Search
አማርኛ
አማርኛ
በኮቪድ-19 እና በዓለም አቀፉ የመላላኪያ አገልግሎት መዛባት ምክንያት ‹ነጻ የታተመ መጽሐፍ አገልግሎታችንን› ለጊዜው አቋርጠናል፡፡
በዚህ ሁኔታ ምክንያት በዚህ ጊዜ መጽሐፎቻችንን ለእናንተ መላክ አንችልም፡፡
ይህ ወረርሽኝ በቅርቡ እንዲያበቃና የፖስታ አገልግሎት እንዲጀምር ጸልዩ፡፡

ስብከቶች፤

مضمون 9: رومیوں (رومیوں دی کتاب اُتے تفسیر)

[8-9 باب] ساریاں شیواں رَل کے  بھلیائی پیدا کردیاں نیں <رومیوں ۸: ۲۸ ۔ ۳۰>

>رومیوں ۸: ۲۸ ۔ ۳۰<
” تے اسیں جان دے آں پئی   ساریاں  شیواں رَل کے خُدانال محبت رکھن والیاں لئی  بھلیائی پیدا کرد یاں نیں مطلب اے  اوہناں  لئی جیہڑے خُدادے ارادےدے مطابق سدے گئے۔ ایس لئی پئی  جنہاں  نوں او ہنے پہلوں توں  جانیا اوہناں نوں  پہلوں  توں مقرر وی کیِتا پئی  او ہدے پُتر دی شکل وانگر ہون تاں پئی اوہ بوہتیاں  بھراواں وچ  پلیٹھی دا  ثابت ہوئے ۔تے  جنہاں نوں اوہنے پہلوں  توں  مقرر کیِتا اوہناں نوں  سدیا وی تےجنہاں  نوں سدیا  اوہناں نوں راستباز وی بنایا تےجنہاں  نوں راستباز بنایا اوہناں نوں جلال وی دتا۔“
 
 
اج اسیں رومیوں باب ۸ دے اُتلے حوالے بارے دھیان کرنا پسند کراں گے ۔ ایہہ آکھیا گیا اے پئی خُدا نے سانوں پہلوں توں مقررکیتا اے ،سدیا تے جلال دتا جیہڑے یسوع مسیح وچ ، خُدا دے پُتر نیں۔ اسیں ایہدے بارے وچ گل کراں گے ،تے ایہدے بارے وچ وی کویں لوک ہولی ہولی پاکیزگی دی تعلیم نوں سمجھن ول دھیان دیندے نیں ۔
رومیوں ۸ : ۲۸ آکھدااے ، ” تے اسیں جان دے آں پئی   ساریاں  شیواں رَل کے خُدانال محبت رکھن والیاں لئی  بھلیائی پیدا کرد یاں نیں  مطلب اے  اوہناں  لئی جیہڑے خُدادے ارادےدے مطابق سدے گئے۔“سانوں سوچنا چاہی دا اے ، ” خُدانال محبت رکھن والے“ کون نیں ۔
 کیہ ساریاں شیواں سچ مُچ رَل کے بھلیائی پیدا کردیاں نیں ؟ ایسے طرحاں خُدا نے آکھیا ۔ شروع وچ ، لوک پیدا کرن توں پہلوں ، خُدا نے اپنے ارادے دے مطابق سانوں اپنے لوک بناؤن دا فیصلہ کیتا تے
ایس طرحاں یسوع مسیح ،اپنے اِکو اکلے پُتر وچ بھلیائی پیدا کر چُکیا اے ۔
سانوں چیتا رکھنا چاہی دا اے پئی عدن دے باغ وچ نیکی تے بدی دی پچھان دا رُکھ سی ۔ خُدا نے کاہدے لئی ایہہ رُکھ لایا سی ؟ ایہہ چنگا ہوندا جے خُدا نےپہلی ویہل وچ  نیکی تے بدی دی پچھان دا رُکھ نہ لایا ہوندا ۔ بوہتے لوک ایس گل بارے بے چین نیں ۔
پراوتھے خُدا دا خاص مقصد تے ارادہ سی ۔ خُدا نے اپنےآپ دے رُوپ وانگر اوہناں نوں بناؤن لئی لوکاں نوں بنایا ۔ اصل وچ ، سارے لوک دوجی مخلوق توں فرق نئیں سن جدوں تیک اسیں خُدا دی راستبازی  نئیں پائی ۔
 
 

خُدا نے کاہدے لئی نیکی تے بدی دی پچھان دا رُکھ لایا سی ؟

 
ایہو ای سبب اے  سانوں لازمی طور اُتے ایہہ سبب جاننا چاہی دا اے پئی خُدا نے کاہدے لئی آدم تے حوا  نوں نیکی تے بدی دی پچھان دےرُکھ  وچوں نہ کھان دا حکم دتا ۔ کیہ سبب سی ؟ سارے لوکاں نوں خُدا دی شریعت دے ہیٹھاں رکھنا سی تے سانوں یسوع مسیح دے راہیں چھڈاؤن لئی اپنے پُتر بناؤنا سی ۔ خُدا دی ساری راستبازی کلام وچ لُکی ہوئی اے ، ” تے اسیں جان دے آں پئی   ساریاں  شیواں رَل کے خُدانال محبت رکھن والیاں لئی  بھلیائی پیدا کرد یاں نیں  مطلب اے  اوہناں  لئی جیہڑے خُدادے ارادےدے مطابق سدے گئے۔“ (رومیوں ۸ : ۲۸ ) ، سانوں لازمی طور اُتے یسوع مسیح دے راہیں دتی گئی پانی تے رُوح دی خوشخبری وچ ایس سوال دا جواب لبھنا چاہی دا اے ۔
اِنج کرن لئی ، سانوں لازمی طور اُتے خُدا دی خوشخبری نوں مننا چاہی دا اے ۔ فیر سانوں پتہ لگے گا پئی ہر کم جیہدا خُدا ارادہ بناؤنداتے کردا اے ، چنگا اے ۔  پر ایس سچیائی نوں سمجھن لئی سانوں لازمی طور اُتے پانی تے رُوح دی خوشخبری اُتے ایمان رکھن دے راہیں نویں سریوں جمنا چاہی دا اے ۔ سانوں لازمی طور اُتے جواب لئی خوشخبری وچوں لبھنا چاہی دا اے جیہڑی خُدا نے سانوں دتی اے ۔
کیہ سبب ہیگا اے پئی کاہدے لئی خُدا نے سانوں پیدا کیتا اے ، عدن دے باغ وچ نیکی تے بدی دی پچھان دا رُکھ لایا ، آدم تے حوا نوں اوہدے وچوں کھان دی ، تے سانوں شریعت نوں جانن دی اجازت دتی ، سانوں اپنے سکے پُتر بناؤنا سی ۔ ساڈا خُداوند ، جنہے سانوں ساریاں نوں چھڈایا، اوہ سب کجھ ہون دتا تاں پئی اوہ سانوں پاپاں دی معافی ، ہمیش دی حیاتی ،جلال دے اسمان دے سکے۔ خُدا نے بندے نوں مٹی نال بنایا، تے سارے لوک بنے تے ماڑے پیدا ہوئے ۔ پاک کتاب بوہتی وار سانوں مٹی دے بھانڈیاں وانگر آکھدی اے ۔ خُدا نے جیہڑا کمہیا ر اے ،بندے نوں مٹی نال بنایا ۔ اوہنے اوہنوں مٹی وچوں پیدا کیتا تے اوہدے وچ پانی تے رُوح دی محبت پھوکی ۔ خُدا نےایس طرحاں سانوں اپنے سکے پُتر بناؤن لئی پانی تے رُوح دی سچیائی دتی اے ۔ 
کچے بھانڈے جیہڑے مٹی نال بنائے جاندے نیں، چھیتی نال ٹُٹ جاندے نیں ، ایس طریقے نال ، خُدا نے پہلوں بندے دے بدن تے رُوح نوں اوہنوں اپنا پُتر بناؤن دے سلسلے وچ ماڑے ہون لئی پیدا کیتا ۔ اوہدا ارادہ یسوع دےراہیں پورا ہویا ، جنہےسارے لوکاں دے سارے پاپاں نوں دھو دتا تے اوہناں نوں ہمیش دی حیاتی دین ، پانی تے رُوح دی خوشخبری نال نویں سریوں اوہناں نوں جمن دے لائق کرن دے راہیں خدا دی پاکیزگی دے لیڑے پوائے ۔  ایس سبب توں خُدا نے سانوں شروع توں بے پاپ بناؤن دی تھاں اُتے ادھورے تے ماڑے بنایا ۔
 
 

کاہدے لئی خُدا نے بندے نوں شروع توں ماڑے رہن لئی پیدا کیتا ؟

 
کاہدے لئی خُدا نے عدن وچ نیکی تے بدی دی پچھان دا رُکھ لایا  تے فیرآدم تے حوا نوں  اوہدے وچوں نہ کھان دا حکم دتا ؟ ایہدے پیچھے لازمی طور اُتے سبب نوں سمجھنا چاہی دا اے تے پانی تے رُوح دی خوشخبری ا ُتے ایمان رکھنا چاہی دا اے ۔ کاہدے لئی خُدا نے آکھیا پئی زنانی دی پیڑھی شیطان دا سر پھیوے گی تے شیطان اوہدی اڈی اُتے ڈنگ مارے گا ، جدوں آد م تے حوا ڈگ پئے تے اوہناں نیں پاپ کیتا ؟ ایہہ سارے کم لوکاں نوں اوہدے پُتر بناؤن لئی سن ۔ ایہہ یسوع مسیح وچ اوہدے اِکو اکلے پُتر وچ ساڈے لئی اوہدا ارادہ سی ۔
فیر کیہڑے، خُدا دے ارادے دے مطابق  ”سدے گئے“ اکھواؤندے نیں ؟ ایہہ اوہ ہیگے نیں جیہڑے اپنے پاپاں تے بدیاں دا اقرار کردے نیں تے خُدا دی محبت تے ترس لبھدے نیں ۔ سانوں لازمی طور اُتے سوچنا چاہی دا اے پئی شرطوں اڈ چناؤ کیتے جان دے خُدائی خیال تے ہولی ہولی  پاکیزگی دے خُدائی خیالاں دے خُدائی دعوے غلط نیں ۔ شرطوں اڈ چناؤ کیتے جان دی خُدائی تعلیم غلط اے ایس لئی پئی ساڈا خُدا ایس طرحاں دا خُدا نئیں ہیگا جیہڑاصرف کسے نوں شرطوں اڈ طریقے نال جد پئی دوجیاں نوں بے سبب کڈھدے ہویاں چُن لوے گا ۔
سگوں اوہ جنہاں نوں خُدا چُن دااےتے سددااے اوہ ہیگے نیں جیہڑے اپنے پاپاں اُتے روندے تے اقرار کردے نیں پئی اوہ وچارے نیں سگوں دوزخ جان والے نیں —  اوہ جنہاں اُتے خُدا نے ترس کھاہدا اے تے اوہ اوہناں نوں اپنی پانی تے رُوح دی خوشخبری دے نال بلاؤندا اے ۔
بے گنتی لوکاں وچکار جیہڑے ایس جگ وچ پیدا ہوندے نیں تے خُدا ول پرتے ، اوہناں وچوں اک وی چُنیا ہویا یاں کسے سبب توں اڈ خُدا ولوں چھڈیا ہویا نئیں ہیگا ۔ جے خُدا نے بے سبب تہانوں نئیں چُنیا، تُسیں خُدا دے خلاف ہڑتال کروگے ۔ ایہہ آکھنا عقل دا گھاٹا ہووے گا پئی خُدا نے تہانوں بنایا یاں کسے نوں کسے سبب توں اڈ شیطان دا پُتر بنا دتا ۔ ایہہ اوہ نئیں ہیگا پئی خُدا نے کیہ کیتا اے ۔
جے تُسیں خُدا دے راہیں چُنےنئیں گئے آں، تاں سبب ایہہ ہیگا اے پئی تُسیں پانی تے رُوح دی خوشخبری اُتے ایمان نئیں رکھدے ۔ جے تُسیں خُدا ولوں دتی گئی پانی تے رُوح دی خوشخبری اُتے ایمان نئیں رکھدے ، فیر خُدا تہانوں رد کرے گا ۔ ایس لئی پئی ساڈے خُداوند نے آکھیا ، ” ایس لئی پئی میَں راستبازاں نوں نئیں سگوں پاپیاں نوں بلاؤن لئی آیا ہاں  ۔“ (متی ۹: ۱۳)۔ بے نصیبی نال خُدائی تعلیم دے ماہراں نیں جو کجھ کیتا اے ، اوہ ساڈے خُدا نوں گھٹ دِلا تے ظالم خُدا وچ بدل دااے ۔
 
 

خُدا دی مرضی مطابق کیہڑے سدے ہوئے نیں ؟

 
اوہ جیہڑے خُدا ولوں سدے گئے نیں پاپی نیں جیہڑے دوزخ جان دے حقدار نیں ۔ اوہ خُدا کول آؤندے تے اقرار کردے نیں پئی اوہ دوزخ جان دے حقدار نیں ایس لئی پئی اوہ ماڑے نیں تے وچارے نیں سگوں اوہدے حکماں دی نافرمانی کردے نیں جدوں تیک اوہ مر نئیں جاندے ۔ خُدا نے پاپیاں نوں سدیا تے اوہناں دے پاپاں نوں پانی تے رُوح دی خوشخبری نال مکایا ۔ اوہنے اوہناں نوں بلایا جیہڑے وچارے سن سگوں اوہناں نیں دوزخ وچ جانا سی تے اوہناں نوں پانی تے رُوح دی خوشخبری نال اوہناں دے پاپاں توں چھڈایا ۔
خُدا اوہناں نوں بلاؤن نئیں آیا جیہڑے چنگے تے شریعت دے پچھے چلدے نیں ۔ خُدا وہناں نوں بلاؤندااے جیہڑے اوہدی مرضی دے مطابق جیوندے رہن دی سچ مُچ بوہت کوشش کردے نیں ، سگوں من دے نیں پئی اوہناں دیاں کمیاں اوہناں نوں پاپ کرن لئی مجبور کردیاں نیں، بھاویں اوہ ایمان رکھدے تے خُدا اُتے بھروسہ کردے نیں ۔ خُدا دا ارادہ ماڑے ، لاغرتے نحیف لوکاں نوں راستباز بناؤنا ، اوہناں نوں اپنے پُتر بناؤنا اے ۔ ایہہ اوہدی مرضی دے مطابق خُدا دا بلاوااے ۔ ساریاں شیواں رَل کے اوہناں لئی بھلائی پیدا کردیاں نیں جیہڑے اوہدے ارادے مطابق بلائے گئے نیں ۔
سانوں لازمی طور اُتے خُدا دے بلاوے اُتے ایمان رکھنا چاہی دا اے ۔ سانوں لازمی طور اُتے ایہہ نئیں آکھنا چاہی دا پئی اسیں بے سبب یسوع اُتے ایمان رکھدے آں ۔ ایہو جیہا ایمان ٹھیک نئیں ہیگا ۔ جائز ایمان خُدا دے ارادہ مطابق خُداوند اُتے ایمان رکھنااے ، مطلب اے اپنے دلی ارادے دے مطابق ایمان رکھنا نئیں اے ۔ ایہدا مطلب ایمان رکھنا اے پئی خُدا ساڈیاں کمیاں نوں چنگی طرحاں جان دا اے ، مطلب اے اوہنے ساڈے پاپاں نوں اِکو ای وار تے ہمیش لئی چُک لیا اے ، تے اِنج اوہنے سانوں بے پاپ بنایا۔ ساڈا ایمان خُدا دے ارادے ، بپتسمے تے یسوع مسیح دے لہو اُتے تیار کرن دے راہیں ، اسیں اوہدے پُتر بن سکدے آں ۔ سانوں اپنے بے باپ پُتر بناؤنا خُدا دی مرضی اے جدوں اسیں من دے آں تے اوہدے ارادے نوں من لیندے آں ۔ ایہہ اوہ  لوک نیں جنہاں نوں خُدا  سچ مُچ محبت کردا اے تے جنہاں نوں اوہ بلاؤندا اے ۔
 
 
کیہڑے لوک خُدا دے راہیں چُنےگئے نیں؟
 
 خُدا دو لائناں وچ کھلوتے ہوئے لوک نئیں رکھداا تے ہر کسے نوں اپنے سجے پاسے ایہہ آکھدیاں ہویاں چُن دا اے ،  ” آؤ یسوع اُتے ایمان رکھو تے اسمان اُتے جاوو“ تے فیر کھبے پاسے پھردااے تے اوہناں نوں دسدااے ،  ”ہُنے دوزخ وچ چلے جاوو۔ “
کیلون پرست دعویٰ کردے نیں خُدا نے کسے سبب توں اڈ خاص لوکاں نوں چُنیا تے شروع توں باقیاں نوں چھڈن دا فیصلہ کیتا ۔ پر خُدا ایہو جیہا نئیں ہیگا اے۔ خُدا نے ساریاں شیواں نون اوہناں لئی بھلیائی کرن واسطے بنایا جیہڑے اوہدے ارادے مطابق بلائے گئے نیں ۔ ایہہ سوچنا عقل دا گھاٹا اے پئی اسیں شرطوں اڈ طریقے نال کسے سبب توں اڈچُنےگئے ساں ۔
فیر کیہ خُدا بے انصاف خُدا اے ؟ بالکل نئیں ۔ ہر کوئی خُدا تے اوہدی شریعت دونوا ں دے اگے اِکو جیہا اے ۔ ہر کوئی عدالت دے اگے وی اِکو جیہا اے ۔ اسیں خُدا کولوں مکتی دا فضل پا چُکے آں ۔ جنہے سانوں  ساڈے پاپاں توں یسوع مسیح دے راہیں بچایا ۔ ایس سچیائی اُتے ایمان رکھن دا ویلا وی ہر کسے لئی اِکو جیہا اے ۔ اوہ اوہناں نوں اجازت دیندااے جیہڑے خُدا دے ارادے نوں منن تے سوچن تے پانی تے رُوح دی خوشخبری اُتے ایمان رکھن لئی اپنیاں کمیاں نوں جان دے نیں ۔
فیر، پہلوں توں مقررہونا تے کھرا خُدائی  چناؤ کیہ اے ؟ اوہ پانی تے رُوح دی خوشخبری وچ خُدا دے ارادے دے مطابق ساڈے لئی سدے جانا اے جیہڑا او ہ سانوں دے چُکیا اے ۔ ایس لئی پئی خُدا نے ساڈے پاپاں نوں یسوع دے راہیں چُک لیا تے سانوں اپنے پُتر بناؤن دا ارادہ کیتا مطلب اے اسیں ایس جگ وچ جمے آں تے سانوں خوشخبری سنن دا ویلا دتا گیا اے ۔ خُدا نے ایہہ سارا یسوع مسیح وچ پہلوں توں ارادہ کیتا ہویا اے ، ایہہ خُدا دا ارادہ سی ۔ جدوں اسیں خُدا دے اگے آؤندے آں ، ایس لئی سانوں لازمی طور اُتے پہلوں خاص دھیان کرنا چاہی دا اے پئی کیہ اسیں یعقوب وانگر آں یاں عیسو ووانگر آں ۔
پاک کتاب سانوں دسدی اے پئی خُدا نے یعقوب نال محبت رکھی تےجد پئی عیسو توں نفرت کیتی ۔ ایہہ قائن تے ہابل دے بارے وی گل کردی اے ، تے خُدا نے ہابل نال محبت کیتی تے قائن توں نفرت کیتی ۔ کیہ خُدا عیسو  تے قائن توں نفرت کیتی تے یعقوب تے ہابل نال بغیر کسے سبب دے محبت کیتی ؟ نئیں ۔ ایس لئی پئی عیسو تے قائن نے صرف اپنے موہڈیاں اُتے بھروسہ کیتا تے کدی خُدا دے فضل نوں نہ منگیا ، جد پئی  یعقوب تے ہابل اپنیاں کمیاں  نوں جان دے سن ، خُدا دے فضل نوں منگیا تے اوہدے کلام اُتے بھروسہ کیتا ۔
پاک کتاب خُدا دے پہلوں توں مقررکرن تے چناؤ نوں اوہناں لوکاں نوں اک مثال وانگر ورتن دے راہیں وضاحت کردی اے ۔ اسیں کیہڑے پاسے دا رشتہ رکھدے آں ؟ کیہ اسیں خدا نال مل سکدے آں  جے اسیں اپنے موہڈیاں اُتے بھروسہ کردے آں ، بالکل جویں عیسو نے کیتا ؟ نئیں ، اسیں نئیں مل سکدے ! اِکو طریقے نال اسیں خُدا نال مل سکدے آں ، اوہدے نال پانی تے رُوح دی خوشخبری دے راہیں ملنا اے جیہڑی خُدا دے فضل نال بھری ہوئی اے۔دونواں پاسیاں وچوں کیہڑے پاسے اسیں خُدا دے اگے کھلوتے آں ؟ اسیں اوہ لوک آں جیہڑے خُدا دے اگے برکت یافتہ ہونا چاؤہندے آں ، پر اپنی کمیاں دے سبب سدا اِنج کرن وچ ناکام ہو جاندے آں ۔ایتھوں تیک پئی بھاویں اسیں خُدا دے ارادے دے مطابق جیون دی آس رکھدے آں ، اسیں حالے تیک ماڑے تے خُدا دے اگے نحیف ہیگے آں ،تے ایس طرحاں صرف ایہہ شے ہیگی اے پئی اسیں اوہدا فضل منگ سکدے آں ۔
جے اسیں خُدا کولوں برکت پاؤنا چاؤہندے آں، سانوں یعقوب وانگر بننا چاہی دا اے ،تے ایمان رکھنا چاہی دا اے جویں دا ہابل رکھدا سی ۔ سانوں خُدا دے اگے سچیائی نوں مننا چاہی دا اے پئی اسیں ماڑے ، کوڑا تے ڈرپوک آں ۔
زبور ۱۴۵ : ۱۴ آکھدا اے ، ” خُداوند ڈگدے ہویاں نوں سنبھالدا تے جھکے ہوئے نوں اُتاں کھلاردا اے ۔ “ سچ مُچ ، ہر کوئی خُدا دے اگے جھک جاندا اے ۔ ساڈے وچ کوئی حوصلہ نئیں ۔ اسیں نکے جیہے فائدے لئی سودےبازی کردے آں ۔ اسیں قیدی کمینے آں ۔ اسیں کئی ویلیاں اُتے دل والے وکھالی دے سکدے آں ، پر اوہ صرف  اک سیکنڈ لئی اے ۔ جے اسیں نیڑے ہوکے اپنیاں حیاتیاں نوں ویکھدے آں ، سانوں چھیتی نال پتہ لگ سکدا اے اسیں بوہتے کمینے آں ۔ اسیں تگڑے دے اگے تے ایتھوں تیک پئی جھوٹے بندے اگے نیویں ہوندے آں جیہڑا سانوں سچیائی نوں چھڈ دین لئی مجبور کردا اے ۔ پر خُدا قیدیاں نوں اوہناں نال محبت کرن تے یسوع مسیح وچ اوہناں نوں مکتی دین لئی بلا چُکیا اے ، تے اوہ اوہناں نوں اپنے پُتر بنا چُکیا اے ۔ 
سانوں خُدا کولوں محبت لین دے سلسلے وچ سوچن دی لوڑ اے ، صرف اسیں کنے ماڑے تے پاپی آں ۔ سانوں منگنا اے پئی کیہ اسیں سچ مُچ شریعت دی تسلی تیک فرمانبرداری کر سکدے آں ۔ فیر سانوں لازمی طور اُتے چھیتی سوچنا چاہی دا اے پئی اسیں شریعت نوں قائم رکھن دے لائق نئیں ہیگے ، تے ایسے طرحاں اسیں کامل حیاتیاں نئیں بسرکرسکدے ۔
جے میَں کامل ہوندا ، مینوں کدی مکتی داتا دی لوڑ نہ ہوندی ۔ جے اسیں کامل ہوندے ، کاہدے لئی سانوں خُدا دی مدد تے برکتاں دی لوڑ ہونی سی ؟ ایس لئی پئی اسیں خُدا دے اگے اینے ماڑے ہیگے آں پئی سانوں اوہدیاں برکتاں دی لوڑ اے ۔ سانوں اوہدے فضل دی لوڑ اے ۔ ساڈے اُتے خُدا دا ترس    اینا ں تگڑا سی پئی اوہنے اپنے اکو اکلے پُتر نوں گھلیا تے اوہنوں اوہناں نوں دھون لئی ساڈے سارے پاپ چُکن  دے لائق بنایا ۔ تے خُدا نے ساڈی تھاں اُتے یسوع اُتے پاپ دی سزا لد دتی تاں پئی اسیں پاپ توں چھٹ سکیے ۔ ایس لئی سانوں لازمی طور اُتے ایمان رکھنا چاہی دا اے ۔
صرف ایمان رکھن نال اسیں خُدا دے سوہنے  پُتر بن سکدے آں ۔ ایہہ اوس فضل دے سبب ہیگا اے پئی اسیں اپنی خاص مکتی پاؤن لئی اوہدی محبت دے لیڑے پائے نیں ، تے اپنی دلی کوششاں دے سبب سانوں ساڈی مکتی نئیں ملی اے ۔
بھاویں بوہتے مسیحی سکھاؤندے تے پہلوں توں مقررتے چناؤ دی خُدائی تعلیم دے پچھے چلدے نیں ، اوہ ایناں خُدائی تعلیماں دے بارے بے سکونی وی محسوس کردے نیں ۔ ایہہ ہے کیوں اوہ بوہت چوکھے حیران ہوندے نیں ، پئی اوہ خُدا ولوں چُنے ہوئے سن یاں نئیں ۔
ایہہ دو خُدائی خیال کیلون پرستی دی خُدائی تعلیم دا گھٹوگھٹ نبے فیصد حصہ نیں ۔ سوال ایہہ ہیگا اے پئی یسوع اُتے اپنے ایمان دے ہوندیاں ہویاں اوہ سچ مُچ چُنے گئے نیں یاں نئیں ،تے ایہہ سبب ہیگا اے جیہڑا اوہناں نوں بے چین کردا اے ۔ پر ایہہ گل نئیں پئی کیہ تُسیں چُنے ہوئے جے یاں نئیں جیہڑا خاص ہیگا اے ۔ سگوں ، تہاڈے لئی ایہہ خاص ہیگا اے پئی خُدا دی راستبازی نوں پاؤن دے راہیں مکتی یافتہ ہون لئی پانی تے رُوح دی خوشخبری اُتے ایمان رکھنا اے ۔اوہ جیہڑے ایمان دے سبب  خُدا دی راستبازی پا چُکے نیں ، چُنے ہوئے لوک نیں ۔
اک واری خُدائی تعلیم دا اک ڈاکٹر سی جیہڑا رسمی خُدائی تعلیم دے ماہراں وانگر مشہور سی ۔ اوہ کیلون پرستی دی تعلیماں اُتے مثال طور پہلوں توں مقرر خُدائی تعلیم تے خُدائی چناؤ بارے بوہت گل کردا سی ۔  اک دن اوہ ، ایہناں سرناویاں بارے لیکچر دینداپیا سی، جدوں ایک طالبِ علم نے پچھیا ، ”ٹھیک اے ، کیہ تُسیں خُدا دے چُنے ہوئے جے ؟ کویں تُسیں جان سکدے او پئی خُدا کنہاں نوں چُن چُکیا اے ؟  “
خُدائی تعلیم دے ماہر نے جواب دتا ، ”کیہڑا ایہنوں جان سکدا اے ؟ اسیں صر ف  ایہنوں اوس ویلے جاناں گے جدوں اسیں خُدا دے اگے کھلوواں گے ۔ “
ایس طرحاں اوس ویلے ، طالبِ نے فیر پچھیا ، ”فیر تُسیں کیہ کروگے جدوں تسیں خُدا دے اگے جاندے او تے اوہ آکھدا اے پئی تُسیں چُنے ہوئے نئیں جے ؟  “
پروفیسر نے جواب دتا ، ” میَں کیہ کر سکدا ہاں جیہڑا خُدا نے پہلوں ای اپنے آپ فیصلہ کیتا اے ؟
ایس لئی میَں آکھیا پئی تہانوں صرف پتہ لگے گا جدوں تُسیں صرف خُدا دے اگے کھلوووگے ۔ “
طالب علماں نے سوچیا ، ”اوہ بوہت حلیم بندہ سی ۔ ایتھوں تیک پئی اک وڈا بندہ اوہدے وانگر ایہہ آکھدا اے پئی اوہنوں نئیں  پتاپئی کیہ اوہ چُنیا ہویا اے یاں نئیں ۔ ایس لئی ایہہ قدرتی گل ہیگی اے پئی کسے نوں نئیں پتہ پئی کیہ اوہ چُنیا ہویا اے یاں نئیں ۔ “
پر سچیائی جیہدے وچ خُدا دی راستبازی لُکی ہوئی سی ، ہُن صاف طریقے نال ظاہر ہوندی اے ۔ کجھ شیواں سن جیہڑیاں خُدا نے بندے توں لُکایاں سن ، پر اوہ تیار کیتے ہوئے ویلے اُتے اوہناں نوں ظاہر کرچُکیا اے ۔ کویں مناد خوشخبری دی منادی کر سکدے نیں جد پئی اوہ بھاویں نئیں جان دے پئی کیہ اوہ مکتی یافتہ یاں وکھ کیتے ہوئے نیں یاں نئیں ؟ اوہ جیہڑے خُدا ولوں بلائے گئے نیں اوہ لوک نیں جیہڑے خُدا دی راستبازی اُتے ایمان رکھدے نیں ۔
رومیوں ۸: ۲۹ دسدااے ، ” ایس لئی پئی  جنہاں  نوں او ہنے پہلوں توں  جانیا اوہناں نوں  پہلوں  توں مقرر وی کیِتا پئی  او ہدے پُتر دی شکل وانگر ہون تاں پئی اوہ بوہتیاں  بھراواں وچ  پلیٹھی دا  ثابت ہوئے ۔ “ خُدا باپ نے اپنے اکلے پُتر ،یسوع مسیح  دی شکل وانگر سانوں بدلن لئی پہلوں توں مقرر کیتا ، تاں پئی اوہ بوہتیاں  بھراواں وچ  پلیٹھی دا  ثابت ہوسکے ۔ایتھے یسوع ”پلیٹھی دا “ اکھواؤندااے ۔ جے اسیں یسوع اُتے تے پانی تے رُوح دی خوشخبری اُتے ایمان رکھدے آں جیہڑی اوہنے سانوں دتی اے ، اسیں اپنے سارے پاپاں توں مکتی یافتہ ہوندے تے خُدا دے پُتر بن جاندے آں ۔ فیر ، یسوع ساڈے نال کیہڑے رشتے وچ ہووےگا؟ اوہ ساڈا وڈا بھرا ہووے گا ، اوہ خُدا دا پلیٹھی دا پُتر اے تے اسیں اوہدے نکے بھرا تے بھیناں ہیگے آں ۔
بوہت چِر پہلوں ، جدوں میَں اک دعاکرن والےگھر وچ رہندا ساں، اک وڈیرا مناد مینوں ملیا ۔ اوہنے یسوع اُتے  ایمان رکھنا شروع کیتا ،جدوں اوہ چین وچ سی تے فیر کوریا وچ آیا ۔ اک دیہاڑے  میَں اوہنوں دعا کردیاں سُنیا ،تے اوہنے آکھیا : ”بھرا یسوع تے خُدا باپ ، مینوں بچاؤن لئی تہاڈا شکر ہووے ۔ بھرا یسوع مہربانی کر کے میری مدد کر ۔ “ یسوع ساڈابھرااے !
اسیں خورے پچھ سکدے آں کیہ  خُدا ساڈے بارے وچ ہر شے جان دا اے ؟ جواب ہاں اے ، اوہ ساڈے بارے وچ ہر شے جان دا اے ۔ خُدا باپ ساڈے بارے وچ ہر شے جان دا اے ۔ اوہ اپنے اِکو اکلے پُتر دے راہیں ایتھوں تیک پئی ایس جگ نوں بناؤن توں پہلوں ساڈے پاپاں توں سانوں بچاؤن دا ارادہ کر چُکیا سی ۔ ایہہ خُدا دا ارادہ سی ۔ اوہدا پُتر یسوع ایس جگ وچ آیا ، بپتسمہ لیا تے سانوں ساڈے پاپاں توں بچاؤن لئی سولی اُتے مر گیا ۔ خُدا نے ایس کم دا پہلوں ای ارادہ کر لیا سی ۔
اسیں خورے آکھ سکدے آں پئی جگ دے بناؤن توں پہلوں ، ”خُدا نے خُدا باپ ، بیٹا ،پاک رُوح دی کانفرنس “ سدی ۔ خُدائے ثالُوث —  خُدا باپ ، بیٹا تےپاک رُوح —  نے اوہناں نوں چھڈاؤن دا ارادہ بنایا جیہڑے اوہدی راستبازی اُتے ایمان رکھدے نیں ۔ اوہدا ارادہ لوکاں نوں پیدا کرنا تے اپنی کامل بادشاہی وچ اوہناں نال رَل کے رہن لئی اوہناں نوں اپنے پُتر بناؤنا سی ۔
خُدا باپ ، بیٹا تےپاک رُوح سارے ارادے اُتے متفق ہوئے ۔ فیر ، سوچن دے کم وچ اوہنوں کویں بندے نوں بناؤنا چاہی دا اے تے سارے لوکاں نوں اپنے پُتر  بناؤنا چاہی دا اے ، خُدا نے پُتر ، یسوع نوں جگ وچ گھلن دا تے او ہنوں بپتسمہ دلواؤن دا تے سولی اُتے موت دے حوالے کرن دا ارادہ بنایا، تاں پئی اوہ اوہدےپُتر دی شکل وانگر بدل جان ۔
سانوں بناؤن وچ خُدا دا کیہ ارادہ سی ؟ ایہہ سانوں اپنے پُتر بناؤنا سی ۔ کیہ یسوع خُدا دا پلیٹھی دا پُتر اے؟ آہو ، اوہ ہیگا اے ،تے ایس لئی پئی اسیں خُدا دے پُتر بن گئے آں ، اسیں اوہدے بھرا وی آں ۔
جد پئی ایس دھرتی اُتے ۳۳ ورہے تیک رہندیاں ہویاں ، یسوع نے ساریاں بدنی کمیاں تے بدکاریاں دا تجربہ کیتا ۔ ایس لئی جدوں اسیں دعا منگدے آں ، اسیں آکھدے آں ، ”اے یسوع ، میَں بوہت ماڑا ہیگا واں ۔ میَں اِنج دا ای آں ؟ مہربانی کرکے میری مدد تے میری راکھی کر۔ لوکاں دے دلاں نوں اپنا کلام منن لئی ملائم کر، راکھی کر، فضل گھل تے اوہناں دی مدد کر۔ “ خُدا ساڈیاں دعاواں نوں سُن دا تے جواب دیندا اے ۔ یسوع اگے دعا منگنا تے خُدا اگے منگنا اِکو ای گل اے ۔
سانوں بناؤن وچ خُدا دا کیہ ارادہ سی ؟ اوہنے سانوں اپنے پُتر بناؤنا سی خُدا ساڈے بارے ہر شے جان دا اے ۔ اوہنے سانوں جگ وچ جمن لئی بنایا تے سانوں یسوع مسیح دے بپتسمے تے اوہدے صلیبی لہو دے راہیں ساڈے سارے پاپاں توں بچایا ، ایس لئی پئی اوہنے سانوں ایتھوں تیک پئی جگ دے بناؤن توں پہلوں لَے کے پالےہون لئی اپنے سکے پُتراں تے دھیاں وانگر پہلوں توں مقرر کیتا ۔ ایس لئی نہ صرف اوہ ساڈیاں حیاتیاں تے موتاں نوں، سگوں ہر اک حرکت نوں جان دا اے ۔ اوہنوں پتہ ہیگا اے پئی اسیں کدوں جمے ساں ؟اسیں کون جمے ساں ؟ساڈی کدوں ویاہ ہویا ؟کدوں ساڈے بچے جمے؟ تے ساڈیاں حیاتیاں وچ اسیں کیہ کجھ کیتا ؟ خُدا نے جیہڑا ساڈیاں حیاتیاں بارے سارا  کجھ جان  دا  اے سانوں پانی  تے
رُوح دی خوشخبری دتی تاں پئی اسیں یسوع اُتے ایمان رکھ سکیے تے خُدادے پُتر بن سکیے ۔
خُدا سانوں مُڈھوں جان دا سی تے اوہنے سانوں مُڈھوں مقرر کیتا ۔ رومیوں ۸ : ۳۰ دسدا اے ،     ” تے  جنہاں نوں اوہنے پہلوں  توں  مقرر کیِتا اوہناں نوں  سدیا وی تےجنہاں  نوں سدیا  اوہناں نوں راستباز وی بنایا تےجنہاں  نوں راستباز بنایا اوہناں نوں جلال وی دتا۔“  میَں بوہتا نئیں دہراسکدا پئی ایہہ بوہت خاص اے ، ایہہ ساڈے لئی اے پئی ایس حوالے نوں سمجھیے تے ایمان رکھیے ۔
بوہتے لوک اُتلی آیت نوں ہولی ہولی پاکیزگی دی خُدائی تعلیم بارے سمجھدے نیں۔ ایس حوالے اُتے مبنی — مطلب اے خُدا نے سانوں پہلوں توں مقرر کیتا ،سانوں بلایا ،تے سانوں راستباز بنایا تے سانوں جلال دتا—  اوہ دعویٰ کردے نیں پئی بھاویں اسیں اپنے دلاں وچ پاپ رکھدے آں ، خُدا سانوں پاپ توں اڈ سمجھدا اے ، تے پاکیزگی دے اک ویلے وچوں لنگھن دے بعدو ں اسیں جلالی بن جاواں گے ، جویں پئی ہولی ہولی مرحلے نیں جنہاں وچوں ہو کے اسیں پاک بن جاندے آں۔
کیہ خُدا نے یسوع مسیح وچ اوہناں نوں بلاؤن لئی سارے پاپیاں نوں پہلوں توں مقرر نئیں کیتا؟ اوہنے سانوں ساریاں نوں سدیا تے فیر وی کئی اوہدے بلاوے دا جواب نئیں دیندے ۔ اوہ عیسو تے قائن وانگر نیں ۔ اوہ ایہو جیہے لوک نیں جیہڑے دوزخ وچ گھلے جاندے نیں ۔
 
 
خُدا دے فضل وچ
 
خُداباپ نے اپنے اِکو اکلے پُتر یسوع مسیح وچ ، سانوں بلاؤن دا ارادہ بنایا ، تے سانوں لَے کے پالےہوئے بناؤن لئی پانی تے لہو نال ساڈے پاپاں نوں دھون دے راہیں اپنے سکیاں پُتراں وانگر پہلوں توں مقرر کیتا ۔ لوک جیہڑے حالے تیک خُدا کول نئیں جاندے بھاویں اوہ اوہناں نوں بلاؤندااے ، سارے خُدا دی مکتی توں باہر نیں۔ ایہوجیہے لوک اوہدے فضل توں باہر ، مطلب اے دوزخ جان دے حقدار نیں ۔ پر ایہو جیہے وی لوک نیں جنہاں نے خُدا دے بلاوے نوں منیا ۔ اوہ ایہہ آکھدے نیں ، ”یا خُداوندا بھاویں میَں اِنج دا ماڑا ہیگا واں ، کیہ تُوں میرے ورگے نوں قبول کریں گا ؟ “
خُداآکھدااے،  ” بنا شک میَں قبول کراں گا ۔ “
” سچ مُچ؟ کیہ تُوں مینوں قبول کریں گا جد پئی میَں بوہت ماڑا ہیگا واں ؟ “
” بنا شک میَں تینوں قبول کراں گا ۔ “
” یاخُداوندا ، میرے کول تینوں دین لئی کوئی خاص شے نئیں ہیگی اے ، میَں ایتھوں تیک تیرے نال وعدہ نئیں کر سکدا پئی میَں ہُن اگانہہ توں چنگا ای رہواں گا ۔ “
” میَں فیروی تینوں قبول کردا ہاں ۔ “
” مینوں پکا یقین نئیں ہیگا میَں چنگا ہو جاواں گا تے میَں بھاویں اِنج کرن دا گُن وی نئیں جان دا ۔ “
” فیروی میَں تینوں قبول کراں گا۔ “
” ایہہ ہوسکدا اے ایس لئی پئی تُوں مینوں نئیں جان دا ۔ تُوں میتھوں پریشان جاویں گا۔ “
کیہ اسیں بوہتی وار پریشانی محسوس نئیں کردے ، جویں اسیں کدھرے لُکنا چاؤہندے آں ،  جدوں سانوں پتہ اے اسیں کیہو جیہے آں ،تے فیر کوئی آکھدا اے  پئی اوہ سچ مُچ ساڈے اُتے بھروسہ کردا اے ؟ اسیں کاہدے لئی لُکنا چاؤہندے آں ؟ اسیں لُکناچاؤہندےآں  ایس لئی پئی اسیں چنگے ہون دے لائق نئیں ہیگے آں تے اسیں ایتھوں تیک پئی قائم نئیں رہ سکدے ، حالےتیک اسیں کیہ کرچُکے آں ۔
ایس لئی اسیں پچھدے رہندے آں ، ” کیہ تُوں مینوں قبول کریں گا بھاویں میَں بوہت ماڑا ہیگا واں ؟ کیہ تُوں سچ مُچ مینوں قبول کریں گا ؟ کیہ بھاویں مینوں تیرے اُتے ایمان رکھن دی اجازت اے ؟ کیہ کوئی میرے وانگر پاپاں توں معافی پا سکدا اے ؟ کیہ کوئی میرے وانگر راستباز بن سکدا اے بھاویں جدوں میَں آؤن والے دناں وچ وی بھلیائی کرن دے لائق نئیں ہوواں گا ؟ “ پر ساڈا خُدا جنگلی زیتون دے رُکھ نوں پھل دین والے زیتون دے رُکھ وچ بدلن دی طاقت رکھدا اے ۔
اسیں نسلی طور اُتے زیتون دے رُکھ آں، جیہڑے عادتوں جنگلی آں ، پر اسیں خوشخبری دے راہیں پھل دین والے زیتون دے رُکھ بن گئے آں جیہڑی یسوع نے سانوں دتی اے ۔ اوہنے سانوں بلایا ، جیہڑے بچ نئیں سکدے سگوں پاپ کردے آں ۔ کیہ اوہنے سانوں بلایا جدوں اسیں صرف تھوڑے بوہت ماڑے ساں ؟ اوہنے سانوں بلایا بھاویں اسیں خاص کرکے گُناں وچ چاؤہن والے ساں ۔ اوہنے سانوں بوہت چوکھیاں غلطیاں تے ڈوہنگیاں کمیاں دے ہوندے ہویاں یسوع مسیح وچ سانوں بلایا۔ اوہنے سانوں بلایا جیہڑے ماڑے ساں ۔ اوہنے سانوں بلاؤن دے بعدوں کیہ  کیتا ؟ اوہنے ساڈے سارے  پاپ
چُک لَے تے سانوں اپنی راستبازی دتی تاں پئی اسیں ہمیش دے حیاتی پا سکیے ۔
اوہنے کویں ایہہ سارے کم کیتے ؟ متی دے باب ۳ وچ سانوں دسیا گیا اے پئی یسوع جگ وچ آیا تے ساری راستبازی نوں پوریاں کرن لئی بپتسمہ لیا جیہڑی خُدا نے سارے لوکاں لئی تیار کیتی ۔ یسوع نے یوحنا کولوں بپتسمہ لیا ، اپنے آپ اُتے سارے لوکاں دے سارے پاپاں نوں چُک لیا ، ایہناں سارے پاپاں نوں چُک کے سولی اُتے مر گیا تے فیر تیجے دیہاڑے جگ دے پاپاں توں بچاؤن لئی مویاں وچوں جیوں اُٹھیا ۔ اوہنے سانوں نویاں حیاتیاں دتیاں تے اِنج کرن دے راہیں، اوہنے سانوں راستباز بنایا تے ساڈے سارے پاپاں نوں دھودتا ۔ یسوع نے سانوں بلایا ، پانی تے لہو نال ساڈے پاپاں نوں دھودتا ، سانوں خُدا دی راستبازی دتی ، سانوں بے پاپ بنایا ،تے فیر سانوں خُدا دے  پُتر  بناؤندے ہویاں جلال دتا جنہاں نوں اوہنے راستباز بنایا ۔
ایس لئی یسوع نے سانوں اسمان وچ جان تے خُدا دے پُتراں وانگ ہمیش لئی جیون لئی جلال دتا ۔ کیہ تُسیں ایہنوں سمجھدے او؟ پر دینی خُدائی تعلیماں ایہہ سکھاؤندیاں نیں ، بھاویں تُسیں پاپی او، جے تُسیں یسوع اُتے ایمان رکھدے او ، تُسیں ہولی ہولی ویلا لنگھن دے نال پاک ہوجاووگے ، تے اوس ویلے جدوں تُسیں مرو گے ، تُسیں خُدادے اگے ،کامل بندے وانگر کھلوووگے ۔ ایہہ سچیائی دے خلاف اے ۔ ایہہ کھراایمان نئیں ہیگا ۔ایس طرحاں دا ایمان پاکیزگی دے خُدائی خیال لئی اے ، سچیائی اُتے قائم نئیں اے ۔
خُدا وند نے سانوں ساڈے پاپاں توں بچایا ، تے خُدا نے سانوں پہلوں توں مقرر کیتا ، سانوں بلایا ، سار ا کجھ اِکو ای وار پانی تے لہو نال ساڈے پاپاں نوں دھودتا ، اپنے پُتر بنایا ، جیہڑے پاک نیں تے سانوں برکت دتی تاں پئی جلال نال خُدا دی بادشاہی وچ جاسکیے ۔ ایہہ سچیائی اے ، تے ایہہ ہے کیویں مطلب اے ساریاں برکتاں نوں یسوع مسیح وچ صرف اک فقرے وچ رکھن دے راہیں اوہ سچیائی دے بارے وچ بولیا ۔ ایہہ حوالہ ہولی ہولی پاکیزگی دے خُدائی خیالاں دے ست مرحلیاں دے بارے وچ گل نئیں کردا پیا ۔ ایہہ حوالہ نئیں دسدا پیا پئی اسیں ہولی ہولی ست مرحلیاں وچوں لنگھن دے بعدو ں سارے دے سارے پاک ہو کے کامل بن جاواں گے ۔
رومیوں ۸ : ۳۰   اِنج نئیں آکھدا پئی خُدا سانوں یسوع اُتے ایمان رکھن دے بعدوں بلاوےگا یاں پئی اسیں پاک ہو جاواں گے ، جویں اسیں ہولی ہولی وڈیرے ہوندے جاندے آں ۔ ایہہ حوالہ ایہہ وی نئیں آکھدا پئی اسیں ہولی ہولی اک قدم دے بعدوں دوجے قدم پاکیزگی دی پوڑی اُتے چڑھدے آں جدوں تیک اسیں خاص کر کے کامل پاکیزگی تیک نئیں اپڑ جاندے  ۔ جدوں اسیں  یسوع مسیح نوں جانیا ، تے یسوع مسیح نے سانوں بلایا  ، اوہنے ساڈے پاپاں نوں اکو ای وار تے ہمیش لئی پانی تے لہو نال معاف کردتا ۔ جدوں اسیں سچیائی مطلب اے اوہدی خوشخبری نال خُدا کول آؤندے آں اسیں اوہدے ہتھاں وچ قبول کیتے جاواں گے۔
کئی لوک آکھدے نیں ، ” میَں بھاویں پہلوں اپنے دلی پاپاں نوں نئیں جان دا ساں ، پر کلام سُنن دے بعدوں ، میَں ایہناں دااحساس کرنا شروع کردا پیاں ہاں ۔پرایناں ویلیاں وچ جو یاد کر سکدا ہاں اک یاں دو پاپ نیں تے میَں خورے آؤن والے دناں وچ پاپ کردا رہواں گا ، ایس لئی میَں نئیں سوچدا میَں خُدا اُتے ایمان رکھ سکدا ہاں ۔  “پر ایہہ ٹھیک نئیں ہیگا ۔ ایہدی تھاں اُتے سانوں اِنج سوچنا چاہی دا اے ، ”آہ! ایہہ ٹھیک اے ۔ میَں اپنے ذاتی پاپاں نوں نئیں جان دا سا ں بھاویں جویں میَں اوہناں نوں کردا پیا ساں ، خُدا دا سارا کلام ٹھیک اے ، مینوں لازمی طور اُتے اوہدے کلام اُتےایمان رکھنا چاہی دا اے ، پر میَں اوہدے مطابق جیوندے رہن دے لائق نئیں ہیگا واں ۔ میَں نہ بچن دے لائق ڈاہڈا پاپی آں ، جیہڑا  دوزخ دا حقدار اے ، ایہہ ہے کیوں یسوع آیا سی ۔  “
اسیں یسوع اُتے ایمان رکھن تے پاپاں توں معافی  پاؤن دے راہیں بے پاپ بن جاندے آں ۔ اسیں پاک ہوجاندے آں تے خُدادے پُتر بن جاندے آں ۔ ایس لئی پئی  اسیں خُدادے پُتر بن گئے آں، اسیں اسمان وچ جان تے جلال پاؤن دے لائق آں۔ ایہہ خُدا دی راستبازی تے سچیائی اے ۔
خُدا نے سانوں مُڈھوں مقرر کیتا ، سانوں سدیا ، راستباز بنایا تے سانوں جلال دتا ۔ تُسیں خورے سوچ سکدے او پئی ہولی ہولی پاکیزگی دی خُدا ئی تعلیم اِنج آکھدے ہویاں ٹھیک اے ،  ” میَں ہولی ہولی  بدل جاواں گا تے بے پاپ بن جاواں گا ۔ “پر تُسیں راستباز بنائے گئے تے پاک ہیگے او ، سارا کجھ اکو ای وار اوسے ویلے ہویا جدوں تُسیں پانی تے رُوح دی خوشخبری اُتے ایمان رکھیا ۔ تہاڈا دل ویلا لنگھن دے نال نال نئیں بدل دا ۔ تہاڈا دل سارے دا سارا اکو ای وار بے پاپ بن جاندااے ، تے ایہہ تہاڈا ایمان اے جیہڑا ہولی ہولی ودھدا اے جویں تُسیں خُدا دے کلام تے اوہدی کلیسیا اُتے ایمان رکھدے او ۔
ساڈا ایمان ہولی ہولی ودھدااے جیہڑے ویلے اسیں خُدا دے کلام دے راہیں ودھدے آں، اخیریں اک نقطہ تیک اپڑن تیک جتھے اسیں ایتھوں تیک پئی دوجیاں نوں سکھا سکدے آں ۔ پر ایہہ خیال پئی اسیں بوہتے کامل تے بوہتے بے پاپ بنن دے بعدوں اسیں خُدا دے پُتر بن جاواں گے ، پاک  کتاب
اُتے مبنی نہیں اے ۔ اسیں اکو ای وار پاک تے بے پاپ بن جاندے آں ۔
کیہ خُدا نے یسوع مسیح وچ اپنے مُڈھو ں مقررکیتے جان دے مطابق سانوں سدیا؟ آہو ، اوہنے سدیا ۔ اوہنے سانوں یسوع مسیح وچ سدیا تے سانوں راستباز تے بے پاپ بنایا ۔ خُدا نے سانوں راستباز بنایا تے سانوں یسوع مسیح دے راہیں بے پاپ بنایا ، سانوں اپنے پُتراں وانگر جانیا ، تے سانوں اپنی بادشاہی وچ لَے جان لئی جلال دتا ۔
اسیں یسوع مسیح دی مکتی اُتے ایمان رکھن دے راہیں اکو ای وار راستباز بن گئے آں ، جنھے خُدا دی ساری راستبازی پوری کیتی اے ۔ اسیں برکت پائی اے ایس لئی پئی اسیں خُدا دے بلاوے نوں منیا تے ایمان رکھیا پئی یسوع نے سانوں ساڈیاں کمیاں دے ہوندے ہویاں ، بے پاپ تے خُدا دے راستباز پُتر بناؤن مطلب اے اوہدی بادشاہی دے لوک بناؤن لئی ساڈے سارے پاپ دھودتے ۔
ایس لئی پاکیزگی دی خُدا ئی تعلیم غلط اے ۔ ایہدے وچ کوئی دانائی نئیں  ۔ پاک کتاب سانوں سچیائی نال دسدی اے ، ” تے  جنہاں نوں اوہنے پہلوں  توں  مقرر کیِتا اوہناں نوں  سدیا وی تےجنہاں  نوں سدیا  اوہناں نوں راستباز وی بنایا تےجنہاں  نوں راستباز بنایا اوہناں نوں جلال وی دتا۔“ ایمان ہولی ہولی ودھدا اے ، پر پاپاں توں معافی ، خُدا دے پُتر بننا تے اسمان وچ جانا—ایہہ سارا اکو ای وار تے ہمیش لئی ہوندا اے ۔ کیہ تُسیں ایس گل اُتے ایمان رکھدے او ؟
اسیں  پانی تے رُوح دی خوشخبری اُتے ایمان رکھن دے راہیں خُدا دے پُتر بنن دے لائق ساں ۔ خُدا  ساڈیاں نکمیاں حیاتیاں نوں پانی تے رُوح دے فضل دے راہیں سانوں ساڈے سارے پاپاں توں  بچاچُکیا اے ۔ کیہ اسیں اپنی مکتی لئی کسے وی طریقے نال خُدا لئی کوئی کم کیتا ؟ کیہ اسیں راستباز بنن وچ حصہ پایا ؟ ککھ نئیں ہیگا جیہڑااسیں ارادہ کیتا ،تے کوئی وی بھاویں اپنے جمن توں پہلوں یسوع اُتے ایمان رکھن دا فیصلہ نئیں کردا ۔ کیہ کوئی ہیگا اے جیہڑایسوع اُتے ایمان رکھن دا فیصلہ کرداا ے ، بھاویں اوہ حالے تیک اپنی ماں دے ٹِہڈ وچ اے ؟
اسیں اوہناں توں سچیائی سُنی جیہڑے پانی تے رُوح دی خوشخبری دی منادی کردے سن ، سوچیا پئی ایہہ سچ ہیگا اے ، تے اپنے آپ وچ سوچیا ،  ” میَں کوئی چناؤ نئیں رکھدا سگوں ایہدے اُتے ایمان رکھدا ہاں ؛ اک پاپی بندے نوں جیہڑا میرے وانگر اے لازمی طور اُتے ایہدے اُتے ایمان رکھنا چاہی دا اے ۔ “ اوس ویلے توں اگانہہ ، اسیں پانی تے رُوح دی خوشخبری اُتے ایمان  رکھنا  شروع  کیتا، پاپاں  توں
مکتی پائی تے خُدا دے پُتر بن گئے ۔
صرف راستباز خُدا دے پُتر نیں ۔ خُدا سدا اوہناں نوں ہمیش دی دولت تے اسمانی بادشاہی دی وڈیائی نال جلال دیندااے ۔ ایہہ ہےسارا جلال پاؤنا  کیہ اے ۔ خُدا نے ایہہ برکتاں ایمانداراں نوں دتیاں نیں جیہڑے پانی تے رُوح دی خوشخبری نوں من دے نیں ۔
خُداوند دی وڈیائی ہووے !