በኮቪድ-19 እና በዓለም አቀፉ የመላላኪያ አገልግሎት መዛባት ምክንያት ‹ነጻ የታተመ መጽሐፍ አገልግሎታችንን› ለጊዜው አቋርጠናል፡፡
በዚህ ሁኔታ ምክንያት በዚህ ጊዜ መጽሐፎቻችንን ለእናንተ መላክ አንችልም፡፡
ይህ ወረርሽኝ በቅርቡ እንዲያበቃና የፖስታ አገልግሎት እንዲጀምር ጸልዩ፡፡
ይህ ወረርሽኝ በቅርቡ እንዲያበቃና የፖስታ አገልግሎት እንዲጀምር ጸልዩ፡፡
مضمون 3: پانی تے رُوح دی خوشخبری
[3-5] نویں سِریوں جمن دی اصل خوشخبری دا مطلب <یوحنا ۳: ۱ ۔ ۶>
>یوحنا ۳: ۱ ۔ ۶>
”فریسیاں وِچوں اِک بندہ نیکُدیمُس ناں دا یہودیاں دا اِک سردارسی ۔اوہنے رات ویلے یسوع کول آکے اوہنوں آکھیا،اُستاد جی سانُوں پتہ اے پئی تُوں خُدا وَلوں اُستاد بن کے آیاں ایں کیوں جے جیہڑیاں کراماتاں تُوں وکھاؤندا ایں کوئی بندہ نئیں وکھا سکدا جدوں تیک خُدا اوہدے نال نہ ہووے ۔ یسوع نے جواب وِچ اوہنوں آکھیا میَں تینوں سچ آکھدا آں پئی جدوں تیکر کوئی نویں سِریوں نہ جمیں اوہ خُدا دی بادشاہی نوُں ویکھ نئیں سکدا ۔نیکُدیمُس نے اوہنوں آکھیا بندہ جدوں بُڈھاہوگیا تے کویں جم سکدااے ؟کیہ اوہ دوبارہ اپنی ماں دے ٹڈھ وِچ وڑکے جم سکدا اے ؟یسوع نے جواب دِتا پئی میَں تینوں سچ آکھدا ہاں جدوں تیکر کوئی بندہ پانی تے رُوح نال نہ جمیں اوہ خُدا دی بادشاہی وِچ وڑ نئیں سکدا ۔جیہڑا پِنڈے وِچوں جمیا اے پِنڈا اے تے جیہڑا رُوح توں جمیا اے رُوح اے ۔“
پاک کتاب دے مطابق نویں سِریوں جمن داکیہ مطلب اے؟
کیہ نویں سِریوں جمن دا تعلق پنڈےدے جذبےتے تبدیلی نا ل اے؟
نئیں ۔ نویں سِریوں جمن دا تعلق رُوح دی تبدیلی نال اے ۔ ایہہ اِک پاپی لئی اِک بے پاپ بندے وانگر نویں سِریوں جمنا اے
ایس جگ وِچ ،بوہت سارے نیں جیہڑے صرف یسوع اُتے ایمان رکھن دے راہیں نویں سِریوں جمنا چاہندے نیں ۔پر، میَں پہلاں تُہانُوں دسنا چاہواں گا پئی نویں سِریوں جمنا ساڈے اُتے منحصر نہیں ہیگا ، دوجے اکھراں وِچ ،ایہہ کُجھ اِنج اے ،جیہڑا صرف کماں دے راہیں اِک نتیجے دے وانگر واقع نئیں ہو سکدااے ۔
بوہتے مسیحی ایہہ غلط خیال رکھدے نیں ۔ اوہ ایمان رکھدے نیں پئی اوہناں نُوں نویں سِریوں جمن دایقین ہُندااے ۔ اوہ تھلے دِتیاں گئیاں وجہاں دے راہیں ،دوجیاں دے وِچکا ر ایہوجیہا ایمان رکھدے نیں ۔کئی مکتی لئی بوہت سارے نویں گرجیاں دیاں عمارتاں بناؤن دے راہیں ہتھ پیر ماردے نیں،کئی اپنے آپ نُوں مسیح دی منادی لئی مشنری وانگر اوہناں لوکاں وِچ جِتھے ہُن تیک اوہدا کلام نئیں اَپڑیا دُور دریڈیاں تھاواں لئی اپنے آپ نوں ایس نانویں لا ؤندے نیں، تے ہُن تیک دُوجےویاہ کرن توں مُکر دے نیں تے اپنی ساری طاقت اوہناں کماں نُوں کرن وِچ لادیندے نیں ،جیہدااوہ یقین رکھدے نیں پئی ایہہ خُدا دا کم اے ۔
ایہو ای سب کُجھ نئیں ۔اوتھے ہو روی لوک نیں جیہڑے اپنی کلیسیا لئی بوہت وڈی رقم انعام وِچ دیندے نیں،یا ں اوہ خُورے ہر دیہاڑے اپنے گرجے دا فرش صاف کردے نیں ۔ اپنا سب کُجھ ،مطلب اے اوہ اپنا ویلا تے جائیداد کلیسیادے نانویں لاؤندے نیں ۔اوہ ایمان رکھدے نیں پئی ایہہ ساریاں کوششاں اوہناں لئی حیاتی دا تاج جِتن گئیاں ۔اوہ آس رکھدے نیں پئی خُدا اوہناں دے ہتھ پیرمارن نُوں پچھانےگا تے اوہناں نُوں نویں سِریوں جمن دی اجازت دیوے گا ۔
خاص گل ایہہ اے پئی بوہت سارے نیں اپنے آپ نُوں ایس نانویں لایا اے جیہڑے نویں سِریوں جمنا چاہندے نیں ۔ اوہ ہرتھاں تے موجود نیں ۔اوہ یہ آس رکھ کے ،بوہت محنت کردے نیں پئی کسے دیہاڑے خُدا اوہناں نُوں برکت دیوے گا تے نویں سِریوں جمن دی اجازت دیوے گا ۔ اوہ بوہت سارے بڑیاں قِسماں دے مذہبی اِداریاں ، سیمنریاں شفاخانیاں وِچ پائے جاندے نیں ۔ ایہہ بوہت وڈی بے نصیبی اے پئی اوہ نویں سِریوں جمن دے بارے وِچ سچ نُوں نئیں جان دے۔
اوہ اپنے عملاں دیاں واریاں وِچ ایہہ سب کُجھ سوچدے نیں ،”جے میَں ایہہ بڑے پک نال کردا ہاں ،میَں نویں سِریوں جم پواں گا ۔“ایس لئی اوہ اپنیاں ساریاں کوششاں ایناں کماں وِچ لاؤندے نیں ،ایمان رکھدیاں ہویاں پئی اوہ نویں سِریوں جمن دی ضروری بُنیاد رکھدے پئے نیں تے سوچدیاں ہویاں ،” میَں وی، کسے دیہاڑے ،پادری ویسلے !وانگر نویں سِریوں جم پواں گا!“یوحنا ۸ : ۳ پڑھدے ہویاں، اوہ ایس آیت دی ایس مطلب دے لئی تشریح کردےنیں پئی کوئی نئیں دَس سکدا پئی نویں سِریوں جمن دی برکت کِتھوں آؤندی پئی اے یاں ایہہ کِتھے جاندی پئی اے ۔
ایس لئی اوہ صرف آساں اُتے بوہت محنت کر سکدے نیں پئی یسوع اوہناں نُوں کسے دیہاڑے نویں سِریوں جمن دی اجازت دیوے گا ۔بوہتے لوک جیہڑے سوچدے نیں ،”جے میَں اِنج کرن دی کوشش جاری رکھدا ہاں ،یسوع مینوں کسے دیہاڑے نویں سِریوں جمن دی اجازت دیوے گا۔ میَں ایتھوں تیک پئی ایہدے توں خبردار ہوئیوں اَڈ نویں سِریوں جمن پواں گا ۔ کسے سویرے میَں سوکھے طریقے نویں سِریوں جم کے اُٹھاں گا تے جاناں گا پئی میرا لیکھ اَسمان لئی اے۔ “ ایہوجیہاں آساں تے ایمان کنے بے پھل نیں!
اَسیں کدی وی ایس طریقے نال نویں سِریوں جم نئیں سکدے !اَسیں کدی وی شراب تے سگریٹ توں دُور رہیاں یاں بڑی باقاعدگی نال گرجے وِچ جان دے راہیں نویں سِریوں جم نئیں سکدے ۔ جویں یسوع نے آکھیا ، سانُوں خُدا دی بادشاہی وِچ جان لئی ”پانی تے رُوح دے راہیں نویں سِریوں جمنا “اے۔ تے نویں سِریوں جمن لئی پانی تے رُوح خاص شرطاں نیں ۔
جدوں تیک کوئی پانی تے رُوح دے راہیں نویں سِریوں نہ جمے ،کسے دیاں یسوع اَگے راستباز بنن دیاں کوششاں فضول نیں ۔کوئی کدی وی ہدیے ،انعام یاں اپنا آپ وقف کرن دے راہیں ، نویں سِریوں جم نئیں سکدا ۔ کوئی شاید سوچ سکدا اے پئی کیوں جے صرف خُدا جان دا اے کیہڑے نویں سِریوں جم سکدے نیں ، اوہ نئیں جان سکدا پئی کیہ اوہ نویں سِریوں جم پیا اے یاں نئیں ۔
اِنج سوچن نال خورے اِک تسلی مل سکدی اے ، پر نویں سِریوں جمنا میز تھلے نئیں لُک سکدا ۔ کسے نُوں بڑے یقین نال اپنے آپ اینوں جاننا چاہی دااے تے دوجیاں نُوں وی محسوس کرنا چاہی دا اے ۔
اَسیں غالباً اینوں جسمانی طور تے محسوس نہیں کراں گے،پرسانُوں یقیناً اینوں رُوحانی طور تے بوہت چنگی طرحاں جاننا چاہی دا اے ۔ اصل وِچ نویں سِریوں جمے ہوئے اوہ ایماندار نیں جیہڑے خُدا دے کلام ،پانی ،لہوتے رُوح دے کلام دے راہیں نویں سِریوں جمے نیں ۔ پر اوہ جیہڑے نویں سِریوں نئیں جمے ،اینوں نئیں سمجھ سکن گے بالکل جویں نیکُدیمس نہ سمجھ سکیا ۔
ایس لئی سانُوں سچیائی دے کلام نُوں ،یسوع دے بپتسمہ تےلہو دے راہیں پاپاں دی معافی نُوں سُننا
اے ۔جویں ای اَسیں سُن دے تے خُدا دے کلام توں سِکھدے آ ں، اَسیں اوتھوں سچ نُوں لبھ سکدے آں ۔ ایس لئی اپنے ذہناں نُوں کھولنا تے بوہت سنبھل کے سُننا بوہت ضروری اے ۔
” ہَوا جِدھر چاہندی اے وگدی اے تے تُوں اوہدی آواز سُن دا ایں پر نئیں جان دا پئی اوہ کتھوں آؤندی اے تے کِدھر نُوں جاندی اے ۔جیہڑا کوئی رُوح نال جمیا اے ایہو جیہا ای اے “ (یوحنا۳ : ۸)۔
جدوں اِک بندہ جیہڑا نویں سِریوں نئیں جمیا ایس حوالے نُوں پڑھدا اے ،اوہ سوچدا اے ، ”ہائے!یسوع نے آکھیا پئی میَں نئیں جان سکدا جدوں میَں نویں سِریوں جم پواں گا !کوئی نئیں جان دا !“تے ایہہ سوچ تسلی دیندی اے پر ایہہ سچ نئیں ہیگا ۔اَسیں خورے نئیں جان دے ہَوا کِدھر وں آؤندی یاں کِدھر نُوں جاندی اے ،پر خُدا سب کُجھ جان دا اے ۔
ایتھوں تیک پئی نویں سِریوں جمے ہوئے لوکاں دے وِچکار کئی موجود نیں، جیہڑے شروع وِچ اینوں محسوس نئیں کردے ۔ ایہہ سوچن والی گل اے ۔ پر اِنج اِک بندے دے دِل وِچ ،خوشخبری : یعنی یسوع دے بپتسمہ تے لہو دے راہیں پاپاں دی معافی دا کلام موجود ہیگا اے ۔
ایہہ نویں سِریوں جمن دی گواہی اے ۔ اوہ جیہڑےخوشخبری سُن دے نیں تے احساس کردے نیں ، ” اوہ ،فیر میَں پاپ توں اَڈ ہاں ۔فیر ،میَں مکتی یافتہ تے نویں سِریوں جم پیا ہاں “جدوں اوہ ایمان رکھدے نیں تے پانی تے رُوح دی خوشخبری نُوں اپنے دِلاں وِچ قائم رکھدے نیں ، اوہ راستباز ،یعنی خُدا دے پُتر بن جاندے نیں ۔
کسے توں پُچھیا جا سکدا اے ،” کیہ تُسیں نویں سِریوں جمے او ؟“تے اوہ جواب دیوے گا، ” اجے نئیں۔“ ”فیر تُسیں کیہ مکتی یافتہ جے؟ “ ” آہو،میَں ایمان رکھدا ہاں پئی میَں مکتی یافتہ ہاں ۔“پر اوہ اِک پُٹھا بیان دیندااے ،کیہ اوہ نئیں دیندا؟ اوہ اِنج کردا اے کیوں جے اوہ سوچدا اے پئی جدوں اِک بندہ نویں سِریوں جم دا اے ،اوہنوں اپنے جثے وِچ وی بدل جانا چاہی دااے۔
ایہو جیہے لوک نویں سِریوں جمن نُوں کسے شے دی اِکو طور اُتے حیاتی دے طریقے وِچ تبدیلی وانگر سوچدے نیں ۔پر سچ ایہہ ہیگا اے پئی اوہ پانی تے رُوح دے راہیں نویں سِریوں جمن دی خوش خبری نُوں نئیں سمجھدے نیں ۔
بوہت سارے ہیگے نیں جیہڑے نویں سِریوں جمن دے مطلب نُوں نئیں سمجھدے ۔ ایہہ بوہت ترس دےلائق گل اے ۔ایہہ صرف دُنیا دا ر بندہ نئیں ،پر بوہتے کلیسیائی آگُو نیں جیہڑے ایس فریب وِچ رہندے نیں ۔ ساڈے وِچوں اوہناں دے دِل جیہڑے نویں سِریوں جم پئے نیں ایناں لوکاں لئی روندے نیں ۔
جدوں اَسیں ایس طرحاں محسوس کردے آں ،تے ایہہ کناں بوہتا یسوع ساڈے اَسمانی خُدا لئی پیڑ دی وجہ بن دا اے ؟آؤ اَسیں سارے یسوع دے بپتسمہ تے اوہدے صلیبی لہو دی نویں سِریوں جمن دی خوشخبری اُتے ایمان رکھن دے راہیں نویں سِریوں جمیے ۔
نویں سِریوں جمنا تے مکتی یافتہ ہونا اِکو ای شَے ہیگی اے ۔ پر بوہت سارے لوک موجود نیں جیہڑے ایس سچ نُوں نئیں جان دے ۔ نویں سِریوں جمن دا مطلب ایہہ ہیگا اے پئی کسے دے دِلوں پانی تے رُوح دی خوشخبری اُتے ایمان رکھن دے راہیں پاپ دھوتے گئے نیں ۔ایہدا مطلب یسوع دے بپتسمہ تے سُولی اُتے اوہدےمرن اُتے ایمان رکھن دے راہیں راستباز بننا اے ۔
نویں سِریوں جمن توں پہلاں ،لوک پاپی نیں ،پر بعد وِچ ، اوہ سارے دے سارے پاپ توں اَڈ نیں اَکھری طور اُتے، اِک نویں بندے وانگر نویں سِریوں جمے نیں ۔ اوہ مکتی دی خوشخبری اُتے ایمان رکھن دے راہیں خُدا دے پُتر بن گئے نیں ۔
نویں سِریوں جمن دا مطلب اے یسوع دے بپتسمہ دے لیڑے پاؤنا ،یسوع نا ل سُولی اُتے مرنا ،تے اوہدے نال جی اُٹھنا ۔ایہدا مطلب اے پئی کوئی یسوع دے بپتسمہ تے سوُلی دے کلام دے راہیں راستباز بن گیا اے ۔
جدوں کوئی اپنی ماں دی کُکھ توں جم دا اے ،اوہ اِک پاپی اے ۔پر جدوں اوہ نویں سِریوں جمن دی پانی تے رُوح دی اصل خوشخبری نُوں سُن چُکیا اے ،فیر اوہ نویں سِریوں جم پیندا اے تے راستباز بن جاندا اے ۔
وکھالے طور تے ایہو جیہا بندہ دوجیاں نالوں فرق نئیں دِسدا،پر دلوں ،رُوح وِچ نویں سِریوں جم پیندا اے ۔ نویں سِریوں جمن دا مطلب ایہہ ہیگا اے ۔ پر بوہت تھوڑےموجودنیں جیہڑے ایس سچیائی نُوں جان دے نیں ؛ایتھوں تیک پئی ۱۰ ہزار وِچو ں اِک وی نئیں ۔کیہ تُسیں میرے نال ایس گل وِچ اکٹھے جے پئی بوہت تھوڑے لوک موجود ہیگے نیں جیہڑے نویں سِریوں جمن دے اصل مطلب نُوں سمجھدے نیں ؟
اوہ جیہڑے پانی تے رُوح دی خوشخبری اُتے ایمان رکھدے نیں تے نویں سِریوں جم پئے نیں اصل وِچ نویں سِریوں جمن والے لوکاں نُوں عام مسیحیاں وِچوں وکھ کر سکدے نیں ۔
ایہہ یسوع اے جیہڑا ہَوا اُتے حکم چلا سکدااے
کیہڑا جان سکدا اے پئی کیہڑا مکتی یافتہ اے؟
صرف نویں سِریوں جمن والا بندہ
” ہَوا جِدھر چاہندی اے وگدی اے تے تُوں اوہدی آواز سُن دا ایں پر نئیں جان دا پئی اوہ کتھوں آؤندی اے تے کِدھر نُوں جاندی اے ۔جیہڑا کوئی رُوح نال جمیا اے ایہو جیہا ای اے ۔“ یسوع اوہناں دے بارے گل کر دا پیا سی جیہڑے نویں سِریوں جمے نئیں ہیگے ۔ نویں سِریوں جمیا ہویا بندہ نویں سِریوں جمن دے بارے وِچ جان دااے پر نیکُدیمس نُوں نئیں پتہ سی ۔خُدا جاندا اے کیہڑا نویں سِریوں جمیا اے تے نویں سِریوں جمیا ہویا بندہ وی اینوں جان دا اے ۔
پرجیہڑے نویں سِریوں جمےنئیں ہیگے ،نئیں جان دے کویں اِک بندہ نویں سِریوں جم سکدااے بالکل جویں اوہ نئیں جان دے پئی ہَوا کِدھروں آؤندی اے تے ایہہ کدھر نُوں جاندی اے ۔
کیہ تُسیں اینوں سمجھ لین دے لائق ہیگے او؟کیہڑا ہَوانُوں ہلاؤندااے ؟ خُداہلاؤندااے ۔ کنہے ہَوا نُوں جمیا اے ؟ اَسمانی خُدا نے جمیا اے۔ کیہڑادھرتی اُتے پانی تے ہَوا نُوں قابُو وِچ رکھدا اے ، ہَوا تے پانی دے رستے بناؤندا اے ؟تے کیہڑا ساریاں زندہ شیواں وِچ حیاتی دا ساہ پھوکدااے ؟ دوجے اکھراں وِچ ،کنہے ایس جگ اُتے ساری دھرتی نُوں پیدا کیتا تے اینوں بڑی کامیابی نال چلایا؟ ایہہ یسوع توں اَڈ کوئی دوجا نئیں سی ۔تے یسوع خُدا ہیگا اے ۔
جدوں اَسیں پانی ،لہو تے رُوح دی خوشخبری دے کلام نُوں نئیں جان دے ،اَسیں نویں سِریوں جم نئیں سکدے تے نہ ایں، اَسیں دوجیاں نُوں روحانی طور تے سکھا سکدے آں ۔یسوع نے سانُوں دَسیا پئی جدوں تیک کوئی پانی تے رُوح نال نئیں جم دا ،کوئی نویں سِریوں جم نئیں سکدا ۔
سانُوں یقیناً پانی تے رُوح د ی خوشخبری اُتے ،قُدرت والی خوشخبر ی اُتے جیہڑ ی سانُوں نویں سِریوں جم دی اے ،اُتے ایمان لیاؤنا چاہی دااے ۔ پاک رُوح اند ر آؤندا اے تے اوہناں دے ذہناں وِچ رہندا اے جیہڑے پانی تے رُوح دی خوشخبری اُتے ایمان رکھدے نیں ۔
یسوع مسیح نے اِنسانی پیڑھی دے سارے پاپاں نُوں چُکن لئی بپتسمہ لیا ،تےاوہنے ایناں پاپاں دا مُل
تارن لئی سُولی اُتے لہو روڑیا ۔ اوہ ساری اِنسانی پیڑھی دے دِلاں وِچ نویں سِریوں جمن دی مکتی بٹھا چُکیا اے ۔ جدوں اَسیں ایس خوشخبری اُتے ایمان رکھدے آں ،پاک رُو ح ساڈی رُوح وِچ آؤندا اے ۔ایہہ نویں سِریوں جمن دی مکتی اے ۔ جدوں اَسیں یسوع دے بپتسمہ تے اوہدے لہو دے راہیں اپنے سارے پاپاں دے دھوتے جان اُتے ایمان رکھدے آں ،اَسیں اصل وِچ نویں سِریوں جم دے آں ۔
پیدائش ۱ : ۲ ،وِچ ایہہ لکھیا اے ،”تے دھرتی اُجاڑ تے بے آباد سی تے گہراؤ دے اُتے ہنیراسی تے خُدادی رُوح پانی دی تہہ اُتے ہِل دی سی ۔“ایہہ لکھیا ہویا اے پئی خُدادی رُوح پانی دی تہہ اُتے ہِل دی پئی سی ۔خُدادی رُوح دھرتی دی تہہ توں باہر ہِل دی پئی سی ۔
ایہدا مطلب اے پئی رُوح پاپیاں دے دِلاں وِچ نئیں وڑسکدا ۔اوہدا دِ ل جیہڑا نویں سِریوں جمیا نئیں بوہت بے ترتیبی وِچ اے ، ایہہ پاپ دے ہنیرے نال بھریا ہویا اے ۔ ایس لئی خُدا دا رُوح ایہو جیہے کسے بندے دے دِل وِچ رہن دے قابل نئیں ہیگا۔
خُدا نےپاپیاں دے دِلاں وِچ لو پاؤن لئی اپنی خوشخبری دے نُور نُوں تھلے گھلیا۔ خُدا نے آکھیا،”لو ہو جاوے “ (پیدائش ۱ : ۳) تے لو ہوگئی ۔فیر، تےصرف فیر ،خُدا دی رُوح سارے لوکاں دے دِلاں وِچ رہ سکدی سی ۔
ایس لئی، نویں سِریوں جمے ہوئے لوکاں د ے وِچ اوہ جیہڑے پانی تے رُوح دی خوشخبری اُتے ایمان رکھے نیں ،خُدا دی رُوح اوہناں وِچ رہندی اے ۔ ایہہ اوہناں لئی ” نویں سِریوں جمن“دا مطلب اے ۔اوہ اپنے دِلاں وِچ نویں سِریوں جم دے نیں کیوں جے اوہناں نیں پانی تے رُوح دی خوشخبری دے کلام نُوں سُنیا تے اوہناں ایہدے اُتے ایمان رکھیا!
کویں کوئی نویں سِریوں جم سکدا اے ؟ یسوع نے نیکُدیمس ،فریسی نُوں ایہہ آکھدیا ں ہویاں اوہدے اُتے ایس گل نُوں کھولیا ، ” جدوں تیکر کوئی بندہ پانی تے رُوح نال نہ جمے اوہ خُدا دی بادشاہی وِچ وڑ نئیں سکدا ۔“ نیکُدیمس نے آکھیا ، ” اِسیں کویں پانی تے رُوح دے راہیں نویں سِریوں جم سکدے آں ؟ کیہ اَسیں اپنی ماں دے ٹِڈھ وِچ دوبارہ وڑ سکدے آں تے فیر نویں سِریوں جمیے ؟“وکھالے طور تے، اوہنے ایس گل نُوں اَکھراں وانگر سمجھیا تے نتیجہ نہ کڈھ سکیا پئی کویں کوئی بندہ نویں سِریوں جم سکدا سی ۔
یسوع نے اوہنوں آکھیا ، ” تُوں اِک اُستاد ایں تے تینوں اجے تیکر پتہ نئیں پئی ایہدا کیہ مطلب اے ؟“ یسوع نے اوہنوں دَسیا پئی جدوں تیکر کوئی پانی تے رُوح نال نویں سِریوں جم نہ پوے ،اوہ اَسمان دی بادشاہی وِچ وڑ نئیں سکدا ،ایتھوں تیک پئی ویکھ وی نئیں سکدا ۔یسوع نے نیکُدیمس نُوں نویں سِریوں جمن
دا سچ دَسیا ۔
ایہہ سچ اے پئی بوہت سارے لوک ہیگے نیں جیہڑے نویں سِریوں جمن دے اَڈ یسوع اُتے ایمان رکھدے نیں ۔بوہتے مسیحی نیکُدیمس وانگر اصل وِچ نویں سِریوں جمے ہوئے نئیں ہیگے ۔
نیکُدیمس اوس ویلے بنی اِسرائیل دا اِک رُوحانی آگُو سی بالکل اَج دے کلیسیائی آگُوآں وانگر ۔ نویں واراں وِچ ،اوہ کسے علاقے دے پنچائتی بندے دے اَگے سی ۔مذہبی ناپ دے مطابق اوہ اِک اُستاد ،عبرانیاں دا اِک پادری ،یہودیاں دا اِک مذہبی آگُو سی ۔اوہ اِک بوہت چج دا سیانا وی سی ۔
اوہناں دیہاڑیاں وِچ اِسرائیل وِچ ،اَج دے سکولاں دے برابر کوئی اِدارہ نئیں ہیگا سی ،ایس لئی سارے لوک ”سیانے بندیاں “ توں پڑھن لئی ،ہیکل وِچ یا دین دیاں جماعتاں وِچ جاندے سَن ۔ اوہ لوکاں دے اُستاد سَن ۔بالکل اَج دے دیہاڑیاں وانگر ،بوہت سارے جھوٹ سکھاؤن والے اوس ویلے وی ہیگے سَن ۔تے اوہ آپ مہارے نویں سِریوں جمن دے اَڈ لوکاں نُوں سکھاؤندے پئے سَن ۔
اَج کل بوہت سارے دینی آگُو ،کلیسیادے سرکاری نوکر ،اُستاد، مناد، بزرگ بندےتے ڈیکن ہیگے نے ،جیہڑے نویں سِریوں نئیں جمے ۔ نیکُدیمس وانگر ،اوہ نویں سِریوں جمن دے سچ نُوں نئیں جان دے ۔ایتھوں تیکر پئی بوہت سارے سوچدے نیں پئی سانُوں نویں سِریوں جمن لئی دوجی وار اپنی ماں دے ٹِڈھ وِچ وڑنا اے ۔ اوہناں نُوں پتہ اے پئی اوہناں نُوں نویں سِریوں جمنا ایں پر اوہ نئیں جان دے پئی کویں ۔
تے اپنے ککھ نہ جانن دی وجہ توُں ،اِک انھے بندے وانگر صرف اپنے ہتھاں نال ، اِ ک ہاتھی نُوں ہتھ لا کے اوہنوں پچھانن دی نکمی ہمت کردے نیں ۔ اوہناں دی ہدایت دی بنیاداوہناں دیاں آپ مہاریاں سوچاں تے جذبیاں اُتے ہیگی اے ۔ اوہ کلیسیا وِچ جگ دیاں قدراں دی منادی کردے نیں ۔ ایس لئی بوہت سارے آکھا منن والےلوک نویں سِریوں جمن توں ڈک لئے جاندے نیں ۔
نویں سِریوں جمن دا ساڈے چنگے کماں نال کوئی واسطہ نئیں ہیگا ۔ اَسیں پانی ، لہو تے رُوح دے کلام اُتے ایمان رکھن دے راہیں جیہڑا خُدا نے سانُوں دِتا اے ، نویں سِریوں جمدے آں ۔ ایہہ خُدا دی خوشخبری اے پئی جیہڑا سانُوں اِک پاپی دے جثے توں راستباز دے جثے وِچ بدل دا اے ۔
یسوع نے ایہہ بول بولے ، ” جدوں میَں تُہاڈے نال دھرتی دیاں گلاں کیتیاں تے تُسیں یقین نہ کیتا تے جے میَں تُہاڈے نال اَسمان دیاں گلاں کراں تے کیویں یقین کروگے؟ “(یوحنا ۳ :۱۲ ) بناں شک ،لوک ایمان نہ لیائے جدوں یسوع نے اوہناں نُوں ایہہ سچ دَسیا پئی ساڈے سارے پاپاں دا فدیہ اوہدے بپتسمہ دےر اہیں پورا ہوگیا سی ۔ اوہناں نے کیہ ایمان نہ رکھیا ؟اوہناں نے ایمان نہ رکھیاپئی اوہناں دی مکتی یسوع دے بپتسمہ تے اوہدی صلیبی موت دے راہیں ممکن بنا دِتی گئی سی ۔ ایہہ اوہ سارا مطلب اے جیہدی وجہ توں لوک اوہدے اُتے ایمان نئیں لیائے جدوں اوہ اوہناں نُوں ” اَسمان دیاں گلاں دَسداسی۔“
سانُوں سارے پاپ توں صاف کرن لئی ،یسوع نے یوحنا اصطباغی کولوں بپتسمہ لیا تے سُولی اُتے مرگیا ،تے فیر پاپیاں لئی نویں سِریوں جمن دا راہ سِدھا کرن لئی مویاں وِچوں جی اُٹھیا ۔
ایس لئی یسوع نے نیکُدیمس نُوں کھول کے دَسن لئی پُرانے عہد نامہ وِچوں حوالہ دِتا ۔”تے اَسمان اُتے کوئی نئیں چڑھیا سوااوہدے جیہڑا اَسمان اُتوں ہیٹھاں اُتریا مطلب اے آدم دا پُتر جیہڑا اَسمان وِچ ہیگا اے ۔تے جویں موسیٰ نے سپ نُوں اُچی تھاں اُتے چاہڑیا ،اوسے طرحاں ضروری اے پئی آدم دا پُتر وی اُچی تھاں اُتے چاہڑیا جاوے تاں پئی جیہڑا وی ایمان لیائے اوہدے وِچ ہمیش دی حیاتی پاوے۔“ (یوحنا ۳ : ۱۳ ۔ ۱۵)۔جویں موسیٰ نے جنگل وِچ سپ نُوں اُچیاں کیتا ، ایتھوں پئی اوسے طرحاں یقیناً آدم دا پُتر وی اُچے اُتے چڑھایا جانا چاہی دا اے تاں جے جیہڑا کوئی اوہدے اُتے ایمان رکھے اوہ اوہنوں ہمیش دی حیاتی لین دی اجازت دیوے ۔
یسوع دا کیہ مطلب اے جدوں اوہنے آکھیا ، ” جویں موسیٰ نے سپ نُوں جنگل وِچ اُچی تھاں اُتے چاہڑیا ،اوسے طرحاں ضروری اے پئی آدم دا پُتر وی اُچی تھاں اُتے چاہڑیا جاوے۔“ (یوحنا۳: ۱۴) اوہنے ایہہ حوالہ پُرانے عہد نامہ وِچوں ایہہ سمجھاؤن لئی دِتا پئی کویں اوہدا بپتسمہ تے لہو اِنسانی نسل دے سارے پاپاں لئی فدیہ لیاوے گا ۔
کیوں جے یسوع نُوں سُولی اُتے مرنا اے ،کیوں جے اوہنوں اُچی تھاں اُتے چاہریا جانا اے ،اوہنے پہلاں یوحنا اصطباغی کولوں بپتسمہ لین دے راہیں جگ دے پاپاں نُوں چُکنا سی ۔ کیوں جے یسوع پاپ توں اَڈ سی ،اوہدا سوُلی اُتے مرنا نئیں بن دا سی ۔اوہدے سُولی اُتے مرن دے سلسلے وِچ ، اوہنوں یوحنا اصطباغی توں بپتسمہ لینا سی تے اِنج اپنے آپ اُتے جگ دے سارے پاپاں نُوں چُکنا سی ۔
صرف ساڈے پاپ چُکن تے اپنے لہو نال اوہناں دا مُل تارن دے راہیں ،اوہ سارے پاپیاں نُوں عدالت توں بچا سکدا سی ۔ یسوع نے سانُوں پانی تے رُوح نال نویں سِریوں جمن دی مکتی دِتی ۔
ایس لئی اوہ جیہڑے یسوع اُتے اپنے مکتی داتا دے وانگر ایمان رکھدے نیں اوہدے بپتسمہ دے لیڑے پاؤندے نیں ،اوہدے نال مردےنیں ۔تےا وہدے نال نویں سِریوں جم دے نیں ۔ بعد وِچ،
نیکُدیمس نے اینوں سمجھیا ۔
جویں سپ اُچی تھاں اُتے چاہڑیا گیا
یسوع کیوں سُولی اُتے مویاسی؟
کیوں جے اوہنے اپنے بپتسمہ دے راہیں سارےپاپ چُک لئے سَن۔
کیہ تُسیں اے کہانی جان دے اوپئی کیویں موسیٰ نے پِتل دے سپ نُوں جنگل وِچ اُچی تھاں اُتے چاہڑیا؟ ایہہ کہانی گنتی ۲۱ ویں باب وِچ لکھی ہوئی اے ،ایہہ دَسدی اے پئی اِسرائیلیاں دیاں جاناں مِصروں نکلن دے بعدوں بوہت مندے حال ہو گئیاں ،اوہ خُدا دے خلاف تے موسیٰ دے خلاف بولن لگ پئے ۔
نتیجہ طورتے، خُدا وند نے لوکاں دے وِچکار مونہوں اَگ کڈھن والے سپ گھلے ،جیہڑے اوہناں دے تنبوآں وِچ وڑ گئے تے اوہناں نُوں ڈنگیا تے اوہناں نُوں تھاں مارسُٹیا ۔ڈنگ مارن دے بعدوں اوہناں دے جثے سُجن لگ پئے تے بوہت سارے مرکھپ گئے ۔
جدوں لوک مرن لگ پئے ،موسیٰ ، اوہناں دے آگُو نیں، خُدا اَگے دُعا منگی ۔”یا خُداوندا ،مہربانی کرکے سانُوں بچا لے۔“ خُدا نے اوہنوں اِک پِتل دا مونہوں اَگ کڈھن والا سپ بناؤن تے اوہنوں اِک ولی اُتے لمکاؤن لئی آکھیا ۔اوہنے اوہنوں دَسیا جیہڑا کوئی اوس وَل ویکھے گا ،جیوندا رہوے گا ۔ موسیٰ نے اُنج ای کیِتا جویں اوہنوں دَسیا گیا سی تے لوکاں دے اَگے خُدا دے کلام دا اعلان کیِتا۔
جس کسے نے وِی اوہدے مونہہ دیاں گلاں اُتے یقین کیِتاتے پِتل دے سپ وَل ویکھیا ،شفا پائی ۔ ایس طریقے نال ،سانُوں شیطان دے وِس والے ڈنگاں توں شفاپاؤنی اے ۔ اِسرائیل دے لوکاں نیں موسیٰ دی سُن کے تے ولی اُتے لمکے پِتل دے سپ وَل ویکھیا تے اِنج ای اوہ شفا پا گئے ۔
ولی اُتے لمکے سپ دابھید ایہہ سی پئی ساری اِنسانی پیڑھی دے پاپاں دی سزا نُوں اوہدے بپتسمہ تے
سُولی اُتے مرن دے راہیں یسوع مسیح اُتے لد دِتا گیا سی ۔ اوہنے جگ دے سارے پاپیاں دے پاپاں دی سزا دا مُل تارن لئی اوہناں نُوں اپنے اُتے چُک لیاسی ۔ ایس طرحاں اوہنے ساڈے سارے پاپاں دی سزا نُوں مکا دِتا۔
یسوع مسیح ایس جگ وِچ سارے لوکاں نُوں مکتی دین لئی آیا ،جیہڑے ”سپ دی وِس“شیطان دے اَزماؤن دی وجہ توں مرن دا لیکھ بن گئے سَن ۔ ساڈے سارے پاپاں دا مُل تارن لئی ،اوہنے اوہناں نُوں جیہڑے اوہدے اُتے ایمان رکھدے سَن، مکتی دین لئی جی اُٹھن توں پہلاں بپتسمہ لینا سی تے سُولی اُتے مرنا سی ۔
بالکل جویں پُرانے عہد نامہ وِچ اِسرائیلیاں دی جان بخشی گئی جدوں اوہناں نے ولی اُتے لمکے ہوئے سپ وَل ویکھیا ،اَ ج اوہ سارے جیہڑے یسوع اُتے یقین تےایمان رکھدے نیں پئی اوہنے اپنے بپتسمہ تے لہو دے راہیں ساڈے پاپاں دا مُل تاریا،مکتی یافتہ تے نویں سِریوں جم سکدےنیں۔
یسوع نے یردن دے دریااُتے یوحنا اصطباغی کولوں بپتسمہ لین، سُولی اُتے اپنے موت تے مویاں وِچوں جی اُٹھن دے راہیں جگ دے سارے پاپاں دا سارا مُل تار دِتا اے ۔ ہُن ، اوہ سارے جیہڑے اوہدے اُتے ایمان رکھدے نیں اوہدے فضل دے راہیں مکتی دے نال برکت یافتہ ہو سکدے نیں ۔
”تے اَسمان اُتے کوئی نئیں چڑھیا سِوا اوہدے جیہڑا اَسمان اُتوں ہیٹھاں اُتریا مطلب اے پئی آدم دا پُتر جیہڑا اَسمان وِچ ہیگا اے ۔“(یوحنا ۳ : ۱۳)۔ساڈے پاپاں دے فدیہ دے لئی ،یسوع نے بپتسمہ لیا تے سُولی اُتے لہو روڑہیا تے ساڈے لئی اَسمان دے بوہے کھول دِتے ۔ یسوع نے یوحنا ۱۴ : ۶ وِچ آکھیا ،”راہ تے سچ تے حیاتی میَں ہیگا ہاں ۔ کوئی میرے وسیلے دے اَڈ پیو کول نہیں آؤندا۔“
کیوں جے یسوع نے ساڈے لئی اَسمان دے بوہے کھولن لئی بپتسمہ لیا تے سُولی اُتے مویا ،اوہ سارے جیہڑے اوہدے راہیں مکتی اُتے ایمان رکھدے نیں ،مکتی یافتہ نیں ۔ یسوع نے پہلاں ای ساڈے پاپاں دا مُل تار دِتا اے ، ایس لئی جیہڑا کوئی وی پانی ،لہو تے رُوح دے سچ اُتے ایمان رکھدا اے ،اَسمان دی بادشاہی وِچ وڑ سکدا اے ۔
یسوع نے سانُوں پانی تے رُوح دی خوشخبری نال مکتی دِتی اے ۔ نویں سِریوں جمنا یسوع دے بپتسمہ تے لہو تے ایس سچ اُتے اے پئی اوہ خُدا اے ، اوس اُتے ایمان رکھن دے راہیں ملدا اے ۔
”تےجویں موسیٰ نے جنگل وِچ سپ نُوں اُچیاں کیتا ، ایتھوں پئی اوسے طرحاں ضروری اے پئی آدم دا پُتر وی اُچے اُتے چڑھایا جاوے۔“ (یوحنا ۳ : ۱۴)۔ایس آیت دا کیہ مطلب اے؟ کیوں یسوع نے سُولی اُتے مرنا سی ؟ کیہ اوہنے ساڈے وانگر پاپ کیتے ؟کیہ اوہ ساڈے وانگر ماڑا سی ؟ کیہ اوہ ساڈے وانگر اَدھوُراسی ؟نئیں ،اوہ اِنج نئیں ہیگا سی۔
فیر اوہنوں کیوں سُولی اُتے مرنا پیا؟اوہنے سانُوں بچاؤن تے ساڈے پاپاں دا فدیہ دین لئی اِنج کیِتا
سی ۔ اوہنے سانُوںساریاں نُوں ساڈےساریاں پاپاں توں بچاؤن لئی بپتسمہ لیا تے سُولی اُتے مر گیا ۔
ایہہ پانی تےروح دی نویں سِریوں جمن دی مکتی دا سچ اے ۔ یسوع نے اوہناں ساریاں نُوں نویں حیاتی دِتی جنہاں نے اوہدے بپتسمہ تے سُولی اُتے اوہدی موت اُتے ،جیہڑا ساڈے پاپاں لئی فدیہ سی ، ایمان رکھیا ۔
پانی تے رُوح دا مطلب
پانی تے رُوح دا کیہ مطلب اے؟
پانی دا مطلب یسوع دا بپتسمہ تے رُوح اوہدا آپ خُدا ہونا اے
پاک کتاب سانُوں دَسدی اے پئی جدوں اَسیں یسوع دے بپتسمہ تے اوہدے صلیبی لہو اُتے ایمان رکھدے آں ،اَسیں نویں سِریوں جم پیندے آں ۔خُدا دے پُتر بننا ، اَسیں نویں سِریوں جمنا ،خُدا دے لکھے ہوئے کلام ،پانی ،لہو تے رُوح دی خوشخبری نال جیہڑی ساڈے پاپاں دے فدیہ لئی اے ،دے وسیلے نال ملدا اے ۔
پاک کتاب دے مطابق ”پانی “ دامطلب یسوع دا بپتسمہ اے (۱۔ پطرس ۳ : ۲۱)تے” رُوح “ دامطلب اے پئی یسوع خُدا اے ۔ تے ایہہ نویں سِریوں جمن دا سچ اے پئی یسوع اپنے بپتسمہ تے لہو دے راہیں ساڈے پاپاں دا مُل تارن لئی ایس جگ وِچ اِنسانی نسل دا جثہ لے کے آیا سی ۔
اوہ اپنےبپتسمہ دے راہیں ساڈے سارے دے سارےپاپ چُک کے لَے گیا تے سُولی اُتے مرکے پاپ دا مُل تار دِتا ۔بپتسمہ لے کے تے سُولی اُتے لہو وگاکے ،اوہنے اوہناں ساریاں نُوں بچالیا جیہڑے اوہدے اُتے ایمان رکھدے نیں ۔
سانُوں ایہہ سمجھ لینا چاہی دااے پئی یسوع دا بپتسمہ تے لہو ساڈی مکتی دی اَگوائی کردے نیں۔ ایس طرحاں ایناں نیں سانُوں ساڈے پاپاں توں مکتی دِتی ۔ صرف اوہ جیہڑے پانی تے رُوح دے راہیں نویں سِریوں جم پئے نیں اَسمان دی بادشاہی ویکھ سکدے نیں تے اندر جا سکدے نیں ۔ یسوع نے سانُوں
اپنے بپتسمہ ، اپنے لہو تے رُوح دے نال مکتی دِتی اے ۔ کیہ تُسیں ایہدے اُتے ایمان رکھدے او؟
یسوع اَسمان دا وڈاکاہن اے جیہڑا ایس جگ دے پاپاں دا مُل تارن لئی آیا سی ۔ اوہنے بپتسمہ لیا تے سُولی اُتے لہو روڑہیا تے جی اُٹھیا ، ایس طرحاں اوہناں ساریاں دا جیہڑے اوہدے اُتے ایمان رکھدے نیں،مکتی داتا بن گیا ۔
یسوع نے یوحنا ۱۰ : ۷ وِچ آکھیا ،” بھیڈاں دا بوہا میَں ہاں “ یسوع اَسمان دے بوہے اُتے کھلوتا اے ۔کیہڑا ساڈے لئی بوہا کھولدااے ؟ایہہ یسوع مسیح اے ۔
اوہ اوہناں وَلوں اپنا مونہہ اِک پاسے پھیر لیندا اے جیہڑے اوہدی مکتی دے سچ نُوں جانیوں اَڈ اوہدے اُتے ایمان رکھدے نیں ۔اوہ اوہناں نُوں نویں سِریوں جمن دی اجازت نئیں دینداجیہڑے اوہدے بپتسمہ ،لہو تے رُوح اُتے ایمان نہیں رکھدے ۔اوہ ہر کسے وَلوں اپنا مونہہ اِک پاسے کر لیندااے جیہڑے اوہدے لکھے ہوئے کلام اُتے ایمان نئیں رکھدے،جیہڑے اوہدے پاک ہون نُوں نئیں من دے تے جیہڑے اوہنوں خُدا وانگر نئیں منن گے ۔
لکھیا ہویا سچ ایہہ ہیگا اے پئی اوہ ایس جگ وِچ جسم لے کے آیا ، بپتسمہ لیا تے سارے جگ دے پاپاں دا فدیہ دین لئی سُولی اُتے مرگیا ،مطلب اے ،اوہ سُولی اُتے ساڈے لئی سزا جرن لئی مرگیا ، مطلب اوہ سُولی اُتے مرن دے بعد تیجے دیہاڑے مویاں وِچوں جی اُٹھیا ۔ جیہڑا وی ایس سچ نُوں منن توں مُکردااے ،اوہدے حکم کرن نال کڈھ دِتا جاندا اے تے مرمُک جاوے گا ۔ جویں ایہہ لکھیا اے ، ” کیوں جے پاپ دی دیہاڑی موت اے ۔“ (رومیوں ۶ : ۲۳)۔
فیر وی ،اوہ جیہڑے اوہدے بپتسمہ تے لہو دے راہیں پاپاں دی مکتی دی برکت اُتے ایمان رکھدے نیں ،اوہ جیہڑے اپنے دِلوں پاک ہو گئے نیں ،اوہناں نُوں اَسمان دی بادشاہی وِچ جان دی اجازت دِتی جاندی اے ۔ایہہ نویں سِریوں جمن د ی سچی خوشخبری اے، خوشخبری جیہڑی ساڈے کول پانی ،لہوتے رُوح دے راہیں آئی اے ۔ پانی تے رُوح دے راہیں نویں سِریوں جمنا اَسمانی خوش خبری اے ۔ صرف اوہ جیہڑے یسوع دے بپتسمہ تے لہو اُتے ایمان رکھدے نیں نویں سِریوں جم سکدے نیں ۔اوہ جیہڑے پانی ،لہو تے رُوح دی خوشخبری اُتے ایمان رکھدے نیں ،پاپ توں اَڈ نیں ؛اوہ اوہناں وِچوں نیں
جیہڑے اصل وِچ نویں سِریوں جمے نیں ۔
اَج بالکل جویں نیکُدیمس سچ توں بےخبرسی ،بوہتے لوک اصل خوشخبری نُوں جانیوں اَڈ یسوع اُتے ایمان رکھدے نیں ۔ وسیب دا بوہت ودھیا بندہ نیکُدیمس کیہ سی !فیر وی ، اوہنے یسوع کولوں اصل خوشخبری
سُنی ،تے بعد وِچ ،جدوں یسوع سُولی اُتے مریا ،اوہ یسوع دے بدن نُوں دفناؤن والیاں وِچوں سی ۔ اوس ویلے تیک نیکُدیمس پورا ایمان لیا چُکیا سی ۔
اَج کل ،ساڈے وِچ وی بوہت سارے ایہو جیہے نیں جیہڑے یسوع دے پانی تے رُوح دے بارے سچ نُوں نیں جان دے ۔اگانہہ ہور بوہت سارے ہیگے نیں جیہڑے ایس سچ نُوں نئیں من دے ،جدوں اوہناں نُوں سچی خوشخبری سُنن دا موقع ملدا اے ۔ایہہ بوہت ترس دے لائق گل اے ۔
یسوع نے ساڈے ساریاں لئی نویں سِریوں جمن نُوں سوکھا بنایا اے ۔سانُوں کِنے نویں سِریوں جمیا ؟ایہہ پانی ، لہو تے رُوح سی ۔یسوع نے ساڈے سارے پاپ چُک لئے جدوں اوہنے بپتسمہ لیا ، اوہ سُولی اُتے مرگیا تے فیر مویا ں وِچوں جی اُٹھیا ۔
تے اوہ اوہناں ساریاں نُوں دیندا اے جیہڑے اوہدے اُتے نویں سِریوں جمن دی برکت اُتے ایمان رکھدے نیں۔یسوع مکتی داتا اے جیہڑا اوہناں ساریاں نُوں نویں سِریوں جمن دی اجازت دیندااے جیہڑے اوہدے اُتے ایمان رکھدے نیں۔ دُعا کروپئی تُسیں ہمیشہ یسوع نا ل رہوو ، اوہ جنہے اَسمان تے دھرتی تے ایناں دے وِچکار ساریاں شیواں نُوں بنایا ۔
یوحنا ۳ : ۱۶ آکھدا اے ، ” تاں جے جیہڑا وی اوہدے اُتے ایمان لیاوے مرنہ جاوے سگوں ہمیش دی حیاتی پائے۔“ اَسیں یسوع اُتے ایمان رکھن دے راہیں سدادی حیاتی پا چُکے آں۔ اَسیں پانی تے رُوح اُتے ایمان رکھن دے راہیں نویں سِریوں جم پئے آں ۔ایہہ سچ اے پئی جے اَسیں مکتی دی خوشخبری ،یسوع دے بپتسمہ تے لہو اُتے ،تے ایہہ پئی یسوع مکتی داتا تے خُدااے ،اوہدے اُتے ایمان رکھدے آں ،اَسیں مکتی پا سکدے آں۔
پرجے اَسیں ایس سچ اُتے ایمان نہیں رکھدے ،اَسیں ہمیشہ دے لئی دوزخ وِچ سُٹے جانواں گے ۔ ایہو ای وجہ پئی یسوع نے نیکُدیمس نُوں دَسیا ، ” جدوں میَں تُہاڈے نال دھرتی دیا ں گلاں کیتیاں تے تُسیں یقین نہیں کیِتا تے جے میَں تُہاڈے نال اَسمان دیاں گلاں کراں تے کویں یقین کروگے ؟ “
خُدا نے ساڈے لئی کیہ کیِتا ؟سانُوں یسوع دے راہیں نویں سِریوں جمن دی اجازت دِتی ۔ یسوع نے سانُوں جگ، شیطان تے جگ دے پاپاں توں مکتی دِتی ۔ پاپ دی سزا توں ایس جگ دے پاپیاں نُوں چھڈاؤن لئی ،اوہنے اپنے بپتسمہ دے راہیں ساڈے سارے پاپ چُک لئے، سُولی اُتے مرگیا تے فیر مویاں وِچوں جی اُٹھیا۔
ایہہ ساڈی مرضی ہیگی اے بھانویں اَسیں ایس مکتی اُتے ایمان رکھدے آں یا نئیں ۔ نویں سِریوں
جمن دی اجازت یسوع دے بپتسمہ تے لہو دے راہیں مکتی اُتے ایمان نال ملدی اے ۔
ایہہ آکھیا جاندا اے پئی دوبرکتاں ہیگیاں نیں جیہڑیاں خُدا نے ساڈے اُتے تراؤنکیاں ۔ اِک عام برکت ہیگی اے جیہدے وِچ قدرت دِیاں ساریاں شیواں موجود نیں ، سورج تے ہَوا نوں شامل کردیاں ہویاں ۔ایہہ عام برکت وانگر سمجھیاں جاندیاں نیں کیوں جے ایہہ ساریاں لوکاں نوں دِتیاں گئیاں نیں ، بھانویں اوہ پاپی نیں یاں راستباز نیں ۔
فیر ،ایہہ خاص برکت کیہڑی اے ؟ خاص برکت پانی تے رُوح دے راہیں نویں سِریوں جمنا اے ،جیہڑی سارے پاپیاں نُوں اوہناں دے پاپاں دی موت توں مکتی دیندی اے ۔
ودھیا برکت
ودھیا برکت کیہ اے؟
یسوع دےبپتسمہ ،سُولی اُتے مرن تے جی اُٹھن دے راہیں نویں سِریوں جمنا
یوحنا ۳ : ۱۶ وِچ لکھیا اے، ” کیوں جے خُدا نے جگ نال اینی محبت رکھی پئی اوہنے اپنا کلاکارا پُتر بخش دِتا تاں پئی جیہڑا وی اوہدے اُتے ایمان لیاوے مرنہ جاوے سگوں ہمیش دی حیاتی پاوے۔“ ایہہ آیت خُدا دی ودھیا برکت نُوں دَسدی اے :یسوع اِک بندے دا جثہ لے کے ایس جگ وِچ آیا تے ساڈے لئی بپتسمہ لین تے سُولی اُتے مرن دے راہیں ساڈے سارے پاپاں نُوں دھودِتا ۔ خُدا دی ودھیا برکت اے ،ایہہ سچ اے پئی اَسیں سارے پاپاں توں مکتی یافتہ ہو گئے آں ۔
ایہہ اِک سچ اے پئی یسوع نے سانُوں بچا لیا اے تے سانُوں پاپی توں راستباز وِچ بدل دِتا اے ۔ تُسیں صرف ایس سچ اُتے ایمان رکھن دے راہیں خُدا دی ودھیا برکت پاسکدے او۔ کیہ تُسیں سارے ایمان
رکھدے او؟
تُہاڈا سارا ایمان کسے کم دا نئیں ہونا جے تُسیں خُدا دی ایس برکت توں مُکردے اوتے کوئی مطلب
نئیں رکھدا پئی تُسیں کنے آکھا من دے ہویاں ساری حیاتی بسرکیتی ۔
میَں ہر ویلے منادی کردا ہاں تے میَں کدی ایہہ منادی کرنی نئیں بھُلیاپئی یسوع دے بپتسمہ تے
اوہدی سُولی اُتے یقین رکھنا نویں سِریوں جمن دا اِکو ای رستہ اے ۔پاک کتاب دی ہر کتاب وکھاندی اے پئی نویں سِریوں جمن دی برکت ” خُدا دی ودھیا برکت یسوع دے راہیں اے“جیہدے بارے وِچ اَسیں گل کردے پئےآں ۔کُجھ وی نئیں ہیگا جیہڑا خُدا دی ودھیا برکت نُوں یسوع دے بپتسمہ تے اوہدے سُولی اُتے مرن دے راہیں پاپیاں دی مکتی نُوں بوہت چنگی طرح کھولدااے ۔
یسوع دا بپتسمہ تے اوہدا سُولی اُتے مرنا خُدا دیاں ودھیا برکتاں نیں۔ایس جگ وِچ جھوٹے مناد ایہدے بارے وِچ کُجھ نئیں دَسدے ۔ ایہہ جھوٹے مناد نورانی فرشتیاں دے لیڑیاں وِچ وکھالی دیندے نیں ،مطلب اے مسیحیت تےاِنسانی اِخلاقی قدراں نال بھرے ہوئے ۔آہو ،ایہہ سچ اے ۔ اوہ معجزے کردے نیں ،جے اوہناں نُوں خُدا دی ودھیا برکت نال کوئی کم کار نئیں ہیگا تے روگیاں دی شفا سب بدی دیاں شیواں نیں۔
ایہہ خُدا دی ودھیا برکت اے ،جنہے سانُوں پاپیاں نُوں فدیہ دی خوشخبری دِتی ۔ اوہدی ودھیا برکت نال ،خُدا نے سانُوں نویں سِریوں جمن د ی اجازت دِتی اے ۔ اوہنے سانُوں اوہدے بپتسمہ ،لہو ،موت تے جی اُٹھن دے راہیں نواں بنایا اے ۔ اوہنے سانُوں اپنے پُتر ،مطلب پاپ توں مکت بنایا ۔
کیہ تُسیں ایہدے اُتے ایمان رکھدے او؟— آہو— کیہ تُسیں اصل وِچ برکت یافتہ ہوگئے او؟ — آہو— یسوع دا بپتسمہ تے اوہدا لہو،موت تے جی اُٹھنا ودھیا برکتاں نیں جیہڑیاں خُدا نے سانُوں پانی تے رُوح دے راہیں دِتیاں نیں ۔ ایہہ ودھیا برکت دی خوشخبری اے ۔ سانُوں اوہدی ودھیا برکت دے راہیں بچاؤن لئی خُداوند دی صفت کرئیے ۔
ایہہ بوہت ترس دے لائق گل اے پئی اَج بوہت سارے بیبے مسیحی خُدا دی ودھیا برکت توں بے خبرے نیں ، مطلب اے بپتسمہ تے لہودی خوشخبری ،پانی تے رُوح دے راہیں نویں سِریوں جمنا ۔اوہ انھے وا اپنے دِلی خُدائی خیالاں تے دینی قدراں وِچ رستے لبھن دی کوشش کردے نیں ۔ اوہ کنے ککھ نہ جانن والے نیں !
مسیحیت ساڈے نال بوہت دیر توں ہیگی اے تے سِدھے راہے پاؤن دے گھٹوگھٹ ۵۰۰ورہے
لنگھ گئے نئیں ، پر ہُن تیک ،کوریا تے باقی سارے جگ وِچ بوہت سارے موجودنیں جیہڑے نویں سِریوں جمن دے سچ تے خُدا دی ودھیا برکت دے بارے وِچ اُکا نئیں جان دے ۔
فیر وی ، میَں آس تے ایمان رکھدا ہاں پئی اوہ ہُن اوہناں نُوں سچ نُوں جانن دی اجازت دیوے
گا کیوں جے اَسیں ایہو جیہے دِناں وِچ آں جیہڑے ایس جگ دے اخیر دے نیڑے نیں ۔
پاپیاں نُوں راستباز بنن تے اَسمان دی بادشاہی وِچ وڑن دے بارے وِچ نویں سِریوں جمنا اے تے پانی تے رُوح دے سچ نُوں مننا اے ۔ بوہت سارے مسیحی نویں سِریوں جمن لئی بوہت ہتھ پیر ماردے پئے نیں ۔
فیر وی ،جے اوہ نویں سِریوں جمن دے سچے مطلب نُوں جانیوں اَڈ ہتھ پیر ماردے نیں ،اوہناں دا ایمان کسے کم دا نئیں ہیگا۔ اوہ آکھدے نیں پئی اوہناں نُوں اَسمان دی بادشاہت وِچ جان لئی نویں سِریوں جمنا اے ،پر اوہ نویں سِریوں جمن دے سچ بارے کوئی سُونہہ نہیں رکھدے ۔
اوہ صرف سوچدے نیں پئی کیوں جے اوہ اینے دِلوں ہوکے ایمان رکھدے نیں ، کیوں جے اوہ اپنے دِلاں وِچ اَگ نُوں محسوس کردے نیں ، مطلب اے ،اوہ نویں سِریوں جم سکدے نیں ۔ پر اپنے دِلی خیالاں دی بنیاد اُتے نویں سِریوں جمن دی کوشش یا جذباتی دینی کم صرف غلط ایمان وَل ٹوردےنیں ۔
خُدا داکلام اےجیہڑا اصل وِچ ساڈی نویں سِریوں جمن وِچ اَگوائی کردااے
ایمان تے دین وِچ کیہ فرق اے؟
ایمان یقین رکھنا اے یسوع نے سانُوں مکتی دین لئی کیہ کُجھ کیِتا ، جد پئی دین کسے بندے دا اپنے دلی خیالاں تے کماں دے آلے دوالے ہیگا اے ۔
ایہہ ۱۔یوحنا ۵ : ۴ ۔۸ وِچ کھول کے لکھیا اے پئی اَسیں صرف پانی ،لہو تے رُوح اُتے ایمان رکھن دے راہیں نویں سِریوں جم سکدے آں ۔ جے سانُوں نویں سِریوں جمنا اے ،سانُوں ذہن وِچ رکھنا چاہی دا اے پئی اَسیں صرف خُدا دے لکھے ہوئے کلام ، اصلی کلام دے راہیں نویں سِریوں جم سکدے آں ۔ سانُوں جاننا چاہی دا اے پئی ،سُفنے، پرائیاں بولیا ں بولنا یا جذباتی تجربے کدی وی نویں سِریوں جمن وَل
اَگوائی نئیں کرسکدے ۔
یسوع نے یوحنا ۳ باب وِچ آکھیا پئی کوئی اَسمانی بادشاہی وِچ وڑ نئیں سکداجدوں تیک اوہ پانی تے رُوح نال نویں سِریوں نہ جمے ۔ جے کسے نُوں نویں سِریوں جمنا اے ،اوہنوں عام طور اُتے یسوع اُتے دوواری ایمان رکھنا اے :پہلا،کوئی یسوع اُتے ایمان رکھن لئی دینی طریقے وَل جھکدا اے ،مطلب اے اپنے پاپاں نُوں خُدا دی شریعت دے راہیں پچھاندے ہویاں ۔پہلی واری کوئی یسوع اُتے ایمان رکھدا اے ، ایہہ خُدا دی شریعت دے راہیں ہیگا اے تے احساس ہیگا اے پئی اصل وِچ اوہ کِنا ڈاہدا پاپی اے ۔
سانُوں ایس جگ دے بوہت سارے دیناں وِچوں کسے وانگر یسوع اُتے ایمان نئیں رکھنا چاہی دا اے ۔ مسیحیت صرف دوجا دین نئیں ہیگا اے ۔ ایہہ ایمان دے راہیں ہمیش دی حیاتی حاصل کرن دا کلا رستہ اے ۔
ہر کوئی جیہڑا یسوع اُتے اِک دین وانگر ایمان رکھدااے ہتھوں سکھنا مُک جاوے گا ۔ اوہ اِک پاپی ، بوہت بے ترتیبا تے سکھنے پن نال بھریا ہویا دِل رکھدیاں ہویاں چھڈ دِتا جاوے گا ۔کیہ ایہہ سچ نئیں ہیگا ؟ تُسیں پاک کتاب وِچ فریسیاں وانگر اِک ریاکار ہُندیاں ہویاں مُک جاناں پسند نئیں کروگے۔
ہر کوئی نویں سِریوں جمیا ہویامسیحی بننا چاہندااے ۔ فیر وی ، جدوں کوئی مسیحیت اُتے اِک دین وانگر ایمان رکھدا اے ، اوہ اِک پاپ نال بھردے دِل نال ریاکار بن کے مُک جاندااے ۔ سانُوں یقیناً نویں سِریوں جمن دے سچ نُوں جاننا چاہی دا اے ۔
ہر کوئی جیہڑا نویں سِریوں جمن دے اَڈ مسیحیت اُتے اِک دین وانگر ایمان رکھدا اے اپنے دِ ل وِچ پریشانی تے سکھنے پن نال یقیناً مُک جاندا اے ۔ جے کوئی یسوع اُتے ایمان رکھدا اے تے نویں سِریوں جمیا نئیں ہیگا،اوہدا ایمان ٹھیک نئیں ہیگا اے ۔ایس لئی اوہ اِک نکمی شے وانگر مُک جاندا اے ، اوہ ہر کسے دے اَگے پاک نظر آؤن دی بوہت کوشش کرداپیا اے پر بوہت غمگینی نال مُکدا پیا اے ۔
جتھوں تیک تُسیں مسیحیت اُتے اِک دین وانگر ایمان رکھدے او ، تُسیں سدااِک پاپی ،اِک فریبی رہووگے تے اپنے دیہاڑے ،اپنےپاپاں وِچ پچھتاؤن وِچ بسر کروگے ۔جے تُسیں اپنے پاپاں توں مکتی پاؤنا چاہندے او ،تُہانُوں لکھے ہوئے سچ ،پانی لہوتے رُوح دی خوشخبری اُتے ایمان رکھنا چاہی دا اے ۔
یسوع دے بپتسمہ راہیں پاپاں دی معافی دا بھیت لبھنا
سانُوں کیہڑی شے نویں سِریوں جم دی اے؟
یسوع دا بپتسمہ ،اوہدا سُولی اُتے مرنا تے اوہدا جی اُٹھنا
پاک کتاب سانُوں دَسدی اے پئی کوئی وی خُدا دے کلام دے راہیں نویں سِریوں جم سکدا اے ، جیہڑا کدی نئیں بدلدا۔ہُن ،آؤ اَسیں پطرس رسوُل دے اَکھراں اُتے ۱ ۔ پطرس ۳ : ۲۱ اُتے دھیان کریے ،”تے اوسے پانی ورگا وی مطلب بپتسمہ یسوع مسیح دے جی اُٹھن دے راہیں ہُن تُہانُوں بچاؤندااے ۔“
پاک کتاب وِچ ، ایہہ دَسیا گیا اے پئی یسوع مسیح دا بپتسمہ پانی ورگااے جیہڑا سانُوں بچاؤندا اے ۔ سارےلوک جیہڑے یسوع اُتے ایمان رکھدے نیں ،اوہناں نُوں ،ساڈے اپنےبپتسمہ دے بارے وِ چ نئیں ،سگوں یسوع دے بپتسمہ دے بارے وِچ جاننا چاہی دا اے ۔ یسوع دا بپتسمہ سانُوں پاپیاں نُوں نویں حیاتی دیندااے ۔ایہدے اُتے ایمان رکھو،تے تُسیں نویں سِریوں جم پوو گے تے مکتی دی برکت پاووگے ۔
سمجھنے دے راہیں پئی مکتی یسوع دےبپتسمہ اُتے ایمان رکھن دے راہیں ملدی اے ،اَسیں مکتی یافتہ ہو سکدے آں ،راستباز بن سکدے آں تے ہمیش دی حیاتی پا سکدے آں ۔ دوجے اَکھراں وِچ، جدوں اَسیں خُدا دے کلام دے راہیں مکتی دے سچ اُتے ایمان رکھدے آں ، ساڈے پاپ ہمیش لئی صاف ہو جان گے ۔
نویں سِریوں جمنا دوجی واری جمنا اے ۔ ساڈے وِچوں بوہتے اِک دین وانگر یسوع اُتے ایمان رکھن دے راہیں شرو ع کردے نیں تے فیر جدوں اَسیں سچ دا احساس کردے آں تے ایمان دے راہیں نویں سِریوں جم پیندے آں ۔ یسوع ناں دا مطلب اے ، ” کیوں جے اوہو ای اپنے لوکاں نُوں اوہناں دے پاپاں توں مکتی دیوے گا۔“ (متی ۱ : ۲۱)۔
جدوں اَسیں یسوع اُتے ایمان رکھدے آں تےٹھیک طریقے نا ل جان دے آں پئی اوہ ساری اِنسانی پیڑھی لئی کیہ کُجھ کرچُکیا اے ،اَسیں اپنے پاپاں توں چھڈائے جاندے آں تے بالکل نویں لوکاں وانگر نویں سِریوں جم پیندے آں ۔پہلاں اَسیں یسوع اُتے اِک دین وانگر ایمان رکھدے آں ،فیر، جدوں اَسیں سُن دے تے یسوع دے بپتسمہ تے اوہدے لہو دی خوشخبری اُتے ایمان رکھدے آں ،اَسیں نویں سِریوں جم پیندے آں ۔
کیہڑا سچ اے جیہڑا سانُوں نویں سِریوں جم دا اے ؟پہلا،ایہہ یسوع دا بپتسمہ اے ، فیر لہو جیہڑا اوہنے سُولی اُتے روہڑیا تے اخیر وِچ اوہدا مویاں وِچوں جی اُٹھنا ۔ نویں سِریوں جمن دا مطلب اے یسوع اُتے اپنے خُدا ،اپنے مکتی داتا وانگر ایمان رکھنا اے۔آؤ اَسیں ویکھیے پُرانے عہد نامےدے لوک کویں نویں سِریوں جم دے سَن ۔
پُرانے عہد نامے وِچ پاپ دے فدیے لئی :ہتھاں دا رکھیا جانا تے لہودا چڑھاوا
پُرانے عہد نامے وِچ نویں سِریوں جمن دی خوشخبری کیہ اے؟ پہلاں،آؤ اَسیں احبار اِک باب پڑھیے تے ایہہ نویں سِریوں جمن دے بارے وِچ کیہ آکھدا اے ۔
احبار ۱ : ۱ ۔ ۵ وِچ ہیگا اے ، ”تے خُداوند نے اکٹھ دے تنبُو وِچوں موسیٰ نُوں سد کے اوہنوں آکھیا بنی اِسرائیل نُوں آکھ پئی جدوں تُہاڈے وِچوں کوئی خُداوند لئی چڑھا وا چڑھائے تے تُسیں چَو کھُرے مطلب گاں ، وچھا تے بھیڈ بکری دا چڑھاواچڑھاؤنا ۔ جے اوہدا چڑھاوا گاں وچھے دا سُخیاہوئے چڑھاوا ہووے تے اوہ بے عیب نَر نُوں لیا کے اوہنوں اکٹھ دے تنبُو دے بوہے اُتے چڑھائے تاں جے اوہ آپ خُداوند دے اَگے لائق ٹھہرے ۔تے اوہ سُخے ہوئے چڑھاوے دے پسُو دے سِر اُتے اپنا ہتھ رکھے فیر اوہ اوہدے وَلوں قبول ہووےگا تاں جے او ہدے لئی فدیہ ہووے ۔تے اوہ اوس وچھے نُوں خُداوند دے اَگے قربان کرے تے ہارون دے پُتر جیہڑے کاہن ہیگے نیں لہو لیا کے اوہنوں اوس قربانی والی تھاں اُتے آلے دوالے تراؤنکن جیہڑا اکٹھ دے تنبُو دے بوہے اُتے ہیگا اے ۔“
خُدا سانُوں احبار دی کتاب وِچ دَسدااے پئی کویں اِسرائیلی چڑھاوے دے بندوبست دے راہیں خُدا دے نال اکٹھے ہو سکدے سَن ۔ایہہ سچ اے پئی سانُوں ساریاں نُوں جاننا تے سمجھنا چاہی دا اے ۔ ایس لئی آؤ اَسیں ایناں آیتاں دا جائزہ لِیے ۔
خُدا نےموسیٰ نُوں سدیا تے اوہدے نال اکٹھ دے تنبُو دے میل دے راہیں کلام کیِتا ۔ ایہہ اِسرائیلیاں دے پاپاں لئی فدیہ دے بارے وِچ سی ۔ جدوں اِسرائیل دے لوکاں نیں خُدا دی شریعت دا
آکھنا نہ من دیاں ہویاں پاپ کیتے ، اوہ خُدا دے اَگے بے عیب چار کھُر ے پسُوآں دے چڑھاوے چڑھاؤن دے راہیں اپنے پاپاں لئی فدیہ دین دے لائق سَن ۔
ایناں چڑھاوے دے پسُوآں نُوں خُدا دے راہیں اَکھاں نُوں چنگے تے اوہناں نُوں کسے وی عیب توں اَڈ ہونا سی ۔اوہناں نُوں خُدا دے راہیں مقرر کیتی ہوئی رسم مطابق وی چڑھایا جانداسی ۔ چڑھاوےدی شکل تھلے دِتی گئی دے وانگر سی ۔
جے کوئی پُرانے عہد نامے دے دِناں وِچ پاپ کرداسی، اوہنوں اپنےپاپاں دی معافی لئی خُدا دے اَگے چڑھاوا چڑھاؤنا پینداسی ۔پہلاں، چڑھاوے نُوں بے عیب ہونا چاہی دا سی تے فیر اوہدے سِر اُتے اپنے پاپ لدن دے سلسلے وِچ پاپی نُوں اوہدے سِر اُتے اپنے ہتھ رکھنے پیندے سَن۔
اوہنوں قربان کرن دے بعدوں ،اوہدالہوقربان گاہ دے سِنگاں اُتے لایا جاندا سی تے اوہدے وِچوں باقی دھرتی اُتے ڈوہل دِتا جاندا سی ۔ ایہہ پاک اکٹھے ہون دے تنبُو دی رسم سی جیہڑا خُدا اپنے لوکاں نُوں مکتی دی برکت وانگر دے چُکیا سی ۔
خُدا داقانون تے خُدا دے حکم لکھائی دی صورت وِچ اوہناں نُوں ” کیہ کرنا چاہی دا اے “تے ” کیہ نئیں کرنا چاہی دااے “ ۶۱۳ حدبندیاں دے وِچ سَن ۔خُدا نے اِسرائیل دے لوکاں نُوں اپنے قانون تے اپنے حکم دِتے ۔ بھانویں لوک جان دے سَن پئی خُدا دے قانون تے خُدا دے حکم ٹھیک سَن ،اوہ اوہناں دے مطابق نہ رہ سکے کیوں جے ہر بندہ آدم دی نسل وِچوں ۱۲ قِسماں دے پاپاں نوں نال لَے کے جم دا سی ۔
ایس لئی ، اوہ خُدا دے اَگے سِدھی راہے چلن دا چج ہتھوں گوا بیٹھے سَن ۔اِسرائیلی راستباز بنن دا چج ہتھوں گوا بیٹھے سَن۔سگوں ، اوہ بچ نہ سکے پر پاپ کردے رہے ، بھانویں اوہ پاپ توں اَڈ رہن دی بوہت کوشش کردے پئے سَن ۔ ایہہ ساری اِنسانی پیڑھی دا لیکھ اے پئی جمن تے پاپی دے وانگر مرجان ۔
پر خُدا نے ، اپنے حدوں دُونے فضل نال ،اپنیاں بندیاں نُوں چڑھاوے دا بندوبست دِتا جیہدے راہیں اوہ اپنے پاپاں لئی فدیہ دے سکدے سَن ۔ اوہنے اکٹھے ہون دے تنبُو دی پاک رسم اوہناں نُوں دِتی تاں پئی اِسرائیل دے لوک تے جگ دے سارے لوک اپنے پاپاں توں چھُڈائے جان ۔ اوہنے چڑھاوے دے بندوبست دے راہیں اپنی سچی محبت نُوں ساری اِنسانی پیڑھی اُتے کھول دِتا ۔ اوہنے جگ نُوں مکتی دا رستہ وکھایا ۔
خُدا نے لوکاں نُوں چڑھاوے دا بندوبست دِتا تے چڑھاوے دا بندوبست چلاؤن لئی لاوی دے
خنوادے نُوں خاص ٹھہرایا۔ اِسرائیل دے ۱۲ خنوادیاں وِچوں صرف لاوی دا خنوادہ اِسرائیل دے لوکاں لئی چڑھاوے دا بندوبست چلاؤن لئی خاص ٹھہرایا گیا سی ۔
موسیٰ تے ہارون لاوی دے خنوادے وِچوں سَن تے بائبل مقدس اکھٹے ہون دے پاک تنبُودے چڑھاوے چڑھاؤن دے رسم تے رواج دَسدی اے ،فدیہ دی خوشخبری ہتھاں دے رکھے جان دے راہیں سی۔
ایس لئی ،جدوں اَسیں اصل وِچ لاویاں دے چڑھاویاں دیاں رسماں نُوں سمجھدے آں ، اَسیں آپ نویں سِریوں جم سکدے آں ۔ایہو ای وجہ اے پئی سانُوں اکٹھیاں ہون دے پاک تنبُو دے چڑھاوے دے بارے خُدا دے کلام وِچوں پڑھنا اے ۔ ایہہ پُرانے عہد نامے دا بوہت خاص حصہ اے ۔نتیجے وانگر جدوں اَسیں نویں عہد نامے وِچ آؤندے آں ،اَسیں نویں سِریوں جمن دیاں برکتاں پانی تے رُوح دے راہیں رکھدے آں ۔
پُرانے عہد نامہ وِچ پاپ لئی فدیہ
خُدا دیاں خاص صفتاں کیہ نیں؟
اِنصاف تے محبت
خُدا نے لاوی دے خنوادے وِچوں ، موسیٰ نُوں ،اکٹھے ہون دے پاک تنبُو وِچ ملن لئی سَدیا تے اوہد ے بھرا ہارون نُوں وڈے کاہن وانگر خاص ٹھہرایا۔ ہارون نُوں پاپ دے چڑھاوے اُتے لوکاں دے پاپاں نُوں لدنا سی ۔
ایہہ سی جیہڑا خُدا نے موسیٰ نُوں آکھیا ، جویں احبار ۱ : ۲ وِچ لکھیا اے ، ” بنی اِسرائیل نُوں آکھ پئی جدوں تُہاڈے وِچوں کوئی خُداوند لئی چڑھاواچڑھاوےتے تُسیں چار کھُر والے پسُو مطلب اے، گاں ،وچھاتے بھیڈ بکری دا چڑھاواچڑھاؤنا۔“ خُدا ایتھے چڑھاوےدے پسُوآں نوں خاص ٹھہراؤندا اے ۔ جے کوئی لوکاں وِچوں اپنے پاپاں لئی فدیے نُوں لبھے ،اوہنوں اپنے چار کھُراں والے پسُوآں وِچوں اِک
وچھا یاں اِک بھیڈ چڑھاؤنی پیندی سی ۔
خُدا نے اوہناں نُوں ایہہ وی دسیا اے ، ”جے اوہدا چڑھاواگاں یا وچھے دا سوختنی چڑھاوا ہووے تے اوہ بے عیب نَر نُوں لیا کے اوہنوں اکٹھے ہون دے تنبُو دے بوہے اُتے چڑھاوے تاں جے اوہ آپ خُداوند دے اَگے مقبول ٹھہرے۔“ (احبار ۱ : ۳)۔
خُدا اوس بندے دی حیاتی دے بدلے چڑھاواقبول کردا سی جنہوں اپنے پاپاں لئی مرجانا سی ۔ اِسرائیلی پسُوآں دے سِراں اُتے اپنے ہتھاں نُوں رکھن دے راہیں اپنے سارے پاپ لد سکدے سَن ۔ چڑھاوے دے پسُوآں نُوں اوس بندے دی اپنی آزاد مرضی اُتے چڑھایا جاندا سی ۔ ہُن ،آؤ اَسیں ویکھیے آیت ۴ کیہ آکھدی اے ۔
” تے اوہ سوختنی چڑھاوے دے پسُو دے سِر اُتے اپنا ہتھ رکھے فیر اوہ اوہدے وَلوں مقبول ہووے گا تاں پئی اوہدے لئی فدیہ ہووے ۔ “ ایس طرحاں خُدا چڑھاوے نُوں قبول کردا سی ۔جدوں اِک پاپی سوختنی چڑھاوے دے سِر اُتے اپنے ہتھاں نُوں رکھدا سی اوہدے پاپ پسُو دے سِر اُتے لد دِتے جاندے سَن ۔ایس لئی اِک پاپی نُوں خُدا دے اَگے چڑھاوے دے سِر اُتے اپنے ہتھاں نُوں رکھنا پیندا سی ،فیر اوہ ایس طرحاں اینوں قبول کرےگا تے اوہدے پاپاں لئی فدیہ منیا جاوے گا ۔
چڑھاوا چڑھاؤن والا بندہ فیر پسُو نُوں قربان کردا تے قربان گاہ دے سِنگا ں اُتے لہو تراؤنکدا تے باقی قربان گاہ دے اَگے ڈوہل دینداسی ۔ اپنے پاپاں دامُل تارن تے اوہناں توں چھُٹ جان دے سلسلے وِچ کسے نُوں خُدادے مقرر کیتے قانوناں دے مطابق چڑھاواچڑھاؤنا پیندا سی ۔
ایہہ احبار ۱ : ۵ وِچ لکھیا ہویا اے ،”تے اوہ اوس وچھے نُوں خُداوند دے اَگے قربان کرے تے ہارون دے پُتر جیہڑے کاہن نیں ، لہو نُوں لیا کے اوہنوں قربان گاہ اُتے آلے دوالے تراؤنکن جیہڑی اکٹھیاں ہون دے تنبُو دے بوہے اُتے ہیگی اے ۔“اکٹھ دے تنبُو دے اندر بوہے دے کول چارے نکراں اُتے سینگاں دے کول سوختنی قربانی دی قربان گاہ ہیگی سی ۔
اپنے پاپ لدن لئی سوختنی قربانی دے سِر اُتے اپنے ہتھ رکھن دے بعد پاپی نُوں چڑھاوے دے پسُو نُوں قربان کرنا پیندا سی تے کاہن اوہدا لہو سینگاں اُتے تراؤنکدا سی ۔ قربان گاہ دے سِنگ پاپ لئی سزا دا حوالہ دیندے نیں ۔ ایس طرحاں سِنگاں اُتے لہو لاؤن دا مطلب سی پئی پسُو پاپی دی تھاں اُتے پاپاں دا مُل تارن لئی لہو وگا چُکیا سی ۔ جدوں خُدا قربان گاہ دے سِنگاں اُتے لہو ویکھدا سی ،اوہ پاپی دے پاپاں دا فدیہ دے
دیندا سی ۔
پاپ دی قربانی دا لہو کیوں وگایا جاندا سی ؟ کیوں جے ” پاپ دی دیہاڑی (اُجرت،مُل)موت اے ۔“(رومیوں ۶ : ۲۳)۔کیوں جے بدن دی حیاتی وی لہو اے ۔ایس لئی عبرانیوں دے خط وِچ لکھیا اے ، ” لہو وگان دے اَڈ معافی نئیںہنُدی ۔“(عبرانیوں ۹: ۲۲)۔ایس طرحاں ،پاپ دی قربانی دے لہو وگائے جان نے خُدا دے قانون نُوں پوریاں کیتا ، جیہڑی آکھدی اے پئی پاپ دی دیہاڑی (اُجرت،مُل)موت اے ۔
سارے اصولاں دے مطابق قربانی دا لہو پاپی ولوں ہونا چاہی دا اے ،پر پاپ دی قربانی فدیے لئی اوہدی تھاں اُتے لہو وگاندی اے ۔ کاہن فیر قربان گاہ دے سِنگاں اُتے لہو لاکے وکھاؤندا سی پئی پاپ دا مُل تار دِتا گیا سی ۔
جےاَسیں نویں عہد نامے وِچوں مکاشفہ ۲۰ : ۱۱ ۔ ۱۵ پڑھدے آں ۔ اَسیں وکھ سکدے آں پئی سِنگ فیصلے دی کتاب نُوں ظاہر کردے نیں ۔ ایس لئی سِنگاں اُتے لہو لاؤنا فیصلے دی کتاب اُتے لہو لاؤنا اے ۔ ایہہ گواہی دیندا اے پئی ہتھاں دے رکھے جان تے پاپ دی قربانی دے لہو دے راہیں پاپاں دی عدالت پوری ہو جاندی سی ۔
پاپ دو تھاواں اُتے لکھے جاندے نیں
خُدا دے اَگے اِنسانی پیڑھی دے سارے پاپ دو تھاواں اُتے لکھے جاندے نیں۔اِک اوہناں دے دِلاں دیاں تختیاں نیں تے دوجی فیصلے دی کتاب اے جیہڑی خُدا دے اَگے کھولی جاندی اے ۔
یرمیاہ ۱۷ : ۱ وِچ اِنج لکھیا ہویا اے ، ” یہوداہ دا پاپ لوہے دی قلم تے ہیرےدی چنُج نال لکھیا گیا اے ۔اوہناں دے دِلاں دیا ں تختیاں اُتے تے اوہناں دِیاں قربان گاہواں دے سِنگاں اُتے چھاپیا گیا اے ۔“
احبار ۱۷ : ۱۱ وِچ ،ایہہ فرماندا اے ، ” کیوں جے بدن دی جان لہو وِچ ہیگی اے ۔“ لہو بدن دی جان اے تے ساڈے پاپاں د ا مُل صرف ایس لہو نال تاریا جا سکدا اے ۔ایس لئی ،لہو قربان گاہ دے سِنگاں اُتے لایا جاندا سی ۔خُدادے قانون دے مطابق ،تقریباً ساریاں شیواں لہو نال پاک کیتیاں جاندیاں نیں تے لہو وگائیوں اَڈ معافی نئیں ہُندی (عبرانیوں ۹ : ۲۲)۔
” فیر اوہ اوس سوختنی قربانی دے پسُو دی کھل کھچے تے اوہدا انگ انگ وڈ کے وَکھ وَکھ کرے ۔ فیر ہارون کاہن دے پُتر قربان گاہ اُتے اَگ رکھن تے اَگ اُتے لکڑاں طریقے نال لادین ۔ تے ہارون دے پُتر جیہڑے کاہن ہیگے نیں اوہدے اَنگاں نُوں تے سِر تے چربی نُوں اوہناں لکڑاں اُتے جیہڑیاں قربان گاہ دی اَگ اُتے ہون گئیاں ،چنگی طرحاں رکھ دین ۔پر اوہ اوہدیاں آندراں تے پاویاں نُوں پانی نال دھولوے فیر کاہن سب نُوں قربان گاہ اُتے ساڑے پئی اوہ سوختنی قربانی یعنی خُداوند لئی خوش کرن والی خُوشبُو دی اَگ والی قربانی ہووے ۔“ (احبار ۱ : ۶ ۔ ۹)۔
فیر کاہن سوختنی قربانی نُوں ٹوٹیاں وِچ کٹے تے اوہناں نُوں قربان گاہ دی اَگ اُتے رکھے ۔ایس رسم دا مطلب ایہہ ظاہر کردا سی پئی جدوں لوک خُدا دے اَگے پاپ کردے، اوہنوں نُوں اِنج ای مرنا تے لہو روڑنا تے دوزخ دے اَنگاریاں وِچ سُٹیا جانا سی ۔ فیر وی ، سزا پاپ دی قربانی دے راہیں پوری ہُندی سی ،تاں پئی لوک اپنے پاپاں لئی فدیہ دے سکن ۔
سوختنی قربانی دا چڑھاوا خُدا دی راستباز شریعت دے فیصلے دی رسم سی ۔ خُدا نے اپنے دونواں قانوُناں نُوں ،راستبازی دی شریعت تےمحبت دی شریعت نال اکٹھیاں کردِتا ،مطلب اے ساری اِنسانی پیڑھی دے فدیے دی رسم دے نال ۔
کیوں جے خُدا سچا اے ، اوہنے،اوہناں دی عدالت کرنی سی تے اوہنوں نُوں موت دی سزا دینی سی ۔پر ،کیوں جے اوہنے اپنے لوکاں نال محبت وی رکھی ،اوہنے اوہناں نُوں اوہناں دے پاپاں نُوں پاپ دی قربانی اُتے لدن دی اجازت دِتی ۔ نویں عہد نامے وِچ ،کیوں جے خُداوند نے ساڈے نال اینی محبت رکھی ،اوہنے ساڈے پاپیاں لئی پاپ دی قربانی بن کے بپتسمہ لیا تے سُولی اُتے مرگیا ۔ یسوع دے بپتسمہ تے اوہدی سُولی والی موت نے جگ دے سارے پاپاں نُوں مکا دِتا ۔
پُرانے عہد نامے وِچ ہر دیہاڑے دے پاپ لئی فدیہ
پُرانے عہد نامے وِچ بے عیب پاپ دی قربانی کیہڑی شے نُوں ظاہر کردی اے ؟
یسوع مسیح نُوں
آؤ اَسیں احبار ۴ : ۲۷ توں پڑھیے ۔ ” تے جے کوئی عام بندیاں وِچوں جانیوں اَڈ غلطی کرے تے اوہناں کماں وِچوں جنہاں توں خُداوند نے کیِتا اے،کسے کم نُوں کر کے مجرم ہوجاوے ۔تے جدوں اوہ غلطی جیہڑی اوہنے کیتی اوہناں دَسی جاوے تے اوہ اپنی اوس غلطی لئی جیہڑے اوہدے کولوں ہوئی اے اِک بے عیب بکری لیائے ۔ تے اوہ اپنا ہتھ غلطی دی قربانی دے پسُو دے سِر اُتے رکھے تے غلطی دی قربانی دے اوس پسُو نُوں سوختنی قربانی دی تھاں اُتے قربان کرے ۔تے کاہن اوہدا کُجھ لہو اپنی اُنگل اُتے لاکے اوہنوں سوختنی قربانی دی قربان گاہ دے سِنگاں اُتے لائے تے اوہدا باقی سارا لہو قربان گاہ دے پاوے اُتے ڈوہل دیوے۔ تے اوہ اہدی ساری چربی نُوں وَکھ کرے جویں سلامتی دی قربان گاہ دی چربی وَکھ کیتی جاندی اے تے کاہن اوہنوں قربان گاہ اُتے خُوش کرنے والی خُوشبُو وانگر خُداوند لئی ساڑے ۔ ایس طرحاں کاہن اوہدے لئی فدیہ دیوے تے اوہنوں معافی ملے گی ۔ “ (احبار ۴ : ۲۷ ۔۳۱)۔
آدم دی پیڑھی تو ں لَے کے ،اِسرائیل دے لوک تے سارے جگ دے سارے لوک ایس جگ وِچ پاپ نال بھرے ہوئے جمے نیں ۔ ایس لئی ساڈے دِل پاپ نال بھرے ہوئے نیں ۔ اِک بندے دے دِل وِچ ساریاں قِسماں دے پاپ ہیگے نیں :مطلب اےبھیڑے خیال ،حرامی کم ، زناکاریاں ، ہوس کرنا،خُون خرابے ، چوریاں ، لالچ تے بےوقوفی ۔
جدوں اِک پاپی کسے دیہاڑے دے پاپ لئی فدیہ دینا چاہندا سی ،اوہنوں اکٹھیاں ہون دے پاک تنبُو وِچ اِک بے عیب پسوُ لیانا پیندا سی ۔ فیر اوہنوں اوس پسُو دے سِر اُتے ہتھاں نُوں رکھ کے اپنے سارے پاپاں نُوں لدنا،قربان کرنا تے اوہدا لہو خُدا دے اَگے لیاؤن لئی کاہن نوں دینا پیندا سی۔فیر کاہن باقی
قربانی نُوں جاری رکھدا تاں پئی پاپی ا پنے پاپاں توں معافی پا سکے ۔
خُدا دےقانون تے حکماں دے اَڈ ،لوک نئیں جان دے سَن بھانویں اوہناں نے پاپ کیتا سی یاں نئیں ۔جدوں اَسیں اپنے آپ نُوں خُدادے قانون تے حکماں دے راہیں ویکھدے آں ، اَسیں اپنے پاپاں نُوں پچھان دے آں ۔ ساڈے پاپ ساڈی ترتیب وانگر نئیں ہیگے ،سگوں خُدادے قانون تے حکماں دے راہیں ایناں دی عدالت ہُندی اے ۔
اِسرائیل دے عام لوکاں نے پاپ کیِتا ،ایس وجہ توں نئیں پئی اوہ دِلوں پاپ کرنا چاہندے سَن ،سگوں ایس وجہ توں پئی اوہ اپنے دِلاں وِچ ساریاں قِسماں دے پاپ لَے کے جمے سَن ۔ پاپ جیہڑےبندہ اپنے ماڑے ہون دی وجہ توں کردا اے،غلطیاں اِکھواندے نیں ۔ پاپ اِنسانی پیڑھی دیاں ساریاں غلطیاں تے بھیڑیاں کرتُوتاں نُوں شامل کردا اے۔
سارے اِنسان ادھُوریاں جاناں نیں ۔ جویں بنی اِسرائیل دے لوک وی ادھُورے سَن ،اوہ پاپی سَن تے پاپ کردے سَن ۔ساڈیاں ساریاں غلطیاں تے بھیڑیاں کرتُوتاں دی تھلے دِتے گئے طریقے نال اِک ترتیب بنائی جاسکدی اے ۔ جدوں اَسیں اپنے دِلاں وِچ بھیڑے خیال رکھدے آں ،اوہ پاپ اَکھواندے نیں تے جدوں اَسیں اوہناں اُتے عمل کردے آں ،اوہ مجرماں والی مداخلت اَکھواندے نیں ۔ جگ دا پاپ دونواں قِسماں نُوں شامل کردااے ۔
پُرانے عہد نامے وِچ، پاپ ہتھاں دے رکھے جان دے راہیں پاپ دی قربانی دے سِر اُتے لدےجاندے سَن ۔ ایہدے بعد ، پاپی پاپ دے اَڈ ہُنداسی تے ایس لئی اوہنوں اپنے پاپاں لئی مرن دی لوڑ نئیں سی ۔ ایس طرحاں قربانی دا بندوبست خُدا دی عدالت تے محبت دا پرچھانواں اے ۔
کیوں جے خُدا نے سانُوں دھرتی توں پیداکیِتا ،اَسیں شروع وِچ صرف مٹی ساں ۔ قربان گاہ دے سِنگاں اُتے لہو لاؤن تے باقی نُوں قربان گاہ دی بنیاد اُتے ڈوہلن دا مطلب سی پئی اِسرائیلی اپنے پاپاں لئی فدیہ دے چُکے سَن تے اپنے دِلاں دیاں تختیاں توں سارے پاپاں نُوں مکا چُکے سَن ۔
کاہن چربی نُوں قربان گاہ اُتے خُوش کرن والی خُوشبُودے وانگر خُداوند لئی ساڑے۔پاک کتاب وِچ چربی دا مطلب پاک رُوح اے ۔ ایس لئی ساڈے پاپاں دے فدیے دے سلسلے وِچ ، سانُوں خُدا دے مقرر کیتے گئےطریقےنال اینوں کرنا اے ۔سانُوں اپنے پاپاں دے فدیے نُوں اپنے دِلاں وِچ وی خُدا دے خیال دے مطابق چنگے طریقے نال لینا اے ۔
خُدا نے اِسرائیل دے لوکاں نُوں دَسیا پئی پاپ دیاں قربانیاں اِک میمنا،بکری یا ں وچھا ہونا چاہی دا اے ۔ پُرانے عہد نامے دی پاپ دیاں قربانیاں خاص سَن ۔وچھا اِک صاف پسُو اے ۔ پاپ دی قربانیوں
دے بے عیب ہون دا سبب ایہہ سی پئی اوہ یسوع مسیح نُوں ظاہر کررہیاں سَن جیہڑا پاک رُوح دے راہیں ساری اِنسانی پیڑھی واسطے پاپ دی قربانی بنن لئی جمیا سی ۔
پُرانے عہد نامے وِچ لوکاں نیں بے عیب پاپ دی قربانی دے سِر اُتے اپنے ہتھ رکھن دے راہیں اپنے پاپ لد دِتے ۔ کاہناں نے اوہناں دے پاپاں لئی فدیہ دین دی قربانی دا بندوبست کیِتا۔ ایس طرح اِسرائیل دے لوکاں نے اپنے پاپاں لئی فدیہ دِتا ۔
فدیہ دیہاڑے دی رسم
اِسرائیل دے لوکاں نُوں فدیہ دیہاڑے اُتے کیوں چڑھاوا چڑھاؤن دی لوڑ سی؟
کیوں جے اوہناں نے مرن ویلے تیک پاپ نُوں جاری رکھیا ۔ روز دیہاڑے دیاں قربانیاں اوہناں نُوں خُدا دے اَگے پاک نہ کر سکیاں۔
فیر وی ،جویں اوہناں نُوں ہر ویلے جدوں وی اوہ پاپ کردے اِک چڑھاواچڑھاؤنا پیندا سی ،ساریاں قربانیاں نُوں اکٹھیاں کرنا اوکھا سی جیہڑیاں اوہناں دے پاپاں دے کفارے لئی ضروری سَن ۔ ایس لئی ہولی ہولی اوہ لاپرواہ ہو گئے ۔ ایہہ ہر دیہاڑہ اوہناں دے پاپاں دے فدیہ لئی اِک نہ مکن والے کم وانگر نظر آیا تے اوہناں نُو ں احساس ہویا پئی اوہ ایس رسم نُوں اکٹھے ہو کے کر سکدے سَن ۔
ایہداکوئی مطلب نئیں پئی اَسیں کنی ہمت کردے آں ۔ اَسیں اپنے پاپاں لئی بوہتی قربانی کدی نئیں چڑھاسکدے ۔ایس لئی ساڈے پاپاں لئی سچا فدیہ ساڈی مکتی دی شریعت دے دِلی ایمان دے راہیں جیہڑا خُدا نے ساڈے لئی تیار کیِتا سی ،دِتا جانا اے ۔
ساڈی کمزوریاں دے سبب ، کوئی مطلب نئیں رکھدا اَسیں کنی ہمت دے راہیں خُدا دی شریعت دے مطابق حیاتی بسر کرن دی ہمت کردے آں، اَسیں صرف بوہتے خبردار ہُندے آں اَسیں کنے
ادھُورے تے ماڑے اں ۔ ایس لئی خُدا نے اِسرائیل دے لوکاں نُوں اِکوای واری ورہے دے سارے پاپاں دا فدیہ دین لئی اِک طریقہ دَسیا (اِحبار ۱۶ : ۱۷ ۔۲۲)۔
اِحباروِچ ایہہ لکھیا اے ، ” تے ایہہ تُہاڈے لئی اِک ہمیش دا قانون ہووے پئی ۷ ویں مہینے دی ۱۰ ویں تاریخ نُوں تُسیں اپنی اپنی جان نُوں دُکھ دینا تے اوس دِن کوئی بھانویں اوہ دیسی ہووے یاں پردیسی جیہڑا تُہاڈے وِچ رہن سہن رکھدا ہووے کسے وی طرحاں دا کم نہ کرے ۔کیوں جے اوس دیہاڑے تُہاڈے لئی تُہانُوں پاک کرن لئی فدیہ دِتا جاوے گا ۔ ایس لئی تُسیں اپنے سارے پاپاں توں خُداوند دے اَگے پاک ٹھہروگے ۔ ایہہ تُہاڈے لئی خاص آرام دا سبت ہووے گا ۔ تُسیں اوس دیہاڑے اپنی اپنی جان نُوں دُکھ دینا ۔ایہہ ہمیش دا قانون اے ۔ “ (اِحبار ۱۶ : ۲۹ ۔ ۳۱)۔
ایس طرحاں اِسرائیل دے لوک ورہے وِچ اِک واری دِلی سکون رکھدے سَن جدوں وڈاکاہن ۷ ویں مہینے دی ۱۰ ویں تاریخ نُوں لوکاں دے پورے سال دے سارے پاپاں لئی جیہڑے اوہ کردے سَن چھُٹکارے دی قربانی چڑھاؤندا سی ۔ اوہناں دے پاپ دُھلن دے نال اوہناں دے دِل اوس دیہاڑے سکُون نال بھرے رہندے سَن ۔
۷ ویں مہینے دی ۱۰ ویں تاریخ اُتے،وڈےکاہن ہارون نُوں ،سارے اِسرائیلیاں دے اَگو وانگر ،چھُٹکارے دا چڑھاواچڑھاؤنا پیندا سی ۔ اوس ویلے ، دوجے کاہن اکٹھے ہون دے پاک تنبُو وِچ جا نئیں سکدے سَن ۔ ساریاں توں پہلاں ہارُون نُوں اپنے تے اپنے خنوادے لئی چھُٹکارے دا چڑھاوا چڑھاؤنا پیندا سی ۔ایس توں پہلاں پئی اوہ اِسرائیل دے باقی لوکاں لئی اِنج کرداکیوں جے اوہ تے اوہدا خنوادہ وی پاپ کر چُکے سَن ۔
اوہنے لوکاں لئی ایس قِسم داچڑھاوا چڑھایا ، ” فیر اوہناں دونواں بکریاں نُوں لے کے اوہناں نُوں اکٹھ دے تنبُو دے بوہتے اُتے خُداوند دے اَگے کھڑاکرے۔تے ہارون اوہناں دونواں بکریاں اُتے چِٹھیاں پاوے۔ اِک چِٹھی خُداوند لئی تے دُوجی عزازیل لئی ہووے ۔ تے جیہڑے بکرے اُتے خُداوند دے ناں دی چِٹھی نکلے اوہنوں ہارون لے کے غلطی دے چڑھاوے لئی چڑھاوے ۔پر جیہڑے بکرے اُتے عزازیل دے ناں دی چِٹھی نکلے اوہ خُداوند دے اَگے جیوندا کھڑا کیتِا جاوے تاں پئی اوہدے نال فدیہ دِتا جاوے تے اوہ عزازیل لئی جنگل وِچ چھڈ دِتا جاوے۔ “ (اِحبار ۱۶ : ۷ ۔ ۱۰)۔
ہارون اپنے خنوادے تے اپنے آپ لئی فدیہ دی رسم اداکرن دے بعد ” دونواں بکریاں اُتے چِٹھیاں پاوے۔“ اِک چِٹھی خُداوند لئی تے دُوجی ” عزازیل “ لئی ہووے ۔
پہلاں ،دونواں وِچوں اِک بکرا خُداوند لئی قربان کیِتا جاندا سی ،وڈاکاہن لوکاں لئی پورے ورہے دے پاپاں نُوں لدن لئی بکرے اُتے اپنے ہتھ رکھدا سی جیہڑے اوہ کردےسَن۔
لہو بوہتی پاک تھاں دے اندر ترس گاہ اُتے لے جایا جاندا تے ۷ واری تراؤنکیاجانداسی ۔ اِسرائیل دے لوکاں نُوں اپنے گزرے ورہے دے ساریاں پاپاں توں معافی مل جاندی سی ۔ اِسرائیل دے لوک اپنےپاپاں لئی مرن دی بجائے ، وڈاکاہن ، مطلب اے ہارون اوہناں دے پاپ ، پاپ دی قربانی دے سِر اُتے لد دیندا سی تے اوہنوں اوہناں دے لئی سزا سہن دیندا سی ۔ فیر اوہ خُدا دے اَگے دُوجا جیوندا بکرا چڑھاؤندا ۔ ایہہ چڑھاواسی جیہڑے لوکاں لئی چاہڑیا جاندا سی ۔
لوکاں لئی
ساریاں لوکاں د ے اَگے، ہارون دُوجے بکرے اُتے اپنے ہتھاں نُوں رکھدا تے خُدا دے اَگے اقرار کرداسی ۔ ”یا خُداوندا ،اِسرائیل دے لوک خون خرابے ،زناکاریاں ،چوریاں ، لالچ ، دھوکہ بازی کرچُکے نیں ۔۔۔ تے اوہ بُتاں دے اَگے سِر ٹیک چُکے نیں ۔ اوہناں نیں سبت پاک نئیں رکھیا ، اوہناں نیں تیرا ناں بے فائد ہ لیا تے اوہ تیرے قانون تے حکماں دیاں ساریاں حداں نُوں توڑ چُکے نیں ۔“فیر اوہ اپنے ہتھاں نُوں چُک لیندا ،ایہدے نال لوکاں دے پورے ورہے دے سارے پاپ ، پاپ دی قربانی اُتے لدے جاندے سَن۔
آؤ اَسیں اِحبار ۱۶ : ۲۱ وِچوں پڑھیے ،”تے ہارون اپنے دونویں ہتھ اوس جیوندے بکرے دے سِر اُتے رکھ کے اوہدے اُتے بنی اِسرائیل دیاںساریاں بدکاریاں تے اوہناں دے سارے پاپاں تے غلطیاں دا اقرار کرے تے اوہناں نُوں اوس بکرے دے سِر اُتے دھرکے اوہنوں کسے بندے دے ہتھ جیہڑا ایس کم لئی تیارہووے جنگل وِچ گھل دیوے ۔ “ فیر قربانی دا بکرا جنگل وِچ ایدھر اودھر پھردا تے اپنے سِر اُتے اِسرائیل دے لوکاں دے پاپاں نال مرجاندا سی ۔
عبرانی بولی وِچ قربانی دے بکرے ” عزازیل “دامطلب ” بجھاؤنا اے “ایہدا مطلب اے
پئی اِسرائیل دے سارے لوکاں دی تھاں اُتے پاپ دی قربانی خُدا دے اَگوں کڈھ دِتی جاندی سی ۔
ایس لئی اِسرائیل دے پاپ ہارون دے ہتھاں دے رکھے جان دے راہیں قربانی دے بکرے اُتے لد دِتے جاندے سَن ۔ایس طرحاں اِسرائیلیاں نُوں اپنے پاپاں توں معافی ملدی سی ۔ جدوں اوہناں نیں وڈے کاہن نُوں بکرے اُتے اپنے ہتھاں نُوں رکھدیاں ہویاں ویکھیا تے اوہنوں جنگل وِچ گھلدیاں ویکھیا ۔ اِسرائیل دے سارے لوک جیہڑے کفارہ دی رسم اُتے ایمان رکھدے سَن اپنے پاپاں دے کفارہ لئی بڑے یقین نال بھرے سَن ۔پُرانے عہد نامے دیاں ساریاں رسماں ،نویں عہد نامے وِچ نویں سِریوں جمن دی خوشخبری دا پرچھانواں سَن ۔
پُرانے عہد نامے وِچ ،ہتھاں دا رکھیا جاناتے قربانی دا لہو پاپ توں مکتی دی خوشخبری سی ۔ بنیادی طور تے ایہہ نویں عہد نامے وِچ ایسے طرحاں چالُو رہی ۔
نویں عہد نامے وِچ پاپاں تو ں معافی دی خوشخبری
نویں عہد نامے وِچ،لوکاں دے سارے پاپاں دا کفارہ کویں دِتا گیا سی ؟
متی ۱ : ۲۱ ۔۲۵ وِچ لکھیا ہویا اے ، ” اوہدا پُتر ہووے گا تے تُوں اوہدا ناں یسوع رکھیں کیوں جے اوہو ای اپنے لوکاں نُوں اوہناں دے پاپاں توں مکتی دیوے گا ۔ایہہ سارا کُجھ ایس لئی ہویا پئی جیہڑا خُداوند نے نبی دے راہیں آکھیا سی اوہ پورا ہووے پئی ۔ویکھو اِک کواری حاملہ ہووے گی تے پُتر جمے گی تے اوہدا ناں عمانوایل رکھن گے جیہدا ترجمہ اے خُدا ساڈے نال ۔فیر یوسف نے نیند روں جاگ کے اُنج ای کیتا جویں خُداوند دے فرشتہ نے اوہنوں حکم دِتا سی تے اپنی گھروالی نُوں اپنے کول لے آیا ۔تے اوہنوں نہ جانیا جدوں تیک اوہداپُتر نہ جمیا تے اوہدا ناں یسوع رکھیا ۔“
ساڈاخُداوند یسوع ایس جگ وِچ عمانوایل ناں دے نال ساری اِنسانی پیڑھی نُوں پاپ توں مکتی دین لئی آیا ۔ایس لئی اوہدا ناں یسوع رکھیا گیا ۔یسوع جگ دے سارے پاپ چُکن لئی آیا ۔اوہ اِنسانی پیڑھی دا مکتی داتا بنن لئی اِک اِنسان دے بدن وِچ آیا ۔اوہنے ساڈ ی مکتی پوری کیتی تے سانُوں ہمیش لئی پاپ توں
چھڈایا ۔
نویں سِریوں جمن دی خوشخبری
تے کویں یسوع نے سانُوں ساڈے سارے پاپاں توں چھڈایا ؟اوہنے اپنے بپتسمہ دے راہیں چھڈایا۔ آؤ اَسیں متی ۳ : ۱۳ ۔۱۷ویکھیے ۔
” اوس ویلے یسوع گلیل توں یردن دے کنارے یوحنا کول اوہدے توں بپتسمہ لین لئی آیا ۔پر یوحنا ایہہ آکھ کے اوہنوں منع کرن لگا پئی میَں آپ تیرے کولوں بپتسمہ لین دا محتاج آں تے تُوں میرے کول آیا ایں ؟ یسوع نے جواب وِچ اوہنوں آکھیا ہُن تُوں ہون ای دے کیوں جے سانُوں ایسے طرحاں ساری راستبازی پوری کرنا چنگا اے ۔ ایہدے اُتے اوہنے ہون دِتا ۔تے یسوع بپتسمہ لے کے اوسے ویلے پانی دے کولوں اُتے گیا تے ویکھو اوہدے لئی اَسمان کھُل گیا تے اوہنے خُدا دے رُوح نُوں کبوتر وانگر اُتردیاں تے اپنے اُتے آؤندیاں ویکھیا ۔تے ویکھو اَسمان توں ایہہ آواز آئی پئی ایہہ میرا سوہنا پُتر اے جیہدے توں میَں خوش آں ۔ “ (متی ۳ : ۱۳ ۔۱۷)۔
نویں عہد نامے وِچ ،جدوں یسوع ۳۰ ورہیاں دا ہوگیا ،اوہ یردن اُتے یوحنا اصطباغی کول آیا ۔ اوہنے اوہدے کولوں بپتسمہ لیا تے سارے پاپیاں دے پاپاں نُوں چُک لیا ۔ اِنج کرن دے راہیں ،اوہنے خُدا کی راستبازی نُوں پورا کیِتا ۔
یسوع نُوں کیوں یردن وِچ بپتسمہ دِتا گیا سی؟
خوشخبری وِچ کیہ ظاہر کیِتا گیا اے؟
خُدا دی راستبازی
آؤ ہُن اَسیں منظر اُتے اِک نظر پائیے جدوں اَسمانی وڈا کاہن اِنسانی پیڑھی دے آخری وڈے کاہن نال ملیا ۔ایتھوں ، اَسیں بپتسمہ دے راہیں خُدا دی راستبازی ویکھ سکدے آں جنہے جگ دے سارے پاپاں لئی فدیے نُوں سانبھ لیا ۔
یوحنا اصطباغی ، اوہ جنہے یسوع نُوں بپتسمہ دِتا ، زنانیاں توں جم والیاں وِچوں بوہت وڈا سی ۔ یسوع نے متی ۱۱ : ۱۱ وِچ :گواہی دِتی ، ” میَں تُہانوُں سچ آکھدا ہاں پئی جیہڑے زنانیاں توں جمےنیں اوہناں وِچوں یوحنا بپتسمہ دین والے توں وڈا کوئی نئیں ہویا ۔“ بالکل جویں لوکاں دے پاپاں دا فدیہ دِتا جاندا سی جدوں وڈا کاہن ہارون فدیہ دیہاڑے اُتے پاپ دی قربانی دے سِر اُتے اپنے ہتھاں نوں رکھدا سی ،نویں عہد نامے وِِچ جگ دے سرے پاپاں دا فدیہ دِتا گیا جدوں یسوع نے یوحنا اِصباغی کولوں بپتسمہ لیا ۔
نویں سِریوں جمن دی خوشخبری ساڈے سارے پاپاں ماضی ، حال تے مستقبل لئی مکمل فدیے دی خوشخبری ہیگی اے ۔ ایس لئی یسوع دے بپتسمہ دے راہیں پاپاں دی معافی دی خوشخبری اوہدی راستبازی نُوں پوراکرن لئی خُدا دی مقرر کیتی گئی خوشخبری سی ۔جنہیں جگ دے سارے لوکاں نُوں مکتی دِتی ۔ یسوع نُوں جگ دے پاپاں دے فدیہ لئی بوہت چنگے طریقے نال بپتسمہ دِتا گیا سی ۔
” ساری راستبازی “ پور ی کرن دا کیہ مطلب اے؟ایہدا مطلب اے پئی خُدا نے بوہت چنگے طریقے نال جگ دے سارے پاپاں نُوں دھو دِتا ۔ یسوع نے اِنسانی پیڑھی دے سارے پاپاں نُوں دھون لئی بپتسمہ لیا ۔ ” ایس لئی پئی اوہدے وِچ خُدا دی راستبازی ایمان نال تے ایمان لئی ظاہر ہُندی اے ۔“(رومیوں ۱ : ۱۷)۔
خُدا دی راستبازی اوہدے فیصلے وِچ نظر آئی مطلب اے ایس جگ وِچ اپنے ذاتی پُتر یسوع نُوں گھلیا ،یوحنا اصطباغی دے راہیں اپنے بپتسمہ تے سُولی اُتے اپنے مرن دے راہیں جگ دے سارے پاپاں نُوں دھونا ۔
نویں عہد نامے وِچ ،خُدا دی راستبازی یسوع دے بپتسمہ تے اوہدے لہو دے راہیں ظاہر کیتی گئی ۔ اَسیں راستباز بن گئے کیوں جے یسوع نے تقریباً ۲ ہزار ورہے پہلاں دریائے یردن اُتے اِنسانی پیڑھی دے سارے پاپاں نُوں چُک لیا ۔جدوں اَسیں اپنے دِلاں وِچ خُدا دی مکتی نُوں قبول کردے آں ، خُدا دی راستبازی اصل وِچ پوری ہُندی اے ۔
” یسوع نے جواب وِچ اوہنوں آکھیا ہُن تُوں ہون ای دے کیوں جے سانُوں ایسے طرحاں ساری راستبازی نُوں پوریاں کرنا چنگا اے ۔ ایہدے اُتے اوہنے ہون دِتا ۔تے یسوع بپتسمہ لے کے اوسے ویلے پانی دے کولوں اُتے گیا تے ویکھو اوہدے لئی اَسمان کھُل گیا تے اوہنے خُدا دے رُوح نُوں کبوتر وانگر اُتردیاں تے اپنے اُتے آؤندیاں ویکھیا ۔تے ویکھو اَسمان توں ایہہ آواز آئی پئی ایہہ میرا سوہنا پُتر اے جیہدے توں میَں خوش آں “ (متی ۳ : ۱۵۔۱۷)۔
ایہہ حوالہ ظاہر کردا اے پئی خُدا نے خود آپ سچ دی گواہی دِتی پئی اوہدے پُتر دے بپتسمہ نے مکتی دی راستبازی پوری کیتی ۔اوہ سانُوں دَسداپیا سی ، ” یسوع ، جنہے یوحنا اصطباغی کولوں بپتسمہ لیا ، ہُن سچ مُچ میرا پُتر اے ، “ خُدا نے گواہی دِتی پئی اوہدے پُتر نے ساری اِنسانی پیڑھی دے فدیہ لئی بپتسمہ لیا ۔ اوہنے اِنج کیِتا ،تاں پئی اوہدے پُتر یسوع دا پاک کم بے فائدہ نہ جاوے ۔
یسوع خُدا دا پُتر اے تے جگ دے پاپیاں دا مکتی داتا وی اے، ” جیہدے توں میَں خوش آں “ خُدا نے آکھیا ۔ ایہہ سچ ہیگا اے پئی یسوع نے پیو دی مرضی دا آکھیا منیا تے اپنے بپتسمہ دے راہیں اِنسانی پیڑھی دے سارے پاپاں نُوں چُک لیا ۔
لفظ بپتسمہ دامطلب ، ” دھویاجانا،لدیا جانا ، دفن ہونا “ اے۔کیوں جے یسوع اُتے ساڈے سارے پاپ لد دِتے گئے سَن جدوں اوہنے بپتسمہ لیاسی ، سانُوں سب کُجھ جیہڑا کرنا اے ،جگ دے سارے پاپاں توں مکتی یافتہ ہون لئی خوشخبری اُتے ایمان رکھنا اے ۔
پُرانے عہد نامے وِچ مکتی دیاں ساریاں پیشن گوئیاں دا پوراہونا نویں عہد نامے وِچ یسوع دے بپتسمہ نال مکمل ہویا ۔ ایس لئی پُرانے عہد نامے دی پیشن گوئیاں اخیر وِچ نویں عہد نامے وِچ اِکو جیہی حیثیت لے چُکیا نیں ۔ بالکل جویں اِسرائیل دے لوک پُرانے عہد نامے وِچ اپنے پاپاں لئی ورہے وِچ اِک واری فدیہ دیندے سَن ،لوکاں دے پاپ یسوع اُتےلدے گئے تے ہمیش لئی نویں عہد نامے وِچ فدیہ دِتا گیا ۔
اِحبار ۱۶ : ۲۹ ،متی ۳ : ۱۵ ورگا اے ۔ یسوع نے جگ دے سارے پاپاں نُوں چُکن لئی بپتسمہ لیا ۔ اوہدے بپتسمہ دا شکر ہووے ،اوہ سارے جیہڑے اوہدی پاپ دی ہمیش دی معافی اُتے ایمان رکھدے نیں ،مکتی پاؤندے نیں ؛اوہناں دے سارے پاپ اوہناں دِیاں دِلاں دِیاں تختیاں توں مکا دِتے گئیں نیں ۔
جے تُسیں نئیں پچھان دے تے یسوع دے بپتسمہ تے سُولی اُتے اوہدی مرن دے سچ اُتے اپنے دِل وِچ ایمان نئیں رکھدے ،تُسیں کدی اپنے پاپاں توں پاک نئیں ہو سکدے۔ کوئی مطلب نئیں رکھدا تُسیں کنی پاکیزہ حیاتی بسر کردے او۔ صرف یسوع دے بپتسمہ راہیں خُدا دا کلام پورا ہُندا اے تے ساڈے پاپ مکدے نیں ۔ اصل مکتی ساڈے سارے پاپاں دی معافی دے راہیں مل سکدی اے ، دوجے اَکھراں
وِچ، یسوع دے بپتسمہ راہیں ۔
دِل وِچ ایس گل نال ،تُسیں کیہ کروگے؟ کیہ تُسیں اپنے دِل وِچ ایس مکتی نُوں قبول کروگے ؟یاں نئیں کروگے؟ ایہہ کسے بندے دا کلام نئیں ہیگا ،سگوں خود خُدا دا کلام ہیگا اے ۔ یسوع سُولی اُتے مریا کیوں جے اوہنےاپنے بپتسمہ راہیں تُہاڈے سارے پاپاں نُوں چُک لیا سی ۔ کیہ تُسیں ایس گل نُوں من دے نئیں پئی یسوع دا سُولی اُتے مرنا اوہدے بپتسمہ دا نتیجہ سی ؟
رومیوں ۸ : ۳ ۔۴ وِچ لکھیا ہویااے ، ” ایس لئی پئی جیہڑا کم شریعت بدن دے سبب ماڑیاں ہُندیاں ہویاں نہ کر سکی اوہ خُدا نے کیِتا مطلب ،اوہنے اپنے پُتر نُوں پاپ نال بھرے بدن د ی شکل وِچ تے پاپ دی قربانی لئی گھل کے بدن وِچ پاپ دی سزا دا حکم دِتا ۔تاں پئی شریعت دا تقاضہ ساڈے وِچ پورا ہووے جیہڑے بدن دے مطابق نئیں سگوں جیہڑے رُوح دے مطابق چلدے نیں ۔ “
کیوں جے اَسیں اِنسانی کم کردے ہویاں شریعت تے خُدا دے حکماں نُوں بدن دےماڑے ہون دی وجہ توں قائم نئیں رکھ سکدے ،یسوع نے بدن دے سارے پاپاں نُوں اپنے آپ اُتے لین دے راہیں چُکیا ۔ ایہہ یسوع دے بپتسمہ دا سچ اے ۔ یسوع دے بپتسمہ نےسُولی اُتے اوہدے مرن نُوں پہلاں ای خاص ٹھہرایا ۔ ایہہ خُدا دی اصل خوشخبری دی سیانف اے ۔
جے تُسیں صرف یسوع دے سُولی اُتے مرن اُتے ایمان رکھدے پئے او ،ہُنے واپس مُڑو تے اپنے وِچ یسوع دے بپتسمہ دے راہیں مکتی دی خوشخبری نوُں قبول کرو ۔ فیر تے صرف فیر ،تُسیں خُدا دے اصلی پُتر بن سکدے او۔
اَصل خوشخبری
اَصل خوشخبری کیہ اے؟
پانی تے رُوح دی خوشخبری
اَصل خوشخبری پاپاں دے فدیہ دی خوشخبری اے ۔ ایہہ یسوع دے بپتسمہ ،اوہدی موت تے جی
اُٹھن دی خوشخبری اے جیہڑی خُدا نے ساڈے اُتے ظاہر کیتی اے ۔ یسوع مسیح نے یردن وِچ بپتسمہ لین دے راہیں پاپ نُوں دھوتا تے اوہدے راہیں اوہناں ساریاں نُوں مکتی دِتی جیہڑے ایس سچ اُتے ایمان رکھدے نیں ۔ ساڈے ایمان دے وجہ توں ،ساڈے مستقبل دے سارے پاپ وی دھوتے گئے نیں ۔
ہُن جیہڑا کوئی یسوع دے بپتسمہ تے سُولی اُتے اوہدے مرن اُتے ایمان رکھدا اے ،ہمیش لئی جگ دے سارے پاپاں توں مکتی یافتہ ہوگیا اے ۔کیہ تُسیں ایمان رکھدے او ؟جے تُہاڈا جواب ، ”آہو،میَں رکھدا ہاں“فیر تُسیں واقعی راستباز بن جاووگے ۔
آؤ اَسیں کُجھ واقعات نُوں کھولیے جیہڑے یسوع دے بپتسمہ لین دے بعد ہوئے ۔یوحنا ۱ : ۲۹ وِچ لکھیا اے ، ” ویکھو ایہہ خُدا دا میمنا اے جیہڑا جگ دا پاپ چُک کے لے جاندا اے ۔“ یوحنا اصطباغی نے گواہی دِتی پئی یسوع خُدا دا میمنا سی جنہے جگ دا پاپ چُکیا۔
یوحنا اصطباغی یسوع اُتے جگ دے سارے پاپاں نُوں لد چُکیا سی جدوں اوہنے اوہنوں یردن وِچ بپتسمہ دِتا ۔اگانہہ ہور ،یوحنا اصطباغی نے آپ یسوع نُوں بپتسمہ دِتا ، اوہ گواہی دے سکدا سی ،”ویکھو ایہہ خُدا دا میمنا اے جیہڑا جگ دا پاپ چُک کے لے جاندا اے ۔“ یسوع نے بپتسمہ لیا تے جگ دے پاپاں نُوں چُک لیا تے ایہہ نویں سِریوں جمن دی خوشخبری اے ۔
پاپ جیہڑے تُسیں اپنے جمن توں لے کے ۱۰ ویں سالگرہ تیک کیتے ،جگ دے پاپاں وِچ شامل نیں ۔کیہ تُسیں ایمان رکھدے او پئی اوہ پاپ یسوع اُتے لد دِتے گئے سَن ؟—آہو ،میَں ایمان رکھدا ہاں — تُہاڈی ۱۱ توں ۲۰ ورہے دی عمر تیک دیاں غلطیاں دے بارے وِچ کیہ خیال اے ؟ کیہ تُسیں ایمان رکھدے او پئی اوہ پاپ وی یسوع اُتے لد دِتے گئے سَن ؟—آہو ،میَں ایمان رکھدا ہاں —
کیہ تُسیں مستقبل وِچ جیہڑے پاپ کروگے جگ دے پاپاں وِچ شامل نیں ؟— آہو ، اوہ وی شامل نیں — فیر کیہ اوہ پاپ یسوع اُتے لد ےگئےسَن ؟—آہو ، اوہ لد دِتے گئے سَن — کیہ تُسیں واقعی ایمان رکھدے او پئی تُہاڈےسارے پاپ یسوع اُتے لد ےگئےنیں ؟—آہو ، میَں ایمان رکھدا ہاں—کیہ تُسیں ایمان رکھدے او پئی اوہدے بپتسمہ دے راہیں جگ دے سارے پاپ یسوع اُتے لد دِتےگئےسَن ؟ —آہو ، میَں ایمان رکھداہاں —
کیہ تُسیں واقعی جگ دے پاپاں توں مکتی یافتہ ہونا چاہندے او؟جے تُسیں چاہندے او ،یسوع دے بپتسمہ تے اوہدے سُولی والے لہو دی خوشخبری اُتے ایمان رکھو۔ اِک واری تُسیں ایمان رکھدے اوتُسیں مکتی پا لیندے او ۔ کیہ تُسیں ایہدے اُتے ایمان رکھدے او؟ایہہ نویں سِریوں جمن دی سچی مکتی اے ۔ یسوع دا بپتسمہ تے اوہدا لہو نویں سِریوں جمن دی اصل خوشخبری اے ۔ ایہہ جگ دے سارے پاپیاں لئی خُدا دے وَلوں برکت اے ۔
یسوع دے بپتسمہ تے اوہدے صلیبی لہو دے راہیں نویں سِریوں جمن دی مکتی اُتے ایمان رکھنا ،اوہدی محبت وَل ویکھنا ،سچا ایمان رکھنا اے تے واقعی نویں سِریوں جمنا اے ۔ نویں سِریوں جمن دیاں علامتاں پانی تے یسوع دا لہو نیں ۔تُہانُوں صرف پاک کتاب وِچ لکھے ہوئے سچے کلام نُوں قبول کرنا اے ۔
دین تے ایمان
اَسیں نویں سِریوں جمے ہوئے دِل وِچ کیہ گواہی رکھدے آں؟
پئی یسوع نے اپنے بپتسمہ تے لہو نال ساریاں پاپاں نُوں مکا دِتا
دین دامطلب کسے دا اپنے خیالاں مطابق یسوع اُتے ایمان رکھنا ،خُدادے کھَرے کلام نُوں رَد کرنا اے ۔ فیر وی ، پاپ توں مکتی کسے دے اپنے خیالاں توں وکھ اے ۔ایمان پُرانے تے نویں عہد نامے دے سارے اَکھراں اُتے ایمان رکھنا اے ۔ مطلب اے کسے دے دِلی خیالاں نُوں رَد کرنا اے ۔ایہدے اُتے بالکل ایس طرحاں ایمان رکھنا اے جویں ایہہ پاک کتاب وِچ لکھیا گیا سی تے پانی تے لہو دے راہیں :یسوع دے بپتسمہ تےسُولی اُتے اوہدی موت دے راہیں مکتی نُوں قبو ل کرنا اے ۔کوئی وی اصل خوشخبری دی سیانف نُوں اپنے دِل وِچ لین دے راہیں مکتی یافتہ ہو سکدا اے ۔
یسوع دے بپتسمہ دے اَڈ ساڈے پاپاں دا لدیا جانا کوئی نئیں ہیگا ،تے لہو وگاؤن دےاَڈ پاپاں دی کوئی معافی نئیں ہیگی ۔اوہناں نُوں سُولی اُتے لے جان تے ساڈے لئی لہو وگاؤن توں پہلاں ساڈے سارے پاپ یسوع اُتے لد دِتے گئے سَن ۔جدوں اَسیں یسوع دے بپتسمہ تے اوہدے صلیبی لہو دی خوشخبری دے راہیں نویں سِریوں جمن اُتے ایمان رکھدے آں ،اَسیں جگ دے سارے پاپاں توں چھُٹ جاندے آں ۔
کھَرا ایمان ، ایہہ ایمان رکھنا اے پئی یسوع مسیح نے سانُوں مکمل طور اُتے ساڈے سارے پاپاں توں پاک کر دِتا ،جدوں اوہنے بپتسمہ لیا؛ ایہہ ایمان رکھنا اے پئی اوہنے ساڈے پاپاں لئی سُولی اُتے سزا سہی ۔سانُوں خُدا دی سچی مکتی اُتے ایمان رکھنا اے ۔خُدا نے ساڈے نال اینی محبت رکھی پئی اوہنے سانُوں یسوع دے بپتسمہ تے سُولی اُتے اوہدے لہو دے راہیں مکتی دِتی ۔ جدوں اَسیں ایس خوشخبری اُتے ایمان رکھدے آں ،اَسیں اپنے پاپاں توں مکتی پاؤندے آں ۔ عدالت توں چھُٹ جاندے آں تے خُدا دے اَگے راستباز بن جاندے آں ۔ پر اوہدے لہو دے راہیں مکتی دِتی ۔ جدوں اَسیں ایس خوشخبر ی اُتے ایمان رکھدے آں ،اَسیں اپنے سارے پاپاں توں مکتی پاؤندے آں ،سزا توں بچ جاندے آں تے خُدادے اَگے راستباز بن جاندے آں ۔
”یا خُداوندا ،میَں ایمان رکھدا ہاں ۔میَں مکتی دا حق نئیں رکھدا پر میَں یسوع دے بپتسمہ ، اوہدے سُولی اُتے مرن تے جی اُٹھن دی خوشخبری اُتے ایمان رکھدا ہاں۔“سانُوں صرف نویں سِریوں جمن دی خوشخبری دی برکت لئی خُداوند دا شکر کرنا اے ۔
نویں سِریوں جمن دی اصل خوشخبری اُتے ایمان رکھنا کھَراایمان اے۔ نویں سِریوں جمن دا سچ ایہہ ہیگا اے، ” ایس لئی ایمان سُنن نال پیدا ہنُدا اےتے سُننا مسیح دے کلام توں۔“ (رومیوں ۱۰ : ۱۷)۔”تے سچ نُوں جانو گے تے سچ تُہانُوں چھڈائے گا۔“(یوحنا ۸ :۳۲ )۔سانُوں ٹھیک طریقے نال سچ نُوں جاننا اے تے سانُوں پانی ،لہوتے رُوح اُتے ایمان رکھنا اے جیہڑے ایہدی گواہی دیندے نیں (۱ ۔ یوحنا ۵ : ۵ ۔ ۸)۔
” سچ تُہانُوں چھڈائے گا۔“ ایہہ یسوع دے پانی تے لہو دے بارے وِچ اَکھر نیں ۔کیہ تُسیں چھڈائے گئے او ؟ کیہ اَسیں دینی آں یاں ایمان دار آں؟ یسوع صرف اوہناں نُوں چنگیاں سمجھدا اے جیہڑے پانی تے رُوح دی نویں سِریوں جمن دی خوشخبری اُتے ایمان رکھدے نیں ۔
جے تُسیں یسوع دے بپتسمہ تے اوہدے لہو دی خوشخبری اُتے ایمان رکھدے او ،تُسیں اپنے دِل وِچ پاپ توں اَڈ جے ۔فیروی ، جے تُسیں صرف یسوع اُتے کسے دین دے کسے حصے وانگر ایمان رکھدے او ،
تُسیں ہُن تیک پاپ وِچ رہندے او ۔کیوں جے تُسیں یسوع دی مکتی اُتے پورا ایمان نئیں رکھدے ۔دینی لوک اپنے پاپاں لئی ہر ویلے جدوں اوہ توبہ لئی دُعا منگدے نیں معافی حاصل کرن دی کوشش کردے نیں ۔
ایس طرحاں ، ایہو جیہے لوک اپنے پاپاں توں سارے دے سارے کدی وی مکتی یافتہ نئیں ہوسکدے۔ ایتھوں تیک جے اوہ ساری حیاتی توبہ کردے ،ایہہ کدی وی یسوع دے بپتسمہ تے سُولی اُتے اوہدے مرن دے راہیں پاپاں دی پوری معافی نُوں بدل نئیں سکدی ۔ آؤ اَسیں یسوع دی خوشخبری اُتے ایمان رکھن دے راہیں مکتی یافتہ ہوئیے، جنہے جگ دے سارے پاپ دھو دِتے ایتھوں تیک پئی مستقبل دے وی ۔
میَں تُہانُوں دوبارہ دساں گا، ہر دیہاڑے توبہ کرنا ،نویں سِریوں جمن دی خوشخبری دا کدی وی نعم البدل نئیں بن سکدا ۔سارے مسیحیاں نُوں ہُن نویں سِریوں جمن دی خوشخبری دے راہیں پاپاں دی معافی اُتے ایمان رکھنا چاہی دا اے ۔
اَسیں اپنے پاپاں اُتے کدی پورا دھیان نئیں دیندے ۔جھوٹی توبہ کسے نُوں خُدا دے کول نئیں لے جاندی ،پر صرف اوہدی رُوح نُوں تسلی دیندی اے۔جھوٹی توبہ اِک پاسیوں اقرار اے جیہڑا کدی وی خُدا دی مرضی دے مطابق خیال نہیں کیتا جاندا ۔ایہہ کوئی ایہو جیہی شے نئیں جیہدی خُدا ساڈے کولوں آس رکھدا اے ۔
سچی توبہ کیہ اے ؟ایہہ خُدا وَل مُڑنا اے ۔یسوع دی مکتی دے کلام وَل واپس مُڑنا تے کلام اُتے ایمان رکھنا ،جویں ایہہ لکھیا گیا سی ۔ خوشخبری جیہڑی سانُوں مکتی دیندی اے ،یسوع دا بپتسمہ ،اوہدا سُولی اُتے مرنا تے جی اُٹھن دی خوشخبری اے ۔جدوں اَسیں دِلوں ایس خوشخبری اُتے ایمان رکھدے آں ، فیر اَسیں مکتی یافتہ ہُندے آں تے ہمیش دی حیاتی پاؤندے آں۔
ایہہ نویں سِریوں جمن دی خوشخبری دی سیانف (دانائی)اے :ایہہ یسوع دے بپتسمہ تے اوہدے لہو تے خُدا دی بادشاہی دی خوشخبری جیہڑی سانُوں نویں سِریوں جمن دی اجازت دیندی اے ، اُتے ایمان رکھنا اے ۔
جدوں یسوع نے سانُوں دَسیا ،سانُوں پانی تے رُوح نال نویں سِریوں جمنا چاہی دا اے ۔ اوہدا مطلب سی ،سانُوں اوہدے بپتسمہ تے صلیبی لہو اُتے ایمان رکھن دے راہیں نویں سِریوں جمنا چاہی دا اے ۔فیر اَسیں خُدا دی بادشاہت وِچ جان تے اوتھے رہن دے لائق ہُندے آں ۔ سانُوں اوہدے کلام اُتے ایمان رکھنا اے ۔ دو شیواں جیہڑیاں ساڈے پاپاں دی معافی دی گواہی دیندیاں نیں ،یسوع دا بپتسمہ تے اوہدا صلیبی لہو ، اوہ کلام ہیگا اے جیہڑا سانُوں نویں سِریوں جمن دی اجازت دیندا اے ۔
کیہ تُسیں نویں سِریوں جمن دی خوشخبری تے پاپاں دی معافی اُتے ایمان رکھدے او؟ یسوع دا بپتسمہ تے سُولی اُتے اوہدےلہو اُتے ایمان ،سانُوں جگ دے سارے پاپاں توں مکتی دیندا اے ۔ اَسیں ایس ایمان نال نویں سِریوں جم سکدے آں ۔ کیوں جے پاک کتاب سانُوں دَسدی اے پئی یسوع نے جگ وِچ سارے پاپیاں دے پاپاں نُوں دھو دِتا اے سانُوں کیوں ایمان نئیں رکھنا چاہی داتے نویں سِریوں جمنا چاہی دا؟
اوہ جیہڑے دو شیواں اُتے جیہڑیاں سانُوں نویں سِریوں جمن دی گواہی دیندیاں نیں ، مطلب اے یسوع دا بپتسمہ تے اوہدی سُولی اُتے مرن اُتے ایمان رکھدے نیں ، واقعی نویں سِریوں جم دے نیں ۔ تے اوہ جیہڑاخُدا دے پُتر اُتے ایمان رکھدا اے ، اپنے آپ وِچ گواہی رکھدا اے (۱۔یوحنا ۵ : ۳ ۔ ۱۰)۔جدوں تُسیں یسوع اُتے ایمان رکھدے او ،تُہانُوں پانی ، لہو تے رُوح دی خوشخبری نُوں نئیں چھڈنا چاہی دا ۔
بالکل جویں لشکر دے سردار نعمان نے کوڑھ توں مکمل طور تے شفا پاؤن لئی یردن وِچ ۷ واری ٹُبی ماری (۲ ۔سلاطین ۵ باب)،سانُوں ایمان رکھنا چاہی دا اے یسوع نے جگ دے سارے پاپاں نُوں اِکو ای واری تے ساریاں لئی یردن اُتے دھودِتا تے نتیجے طورتے سانُوں ہمیش دی مکتی دے دِتی اے ۔
کیوں جے یسوع نے ساڈے نال محبت رکھی ،اَسیں جگ دے سارے پاپاں توں مکتی یافتہ ہو سکدے آں تے پاپ دی معافی دی خوشخبری اُتے ایمان رکھن دے راہیں ہمیش دی حیاتی پا سکدے آں ۔ آؤ اَسیں سارے نویں سِریوں جمن دی خوشخبری اُتے ایمان رکھیے تے خُدا دی مکتی حاصل کر سکیے ۔
Copyright © 2021 by The New Life Mission