Search
አማርኛ
አማርኛ
በኮቪድ-19 እና በዓለም አቀፉ የመላላኪያ አገልግሎት መዛባት ምክንያት ‹ነጻ የታተመ መጽሐፍ አገልግሎታችንን› ለጊዜው አቋርጠናል፡፡
በዚህ ሁኔታ ምክንያት በዚህ ጊዜ መጽሐፎቻችንን ለእናንተ መላክ አንችልም፡፡
ይህ ወረርሽኝ በቅርቡ እንዲያበቃና የፖስታ አገልግሎት እንዲጀምር ጸልዩ፡፡

ስብከቶች፤

مضمون 10: مُکاشفہ(مُکاشفہ دی کتاب اُتے تفسیر)

[21-2باب] سانوں لازمی اوس قِسم داایمان رکھنا چاہی دا جیہڑا خُدا نوں پسند اے (مُکاشفہ ۲۱:۱۔۲۷)

سانوں لازمی اوس قِسم داایمان رکھنا چاہی دا جیہڑا خُدا نوں پسند اے
)مُکاشفہ ۲۱:۱۔۲۷)
 
خُدانے سانوں نواں اسمان تے نویں زمین دتی اے ۔ خُداسانوں دسدااے پئی ہُن تُسیں کیہ ویکھدے او ،یعنی پہلااسمان تے پہلی زمین تے ایہدے نال دیاں ساریاں شیواں ، ساریاں غائب ہوجان گئیاں ، تے یعنی اوہ سانوں اوہناں دی تھاں اُتے اک نواں اسمان ،اک نویں زمین تے اک نواں سمندر دیوے گا ، تے ایس نویں بنائی گئی کائنات وچ ساریاں شیواں نویاں کردیوے گا ۔ ایہدا مطلب اے پئی خُداوند خُدا نواں اسمان تے نویں زمین اوہناں پاک لوکاں نوں اپنے انعام وانگر دیوے گا جیہڑے پہلی قیامت وچ حصہ لَئے چُکے سن ۔ ایہہ برکت خُدا ولوں انعام اے جیہڑا اوہ اپنے پاک لوکاں اُتے وارے گا ، جیہڑے اپنے پاپ توں معافی پا چُکے نیں ۔
ایس لئی خُدا ایہہ برکت اوہناں پاک لوکاں نوں دیوے گا جیہڑے پہلی موت وچ شامل ہوئے سن ۔ ایس برکت دی صرف اوہناں پاک لوکاں نوں اجازت اے جیہڑے یسوع مسیح ولوں دتی گئی پانی تے رُوح دی پاک خوشخبری اُتے ایمان رکھن د ے سبب ، اپنے پاپاں توں معافی پا چُکے نیں ۔ ایس طرح ساڈا خُداوند پاک لوکاں دا لاڑا بن جاوے گا ۔ ہُن توں اگانہہ ، سارا جیہڑا ووہٹی دا کم باقی اے لاڑے دی راکھی ، برکت ، تے قدرت نال لیلے دی ووہٹی وانگر کپڑے پاؤنا اے ، تے اوہدی جلالی بادشاہی وچ سدا تیکر جلال نال زندہ رہنا اے ۔
ایہہ حوالہ سانوں ایہہ وی دسدااے پئی پاک شہر ، نواں یروشلیم ، اسمانوں اُتریا ۔ ایہہ کوئی عام شہر نئیں سی ایس لئی پئی سانوں دسیا گیا اے پئی اسمانوں اُترداہویا شہر ، اینا سوہنا سی جنہاں اک ووہٹی اپنے گھر والے لئی شنگار کردی اے ۔
خُدا پاک لوکاں لئی پاک شہر تیار کر چُکیا اے ۔ ایہہ شہر یروشلیم دا شہر ، خُدا دی ہیکل اے ۔ ایہہ
ہیکل صرف خُدا دے پاک لوکاں لئی تیار کیتی گئی اے ۔ تے ایہہ یسوع مسیح وچ سارے پاک لوکاں لئی ، ایتھوں تیکر پئی خُداوند خُدا دے ایس جگ نوں پیدا کرن توں پہلوں تیار کیتی گئی اے ۔ ایس لئی پاک لوک رہ نئیں سکدے سگوں اپنے ایمان نال خُداوند خُدا دا شکر کردے نیں تے اوہدے فضل دی ایس نعمت لئی شکر گزاری کردے نیں ۔
ایہہ ساریاں شیواں — یعنی پاک لوک خُدا دے لوک بن گئے نیں تے یعنی اوہ اِنج اوہناں دا خُدا بن گیا اے—خُدا ولوں ڈوہلیا گیا فضل تے ایہو جیہی نعمت اے جیہڑی پاک لوک اوہدے کولوں پانی تے رُوح دی مکتی دے کلام اُتے ایمان رکھ کے پاچُکے نیں ۔
ایس لئی ، اوہ سارے جیہڑے خُداوند دی ہیکل وچ جان لئی مبارک نیں تے اوہدے نال زندہ رہندے نیں سدا تیکر خُدا دا شکر ادا کرن گے تے اوہنوں جلال دین گے ، ایس لئی پئی پاک کتاب سانوں دسدی اے پئی خُدا اوہناں دے اتھرُو پوہنجھ دیوے گا ، یعنی اوتھے ہور موت ، نا ای رونا ،نا ای ہور کوئی دکھ ،ہووے گا ، تے پئی پچھلیاں گلاں ساریاں مک گئیاں ہون گئیاں ۔ بھاویں غم ، رونا ، پیڑ ، موت ، ہاڑے تے پریشانی ہُن ایس دنیا وچ ہیگے نیں ، نویں اسمان تے نویں زمین اُتے ایہو جیہاں ساریاں شیواں مک گئیاں ہون گئیاں ۔ اوہ جیہڑے خُداوند ولوں دتے گئے نویں اسمان تے نویں زمین اُتے زندہ رہندے نیں ہور پریشانی دے اتھرُو نئیں وگاؤن گے یاغم وچ نئیں رون گے ایس لئی پئی اپنے سوہنیاں نوں گواؤنا ،اوتھے فیر کدی نا ہووے گا ۔
جد نویں اسمان تے نویں زمین اُتے پاک لوکاں دے جان دا ایہہ ویلا آوے گا ،پہلااسمان ،پہلی زمین تے اوہدے سارے دکھ سوکھے طریقے نال مک جان گے، تے سارا کجھ جیہڑا پاک لوکاں نوں اڈیکدا اے اپنی جلال دیاں زندگیاں تے سدا تیکر ایس نویں اسمان تے نویں زمین اُتے خُدا نال ساریاں برکتاں دی زندگیاں بسر کرنیاں ہون گئیاں ۔ خُدا پہلی دنیا دےسارے ادھورے پن نوں لَے لوے گا تے ایس دنیا نوں کامل بناوے گا ۔
باب ۲۱ دا خاص حوالہ سانوں نویں اسمان تے نویں زمین دے بارے وچ دسدا اے ، جیہڑے باب ۲۰ وچ دسی گئی ہزار ورہیاں دی بادشاہی دے لنگھن دے بعد وں، ایس دنیا دی مکمل بربادی دے بعد واقع ہووے گا۔ باب ۲۰ دی ، کوئی وی شے جیہڑی ایتھوں تیکر پئی دوروں ایس زمین نال تعلق رکھدیاں سن ساریاں مک گئیاں نیں ۔ مخالفِ مسیح (پشُو)دا زمانہ ، جھوٹھیاں نبیاں ، اوہدے منن والیاں ،تے اوہناں دا جیہڑے خُدا اُتے ایمان نئیں رکھدے سن سگوں ایس دنیا وچ اوہدے خلاف کھلو چُکے سن ، سارے مک گئے نیں ۔ جویں ای اوہ سارے اگ وچ سُٹے گئے جد ہزار ورہیاں دی بادشاہی اپنے مکن ویلے تیکر آگئی ، ہُن اکو تھاں جتھے اوہ ویکھے جا سکدے نیں دوزخ اے ۔
ایس طرح ، باب ۲۱ وچ ، خُدا سانوں نویں اسمان تے نویں زمین دے بارے وچ دسدااے جیہڑا اوہ پاک لوکاں نوں دیوے گا ، یعنی کاملیت دی ایہو جیہی تھاں جتھے کدی کوئی پاپی نئیں جا سکدا ۔بالکل جویں جد تُسیں جنگلی پشُو ویکھنا چاؤہندے او تاں تُسیں چڑیا گھر جاندے او ، جد ایہہ ویلا آوے گا ، ہر کوئی جیہڑا شیطان تے اوہدے ساتھیاں نوں ویکھنا چاؤہندا اے اوہنوں دوزخ داسفرکرنا پوے گا ۔
اوس تھاں اُتے جتھے خُدا سانوں نواں اسمان تے نویں زمین دیوے گا ، ساڈا خُداوند ، وی ، ساڈے نال زندہ رہوے گا ۔ خُدا ساڈے لئی پاک شہر نوں سوہنے قدرتی نظاریاں تے شاندار ہریاں باغاں نال وی تیار کر چُکیا اے ۔ جد نواں اسمان تے نویں زمین آؤن گے ، پہلی دُنیا دیاں ساریاں شیواں تے سارا ادھورا پن مک گیا ہووے گا ، صرف سچ وجودرکھے گا ، تے کامل پاک لوک سارے اسمانی تخت اُتے ہمیش تیکر بادشاہی کرن گے ۔
 
 
اپنی موجودہ حالت بارے اپنے دل نا توڑو
 
موجودہ زمانہ ہنیرے تے پریشانی دا زمانہ اے ۔ ایس زمانے وچ اوہناں لئی آس کدھرے نیں ہیگی ، جنہاں دا آؤن والا ویلا صرف بے یقینی دے جال وچ پھسیا ہویا اے ۔ ایس لئی کئی واری ، اسیں پریشانی تے لاچاری محسوس کردے آں ایتھوں تیکر پئی بھاویں اسیں خوشخبری دی منادی کردے پئے آں ۔ جتھوں تیکر میری ذات اے ، میرا دل بوہت وار ایس سببوں ڈُب چُکیا سی ، پر جد پئی مُکاشفہ دا کلام پڑھن تے اوہدے حوالیاں دی وضاحت کردیاں ہویاں ، میَں محسوس کر چُکیاہاں پئی پاک لوک تے خُدا دے خادم جیہڑے اخیری ویلے نوں جردے پئے نیں ،ایہناں نوں پریشان ہون دی کوئی لوڑ نئیں ہیگی ۔ مینوں احساس کراؤن دے سبب پئی موجودہ دکھ جرنے تےمصیبتاں صرف عارضی نیں ،تے یعنی اک شاندار دنیا میری اکھیاں دے اگے کھلوتی اے ، خُدا میرے دل نوں کدی دوبارہ دکھی نا ہون دی طاقت دے چُکیا
اے ۔
جے اسیں صرف اپنے موجودہ حالات ول دھیان کردے آں ، ساڈیاں زندگیاں بناں شک دبیاں ہویاں ، غمگین تے رُکھیاں ہون دا سبب نیں، تے اسیں نا ٹلن والیاں مصیبتاں دے سبب دل ٹُٹن دا رُحجان رکھدے آں جنہاں دا اسیں جد پئی خوشخبری دی سیوا کردےہویاں سامنا کر دے آں ۔پر خُداوند دیاں ساریاں برکتاں دے سبب جیہڑیاں ساڈے تیکر اپڑدیاں پئیاں نیں ، بھاویں اوہ ساڈی بدنی اکھاں دے سبب نئیں ویکھیاں جا سکدیاں ، ساڈے دل ساریاں پُٹھیاں راہواں توں آزاد نیں ، تے ایہدی بجائے وڈی آس تے خوشی نال بھرے ہوئے نیں ۔ سبب کاہدے لئی سانوں پریشانی وچ زندہ رہن دی بالکل کوئی لوڑنئیں ہیگی ایہہ ہے پئی ساڈا خُدا پہلوں ای سانوں نواں اسمان تے نویں زمین دے چُکیا اے ۔
کیہ تُسیں نویں اسمان تے نویں زمین اُتے ایمان رکھدے او ؟ بھاویں تُسیں ایہدا تجربہ نئیں کیتا ، کیہ تُسیں ایہدی بارے کدی سوچیا اے ؟
ایہہ زمین ،وی ، کجھ سوہنیاں تھاواں رکھدی اے ۔ جد ااسیں ایس دنیا وچ اک چنگے رہن والے ماحول بارے گل کردے پئے آں ، اسیں بوہت وار بُوٹیاں، دریاواں دے نال نال ہریاں چرن والیاں تھاں ، باغاں وچ پھُلاں ، تے چنگیاں لوکاں دے بارے گل کردے پیے آں ۔ لازمی صاف وگن والا پانی وی ہونا چاہی دا اے ، تے ایہدے وچ کوئی بھیڑے لوک ، نا ای کسے شے دا گھاٹا ہونا چاہی دا اے ۔ جد ایہو جیہاں ساریاں شرطاں پوریاں ہوندیاں نیں ، اسیں آکھدے آں پئی ایہہ بوہت سوہنا ماحول اے ۔ پر اسمان اُتے ، ہر شے کامل اے ، اوہدے توں بوہت چوکھا تے ودھیا اے یعنی ساری دنیا وچ ودھیا تھاں دے بارے وچ کیہ فخر کیتا جا سکدا اے ۔
فیر ، سوال ایہہ ہیگا اے ، کنہاں لئی خُدا ایہنوں تیار کر چُکیا اے تے اینی کاملیت نا ل بنایاگیا ایہہ پاک شہر اسمانوں اُتارے گا ۔ خُدا ایہہ شہر پاک لوکاں دے علاوہ کسے دوجے لئی نئیں بنا چُکیا اے ۔ ایس لئی اسیں پہلی زمین دےبارے وچ ہر شے نوں بالکل بھُل سکدے آں ۔ بھاویں اسیں ہزار ورہیاں دی بادشاہی وچ ،اگلی دنیا وچ ، باب ۲۱ وچ دسے گئے نویں اسمان تے نویں زمین وچ جلال نال زندہ رہواں گے ، جنہوں خُدا سچ مُچ سانوں دینا چاؤہندا اے ، اسیں ایتھوں تیکر پئی وڈے جلال نا ل خُداوند نال زندگی بسر کراں گے ۔ اِنج کرن لئی ، خُدا ساڈے کول یسوع مسیح نوں گھل کے سانوں بچا چُکیا اے ، تے سانوں زندہ کرے گا تےچُکے گا ۔ جی اُٹھے یسوع دے بدن وانگر کامل ہوئے بدناں وچ خُداوند دے نال زندہ رہنا خوشی
تے برکت دی زندگی دے خیال دی اک کامل تصویر نوں مہیا کردا اے ، جیہڑی سانوں اڈیکدی اے ۔
 سانوں نواں اسمان تے نویں زمین دی بادشاہی دین لئی ، خُدا تہانوں تے مینوں زمین اُتے پیدا ہون دی اجازت دے چُکیا اے ، تے اوہ سانوں بچا چُکیا اے ۔ جے پاک لوک ایس دنیا وچ خُدا دی گہر ی دُور اندیشی دے خیال دے وچ زندہ رہندے نیں، اوہ سارے چنگی طرح ، کسے مشکل نوں جریوں بغیر ، دکھ جرن ، یادبے جان نوں جریوں بغیر زندگی بسر کرسکدے نیں ۔ ایہہ دھیان کرن دے سبب پئی خُداوند ساڈے لئی کیہ کر چُکیا ا ے تے اوہ آؤن والے دناں وچ کیہ کرے گا ، اسیں بہادری نال تے ٹھیک ٹھیک طریقے نال زندہ رہ سکدے آں ۔
پر جے اسیں اپنے آپ اُتے تے ایس زمین دی سیاست ، معاشیات تے معاشرے دی پریشان حالت اُتے دھیان کردے آں ، کوئی دوجا چارہ نئیں ہیگا سگوں پریشان ہونا اے ۔ تہانوں تے مینوں کدی نئیں بھلنا چاہی دا پئی خُدا سانوں نواں اسمان تے نویں زمین دے چُکیا اے ، تے یعنی اسمان ساڈا اپنا اے ۔ ایہہ سچ اے ۔ ایہہ سچیائی اے ۔ ایتھوں تیکر پئی جے ایہہ دنیا تہانوں دکھی کرن دی کوشش کردی اے ، کدی ایس توں غمگین ناہوو ، نا ای غصے وچ آؤ، سگوں صرف خُداوند ول ویکھو ۔ تے اپنے زندگی آس نال بسرکرو ، ایمان رکھدے ہویاں پئی خُداوند بناں شک اپنے پاک لوکاں نوں نواں اسمان تے نویں زمین دے چُکیا اے ۔
خُدا نے آکھیا پئی اوہ ساریاں شیواں نوں نواں بنادیوے گا ۔ اوہنے یوحنا نوں ایہہ اکھر لکھن دا حکم دتا ، یعنی اوہ ساریاں شیواں نواں بنا دیوے گا ، ” کیوں جو ایہہ گلّاں سَچ تے برحق نیں۔ “ اوہ جیہڑے پہلی قیامت وچ حصہ لیند ے نیں اوس تھاں اُتے زندہ رہن دیاں ایہہ ساریاں برکتاں وی لین گے جتھے خُدا ساریاں شیواں نوں نواں بنا چُکیا ہووے گا ۔ ایہہ ایہو جیہی شے اے جیہدا اسیں اپنے انسانی خیالاں نال ایتھوں تیکر پئی سوچ وی نئیں سکدے ، سگوں ایہہ شے ہیگی اے جیہڑی خُدا اپنے پاک لوکاں لئی تیار کر چُکیا اے ۔ پاک لوک تے ساریاں شیواں اِنج سارا جلال ، شُکر ، عزت تے وڈیائی خُدا دی ایس وڈے کم نوں پورا کرن لئی سدا تیکر کر ن گے ۔
پاک کلام فرماندا اے پئی ، ”ہُن ایمان آس کیتیا ں ہویاں شیواں دا پک تے اَن ڈِٹھ شیواں دا ثبوت اے ۔“(عبرانیوں ۱۱ :۱)۔ دوجے اکھراں وچ ، بھاویں اسیں ایہہ شیواں اپنیاں اکھیاں نال نئیں ویکھ سکدے ، پر ایہہ ساریاں شیواں سچ نیں ۔ اسیں اپنے سارے پاپاں توں مکتی یافتہ ہون دی آس رکھ چُکے ساں ، تے اپنی مکتی اُتے ایمان رکھن دے سبب اسیں بناں شک مکتی یافتہ ہو گئے آں ۔ تے ایس لئی پئی اسیں ، مکتی یافتہ ہون دے بعدوں ، تمنا کر چُکے آں تے اک ساری تے کامل دنیا وچ سدا تیکر زندہ رہن دی آس رکھ چُکے آں جیہدے وچ کوئی گھاٹا نئیں ہیگا ، خُدا بناں شک ساڈے لئی ایس آس نوں پورا کر چُکیا اے ۔ ہر شے جیہدی اسیں چاہت تے آس رکھ چُکے آں ساریاں سچیاں ہون گئیاں ، ایس لئی پئی ساڈیاں ساریاں آساں سچیاں نیں ۔
مُکاشفہ باب ۱۰ وچ ، جد خُداوند نے اپنے فرشتہ دے سبب یوحنا نوں فرمایا جیہڑا سمندر تے سُکے اُتے کھلوتا ہویا سی ، تے جد یوحنا نے اوہناں نوں لکھن دی کوشش کیتی ، خُدا نے اوہنوں نا لکھن دا حکم دتا ۔ ایہناں گلاں وچکار جیہڑیاں خُداوند نے فرمائیاں لازمی ایہو جیہاں گلاں نیں جیہدی اوہنے لکھن دی اجازت نئیں دتی ، ایس لئی پئی ایہہ اوہ بھیت نیں جیہڑے اوہ صرف ساڈے پاک لوکاں اُتے ظاہر کرے گا ۔
ایہہ بھیت ساڈے چُکے جان دے علاوہ کوئی دوجا بھیت نئیں ہیگا ۔ ٹھیک ٹھیک جانن لئی کیہڑے ویلے اُتے ساڈا چُکیا جانا واقع ہووے گا ، سانوں لازمی پہلوں سوچنا چاہی دا اے پئی خُدا دی ستویں تُرہی ایس بھیت نوں حل کرن لئی فیصلے والا اشارہ اے ۔ فیر ،ستویں تُرہی کدوں پھوکی جاوے گی ؟ ستویں تُرہی اودوں پھوکی جاوے گی جد وڈے دکھ جرن دے ست ورہیاں دے زمانے دے پہلے ساڈھے تِن ورہے تھوڑے جیہے لنگھ جان گے ۔ایہہ ہے کدوں پاک لوکاں دا جی اُٹھنا تےچُکیا جانا واقع ہووے گا ۔ تے جد چُکیاجانا مکمل ہووے گا ، ستاں پیالیاں دیاں آفتاں مختصراً بعد وچ واقع ہون گئیاں ۔
کجھ ورہے پہلوں ، میَں اک سرناویں ، ”آسیہ دیاں ست کلیسیاواں“دے عنوان اُتے اک بیداری دی عبادت منعقد کیتی ۔ میَں آسیہ دیاں ایہناں ستاں کلیسیاواں اُتے اک کتاب وی لکھی ، تے ایہدا سیاق و سباق اوہو ای وضاحت کردا اے ایتھے میَں موجودہ حوالے دی کیہ وضاحت کر چُکیا ہاں ۔ کتاب دے پیغاماں ول دھیان دیندیاں ہویاں میَں محسوس کرسکدا ہاں پئی بھاویں ایہہ زمانہ بالکل بوہت بدل گیا اے ، پر خُدا دا کلام بوہت چوکھے ویلے لنگھن دے باوجود تھوڑا جیہا وی نئیں بدلیا ۔
کیہ تُسیں نویں اسمان تے نویں زمین اُتے زندہ رہنا چاؤہندے او ، ایہو جیہی تھاں اُتے جیہڑی خُدا تہاڈے لئی تے میرے لئی تیار کر چُکیا اے ؟ ایس دنیا دا ادھورا پن اوتھے ہور نئیں ہیگا ۔ جد خُدا نے فرمایا پئی اوہ ساریاں شیواں نوں نواں بنادیوے گا ، کئی لوک ایہدی اِنج آکھدیاں ہویاں تشریح کر سکدے نیں پئی اوہ تبدیل کرے گا پئی پہلوں ای کیہ ہیگا سی ، جویں دوبارہ بناؤن وچ ہوندا اے ۔ پر باب ۲۱ تے اوس توں اگے ، ایہہ مکمل طور اُتے پوری نویں دنیا اے ، مکمل طور نال پہلی دنیا توں وکھ فرق اے ۔ نویں سریوں جمے ہوئے لوک ، خُداوند ولوں مکمل طور نال نویں بنائے گئے ایس نویں اسمان تے نویں زمین اُتے جان گے ، ایس لئی پئی اوہ ایہو جیہے لوک نیں جیہڑے خُدائی کماں وچ حصہ لے چُکے نیں ۔ دوجے اکھراں وچ ،ایہہ ہے ایس لئی پئی اوہ خُدا ئی بادشاہی وچ حصہ لین والے بن گئے نیں ۔
اپنے سارے خیالاں دا پیسے دھیلے دیاں سوچاں اُتے بھروسہ رکھن دی بجائے ، سانوں لازمی روحانی خیالاں بارے سوچنا چاہی دا اے ۔ میَں دعا منگدا ہاں تُسیں سارے پاک لوکاں تے خادماں دی اوہ قِسم بنوجیہڑی ایمان رکھد ی اے پئی خُدا ساڈیاں جاناں نوں سچ مُچ کیہ دے چُکیا اے ،تے یعنی ایمان نال توکل رکھدی اے ، یعنی ایہہ شیواں ، بھاویں اوہناں نیں اجے پورا ہونا اے ، بناں شک سچیاں ثابت ہون گئیاں ۔ خُدا نے سانوں وڈیاں برکتاں دتیاں نیں ۔
خُدا نے فرمایا پئی اوہ اوہناں نوں مفت حیاتی دے پانی دا سوتا دیوے گا جیہڑے ترہیائے نیں ۔ ایہہ کلام پانی تے رُوح دی خوشخبری بارے گل نئیں کردا ۔ جد لوک ایمان رکھدے نیں پئی خُدا اوہناں نوں ایس زمین اُتے اپنی خوشخبری دین دے سبب تے اوہناں نوں اوہناں دے پاپاں توں بچاؤن دے سبب اوہناں دی تریہہ نوں مکا چُکیا اے ، ایہہ ، وی ، حیاتی دا پانی پین وانگر اے ۔ پر ایہہ حوالہ ایتھے صرف ایہدے بارے گل نئیں کردا ، سگوں ایہہ حیاتی ے پانی بارے گل کردا اے جیہڑا نویں اسمان تے نویں زمین وچ پیتا جاوے گا ،جتھے جیہڑاوی ایہہ حیاتی دا پانی پیوے گا کدی نا مرے گا ، اوہد ا بدن یعنی خُداوند وانگر بدل جاوے گا تے اوہ اوہدے نال سدا تیکر زندہ رہوے گا ۔
ساڈا خُداوند ارادہ بنا چُکیا اے تے ایہہ ساریاں شیواں،بالکل شروع توں اخیر تیکر پوریاں کرچُکیا اے ۔سارے کم جیہڑا خُداوند کر چُکیااے ، اوہنے اوہناں نوں اپنے آپ تے اپنے پاک لوکاں لئی پورا کیتا اے ۔ ایسے طرح ، پاک لوک ہُن آپ خُدا دے سبب مسیح دے چیلیاں وانگر سدے گئے نیں ، تے اوہدے ارادے مطابق خُدا دے اصل پُتر بن گئے نیں ۔ اوہ جیہڑے پانی تے رُوح دی خوشخبری اُتے ایمان رکھن دے سبب پاک لوک بن گئے نیں ، خُدا دی ایس وڈی محبت نال اپنے ایمان تے اوہدے انوکھے کماں بارے ہُن سوچدے نیں ، پئی اوہناں کول سدا تیکر شکر کرن تے خُداوند دی وڈیائی کرن وچ کوئی گھاٹا نئیں ہیگا ۔
جویں خُداوند نے فرمایا ، ” مَیں تریہائے نُوں زِندگی دے پانی دے چشمے وِچوں مُفت پیاواں گا، “ اوہ بناں شک اپنے پا ک لوکاں نوں حیاتی دے پانی دا چشمہ دے چُکیا اے تے اوہناں نوں سدا دی زندگی دے سواد لین دی اجازت دے چُکیا اے ۔ ایہہ بوہت وڈی نعمت اے جیہڑی خُدا اپنے پاک لوکاں نوں دے چُکیا اے ۔ ہُن پاک لوکاں نوں سدا تیکر نویں اسمان تے نویں زمین اُتے رہنا حیاتی دےپانی دے چشمے وچوں پینا اے ، جیہدے نال اوہ کدی دوبارہ سدا تیکر ترہیائے نا ہون گے ۔ دوجے اکھراں وچ ، پاک لوک ہُن خُدا دے پُتر بن گئے نیں جیہڑے سدادی زندگی رکھن گے ، بالکل خُداوند خُدا وانگر تے جلال وچ زندہ رہن گے ۔ میَں اک واری فیر سانوں ایہہ وڈی برکت دین لئی خُداوند خُدا دا شکر ادا کردا ہاں تے اوہدی وڈیائی کردا ہاں ۔
 
 

اصل خوشخبری اُتے ایمان سانوں دُنیا توں جتن دے لائق بناؤندااے

 
 ہُن یوحنا رسول اپنے موجودہ زمانےول مُڑدا اے ۔ آیت ۷ فرماندی اے ، ” جیہڑا جتے اوہ ای ایہناں شیواں دا وارث ہوئے گا۔ تے مَیں اوہدا خُدا ہوواں گا۔ تے اوہ میرا پُتر ہوئے گا۔ “ ”جیہڑے جتے گا“ ایتھے اوہناں بارے گل کردا اے جیہڑےخُداوند ولوں دِتے گئے اپنے ایمان دی راکھی کر دے نیں۔ایہہ ایمان ساریاں پاک لوکاں نوں ساریاں مصیبتاں تے ازمائشاں توں جتن دی اجازت دیندااے۔خُداوند خُدااُتے تے اوہدے ولوں دتی گئی پانی تے رُوح دی خوشخبری اُتے ، خوشخبری دی کھری محبت اُتے ، ساڈا ایمان اوہ ایمان اے جیہڑا سانوں دنیا دے سارے پاپاں اُتے ، خُدا دی عدات وچ ،ساڈے ویریاں اُتے ، ساڈیاں اپنیاں کمیاں اُتے تے مخالفِ مسیح دے دتے ہوئے دکھاں اُتے فتح دیندا اے ۔
میَں اپنے خُداوند خُدا دا سانوں ہر شے اُتے فتح دین لئی اوہدا شکر کردا ہاں تے اوہدی وڈیائی کردا ہاں ۔ پا ک لوک خُداوند خُدا اُتے ایمان رکھدے نیں اپنے ایمان دے نال مخالفِ مسیح اُتے فتح پا سکدے نیں ،ایس لئی پئی اوہناں وچوں ہر اک تے ہر کسے نوں ،ساڈا خُداوند خُدا ایہہ ایمان دے چُکیا اے جیہدے نال اوہ اپنے سارے ویریاں دے خلاف اپنی جنگ وچ فتح پاسکدے نیں ۔ ہُن خُدا پاک لوکاں نوں ، جیہڑے اِنج اپنے ایمان نال دنیا تے مخالفِ مسیح اُتے فتح پا چُکے نیں ، یعنی اوہدا نواں اسمان تے نویں زمین پاؤن دی اجازت دے چُکیا اے ۔ میَں اپنے خُدا دی سانوں ایہہ پکا ایمان دین لئی شکر گزاری تے وڈیائی کردا ہاں ۔
خُدا نے اوہناں نوں جیہڑے فتح پاؤندے نیں فرمایا ، اوہ اوہناں نوں مالکی وانگر اپنا نواں اسمان تے نویں زمین دیوے گا ، جتھے کوئی اتھرُو ، نا ای غم ، نا ای پریشانیاں نیں ۔ صرف اوہ جیہڑے فتح پاؤندے نیں ایہنوں پاؤن دے لائق ہون گے ۔ ایس فتح دا ایمان پانی تے رُوح دی خوشخبری اُتے ایمان اے جیہڑاخُداوند سانوں دے چُکیا اے ۔ ایہہ ایمان جیہدے نال اسیں دنیا ، اپنے پاپاں ، اپنے آپ دیاں کمیاں تے مخالفِ مسیح اُتے فتح پا سکدے آں ۔
اپنے ایمان دے انعام وانگر جیہڑا مخالفِ مسیح اُتے فتح پاؤندا اے ، اسیں چھیتی نال خُدا کولوں نواں اسمان تے نویں زمین پاواں گے ۔ ایس لئی پئی اسیں ایہہ ساریاں برکتاں اپنے ایمان دے سبب پاواں گے ، جد مخالفِ مسیح ساڈے خلاف کھلوندا اے تے ساڈے ایمان نوں کھون دی کوشش کرے گا ، اسیں ایمان دے سبب اپنے ویریاں دیاں ساریاں چالاں اُتے فتح پاسکدے آں ۔اوہ جیہڑے فتح پاؤندے نیں خُدا دے کلام اُتے ایمان رکھدے نیں ، کوئی معنی نئیں رکھدا دوجے اوہناں نوں کیہ آکھدےنیں، تے سچیائی اُتے اپنے ایمان دی راکھی کردے نیں پئی خُداوند نے اوہناں دے سارے پاپاں نوں لے لیا اے ۔ ساڈے وچوں اوہناں نوں جیہڑے ، اپنے پاپاں دی معافی پاؤن تے نویں سریوں جمن دے بعد وں، ہُن اخیری دناں وچ زندہ رہندے پئے آں ، لازمی ایمان نال مخالفِ مسیح دیاں چالاں اُتے فتح پاؤنی چاہی دی اے ۔
اسیں سچیائی اُتے اپنے ایمان نال تھوڑا چر رہن والے ڈاہڈیاں دُکھاں اُتے غالب آسکدے آں یعنی خُداوند سانوں اپنا نواں اسمان تے نویں زمین، ایسےطرح ساری دولت ،شان و شوکت تے جلال دے چُکیا اے ۔ جد اک ودھیا دنیا سانوں اڈیکدی اے ، کیہ اسیں ایس ایمان دی خوشخبری دا سچ مُچ انکار کراں گے ؟ جد کل دیاں ودھیا شیواں ساڈے کول آؤن گئیاں ، جد حیران کرن والیاں انوکھیاں شیواں سانوں اڈیکن گئیاں جے اسیں صرف اوس دن تیکر ڈٹے رہواں گے ، تاں کیہ اسیں اج دی مشکل دے خلاف کھلون دے لائق نئیں ہوواں ؟ اسیں سارے ڈٹ کے رہ سکدے آں ۔
پاک کلام سانوں بوہت چوکھا ’ایمان ، آس تے محبت‘ دے بارے وچ لوڑی دیاں نیکیاں لئی
آکھدا اے جیہڑیاں پاک لوکاں نوں اپنے دلاں وچ رکھنیاں چاہی دیاں نیں ، اوہ جیہڑے آس رکھدے نیں ، ایمان رکھن دے سبب اپنے موجودہ دکھاں اُتے فتح پاؤن دے بوہت لائق نیں یعنی ایہہ ساریاں برکتاں جیہڑیاں خُدا نے اوہناں نوں دتیاں نیں اوہناں دی سچیائی نیں ۔ تے ایس لئی پئی اخیری زمانے دیاں آفتاں صرف تھوڑے چر لئی رہن گئیاں، تے ایس لئی پئی خُدا وی اپنے پاک لوکاں نوں اوہناں توں بچن دے طریقے دسے گا ، اسیں سارے ڈٹ کے رہ سکدے آں ۔ میَں آس رکھدا ہاں پئی تُسیں ، ایس ویلے توں اگے ، پہلو ں ای نویں اسمان تے نویں زمین اُتے جاووگے تے ایمان دی بادشاہی وچ زندہ رہوو گے ۔
ایمان دی بادشاہی وچ ، ایس سارے کلام نوں لازمی تہاڈی صرف بدنی کھل دی بجائے ، تہاڈے دل اُتے ایمان دے سبب اثر کرنا چاہی دا اے ۔ جد اِنج ہوندا اے ، تہاڈا دل تگڑا ہو جائے گا جویں ای ایہنوں نویں طاقت ملدی اے ،تے ایہہ آس پاوے گا ۔
سارے پاک لوک اخیری دناں وچ شہید ہون گے ۔ اوس آس ول ویکھدے ہویاں جیہڑی اسیں نویں اسمان تے نویں زمین اُتے رکھی ہوئی اے ، اسیں نویں طاقت نال شہادت نوں قبول کرن دے اہل ہون توں بوہت چوکھےلائق آں ۔
اپنے اصل وچ ، ساڈا خُداوند خُدا سچیائی دا تے محبت دا خُدا اے ۔ فیر ،اوہ کیہڑے لوک نیں جیہڑے مُڈھلےطوراُتے خُدا دے اگے ڈرپوک نیں ؟ ایہہ اوہ لوک نیں جیہڑے خاندانی پاپ نال جمے نیں تے جیہڑے خُداوند ولوں دتی گئی پانی تے رُوح دی خوشخبری دے کلام نال اپنے سارے دلی پاپاں توں پاک نئیں ہوئے ۔ ایس لئی پئی اپنی اصلیت وچ اوہ شیطان دی خُدا توں بوہتی پوجا کردے نیں ، اوہ خاص کر کے شیطان دے خادم بن گئے نیں ۔ ایس لئی پئی اوہ خُداوندخُدا دے اگے بدی دی پوجا کردے نیں ،تے ایس لئی پئی اوہ نور توں بوہتی ہنیرے نال محبت کردےتے اوہدے پچھے چلدے نیں، یعنی اوہ خُداوند خُدا دے اگے ڈرپوک نیں ۔ اوہ سارے جیہڑے خُدا دے اگے ڈرپوک نیں اگ تے گندھک نال بلن والی جھیل وچ حصہ لین گے ۔
ایہہ اک خاص سچیائی اے پئی ایہہ لوک ، جیہڑے آپ اپنے دلاں وچ اپنے پاپاں دے سبب ہنیرے وچ نیں ، کوئی انتخاب نئیں رکھدے سگوں خُدا کولوں ڈرنا اے ۔ جویں اوہناں دیاں زندگیاں جیہڑے شیطان نال تعلق رکھدے نیں ہنیرے نال محبت کردیاں نیں ، اوہ یسوع اگے ڈرپوک نیں جیہڑا نور بن گیا اے ۔ ایس لئی اوہناں نوں لازمی خُدا دے اگے اپنی ایہہ بدکاری تے کمی لے کے جانی چاہی دی اے تے اوس توں اپنے پاپاں دی معافی پاؤنی چاہی دی اے ۔ اوہ جیہڑے خُداوندولوں دتی گئی پانی تے رُوح دی خوشخبری اُتے ایمان نئیں رکھدے خُدا دے اگے وڈے پاپی نیں تے اوہدے ویری نیں ۔
جویں اوہناں دیاں زندگیاں گندیاں کماں نال تعلق رکھدیاں نیں تے ایس لئی پئی اوہ خُدا ، یعنی محبت دے خلاف کھلوندے نیں تے ہر پاپ کردے نیں جیہڑا اوتھے جھوٹے نشاناں پچھے چلدا ، ہر طرح دے بُتاں دی پوجا کردا ، تے ہر طرح دے جھوٹ بولدا اے ، اوہ خُدا دے سچے انصاف دے سبب سارے اگ تے گندھک نال بلن والی جھیل وچ سُٹے جان گے ۔ ایہہ اوہناں دی دوجی موت دی سزا اے ۔
دوجی موت اوہناں لوکاں نوں دتی جاوے گی جیہڑے دوزخ وچ سُٹے جان گے ، تے ایہہ اوہ لوک نیں جیہڑے ڈرپوک نیں ،جیہڑے ایمان نئیں رکھدے ، جیہڑے نفرت دے لائق نیں ، جیہڑے قاتل ، بھیڑیاں کرتوتاں کرن والے ، جادو کرن والے تے بتاں دے پوجاری نیں ، جیہڑے مخالفِ مسیح تے اوہدے ساتھیاں دے نال نال ، ہُن خُدا دی محبت نوں قبول نئیں کردے ۔ اوہ لوک جیہڑے اوہدے اُتے ایمان نئیں رکھدے سب توں بوہتے بدکار نیں ۔ پاک کلام سانوں دسدااے پئی ایہہ سارے بدکاراگ تے گندھک نال بلن والی جھیل وچ سُٹے جان گے ۔ ایہہ ہے کیوں پاک کلام ایہنوں دوجی موت آکھدا اے ۔
 اوہ جیہڑے دوجی موت وچ شامل ہون گے مرن گے نئیں ایتھوں تیکر پئی جد اوہ اگ وچ سُٹے جان گے ،تے ایس اگ وچ سُٹے جان دے اصل ارادے لئی ، اوہ ایہو جیہے بدناں نال زندہ ہون گے جیہڑے سدا تیکر زندہ رہن گے ۔
خُدا اُتے ایمان نا رکھن والے اگ تے گندھک دی جھیل وچ سُٹے جان لئی دوبارہ زندہ کیتے جان گے ۔ دوجی قیامت ، جیہڑی مریوں بغیر دوزخ دی اگ وچ سدا دے دکھ لیاوے گی ، اوہناں ساریاں لئی سانبھ کے رکھی گئی اے جیہڑے ایمان نئیں لیاؤندے ۔
ست آفتاں نال بھرے ست پیالیاں دے لُدن دے تھوڑے چر بعدوں، ہزار ورہیاں دی بادشاہی پوری ہووے گی، تے جد ایہدے ہزار ورہے بسر ہوجان گے ، پاک لوک نویں اسمان تے نویں زمین اُتے جان گے ۔ ایس جملے وچ ، ”میَں تینوں ووہٹی یعنی لیلے دی بیوی وکھاواں۔ “ایتھے لیلے دی بیوی اوہناں بارے دسیا گیا اے جیہڑے یسوع مسیح ولوں دتی گئی پانی تے رُوح دی خوشخبری دے سبب تے ایہدے اُتے ایمان رکھن دے سبب مکتی یافتہ ہو گئے نیں ۔
 
 

پاک شہر داجلال تے خوبصورتی بیان توں باہر اے

 
یروشلیم دا شہر پاک شہر بارے دسدااے جتھے پاک لوکاں نے اپنے لاڑے نال رہنا اے ۔ ایہہ شہر جیہڑا یوحنا نے ویکھیا بناں شک سوہنا تے ودھیا سی ۔ ایہہ جسامت وچ بوہت وڈاسی ، اندروں باہروں مہنگیاں پتھراں نال سجیا ہویا ، صاف تے ستھرا سی ۔ فرشتے نے یوحنا نوں وکھایا یسوع مسیح دی ووہٹی اپنے لاڑے نال زندگی بسرکرے گی ۔
مہنگیاں پتھراں نال بنائے گئے اک محل وچ رہن بارے سوچو ۔ ایس شہر وچ جیہڑا باراں وکھ وکھ قِسماں دے پتھراں نال بنایا گیا سی ، اوہ جنہاں نیں لیلے دی ووہٹی بننا اے سدا تیکر زندہ رہن گے ۔ ایہہ شہر خُدا دا انعام اے جیہڑا اوہ لیلے دی بیوی نوں دیوے گا ۔ ایہہ حوالہ سانوں دسدا اے پئی یروشلیم شہر بوہت لشکارے ماردا اے ،تے یعنی ایہدی روشنی بوہت مہنگے پتھروانگر ، یشب دے پتھر وانگر ، شیشے وانگر صاف اے ۔
ایس لئی خُدا دا جلال شہر تے اوہناں ساریاں نال اے جیہڑے ایہدے وچ رہندے نیں۔ خُدا دی بادشاہی یعنی نور دی اے ، تے ایسے طرح اوہ جیہڑے اپنےسارے ہنیریاں ، کمیاں تے پاپاں توں پاک ہوگئے نیں ایس شہر وچ جا سکدے نیں تے ایہدے وچ زندہ رہ سکدے نیں ۔ ایسے طرح ، ایس پاک شہر وچ جان لئی ، سانوں ساریاں نوں لازمی صرف پانی تے رُوح دی خوشخبری دے اصل کلام اُتے ایمان رکھنا چاہی دا اے جیہڑا ساڈا خُداوند سانوں دے چُکیا اے ۔
ایہہ حوالہ فرماندا اے پئی باراں بوہیاں نال شہر دی کندھ وڈی تے اُچی اے ۔ تے حوالہ ایہہ وی فرماندا اے پئی اوہناں بوہیاں اُتے ناں لکھے ہوئے نیں ، تے پئی ایہہ ناں بنی اسرائیل دے باراں قبیلیاں دے ناں نیں ۔ خُدا سانوں دسدااے پئی اوہ بناں شک تے اصل وچ اپنے پاک لوکاں لئی ، اک وڈی تے اُچی کندھ دے آل دوالے والا ایہہ شہر بنا چُکیا اے ۔
ایہہ اک رُوحانی اشارہ اے پئی ایس پاک شہر وچ جان دا راہ یعنی بوہت اوکھا اے ۔ دوجے اکھراں وچ ، ایہہ سانوں دسدااے پئی خُدا دے اگے اپنے سارے پاپاں توں انسانی کوششاں نال یاں خُدا دی مخلوق دی یعنی دنیا دے پیسے دھیلے نال مکتی یافتہ ہونا ناممکن اے ۔ اپنے سارے پاپاں توں چھٹ جان تے خُدا دے پاک شہر وچ جان لئی ایہہ خاص کر کے ضروری ہیگا اے پئی اسیں یسوع دے باراں چیلیاں وانگر اوہو ای ایمان رکھیے ، ایمان جیہڑا پانی تے رُوح دی خوشخبری دے سچیائی اُتے یقین رکھدا اے ۔ ایسے طرح ، کوئی بندہ جیہڑا پانی تے رُوح دی خوشخبری اُتے ایہہ ایمان نئیں رکھدا کدی ایس پاک شہر وچ جا نئیں سکدا ۔
خُداوندخُدا ولوں مقرر کیتے گئے رکھوالیاں وانگر کھلوتے باراں فرشتیاں دے راہیں شہر دی رکھوالی ہوندی اے ۔ دوجے پاسے ، جملہ ”اوہناں[بوہیاں]اُتے ناں لکھے ہوئے نیں “سانوں دسدا اے پئی ایس شہر دے مالک پہلوں ای چُنے گئے نیں ، ایس لئی پئی ایہدے مالک آپ خُدا تے اوہدے لوکاں توں علاوہ کوئی دوجے نئیں ہیگے ، تے شہر خُدا دےاوہناں لوکاں نال تعلق رکھدا اے جیہڑے ہُن خُدا دے پُتر بن گئے نیں ۔
پاک شہر اپنے چارے پاسیاں وچ شمال ، جنوب ، مشرق تے مغرب ول تِن تِن بوہے رکھدا اے ۔ میَں آس مند ہاں پئی خُداوندنے خاص کر کے سانوں ایتھے دسن لئی تِن بوہے دسے نیں یعنی اوہ خاص کر کے خوشخبری نال تعلق رکھدے نیں جیہدے اُتے اسیں ایمان رکھدے آں ۔ ۱۔یوحنا ۵:۷۔۸ دسدا اے پئی تِن نیں جیہڑے دونویں اسمان تے زمین اُتے کھری خوشخبری دی گواہی دیندے نیں ۔ صرف اوہ جیہڑے ایہناں تِناں گواہاں اُتے ، دونویں اسمان تے زمین اُتے ،ایمان رکھدے نیں، اسمان اُتے جا سکدے نیں ۔ اسیں ،نویں سریوں جمے ہوئے لوک ، خُدائے ثالُوث اُتے تے اوہدے سانوں پانی ، لہو تے رُوح دے سبب بچاؤن دے چنگے کم اُتے ایمان رکھدے آں ۔
ایہہ سچیائی پئی باراں چیلیاں دے ناں شہرپناہ دیاں باراں نِیہیاں اُتے لکھے ہوئے نیں سانوں دسدی اے پئی خُدا نے بالکل اوسے طرح کیتا اے جویں اوہنے وعدہ کیتا سی ، یعنی اوہ اوہناں دے ناں حیاتی دی کتاب وچوں کٹے گا نئیں سگوں اوہناں نوں لکھے گا ۔
یونانی وچ، اک فرلانگ ‘Stadion’ فاصلہ ناپن دی اکائی اے ، جیہڑی اج دی پیمائش دے مطابق تقریباً چھے سو فٹ (اک سو پنجاسی میٹر)اے۔جد پاک کلام سانوں دسدااے پئی اسمان اُتے چونہہ نکراں والے شہر دی پیمائش ہر پاسے باراں ہزار فرلانگ دی اے ، تاں ایہہ سانوں دسداپیا ا ے پئی ہر پاسے تقریباً دو ہزار دو سو ویہہ کلو میٹر یعنی (اک ہزار تِن سو نبے میل)نیں ۔ سانوں ایہہ وی دسیا گیا اے پئی ایہدی لمبائی ، چوڑائی تے اُچیائی برابر اے ۔ پاک شہر دا وڈا سائز سانوں دسدا اے صرف کنی خُدا دی بادشاہی وڈی تے جلالی اے ۔
پاک کلام دے مطابق نمبر ۴ دا مطلب دُکھ اے ۔ایمان جیہدا خُدا وند ساڈے توں مطالبہ کردا اے ایہو جیہی شے نئیں ہیگی جیہڑا صرف کوئی وی رکھ سکدا اے ، سگوں ایہہ ایمان صرف اوہ رکھ سکدے نیں جیہڑے خُدا دے کلام نوں قبول کردے نیں جویں ایہہ ہیگا اے ،ایتھوں تیکر بھاویں اوہ پورےطورایہنوں اپنے دلی ، انسانی خیالاں نال سمجھ نئیں سکدے ۔
مسیحیاں وانگر ،خُدا دے پاک شہر وچ صرف یسوع دی صلیب اُتے ، تے یعنی اوہ خُداوند خُدا تے مکتی داتا اے اُتے ایمان رکھن دے سبب وڑنا ناممکن اے ۔ بالکل جویں ساڈے خُداوند نے آپ فرمایا ، کوئی بندہ خُدا دی بادشاہی وچ جا نئیں سکدا اے جد تیکر اوہ پانی تے رُوح نال نا جمے ۔ لوک صرف نویں سریوں جم سکدے نیں جد اوہ ایمان رکھدے نیں پئی دنیا دے سارے پاپ یسوع اُتے لدے گئے سن جد اوہنے یوحنا بپتسمہ دین والے کولوں بپتسمہ لیا ،تے یعنی اوہنے اوہناں د ی تھاں اُتے اپنا لہو وگاؤن ، تے سولی اُتے مرن دے سبب اوہناں دے پاپاں دا فدیہ دتا ۔
جملہ،” تے شہر اجیہے سُچے سونے دا سی۔ جیہڑا سُچے شیشے وانگر ہوئے۔ “ سانوں دسدا اے پئی صرف اوہ جنہاں دا ایمان سونے وانگر اے — یعنی ، صرف اوہ جیہڑے سچ مُچ خُدا اُتے ایمان رکھدے نیں— ایہدے وچ وڑھ سکدے نیں۔ ایہہ سانوں دسدااے پئی ایمان جیہڑا کسے بندے نوں خُداونددے پاک شہر وچ جان دی اجازت دیندا اے ایس قِسم دا ایمان اے جیہڑا خُدادےکلام اُتے جویں ایہہ لکھیا ہویا اے ایمان رکھدا اے ، یعنی اکو ایمان جیہڑا کھرا اے تے ساری دنیا دیاں شیواں توں آزاد اے ۔ دوجے اکھراں وچ ، ایہہ سانوں دسدااے پئی کسے نوں لازمی ایہدے کھرے پن وچ خُدا دے پانی تے رُوح دے نویں سریوں جمن دے کلام نوں قبول کرنا چاہی چاہی دا اے ، سچ مُچ ایس کلام اُتے ایمان رکھنا چاہی دااے ،تے اپنے ایمان نوں کندن بناؤنا چاہی دا اے ۔
شہر پناہ دیاں نِیہیاں ساریاں قِسماں دے مہنگیاں پتھراں نال سجیاں ہویاں نیں ، سانوں دسداپیا اے پئی اسیں اپنے خُداوند دے کلام دے ایمان دے وکھ وکھ پہلوواں توں ودھ پھُل سکدے آں ۔ سانوں لازمی نظم ضبط اُتے مشتمل ، نا صرف پانی تے رُوح دی خوشخبری اُتے سگوں اسمان تے ہزار ورہیاں دی بادشاہی لئی آس والا ایمان رکھنا چاہی دا اے ۔ ایہہ سکھاؤن والا ایمان جد پئی موجودہ دکھاں نوں جردیاں ہویاں خُدا دے کلام دے سبب مل دا اے ۔
خُداوند پاک لوکاں نوں ناصرف اوہناں دے پاپاں دی معافی دی برکت ، سگوں اوہناں دی آس
دے پورے ہون دی برکت وی دے چُکیا اے ، یعنی اوہ جیہڑے اپنے پاپاں توں معاف ہو گئے نیں ہزار ورہیاں دی بادشاہی تے اسمان اُتے جان گے ۔ اسیں پاک لوک صرف سانوں نویں اسمان تے نویں زمین اُتے جان دے لائق بناؤن لئی خُدا دا شکر کر سکدے آں ، جتھے کدی نا دکھ ناای غم ہوئے گا ۔
پاک لوکاں نوں جنہاں نیں پاک شہر وچ جانا اے جد پئی ایس زمین اُتے ، پکیاں ہوکے اپنے ایمان دے مرکز نال اکٹھیاں ہوکے بوہتے صبر دی لوڑ اے ۔ دوجے اکھراں وچ ، اوہناں نوں جیہڑے خُداوند خُدا ولوں فرمائے گئے سچیائی دے کلام اُتے ایمان رکھدے نیں ، اپنے ایمان دی راکھی لئی بوہت ڈٹ کے رہن دی لوڑ اے ۔ جد اخیری ویلا آئے گا، مخالفِ مسیح ، ایمان دے ویری دا ویلا ، آجائے گا ۔
ایہہ مخالفِ مسیح، شیطان دے خادم وانگر ، ایمان رکھن والے بوہت سارے لوکاں اُتے اوہناں نوں اوہناں دے ایمان توں بھٹکاؤن لئی لبھدیاں ہویاں وڈے دکھ لیاوے گا ۔ جے لوک مخالفِ مسیح دے پاسے کھلون گے تے اپنے ایمان نوں چھڈ دین گے ، ناصرف اپنی پوہنچ توں باہر ہزار ورہیاں دی بادشاہی تے اسمان وچ نئیں جان گے ، سگوں اوہ شیطان دے نال نال دوزخ وچ وی سُٹے جان گے ۔
ایس لئی ، ازمائشاں ، دکھ جرن تے اخیری دناں دیاں آفتاں دے وچکار ، سانوں ساریاں نوں ڈٹ کے رہن دی لوڑ اے جیہڑا سانوں اپنے ایمان دی ڈٹ کے رہن دی راکھی کرن دی اجازت دیوے گا ، ایس لئی پئی ایہہ پکا صبر اوہ ہیگا اے جیہڑے نویں اسمان تے نویں زمین نوں ساڈی اپنی بنادیوے گا ۔
 نویں اسمان تے نویں زمین اُتے زندہ رہنا خُدا وند دیاں بانہواں وچ زندہ رہن وانگر اے ۔ ایس لئی پئی یسوع مسیح جیہڑا نویں دنیا دا نور بن گیا اے ، اوس پاک زمین اُتے ایہدے نوروانگر چمکدا اے ، تاں اوس اُتے سورج یا چن دے چمکن دی کوئی لوڑنئیں ہیگی ۔ یسوع مسیح ساڈا مکتی داتا ، بناؤن والا ، تے انصاف کرن والا اے ،تے نویں اسمان تے نویں زمین اُتے اوہ خُدا اے جیہڑا ساڈے نال زندہ رہوے گا ۔ اوہدے سبب اسیں اسمان اُتے جاندے آں ، تے اوس توں ساریاں برکتاں وگدیاں نیں ۔ پاک لوک کوئی دوجا کم نئیں کرن گے سگوں اپنے خُداوند دی سدا وڈیائی کرن گے ۔
کنگ جیمز ورژن وچ، آیت ۲۴ ہیٹھاں لکھے ہوئے طریقے نال لکھی ہوئی اے : ” تے قوماں ] جیہڑیاں مُکتی پا چُکیاں نیں[اوہدی روشنی وِچ ٹُرن پِھرن گِیاں۔ تے زمین دے بادشاہ اپنی شان شوکت دا سامان اوہدے وِچ لیاؤن گے۔ “ جد ایہہ ایتھے فرماندی اے پئی زمین دا جلال اسمان اُتے لیاؤن گے ، ایہدا مطلب ایہہ نئیں ہیگا پئی اوہ لوک جیہڑے پہلی زمین اُتے بادشاہی کر چُکے سن ،ایس لئی پئی اوہ دولت مند سن ، اوہ نویں اسمان تے نویں زمین اُتے اپنی شان شوکت دا سامان لیاؤن گے ۔ زمین ایتھے ہزار ورہیاں دی بادشاہی دی زمین بارے گل کردی اے ۔
بھاویں پا ک لوک مکتی یافتہ نیں تے اوسے طریقے نال سارے ہزار ورہیاں دی بادشاہی وچ جان گے ، اوہناں پر کئیاں نوں دس شہراں اُتے تے دوجیاں نوں پنج شہراں اُتے بادشاہی کرن دے ،یعنی جد پئی پہلی دنیا وچ زندہ رہ کے خوشخبری دی منادی لئی اوہناں دی ہمت اُتے بھروسہ کردے ہویاں وکھ وکھ اختیار دتے جان گے ۔
آیت ۲۴ سانوں ایتھے کیہ دسدی اے ایہہ پئی ایہہ بادشاہ جیہڑے وکھ وکھ اختیار رکھدے سن نویں اسمان تے نویں زمین وچ جان گے ۔ دوجے اکھراں وچ ، اوہ جیہڑے ہزار ورہیاں دی بادشاہت وچ بادشاہی کر چُکے سن نویں اسمان تے نویں زمین وچ جان گے جویں بادشاہ ، خُداوند اُتے اپنے ایمان نال تے اپنی ساری شان شوکت دا سامان لیاؤن گے ۔ ایس لئی ایہدا پہلی زمین نال کوئی تعلق نئیں ہیگا جتھے اسیں سارے ہُن زندگی بسر کردے پئے آں ۔
ایس لئی پئی نواں اسمان تے نویں زمین، جتھے پاک شہر ہیگا اے ، پہلوں ای پاک نور دے سبب بھرے ہوئے نیں ، ایہدے وچ رات نئیں ہو سکدی ،نا ای کوئی بھیڑے لوک ہو سکدے نیں ۔ ایس دنیا دے دونویں مسیحیاں تے غیر مسیحیاں وچکار اکو جیہے ، اوہ سارے جیہڑے پانی تے روح دی خوشخبری دی سچیائی نوں نئیں جان دے پلیت ، نفرت دے لائق تے جھوٹے لوک نیں ۔ ایس لئی اوہ پاک شہر وچ جا نئیں سکدے ۔ ایس لئی پئی جیہڑا وی پانی تے روح دی خوشخبری اُتےایمان رکھدا اے اسمان اُتے جاسکدا اے ، ایہو ای پانی تے روح دی خوشخبری اسمان دی کُنجی تے پاپ دی معافی دی کُنجی اے ۔ تہانوں لازمی احساس کرنا چاہی دا اے جد تُسیں پچھان دے تے ایمان رکھدے او پئی خُدا تہانوں ایہہ کُنجی دے چُکیا اے ، تہاڈا ناں حیاتی دی کتاب وچ لکھیاجاوے گا ۔ تے جد تُسیں ایس خوشخبری دی سچیائی نوں قبول کردے او ، تُسیں ایس پاک شہر وچ جان دی برکت دے کپڑے پاووگے ۔
ایمان رکھو پئی پاک شہر پہلوں ای تہانوں دتا گیا اے ۔ تے ایہدے مطابق ، آس رکھ کے اپنی زندگی بسر کرو۔ ایس لئی پئی ہر شے جنہوں اسیں موجودہ زمانے وچ ویکھدے آں ایس دنیاوی شیواں دیاں قدراں دے نظام دے مطابق ناپیاں جاندیاں نیں ، اسیں اصل وچ اندازہ نئیں لا سکدے اصل خوشی کیہ اے ۔ پر جد اسیں خُدا دے ناپن والے گز نال ناپ دے آں ، اسیں سارے احساس کر سکدے آں اوہ جیہڑے اپنی مالکی وچ اسمان رکھدے نیں سچ مُچ لیکھاں والے لوک نیں ۔ کیوں ؟ ایس لئی پئی چھیتی نال ای یا بعدوں ، دنیا دیاں ساریاں شیواں غائب ہوجان گئیاں ۔ اپنی آس کدھرے نا رکھن دی پیش کش کردے ہوئے ،اوہ ساریاں غائب ہو جان گئیاں جویں ای ڈاہڈے دکھ تے آفتاں اوہناں دے اخیر ویلے اُتے آؤن گئیاں ، یعنی جویں ایہہ خُدا دے منصوبے مطابق اے ۔کسے بندےدا بدنی شیواں اُتے آس رکھن توں بوہتا عقل دا گھاٹا کجھ نئیں ہو سکدا جیہڑیاں سوکھیاں ای گل جان گئیاں تےمٹی وچ سڑ جان گئیاں ۔
پر ایہدے اُلٹ ،اوہ جیہڑے آسمانی ہمیش دی بادشاہی اُتے اپنی آس رکھدے نیں جیہڑی نا گلے گی نا ای سڑے گی ، مبارک لوک نیں ۔ صرف اوہ جیہڑے بے پاپ نیں خُدا ولوں تیار کیتے گئے یروشلیم دے پاک شہر وچ جا سکدے نیں ۔ ایس دنیا وچ بوہت لیکھاں والے اوہ لوک نیں جیہڑے اپنی مالکی وچ اسمان پاؤندے نیں ، جنہاں دے پاپ سارے معاف ہوگئے نیں تے اوہ پاک کیتے گئے نیں ۔
سانوں لازمی خُدادے راہیں اپنیاں برکتاں والیاں زندگیاں بسر کرنیاں چاہی دیاں نیں ، اوہناں لوکاں وانگر جیہڑے سانوں نواں اسمان تے نویں زمین دین لئی ، اوہنوں جلال دیندے نیں ، تے جیہڑے اپنے آپ نوں اوس کھری خوشخبری دی منادی لئی وقف کردے نیں جیہڑی ہر کسے نوں تے ہر زندگی نوں اسمان اُتے جان دے لائق بناؤندی اے ۔
آؤ اسیں سارے ایہو جیہاں برکتاں وچ زندہ رہیے، آؤ اسیں خُدا کولوں محبت پائیے ،تے،جد اسیں اپنے خُداوند اگے حاضر ہوئیے ، آؤ اسیں سارے اوہدیاں بانہواں وچ سدا تیکر سینے لگ کے زندہ رہیئے ۔