِت مطابق جگ دیاں ساریاں پاپا ں دا فدیہ دے دِتا اے ۔ ایہہ ایس لئی ہیگا اے پئی یِسُوعؔ نوں یوحنا بپتسمہ دین والے نیں بپتسمہ دِتا سی پئی اوہنے سولی اُتے مرن لئی اپنا لہو وگایا ۔
ایس لئی خُداوند نے اپنے بپتسمے دے راہیں ساڈیاں ساریاں پاپاں نوں چُک لیا پئی اوہنوں مرن تیکر سولی چاھڑیا گیا سی ، تے سولی اُتے ایہہ موت ساڈیاں ساریاں سزاواں نوں جرن دے سبب سی ۔ ایس طرح یِسُوعؔ مسیح ایس زمین اُتےآکے ساڈا مکتی داتا بن گیا ۔ ایس لئی خُدا دی پاپاں دی معافی اوہنوں ملے گی جیہڑا پانی تے رُوح دی خوشخبری اُتے ایمان رکھدا اے ۔ ایہہ سدا دی مکتی پہلوں ای اوہناں ساریاں لوکاں وچ آ گئی اے جیہڑے پانی تے رُوح دی خوشخبری اُتے ایمان رکھدے نیں ۔
ہیلیلویاہ !
Copyright © 2021 by The New Life Mission